Enyarit Ateran ikotere Kristo.

William Branham.

Tosiomete alo akirot...
Akuj ngina ka anyamet a ngina aronon ana.

Tokona, akiro kang alotoma ataparacu na, erai: Akuj Ngina Ka Atur A Angina Aronon Ana. Ikwapei ikisiomia iwon alotoma Ngakigiret, “akuj ngina ka akwap na, atur ngina aronon na.” tokona, Eemut lo idodiunit arononis ngina ka atur ngina aronon ana, ka eyiai itemokino neni ka aduarasit kotere atur ngina aronon na. Ka erai anupit kang ebe... ebe eyiakar Ebaibul abongokinet a ngina tur dadang, igiritai sek toma Lobaibul, ikotere ekanupan ngolo ka atur a ngin. Anupit ayong ebe ngini bore dadang ikiyiakar iwon akiitanit igiritai kire jik nege, iitana kijulun akan a Ekuwuam Ngoloakuangan. Emam nyanupit ayong idio tunganan alotoma nakwap eyiakar apedor akiwuakin akijul keng neni ka Akirot. Emam nyiitanit Akuj idio tunganan kijul Akirotkeng. Erai Inges ekejulunakeng aelope. Ebala Inges ebe epedori Inges akitia ngun, ka itiai Inges ngun.

Ikwanginapei alimunitor ayong ngapakio nguna alalak. Tema inges ebe, “Epotiuni apese,” abu Inges kirworo ngun alotoma ngipon ngulu ke ekaduaran, ka abu inges topoti. Emam itunganan epedori akijulun ngun. Alotoma nakisiaunet, tema Inges ebe, “Toyiakaun akica,” ido abu toyiakaun. Emam itunganan epedori akijul ngun. Tema Inges ebe, “alorua a ngulu ka awasia ebuni Inges abukokin Ekuwuam keng lotunga dadang,” ka abu inges kitia, ngiru lu “(ngun ikite iwon itiyasi tokona) ” epote ayiakaun nege. Emam nyiitanito idio ngini ijuluni. Erai sek nguna ijulunitai. Ingolikia?

Nait tokona, tocoik ka akiyapara tokona ikwapei ikilosio iwon akisom Akirot. Akuj Ngina Ka A Atur Angina Aronon Ana, angina ikiyiaria iwon tokona. Etakani erai ngina egelaana, ka nginibore egelaana dadang, alotoma atur ngina ka ajokis a na, ngina, “Eyaya Akuj ngitunga ikotere Ekekiro,” erai nai Ateran Keng, alotoma atur ngina aronon na angina emaikina tonyarae atur ngina aronon. Atur nginapei enyaritor Akuj ngitunga anguna a ekekiro, kan ajokis, alotoma ka enyarit atur ngina aronon. Tokona ikisuudai iwon ngun kan Ebaibul nguna ka atur angina ikiroro iwon ana. Ibore ngini egelaana atamakin anguna ngun, ebe alotoma atur ngina aronon ngina ikwan ka naga, ebe ebuni nai Akuj anyarare Aterankeng.

Toaanyu nai iyong, ebala inges ebe, “Ngitunga,” meere “ekanisa.” Kanukiro? Ido tar bo, enyaritai ekanisa, nai ebuni Inges anyarare “ngitunga.” Nai tokona, erai ekanisa acunakina ngina a ngitunga a ngulu alalak ka ngulu eyiakatatar eyakae ngolo egelaana. Nai erai Akuj ngolo enyarit ipei anege... emam nyebala Inges ebe, “abuni Inges anyarare ngulu a Methodist, Batisa, Pentekote.” Ebala Inges ebe ebuni Inges anyarare ngitunga, kotere bo nyo? Anguna ke Ekekiro. Ingolikia, erai ngitunga; ipei alotoma Methodist, ipei alotoma Batisa, ipei alotoma Lutheran, ipei alotoma Katolik. Ingolik -a?
Nait erai Inges ngolo enyar, meere egurup ngolo ke ekanisa, nai “enyarit Inges ngitunga anguna ka Ekekiro,” ngini idiari Ekirokeng, todukokin toma Lokirokeng, elosi neni ke edukone akiitakin nenikeng, ka torau ipei keng, ingolikia, kan aseon. Ikwaan ca ka ngina eseunia ekile aberu ngina ajokan alotoma akiyiar, erai ngina ecamakinit ai araun atiaket ngina ka akuwanakeng. Aso, erai co neni ikokini Ateran ngina a Kristo inges nen, ka erai tokona, alotoma kolong, asir Akuj acamaki araun atiaket ngina ka Akuwan a ngin. Ingolikia? Okoe, erai Ngakigiret nguna ebarito noi, erai nguna ileleba kan ao!

Toaanyu, meere ibore ngini adau idio tunganan alimun, ibore ngini enyarit idio tunganan; nai ibore ngini aseu Akuj kolong sek eroko apetetait ngina ka akwap, ka enyarit ngitunga lugu alotoma ngirua ngulu ka awasia; meere ngariogeta. “Erai ngitunga ikotere Ekirokeng.” Ka erai alotoma natur ngina aronon na inges itiya Inges ngun, atur ngina ka amonio na.

Esabit ngolo alunyar, alotoma Matayo 24, arai atur ngina elala amodio adepar ngaturio dadang. Ngaturio nguna ka amodio, ameun alomanikor ke Eden, erot dadang paka kwap, emam atur ayiakaun amodio adepar atur na. “Naarai enyunete ngikaduarak ngulu aliokok ka itoodiunete ngakitaanyunet nguna apolok ka ngaumonokineta, kotere akitowolioria tar ngulu seuna erai kepedor.” Ingolikia? Tokona erai ca alilimu eyiakae, ngikanisa ngulu ikwaan, ka ngace dang, nguna ka ayenut a itunganan, nguna emam nyitiyakinete; emam nyepote ngulu Eseuna apupokin neni a ngun. nai erai jik ibore ngini ikwaan. Erai ca bon aesikin apei Kirot erai inges bon erai iyong kitiya. Akiikinet ngina ka atur; apaki ngina apolon noi! Eyia Ngikristo akwap dadang, torimaya apaki ngina ikiyiaria iwon! Togicu ngun, ka tosom, ka topupok ka acoikinit ejok.

Kanukiro enyaritor Akuj ngitunga alotoma atur ngina aronon na, erai anguna a Ekekiro? Alosikinet erai, erai akikatakin Inges, Ateran Keng. Erai... ngina asubunere Inges itoodiuna, ka kikatakinitetei, kisyookinoi, kisyookinoi aneni a Satan. Ikwanginapei ayiakar alotoma nakisiaunet, ikokini nenipei nen alotoma nasalunet.

Ikwapei egeikinia ekinyomit alotoma nalup, ebuni kidiama alotoma natwanare, akiyiar nginakeng, nai egetakini alokinyomit alopei a ngol a ngolo ekoni inges apaki ngina alosio toma nalup. Ka lopite ngolopei ngol ngolo ado ekinyomit ngolo ka amodio toma nalup, alotoma Eden, erai erot ngolopei ngol inges egetakinia inges alotoma ngirua ngulu ka awasia.
Ikwaan ikwapei ado Ekinyomit ngolo ke Ekanisa kama, kaapei ka ngakitaanyuneta, ka ngaumonokineta, ka Kristo ngolo ayiaran toyiai kiding kec, ebuni agetakin alotoma ngirua ngulu ka awasia alotoma alimonokin ngina Malakai 4, ka inyakuni nabo Anupit ngina akire ngina aponi inakinai.

Ikiriamuni iwon tokona, atur ngina aronon na erai akitoodikin, neni a Satan, ebe emam nyikwaan Inges ka Epa, ebe meere inges ekabila ngolo ka aberu. Ka eponio Inges akikatakin kaapei kan Akirotkeng, Ateran, ikwapei aponere kikatakinere ateran ka Adam kaapei ka Akirot. Ka abu ateran ka Adam tonup nginakirot dadang, nai abu Inges kiguriakin alotoma apei kikonget, ebe, “Erai Inges ngolopei ngol bien, nakuwarina, ka ngikaru ngikaru, ingolikia; nai abu inges kibusokin alotoma apei kiikinet, alotoma nakikatakinio ngina ke emoit, ereet ka ereet. Ka nai tokona, ngitunga ngulu enyaritai ikotere Ekekiro, naarai, erai Ateran Keng. Erai abunore nabo nakiriamakin kan ibore nginipei ngin, meere kan ca akiyookino ngina ngidinio kori idio bore, nai erai ngina Kirot dadang!

Naarai alotoma nakisyakinet ngina ke Ebaibul, aponi inakinai itunganan Akirot ngina ka Akuj ayiaria. Apei Kirot abu itunganan ngini enyaritai Satan kijul erono, alotoma itunganan ngini enyaritai etiang. Satan, alotoma itunganan en, apedorit inges erwor neni ke Epa, ka abu inges kijul akirot nenikeng egelaana, ka abu totwania. Ingolikia, emaikina torai ngina Kirot dadang.

Alotoma kiding ngina ke Ebaibul, abu Yesu bu ka tema ebe, “Nyeyiari itunganan anguna ka atap bon, nai anguna a ngina Kirot dadang,” ngina abunio satan kikatakinia Inges. Nai tokona, ikilimokinit iwon Akuj anege alotoma ngirua ngulu ka awasia lu ebe, “akuj ngina ka akwap na ebuni anyoun alotoma alorua ngulu ka awasia.”
“Ka inges ngini iyatakini apei Kirot neni Angun, kori elemari apei Kirot alotoma Ngun, akorakinet keng dang eponio alemar alotoma Lokitaabo ngolo ka Akiyiar.”

Torau Akuj ngolo epol akitim iwon! Ka nyikicamak alosit ikwapei ngigogongok kes, ngulu itoodiunito ngikori kinga , oloto kingaren, toyenutu ngun dadang, naarai iwon dang apei paki ikiyia toma namamut akerar. Ocamakis kaapei ka akibuses, ka akision, ka atopupuunito alotoma lotaiyok alosit kingaren Akuj, ka ponito ka abilakina neni ke Ekicolong a ngolo ka akibuses.

Apukokino 18:4-5,
4 Tosodi abu eira etoil ece ebuni anadisn ebaalaa ebe ngikatunga, tolomutu alotomakeng, kotere nyimorikinos ka ngasecisiakeng,... kimiekis ainakinio ngakisicianetekeng.
5 Naarai etukonia ngaseciasiakeng akitodol nadis, ido eitu Akuj ngaronisiokeng.

----
Nyo akiretakinet! Ngina emasa ekanisa jik neni ka Apukokinio 3:14 neni ka atur a ngina Laodikia ngina icana ngikisila, kire jik ngolo ikasinarit, nait tomamukar ngikisila. “Naarai ibala iyong ebe, ‘Naarai ibala iyong, 'abarit, ka emam ibore eitanit,' nait nyiyeni iyong atemar ileri ekangipapan, emudukanot ka nyiyeni.” Kire jik iriamara kaapei ka Ngakigiret nguna ka atur na, meere ikotere Ngakigiret nguna ka atur a ngina a Daniel, meere ikotere ekiro nginice... ka nguna ka atur a Nuwa, nait erai atur ngina aronon ngina ka awasia na.

Toaanyu tokona anege, “Irai iyong ngina ileri.” Kimiek ngun tolomasi toma ka acukul. Ayeni ayong atemar ebe apedori ayong ayiakaunor amamukaunor acamanara aneni ka atametait ana. Nait emaikina torai nakibois ngina epedorio Ekristoit alosio ka agogongu alotom kai keng ka meere yaunai tooma kingaren atur ngina aronon na, ngina nyenapita ngaberu itemokino.

Ngaberu, alosi ayong alimun nugu, ka acamit ayong iyes kiirasi. Ka ngikiliok ka ngaberu, ipedorete iyes akiger nu, nait apupunit ayong arikio ngina limunet ngun. iyenunito iyes, adio beru ngina elaca akuwanakeng ikonia emam nyayiai inges natametait keng ngina iyookino? Iyenunito iyes, erai inges, erai kenupi inges ngun kori mam, kori taer pa ketami, erai inges amalat? Tar dang kepedo aberu akiwua kaapei ka akanikeng alokingaren Akuj ka kikong ebe emam nyetapa edio kile inges nait erai lokilekeng bon, ka epedor nguna araut nguna iyookino, nait eroko pei inges erai amalat. Ebala Yesu ebe, “Inges ngini ingolikini aberu ka kiitan inges adau akitia elomi kaapei ka inges.” ka aberu ngayeni...

Ingolikia, erai inges “ngina eleri,” ebala Ebaibul ebe, “ka emam nyayeni ngun.” ekuwuam ngolo enyonyoei inges akitia ngiboro ngul ngulu erai aronis, ekuwuam ngolo ka amalao. Inges ngini eyiai kinga, akuwanakeng ngina etakani, akuwanakeng, epedori inges araut ngini ilotar. Emam tar nyepedori inges akitia adio malao, ka epedor Inges akikong neni ka Akuj ka toraut nguna akiyookino, emam emam nyitia inges, nait ekuwuam keng erai ekuwuam ngolo ka amalao. Adaun akitumudukan inges kan akuj ngina ka akwap ngina ngipitecisio na; inapi inges akuwanankeng alorot a ngolo ka amalao ka buni kinga ne.

----
Etunganan ngolo alokinga erai etunganan ngolo etakani ka ngolo ipukatai kan ngatameta ngakanikapei... kori ngatameta ngakan, akilo. Etunganan ngolo alotoma erai etunganan ngolo ke ekuwuam ngolo ipukato ngatameta; kiyookino, ka amina, ka ngace dang. Etunganana ngolo alokinga; erai akingolikin, akiir, akiitan, akinguun, akiirar.

Nait toma ngina a ekuwuam ngol erai etau, ka erai inges ngolo ipukatai kan ipei bore, acamit ngina ka alacakina kon. Ipedor iyong acamun ibore ngini ebala emoit satan kori icamuni ibore ngini ebala Akuj. Ka erai ngun epote akitoodiun ebe ali kuwuam eyiai toma nen. Ani erai a Ekuwuam ka Akuj, itana alotoma ngiboro ngulu ka Akuj, ka emam nyebuni inges acamun akitanio kan idio bore ngin ka akwap. Ebala Yesu ebe, “Ani erai kimina iyong ngakwapin kori ngiboro ngulu ngakwapin, erai naarai amina ngina ka Akuj emam nyelomarit toma nen.” Adau Satan amodikin iyong. “Ka emam nyeyiari itunganan anguna ka atap bon, nait anguna a ngina Kirot dadang a ngina elomuni anakituk ka Akuj.”

Toaanyu nait tokona, ikiriamuni iwon ebe erai inges ngina “eleri,” ekangipapan ka eleri.
Ka etakani akwap esibit eyiai toma natur ngina arono ngina nyeyiakauna nginapei kolong. Emam alotoma adio tur ngina aponita ngaberu kitiyata ikona, mam jik nait eroko akinyasun ngina ka akalele. Ka abu Yesu kinyakarite neni a ngun. ikiponi iwon neni a ngun ekau iwadio.

Adau mono Akuj acakar akipukao, kori erai inges ca ngolo ecamakinit ece kisil kipuka? Aumokinit ayong. Abongokinet ngina akire neni ka akingiset ana erai, alotoma nakitam kang, eyiakasi ngikuwuamin ngiarei edingasi alotoma nakwap ngirua lu, alotoma lotic. Tokona, emam nyepedor ayiakaun ngiarei, kori ngakes ngarei. Ka apei ikes erai a Ekuwuam Ngoloakuangan alotoma lotic; ngoloce iye erai ekuwuam ngolo a satan, ka alotoma ngirua ngulu ka awasia lu, alotoma amodio.
Nait tokona alosi ayong ageikin anatameta ka kire jik anege ikotere akirot ngince, akirot nginace... Eemut yok.

Ngikuwuamin ngulu aarei lu. Epei kec erai a Ekuwuam Ngoloakuangan ngolo ka Akuj; ngoloce ye, erai ekuwuam ngolo a satan, itiai alotoma namodio. Eyiakasi tokona ngitunga ka akwap elemunito akec seunet. Eyiai a Ekuwuam Ngoloakuangan nege enyarit Ateran ikotere Kristo. itiai Inges ngun kan akisileereun Akirotkeng ngina kaa akiikinet neni Keng, ikotere atur na, itoodiunit ebe erai Ngol Kristo. Ani erai kemaikina ekimoin torotok alotoma natur na, ebuni ekimoin arotokin. Ani erai kemaikina ngakejen torotokis alotoma atur na, epote ngakejen arotokin. Ani erai ngakonyen nguna kingolikinet alotoma natur na epote ngakonyen akingolikin. Ingolik -a?

A Ekuwuam ka Akuj, ikwapei epolo toma nakilelebio ngina ka adolit ka Akuj, erai nait atur ngina ikiyia iwon tokona. Eyiai a Ekuwuam Ngoloakuangan nege isileereunit Eemut ngolo ka apaki. Ka eyiai a Ekuwuam Ngoloakuangan itiai nu, ido ikotere ngitunga ngulu enupite Akuj eponio anyarare alotoma nguringuriso lu.

Emoit satan ka ekuwuam ngolo nyesegek eyiai nege enyarit ekanisa keng kan adiakaret, ikwapei sek eyiakar, kan akiloconor ngina ka Akirot ka Akuj, ikwanginapei etia inges alotoma nakisyakinet. Ingolik inges ebunit kire jik neni ke ekinyomit ngolo ka apaki nabo, alotoma Eden? Eyiai inges nege nabo.

Tosiomete alo akirot...
Akuj ngina ka anyamet a ngina aronon ana.

Kelunyarosi ŋun, abu oanyuwa emalaika ece ebuni anakuj. Ayakar iŋes apolou nooi, kinuak akica keŋ akwap daadaŋ.

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.

Apukokino 18:1-2