Aanyunet.

William Branham.

Naka oitabo... Aanyunet.

Anyoun 12:12.
12 Naarai etori eong akwap nako Misiri akuare na, adanyi da ikiyaik kere kakwap nako Misiri, itunganan ka itiang da; ido etodoli ikatubesia kodekesio luko Misiri: Arai eong Ejakait.
13 Koraas aokot aanyunet mama ijaas kotogoi luijaas: kaanyu eong da aokot, alelengi yes, kwabo mam ejaun atular amudiar yes, naadanyia akwap nako Misiri.

Kwana inyobo ber, nasodit, erai (token) aanyunet? Erai akirot naidila aitwasam kokidingiwok itunga luineras-Amusugun, kanoinoi kane kotoma Amerika. Aanyunet erai e...Kaitebeikin, ebala e dictionari ebe erai token aanyunet, erai aanyunet naka luetacio, etiai loetacitai, teijo; ebe e-e etiai, loetacio, etiai loabakai loedaunitai aitac. Bala etiai loetacio kagaali arai etiai loetacio kabaasi. Ilosi jo toma kolemuni jo isirigin kon-kon luitutubitai, kosodi konyet einakinete kesi jo aanyunet (atikit), kwabo aanyunet ngin mam epedorio aitwasam kanuka icebore bobo kilema agaali ngin. Ido erai ngin aanyunet, mam ejai ekapuni ngol loka agaali ebe idaunit jo aitac isiriginikon luetutubitai. Erai aanyunet, ido mam jo ipedori aitwasam nges kanuka ibore ice. Mam iswamai korot ece loka agaali. Erai bon naiswamai korot kangol bon. Ido erai ngesi a-erai ngesi aanyunet.

Kwana kokwap kane, nukinera oni, ne kigeunitor oni kotoma, erai Edeke elimokini Isirael, “Aokot nuka imerekek kes aanyunet kanukus.” Imerekek yenika Isirael, earitai, nges arai aanyunet naepuda Yawe. Ibusakinit korai aokot. Abu Edke kiswamau aanyunet kosodi ainakin Isirael ngin. Ido emamei bobo aanyunet ace naebuni aswam, teijo, mam ecamunio.

Mama ejaasi akwapin, erai ngin abangaanut naepol. Konye mama ejai Edeke, erai Ngin nges bon erot. Ibore bon yenipuda Ngesi nges Aanyunet ngin. Ibusakinit Ngin kojai nen. Ido mam kereka jo ipedori ajaun ka aanyunet komam etacitai isirigin luitutubitai kanu erot, konyet do irai jo yenirumit Aanyunet na kijaikini jo arereng naka atubor alosit korot kangol. “Kaanyu eong Aokot, alelengi eong yes.” Apak bo na, ebe, arereng bo na, ajenun ebe ijaatar jo, kotomakon, Alelengio. “Kaany eong Aokot, alelengi eong yes.” Erai ngin nges bon ibore yen ecamuni Ngesi. Emamei bobo icebore yenepedori ayangaar aiboisitiKe; mam ailocokinet, emamei ediini, emamei icebore kere. Eyangaikini Ngin. Abala Edeke, “Ngin bon nges akoto eong aanyun.” Mam akiro arai keraas kesi lukedolitos ne biai, arai kejokuka kesi ne biai, arai atia ai aisisiate nakejaatar kesi, epone lokenapitotor kesi, kerai aanyunet nges bon ibore. “Kaany eong aanyunet, alelengi eong yes.” Arai aokot kes aanyunet ebe-nukipuda Yawe etodolikinitai, ebe keponi kiswamai ngun. Abwoikinitos aokot aanyunet. Ianyutu? Aijar ebe...

Kinerit Edeke ebe, “Apaaran nainyamiata, apaaran ngin itwakete.” Ido kebu kojaun aijar naponi koyangarai kanuka aijar naka ikeyuunan. Edeke, kotoma aitim, abu kocam ailocokinet kanuka aijar nakaitunganan yen amunauna. Nakebu iKekoku komunaunor ilopet nepepe kadiakar, naka amamus aiyuun Akirot, abu do Edeke loebarit aitim, kiswamau ailocokinet; ido, arai ngin, ibore ice mutan atwanare aibois naka ngin. Emamei ibore ice yen tikepedo aswam.

Erai kanuka ngun nges mam apples ka peaches, ka ice da luka Kain, apotu kiswamata. Kibusakinit korai aijar najaatar ka aokot tomake, ido kebu aijar konyou kama ka asubanit, kwana do keraasi aokot aanyunet ebe keponi kiswamai aicorakinet naka Edeke. Kwana, inyoin bo ber epuda Edeke? Aijar; ido aokot etodiaritos ebe kejai aijar nabu kodaun. Aso do keraasi aokot aanyunet ebe kejai aijar naponi koinakinai, ebe kejai ibore yenikebu kotwana, nukipuda Edeke; ebe keponi koinakinai aijar, ido keponi kebukor aokot. Ido abwoikinitos aokot aanyunet, ebe kebu aijar kodaun. Aijar naka itiang kangin yen abala Edeke ebe ibusakinit kolemarai, arai kes aokot nuabwoikinitos aanyunet.

E-e-ikamaan yenikeyuunan arai yenetijenaritai nepepe kasubanitike, kanuka aanyunet. Mam eong akoto asalakin aojau naepol kotoma atakununeta nudidik nu, konye, na da tikipedo jo ayangaar aijaanakin kere kotoma adiopet kakesi, konye akoto eong abwoun kane apak edit kanu alimor ngun. E-ekibusakinit ikeyuunan aitijenaario nepepe kasubanitike. Ianyutu? Arai erai bon ngin asubanit ido-ido kiswamatete kanenice kokinga kangina, kebu ngol kijaik ngin; konye kibusakinit ngol aitijenaario kotoma kangin. Kaitebeikin, kerai ngesi aidokokin akekanin neejai ngin, ber, kanu aitijenaar elopet nepepe ka asubanitike. Kosodi konyet ebwaikinio aokot ngun neepedoria ngol aibwo kokwap naka aokot. Ibusakinit aokot ajakut kujukeng. Ido arai ngin aanyunet ebe abu ngesi kitejenaar elopet, kwape loegwaunit akiro, ido etogogongit ebe abu yen kilocokino yen mam agwaunit akiro koyanga aiboisike.

Aput bo na naibus! Oo, elakuna! Koany keponi kitodolikinai etube, ido nuepuda etube lokalaunan loka Edeke keponi kitodolikinai. Ido kobala Edeke, “Kwana epudakin Eong akoniijar,” kosodi konyet, na abuabu- aijar ngin kodiakaria. Abu do yen elocokinio yenimam agwaunit akiro koyanga aibois kangin. Ido arai itiang yenikaokot; mere apple, peach. Ibusakinit ngun ti teniteni cut kisideleleutu noi aur naka emun mama ejai nginitunganan, ebe kerai aokot. Ido aokot nu, numam tikepedosi alomun kotoma araitoit, alomunete kama ajai yenelocokinio ngin yenimam akiro nuagwaunit. Ido kebu aijar konyou, ngin da-ngin da, aibois keng, ido araasi aokot ejenunet ebe kebu itiang ngin kotwana ido apotu aokot kolomutu kinga.

Ido ikamaan ejai ibwaikinit aokot kujukeng elopet, etodiarit ebe arai ngesi loetijenaaritai kotoma alakunio, naarai adau ngesi aitijenaar ilopet nepepe ka... kasubanit, ido abwoete do aokot kanuka aanyunet.

Biai-eumokina ne biai! Aputo bo lolo nanyoin erai ngin! Erai aitupuset naitekooro naka Kristo, bon cuticut, ikeyuunan lolo ebwoi kokwap naka Aokot nuebukoritai, itijenaara nepepe ka Asubanit. Cut kwape naitekooro kwape-kwape epedoria araut, nuka epone loabu Kristo, mere-mere araut itiang... Koanyutu yesi, a-a abu itiang kotwana, konye arai ngin... Ibore yenemameete nuegwanit cu kakere yenikijaar oni, aomit eong, ti erai, e-e etiang, i-imerekek. Naakotor Edeke aitijenaar Yesu Kristo, abu kitijena Ngol kwape Imerekek. Ido na akotor Ngesi aitijenaar Elopet, abu Ngesi kitijenaar Elopet kwape ikwenyit, Ajele. Kwabo ajele erai yenimam aronis cut ido yenelai kakere kotoma aijar naka ikweny, kosodi e-e imerekek nges emamete akiro nueroko kakere ido kosegaara kotoma aijar kere naka itiang. Aso koanyutu yesi na...

Arai Yesu lo abu Yokana kibatis, ido abala Ebaibuli ebe, “Ido-ido abu ngol koany Emoyo loka Edeke, bala ajele, ebuni kokuju mamaKe.” Kanuka ngun arai kerai a...Karai ti korai epeet, arai korai ti ecetiang, e-e einono loka ajele mam cut tikimorikikinos ka einono loka epeet, mam da tikepedo einono loka ajele aimorikikin ka etiang ece kere kilema imerekek. Ido apotu inonosio ngul luarei kimorikikinos nepepe, kanen do apedorete acamanar nepepe idiopet kayenice.

Kwana ianyutu yesi ainerunet nasek? Kerai ngin imerekek neabunio nen. Ianyutu? Ianyutu? Kerai ngin imerekek ne nges-nayangaunere nges. Kerai ngin imerekek . Euritai erai imerekek. Itopolounitai, erai imerekek. Ianyutu? Ido, kanukangun, ngol bon nges epone loka Emoyo lokabeit loepedori aijaun Akirot, loepedori aijaun Kristo. Lucekec kwi etamete, apotu kotamitos adumun Ngin, ido kibwaik Emoyo loka Edeke mama ejai epeet, teijo, itunyunyurikin, ededeng, isinyoono. Mam Ngol esalakini nen. Eporori Emoyo Lokalaunan cut kanepekanen. Mam ekoto aswam ngun.

Abuonokin eong, lolo, naingarenikinio Edeke oni toma a-a aijar naka aijaikin bonik kaileleba ka aijaanakin da Ngesi, abuonokin eong arai tope mam imoyoiwok do kaciepak itepegete, asubite bala kitodiarit ebe, aidupor ejaun abuonokin arai tope kirai oni imerekek? Iany? Iany? Imerekek erai yen erimaana. Imerekek erai yenijaikin bon-kwape asubanit. Ngesi-mam ngesi-mam ngesi eyangaari, elimori nukeng kilopet. Iperikini jo ngin kwap kosodi atubor ajul awai kamake. Ngin bon nges ibore yenejaatar ngesi. Mam cut ngesi-mam cut elimuni idiobore yenikamunit ngun; erai yenijaikini kwape asubanit nginibore kere yenejaatar ngesi. Imerekek nges ngin. Einakini nginibore kere mama ejai ikeng... ekorari nginibore kere awai, ngesi ilopet ka nginibore kere yenerai ngesi.

Ido epone ngol nges ejaar Ekristayot loteni, arai eraas kesi... ijaikinos ikulepek bonik-kwape asubanit, komam epodosi idiobore kanuka akwapin kanu, konye einakinete luejaatar kere neejai Edeke. Ianyutu? Kwana do kereka arai yen Imerekek yen etekooro, arai Kristo. Konyet do kotoma aario naka imerekek kayen, imerekek yenitiang ko Misiri, aponi kibwaikinai aokot ngun, ido, na eswamaunere ngun, apotu ngun kobwaata kanuka aanyunet, dobodo inyo apote Aokot nuka Imerekek kayen abwoikinit? Ianyutu? Aanyunet ngin ebe kitwakit oni mamawok kikulepek ido kitijenaaritai nepepe kAsubanit wok. Ianyutu? Konyet bodo, Imerekek ka a-ka a-Aokot nepepe kitunganan ngin eraunos luitijenaaritai nepepe, Asubanit ka ikeyuunan. Teijo, kitijenaaritai jo kotoma aijarakon, kanuka Asubanit kon. Ngin nges kitaraunit ijo ibore yenirai jo.

Kapak kangin araasi aokot aanyunet, araiboot aitejenunet. Aokot etijenaaritos ebe kebu ikamaan koar imerekek, ido abu kocam imerekek, kosodi aibwaikin aanyunet ngin mamakeng, ebe mam nges erumitos ileic. Mam ngesi apodo arai ingai keseseni ngin, ido ebwaikinitai aiboisit kwa kangin ebe nginitunganan yen atubor kanen apedori aanyun aanyunet ngin. Teijo, itunga luipu ekotosi araut Ikristayon, ido kesi-kesi-kesi ekotosi aswam ngun kaiyeiyea tetere mam idiotunganan epedori-epedori ajenun ebe eraasi kesi Ikristayon. Araiboot, i-ipaupakec luidicasi ka kesi, ice kakesi eomoomoete, “Eebo, kwana, kongolia, eong-eong-akoto eong araun Ekristayot, konye mam eong akoto Mutan-ka mutan kojenetu ngun.” Ianyutu? Eebo, kwana, koany jo, mam ngol erai Eikristayone. Eikristayone ibusakinit aitodiarit Aanyuneteke, teijo, kiteete itunga kere, kotoma aijar na esesenete itunga kere, koyapesi, korot, naejaar ationis, idiobore kere, kotoma okanisa, kanginiibois ace kere. Aokot kes eraasi Aanyunet, ido ibusakinit aitwasam aanyunet ngin, teijo, araiboot (kemam) mam do aitutuket da ebuni aswam.

Keraasi aokot aanyunet, araiboot aitejenunet, itejenaarit ebe adaun itunganan yen alakun. Kwana, eebo, koanyutu, ajaatar kesi, keponi kolakunai kesi eringa idiobore kiira atakanun. Kanuka aiyuun apotu kesi kibwaikisi aokot ngun. Teijo, eringa ngun kaitebeikin ketakanuna, aponi kibwaikinai aokot kanuka aiyuun, kiyuunitete ebe apote ngun aiswamaun. Eringa anyunyura naka Edeke kitoro akwap, ibusakinit aibwaikin aokot, ber. Arai apak na eyapit noi akaulo na kedaunia anyunyura abukun. Kwana kijaar oni ka nukisisiauna kane nutikipedo oni teniteni cut, aciepak ayangaun ngun toma aomoom kus, kanu apak naedit. Kongolek, eringa ngun ketakanuna, naarai ebunit apak namam jo ipedoria ajaut kAokot nukibwaikina.

Aponi imerekek koarai kotoma apak naka atiibong, akaulo na aidario adaun apaarasia atomon kaongon. Ido aponi konyet koarai imerekek kosodete aibwaikin aokot kotoma apak naka atiibong. Idumutu yesi ngin? Mam aanyunet abu kojaun aitodol apak naka atiibong.

Ido na nges apak naka atiibong naka atur na nakijari oni kotoma. Erai na apak na atiibong kanuka ekanuka Ekanisa. Erai na apak naka atiibong kanukang. Erai na apak naka atiibong kanuka Aisiirareteka. Auta eong atwanare. Auta eong alosit. Ajai eong alomar kinga, kotoma apak naka atiibong naka Akiro Nukajokak. Ido kidoku oni kuju aitorun toma aitojokio, ka acie da kwangin, konye na nges apak naibusakinitor aibwaikin Aanyunet. Abu eong kalimok yes Nasabiti naatubor ebe kijaar eong ka ibore yenekoto eong alimokin yes nukeng; nges bo yen. Apak na ebeitor yes-mam cut ibusakinit jo aboliar Ngin. Ibusakinit kiswamai. Arai ebuni aiswamao, ibusakinit kiswamai kwana. Naarai, kiseseni oni ebe ejai anyunyura ekapakina aitor toma akwap, ido nginibore kama kokwap naka Aanyunet kangin ebuni amudiaar. Aokot, adautu aitejenaar jo.

Naka oitabo... Aanyunet.

Erai ŋesi alucet naka adiakanaretawok, kwabo mere kanuwok bonik, konye kanuka akwapin kere da.

1 Yokana 2:2