Ny Vaovao Lehibe Indrindra Teo amim’ny Tantra.
( Foana ny Fasana. )
<< mialoha
manaraka >>
Tatitry ny vavolombelona nanatrimaso - Maria.
Maria no anarako. Tamin’ny Alakamisy alina ny governemanta dia nanao fitsarana maimaika ary nanameloka an'i Jesosy ho faty amin'ny fanomboana amin'ny hazo fijaliana. Ny zoma dia novonoina ho faty izy, na dia ny masoandro dia maizina nandritra ny ora maro, ka nampatahotra anay mafy. Izy dia lehilahy tsara fanahy sady tsy mendrika ny ho faty toy izany. Nisy zavatra maro nolazainy fa tsy fantatro ny dikany, fa fantatro tao am-poko fa izay nolazainy dia marina. Andriamanitra nanaporofo imbetsaka fa izy dia tena mpaminany marina.
Tamin'ny alahady teo aho dia nahatsapa ary tena ketraka, raha nandeha tamin’ny ny làlana mankany amin'ny fasana mba hivavaka. Taitra mafy aho raha nahita fa efa lasa ny mpiambina ary ny vato izay nandrakotra ny fidirana efa voakodia niala tamin'ny fasana. Dia nihazakazaka aho hilaza an’i Petera sy Jaona, dia niverina niaraka tamiko ho any amin'ny fasana izy ireo. Rehefa lasa izy ireo, dia nandohalika teo andoha-pasana aho sady nitomany. Ary hitako fa, indro roa lahy toa mamirapiratra fitafiany, nipetraka tao am-pasana. Nanontany ahy izy ireo hoe nahoana aho no nitomany ianao ? "Nisy naka ny Tompoko", hoy aho, dia nitodika aho hiala. Fantatro fa tsy maintsy efa nisy nangalatra izy. Hoatran’ny teo afovoan’ny lavak’ izao tontolo izao ny fahitako ny tenako. Vetivety teo anefa dia tsapako fa nisy olona teo akaikiko teo. Nihevitra aho fa mpiandry saha izy ary nangataka mba havela haka ny vatany izy. Avy eo dia niansto ny anarako izy, ary fantatro fa izy izany. Tsy misy olona afaka miteny tahaka azy. Hoy izy hoe efa nitsangana aho araka izay efa nolazainy taminay, dia nahatsiaro ireo zavatra nolazainy taminay aho. Tena faly aho fa tsy hamela ny fahafatesana hihazona azy Andriamanitra. Tsy manam-pitsaharana ny hafaliako sy ny firesahana momba azy. Fantatro fa izy ilay Mesia. Fandresena izany! Derao ny Tompo.
Tatitry ny vavolombelona nanatrimaso - Miaramila Romanina.
Tsy afaka manome anao ny anarako aho. Raha manao izany aho dia ny Governora no hamono ahy ho faty. Notendrena hanao ny Fanomboana tamin'ny hazo fijaliana aho tamin’ny Zoma, ary avy eo ny andraikitra hiambina ny fasana. Rehefa vita ny anjarako ny alahady maraina, dia nisy horohoron-tany. Ny vato hidim-pasana nanapaka ny vy fiarovana azy io ary dia nikodia niala ny varavarana. Roa lahy niakanjo mamirapiratra nipetraka teo amin'ny vato. Izahay rehetra lavo tamin 'ny tany satria raiki-tahotra. Ny foko dia nidobodoboka ihany noho ny fahitana azy ireo. Nandeha nihazakazaka tany an-tanàna izahay mba hilaza izany zavatra izany amin’ny sefonay. Nilaza taminay izy ireo hoe: « ataovy hoe natory ianareo ka ny mpanaradia azy no tonga nangalatra ny faty ». Fantatro fa tsy marina izany, nomen’ izy ireo volabe izahay mba hangina.
Tatitry ny vavolombelona nanatrimaso - Petera.
Tena tsy nilamina mihitsy ny saiko, nitomany mafy aho rehefa avy nandà azy. Isika rehetra dia nahatsapa aingam-panahy avy amin'ny zavatra nolazainy, ary dia nino fa hitondra firenena izy sy hanangana ny fanjakany. Ny Romanina afaka miverina any amin’ny toerany. Fa isika, efa maty izy, ka ho very fanahy mbola velona. Ny Alahady maraina dia Maria tonga ary nilaza fa ny vato dia efa voakodia niala tamin'ny fasana. Izaho sy Jaona dia nihazakazaka nankany amin'ny fasana. Izy no tonga tany mialoha, fa tsy niditra. Rehefa tonga tany aho, niditra aho ka nahita ny lambamena mivalona tsara, nefa tsy nahita an’ iza na iza. Taty aoriana anefa dia niseho taminay tao amin'ny efitrano izy, nilaza taminay ny mba tsy hatahotra. Tamin'izay no tena nahafantarako fa izy tokoa ilay Mesia, ary tsy misy izay tsy hain’Andriamanitra.
Tatitry ny vavolombelona nanatrimaso - Kleopasy.
Izaho sy ny namako dia tany Jerosalema tamin'ny andro firavoravoana (fety). Amin'ny maha mpanara-dia an'i Jesosy anay, dia nanatri-maso ny zava-nitranga nandritra ny andro vitsivitsy farany izahay, rehefa novonoina ho faty Izy. Rehefa niverina avy tany Jerosalema izahay dia nisy lehilahy iray niaraka taminay rehefa nandeha an-tongotra iny izahay. Nanontany anay izy hoe: “nahoana isika no malahelo sy kivy ianareo ?”. Nieritreritra izahay hoe vahiny izy satria Jerosalema rehetra dia nahafantatra ny zava-nitranga. Izy dia nilaza taminay ny Soratra Masina, hoe: Kristy tsy maintsy niaritra izany, sy ny zavatra vokatr’izany. Nanasa Azy izahay hijanona hiaraka taminay, ary dia nisaotra Izy dia novakiny ny mofo araka ny fanaony. Tamin'izay no nahatsapanay fa Izy ilay niresaka taminay, ary nirehitra tao am-ponay raha nandre Azy nizara ny tenin'Andriamanitra niaraka taminay. Faly be izahay fa velona Izy ka nandeha tamin'ny lalana rehetra niverina tany Jerosalema izahay mba hilaza amin’i Petera sy ny olon-kafa. "Velona Izy."
Quote...
Ireo fivavahana, ny mpanorina azy ireo tsirairay avy dia maty sy ao am-pasana avokoa. Fa ny Fivavahana Kristianina, taorian'ny nandinihan’izao tontolo azy dia ny Kristianisma no fivavahana marina indrindra. Izany irery ihany no afaka maneho ny fasana foana. Izany ihany no manana mpanorina izay tsy misy toa Azy izay nitsangana tety an-tany ka nanao hoe: "Manana fahefana hanolotra ny aiko ho faty Aho ka hamelona azy indray avy eo. Vetivety foana dia tsy ho hitan’ izao tontolo izao Aho, kanefa hahita Ahy ianareo. Ny tsy mino dia tsy hahita Ahy intsony, fa ianareo hahita Ahy. Fa izaho, ( ' Izaho ',mpisolo tena, ) hiaraka aminareo, ho aminareo, hatramin'ny farany ny izao tontolo izao, mankany any amin'ny fahatanterahana, "Jesosy Kristy no tsy miova omaly sy anio ary mandrakizay.
William Branham - Jesus Christ the same. (63-0627)
Tsy ato Izy fa efa nitsangana.
Ny mpitondra fivavahana nahalala izany.
Ny miaramila Romanina nahalala izany.
Ny mpino nahalala izany.
Fantatrao ve izany ?
Tsy ato Izy fa efa nitsangana; tsarovy ny teny izay nataony taminareo, fony Izy mbola tany Galilia, hoe:
Ny Zanak'olona tsy maintsy hatolotra eo an-tànan'ny mpanota ka hohomboana amin'ny hazo fijaliana ary hitsangana amin'ny andro fahatelo.
Lioka 24:6-7
Tsindrio ny sary mba ahazoana lehibebe amin'ny PDF.
