Teupumanö ateueh nan Isa. BNL Ministries

Teupumanö ateueh nan Isa.

Christian Walk series.

Nyoe kheueh jalan gobnyan;
seutôt kheueh jalan nyoe.

Yesaya 55:6-7,
6 Tawoe kheueh ubak TUHAN simantong na meuteumé; tahôi kheueh Gobnyan simantong Gobnyan rab.
7 Bah kheueh ureuëng jeuhet jipeujroh nibak udeb jih, dan jiubah jalan pikeran nyang na, bah kheueh jihwoe ubak TUHAN, mangat meuteumé gaséh sayang Gobnyan. Bah kheueh jihnyan jipaleng ubak geutanyoe, sabab TUHAN geupeuamphon deungon sigala murah até.

Mandum ureuëng ka meudesya.

Roma 3:23,
Mandum ureuëng ka meudesya dan jiôh nibak Po teu Allah nyang keuneuk peuseulamat awaknyan.

Roma 3:10,
...Hana meusidroe ureuëng pi nyang beutôi.

Meutobat kheueh nibak desya-desya gata.

Lukas 13:3
Sagai-sagai kon lagée nyang gata pike nyan! Teuma ingat kheueh: Meunyoe gata hana gata tobat nibak desya-desya gata, banmandum gata teuma maté saban lagée awaknyan.

Kisah Rasui-Rasui 3:19,
Ngon sabab nyan syedara-syedara, meutobat kheueh nibak desya-desya gata dan gata gisa kheueh ubak Po teu Allah, mangat Gobnyan geusampôh mandum desya-desya gata.

Wahyu 2:1,5,
1 Keu malaikat jeumaáh di Efesus, tuléh kheueh lagée nyoe:...
5 Sabab nyan, ingat kheueh padub na jiôh gata ka rhot! Meutobat kheueh gata nibak desya-desya gata, dan peubuet kheueh peue nyang gata peubuet yoh awai. Meunyoe hana, teuma Ulôn kuteuka ubak gata dan teuma Lôn cok gaki panyöt gata nyan nibak teumpat jih.

Wahyu 3:19,
Ureuëng-ureuëng nyang Ulôn gaséh, awaknyan kheueh nyang Ulôn seugah dan Lôn seunuét. Lé sabab nyan bah kheueh gata meuseumangat, dan meutobat kheueh nibak desya-desya gata.

Teupumanö ateueh nan Isa.

Markus 16:16,
Ureuëng nyang hana peucaya teuma teuhuköm. Teuma ureuëng nyang peucaya dan teupumanö, ureuëng nyan teuma seulamat.

1 Petrus 3:21,
Ngon lagée nyan, keujadian nyang lagée nyan na kheueh saboh kiyaih nibak pumanö nyang na jinoenyoe teupeuseulamat gata. Pumanö nyoe na kheueh kon sibagoe upacara teupeugleh tuboh nibak mandum kalang nyang kutoe-kutoe, teuma na kheueh sibagoe janji gata ubak Allah nibak até nurani nyang jroh. Pumanö nyan teupeuseulamat gata sabab Isa Almaseh ka udeb lom teuma nibak Gobnyan nyang ka meuninggai,

Yahya 3:23,
Nibak watée nyan Nabi Yahya gohlom jipeutamong lam glab. Gobnyan geupumanö gob di Ainon, hana padub na jiôh ngon Salim, sabab bak teumpat nyan jai that ié. Ureuëng ramé jijak bak gobnyan, dan gobnyan laju geupumanö awaknyan.

Kisah Rasui-Rasui 8:36-39,
36 Bak teungoh rot ueh sira jijak nyan, awaknyan laju trok bak saboh teumpat nyang na ié. Peugawée nyan jipeugah, “Ngieng, jéh pat na ié! Peue lom nyang kureueng keu droeneueh pumanö ulôn?”
37 Geupeugah lé Filipus, “Meunyoe Teungku neupeucaya ngon sipeunoh até, Teungku jeuet teupumanö.” “Ulôn peucaya keu Isa na kheueh Aneuëk Allah,” kheun peugawée rayeuk nibak nanggroe Etiopia nyan.
38 Ureuëng nyan laju jiyue piôh geuritan jih; óh lheueh nyan awaknyan mandua, Filipus dan peugawée nyan, laju jitron lam ié, Filipus laju geupumanö ureuëng nyan.
39 Watée awaknyan jiteubiet nibak lam ié, Roh Allah laju geucok Filipus nibak teumpat nyan. Peugawée rayeuk nibak Etiopia nyan hana deuh le jikalon gobnyan. Ngon até that-that galak peugawée nyan laju jijak lom teuma.

1 Samuel 15:22,
...Taát ubak TUHAN leubeh gét nibak keureubeuen nyang teupeuseumah ubak Gobnyan. Patuh leubeh gét nibak leumak bubiri.

Lukas 24:45-49,
45 Óh lheuehnyan Isa geubuka pikeran awaknyan mangat hase jipeuphôm meukeusut nyang teutuléh lam Kitab Suci.
46 Dan laju geupeugah lé Gobnyan ubak awaknyan, “Lam Kitab Suci na teutuléh bahwa Raja nyang ba Seulamat nyan harôh meudeurita, dan harôh geubeudôh keula-i nibak maté bak uroe nyang keu lhée.
47 Dan meunan cit ateueh nan Raja Peuseulamat nyan harôh teupeusampoe ubak banmandum bansa bahwa manusia harôh jitobat, dan bahwa Po teu Allah geupeu amphon desya. Dan haba nyan harôh teupeusampoe phon nibak Yerusalem.
48 Gata kheueh saksi-saksi nibak banmandum nyan.
49 Dan ulôn keudroe teuma lôn kirém ubak gata peue nyang ka geupeu janji lé Allah Bapak. Teuma gata harôh teutab gata preh lam banda nyoe sampoe kuasa nyang teuka nibak Po teu Allah ka peunoh ateueh gata.”

Kisah Rasui-Rasui 2:36-39,
36 Nyang kheueh sabab jih mandum ureuëng Israel harôh jiteupeue that bahwa Isa nyang gata saleb nyan, Isa nyan cit teuma nyang ka geupeujeuet lé Po teu Allah jeuet keu Tuhan dan Raja Peuseulamat!”
37 Watée awaknyan mandum jideungoe hai nyan, até awaknyan gundah lumpah na. Laju awaknyan jitanyong bak Petrus dan rasui-rasui nyang laén, “Syedara-syedara mandum, peue nyang harôh kamoe peubuet?”
38 Geujaweueb lé Petrus, “Meutobat kheueh nibak desya-desya gata. Dan bah kheueh gata maséng-maséng teupumanö ateueh nan Isa, mangat mandum desya-desya gata teupeue amphon. Teuma gata mandum tateurimong Roh Allah nibak Po teu Allah.
39 Sabab nyang geupeu janji lé Allah nyan na kheueh keu gata dan keuturonan gata meunan cit keu ureuëng-ureuëng nyang na bak teumpat-teumpat nyang jiôh -- na kheueh mandum ureuëng nyang geutawök lé Allah Tuhan tanyoe keu tajak ubak Gobnyan.”

Teuma Petrus jiyue awaknyan teupumanö ateueh nan Isa.

Kisah Rasui-Rasui 8:14-17,
14 Rasui-rasui nyang na di Yerusalem jideungoe bahwa ureuëng-ureuëng Samaria ka jiteurimong feureuman Allah. Ngon sabab nyan awaknyan laju jiyue jak Petrus dan Yahya u Samaria nyan. 15 Watée Petrus dan Yahya ka trok keunan, awaknyan laju meudoá keu ureuëng-ureuëng Samaria nyan mangat awaknyan meuteumé Roh Allah, 16 sabab, Roh Allah gohlom teuka geukuasa ateueh awaknyan meusidroe pih; awaknyan ban teupumanö ateueh nan Tuhan Isa. 17 Laju Petrus ngon Yahya geupeuduek jaroe geuhnyan ateueh ureuëng-ureuëng Samaria nyan; ngon lagée nyan awaknyan ka jiteurimong Roh Allah.

Kisah Rasui-Rasui 19:1-6,
1 Teungoh Apolos mantong na di Korintus, Paulus teungoh geujak-jak bansaboh gampông nyang na didaerah nyan óh lheueh nyan trok laju u Efesus. Disinan laju meurumpok ngon na meupadubdroe ureuëng nyang ka meuiman ubak Isa.
2 Laju geutanyong bak awaknyan, “Peu kheueh syedara-syedara ka tateurimong Roh Allah watée gata meuiman ubak Isa?” Awaknyan jijaweueb, “Gohlom. Lom teuma, kamoe hántom meudeungoe bahwa na Roh Allah.”
3 “Meunyoe meunan, ngon cara pumanö peu kheueh gata teupeumanö?” tanyong Paulus. “Ngon cara pumanö Nabi Yahya,” jaweueb awaknyan.
4 Laju geupeugah lé Paulus, “Nabi Yahya geupumanö gob sibagoe tanda bahwa ureuëng nyan ka jitobat nibak mandum desya-desya jih. Teuma watée nyan cit teuma Nabi Yahya geupeugah bak ureuëng-ureuëng Israel bahwa awaknyan harôh meuiman ubak ureuëng nyang teuma teuka dudoe nibak gobnyan, ureuëng nyan na kheueh Isa.”
5 Watée awaknyan jideungoe nyan, awaknyan laju teupumanö ateueh nan Isa.
6 Dan watée Paulus geukeubah jaroe geuh ateueh awaknyan, Roh Allah laju jikuasa ateueh awaknyan, laju awaknyan jimarit lam mubagoe basa dan jipeusampoe haba nibak Po teu Allah.

Kisah Rasui-Rasui 10:48,
Teuma Petrus jiyue awaknyan teupumanö ateueh nan Isa.

Yahya 3:3,
Geupeugah lé Isa, “Peucaya kheueh, hana meusidroe pih nyang jeuet keu anggota umat Allah, meunyoe jihnyan hana teupeulahé lom teuma.”

Galatia 1:8,
Ureuëng nyang peusampoe “haba gét” nyang laén nibak Haba Gét nyang ka kamoe peusampoenyan, bah kheueh ureuëng nyan geuhuköm lé Allah -- bah kheueh ureuëng nyang pesampoe nyan ulôn keudroe atawa malaikat nyang teuka lam syeuruga!

1 Korintus 14:37,
Meunyoe na ureuëng nyang meurasa na karonya keu jipeusampoe haba nyang teuka nibak Po teu Allah, atawa jihnyan na karonya nyang laén nyang teuka nibak Po teu Allah, ureuëng nyan harôh sadar bahwa peue nyang ulôn tuléh nyoe na kheueh peurintah nibak Tuhan.

Teuma gata mandum tateurimong Roh Allah nibak Po teu Allah.

Kisah Rasui-Rasui 1:4-5,
4 Dan bak watée Gobnyan meusapat ngon awaknyan, Gobnyan laju geubri peurintah nyang lagée nyoe bak awaknyan, “Bék gata jak nibak Yerusalem. Preh disinan sampoe Bapak geubri peue nyang ka geupeu janji, na kheueh nyang ka lheueh Ulôn bri keu gata yoh masa ilée.
5 Sabab Yahya geuseumanö ngon ié, teuma na padub uroe teuk gata geuseumanö ngon Roh Allah.”

Kisah Rasui-Rasui 5:32,
Kamoe kheueh saksi-saksi keuhai mandum nyan -- Kamoe dan meunan cit ngon Roh Allah keu ureuëng-ureuëng nyang seutôt peurintah Gobnyan.

Yahya 16:7-14,
7 Teuma Ulôn peugah nyang beutôi bak gata: Leubeh gét nibak gata, meunyoe ulônjak; sabab meunyoe Ulôn hana lônjak, Nyang tulông nyan hana teuka bak gata. Teuma meunyoe ulônjak, Ulôn teuma lôn utus Gobnyan ubak gata.
8 Meunyoe Gobnyan teuka, Geuhnyan teuma geupeugah bak donya makna nyang sibeuna jih nibak desya, nibak peue nyang sibeuna jih, dan nibak huköman Po teu Allah.
9 Gobnyan teuma geupeugah nyang hana meuiman ubak Ulôn na kheueh desya;
10 bahwa Ulôn beutôi, sabab Ulôn jak ubak Bapak dan gata hana gata ngieng le Ulôn;
11 dan bahwa Po teu Allah ka geupeu phon huköm, sabab peunguasa donya nyoe ka geuhuköm.
12 Jai that-that nyang lôn keuneuk peugah bak gata, teuma bak saát nyoe gata gohlom hase gata teurimong.
13 Teuma meunyoe Rohnyan teuka, na kheueh Gobnyan nyang peugah keubeunaran keuhai Allah, gata teuma geubimbéng keu taturi banmandum keubeunaran. Gobnyan hana geumeututoe nibak droe Geuh keudroe teuma geupeugah peue nyang ka geudeungoe, dan Gobnyan teuma geupeugah bak gata peue nyang teuma teujadi óh uroe dudoe.
14 Gobnyan teuma geupeu mulia Ulôn, sabab peue nyang geupeusampoe bak gata, geuteurimong nibak Ulôn.

Kisah Rasui-Rasui 1:8,
Teuma gata meuteumé kuasa, meunyoe Roh Allah ka teuka ubak gata. Dan gata jeuet keu saksi-saksi keu Ulôn di Yerusalem, bansaboh Yudea, di Samaria dan sampoe u ujong bumoe.

Roma 8:9-11,
9 Teuma gata hana udeb meunurot tabiát manusia. Gata udeb meunurot Roh Allah -- meunyoe, teuntée jih, Roh Allah biet-biet geumat peuranan lam tuboh gata. Ureuëng nyang hana bak jih Roh Almaseh, ureuëng nyan bukon kheueh atra Almaseh.
10 Teuma meunyoe Almaseh udeb lam tuboh gata, bah pi tuboh gata teuma maté ngon sabab desya, teuma Roh Allah geubri udeb ubak gata, sabab hubongan gata ngon Allah ka gét.
11 Meunyoe Roh Allah, nyang peu-udeb Almaseh nibak maté, udeb lam tuboh gata, teuma Gobnyan nyang peu-udeb Almaseh nibak maté nyan, teuma geupeu udeb teuma tuboh gata nyang hase maté nyan. Gobnyan geupeubuet nyan ngon Roh Gobnyan nyang udeb lam tuboh gata.

Kisah Rasui-Rasui 10:44-48,
44 Watée Petrus mantong jipeugah haba, Roh Allah geutreun dan geukuasa mandum ureuëng nyang deungoe haba nyan.
45 Ureuëng-ureuëng Yahudi nyang peucaya ubak Isa dan jiseutôt Petrus phon nibak Yope, mandum hireuen watée jikalon bahwa Allah geubri cit Roh Gobnyan keu ureuëng-ureuëng bansa laén nyang bukon bansa Yahudi.
46 Sabab awaknyan jideungoe mandum ureuëng nyan jimututoe lam mubagoe basa dan jipujoe-pujoe keubeusaran Po teu Allah. Laju jipeugah lé Petrus,
47 “Cuba kalon, ureuëng-ureuëng nyoe ka meuteumé Roh Allah saban lagée geutanyoe. Ngon lagée nyan peu kheueh hase ureuëng laén jitam awaknyoe keu teupumanö ngon ié?”
48 Teuma Petrus jiyue awaknyan teupumanö ateueh nan Isa...

Teuma meunyoe tanyoe udeb lam trang...

1 Yahya 1:5-7,
5 Nyoe kheueh haba nyang kamoe deungoe keuhai Aneuëk Gobnyan dan nyang kamoe peutrok keugata: Allah nyan trang, dan nibak Gobnyan hana seupôt meubacut pih.
6 Meunyoe tanyoe peugah bahwa udeb meusaboh ngon Gobnyan, padahai geutanyoe udeb lam seupôt, ngon lagée nyan tanyoe kameusulet bah kheueh ngon tutoe haba meunan cit ngon buet.
7 Teuma meunyoe tanyoe udeb lam trang, lagée Allah na lam trang, ngon lagée nyan tanyoe udeb krab that, rukon sidroe ngon nyang laén, dan darah Isa, Aneuëk Gobnyan, geupeu gleh tanyoe nibak mandum desya.

From the tract... This is the way, Walk ye in it.
by S.E. Johnson.

Acts of the Prophet (PDF English)	Chapter 8 Angel Appears (PDF English)
Before...	After...
William Branham Life Story. (PDF English)	How the Angel came to me. (PDF English)

Contact Us
Technical, Webmaster
Bro David Shearer
Ph: +64 7 8279991 (English)
info.bnl.ministries@gmail.com

Teupumanö ateueh nan Isa.

Nyoe kheueh jalan gobnyan;seutôt kheueh jalan nyoe.

Nyoe kheueh jalan gobnyan;
seutôt kheueh jalan nyoe.