Akuj Ngolo ebarara alotooma akision.

William Branham.

Tosiomete alo akirot...
Akuj Ngolo ebarara alotooma akision.

Tokona erae kigirakis iyes ngulu alalak kwap ngakigireta nguna esyomuni eketiyan. Ka acamit ayong iyes, akolongit na, erae kipedorete, angaar ekitaabo ngolo a Ngiepesoi. Ka esabit ngolo alunyar erworo ayong alokitaabo angolo a Ngiepesoi, epite ngolo araakar ekitaabo ngolo a Yosua Ngiepesoi ngolo ka anyamet angina ngorot, ka epite ngolo araakar Ekitaabo ngolo ka alakuno.
Ka alakuno eyakatar ngatiaketa ngiarei: “Tolom kinga” ka “Alomar tooma.” Ekingaren, iitana iyong alomun kinga. Ngicetunga iitanito ayaun akwap tooma kec; nait iitana iyong alomun anakwap, alomar tooma Kristo. Iitana iyong alomun anamakau anupit, alomar tooma anupit. Emam ipei bore ngini eyakaun lorot kon. Kire ayakaunor anupit ngina akire, iitana jik iyong aesikin ngiboro daadang ngulu edingakina ka Akirot Ka Akuj, alokaku, alomar tooma anupit.
Ka arae ngin Ekitaabo ngolo a Ngiepesoi ngolo ka Acamunet Angina Ngorot, Yosua. Neni, awoikinitor Musa ekisil, pa apedori alakun idiotunganan; nait apedori ajokis, ka ane erae Yosua akirot nginapei ngin ikwa Yesu, “Yawe-ekaiunan.”
Ka tokona anen, ka ikiriamuni iwon ebe iitana iwon abunore neni a Ngiepesoi ace, ace Ngiepesoi tokona. Neni, ebe, alotooma ngidinio yok ngulu kaapirianut ka ngace dang, ka ngakinapeta daadang yok nguna ka akisiom apotu neni a Yordan kec, anen iitana iwon oyakaunotor Ngiepesoi nabo. Iitana iwon oyakaunotor awosit, ikotere “Tolomu kinga” ka ikotere “Toloma tooma,” anguna ka Akoporio.

Tokona ikilosi iwon akolongit na asyomun aneni ke ekek a 2 angolo a Ngiepesoi. Alosikinit ayong ebe ipedori iyong akido neni iitana, kori kibelekin lokek.

Iyes, ka iyes eteyaru Inges, itwakito iyes alotooma ngabucanareta ka asecit: Neni kolong ilosyononoto alopite angolo ka akwap ana, ikwa ekepukan ngolo ka apedor alokidiama, ekuwam tokona ngolo itiyae alotooma ngidwe ngulu ka amaange: Neni kolong iyes dang daadang iyakatar ngirotin alotooma ngapakio nguna alunyar alotooma akingobel ngina ka akuwan, akileleb ekibure ngolo ka akuwan ka ngolo angatameta; ka alokuwane ikirae ngidwe ngulu ka anyunyura, ikwapei nguluce dang. Nait Akuj, ngolo ngolo ebarara alotooma akision, anguna ka amina keng angina apolon abu inges ikiminak iwon, Tari ngina ikitwakitor iwon alotooma akisec, ikiteyaru Inges iwon kaapei ka inges, kori, ikiteyaru iwon kaapei ka Kristo, (anguna ka ajokis inges ikiunere iyes;)   [Ngiepesoi 2:1-5]
Acamit ayong anen alemun ngadi, kori atiaket ngina ke engaet, “Nait Akuj,” Akuj Ngolo Ngolo ebarara alotooma Akisoyn.

Acamit ayong iyes toyenut ane ekadwaran, ekiyakia, ka akilo, Paul, ngolo - ngolo, epite ngolo alimunio inges nu, epite. “Iyes eteyaru Inges, itwakito iyes ekingaren. Iyes eteyaru Inges, itwakito iyes ekingaren, itwakito alotooma asecit ka ngabucanareta; iloseneete aloboro angulu ka akwap, ekibure ngolo ka akuwan, ka akileleb ekibure ngolo angatameta.”
Nyo abu kitiyau akilocokinet na, ite iyong? Ka nyo abu kitiyau nu, “Anapaki ka apei araakau ngulu ikitwakit,” akitodol akiteyarunio? Akiteyar apolou keng ebe “Eteyarun.” Ayai akilocokinet, anatwanare akitodol Nakiyar. Emam ece, emam icebore ngini itiyakin neni aidiotunganan, epol nooi, ikwa akilocokin inges anatwanare akitodol nakiyar. Ekile, erae kiridi inges, alokuwane, ka kitangaleunoe alokuwane, eraunete ngun ngiboro ngulu apolok, nait emam ibore ngini apolon ka akilo atwanit alotooma ekuwam ka eteyaru inges Akuj Nakiyar.

“Itwakito kolong iyes.” Itwakito iyes. Tari ngulu alalak ane akolongit na, apei paki, ipedori akingoliyar kaku ka toyenu ebe itwakito iyes. Nait kaninyo nyitwakitotor iyes akolongit na, ikwapei itwakitotor sek? Iitana iyes kikote nen, anerae irae iyong ekasecan, “Nait Akuj Ngolo Ngolo ebarara alotooma Akisyon,” Ibore inges ngin, “Ngolo ebarara Akuj.” Ngiboro lu daadang ngulu ikirae iwon, “nait Akuj”! Ngun kire anen apotu kitiyaut akilocokinet, “Akuj Ngolo Ngolo ebarara alotooma Akisyon”!
Okoe, aleliani ayong nooi anguna angun, ebe Inges ngol ngolo ebarara alotooma akisyon. Kerae ca tobarite inges ngisilinga, kerae ca tobarite Inges ngiboro, ngulu eyakar Inges, nait ibore ngini apolon erae ngolo ngolo ebarara alotooma akisyon. Okoe, etia ai apolou ka akirot angin ai, epite ngolo ikitwakitor iwon.

Ka ikirworo iwon akolongit ngina aibien epite ngolo ebeitor ekinyomit totwania. Ka ibore daadang ngini alodiyete ekinyomit ka akiyar nyiitana atwanare bon, nait topuripuryaaya. Erae pa kepuripuryaaya, nyeyari. Ka apuripuryaar erae, “Akirikakin akitiyaanar kaapei; erikakin.” Ka paka ngina ikidolio iwon nakibois ngina epuripuryaarotor ngayokotameta ka eyokotame ka topuripuryaasi aneni yok, anen ekinyomit ngolo ka akiiyar egeikini akiyar.
Tokona acepaki, acepaki apedokini ayong adiokitatam ne, nguna nyayeni ayong... Erae pa kinupit iyong, daadang kire. Erae ca ngun kire. Anupit ayong ngun. Anupit ayong ekile ngo, ngina idounere inges alotooma akwap na, ebe ngina iraakar iyong ikoku ngini cici, ngini ikidounio anakwap, pakipedorit iyong ayakaun ne erae pa kerae akitemokinet kolong ngina ka Akuj, anerae erae Inges ngolo emam asalunet ka eyeni Inges ngiboro daadang. Ka ngina idounere ikoku ngin tooma nakwap, eyai icebore tooma nikoku ngin. Erae keruba inges eyakatar Akiyar, eyai icebore ngini cici tooma ama, alotooma ikoku ngin, neni ebuni inges, ekingaren kori ekaku. Eyai ekinyomit ngolo cici tooma keng. Tokona erae kilemu iyong... Elimorito Ngakigireta ngun ilereete.

Tokona erae kiriamunit iyong akiyar nginaruba akolongit na, erae kikiyakar iwon akiyar nginaruba, inges atemar jwi jwi ikiyakaunor, anerae eyai epeikabila bon ngolo ka akiyar anginaruba. Jwi jwi ikikoni iwon nen. Ka alosikinet ngina ikikonia iwon nen, anerae ikirae iwon atiaketait ngina ka Akuj. Ka Akuj bon erae ngolo ruba.
Ka ikwa ejaunia Melekisedek atutubet apei anatomon aloboro a daadang aneni ka Abraham, ka aponi totiakakinae neni aipapait keng angolo apolon, Lepi, ngolo aroko eyai nacir ka Abraham; totac atutubet apei anatomon aloboro a daadang, aroko inges eyai nacir ngina ka Abraham ngina eriamunotor inges ka Melekisedek. Acamit ayong akirwor ngun anakibois ka ace, apei taparacu. Ngae Melekisedek Lo? Tokona torip ngun. Alokaku , ayeni Akuj edia lo ebunit. Ayeni Inges ngiboro daadang.
Tokona ikirae iwon atiaketait ngina ka Akuj. Jwi jwi ikoni iyong nen. Nyitamunit iyong, anerae irae iyong atiaketait aneni ka Akuj. Iyai iyong tooma natametait Keng. Ekonikiro, erae keyae Lokitaabo ngolo ka Akiyar, ewakinitae nen eroko apetakinet ka akwap. Ayene inges eyakae kon.

Erworo ayong nu bon, meere akinyalinyal akitatam, nait akitidiirian, ikotere ikiyotori nawae anakurianu ka alokabule alo. Nyiyeni iyong atemar ngae iyong. Nyilosi iyong araun, nait tokona irae iyes ngisapa ngulu ka Akuj. Kingolik, iraakasi iyes ngisapa ngulu ka Akuj. Kingolik? Anerae ngina ikiyakatar iyong Akuj tooma natametait keng anakisyakinet, iitana iyong arakau, acetiaketait kon, akonikiyar ngina eyai tooma kon tokona, eitana torukito ka Akuj eroko ama. Kire, ngina inges, eroko inges nyerauna ibore ane anakwap, eroko idiobore nyeyakauna, nait Akuj, irae ipei anatiaketait keng. Ayeni Inges eyakaune ke ekiro kon. Ayeni erang-gi ngolo eyakaunotor angitim kon. Ayeni inges nguna kon daadang. Ibore bon ngini abu kitiyakin arae ngina iraakar iyong ekasecan...

Iyes ngulu alalak ipedorete akimor ka ayong alotooma atametait na. ngina iraakar iyong edia ngolo cici, kori apese ngina cici, ipedori iyong alokirimor diyete ka ayakasi ngiboro ipedori iyong ca, neni emam nyitopodokinio ngidwe nguluce, asibit ayai icebore tooma kon ngini egoro. Ayai Akuj iwace, nait irae iyong ekasecan. Itamunit iyong ngun? Kire. Arae ngun nyo? Arae ngun ekabila ngolo cici ngolo ka akiyar alotooma kon. Ka anen kelunyar adiourien, ibu iyong kiira Evanjeli. Acepaki ibu tolot Lokelesiya, ibu iyong tolemu nu ka ngun, ka tolot alodin paka lodin. Nait apeikolongit, iyong araakau atiaketait ngina ka Akuj, eitana iyong araakau atiaketait ngina ka Akirot. Ka ngina iiraria iyong Akirot, toyenu iyong neni kibunio, toyenu nguna arae nguna Akire. Irae iyong jwi jwi, ayai ekinyomit tooma kon. Abu Akirot kingolik Akirot ngina ayai tooma kon, arae ngun eroko apetakinet ngina ka akwap, ibu iyong kingolik Akirot ka tobuni neni Keng.

Ikwa ekoi kang ngolo cici ngolo ke egole, epite ngolo ke kebekunere egole nicici alokwap akokor. Ka abu egole ngol toloseneete ka ngicwi, abu akokor kikekemak, nait pa abu egole ngol toyenu akikekema keng. Ka ngicwi, akimuj kec ayakatar ikes kamaith, nyemisiara egole ngun, epite ngolo etiyaata ikes ngun. Nait ayai ibore ayai tooma keng, asibit agelaana alopite angolo ayakatar ngikokoroi, anerae anakisyakinet arae inges egole. Erae ngun kire. Apeikolongit abu atokeng tolot lorika angua keng, ka, ngina eiraria inges eruye ngolo ke egole, agelaano alotooma ekikekemae ka akokor.
Ka epite ngol eyakar ngolo kanupan ngolo idounitoe nabo. Ipedori akipup akitatam angikaosok ke edin a daadag, ka aoliyorit ngina itiyaunito ngitunga; nait ngina inwakakinia akica ama, anen iyai ibore ngini etingi, ilomuni iyong kinga neni keng. “Itwanit iyong kolong anasecit (akiyar ngin) eteyaru Inges.” Iitana toyai akiyar ngina iteyarakinio, ekingaren. Akuj, anguna ka ayenut keng, eyeni ngiboro daadang. Ka ikitemokinitoe iwon anakisyakinet araun ngisapa ka ngapesur ka Akuj. “Kire itwakito iyes alotooma asecit ka ngabucanareta, neni kolong ikiyae iwon, nait Inges ikiteyaru iwon.”

Kingolik Paulo, ngina araakar Paulo ekaoson ke edin ngolo apolon. Nait ngina eriamakinotor inges ka Akirot ngin ereet ke ereet, Yesu, abu kiteyaru. Abu tobu nakiyar anenipei anen, anerae enyonyoikinitae inges akikokin nen. Arae Inges atiaket ngina ka Akirot; ka ngina engolikinio Akirot Akirot, arae ekepiteene. Akikekema daadang ngina angikokoroi, alotooma ngikelesiyae ngulu ka Orthodox, amamukatar adiojokis neni keng; abu inges kingolik Akirot. Arae atiaket keng. Arae inges egole. Pa arae inges ekokor; arukito inges ka ikes alokamaith. Nait arae inges egole, anageikin mono.

Ipedori iyong akirwor lotunga alotaun ngacepakio, kirwor neni kec nguna etapito Ekapolon, ekyeniete alokingaren kon. Kire, iitana iwon etiyata ngun, ke ediopite. Nait topupok, “Emam itunganan ngini ebuni neni Kang mati mono keyau Papa inges.” Iitana Akuj kitiya nguna ka ayaunio. Iitana toyae akiyar. “Ka ikes daadang ngulu akainaki Inges ayong, epote neni Kang.”
Abu Inges kitiyak aryamunet anguna angulu acamito tolakunae. Abu Inges kitiyak aryamunet anguna angulu acamito kitangaleunoe. Ka anen anerae anguna abunio inges kitiyaa nu, itarauni Inges ngolo ebarara alotooma akisyon, ikwapei jwi jwi ngolo ebaritor Inges akisyon. Iitana kikote nen, erae kinger iyong nu, emam ibore idongit mati Etube, anerae iitana jik asecit totubokinae.
Parao, ngina alosio inges nanam, ikwa eketuputon, kitee ebe epedori inges alunyar ikwa abunio Musa tolunyaror. Musa kaapei ka ngasigaria keng, Parao kaapei ka ngasigaria keng, ikes daadang kemunyara ananam, ikote nen. Nait Akuj, anguna ka ngolo ngolo ebarit akisyo, abu kitiyak erot ngolo ka abucario anguna angidwe angulu anguburaniyai, (kaninyo?) anerae ameto ikes ederes ngolo ke etic, ameto ikes alotooma Akirot.
Tokona erot bon inges ngol ngolo eryamunere akisyon, erae akiwap ngakitatameta nguna ikiinak iwon Akuj akiwap. Epite ngol bon epedoria Inges akitoodiun akisyon, erae ngina iwapere iwon nguna ebala Inges akitiya.

Ikwa apega ngina cici ngina alunyar adiourien, kaapei ka eketiyan ngolo abala ebe etatami ayong Akitatam ngina Angikiyakya. Anupit ayong ebe erworit ayong ngun anakuwar kaapei kori angaarei anguna alunyar, kori anapaki ka ace, epite ngolo abunio inges tolimunio, “Ikatakinit iyong apedokin, tooma nanyamet na, Akitatam ngina angikiyakya.” abu inges tema, “Abu anyamet ngina angikiyakya tosalu, kaapei ka ngikiyakya.”
Ka abu ayong engit inges, “Kire, inupit iyong Akirot a?”
Abu inges tema, “Ee.”
Abu ayong otema, “Akisileerekinet 22:18 ebala, ebe, 'Nginitunganan daadang elemari kinga Akirot apei Ane, kori kiyatak apei tooma Keng,' meere ngakiro ngarei; Akirot apei, alemar kinga Akirot apei.”
Temari inges, “Anupit ayong ngun.”
Abu ayong otema, “Inges nait atemar akalimokini ayong iyong neni ainakinere anyamet ngina angikiyakya, Ngarerengisyo nguna angikiyakya aponi inakinae Ekelesiya; tokona ikilimokini iyong ayong neni abunio Akuj tolemarya alokelesiya, isitiyae Akirot. Nyipedori iyong akitiya; emam anen.” Abu ayong otema, “Tokona totamu, ebe Petero, anakolongit angina a Pentekoste, arae inges eketeyenunan anyamet ngina angikiyakya. Ka abu tolimok ikes daadang ebe, Tokiwa, ka ikibatisae Alokiro a Yesu Kristo anguna ka akisyoniyo angasecisya, ka iriamunete iyes ainakinet ngina ke Ekuwam a ngolo Akwangan. Anerae erae akiikinet ngina kus, ka ngidwe kus, ka neni angulu a daadang elwaka, ka ikwa ngulu alalak ngulu enyarauni Ekapolon Akuj yok”

Tokona erae kicamit iyong apupokin akikekema ngina ka akokor angina erae edin, ka toyar alokaku alokinga kaama ikwa akwap alotooma ngiboro ngulu ka akwap, inges nait atemar elosi akitoodiyar ebe eyai icebore ngini aronon. Anerae, Akirot inges ngin. “Nginitunganan daadang ecamit, epedori abunori.” Ka erae kiyakar iyong akiitanit, iitana iyong bu. Nait erae kimamukatar iyong adiokiitanit, inges atemar iyai iyong nakadakinit. Nait erae kiriamunit iyong akiitanit abunore, bua kiwap ngadoketa nguna itiyaa Akuj! Ka emam nyisipiyor Inges akilelebikin nguna iikinit Inges. Kolong adit ayong, ka tokona amojong ayong, emam nyeyanyuna ayong isipiyor Inges alotooma Akirot keng. Anerae, epedori Inges akitiya idiobore. Nait nyepedori akisipiyor. Nyepedori Akuj akisipiyor. Erae nguna ekuruworo Akuj akisipiyor, ka kidong erae Akuj.

Tosiomete alo akirot...
Akuj Ngolo ebarara alotooma akision.

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Iŋes ŋini enupi Lokoku ka Akuj, nyetubokinio; ŋini nyenupi, etubokinitae sek, anerae nyenupit iŋes ekiro a Lokoku ka Akuj a ŋolo donupei.

Yokana 3:16-18