Na Kalou ni Itabagauna Ca Oqo.
<< sa oti o ya
kena e tarava >>
Yalewa vakawati me baleti Karisito.
William Branham.Wilika taucoko na itukutuku ena...
Na Kalou ni Itabagauna Ca Oqo.Sa wiliki na vosa! Ia, na noqu itukutuku ena mataka nikua, sai koya: Na Kalou ni Itabagauna Ca Oqo. Me vaka eda wilika ena i Vola Tabu, “na Kalou ni vuravura oqo, na gauna ca oqo.” Ia, na iTukutuku oqo e vakaraitaka na ca ni itabagauna ca oqo, ka sa dodonu me parofisaitaki ena itabagauna ca oqo.
Ka sa noqu vakabauta ni yadua... ni iVolatabu e saumi kece ena veitabayabaki kece, era sa volai oti tu ena iVolatabu, me baleti ira na vakabauta na itabagauna oya. Au vakabauta ni veika kece eda sa gadreva sa volai tu eke, e gadreva ga me ra vakadewataki mai vua na Yalo Tabu. Au sega ni vakabauta ni dua na tamata e vuravura e tu vua na dodonu me vakadewataka ga vakataki koya ki na Vosa. Sega ni gadreva na Kalou me dua me vakadewataka na nona Vosa. O koya e vakadewataka ga na nona Vosa. A kaya ena cakava vakakina o koya, ka sa vakayacora vakakina.
Me vaka au a tukuna ena vuqa na gauna. E kaya o koya, “e dua na goneyalewa, ena vakasucuma” a vosa oqori mai na gusuna e dua na parofita, ka sa caka vakakina. E sega ni dua e vakadewataka oqori. Mai na ivakatekivu, e kaya o koya, “Me rarama mai”, ka sa yaco vakakina. E sega ni dua me vakadewataka. E kaya o koya, “ena iotioti ni gauna, o koya ena sovaraka mai vei ira na tamata kecega na nona Yalo Tabu”, ka a vakayacora o koya. Sega ni gadreva e dua me vakadewataka kina. E kaya o koya, “ena iotioti ni gauna, na veika oqo” (ni da raica yaco tiko oqo) “ena yaco eke.” E sega ni gadrevi e dua me vakadewataka kina. E sa vakadewataki oti tu. Raica?
Ia oqo, raica vakavoleka sara oqo ena noda vulica na Vosa. Na Kalou ni TabaGauna Ca Oqo, eda sa bula tiko kina oqo. Ena rairai matalia beka, e dua na ka matalia, ena itabagauna ni loloma soli wale oqo, ni, “sa taura tiko na Kalou e dua na matatamata ena vuku ni Yacana,” o ya na Nona Yalewa sa vakawati, ena gauna ca oqo ka dodonu me vakatokai me yabaki ni ca. Na yabaki ni bula “sa kaciva tiko na Kalou e dua na matatamata ena vuku ni Yacana,” ena loloma soli wale, tautuba, ka vakatokai me yabaki ca. Ia, eda na vakadinadinataka ena iVolatabu ni oqo na yabaki e tukuna tiko o Koya. Veivakakurubuitaki me da vakasamataka ni , ni ena dua na gauna ca me vaka oqo, na Kalou qai kaciva na nona yalewa vakawati.
O raica, a kaya o Koya, “e dua na matatamata,” sega ni “dua na lotu.” Na cava na vuna? Ia, e vakatokai na Lotu, ia ena kaciva “ira na nona tamata.” Oqo, na Lotu e soqoni ni vuqa na tamata ena veimataqali tuvaki Ia na Kalou e kaciva e dua eke... A sega ni kaya, “Au na kaciva na Lotu Wesele, na Baptist, na Pentecostal.” E kaya o koya ni sa na kaciva e dua na tamata. Baleta na cava? Na yacana. Raica, e dua na matatamata; e dua mai na Wesele, e dua mai na Baptist, e dua mai na Lutheran, e dua mai na lotu Katolika. Raica?
Ia sa kaciva tiko o Koya, sega ni dua na ilawalawa ni lotu, ia “e dua na mata tamata ena Yacana,” ka ciqoma na Yacana, vakaitavi ena Yacana, lako ki na dua na vakamau me vakamau vua, me yaco me tiki ni Koya, raica, ena dua na gauna sa lewai oti tu. Me vaka ga na turaga e digitaka e dua na watina dodonu ena bula oqo, a tabaki me tiki ni yagona. O koya gona, ena vakakina na Yalewa sa vakawati i Karisito, ka sa vaka tu oqo, mai, that is, the Bride of Christ will be, and is now, from old, na gauna makawa, ka tabaki mai vua na Kalou me tiki ni Yago o ya. Raica? Io, nai Vola Tabu e sa vutuniyau sara ga, sa sinai ena oni!
Notisi, sega ni cava e dua e kaya, na cava e dua na tamata e kaciva; Ia na cava e sa digitaka na Kalou ni bera ni buli na vuravura, ka sa kacivi ira na tamata oqo ena iotioti ni gauna; sega ni dua na isoqosoqo. “E dua na tamata me baleta na yacana.” Na itabagauna ca oqo sai koya na gauna e cakava tiko kina o Koya, na yabaki ni veivakaisini oqo.
Ena macawa sa oti, ena Maciu 24, e yabaki ni veivakacalai duadua ena veitabayabaki kecega. Na veitabayabaki kece ni veivakaisini, mai na were o Iteni, ena veigauna kece sara, e se bera vakadua ni dua na itabagauna veivakacalai vakaoqo me vaka ena itabagauna oqo. “Era na tucake na parofita vakailasu ka vakaraitaka na ivakatakilakila kei na veika veivakurabuitaki, kevaka e rawa me ra vakacalai ira sara ga na Digitaki.” Raica? Ia oqo, e dua ga na lotu batabata, tudei, ka vakamatavulo, kei na so tale, ni cioloji bulia na tamata, ka sega ni rawa; era na sega ni kauaitaka na ka oqori na digitaki. Ia e voleka sara me vaka na ka e dina. Buitani ga e dua na Vosa sai koya ga na ka mo cakava. Yalataki ni sa yabaki; gauna cecere sara! Kemuni na lotu Vakarisito, ena veivanua kecega, ni qarauna na auwa eda bula tiko kina! Toqa sobu, ka wilika, ka vakarorogo sara vakavinaka.
Na cava ena kaciva na Kalou e dua na matatamata mai na itabagauna ca oqo, me baleta na Yacana? Na vuna sai koya oqo, me vakatovolei koya, na nona yalewa vakawati. Sa ikoya ... Ni a sa vakatakilai mai, ka vakatovolei, vakadinadinataki, a vakadinadinataka vei Setani. Me vaka ena ivakatekivu, ena vakakina ena ivakataotioti.
Ni tekivu e dua na sorenikau ena qele, e dau tubu mai ena veikauyaki, na kena bula, ia e tini ga na sorenikau vata ga a yaco ena gauna e lako kina ki na qele. Ka na sala vata ga oqo na sore ni dauniveivakacalai e lutu e loma ni qele, mai Iteni, sa ikoya na sala vata ga oqo ena yaco kina ena iotioti ni gauna.
Me vaka ga na Kosipeli ena gauna a yaco kina ki na dua na matalotu mai Nicaea, Roma, a yaco sara ga ena dua na isoqosoqo cecere. Me vaka ga ni ra sa lutu lesu mai kea na Kawa ni Lotu, kei na ivakatakilakila, na veika veivakurabuitaki, kei na Karisito bula ena kedra maliwa, sa na tini ga ena veisiga mai muri ena gauna ni veiqaravi vakalotu ena Malakai 4, ka vakalesuya tale mai na vakabauta taumada a soli taumada ena dua na gauna.
Eda raica oqo, na itabagauna ca oqo me vakadinadinataka, vei Setani, E sega ni vakataki Ivi o koya, ni sega ni mataqali yalewa vaka o ya o Koya. Ena vakatovolei ena nona Vosa, na yalewa vakawati, me vaka e a vakatovolei na wati Atama mai na Vosa. Ka sa vakabauta na vosa kecega na wati Atama, ia era sa veilecayaki ena dua ga na yalayala, ni, “Sa tautauvata ga o Koya enanoa, nikua, ka sega ni mudu,” nikua, raica; ia a sega ni rawata e dua na yalayala, ena ruku ni veitemaki ni meca, veirai mata. Ia oqo, o ira na tamata era kaciva na Yacana, e dina sara, sai ira na Nona Yalewa vakawati. Me na qai mai veitaratara tale mai ena ka vata ga o ya; sega ena dina walega ni matalotu se dua na ka, ia na Vosa yadua!
Ni, ena itekivu ni iVolatabu, a soli vua na tamata na Vosa ni Kalou me bula kina. Dua na Vosa, e nanumi cala mai vua e dua na tamata e vakatokai o Setani, e dua na manumanu e vakatokai na gata. O Setani, ena loma ni tamata oqo, e rawa ni vosa vei Ivi, ka vakadewataka cala na Vosa vua, ka sa lutu kina. Raica, sa dodonu me vei Vosa yadua kecega.
Ena lomadonu ni Vola Tabu, a lako mai ko Jisu ka kaya, “ena sega bula na tamata ena madrai duadua ga, ia mai na Vosa kece,” ni a temaki mai vei Setani. Ia, na Kalou e tukuna tiko vei keda eke ena iotioti ni gauna, ni, “na Kalou ni vuravura oqo ena tucake ena iotioti ni gauna.”
“Ia ko koya yadua sa vakuria kina e dua na vosa, se kauta tani e dua na vosa mai kina, ena kauta tani na Kalou na nonai votavota mai na ivola ni bula.”Me yalololoma na Kalou vei keda! Ka me da kakua ni lako tiko me vaka na tamata e vakilakila, cere tiko na saresare, raici koya cake, kila kecega, ni da e sa dua talega na gauna eda talaidredre. Meda sa qai lako mai ena loloma soli wale, kei na loloma cecere, kei na yalo e yaloda vua na Kalou, ka lako mai ena yalomalumalumu ki na tikotiko vaka Tui ni loloma soli wale.
Sa duatani toka na gauna oqo, ni oti e tinikaciwa na drau na yabaki ni vunautaki ni Kosipeli, ia oqo ko koya, o koya na ivakarau vakavuravura, sa ca cake sara mai na gauna o ya, ena gauna a tiko kina eke o Koya. E sa ca vakalevu cake sara na ivakarau ni vuravura. Na vuravura e sa gole tiko oqo ena dua nai cavacava levu. O kila o ya. Na Turaga e sa vakayacora tiko ga na nona Vosa ena veiyasana kecega.
Vakatakila 18:4-5,
4 Ia ka'u a rogoca e dua tani tale na vosa mai lomalagi, sa kaya, Dou lako tani mai vua, oi kemudou na noqu tamata, mo dou kakua ni cala vata kaya, ka me kakua ni tauvi kemudou na nona mate ca.
5 Ni sa yacovi lomalagi na nonai valavala ca, a sa nanuma na nonai valavala ca na Kalou.----
Sa dua dina na ivakasala! Oqori ena vakasuka lesu sara na lotu ki na iVakatakila 3:14, ki na yabaki ni bula vaka-Leotisea, na tawadodonu; lotu dina, ia e sega ni caka cala. “Ia ko iko, ni ko sa kaya, 'Keimami sa vutuniyau, sa sega ni gadrevi e dua na ka,' ko sa sega ni kila ni ko sa luvawale, rarawa, mataboko, ka sega ni kila.” Sa uasivi sara na iVolanikalou ni gauna oqo, ka sega ni iVolatabu ni yabaki ni bula i Taniela, ka sega ni baleti ira na tamata ena yaca ni ... na yabaki i Noa, ia ena iotioti ni gauna ca oqo.Raica eke, “Ko sa luvawale. Mo vakasamataka sara mada vaka titobu. Au kila ni na levu na duidui ena vakasama oqo, ia e sa yaco yani ki na dua na vanua ni sa vaka me dredre e dua e lotu Vakarisito me lako tani mai na nona vale ka sega ni curuma yani na gauna ca oqo, baleti ira na marama vakaisulu tu vakatawai kilikili.
Yalewa , au sa na kaya oqo, kei au gadreva mo ni rogoca. O ira na tagane kei na yalewa, o ni na rairai sega beka ni duavata kei na ka oqo, ia au vakila ni'u sa vakauqeti mo ni tukuna. O kila, ke dua na yalewa e vakaisulu tawakilikili vaka o ya e sega ni dodonu tu na nona vakasama? O kila, e vakakina, e vakabauta se sega, se nanuma ni sega, e dautagane? E dina ga ni na tu beka e ligana na marama oqo ena mata ni Kalou ka bubuluitaka ni sega vakadua ni tarai koya e dua tale na tagane ia na watina ga, ka na rairai dina beka oqori, ia e dautagane tikoga. E kaya o Jisu, “Ia ko koya yadua sa raica na yalewa me dodomo kina, sa ia oti na veibutakoci kei koya.” Ka na marama rairai...
Raica, o koya sa “luvawale,” e kaya na iVolatabu, “ka sega ni kila.” Na Yalo e lumuti koya tiko me cakava na veika oqori e ca, e Yalo ni yalewa dau tagane. Na yagona e tautuba, na yagona vkayago, na yagona, ena rairai mo savasava. Ena sega beka ni ia na veibutakoci, ka rawa ni bubuluitaka vua na Kalou ka sa ka dina, ni sega vakadua, ia na yalona sa yalo ni yalewa dautagane. Sa vakamatabokotaki koya vakalevu na kalou ni vuravura oqo; a vakaisulu vakaisulu vakasakiti ka yaco yani ki tuba.
----
Na tamata e tautuba e dua na tamata vakayago ka lewai mai na ono na kena vakasama... se lima na vakasama, ia. Na tamata e loma e dua na tamata yalo ka lewai mai na lima na vakasama; na lewaeloma, kei na loloma, kei na so tale. Na tamata e tautuba; rai, tovolea, vakila, boica, rogoca.Ia na loma ni yalo o ya e yalo, ka lewa e dua ga na ka, na nomu galala ni vakatulewa. O na rawa ni ciqoma na veika e kaya na tevoro se ciqoma na veika e kaya na Kalou. Ka sa na vakadeitaki kina na yalo e tiko kina e kea. Kevaka e na Yalo ni Kalou, e na vakani ira e na veika ni Kalou, ka sa sega ni vakani tiko e dua na ka ni vuravura. E kaya o Jisu, “Kevaka ko sa lomana na vuravura se na veika ni vuravura, sa baleta ga ni sega mada ga ni curu ki loma ni tikina oqo na loloma ni Kalou.” Sa lawakitaki iko ko Setani. “Ka na sega ni bula na tamata ena madrai duadua ga, ia ena vosa kecega sa lako mai na gusu ni Kalou.”
Raica oqo, eda raica ni sa “luvawale,” dukadukali ka luvawale. Ka vaka me sa tiko na vuravura ena itabagauna ca duadua e liu. Sega ena dua na yabaki ni bula na marama mera vaka oya na nodra vukivuki, sega ia ni is bera na nodra vakarusai na vuravura ni se bera ni luvuci ko vuravura. A vakamacalataka o Jisu. Eda na yaco yani ni oti vakalailai.
Sa sega beka ni lewa rawa na Kalou, se sa vakatara tiko beka e dua tale na galala ni digidigi me lewa? Au vakataroga. Na isau dina ni taro oqo, ena noqu nanuma, e rua na yalo veisaqasaqa e vuravura nikua, e cakacaka tiko Ia, sa sega ni rawa me rua tale, rua na ulu. Ka dua vei ira sa Yalo Tabu e cakacaka tiko; na kena ikarua sa yalo ni tevoro, ia, ena veisiga mai muri oqo, ena veivakaisini. Oqo au sa na yavutaka na noqu vakasama eke me baleta na vo ni itukutuku, na vo ni... noda iTukutuku.
Na rua na yalo. E dua vei rau, na Yalo Tabu ni Kalou; e dua tale, na yalo ni tevoro, ka cakacaka ena veivakaisini. Na tamata e vuravura era sa cakava tiko na nodra digidigi. Na Yalo Tabu sa tu oqo me kacivi yani e dua na yalewa vakawati me baleti Karisito. O koya e cakava tiko me vakadeitaka na nona Vosa ni yalayala vua, me baleta na itabagauna oqo, vakaraitaka ni sa Karisito. Kevaka e dodonu me toso na iqaqalo ni liga ena itabayabaki oqo, ena yavala na iqaqalo ni liga. Kevaka me toso na yava e dodonu me toso ena gauna oqo, ena toso na yava. Kevaka ena rai na mata ena gauna oqo, ena rai na mata. Raica?
Na Yalo ni Kalou, me vaka sa tubu ki na kena ituvaki va Kalou, e na yabaki ni bula e da sa bula tiko kina oqo. Na Yalo Tabu e sa tu oqo me vakadeitaka na itukutuku ni auwa.. Ka sa cakava tiko oqo na Yalo Tabu, me ra kacivi kina na tamata era vakabauta na Kalou mai na leqa oqo. Na yalo tawasavasava ni tevoro sa tiko eke ka kaciva na nona lotu ena cala, me vaka na kena ivakarau, ena kena vakatanitaki na Vosa ni Kalou, me vaka a cakava ena ivakatekivu. Raica ni sa lesu tale mai na kawa oya mai Iteni? Sa tu tale oqo.
Wilika taucoko na itukutuku ena...
Na Kalou ni Itabagauna Ca Oqo.
