Kolobetso ya metsi.
Tsela ke ena. Tsamayang mo go yone.
Isaia 55:6-7,
6 Batlang Jehofa a sa ntse a ka bonwa; mmitseng a sa ntse a le gaufi.
7 A moikepi a latlhe tsela ya gagwe, le motho yo o sa siamang kgopolo tsa gagwe; a a boele kwa go Jehofa, mme o tlaa mo utlwela botlhoko; le kwa Modimong wa rona, gonne o tlaa itshwarela ka botlalo.Ka gonne rotlhe re baleofi.
Baroma 3:23,
Gonne botlhe ba leofile, ba tlhaetse kgalaletso ya Modimo;Baroma 3:10,
...Ga go ope yo o siameng, le fa e le yo mongwe fela;Re tshwanetse go ikwatlhaya rotlhe.
Luke 13:3
Ke a lo raya, nnyaa; fa lo sa ikwatlhaye, le lona lotlhe lo tlaa nyelela fela jalo.Ditiro 3:19,
Ke gone, ikwatlhayeng, lo sokologe, gore dibe tsa lona di phimolwe, gore go tlo go tle metlha ya thudiso jalo, e e tswang fa pele ga Morena;Le dikereke di tshwanetse go ikwatlhaya.
Tshenolo 2:1,5,
1 Kwalela moengele wa phuthego e e mo Efeso, o re:...
5 Ke gone, a ko o gakologelwe kwa e rileng o wa wa bo o tswa teng, mme o ikwatlhaye, o dire ditiro tsa ntlha; fa go sa nna jalo, ke tlaa ya koo go wena, ke tlosa setlhomo sa gago sa lobone mo bonnong jwa sone, fa o sa ikwatlhaye.Tshenolo 3:19,
Botlhe ba ke ba ratang, ke a tle ke ba kgalemele, ke ba otlhaye; ka re, o tlhoafale, o bo o ikwatlhaye.Re tshwanetse go kolobediwa.
Mareko 16:16,
Yo o dumelang a ba a kolobediwa, o tlaa bolokwa; yo o ganang go dumela o tlaa sekisiwa.1 Petere 3:21,
A le one a bolokang lona gompieno, ka fa setshwanong sa ammaaruri, e bong kolobetso, e seng go tlosiwa ga leswe la nama, fa e se potsiso ya segakolodi se se siameng, se botsa ka ga Modimo, ka go tsoga ga Jesu Keresete;Ka go inelwa mo metsing.
Johane 3:23,
Johane le ene a bo a kolobetsa mo Ainone, gaufi le Salime, gonne metsi a ne a le magolo teng; mme ba tla ba kolobediwa,Ditiro 8:36-39,
36 Ya re ba sa tswelela pele mo tseleng, ba fitlha fa metsing mangwe; mme moopafadiwa a re: “Bona, metsi ke a; ke kgorelediwa ke eng gore ke se kolobediwe?”
37 (Filipo a re: “Fa o dumela ka pelo yotlhe ya gago go ka nna jalo.” A mo fetola a re: “Ke a dumela fa Jesu Keresete e le Morwa Modimo.”)
38 Mme a laola gore kara e eme, mme ba fologela mo metsing boo babedi, ene Filipo le moopafadiwa; mme a mo kolobetsa.
39 Ya re ba tlhatloga mo metsing, Mowa wa Morena wa tlosa Filipo; mme moopafadiwa a se ka a tlhola a mmona, gonne a tswelela mo tseleng ya gagwe a itumetse.Go ya ka paterone ya Baaposetoloi.
1 Samuele 15:22,
...Bona, go utlwa go molemo bogolo go go isa tshupelo, le go reetsa bogolo go mahura a diphelefu.Luke 24:45-49,
45 Foo a rarabolola tlhaloganyo ya bone gore ba tlhaloganye dikwalo;
46 a ba raya a re: “Go kwadilwe jaana, fa ene Keresete a tlaa swa jalo, mme a ba a tsoge mo baswing ka letsatsi la boraro;
47 le gore go rerelwe merafe yotlhe boikwatlhao, le boitshwarelo jwa dibe ka leina la gagwe, go simolola mo Jerusalema.
48 Lona lo basupi ba dilo tse.
49 Bonang, ke tlisa polelo ya tsholofetso ya ga Rre mo go lona; lo name lo sa diegile mo motseng wa Jerusalema, go tle go tsamaye lo apesiwe nonofo e e tswang kwa godimo.”Ditiro 2:36-39,
36 “Ke gone a botlhe ba ntlo ya Iseraele ba itsetse ruri, fa Modimo o mo dirile Morena le Keresete, e bong ene Jesu yo lo mmapotseng.”
37 Jaana e rile ba utlwa ba tlhabega mo pelong, ba raya Petere le baaposetole ba bangwe ba re: “Bakaulengwe, re tlaa dirang?”
38 Petere a ba raya a re: “Ikwatlhaeng, mongwe le mongwe wa lona a kolobelediwe boitshwarelo jwa dibe tsa lona, mo ineng la ga Jesu Keresete; mme lo tlaa amogela neo ya Mowa o o Boitshepo.
39 Gonne lefoko la tsholofetso le raya lona le bana ba lona, le botlhe ba ba kwa kgakala, e bong botlhe ba Morena Modimo wa rona o tlaa ba ipiletsang.”Bao ba sa kolobetswang ka Lebitso la nnete,
ba ne ba laelwa gore ba kolobediwe gape.Ditiro 8:14-17,
14 Jaana e rile baaposetole ba ba kwa Jerusalema ba utlwa fa ba Samaria ba amogetse lefoko la Modimo, ba roma Petere le Johane kwa go bone;
15 ba e rileng ba fitlha ba ba rapelela gore ba amogele Mowa o o Boitshepo;
16 gonne o ne o ise o wele mo go ope wa bone, ba ne ba kolobeditswe mo ineng la Morena Jesu fela.
17 Foo ba ba baya diatla, mme ba amogela Mowa o o Boitshepo.Ditiro 19:1-6,
Ya re Apolose a sa ntse a le kwa Korinthe, ga dirala ya bo Paulo a fitlha mo Efeso, a raletse lefatshe ntlheng ya godimo, a fitlhela barutwa bangwe teng.
2 A ba raya a re: “A e rile lo dumela a lo ne lwa amogela Mowa o o Boitshepo?” Ba mo raya ba re: “Nnyaa, le fa e le go utlwa, ga re a ka ra ba ra utlwa fa Mowa o o Botshepo o neilwe bangwe.”
3 A re: “Ana lo kolobeleditswe eng?” Ba re: “Kolobetso ya ga Johane.”
4 Paulo a re: “Johane o kolobeditse ka kolobetso ya boikwatlhao, a raya batho a re ba dumele mo go ene yo o tlaa tlang morago ga gagwe, e bong mo go Jesu.”
5 E rile ba sena go utlwa jalo, ba kolobediwa mo ineng la Morena Jesu.
6 Ya re Paulo a sena go ba baya diatla, Mowa o o Botshepo wa tla mo go bone; mme ba bua ka dipuo di sele, ba ba ba perofesa.Litiho 10:48,
Mme a laola gore ba kolobediwe mo ineng la ga Jesu Keresete...Ke tshwanetse go tsena mo phuthegong efe?
Ga go epe. - Direla Jesu Keresete.Johane 3:3,
Jesu a mo fetola a re: “Ammaaruri, ammaaruri ke a go raya, fa motho a sa tsalwe seša, ga a ka ke a bona bogosi jwa Modimo.”Bagalatia 1:8,
Le fa e ka bo e le rona, kgotsa e le moengele yo o tswang legodimong, fa a ka lo rerela mafoko a a molemo a sele, kwa ntle ga a re a lo reretseng, a a hutsege.Le moporofeti ga a tshwanela go ganetsa le lokwalo.
1 Bakorinta 14:37,
Fa motho mongwe a ithaya a re ke moranodi, kgotsa ke wa semowa, a ke a ele tlhoko dilo tse ke di lo kwalelang, gore ke taolo ya Morena.Re tshwanetse go amogela Mowa o o Boitshepo.
Ditiro 1:4-5,
4 e rile ba phuthegile nae a ba laya a re, ba se ka ba tloga mo Jerusalema, mme ba lebelele polelo ya tsholofetso ya Rara, e o reng lo e utlwile mo go nna: 5 Gonne le gale Johane o ne a kolobetsa ka metsi; mme e tlaa re malatsi a ise a nne mantsi, lona lo tlaa kolobediwa ka Mowa o o Boitshepo.Litiho 5:32,
Rona re basupi ba dilo tse; le one Mowa o o Boitshepo o ntse jalo, o Modimo o o neileng bone ba ba o utlwang.Johane 16:7-14,
7 Le fa go ntse jalo ke lo bolelela boammaaruri; go ka nna molemo ka ga lona fa ke tsamaya, gonne fa ke sa tsamaye, Mogomotsi ga a ketla a tla mo go lona; mme fa ke tsamaya, ke tlaa mo roma mo go lona.
8 Mme ene o tlaa re a tsile, o tlaa senolela lefatshe molato ka ga boleo, le ka ga tshiamo, le ka ga katlholo;
9 ka ga boleo, ka gobo ba sa dumele mo go nna;
10 ka ga tshiamo, ka gobo ke ya kwa go Rara, mme lo sa tlhole lo mpona;
11 ka ga katlholo ka gobo kgosana ya lefatshe leno e atlhotswe.
12 “Ke sa na le dilo di le dintsi go di bua le lona, mme ga lo ka ke lwa di itshokela gompieno.
13 Le fa go ntse jalo, mogang one Mowa wa boammaaruri o tsileng, o tlaa lo gogela mo boammaaruri o tsileng, o tlaa lo gogela mo boammaaruring jotlhe; gonne ga o ketla o ipuisa ka osi; mme dilo tse o di utlwang le fa e ka nna dife, ke tsone tse o di buang; mme o tlaa lo bolelela dilo tse di tlaa tlang.
14 O tlaa nkgalaletsa; gonne o tlaa tsaya ga mo e leng ga me, o go lo bolelele.Litiho 1:8,
Mme e tlaa re Mowa o o Boitshepo o sena go tla mo go lona, lo tlaa bona nonofo; lo tlaa nna basupi ba me mo Jerusalema, le mo lefatsheng lotlhe la Jutea le la Samaria, go ya fela kwa sekhutlong sa lefatshe.Baroma 8:9-11,
9 Lona, ga lo mo nameng, mme lo mo Moweng; ke raya fa Mowa wa Modimo o agile mo go lona. Fa motho le fa e le mang a se na Mowa wa ga Keresete, ene ga se wa gagwe ka gope.
10 Mme fa Keresete a le mo go lona, mmele o sule ka ntlha ya boleo; mme mowa o tshedile ka ntlha ya tshiamo.
11 Fa Mowa wa one o o tsositseng Jesu mo baswing, o agile mo go lona, one o o tsositseng Keresete Jesu mo baswing, o tlaa rudisa le yone mebele ya lona e e nang le go swa, ka Mowa wa one o o agileng mo go lona.Ditiro 10:44-48,
44 Ya re Petere a sa ntse a bua mafoko a, Mowa o o Boitshepo wa wela botlhe ba ba utlwang lefoko.
45 Ba bogwera ba ba dumetseng, ba gakgamala thata, e bong ba ba tsileng le Petere, ka gobo neo ya Mowa o o Boitshepo e gorometditswe le mo go Baditšhaba.
46 Gonne ba ba utlwa ba bua ka dipuo di sele, ba baka Modimo.
47 Foo Petere a bua a re: “A mongwe o ka itsa metsi, gore batho ba ba se kolobediwe, ba ba amogetseng Mowa o o Boitshepo jaaka rona?”
48 Mme a laola gore ba kolobediwe mo ineng la ga Jesu Keresete...Re tshwanetse go tsamaya mo leseding la Lefoko.
1 Johane 1:5-7,
5 E ke yone taetso e re e utlwileng mo go ene, re bile re e lo bolelela gore, Modimo ke lesedi, mme ga go na lefifi lepe mo go one.
6 Fa re re re na le bolekane le one, mme re tsamaya mo lefifing, re a aka, mme ga re dire boammaaruri.
7 Mme fa re tsamaya mo leseding, jaaka one o le mo leseding, re na le bolekane, mongwe le yo mongwe; mme madi a ga Jesu Morwa one a re tlhapisa mo boleong jotlhe.Ipaakanyetse go kopana le Modimo wa gago,...
(Amose 4:12)Go tswa mo pampitshaneng...
Tsela ke ena. Tsamayang mo go yone.
fa S.E. Johnson.
