Dibatiza dia Mayi.
Eu ke Njila. Endayi munda muawu.
Yeshaya 55:6-7,
6 Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.
7 Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.Bualu tuetu bonso tudi bena mibi.
Lomo 3:23,
Bualu bua bonso bakenza malu mabi, ne badi bahanga kuheta butumbi kudi Nzambi.Lomo 3:10,
...Kakuena muntu udi muakane, nasha umue.Tuetu bonso tudi ne bua kunyingalala.
Luka 13:3
Ndi nuambila ne, Nasha; badi binuikala kanui nukudimuna mitshima yenu, buonso buenu nenufue muomumue.Bienzedi 3:19,
Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,Nansha ekeleziya idi ne tshia kukudimuna mutshima.
Buakabuluibua 2:1,5,
Fundila muanjelo wa ekelesia wa ku Efeso ne,...
Nunku, uvuiuke kuwakuhona, ukudimune mutshima webe, ne enza midimu ya kumudilu, anyi nendue kûdi, nengumushe tshitekelu tshiebe tshia muinda mu muaba watshi, biwikala kui ukudimuna mutshima webe.Buakabuluibua 3:19,
Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.Tudi ne bua kuikala batambule.
Mâko 16:16,
Witabusha, wabatijibua, nebamusungile; wahidia, nebamuhishe.1 Petelo 3:21,
mai â kabidi adi tshifuanyikishi tshia adi atusungila katataka, nkubatiza mene, kembua diuvua dia manyanu a mubidi, kadi bua dikeba dia muoyo-mukese muimpe kudi Nzambi, bua dibika dia Yesu Kilisto ku lufu;Ku dibueja mu mayi.
Yone 3:23,
Yone kabidi wakadi ubatiza bantu mu Ainona hehi ne Salima, bualu bua mpokolo ya mai yakadiku ya bungi; bantu bakalua, bakabatijibua.Bienzedi 8:36-39,
36 Hakadibo baya mu nshila, bakajika ku mai; muntu mutungula wakamba ne, Ahu ka mai â tshidi tshimpumbisha bua kubatijibua ntshinyi?
37 Filipo wakamuambila ne, Wewe muitabuje ne mutshima webe wonso, udi mua kuenza nanku. Yeye wakandamuna ne: “Ndi ngitabuja ne: Yezu Kristo udi Muana wa Nzambi.” [Anglais KJV]
38 Yeye wakamba ne, Dikalu dimane. Bubidi buabo bakaya mu mai, Filipo ne muntu mutungula, Filipo wakamubatiza.
39 Hakaluhukabo mu mai, Nyuma wa Mukelenge wakangata Filipo, wakaya n’andi; muntu mutungula kakamutangila kabidi, wakaya biandi mu nshila usanka.Bilondeshile tshilejelu tshia bapostolo.
1 Samuele 15:22,
...Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.Luka 24:45-49,
45 Hashishe yeye wakabulula mitshima yabo bua kujingululabo Mukanda wa Nzambi.
46 Yeye wakabambila ne, Bakafunda ne, Mbimpe bia Kilisto kukengeye ne kubikeye ku lufu hahita matuku asatu;
47 mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema. 48 Nuenu nudi bamanyi ba malu â.
49 Monai, ndi nutumina mulayi wa Tatu wanyi; kadi nushale mu musoko eu tô ne hanuluatshishabo bukole bua mu diulu.Bienzedi 2:36-39,
36 Ka Bena Isalele bonso bamanye bushua ne, Nzambi wakuvuisha Yesu eu unuakushiha ku mutshi mutshiamakane Mukelenge ne Kilisto kabidi.
37 Hakunvuabo dî edi, mitshima yabo yakanyingalala, bakakonka Petelo ne bapostolo bakuabo ne, Bana betu, netuenze tshinyi?
38 Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.
39 Mulayi wa bualu ebu udi kunudi ne kudi bana benu balela ne kudi bonso badi kule, kudi bonso mene babikila Mukelenge Nzambi wetu kudiye.Badi kabayi babatijibue mu Dîna dilelela;
bavua babatumine dîyi bua kubatijibua tshiakabidi.Bienzedi 8:14-17,
14 Hakunvua bapostolo bakadi mu Yelushalema ne, Bena Samalea bakuitabusha dî dia Nzambi, bakabatumina Petelo ne Yone.
15 Hakahuekabo, bakabalombela Nzambi bua kuangatabo Nyuma Muimpe;
16 bualu bua yeye kakadi muanze kuhonena nasha umue wabo; bakadi anu babatijibue mu dina dia Mukelenge Yesu.
17 Hakabatentekeshabo bianza, bakangata Nyuma Muimpe.Bienzedi 19:1-6,
1 Hakadi Apolo mu Kolinto, Paulo wakalua ku Efeso, mumane kuhita mu nseke ya ku mikuna, wakasanganamu bayidi bakuabo;
2 wakabakonka ne, Nuakangata Nyuma Muimpe hanuakitabusha, anyi? Bakamuambila ne, Nasha, katuakunvua ne, Nyuma Muimpe udiku.
3 Yeye wakabakonka kabidi ne, Bakanubatiza mu dibatiza kai? Bakamba ne, Mu dibatiza dia Yone.
4 Paulo wakamba ne, Yone wakadi ubatiza bantu ne dibatiza dia kukudimuna kua mitshima wambila bantu ne, Mbimpe bia nuenu kuitabusha ulualua ku nyima kuanyi, au udi Yesu mene.
5 Hakunvuabo dî edi, bakabatijibua mu dina dia Mukelenge Yesu.
6 Hakabatentekesha Paulo bianza ha mitu habo, Nyuma Muimpe wakabahuekela; bakabanga kuakula mu miaku mikuabo, bamba bualu bua Nzambi.Bienzedi 10:48,
Yeye wakamba ne, Babatijibue mu dina dia Yesu Kilisto...Ndi ne bua kubuela mu tshitendelelu kayi?
Nansha umo. - Kuenzela Yezu Kristo mudimu.Yone 3:3,
Yesu wakamuandamuna ne, Bulelela, bulelela, adi nkuambila ne, Bikala muntu kai muledibue tshiakabidi, kena mumanye mua kutangila bukelenge bua Nzambi.Galatia 1:8,
Kadi bikata tuetu anyi muanjelo wa mu diulu tunuambila lumu lukuabo ludi kalui lumu luimpe lutuakanuambila, ikale biandi ne mulau.Nansha muprofete kena ne bua kubenga kuitaba mvese to.
1 Kolinto 14:37,
Biela muntu meshi ne, Meme ndi muprofete, anyi, Meme ndi muena bihedi bia Nyuma, amanye mei andi nufundila ne, Adi mukenshi wa Mukelenge.Tudi ne bua kupeta Nyuma Muimpe.
Bienzedi 1:4-5,
4 Hakadisangisheye n’abo, wakabambila bikole ne, Kanumuki mu Yelushalema, kadi nujidile mulayi wa Tatu unuakunvua kundi.
5 Bulelela, Yone wakabatiza bantu ne mai, kadi matuku kêna mashale a bungi anuabatijibua mu Nyuma Muimpe.Bienzedi 5:32,
Tuetu tudi bamanyi ba malu â, ne Nyuma Muimpe kabidi, udi Nzambi muhe badi batumikila mei andi.Yone 16:7-14,
7 Kadi ndi nuambila bulelela ne, Meme muye mbimpe bienu; bingikala tshî nya, Musambi kena ulua kunudi; kadi binaya, nenutumineye.
8 Halueye, neatuishe ba ha buloba bua bubi, ne bua buakane, ne bua dihila;
9 bua bubi, bualu bua bobo kabena bangitabusha;
10 bua buakane, bualu bua meme ndi nya kudi Tatu, kanuena nuntangila kabidi;
11 bua dihila, bualu bua mukokeshi wa buloba ebu wakumana kuhila.
12 Ntshidi ne malu makuabo a bungi a kunuambila, kadi nuenu kanuena bamanye mua kuatuala katataka.
13 Kadi halua Nyuma wa bulelela, yeye neanulombole mu malu malelela onso; bua yeye kena udiambila, kadi neambe anu malu ûnvueye, neanuambile malu alualua.
14 Neantumbishe meme; bualu bua neangate malu anyi, neanuambileu.Bienzedi 1:8,
Kadi nuenu nenuangate bukole, hanuhuekela Nyuma Muimpe ham’bidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.Lomo 8:9-11,
9 Kadi nuenu kanuena nuikala mu malu a mubidi, nudi nuikala mu malu a Nyuma, bikala Nyuma wa Nzambi munda muenu. Ne bikala muntu kai ne Nyuma wa Kilisto, kena wa Kilisto nasha.
10 Bikala Kilisto munda muenu, mubidi udi mufue bualu bua bubi, kadi nyuma udi ne muoyo bualu bua buakane.
11 Bikala Nyuma wa yeye wakabisha Yesu ku bafue muikale munda muenu, yeye wakabisha Kilisto Yesu ku bafue neahe kabidi mibidi yenu ifuafua muoyo, bualu bua Nyuma wandi udi usomba munda muenu.Bienzedi 10:44-48,
44 Hakatshidi Petelo wamba mei â, Nyuma Muimpe wakahuekela bonso bakunvua dî.
45 Bena kuitabusha batengula bakadi balue ne Petelo bakakema, bualu bua bakuitshikishila bisamba bia bende kabidi kuha kua Nyuma Muimpe.
46 Bakabunvua bakula mu miaku mikuabo, batumbisha Nzambi. Petelo wakakonka ne,
47 Muntu kai udi mumanye mua kuhidia mai bua kubatijibuabo, bobo bamane kuangata Nyuma Muimpe bu mutudi bangate?
48 Yeye wakamba ne, Babatijibue mu dina dia Yesu Kilisto. Hashishe bakamusengelela bua yeye kushala n’abo matuku makuabo.Tudi ne bua kuenda mu munya wa Dîyi.
1 Yone 1:5-7,
5 Edi ndî dituakunvua kudiye ne ditudi tunuambila ne, Nzambi udi munya ne munda muandi kamuena mîdima nasha kakese.
6 Bituamba ne, Tudi ne buobumue n’andi, hatutshidi tuenda mu midima, tudi tushima, ne katuena tuenza bualu bulelela;
7 kadi bituenda mu munya, bu mudiye mu munya, tudi tuikalangana ne buobumue, ne mashi a Yesu, Muan’andi, adi atulengesha ku mibi yonso.Dilongolola bua kusambakena ne Nzambi webe,... (Amosa 4:12)
Mu trakte... Eu ke Njila. Endayi munda muawu.
by S.E. Johnson.
