Maaĩ Ũbatithio.
Njĩra nĩ ĩno. Gereraai yo.
Isaia 55:6-7,
6 Atĩrĩĩrĩ, cariai MWATHANI rĩrĩa angĩoneka; mũhooei rĩu e hakuhĩ.
7 Andũ arĩa imaramari nĩmatigane na mĩtugo yao; na arĩa matarĩ athingu magarũrĩre mĩciirĩrie yao. Nĩmacookerere MWATHANI Ngai witũ, nĩekũmaiguĩra tha na amoohere.Gũtirĩ mũndũ mũthingu gũtirĩ o na ũmwe.
Aroma 3:23,
nĩ ũndũ andũ oothe nĩmeehĩĩtie na makanyiihĩrwo nĩ riiri wa Ngai.Aroma 3:10,
...Gũtirĩ mũndũ mũthingu gũtirĩ o na ũmwe.Mwĩrireei,...
Luka 13:3
Aaca tiguo! Ngũmwĩra na ma atĩ o na inyuĩ mwaga kwĩrira meehia maanyu, mũgaakua o ta o.Atũmwo 3:19,
Nĩ ũndũ ũcio mwĩrireei, mũcookerere Ngai nĩ geetha meehia maanyu meeherio.Kũguũrĩrio 2:1,5,
1 “Andĩkĩra mũraika wa kanitha ũrĩa wĩ Efeso atĩrĩ,...
5 Ririkana kũrĩa uumĩĩte ũkagwa! Wĩrire ũcookerere ciĩko iria wekaga mbere. Waga kwĩrira meehia maaku nĩngũũka kũrĩ we, njeherie mũtĩ waku wa kũhangĩrwo mataawa, ndĩũrute handũ haaguo.Kũguũrĩrio 3:19,
Arĩa oothe nyendeete nĩndĩmakũũmaga na ngamarũnga maahĩtia. Kwa ũguo ĩkĩra kĩyo na wĩrire meehia maaku.Mũcooke mũbatithio...
Mariko 16:16,
Na mũndũ o wothe ũgeetĩkia na abatithio nĩakaahonokio, no ũrĩa ũtageetĩkia nĩagaatuĩrwo.1 Petero 3:21,
marĩa rĩu maringithanagio na kũbatithio kũrĩa kũmũhonokagia. Kũbatithio ti gũthambia mũndũ gĩko kĩa mwĩrĩ, no nĩ kĩĩranĩro kĩĩrĩirwo Ngai na thamiri ĩtarĩ ũcuuke. Kũbatithio nĩkuo kũmũhonokagia na ũndũ wa kũriũka kwa Jesũ Kristũ,Johana 3:23,
Johana o naake no aabatithanagĩria Ainoni, gũkuhĩ na Salimu, tondũ kũu kwarĩ na maaĩ maingĩ. Andũ nĩmaathiaga kũrĩ we, naake akamabatithia.Atũmwo 8:36-39,
36 O magĩthiaga na njĩra, magĩkinya handũ haarĩ maaĩ, naake mũndũ ũcio akiuga atĩrĩ, “One, haaha he maaĩ. Kũrĩ na ũndũ wa kũgiria mbatithio?”
37 Naake Filipu akĩmũcookeria atĩrĩ, “Ũngĩĩtĩkia na ngoro yaku yothe, no ũbatithio.” Naake agĩcookia atĩrĩ, “Nĩnjĩtĩkĩĩtie atĩ Jesũ Kristũ nĩ Mũrũ wa Ngai.”
38 Naake agĩathana atĩ ngaari ĩrũũgamio. Nao eerĩ Filipu na mũndũ ũcio magĩtoonya maaĩinĩ, naake Filipu akĩmũbatithia.
39 Na rĩĩrĩ, moima maaĩinĩ, Filipu akĩeherio nĩ Roho wa Mwathani, mũndũ ũcio akĩaga gũcooka kũmuona. Naake agĩthiĩ na mbere na rũgendo aiyũrĩĩtwo nĩ gĩkeno.Wa rĩĩtwa rĩa Jesũ Kristũ nĩguo mũrekerwo meehia maanyu...
1 Samũeli 15:22,
...Nĩ wega kũmwathĩkĩra kũrĩ kũmũrutĩra magongoona ma ndũrũme iria njega.Luka 24:45-49,
45 O hĩndĩ ĩyo akĩhingũra meciiria maao nĩguo mamenye Maandĩko.
46 Agĩkĩmeera atĩrĩ, “Ũhoro ũrĩa wandĩkĩĩtwo nĩ ũyũ; Mesia no mũhaka aherithio na no mũhaka ariũke kuuma kũrĩ gĩkuũ mũthenya wa gatatũ.
47 Ningĩ no mũhaka ũhoro wa kwĩrira na kuoherwo meehia ũhunjĩrio andũ a ndũũrĩrĩ thĩinĩ wa rĩĩtwa rĩake, wambĩrĩirie Jerusalemu.
48 Inyuĩ mũrĩ aira a maũndũ macio.
49 Atĩrĩĩrĩ, nĩngũmũtũmĩra kĩrĩa Awa eeranĩire. No rĩĩrĩ, no mũhaka mweterere o gũũkũ itũũrainĩ kinya rĩrĩa hinya wa Ngai ũgooka kũrĩ inyuĩ kuuma igũrũ.”Atũmwo 2:36-39,
36 “Tondũ wa ũguo kĩmenyeei na ma inyuĩ andũ oothe a Isiraeli atĩ Jesũ ũcio mwambire mũtĩinĩ, nĩ we Ngai atuĩte Mwathani na Mesia!”
37 Nao andũ acio maigua ũguo magĩtheecwo ngoro makĩũria Petero na atũmwo acio angĩ atĩrĩ, “Aariũ a Ithe witũ tũgũgĩĩka atĩa?”
38 Naake Petero akĩmacookeria atĩrĩ, “Mwĩrireei, mũcooke mũbatithio mũndũ o mũndũ thĩinĩ wa rĩĩtwa rĩa Jesũ Kristũ nĩguo mũrekerwo meehia maanyu, na nĩmũkwamũkĩra kĩheeo kĩa Roho Mũtheru.
39 Amu kĩĩranĩro kĩu nĩ inyuĩ mwerĩirwo na ciana cianyu o hamwe na arĩa me kũraaya, arĩa oothe Mwathani Ngai witũ eetaga kũrĩ we.”Atũmwo 8:14-17,
14 Rĩrĩa atũmwo arĩa maarĩ Jerusalemu maiguire atĩ andũ a Samaria nĩmaamũkĩrĩĩte ũhoro wa Ngai, makĩmatũmĩra Petero na Johana.
15 Nao maakinya, makĩhoera andũ acio nĩ geetha maheeo Roho Mũtheru,
16 amu Roho Mũtheru ndakoreetwo aikũrũkĩire o na ũmwe wao tiga o kũbatithio maabatithĩĩtio thĩinĩ wa rĩĩtwa rĩa Mwathani Jesũ.
17 Nao Petero na Johana magĩkĩmaigĩrĩra mooko, makĩiyũrwo nĩ Roho Mũtheru.Atũmwo 19:1-6,
1 Na rĩĩrĩ, hĩndĩ ĩrĩa Apolo aarĩ Korinitho, Paũlũ naake agĩtuĩkanĩria mwena wa rũgongo agĩkinya Efeso. Naake agĩkora arutwo amwe kũu,
2 akĩmooria atĩrĩ, “Nĩmwamũkĩrire Roho Mũtheru hĩndĩ ĩrĩa mwetĩkirie?” Nao makĩmũcookeria makĩmwĩra atĩrĩ, “Aaca, o na tũtirĩ twaigua atĩ nĩkũrĩ Roho Mũtheru.”
3 Naake akĩmooria atĩrĩ, “Mwakĩbatithirio na ũbatithio ũrĩkũ?” Nao makĩmũcookeria makĩmwĩra atĩrĩ, “Twabatithirio na ũbatithio wa Johana.”
4 Naake Paũlũ akĩmeera atĩrĩ, “Ũbatithio wa Johana warĩ wa kuonania atĩ andũ nĩmerirĩĩte; eera andũ meetĩkie ũrĩa wokaga thuutha wake, naake nĩ we Jesũ.”
5 Rĩrĩa maiguire ũguo, makĩbatithio thĩinĩ wa rĩĩtwa rĩa Mwathani Jesũ.
6 Naake Paũlũ aamaigĩrĩra mooko, Roho Mũtheru akĩmaikũrũkĩra; makĩaria na thiomi na makĩratha moohoro.Atũmwo 10:48,
Agĩcooka akĩmaatha akĩmeera atĩ oothe mabatithio thĩinĩ wa rĩĩtwa rĩa Jesũ Kristũ.Johana 3:3,
Naake Jesũ akĩmũcookeria atĩrĩ, “Ngũkwĩra na ma atĩ: gũtirĩ mũndũ ũngĩhota kuona Ũthamaki wa Ngai ataciarĩĩtwo rĩngĩ.”Agalatia 1:8,
O na ithuĩ tũngĩmũhunjĩria ũhoro mwega wa mũthemba ũngĩ, kana o na mũraika angiuma igũrũ ooke amũhunjĩrie ũhoro mwega wa mũthemba ũngĩ tiga ũrĩa twamũhunjĩirie, aronyiitwo nĩ kĩrumi!Na nĩmũkwamũkĩra kĩheeo kĩa Roho Mũtheru.
Atũmwo 1:4-5,
4 Rĩrĩa aikaranagia nao, nĩamaathiire akĩmeera atĩrĩ: “Mũtikoime Jerusalemu, no mweterere kĩheeo kĩrĩa ndamwĩrire ũhoro wakĩo, kĩheeo kĩrĩa Awa aamwĩrĩire.
5 Amu Johana aabatithanagia na maaĩ, no inyuĩ nĩmũrĩbatithio na Roho Mũtheru matukũ maingĩ matanathira.”Atũmwo 5:32,
Ithuĩ na ithuĩ tũrĩ aira a ũhoro ũcio, o naake Roho Mũtheru ũrĩa Ngai aheete arĩa mamwathĩkagĩra nĩ mũira.”Johana 16:7-14,
7 Ĩndĩ ndĩramwĩra ũhoro wa ma atĩ nĩkwagĩrĩire thiĩ, amu ingĩaga gũthiĩ mũtingĩreeherwo Mũteithia. No ndathiĩ nĩngaamũtũma kũrĩ inyuĩ.
8 Naake rĩrĩa agooka nĩakoonia andũ a thĩ ũrĩa mahĩtĩĩtie ũhoroinĩ wa meehia, ũthingu, o na ũhoroinĩ wa ciira.
9 Nĩmahĩtĩĩtie ũhoroinĩ wa meehia tondũ matinjĩtĩkĩĩtie;
10 nĩmahĩtĩĩtie ũhoroinĩ wa ũthingu tondũ ngũthiĩ kũrĩ Awa na mũtigũcooka kũnyona;
11 ningĩ nĩmahĩtĩĩtie ũhoroinĩ wa ciira tondũ mũnene wa gũũkũ thĩ nĩarĩĩkĩĩtie gũtuĩrwo.
12 “Ndĩ na maũndũ mangĩ maingĩ ma kũmwĩra no mũtingĩhota kũmoomĩrĩria rĩu.
13 No rĩrĩa Roho ũrĩa ũguũranagĩria ũhoro wa ma wa Ngai agooka nĩakaamũtongoria maũndũinĩ moothe ma ũũma. We ndakaaragia na ũhoti wake we mwene, no akaaragia ũhoro wa maũndũ marĩa aiguĩte, na nĩakaamwĩra ũhoro wa maũndũ marĩa magooka.
14 Nĩakangoocithia nĩ ũndũ akaamũkinyagĩria o ũhoro ũrĩa arutĩĩte kuuma kũrĩ niĩ.Atũmwo 1:8,
No nĩmũrĩiyũrwo nĩ hinya rĩrĩa Roho Mũtheru arĩũka kũrĩ inyuĩ, na inyuĩ mũtuĩke aira aakwa Jerusalemu, Judea guothe, Samaria o na thĩ yothe.”Aroma 8:9-11,
9 No inyuĩ mũtiathagwo nĩ mĩĩrĩ yanyu, mwathagwo nĩ Roho, angĩkorwo ti itherũ Roho wa Ngai atũũraga thĩinĩ wanyu. Ũrĩa wothe ũtarĩ na Roho wa Kristũ ũcio ti wake.
10 Angĩkorwo Kristũ atũũraga thĩinĩ wanyu, maroho maanyu me muoyo nĩ tondũ nĩmũiguithanĩĩtio na Ngai, o na gũtuĩka mĩĩrĩ yanyu nĩrĩkua nĩ ũndũ wa meehia.
11 Angĩkorwo Roho wa Ngai, ũrĩa wariũkirie Jesũ akiuma kũrĩ akuũ atũũraga thĩinĩ wanyu-rĩ, ũcio wariũkirie Kristũ Jesũ nĩakaahe mĩĩrĩ ĩyo yanyu ĩkuaga muoyo nĩ ũndũ wa Roho ũcio wake ũtũũraga thĩinĩ wanyu.Atũmwo 10:44-48,
44 Na rĩĩrĩ, hĩndĩ ĩrĩa Petero aathiaga na mbere kwaria, Roho Mũtheru agĩikũrũkĩra arĩa oothe maiguaga ndeto icio.
45 Nao andũ arĩa meetĩkĩĩtie a kuuma gĩkundi kĩa Ayahudi arĩa mookĩĩte na Petero makĩgega, tondũ Ngai nĩaitĩrĩirie kĩheeo kĩa Roho Mũtheru o na andũ a Ndũũrĩrĩ.
46 Nĩ gũkorwo nĩmaamaiguire makĩaria na thiomi na makĩgooca Ngai. 47 Naake Petero agĩkĩũria atĩrĩ, “Kũrĩ mũndũ ũngĩkĩgiria maaĩ ma kũbatithia andũ aya maamũkĩra Roho Mũtheru o ta ithuĩ?”
48 Agĩcooka akĩmaatha akĩmeera atĩ oothe mabatithio thĩinĩ wa rĩĩtwa rĩa Jesũ Kristũ.1 Johana 1:5-7,
5 Ũhoro ũyũ nĩguo ithuĩ twaiguire kuuma kũrĩ Mũũrũwe na nĩguo tũmũmenyithagia atĩ: Ngai nĩ ũtheri, na thĩinĩ wake gũtirĩ gatuma o na kaniini.
6 Tũngiuga atĩ twĩ na ngwatanĩro naake na tũkoragwo tũikarĩĩte o ndumainĩ nĩtũraheenania na ciugo na ciĩko ciitũ.
7 No tũngĩikara ũtheriinĩ, ta ũrĩa we arĩ ũtheriinĩ, tũrĩkoragwo na ngwatanĩro gatagatĩinĩ gaitũ, nayo thakame ya Mũũriũ Jesũ nĩrĩtũtheragia tũgathirwo nĩ meehia moothe.From the tract... Njĩra nĩ ĩno. Gereraai yo.
