Kaymi Ñan. Chaypi Purinki.

Isaías 55:6-7,
6 ¡Mandaj Diostaca, japi tucuna cajpiraj mashcaichigari. Cancunapaj c'uchullapi cajpiraj cayaichigari!
7 Diosta mana rijsij cambaj ñanta saquishpa, Mandaj Diosman cutiri. Millai runa millai yuyaita saquishpa, Mandaj Diosman cutiri. Paimi paitaca llaquinga. Ñucanchij Diospaj perdonca yallitaj jatunmi.

Llapanchis huchasapa kasqanchisrayku.

Romanos 3:23,
Tucuicuna juchallishcamantami, Diospaj sumajmantaca anchuchishca carcacuna.

Romanos 3:10,
...Cashcata rurajca mana tiyanchu, shujllapish mana tiyanchu.

Llapanchismi pesapakunanchis.

Lucas 13:3
...Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij.

Hechos 3:19,
Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga.

Iglesiakunapas pesapakunanmi.

Apocalipsis 2:1,5,
Efesopi caj tandanacushca crijcunapaj angelman quillcai:...
Chaimanta maimanta urmashcata yuyari. Diosman cutirishpa punta ruracushca shinallataj rurai. Mana cutirijpica, utcami cambajman shamusha. Chashna shamushpaca cambaj candelerotami maipi cashcamanta quichushpa anchuchisha.

Apocalipsis 3:19,
Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.

Bautizasqa kananchismi.

Marcos 16:16,
Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

1 Pedro 3:21,
Chai bautismoca cunan punlla quishpirinatami ricuchin. (Mana cuerpomanta mapatachu anchuchin. Ashtahuanpish alli yuyaihuan Diosman c'uchuyajtami ruran). Chaica Jesucristo causarishcamantami.

Yakupi hunt’asqata challpukuspa.

Juan 3:23,
Juanpish, Salim pueblo c'uchupi caj Enonpimi, achca yacucuna tiyashcamanta bautizachun paipajman shamujpica bautizarca.

Hechos 8:36-39,
36 Parlanacuihuan ñanta ricushpaca yacu tiyan c'uchuta pasagrishpami eunuco runaca: -Caipica yacu tiyanmari. ¿Manachu ñucaca cunanllataj bautizari tucuni?- nijpi,
37 Felipeca: -Tucui shungumanta crishpaca, ari pudinguimi- nijpi, paica: -Jesucristotaca, Taita Diospaj Churi cashcatami crini- nirca.
38 Chaimi carretata shayachichun mandashpaca, ishquindijtaj yacuman uriyashpa, Felipeca eunuco runata bautizarca.
39 Yacumanta ña llujshijpica, Jatun Diospaj Espíritu Felipeta apajpimi, eunuco runaca paitaca mana ashtahuan ricurca. Chashna cajpipish cushicushpa ñanta rircallami.

Patrón Apostólico nisqaman hina.

1 Samuel 15:22,
...Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.

Lucas 24:45-49,
45 Chashna nishpami Quillcachishcacunata alli entendichun, paicunapaj yuyaicunata pascashpa,
46 cashna nirca: -Quillcachishcapi nishca shinaca Cristoca llaquita apashpa, huañushpa, quimsa punllapica causarinami carca.
47 Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.
48 Chashna nishca shinallataj tucui imalla tucushcata ricushcataca cancunami huillana canguichij.
49 Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla- nircami.

Hechos 2:36-39,
36 Tucui israelcunami caitaca allitaj yachana canguichij. Chai cancuna chacatashca Jesusllatatajmi Mandaj cachunpish, Quishpichij Cristo cachunpish Taita Diosca churarca” nircami.
37 Chaita uyashpaca, shungumanta llaquirishpami Pedrotapish, caishuj apostolcunatapish: -Huauquicuna, ¿imatataj rurana canchij?- nijpi,
38 Pedroca: -Taita Diosman cutirichij, cancunapaj juchacunata perdonachun Taita Dios cusha nishca jucha illaj Espirituta chasquingapaj Jesucristopaj shutipi bautizarichij.
39 Taita Dios cusha nishcaca cancunapajpish, cancunapaj huahuacunapajpish, tucui cai pachapi cajcunata ñucanchij Jatun Dios maijanllata quishpichisha nishcacunapajpishmi- nircami.

Cheqaq Sutipi mana bautizasqakuna,
kamachisqa karqanku wakmanta bautizakunankupaq.

Hechos 8:14-17,
14 Apostolcuna Jerusalenpi cashpaca, Samaria pueblopipish Taita Diospaj Shimita huillajpi chasquishcatami yachaj chayarcacuna. Chaimi Pedrota, Juanta chaiman cacharcacuna.
15 Paicuna chaiman chayashpaca, jucha illaj Espirituta chasquichunmi, paicunamanta Taita Diosta mañarcacuna.
16 Espirituca paicunapajmanca manaraj uriyamushcachu carca. Jesuspaj shutillapimi bautizashca carcacuna.
17 Chaimantami paicunapaj jahuapi maquita churajpi, jucha illaj Espirituta chasquircacuna.

Hechos 19:1-6,
1 Corintopi Apolos cajpirajmi, Pabloca jahua llajtacunata rishpa Efesoman chayarca. Chaipimi maijan crijcunahuan tupashpaca,
2 cashna nirca: -Cancuna crishpaca ¿jucha illaj Espirituta chasquircanguichijchu?- nijpi paicunaca: -Jucha illaj Espíritu tiyashcataca mana uyashcanchijllapishchu- nircacuna.
3 Chaimi Pabloca: -¿Ima bautizmopitaj bautizashca canguichij?- nijpi, paicunaca: -Juanpaj bautismollapimi bautizarircanchij- nircacuna.
4 Chaimi Pabloca: -Juanca Diosman cutirijpimi bautizarca. Chaipica paica, paipaj q'uipa shujtaj shamunata, paita crina cashcatami huillarca. Chashna nishpaca Quishpichij Cristo Jesusmantami chashnaca- nirca.
5 Caita uyashpaca, Mandaj Jesuspaj shutipimi bautizarircacuna.
6 Chai q'uipaca paicunapaj jahuapi maquita Pablo churajpimi, jucha illaj Espíritu paicunapaj jahuaman shamujpi, paicunaca shujtaj rimaicunapi rimarcacuna, Taita Dios huillachishcatapish huillarcacuna.

Hechos 10:48,
Mandaj Jesuspaj shutipi paicunata bautizaichij- nishpa mandarca.

¿Mayqin denominacionmanmi hukllawakunay?
Ni mayqenninkupas. - Jesucristota serviy.

Juan 3:3,
Chaimi Jesusca: -Pipish mana cutin huacharijca, Taita Dios mandacujpica mana ricungacunachu. Chashnatajmi canga- nircami.

Profetapas manan Diospa Simin Qelqawanqa mana acuerdopichu kanan.

Gálatas 1:8,
Ashtahuanpish cancunaman alli huillaita ñucanchij huillashca shina mana huillashpa, alli huillaita shujtaj shina huillajpica ñucanchijllatataj cashpa, jahua pachamanta angelta cashpapish llaquichinapaj cachun.

1 Corintios 14:37,
Maijanpish profetami cani nij cashpapish, mana cashpaca Taita Diospaj Espíritu yuyaita cujpi huillajmi cani nij cashpapish, cancunaman ñuca quillcashcacunaca, Mandaj Jesús mandashcacuna cashcata yachachun.

Santo Espirituta chaskinanchismi.

Hechos 1:4-5,
4 Jesusca paicunahuan cashpaca, cashna nishpami mandarca: -Jerusalenmantaca amaraj ringuichij. Ñuca sarunman huillashca shinallataj ñuca Yaya cusha nishca jucha illaj Espíritu shamungacama shuyanguichij.
5 Juanca yacullahuanmi bautizarca. Ashtahuanpish cancunaca jucha illaj Espirituhuanmi asha punllacuna q'uipaca, bautizashca canguichij- nircami.

Hechos 5:32,
Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca- nircami.

Juan 16:7-14,
7 Chashna cajpipish, caitaca cancunapaj allipaj huillanatajmi cani: Cancunapaj allipajca ñucaca rinatajmi cani. Ñuca mana rijpica, cushichijca cancunapajmanca mana shamungachu. Ñuca rishpamari paitaca cachasha.
8 Chai Espíritu shamushpaca cai pachapaj cajcunataca juchayuj cashcatami yuyachinga. Taita Diosca cashcata ruraj cashcata, paica imalla rurashcata ricuchishpa llaquichina cashcatapishmi yuyachinga.
9 Juchayuj cashcata yuyachinaca, ñucata mana crishcamanta, jucha cashcata yuyachinami.
10 Cashcata ruraj nishcaca, ñuca Yayapajman rijpi cancuna ñucata ña mana ricunami.
11 Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.
12 Cancunata yachachinataca achcata charinirajmi. Ashtahuanpish cunanca mana tucuita entendi tucunguichijchu.
13 Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.
14 Jucha illaj Espíritu shamushpaca ñuca yachachicushcamanta japishpami tucui ima shinalla cashcata yachachishpa ñucataca jatunyachinga.

Hechos 1:8,
Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij- nircami.

Romanos 8:9-11,
9 Ashtahuanpish cancunaca, aicha munashca shinaca ña mana causacunguichijchu. Ashtahuanpish Diospaj Espíritu cancunapi causacujpitajca, Espíritu munashca shinamari causacunguichij. Maijanpish Cristopaj Espirituta mana charijca, mana paipajchu.
10 Cancunapaj juchamanta cuerpoca huañuna cajpipish, Cristo cancunapi causacujpitajca, espirituca justificashcamantaca causacunmi.
11 Huañushcacunapaj chaupimanta Jesusta causachij Diospaj Espiritumi cancunapi causacun. Cristo Jesusta huañushcacunapaj chaupimanta causachij Diosllatajmi, cancunapi caj paipaj Espirituhuan, cancunapaj huañushca cuerpocunatapish causachinga.

Hechos 10:44-48,
44 Pedro chashna huillacujpirajmi, jucha illaj Espirituca huillashcata tucui uyacujcunapaj jahuaman shamurca.
45 Circuncisionta rurashca crijcunami Pedrohuanca shamushcacuna carca. Paicunaca mana judiocunapaj jahuamanpish, jucha illaj Espíritu shamujta ricushpaca yallitaj mancharircacuna.
46 Shujtaj rimaicunapi rimashpa, Taita Diosta jatunyachicujta uyashpami mancharircacuna.
47 Chaimi Pedroca: -Paicunapish ñucanchij shinallatajmari jucha illaj Espirituta chasquincuna. Paicuna yacupi ama bautizarichunca ¿pitaj jarcangari?- nijpimi,
48 Pedroca: -Mandaj Jesuspaj shutipi paicunata bautizaichij- nishpa mandarca. Chaimantaca asha punllacunacama paicunahuan saquirichunmi Pedrotaca rogarcacuna.

Simiq k’anchayninpin purinanchis.

1 Juan 1:5-7,
5 Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.
6 Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.
7 Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

Alistakuy Diosniykiwan tupanaykipaq,... Amós 4:12

Chay qillqa maytumanta... Kaymi Ñan. Chaypi Purinki.
de S.E. Johnson.

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun- nircami.

Hechos 4:12 QCHI04.