Oqo na sala, mai lako kina.

Aisea 55:6-7,
6 Dou vakasaqairai Jiova ni se kune rawa tiko, dou masuti Koya ni se voleka tiko.
7 Me biuta mada na nona i tovo na tamata ca, kei na nona vakanananu na tamata daucaka cala; laivi koya me lesu mai vei Jiova, ena qai lomani o koya, vei Koya na noda Kalou, ena vosoti vakalevu sara o koya.

Me vaka ni da tamata ivalavala ca kecega.

Roma 3:23,
Ni sai valavala ca o ira kecega na tamata, ka ra sega ni yacova na ka e vakarokorokotaki kina na Kalou.

Roma 3:10,
...Sa sega e dua sai valavala dodonu, sa sega sara e dua;

Sa dodonu me da veivutuni taucoko.

Luke 13:3
Au tukuna vei kemudou, e sega; ia dou na rusa talega vaka kina kevaka mo dou sega ni via veivutuni.

Cakacaka 3:19,
O koya mo dou vei vutuni ka sauvuki lesu mai, me bokoci kina na nomudou i valavala ca, me na talevi kemudou lesu mai kina na veivakasaututaki ni Turaga,

O ira sara mada ga na lotu e dodonu me ra veivutuni.

Vakatakila 2:1,5,
Mo vola oqo vei koya nai talai ni soqosoqo lotu mai Efeso,...
Mo nanuma ga na ka o sa lutu tani mai kina, mo veivutuni ka taura lesu tale nai matai ni nomu katakata ni veiqaravi, De'u na qai lako mai vakatotolo sara vei iko, ka kauta tani na nomu i tutu ni cina, mai na kena tikina kevaka o sega ni veivutuni.

Vakatakila 3:19,
Oi ira kecega Au sa lomana, Au vunauca ka kana kuitataka, o koya oqo mo dikevi iko ka veivutuni.

E dodonu meda papitaiso.

Marika 16:16,
O koya sa vakabauta ka papitaisotaki sara ena bula; ia o koya e sega ni vakabauta ena lewai me cudruvi.

1 Pita 3:21,
E dua talega na vakatautauvata ni veivakabulai na papitaiso (na papitaiso e sega ni kena kau tani na i valavala ca mai na yagoda, ia ena noda vakaraitaka ga i vuravura na veivakasavasavataki e vakayacora na Kalou ena noda bula e loma), e na kaukauwa ni tucake tale i Jisu Karisito.

Ni tabadromuci e wai.

Joni 3:23,
O Joni a veipapitaisotaki tale tiko ga mai Aenoni voleka e Salimi baleta ni sa levu kina na wai. Era sa lako mai ka papitaisotaki.

Cakacaka 8:36-39,
36 Ni rau sa lako tiko ena gaunisala, rau donuya sara na wai ni to tu. Sa tukuna na euniki (matanivanua), “Raica, sa to tu oqo na wai. A cava tale me tarovi au, me'u kakua kina ni papitaisotaki?”
37 Sa tukuna vua o Filipi, kevaka o sa vakabauta mai na vuni yalomu mai loma, sa rawa ni o papitaiso, sa tukuna o koya, “Au sa vakabauta ni sa luve ni Kalou o Jisu Karisito.”
38 Sa vakarota o koya me tu vakadua mada na qiqi vakaturaga. Rau sa lako sobu ruarua i wai o Filipi kei na euniki (matanivanua), sa papitaisotaki sara o koya.
39 Ni rau sa cabe cake mai wai,sa tauri Filipi na Yalo Tabu ka vakayalitaki koya mai kea me sega ni qai raici koya tale vakadua na euniki (matanivanua) oqo; sa lesu nai lakolako vakaturaga ena reki kei na vakavinavinaka.

Me vaka na ivakarau vakaiapositolo.

1 Samuela 15:22,
...Mo kila, na talairawarawa sa vinaka cake mai nai soro kama kei na vakarorogo mai na uro ni lami.

Luke 24:45-49,
45 Sa qai dolava o koya na nodra vakasama mera kila sara nai Vola Tabu.
46 Sa qai tukuna vei ira, “Ni sa volai, sa kilikili kei koya na Karisito me vakararawataki ka tucake mai ena mate ena i katolu ni siga.
47 Ka me vunautaki ena veivanua kecega me tekivu sara ga e Jerusalemi, na veivutuni kei na vakabokoci ni valavala ca.
48 Oi kemudou mo dou vakaraitaka yani na veika oqo.
49 Ka raica, Au sa tala vei kemudou na ka sa yalataka o tamaqu; ia mo dou wawa tikoga e Jerusalemi me yacova ni sa curumi kemudou na kaukauwa mai cake.”

Cakacaka 2:36-39,
36 “O koya oqo, me kila sara kina na mataqali taucoko e Isireli, o Jisu oqo, o koya dou a vakota kina kauveilatai, sa lesia na Kalou me Turaga ka Karisito talega.”
37 Ni ra sa rogoca oqo, sa lausua na yalodra, era sa tukuna vei Pita kei ira na vo ni apositolo, “Isa kemudou na veiwekani, a cava me Keimami na kitaka?”
38 Sa qai tukuna vei ira o Pita, “Dou veivutuni, ka papitaisotaki taucoko ena yaca i Jisu Karisito me bokoci kina na nomudou i valavala ca; dou na qai rawata talega kina nai solisoli ni Yalo Tabu.
39 Na vosa yalayala oqo me baleti kemudou kei ira na luvemudou, kei ira era yawa tu mai, o ira vakaaduaga sa kaciva na Kalou ka noda Turaga.”

Era a sega ni papitaiso ena Yaca dina
a vakaroti me papitaiso tale.

Cakacaka 8:14-17,
Ni ra sa rogoca nai apositolo mai Jerusalemi na nodra sa vakabauta na vosa ni Kalou o ira mai Samaria, era sa qai talai rau mai o Pita kei Joni vei ira.
15 Ni rau sa yaco mai vei ira era se qai lotu vou oqo, rau sa masulaki ira mera rawata na Yalo Tabu.
16 Ni ra se qai papitaisotaki oti ga ena yaca ni Turaga o Jisu, se bera ni tarai ira tiko na Yalo Tabu.
17 E rau sa qai tabaki ira ena ligadrau, era sa rawata kina na kaukauwa ni Yalo Tabu.

Cakacaka 19:1-6,
1 Ni se tiko mai Koronica o Apolosa, sa muria mai na yasana mai cake (Kalatia) o Paula ka yaco mai ki Efeso. E kea e sotava kina eso na tisaipeli.
2 Sa tukuna vei ira, “Dou sa rawata li na Yalo Tabu ni dou sa vakabauta?” Era sa tukuna vua, “Keimami se bera sara ga ni rogoca vakadua ni tiko e dua na Yalo Tabu.”
3 Sa tukuna vei ira, “Ena yaca i cei dou sa papitaisotaki kina?” Era tukuna vua, “Ena yaca i Joni na dauveipapitaisotaki.”
4 Sa tukuna o Paula, “O Joni e veipapitaisotaki ena papitaiso ni veivutuni, ena nona tukuna tiko e dua ena muri au mai mo dou vakabauti Koya, oqori e tukuni Jisu Karisito.”
5 Nira sa rogoca oqo, era sa papitaisotaki sara ga ena yaca ni Turaga o Jisu.
6 Ia ni sa tabaki ira o Paula ena ligana, sa sobuti ira na Yalo Tabu, era sa vosataka kina na vosa tani kei na parofisai.

Cakacaka 10:48,
A sa vakaroti ira me ra sa papitaisotaki sara ga ena yaca ni Turaga...

Na matalotu cava me 'u na duavata kina?
E sega. -Qaravi Jisu Karisito.

Joni 3:3,
Sa sauma o Jisu, “Sa dina sara, Au sa tukuna vei iko, vakavo me sucu tale na tamata, ena sega ni raica na matanitu ni Kalou.”

Kalatia 1:8,
Ia kevaka mada ga e dua vei keitou, se dua na agilosi mai lomalagi, me la'ki vunautaka yani e dua tani nai tukutuku vinaka, ka sega ni vaka keitou dau vunautaka, dou taura ka vakarusa.

Me kakua sara ni duavata kei na ivolanikalou e dua na parofita.

1 Koronica 14:37,
Kevaka e dua sa nanuma ni o koya e dua na parofita se tamata vakayalo, me kila sara ni sai vakaro ni turaga na veika au vola tiko yani oqo.

E dodonu meda ciqoma na Yalo Tabu.

Cakacaka 1:4-5,
4 Ena dua na nodra soqoni vata sa vakarota vei ira mera kakua ni lako tani e Jerusalemi, ia me ra waraka ga na Vosa Yalayala i Tamana, “Me vaka dou sa rogoca mai vei Au”, sa tukuna o koya vei ira.
5 “E dina ni sa dauveipapitaisotaki o Joni ena wai, ia oi kemudou mo dou na papitaiso ena Yalo Tabu ena vica na siga mai oqo.”

Cakacaka 5:32,
“Keitou sai vakadinadina ni veika oqo, kei na Yalo Tabu talega o koya sa solia na Kalou vei ira ga sa talairawarawa Vua.”

Joni 16:7-14,
7 “Au sa tukuna vei kemudou na veika e dina. Oqo ga na nomudou vinaka, o ya na noqu lako yani; kevaka Au na sega ni lako yani, na Dauniveivuke ena sega ni lako mai vei kemudou; ia, kevaka Au sa lako, Au na talai Koya mai vei kemudou.
8 Ni sa lako mai o Koya, ena mai dusimaka ki vuravura na i valavala ca, na i valavala dodonu kei na lewa dodonu,
9 na i valavala ca baleta ni ra sega ni vakabauti Au;
10 nai valavala dodonu baleta Ni'u sa lako vei Tamaqu ka dou na sega ni raici Au tale;
11 na lewa dodonu baleta ni sa na lewai o koya sa dau vakaveitaliataka na vuravura oqo.
12 E se levu tu na veika Me'u tukuna vei kemudou, sa sega ni rawa vei Au oqo.
13 Ia, ni sa na lako mai o Koya na Yalo ni Dina oqo, ena tuberi kemudou ki na veika kecega e dina. Ena sega ni vosa ena Nona kaukauwa, na veika ga ena rogoca ena tukuna, ena tukuna talega na veika ena yaco mai muri.
14 Ena vakacerecerei Au, ni na kauta na ka e Noqu ka tukuna vei kemudou.”

Cakacaka 1:8,
Ia dou na rawata na kaukauwa ni sa lako mai vei kemudou na Yalo Tabu; mo dou na qai yaco kina mo dou dautukuni Au mai Jerusalemi, mai Jutia taucoko kei Samaria, ka yacova sara nai yalayala kei vuravura.

Roma 8:9-11,
9 Ia oi kemudou sa sega ni vakayago ia dou sa vakayalo ga, kevaka sa tiko dina e na yalomudou na Yalo ni Kalou, o koya sa sega vua na yaloi Karisito, sa sega ni nona.
10 Kevaka sa tiko vata kei kemudou yadudua na Karisito, na yagomudou sa dodonu me mate ena vuku ni valavala ca, ia na yalomudou sa qai bula ena vuku ni veivakadonui.
11 Ia kevaka sa tiko vakadua e na lomamudou na Yaloi Koya sa vakaturi Jisu cake tale mai na mate, o Koya sa vakaturi Karisito tale mai na mate, ena vakavouya tale na yagomudou mai na mate, ena Yalona sa tiko vakadua ena lomamudou.

Cakacaka 10:44-48,
44 Ni se vosa tikoga o Pita sa sovaraki na Yalo Tabu kivei ira vakaaduaga na vakarogoci koya tiko.
45 Eso na tamata lotu era sa cilivi oti era veitomani vata tiko mai kei Pita nona lako mai Jopa, ni ra sa raica na nodra sa rawata nai solisoli ni Yalo Tabu, ni sa sovaraki kivei ira na veimatanitu tani era sa kidroataka sara vakalevu.
46 Ka salavata nodra rogoci ira ni ra sa vosataka na vosa ni veimatanitu tani kei na nodra vakalagilagia na Kalou. Sa qai vosa o Pita,
47 “E dua beka me tarova na kena soli na wai me ra sa papitaisotaki sara ga oqo, ni ra sa vakasinaiti talega ena Yalo Tabu, me vakataki keda?”
48 A sa vakaroti ira me ra sa papitaisotaki sara ga ena yaca ni Turaga...

E dodonu meda muria na rarama ni Vosa.

1 Joni 1:5-7,
5 Oqo nai tukutuku keitou rogoca mai vei koya ka tukuna vei kemudou, ni sa rarama na Kalou ka sa sega sara vua na butobuto.
6 Kevaka eda tukuna tiko ni da veitokani kei koya, ka bula vakabutobuto tiko, eda sa lasu ga ka sega ni bulataka tiko na dina.
7 Ia kevaka eda bula tiko ena bula ni rarama, ni sa rarama o Koya, ka da veitokani kei ira na wekada, na dra i Jisu Karisito na luvena sa vakasavasavataki keda oti mai na noda i valavala ca.

...mo vakarautaki iko, mo drau na sota kei na nomu Kalou... Emosi 4:12

Mai na tikitiki ni... "This is the way, Walk ye in it".
mai kina S.E. Johnson.

E sega ni dua e rawa me veivakabulai, ni sega tale ni dua na yaca e ruku i lomalagi e soli vua na tamata me bula rawa kina.

Cakacaka 4:12