O biletsa Monyadiwa wa ga Keresete.

William Branham.

Balang molaetsa...
Modimo wa Motlha o o Bosula.

Jaanong, setlhogo sa me mosong ono, ke: Modimo Wa Motlha O O Bosula. Jaaka re sa tshwa go bala mo Dikwalong gore, “modimo wa lefatshe le, wa motlha o o bosula.” Jaanong, Molaetsa o o supa masula a motlha o o bosula, gape go tsamaelelana le seporofeso sa motlha o o bosula o. Mme ke tumelo ya me gore Baebele e na le karabo ya motlha monngwe le… mongwe, e e setseng e kwadilwe mo Baebeleng, ya modumedi wa motlha mongwe le mongwe. Ke dumela gore sengwe le sengwe se re se tlhokang se kwadilwe gone Mo, se tlhoka fela go ranolwa ke Mowa o o Boitshepo. Ga ke dumele gore motho ope mo lefatsheng o na le tshwanelo ya gonna le tlhanol ya gagwe mo Lefokong. Modimo ga a tlhoke ope go ranola Lefoko la Gagwe. Ke ene moranodi wa Gagwe. O ne a re O tlaa go dira, mme O a go dira.

Jaaka ke tlhola ke bua gantsi. O ne a re, “Lekgarebe le tlaa ithwala,” O ne a dirisa dipounama tsa moporofeti go bua seo, go ne ga nna jalo. Ga go tlhokafale gore ope a ranole seo. Ko tshimologong, O ne a re, “A go nne lesedi,” mme go ne ga nna. Ga go tlhokafale gore ope a ranole seo. O ne a re, “Mo metlheng ya bofelo, O tlaa tshololela Mowa wa Gagwe mo nameng yotlhe,” mme O ne a dira. Ga go tlhoke tlhanolo epe. O ne a re, “Mo metlheng ya bofelo, dilo tse” (tse re di bonang di diragala gompieno) “di tla bo di dirafala.” Ga go tlhoke tlhanolo epe. Le setse le ranotswe. Lo a bona?

Jaanong, lemogang ka tlhoafalo jaanong jaaka re fa ithuta Lefoko. Modimo wa Motlha O O Bodula, o re tselang mo go one gompieno. Mma ka nna ga bo go sa tlwalesega, e le selo se se sa tlwaelesegang, mo motlheng ono wa tshegofatso, fa, “Modimo a itlhophela batho ka ntlha ya Leina la Gagwe,” ba eleng Monyadiwa wa Gagwe, mo motlheng ono o o bosula. One Mmotlha o “Modimo oa bitsang batho ka ntlha ya Leina la Gagwe,” ka tshegofatso, a ba biletsang go tswa, mme o bidiwa motlha o o bosula. Jaanong, re tlaa tlhomamisa ka Baebele gore o ke motlha o A neng a bua ka ga one. Ke selo se se sa tlwaelesegang thata go akanya gore, gore mo motlheng o o bosula jaaka o, gore Modimo ka nako eo o tlaa bo a bitsa Monyadiwa wa Gagwe.

Le lemoga, O ne a re, “Batho,” eseng “kereke.” Ka goreng? Le fa go ntse jalo, E bidiwa Kereke, mme O tlaa e bitsa “batho.” Jaanong, kereke ke kokoano ya batho ba bantsi ba ba farologaneng. Mme Modimo o bitsa ale mongwe fano... Ga a a ka a re, “Ke tlaa bitsa Momethodisti, Baptisti, Mopentekoste.” O rile O tlaa bitsa batho. Ka ntlha ya eng? Leina la Gagwe. Le a bona, batho; a le mongwe gotswa mo Methodisti, yo mongwe go tswa ko Mobaptisti, yo mongwe go tswa ko Lutere, yo mongwe go tswa kwa Khatholike. Le a bona?

Mme O bitsa, eseng setlhopha sa kereke, mme “batho ba Leina la Gagwe,” ba ba amogelang Leina la Gagwe, ba dirang mo Leineng la Gagwe, ba ba yang kwa lenyalong go ya go nyalwa ke Ene, gore ba nne karolo ya Gagwe, ka taolelopele, le a bona. Fela jaaka monna yo a kgethang mosadi yo o molemo mo botshelong, yo a neng a laoletswe go nna karolo ya mmele wa gagwe. Jaanong, seo ke sone se, Monyadiwa wa ga Keresete o tlaa nnang, go tswa mo bogologolong, a laoletswe pele ke Modimo go nna karolo ya Mmele oo. Le a bona? Ao, Dikwalo di humile thata, di tletseng ka tswine ya Lefoko!

Lemogang, ga se se mongwe a se buileng, se mongwe a se biditseng; mme ke se Modimo a se tlhophileng pele ga motheo wa lefatshe, mme o bitsa batho bana mo metlheng e ya bofelo; eseng lekgotla. “Batho ba Leina la Gagwe.” Mme O dira seo mo mo motlheng o o bosula o, mo motlheng ono wa tsietso.

Beke e e fetileng, mo go Mathaio 24, e ne e le motlha wa tsietso go feta metlha yotlhe. Metlha yotlhe ya tsietso, go tswa kwa tshimong ya Etene, go ya go tsamaya, ga go ise go ke go nne le motlha o o tsietso jaaka ono. “Go tla tlhaga baporofeta ba maakaba dire dikgakgamatso, fa go ne go kgonega go tsietsa bone ba ba Ikgetlhetsweng.” Le a bona? Jaanong, dikereke tse di, tsididi fela, tse di gwaletseng, jalo, tsa dithuto tsa bodumedi jo bo itiretsweng ke motho, jo bo Bkgetlhwa ba ka sekeng ba bo tsaya tsia. Mme bo batlile go tshwana le tumelo ja boammaaruri. Se o ka se dirang ke go ntsha Lefoko le le lengwe fela. Tsholofetso ya motlha, ke nako ee molemo thata! Lona bakeresete lotlhe, gongwe le gongwe, lemogang motlha o re tshelang mo go one! Tshwayang, le bale, gppe le reetseng ka tlhoafalo.

Ke eng se Modimo a a ka se biletsa batho mo motlheng ono, Leina la Gagwe? Lebaka ke gore, ke go Mo leka, Monyadiwa wa Gagwe. Ke go... Fa A bonatswa, a sena go lekwa, a setse a lekilwe, a tlhomamisitswe, a tlhomamisitswe fa pele ga ga Satane. Jaaka go ne go ntse kwa tshimologong, go tlaa nna jalo le kwa bofelong.

Jaaka peo e simolola mo mmung, e tlhatloga ka dirwadi, botshelo jwa yone, mme e felelela e le peo e e tshwanang e e neng e le yone fa e ne e tsena mo mmung. Mme ka tsela e e tshwanang e peo ya tsietso e neng ya wela mo mmung, kwa Etene, ke yone tsela e e tshwanang e e neng ya felela ka yone mo metlheng ya bofelo. Fela jaaka Efangedi e ne e ya kwa lekokong kwa Nicaea, Rome, e felelela e le lekoko le legolo. Fela jaaka Peo ya Kereke e ne ya nna ka nako eo, ka ditshupo, dikgakgamatso, ba na le Keresete yo o tshelang magareng ga bone, e felelela mo malatsing a bofelo e le ka fa tlase ga bodiredi ja ga Malaki 4, mme e buseletsa Tumelo ya kwa tshimologong e e kileng ya fiwa.

Re a lemoga jaanong, gore motlha o o bosula o direletswe go tlhomamisetsa, Satane, gore, Monyadiwa yo ga A tshwane le Efa, gore G a se mosadi wa mofuta oo. Mme O tlaa lekwa ka Lefoko la Gagwe, Monyadiwa, jaaka monyadiwa wa ga Atamo a ne a lekwa ke Lefoko. Mme monyadiwa wa ga Atamo o ne a dumela karolo nngwe le nngwe ya Lefoko, lotlhe, mme o ne a tsietsega ka tsholofetso e le nngwe, gore, “O tshwana maabane, gompieno, le ka bosaeng kae,” gompieno, le gone ka bosaeng kae, “mme o ne a palelwa ke tsholofetso e le nngwe, fa a reelwa ke mmaba. Mme jaanong, batho ba ba bitswang Leina la Gagwe, jaaka go solofetswe, ke Monyadiwa wa Gagwe. O tshwanetse go nna le maitemogelo gape ka selo se se tshwanang; eseng fela ka boammaaruri jwa makoko kana sengwe, mme fela ka Lefoko lengwe le lengwe!

Gonne, ko tshimologong ya Baebele, motho o ne a newa Lefoko la Modimo go tshela ka lone. Ke Lefoko le le lengwefela, le le neng la seka la ranolwa sentle ke monna yo o bidiwang Satane, yo a neng a le mo sebopong sa phologolo e e bidiwang kgogela. Satane, mo mothong yona, o ne a kgona go bua le Efa, ebile o ne a sa kgone go dira Lefoko ko go ena, mme o ne a latlhegile. Lo a bona, Le tshwanetse le nne Lefoko lengwe le lengwe.

Mo bogareng jwa Baebele, Jesu o ne a tla a bo a re, “Motho ga a kake a tshela ka senkgwe se le sosi, fela ka Lefoko lengwe le lengwe,” fa A ne a relesegile ke Satane. Jaanong, Modimo o re bolelela fano mo metlheng ya bofelo, gore, “modimo wa lefatshe lena o tlaa tlhatloga mo metlheng ya bofelo.”

“Mme le fa e ka nna mang yo o tlaa oketsang lefoko le le lengwe mo go Lone, kgotsa a ntsha Lefoko le le lengwe mo go Lone, karolo ya gagwe e tlaa ntshiwa mo Bukeng ya Botshelo.” Modimo a re utlwele botlhoko! Mme a re se ka ra tsamaya jaaka mmopa o o tlwaetsweng, o ne a kgaoge, tlhogo ya tlhogo, a itse gore tsotlhe, ka nako nngwe re ne re le mo go utwisang botlhoko. A re nne le tshegofatso, le boutlwelo botlhoko, mme re utlwe mo pelong ya rona go ya kwa Modimong, ka boikokobetso ba tle ko Teroneng ya tshegofatso.

Selo se se gakgamatsang jaanong, morago ga dingwaga dingwe di le makgolo a le lesome le boferabongwe tsa Efangedi, mme jaanong yone e, eo ke tsamaiso ya lefatshe, e bosula thata go feta ka fa metlheng e seo, fa A ne a le fano. Tsamaiso ya lefatshe e bosula thata. Lefatshe le tsamaela ko setlhoa se segolo. Lo itse seo. Morena o diragatsa Lefoko la Gagwe mo seatleng sengwe le sengwe.

Tshenolo 18:4-5,
Mme ka utlwa lentswe le lengwe le le tswang legodimong le re, Tswang mo go ene, batho bame, gore le se ka la nna baabedwi ba dibe tsa gagwe, gore le seka la amogela dipetso tsa gagwe.
Gonne boleo jwa gagwe bo ile kwa legodimong, mme Modimo o gakologelwa boikepo jwa gagwe.

----
A tlhagiso! Go latlhela kereke gone kwa morago go boela ko go Tshenolo 3:14, go ya kwa pakeng ya Laodikia; e e tletseng bodumedi tota, mme di tlhapatsa. “Wena, ka gore wena o re, 'Re humile, ga re tlhoke sepe, ga re tlhoke sepe, o sa itse, o foufetse, mme ga o itse.” Herbert ka Lekwalo la paka eno, e seng mo Lekwalong la paka ya ga Daniele, eseng ka ntlha ya bone ba ba leina la... paka ya ga Noa, fela mo pakeng ena ya bofelo, e e bosula.

Lemogang fano, “Wena o a ikatega.” A seo se kolobeletse kwa teng tota. Ke a itse ke ka tswa ke na le diketsaetsego tse dintsi mo kakanyong ena, fela e tshwanetse e nne le lefelo le Mokeresete ka boutsana a ka tsamayang mo ntlong ya gagwe mme a se ka a tliswa mo bolengteng jwa paka ena e e bosula, ka go kgotlela basadi ba ba apereng.

Basadi, Ke ile go bua sena, mme ke batla lo reetseng. Mme, banna le basadi, lo ka nna lwa se dumalane le sena, fela ke ikutlwa ke eteletswe pele go go bua. A lo ne lo itse, mosadi ope yo o neng a ipitsa jalo ga se monaganong wa gagwe o o siameng? A lo a itse, ene o jalo, a kana o a go dumela kgotsa nnyaya, kgotsa ga a akanye, ene ke seaka? Le fa mosadi a ka nna a ema le seatla sa gagwe fa pele ga Modimo mme a ikana ka gore ga a ise a kgongwa ke monna ope o sele fa e se monna wa gagwe, mme moo e ka tswa e le boammaaruri jo bo tshepafalang. Jesu ne a re, “Le fa e le mang yo o lebang mosadi gore a mo iphetlhele o setse a akafetse le ene.” Mme mosadi a ka tswa a....

Le a bona, gore Baebele ya rega “a ikatega,” gape ga a itse.“ Mowa o o mo o tloditseng gore a dire dilo tsa go nna jalo tse di maswe, ke mowa wa boaka. O ka tswa a le phepha ka kontle, mo mmeleng wa gagwe, e leng nama. O ka nna a seka a dira boaka, gape a kgona go ikana ko Modimong ya nna Boammaaruri, gore ga a a ise a ke, mme mowa wa gagwe ke mowa wa boaka. O foufaditswe thata ke modimo wa lefatshe le la fashene; o apara dilwana tse di sa nnang sentle. a bo a tswela kwa ntle.

----
Motho yo o kwa ntle ke nama e e laolwang ke dikutlo tse thataro... kana ke raya dikutlo tse tlhano. Motho wa kafateng ke motho wa mowa yo o laolwang ke dikutlo tse tlhano; segakolodi, le lorato, le jalo jalo. Motho yo o kwa ntle, lo a bona, tatso, tshwara, dupelela, utlwa. Mme boteng ja mowa oo ke mowa wa botho, mme o laolwa ke selo se le sengwefela, ke thato kana boikgetlhelo ja gago. O na le boikgetlhelo ja go ka amogela se diabolo a se buang kana go amogela se Modimo a se buang. Mme moo go tlaa supagore mowa o o mo teng ke wa mofuta ofe. Fa e le Mowa wa Modimo, E tlaa fepiwa ke dilo tsa Modimo, gape ga O kake wa fepa mo go sepefela sa lefatshe. Jesu o rile, “Fa o rata lefatshe kgotsa dilo tsa lefatshe, ke ka gore lerato la Modimo ga le ise le ko le tsene mo mo karolong eo ya boteng.” Satane o go tsieditse. “Gape motho ga a kake a tshela ka senkgwe se le nosi, mme ka Lefoko lengwe le lengwe le le tswang mo molomong wa Modimo.”

Lemogang jaanong, rebona gore ga “a ikatega,” ga a tswana gape o makgaphila. Gape lefatshe le lebega le le mo motlheng o o bosula go feta. Ga gona motlha ope o basadi ba kileng ba itshwara jalo,ga ba ise ba ko ba dire jalo mme fela pele ga tshenyo ya lefatshe la pele. Mme Jeso o ne a umaka motlha oo. Re tlaa bua ka seo mo motsotso.

A Modimo o ne a latlhegelwa ke taolo, kana ke gore fela o letlelela sengwe go tsaya taolo? Ke a ipotsa. Karabo ya nnete ya potso ena ke, go ya ka fa ke akanyang ka teng, ke gore go na le mewa e mebedi e e berekang, ee ganetsanang mo lefatsheng gompieno. Jaanong, ga go kake ga nna le ditlhogo tse di fetang bobedi, ditlhogo di pedi. Mme Mongwe o o berekang ke Mowa o o Boitshepo; monwa o mongwe ke wa ga diabolo, gape, mo metlheng ena ya bofelo, ya tsietso.

Mewa e mebedi. Mongwe wa bone, Mowa o o Boitshepo wa Modimo; yo mongwe, mowa wa ga diabolo, o dira mo boferefereng. Batho ba lefatshe jaanong ba dira maikgethelo a bone. Mowa o o Boitshepo o fano o biletsa Monyadiwa wa ga Keresete. O dira se ka go rurifatsa Lefoko la Gagwe la tsholofetso ko go Ene, ka ntlha ya paka ena, a supegetsa gore Yone ke Keresete. Fa monwana wa gagwe a tshwanetse go tsena mo pakeng ena, monwana o tlaa suta. Fa lonao le tshwanetse go tsena mo pakeng ena, lonao le tlaa suta. Fa leitlho le le go bona mo pakeng ena, leitlho le tlaa bona. Lo a bona?

Mowa wa Modimo, jaaka O godile ka mo seemong se se tletseng sa Modimo, ke paka e jaanong re tshelang mo go yone. Mowa o o Boitshepo o fano a rurifatsa Molaetsa wa oura. Mme Mowa o o Boitshepo o dira sena, gore batho ba ba dumelang Modimo o tlaa bidiwa go tswa mo nthagarageng ena. Mowa o o sa itshepang o o seng fano o bitsa kereke ya gagwe ka phoso, jaaka go tlwaelesegile, ka tshokamiso ya Lefoko la Modimo, jaaka o dirile kwa tshimologong. Lo a e bona e tla gone fa nakong eo ya peo gape, go tswa Etene? Ke e gape.

Balang molaetsa...
Modimo wa Motlha o o Bosula.

Mme morago ga dilo tsena tse ke di boneng e nngwe e fologa go tswa legodimong, e na le maatla a magolo; mme lefatshe le ne la botsolotswa kgalalelo ya gagwe.

Mme o ne a lela ka maatla a a nonofileng ka lentswe le le maatla, lo re, Babilone e wetse, mme o fetogile go nna bonno jwa bodiabolo, ebile a tshotse mowa mongwe le mongwe o o bosula, theko ya nonyane nngwe le nngwe e e itshekologileng le ditlhapatso.

Tshenolo 18:1-2