Ko eni ‘ae Hala, ke ke ‘alu ‘i ai.

‘Isaia 55:6-7,
6 Mou kumi kia Sihova ‘i he lolotonga ‘oku fa‘a ‘ilo ia, ui kiate ia ‘i he‘ene kei ofi:
7 Tuku ke li‘aki ‘e he angahala hono hala, mo e tangata ta‘emā‘oni‘oni ‘ene ngaahi mahalo: pea tuku ke ne foki kia Sihova, pea te ne ‘alo‘ofa kiate ia; pea ki hotau ‘Otua, he te ne fakamolemole ‘o lahi ‘aupito.

He ‘oku tau angahala kotoa pe.

Loma 3:23,
He kuo fai angahala kotoa pē, pea tomui ‘i he fakamālō mei he ‘Otua.

Loma 3:10,
...“‘Oku ‘ikai ha tokotaha ‘oku mā‘oni‘oni, ‘oku ‘ikai ‘aupito ha taha:

Kuo pau ke tau fakatomala kotoa.

Luke 13:3
‘Oku ‘ikai: pea kapau ‘e ‘ikai te mou fakatomala, te mou mala‘ia kotoa pē foki.

Kau ‘Aposetolo 3:19,
Ko ia ke mou fakatomala, pea liliu, ke fakamolemole ai ho‘omou angahala, koe‘uhi ke hoko mai ‘ae ngaahi ‘aho ‘oe fakamo‘ui mei he ‘ao ‘oe ‘Eiki;

Na'a mo e ngaahi siasí kuo pau ke nau fakatomala.

Fakahā 2:1,5,
1 Tohi ki he ‘āngelo ‘oe siasi ‘o ‘Efesō;...
5 Ko ia ke ke manatu‘i ‘aia kuo ke hinga mei ai, pea fakatomala, pea fai ‘ae ngaahi ‘uluaki ngāue; ka ‘ikai, pea te u ha‘u to‘oto‘o kiate koe, ʻo hiki hoʻo tu‘unga maama mei hono potu, ‘o kapau ‘e ‘ikai te ke fakatomala.

Fakahā 3:19,
Ko kinautolu ‘oku ou ‘ofa ai, ‘oku ou valoki‘i mo taute‘i: ko ia ke ke fai feinga, mo fakatomala.

Kuo pau ke tau papitaiso.

Ma‘ake 16:16,
Ko ia ia ‘e tui mo papitaiso, ‘e mo‘ui; ka ko ia ia ‘e ‘ikai tui, ‘e mala‘ia.

1 Pita 3:21,
Pea ko hono tatau mo‘oni, ‘aia ko e papitaiso, ‘oku ne fakamo‘ui eni ‘akitautolu, (‘ikai ko e si‘aki ‘oe ‘uli ‘oe kakano, ka ko e fakamo‘oni ‘oe ‘atamai lelei ki he ‘Otua,) ‘i he toetu‘u ‘a Sisu Kalaisi:

‘Aki hono fakauku ‘i he vaí.

Sione 3:23,
Pea na‘e fai papitaiso ‘a Sione foki ‘i ‘Enoni ‘o ofi ki Selemi, koe‘uhi na‘e ‘i ai ‘ae vai lahi: pea na‘e ha‘u ‘ae kakai, ‘o papitaiso.

Kau ‘Aposetolo 8:36-39,
36 Pea ‘i he‘ena fononga ‘i he hala, na‘a na hoko ki he vai: pea pehē ‘e he ‘iunoke, “Vakai, ko e vai; ko e hā ‘oku ta‘ofi ke ‘oua na‘aku papitaiso?”
37 Pea pehē ‘e Filipe, “‘Oku lelei ia, ‘o kapau ‘oku ke tui‘aki ho loto kotoa.” Pea ne leaange, ‘o pehē, “‘Oku ou tui ko Sisu Kalaisi ko e ‘Alo ʻoe ‘Otua,”
38 pea fekau ‘e ia ke tu‘u ‘ae saliote: pea ne na ‘ohifo fakatou‘osi ki he vai, ‘a Filipe mo e ‘iunoke; pea ne papitaiso ‘i ai.
39 Pea kuo na ‘ohake mei he vai, pea ‘ave ‘a Filipe ‘e he Laumālie ‘oe ‘Eiki, pea na‘e ‘ikai toe mamata ‘e he ‘iunoke kiate ia: pea fononga ia ‘i hono hala kuo fiefia.

Fakatatau ki he sīpinga faka-'Aposetoló.

1 Samuela 15:22,
...Vakai, ‘oku lelei lahi ‘ae talangofua ‘i he feilaulau, pea ko e fakafanongo ‘i he ngako ‘oe fanga sipitangata.

Luke 24:45-49,
45 Pea toki to‘o ‘e ia ‘a honau loto, koe‘uhi ke nau ‘ilo ‘ae ngaahi tohi,
46 ‘o ne pehē kiate kinautolu, “Kuo pehē ‘ae tohi, pea ‘oku taau mo Kalaisi ke mamahi pehē, pea toetu‘u mei he mate ‘i hono ‘aho tolu:
47 Pea ke malanga‘aki ‘ae fakatomala, mo e fakamolemole ‘oe angahala ‘i hono hingoa, ‘i he pule‘anga kotoa pē, ‘o fuofua fai ‘i Selūsalema.
48 Pea ko e kau fakamo‘oni ‘akimoutolu ‘oe ngaahi me‘a ni.
49 Pea vakai, te u fekau kiate kimoutolu ‘ae tala ‘ofa ‘a ‘eku Tamai: ka mou tatali ‘i he kolo ko Selūsalema, kae‘oua ke mou ma‘u ‘ae mālohi mei ‘olunga.”

Kau ‘Aposetolo 2:36-39,
36 “Ko ia ke ‘ilo pau ‘e he fale kotoa pē ‘o ‘Isileli, kuo fakanofo ‘e he ‘Otua ‘ae Sisu ko ia, ‘aia naʻa mou tutuki ki he ‘akau, ko e ‘Eiki mo e Kalaisi.”
37 Pea ‘i he‘enau fanongo eni, na‘e mahuhuhuhu honau loto, pea na‘a nau pehē kia Pita mo hono toe ‘oe kau ‘aposetolo, ‘ae kau tangata mo e kāinga, “Ko e hā te mau fai?”
38 Pea toki pehē ‘e Pita kiate kinautolu, “Fakatomala, pea mou taki taha papitaiso ‘i he huafa ‘o Sisu Kalaisi, ke fakamolemole ai ‘ae angahala, pea te mou ma‘u mo e foaki ‘oe Laumālie Mā‘oni‘oni.
39 He ko e tala‘ofa eni kiate kimoutolu, mo ho‘omou fānau, pea mo kinautolu kotoa pē ‘oku mama‘o, ‘aia kotoa pē ‘e ui ‘e he ‘Eiki ko hotau ‘Otua.”

Ko kinautolu na'e 'ikai papitaiso 'i he Huafa mo'oni,
na‘e fekau‘i ke nau toe papitaiso.

Kau ‘Aposetolo 8:14-17,
14 Pea ‘i he fanongo ‘ae kau ‘aposetolo ‘i Selūsalema kuo tali ‘e Samēlia, ‘ae folofola ‘ae ‘Otua, na‘a nau fekau ‘a Pita mo Sione kiate kinautolu:
15 Pea ‘i he‘ena hoko hifo, na‘a na hūfia ‘akinautolu, ke nau ma‘u ‘ae Laumālie Mā‘oni‘oni:
16 (He na‘e te‘eki ai tō ia ki ha ni‘ihi ‘iate kinautolu: ka kuo nau papitaiso pe ‘i he huafa ‘oe ‘Eiki ko Sisu.)
17 Pea na‘a na toki hilifaki hona nima kiate kinautolu, pea nau ma‘u ‘ae Laumālie Mā‘oni‘oni.

Kau ‘Aposetolo 19:1-6,
1 Pea ‘i he kei nofo ‘a ‘Apolosi ‘i Kolinitō, na‘e ‘alu ‘a Paula ki ‘Efesō, ‘i he hili ‘a ‘ene fononga ‘i he ngaahi potu tuku‘uta; pea ne ‘ilo ai ‘ae ākonga ni‘ihi,
2 Pea ne pehē kiate kinautolu, “Kuo mou ma‘u ‘ae Laumālie Mā‘oni‘oni talu ho‘omou tui?” Pea na‘a nau pehē kiate ia, “‘Oku te‘eki ai te mau fanongo pe ‘oku ai ha Laumālie Mā‘oni‘oni.”
3 Pea pehē ‘e ia kiate kinautolu, “Pea ne mou papitaiso ki he hā?” Pea nau pehē, “Ki he papitaiso ‘a Sione.”
4 Pea toki pehē ‘e Paula, “Ko e mo‘oni na‘e papitaiso ‘aki ‘e Sione ‘ae papitaiso ki he fakatomala, ‘o ne pehē ki he kakai, ke nau tui kiate ia ‘e fakamuimui ‘iate ia, ‘a ia, ko Kalaisi Sisu.
5 Pea ‘i he nau fanongo eni na‘a nau papitaiso ‘i he huafa ‘oe ‘Eiki ko Sisu.
6 Pea kuo hilifaki ‘ae nima ‘o Paula kiate kinautolu, pea hoko kiate kinautolu ‘ae Laumālie Mā‘oni‘oni; pea na‘a nau lea‘aki ‘ae lea kehekehe, mo nau kikite.

Kau ‘Aposetolo 10:48,
Pea fekau ‘e ia ke nau papitaiso ‘i he huafa ‘ae ‘Eiki...

Ko e fē 'a e siasi 'oku totonu ke u kau ki aí?
'Ikai ha taha 'o kinautolu. - Tauhi kia Sisu Kalaisi.

Sione 3:3,
Pea lea ‘a Sisu, ‘o pehēange kiate ia, “Ko e mo‘oni, ko e mo‘oni, ‘oku ou tala kiate koe, Kapau ‘e ‘ikai fanau‘i fo‘ou ha tangata, ‘e ‘ikai ‘aupito mamata ia ki he pule‘anga ‘oe ‘Otua.”

Kaletia 1:8,
Kapau ‘e malanga‘aki ‘ekimautolu, pe ha ‘āngelo mei he langi, ha ongoongolelei kehe kiate kimoutolu, ka ‘oku ‘ikai ko ia na‘a mau malanga‘aki kiate kimoutolu, ke mala‘ia pe ia.

Na'a mo ha palōfita kuo pau ke 'oua na'á ne ta'efelotoi mo e folofolá.

1 Kolinitō 14:37,
Kapau ‘oku mahalo ‘e ha taha ko e palōfita ia, pe ko e fakalaumālie, tuku ke fakahā ‘e ia, ko e ngaahi me‘a ‘oku ou tohi atu kiate kimoutolu, ko e ngaahi fekau ia ‘ae ‘Eiki.

Kuo pau ke tau ma'u 'a e Laumālie Mā'oni'oní.

Kau ‘Aposetolo 1:4-5,
4 Pea ‘i he‘enau fakataha mo ia, na‘a ne fekau kiate kinautolu “Ke ‘oua te nau ‘alu ‘i Selūsalema, kae tatali ki he tala‘ofa ‘ae Tamai, ‘a ia, na‘e pehē ai ‘e ia, kuo mou fanongo ai ‘iate au.
5 He na‘e papitaiso mo‘oni ‘e Sione ‘aki ‘ae vai; kae ‘aho si‘i pē pea ‘e papitaiso ‘akimoutolu ‘aki ‘ae Laumālie Mā‘oni‘oni.”

Kau ‘Aposetolo 5:32,
Pea ko ‘ene kau fakamo‘oni ‘akimautolu ‘oe ngaahi me‘a ni; pea mo e Laumālie Mā‘oni‘oni foki, ‘aia kuo foaki ‘e he ‘Otua kiate kinautolu ‘oku talangofua kiate ia.

Sione 16:7-14,
7 Ka ‘oku ou tala ‘ae mo‘oni kiate kimoutolu, ‘oku ‘aonga kiate kimoutolu ‘eku ‘alu: he kapau ‘e ‘ikai te u ‘alu, ‘e ‘ikai ha‘u kiate kimoutolu ‘ae Fakafiemālie; ka ‘i he‘eku ‘alu, te u fekau ia kiate kimoutolu.
8 Pea ka ha‘u ia, te ne valoki ‘a māmani ‘i he angahala, pea ‘i he mā‘oni‘oni, pea ‘i he fakamaau:
9 ‘I he angahala, ko e me‘a ‘i he ‘ikai te nau tui kiate au;
10 ‘I he mā‘oni‘oni, ko e me‘a ‘i he‘eku ‘alu ki he‘eku Tamai, pea ‘e ‘ikai te mou toe mamata kiate au;
11 ‘I he fakamaau, ko e me‘a ‘i he fakamaau‘i ‘ae ‘eiki ‘o māmani.
12 “‘Oku kei lahi ‘ae me‘a ‘oku ou fie lea ai kiate kimoutolu, ka ‘oku ‘ikai te mou fa‘a kātaki ni.
13 Ka ‘i he ha‘u ‘ae Laumālie ‘oe mo‘oni, ‘e tataki ‘e ia ‘akimoutolu ki he mo‘oni kotoa pē: he ko ‘ene lea ‘e ‘ikai meiate ia; ka ko e me‘a kotoa pē kuo ne fanongo ki ai, ko ia ia te ne lea ‘aki: pea ‘e fakahā ‘e ia kiate kimoutolu ‘ae ngaahi me‘a ‘e hoko.
14 ‘E fakaongoongolelei‘i au ‘e ia: he te ne ma‘u ‘aia ‘oku ‘a‘aku, ‘o fakahā ia kiate kimoutolu.

Kau ‘Aposetolo 1:8,
Ka te mou ma‘u ‘ae mālohi, ‘oka hoko mai ‘ae Laumālie Mā‘oni‘oni kiate kimoutolu: pea ko ‘eku kau fakamo‘oni ‘akimoutolu ‘i Selūsalema, mo Siutea kotoa pē, mo Samēlia, pea ki he ngata‘anga ‘o māmani.”

Loma 8:9-11,
9 Ka ‘oku ‘ikai ‘i he kakano ‘akimoutolu, ka ‘i he Laumālie, ‘o kapau ‘oku nofo‘ia ‘akimoutolu ‘e he Laumālie ‘oe ‘Otua. Pea ko eni, kapau ‘oku ‘ikai ma‘u ‘e ha tangata ‘ae Laumālie ‘o Kalaisi, ‘oku ‘ikai ‘a‘ana ia.
10 Pea kapau ‘oku nofo‘ia ‘akimoutolu ‘e Kalaisi, pea kuo mate mo‘oni ‘ae sino, ko e me‘a ‘i he angahala; kae mo‘ui ‘ae laumālie, ko e me‘a ‘i he mā‘oni‘oni.
11 Pea kapau ‘oku nofo‘ia ‘akimoutolu ‘e he Laumālie ‘o ia na‘a ne fokotu‘u ‘a Sisu mei he pekia, pea ko ia na‘a ne fokotu‘u ‘a Kalaisi mei he pekia, te ne fakaake foki mo homou sino matengofua ‘aki hono Laumālie ‘oku nofo‘ia ‘akimoutolu.

Kau ‘Aposetolo 10:44-48,
44 Pea ‘i he kei lea‘aki ‘e Pita ʻae ngaahi lea ni, ne tō hifo ‘ae Laumālie Mā‘oni‘oni kiate kinautolu kotoa pē na‘e fanongo ki he lea.
45 Pea naʻe ofo ‘akinautolu ‘oe kamu na‘e tui, ‘akinautolu kotoa pē naʻe omi mo Pita, koe‘uhi kuo hua‘i hifo ki he Senitaile foki ‘ae foaki ‘oe Laumālie Mā‘oni‘oni.
46 He kuo nau fanongo ki he‘enau lea‘aki ‘ae lea kehekehe, mo fakamālō ki he ‘Otua, Pea toki pehē ‘e Pita,
47 “‘E fa‘a ta‘ofi ‘e ha taha ‘ae vai, ke ‘oua na‘a papitaiso ‘akinautolu ni, ka kuo nau ma‘u ‘ae Laumālie Mā‘oni‘oni ‘o hangē ko kitautolu?”
48 Pea fekau ‘e ia ke nau papitaiso ‘i he huafa ‘ae ‘Eiki...

Kuo pau ke tau ‘a‘eva ‘i he maama ‘o e Folofola.

1 Sione 1:5-7,
5 Ko eni ia ‘ae fekau na‘a mau fanongo meiate ia, mo fakahā kiate kimoutolu, ko e maama ‘ae ‘Otua, pea ‘oku ‘ikai ‘iate ia ha fakapo‘uli si‘i.
6 Kapau ‘oku tau pehē, ‘oku tau feohi mo ia, kae ‘a‘eva ‘i he fakapo‘uli, ‘oku tau loi, pea ‘ikai fai ki he mo‘oni:
7 Pea ka tau ka ‘a‘eva ‘i he maama, ‘o hangē ‘oku ‘i he maama ia, ‘oku tau feohi mo ia, pea ko e ta‘ata‘a ‘o Sisu Kalaisi ko hono ‘Alo ‘oku ne fakama‘a ‘akitautolu mei he angahala kotoa pē.

Teuteu ke fe‘iloaki mo ho ‘Otua... ‘Amosi 4:12

Mei he Tuleki... Ko eni ‘ae Hala, ke ke ‘alu ‘i ai.
‘e S.E. Johnson.

Pea 'oku 'ikai ha fakamo'ui 'i ha taha kehe: he 'oku 'ikai ke tuku mo ha hingoa ki he kakai 'i lalo langi, ke tau mo'ui ai.

Kau 'Aposetolo 4:12