Puti nga kabayo sa nagkabayo.

William Branham.

Basaha ang tibuok nga asoy sa...
Ang Nahaunang Timri.

Karon, dinhi niining capitulo 5, ang pagbukas sa mga Timri... Ug karon, ang pito-ka mga tinimrihang Basahon... Una sa tanan maoy atong basahon ang Nahaunang Timri. Sa miaging gabii (aron paghulagway ug diyotay) atong nakita nga sa dihang mitan-aw si Juan ug nakita ang maong Basahon nga anaa pa sa mga kamot sa orihinal nga Tag-iya, ang Dios... Nahinumduman pa ba ninyo kung giunsa niini pagkawala? Pinaagi kang Adan. Iyang giwala ang Basahon sa Kinabuhi tungod lang sa kaalam ni Satanas ug giwala ang iyang panulondon, nawala ang tanan, ug wala nay paagi pa nga malukat. Ug unya ang Dios, nagbuhat ug sama sa dagway sa tawo, nanaug ug nahimong usa ka Manonubos lang kanato aron pagtubos kanato. Ug karon, atong nasuta nga sa mga adlawng nang labay, kining mga butanga nga gililong pagaablihan na alang kanato sa katapusang mga adlaw.

Karon, nakita ta usab dinhi, nga sa pagkadungog ni Juan sa maong pahibalo alang sa-sa umaabot nga Kadugo nga Manunobos ug aron pagandam sa Iyang panulondon, kay walay tawo nga makahimo niini. Walay usa ka tawo didto sa langit, walay tawo dinhi sa yuta, walay tawo sa ilalum sa yuta, ug walay usa nga takus bisan gain sa pagtan-aw sa maong Basahon. Pamalandunga kana: walay tawong takus bisan gain sa pagtan-aw niini. Ug misugod paghilak si Juan. Nahibalo siya nga ang tanan... Wala nay kahigayonan pa alang sa pagtubos. Ang tanan nangapakyas. Ug sa kalit atong makita nga ang iyang paghilak mihunong pagkalit, tungod kay gipahibalo man kadto pinaagi sa usa sa upat ka mga buhing binuhat-o sa mga anciano, diay. Ang usa sa-sa mga anciano miingon, “Ayaw paghilak, Juan, tungod kay ang Lion sa banay ni Juda nagmadaugon,” sa laing pagkasulti, “nagmadaugon ug nanaug.”

Ug milingi si Juan, ug iyang nakita ang usa ka Cordero nga mitungha. Nagkadugo Kini ug nasamaran ug gisamdan. Kini gipatay nang daan, ang- giingon nga-kini-usa ka Cordero nga gipatay nang daan, ug dayag na lang nga nagkadugo pa kini. Kong samaran mo ang nating carnero u-ug patyon kini sa paagi nga bisag giunsa pagpatay ang Cordero, gitadtad kadto pagpino didto sa krus, gidughang sa kilid, ug gilansang ang mga kamot ug tiil, ug mga tunok diha sa agtang. Diha Siya sa labing makauulawng kahimtang. Ug kining maong Cordero mitungha ug miadto Kaniya nga naglingkud sa Trono nga nagkupot sa lunsay nga Titulo sa Katubsanan; ug ang Cordero miadto ug gikuha ang Libro gikan sa kamot Niya nga naglingkud sa Trono ug-gikuha ug gikuha ang mga Timri ug giablihan ang Basahon.

Ug sa nahitabo na kadto, atong nasuta nga kadto maoy usa ka dakung u-usa ka butang nahitabo didto sa langit, tungod kay ang mga anciano ug ang kaluhaag upat ka mga anciano, ug ang mga buhing binuhat, u-ug ang tanan didto sa langit misugod sa pagsinggit, “Takus.” Ug ania karon ang mga Manolunda miyabo sa mga panaksan sa mga pag-ampo sa mga balaan. Ang mga balaan sa ilalum sa halaran naninggit, “Takus Ikaw, O Cordero, tungod kay gitubos Mo kami, ug karon Imo kaming gihimong mga hari ug mga sacerdote, ug kami magahari sa yuta.” Oh may. Ug kadtong kalaga maoy... Siya... aron pagbukas sa Basahon...

Inyong makita nga ang maong Basahon gilaraw ug mayo ug gisulat sa wala pa matukod ang kalibutan. Kining maong Basahon, ang Biblia gisulat na sa wala pa matukod ang kalibutan. Ug si Cristo, ingon nga Cordero, gipatay nang daan sa wala pa matukod ang kalibutan. Ug a-ang mga sakop sa Iyang Pangasaw-onon, ang ilang mga ngalan gipangsulat sa Basahon sa Kinabuhi nga iya sa Cordero sa wala pa matukod ang kalibutan, apan gikatimrihan kadto. Ug karon gikapadayag na kini kang kinsang mga ngalan anaa diha, ang tanan bahin niini. Unsang ka maayong butang.

Ug si Juan, sa nakita niya kini, si-siya miingon, “Ang tanan sa langit, ang tanan sa ilalum sa yuta, ang tanan nadungog niya nga nagaingon, ‘Amen, ug ang mga panalangin ug kadungganan.’” Iyang naangkon ang usa ka maayong kahigayonan, ug-alang sa Cordero nga takus. Ug karon, ang Cordero nagtindog niining kagabhion samtang manuol kita ngadto niining ika-6 nga capitulo; kay anaa Kaniya ang maong Basahon diha sa Iyang kamot ug misugod na sa pagpadayag niini. Ug, oh, akong nasiguro karon... Ug naglaum ako nga unta ang mga katawhan magma-espirituhanon. Usa unta ka makalilisang kasaypanan ang mahimo ko kung dili pa tungod sa Espiritu Santo nga miduol sa akong lawak alas-dose sa udto karon ug mitudlo kanako sa usa ka butang nga akong gisulat iug isulti.

Gikuha ko kini gikan sa usa ka karaang konteksto. Wala akoy mahimo niini. Wala ako masayud kung unsa ka labaw pa ka walay hinungdan ang Ikaduhang Timri, apan anaa akoy pipila ka mga karaang konteksto bahin sa usa ka butang nga akong gihisgotan sa daghan nang mga katuigan ang nanglabay ug gisulat ko kini, ug gitigum ko kining mga kon-konteks... Ug si Dr. Smith, ug daghan pang bantugang mga magtutudlo ug a-akong nangahipos, ug ang tanan kanila nagtuo niana, busa akong gisulat kini. Ug andam na ako sa pagsulti, “Hinuon, karon akong tun-an kining maong baruganan.” Ug didto sa hapit na mag-alas-dose ang takna sa kaudtohon ang Espiritu Santo mopuno sa lawak, ug ang kinatibuk-ang butang naabli kanako, ug nahitabo kadto...?... niining kahimtanga-ngadto niining Nahaunang Timri nga naabli.

Nakasiguro ako samtang ania ako dinhi nagtindog niining kagahion nga kini mao ang Maayong Balita sa Kamatuoran nga akong isulti kaninyo. Karon ko lang kini nahibaw-an. Tungod kay kung ang pinadayag mahisupak man sa Pulong, nan kini dili usa ka pinadayag. Ug nasayud kamo, nga anaay mga butang nga daw tinuod tan-awon, apan dili mao ang kamatuoran. Nakita mo? Kini daw sulosama kong tan-awon, apan dili diay.

Karon, atong makita ang Cordero uban sa Basahon karon. Ug karon, diha sa ika-6 nga capitulo atong mabasa.

1 Ug nakakita ako sa diha nga ang Cordero mibukhad sa usa sa pito ka mga timri, ug nadungog ko ang usa sa upat ka mga buhing binuhat nga nag-ingon, sa tingog nga daw dalogdog, “Umari ka!”
2 Ug nakita ko, ug tan-awa, ang usa sa maputi nga kabayo; ug ang nagkabayo niini may pana; ug kaniya gihatag ang usa ka korona, ug siya milakaw nga nagmadaogon ug aron sa pagpanaug.

Karon, mao kana ang Nahaunang Timri, ang usa nga atong sulayan sa pagsaysay niini pinaagi sa grasya sa Dios niining gabhiona pinaagi sa pagkamaayo... Ug akong naila nga kung ang tawo maninguha pagsaysay niini siya nagalakaw diha sa makuyaw nga yuta, kong wala ka masayud kung unsay imong ginabuhat. Nakita mo? Busa kong kini midangat man kanako pinaagig pinadayag, tug-anan ko kamo. Kong kini kinuha ko lang sa kaugalingon kong kaisipan, nan sultihan ko-ko kamo niana sa dili ko pa kini isulti kaninyo. Apan nakasiguro gayud ako samtang nagtindog ako dinhi ning kagabhion, nga kini miabot kanako nga lab-as gikan sa Labing Gamhanan. Dili ako madalidalion sa pagsultig bisan unsang butang nga sama niana kong bahin man sa Kasulatan. A-a-ako mao ang...

Manghinaut ako nga inyong hingsabtan kung unsay akong gipasabot niini karon. Nakita mo? Karon, nasayud kamo, nga dili kamo makasultig mga butang kong may usa ka butang nga ania na dinhi sa wala pa kini mahitabo. Dili ka-ka makasulti niini hangtud nga anaay butang nga napahimutang na diha niana. Nakita mo? Apan nabasa ba ninyo; namati ba kamo sa usa ka butang? Nakita mo?

Karon, ang pito-ka timri, ang Basahong linukot karon gitangtang na pinaagi sa Cordero. Atong giduol kanang dapita niining gabhiona. Tabangan unta kita sa Dios. Samtang ang mga Timri nangatangtang na ug gikatugyan na, ang mga tinago sa maong Basahon gikapadayag na. Karon, inyong makita, nga kini usa ka Basahong tinimrihan. Karon, nagtuo ta niana, dili ba? Kita nagatuo nga kini usa tinimrihang Basahon. Karon, wala gayud kita masayud niini kaniadto, apan mao kini. Kini tinimrihan ug Pito ka mga Timri; nga diha, sa likud sa Basahon ang Basahon tinimrihan sa Pito ka mga Timri.

Sa atong paghisgot niining matanga sa basahon, nahisama kini sa usa ka bakud nga gibutang dinhi niini, pito ka mga bakus. Apan dili kini maong matanga sa basahon;

Usa kini ka linukot. Ug kung ang linukot hubaron na, kanang usa; nan ang nagpabilin diha sa linukot mao ang ikaduha, ug dinhi niini kini nag-ingon kung unsa kini, apan usa kini ka tinago. Apan bisan pa niana atong gisusi kini; apan hinumdumi, nga ang maong Basahon tinimrihan, ug ang maong Basahon mao ang Basahon sa tinago sa pinadayag. Kini mao ang pinadayag ni Jesu- Cristo (Nakita mo?), usa ka Basahon sa pinadayag. Ug karon, inyong hingsayran latas sa panahon, ang tawo nagsusisusi ug naninguha sa pagsulod niana. Anaa ta nianang tanan.

-----
Ug unya gikuha sa Cordero ang Basahon ug giablihan ang Nahaunang Timri. Ang Dios misulti gikan sa Iyang trono nga walay katapusan aron isulti kung unsa kadtong Timri aron ipadayag. Apan sa dihang gibutang kini sa atubangan ni Juan, kadto maoy usa lamang ka simbolo. Sa pagkakita niini ni Juan, kadto usa gihapon ka tinago. Ngano man? Kay sa gihapon wala kadto ikapadayag dihadiha. Dili kadto mahimong ipadayag hangtud sa unsay Iyang giingon dinhi sa katapusang panahon. Apan miabot kini nga usa ka simbolo. Ug sa diha nga ang dalogdog... Hinumdumi, nga ang usa ka makusog nga lipak sa usa ka dalogdog mao ang tingog sa Dios. Mao kana ang giingon sa Biblia (Nakita mo?), ang lipak sa dalogdog. Sila nagtuo nga usa kadto ka dalogdog, apan ang Dios kadto. Siya nakasabot niini, tungod kay gipadayag man kadto Kaniya. Nakita mo? Kadto usa ka dalogdog.

Ug himatikdi, nga sa pag-abli sa Nahaunang Timri-sa pag-abli sa Nahaunang Timri sa dihang giablihan kini sa kahimtang nga simbolo midalogdog kini. Karon, unsa kaha kung kini giablihan diha sa tinuod nga kahimtang? Kini modalogdog sa diha nga buksan sa Cordero ang Timri. Ug unsa may gipadayag niini? Dili ang tanan Niini. Una sa tanan kini may kalabutan sa Dios; ang sunod Kini usa ka simbolo; ug unya Kini gipadayag: totulo ka butang. Nakita mo? Kini nagagikan sa trono.

-----
Ug himatikdi, si Cristo wala na gayud makita (Nakita mo?) sukad niadtong taknaa didto. Apan nagkabayo na Siya sa maputing kabayo; busa kong kining tawhana nagkabayo sa maputing kabayo, siya maoy usa ka suhiran kang Cristo. Nakita mo? Hingsabtan ba kana? 288 Himatikdi, nga ang magkakabayo sa maputing kabayo walay ngalan. Tingalig mogamit siya duha o tulo ka mga titulo, apan wala gayud siyay ngalan. Apan si Cristo anaay Ngalan. Unsa man kini? Ang Pulong sa Dios. Mao kana. “Sa sinugdan mao na ang Pulong, ug ang Pulong kauban sa Dios, ug Pulong mao ang Dios.” Ug ang Pulong nahimong unod. Nakita mo? Ang magkakabayo walay ngalan, apan si Cristo gitawag nga Pulong sa Dios. Mao kana Siya. Siya ginganlan niana. Karon, Siya anaay Ngalan nga walay usang nasayud, apan Siya ginganlag Pulong sa Dios. Kining tawohana walay ngalan (Nakita mo?), apan nagkabayo siya sa maputing kabayo.

Ang magkakabayo walay udyong alang sa iyang busogan. Inyo bang hingmatikdan? Siya anaay busogan, apan walay giingon mahitungod sa mga udyong; busa usa gayud siya nga manglilingla. Husto kana. Tingalig anaa siyay daghan kaayong dalogdog ug walay kilat, apan inyong makita si Cristo nga anaay kilat ug dalogdog; kay gikan sa Iyang baba nagagula ang mahait nga Espada nga duhay sulab, ug Iyang tigbason ang mga kanasuran. Ug kining tawohana dili gayud makatigbas (Nakita mo?). apan igo ra siya magdula sa papel sa pagkamaut. Siya mogula nga magkabayo sa maputing kabayom mogula aron sa pagpanaug.

Si Cristo anaay mahait nga Espada, ug bantayi. Kini nagagikan sa Iyang baba-ang buhing Pulong. Mao kana ang Pulong sa Dios nga gipadayag ngadto sa Iyang mga alagad, sama sa Iyang giingon ngadto kang Moises: “Lakaw, tindog didto ug kupti kanang sungkod didto sa halayo, ug pagtawag ug mga langaw,” ug dihay mga langaw. Oo. Bisan unsay Iyang gisulti, Iya kining buhaton, ug mahitabo gayud kini. Ang Iyang buhing Pulong... Ang Dios ug ang Iyang Pulong mao ra nga Persona. Ang Dios mao ang Pulong. Nan kinsa man kining nagtakuban nga magkakabayo sa nahaunang panahon sa iglesia? Kinsa man siya? Atong pamalandungon kini. Kinsa kining misteryosong magkakabayo nga misugod diha sa nahaunang panahon sa iglesia ug nagasakay paingon ngadto sa eternidad, ug mipaingon ngadto sa katapusan.

Ang Ikaduhang Timri nahiabot ug mipadulong dihadiha ngadto sa katapusan. Ang Ikatulong Timri miabot ug mipadulong ngadto sa katapusan. Ang Ikapaupat, Ikalima, Ikaunom, Ikapatio; ang matag usa kanila mipadulong ngadto sa katapusan. Ug diha sa katapusang panahon, kining mga Basahon nga kanhi gilukot ang tanan niining taknaa uban sa mga misteryo nga diha kanila, nangaabli na. Ug unya mipakita ang tinago aron ipakita kung unsa kini. Apan hinuon kini sila nagsugod diha sa nahaunang panahon sa iglesia, tungod kay diha sa nahaunang panahon sa iglesia nakadawat sa mensahe, nga sama niini.

“Migula ang usa ka magkakabayo sa maputing kabayo.” Nakita mo? Kinsa man siya? Siya gamhanan sa iyang gahum sa pagpanaug, usa siya ka bantugang tawo diha sa iyang gahum sa pagpanaug. Gusto ba ninyo nga itugan ko kaninyo kung kinsa siya? Siya mao ang anticristo. Mao kanay tinuod kung kinsa siya. Karon, tungod kay, nakita na ninyo, kong ang anticristo... Si Jesus nag-ingon nga kining duroha managkuyoganay hangtud nga kung mahimo pa hilimbongan ang pinili, ang Pangasaw-onon. Ang anticristo, mao kana ang espiritu sa anticristo.

Basaha ang tibuok nga asoy sa...
Ang Nahaunang Timri.

Ug nakita ko, sa toong kamot niadtong naglingkod sa trono, ang usa ka basahong linukot nga may sinulat diha sa sulod ug sa likod niini, nga minarkahan ug pito ka timri.

Ug nakita ko ang usa ka kusgan nga manolunda nga nagapahibalo pinaagi sa makusog nga tingog nga nagaingon, “Kinsa ba ang takus sa pag-abli sa basahong linukot ug sa pagtangtang sa mga timri niini?”

Ug walay mausa sa langit o sa yuta o sa ilalum sa yuta nga arang makaabli sa basahong linukot o sa pagtan-aw sa sulod niini.

Ug ako mihilak sa makusog kay walay bisan kinsa nga nakaplagan nga takus sa pag-abli niini o sa pagtan-aw sa sulod niini.

Gipadayag 5:1-4