Diambuibwa.
William Branham.Bala muyuki mujima mu...
Diambuibwa.Misambu 27:4-5,
4 Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.
5 Bualu bua halua dituku dia diakabi, yeye neansokoke mu tshisokomenu tshiandi; yeye neansokoke munda mua nsubu wandi wa ntenta, neambandishe, neanshikike ha mutu ha dibue.Mpindyewu, Nzambi udi ne mushindu wa kwenza bintu. Ne katu ushintulula mapangadika enda. Katu ushintulula milaya yenda. Udi Nzambi utu kayi ushintuluka. Mu Amosa 3:7, uvua muamba se, “kakuenza tshintu pabuloba to kayi muanji kutshibuluila bena mudimu wenda ba profeta.” Ne anu tshia bulelela menamena bu muvuayi mutshilaya, udi utshenza.
Mpindiehu tudi bapita mu bikondu bia ekelezia. Kadi mbatulaya mu matuku a ndekelu, bilondeshila Malakayi 4, se nakuikala dipingana kabidi, muprofeta pa bulaba. Atshi ntshia bushuwa. Tangilayi ngikadilu ehu, mushinduwikalayi. Udi anu... Nzambi udi muenzeja nyuma ahu misangu itanu: musangu umua ne Eliya, mu Elisha, mu Yona mubatisayi; mubikila pambelu pa ekelezia; ne bishala bia bena Yuda. Misangu itanu, “Ngasa,” Y-e-s-u, d-i-t-a-b-u-j-a, ne udi miaku ya Ngasa. Nuamonyi? Bionsu mbimp.
Mpindiehu, vuluka, Mukenji mmulayibua. Ne pikala bikena kumona bionsu ebi bikala bisuikakana ne bantu ba mu bisumbu, na bikengela-muprofeta ufumina musangu umua kudi Nzambi bua kubulula bintu ebi. Ne ki tshivuayi mulaya mena mena bua kuenza. Nua monyi?
Mpindiehu, vulukayi, “Diyi dia Mukalenga ditu dilua kudi muprofeta,” ki dimanya dia Nzambi bilondeshila dimanya dia mukalasa ka bantu to. Muprofeta, udi ntshifuanyi tshia diyi dia Nzambi. Kena mua kuamba tshintu; kena mua kuamba meji enda nkayenda. Udi anu mua kuamba tshidi Nzambi mubulula. Nansha muprofeta balaama pavuahi mutetshibua kupanyishibua, upanyisha budishikaminyi buenda, uvua muamba, “Mushindu kayi muprofeta onsu mua kuamba tshintu kadi, anu tshidi Nzambi muela mukana muenda. Ki tshintu tshidi Nzambi mua kuenza, se kuena mua kuamba tshintu tshikuabu nansha. Ne udi muledibua mushindu ahu. Kakuyi bia bungi kupitshila bi udi mua...Bu wewa ni mua kuamba, “tshi-tshi-tshiena mua kubulula mesu anyi,” paudi utangila. Nua monyi? Kuyi mua ku. Kuyi mua kufikisha tshianza, pawikala mua ku. Nua monyi? Kuena mua kuikala mbua paudi wewa muikala muntu. Nua monyi? Udi mufukibua anu tshihudi. Ne Nzambi utu anu ne, babidi, mu bikondu, kupitshila mu Ishaya, Yelemiya ne bonsu, ba Eliya, mu bikondu bidi bipita. Pavua bena tshisumbu tshia ecclesiaste bikala basambakaja bintu bionsu, Uvua ne tshia bua kutuma muprofeta, umujula upatukila kudi kunyi. Kena wa mu mishindu yabu nansha umua to, ne udi wamba diyi dienda. Babikala tshintu ne tshienzeka, tshipita, anu bantu babushuwa ba bulelela bua Nzambi. Ne tshitu anu njila uhudi mua ku muambila. Uvua muamba, “bu kudi umua mu nkatshi muenu muikala wa nyuma anyi muprofeta...”
Mpindiehu, baprofeta. Kudi tshintu bu atshi tshikala “dipa dia tshiprofeta” mu ekelezia; kadi muprofeta udi mulongolola ne mudianjidila kuambibua bua diba. Nuamonyi? Eyowa's mukalenga. Mpindiehu, bu diyi dia tshiprofeta dikala diambibua, babidi anyi basatu badi ne tshia kulongolola dilumbuluisha dia se tshia bushuwa anyi to, bua se ekelezia akidila diyi edi. Kadi muntu nansha umua kena ulongolola kumpala kua muprofeta; bualu uvua tshia bulelela Diyi dia Nzambi. Uvua Diyi adi mu tshikondu tshienda. Nuenu kumona Nzambi udi muenesha. Mpindiehu, Nzambi uvua mulaya kututumina atshi nankuahu tshia kabidi mu matuku a ndekelu, kupatula mukaji musela mu tshinyangakaji tshia ekelezia atshi, mu mushindu munsantu udi ne tshia kuenzeka.
Katshiyi mua kuenzeka to; ekelezia kena mua kuakidila Kilisto. Tuetu, bena mpentacosta, katuena mua kuangata mukenji ehu mu mushindu udi ekelezia lelu. Mushindu kayi utudi mua kuangata tshikondu tshia ndekelu etshi mu mushindu uditshi lelu, padi muntu yonsu muikala uluisha mukuabu, ne bintu bikuabu bionsu, ne mu mishindu ya ekelezia? Kah, luse we! Mbintu binyangakaja. Tshikadi tshienzeka biya mu bisangilu. Ne diba dionsu... Nvua muebeja mumanyi wa malu a kale bua kuamba bintu bikuabu bishilangana. Diba dionsu didi mukenji upatuka uya mu buloba, ne padibu ba ulongolola bilondeshila dimanya dia bantu, udi ufua musangu umua popuapu. Ne bena mpentacosta bavua benza tshintu tshimua tshivua bakuabu benza, bena Pentacosta bavua bapatuka.
Nuenu bitanta bia Nzambi, pavua ba kakuenu baluma ne bakaji bapatuka mu bisangilu matuku a kunyima, mu bisangilu bia kala bia ma ekelezia, pavuabu bela mbila ne batumbisha Nzambi, ne bakuila bibi bua bintu abi. Ne unyunguluka, “bu mbwa ku bivuahi muluka, ne nguluba mu bitotshi bienda,” ne kuenza bintu bimua bimua bivuabu benza. Ne mpindiehu badi badiamba bena Nzambi, nu kanga bibi bienu bia lusa bia pa buloba apa. Bikengela wikala ne kakanda ka tshitendelelu kumpala kua kudi sangisha nenu, bikola be. Nuenu, bena bobumua, Nzambi munupesha mukenji bu ahu, diba dia nuenu kutungunuka kuya kumpala, ne anu kulama didipuekesha ne kuya kumpala, nuenu kudi lekelela ne kudi longolola bu tshisumbu, Ne nuafiki muaba kayi mpindiehu nuenu bonsu? Tshinuinu tshimua tshimua atshi. Atshi m'bulelela. Ne nyuma wa Nzambi, utungunuka ne kuya kumpala. “Mema Mukalenga n'ki udi mutshikuna. Ne ngelaku mayi, munya ne butuku. Too ne muakuikla bamue...” Uvua mulongolola bintu ebi bua kuikalabi, ne udi ne tshiabua kubituma.
Tshintu tshia kumpala tshidi tshilua, padihi ubanga kupueka ufumina mu diulu, kudi diyi diela lubila. Atshi n'tshinyi? Tshidi m'mukenji, bua kusangisha bantu. Mukenji udi ulua, tshia kumpala. Mpindiehu, diba dia kulongolola muendu, “Jukayi ne longololayi miendu yenu.” Adi divua diba kayi? Dia muanda muteketa, ki disambombo to. Wa muanda muteketa, “Tangilayi, Muluma udi usela nyeyehu ulua. Jukayi nulongolola miendu yenu.” Ne bobu ku tshienza. Bakuabu pa bobu kusanganabu kabayi nansha ne mafuta mu miendu yabu. Nuamonyi? Kadi tshidi n'diba dia kulongolola miendu. Tshidi n'tshikondu tshia Malakayi 4. Tshivuayi mula... Tshidi luka 17. Tshidi-tshidi isay... Meyi a tshiprofeta onsu avua malayibua ne kulongodibua bimpa mena mena bua diba edi, mu mifundu, tudi tubimona ne moyo muabehu nunku. Kakuen....
Tangilayi bintu ebi bienzeka, bana betu babaluma, babakaji. Padi, Nzambi mu Diulu mumanye se ndi mua kufua muaba ehu ku tshiambilu eku mpindiehu. Wewa muteta kakesa kuendakana bua katantshi. Badi anu... Tshidi tshintu tshimpa tshitamba, paudi umona Nzambi ufumina mu Diulu, wimana kumpala kua bisumbu bia bantu, ne wimana muaba ahu, Udileja nkayenda anu mutuhi wenza. Ne atshi ki bulelela, ne etshi m'mukanda wa Nzambi munzulula. Nuamonyi? M'bushuwa. Tudi mwaba ewu. Ne bulongolodi bua bisumbusumbu m'bufua. N'tshimana kuya. Katshiena mua kujuka kabidi. Natshioshibua. Ki tshihudi wenza ne bizubu mu budimi. Nyema ku tshiotshi atshi. Buela mu Kilisto. Kuambi se, “Ndi muena Methodiste. Ndi muena Baptiste. Ndi muena Pentacosta.” Wewa kubuela mu Kilisto.
Wewa muikala mu Kilisto, kakuena muaku udi mufundibua muaba ehu kadi tshihudi muitabuja. Tshiena n'donda tshidi muntu mukuabu mua kuamba. Ne nunku Nzambi wenza se tshintu etshi tshimueneka. Bualu, wewa, Padiyi upumuna Nyuma pa Diyi, tshivua tshienzeka ntshinyi? Anu bu wela mayi pa luteta lonsu kampanda. Natshikala ne moyo ne natshifila bimuma bilondeshila diminu diatshi.
Wewa kuamba,“Ndi mupeta ntambu, Nyuma muimpe.” Atshi katshiena tshileja se udi musungidibua, ki kupitshila njila mila to.
Tangilayi muabehu. Udi tshifukibua tshikala ne busatu munda muatshi. Udi. Munda mua kantu ketu kakesa aka muaba ehu tshidi musuka, tshidi tshilonda n'nyuma, ne tshilonda m'mubidi. Mpindiehu, udi ne biunvuidi bitanu mu mubidi, bua kunvuangana ne mubidi wa pa buloba. Kabena babuela mu dipetangana ne bishala bia ku tshotshi. Udi ne mishindu itanu ya dipetangana ne nyuma, muaba ehu: Dinanga ne buwewa bua munda, ne bintu bu nanku, bia ku biobi abi. Kadi mu nyungulukilu emu ki munudi nusombela. Ki tshihudi wewa.Yesu kavua koku muamba se, “Nvula udi utohela pa badi bakana ne badi kabayi bakana”? Kuela luteta lua cocklebur muaba ehu, ne luteta lua nganu muaba ahu, ne kuela mayi pa nteta eyi, ne kuhilama miela angrais ne bintu bu nanku, kabiakuikala ne moyo ku mayi amua amua ahu? Tshia bushuwa. Bimpa, ntshinyi etshi? Umua wa ku bobu ne amena tshilongu tshia meba tshibikidibua:cocklebur, bualu ki tshidiyi mena mena. Tshilongu etshi tshia meba tshia cocklebur na tshijula bianza biatshi ne tshipatuka anu tshia momumua bu nganu.
Mukanda wa Nzambi kavu koku muamba se, “mu matuku a ndekelu, ba kilistu ba mashimi ne balue”? Ki “Yesu wa dishima,” to mpindiehu. “Kilistu ya mashimi,” balabibua, balabibua bia mafi ku Diyi; balabibua ba bisumbusumbu, kadi ki ba ku Diyi to.
Bualu, Diyi na dilela dijadikibua diadi n'kayadi. Kadiena ne dijinga dia tshinga tshintu. Didi dipatula didileja dia diodi nkayadi.
“Ne nekulua balabibua ba mashimi.” Ne nuenu nudi ne mikaba yanyi pa bualu abu. Ne ehu mulab-... Oh, bu nuenu kanuyi mua kubikila umua wa ku bobu, nuamba, “Oh,wewa, udi Yesu anyi?” “Oh, tshia bushuwa tohu.” Kabavua mua kuimana bua tshiotshi atshi to, anyi kuitaba tshiotshi atshi to.Kadi padibi bifika ku “Oh, butumbi! Ndi munvua dilabibwa dia nyuma!” Ne didi ndilabibwa dia tshia bulelela. Vulukayi, Kaifasa wakadipeta dilabibua edi, henda, ne kufilayi meyi a tshiprofeta Ne bu nunku Balaama wakadipeta, ne kufilayi meyi a tshiprofeta.
Kadi atshi katshiena ni bualu pa bidi bitangila etshi, munda. Anu bu tshiotshi tshikala se atshi tshivua N'luteta lua Nzambi, Diminu dienda katshia ku tshibangilu, tshidianjidila ku longodibwa, kueba n'kujika. Kabiena bitangila mbila ihudi wela, wakula ne ndimi, unyemakanangana, ne kuela mbila. Abi kabiena bitangila atshi to.Luteta lua cocklebur ludi ne mushinga anu bu mikuabu yonsu eyi. N'kadi mumona badi kabayi bitabuja Nzambi, ne wela mbila, ne wakula ne ndimi, ne-ne banuina mashi mu tubonga tua mitu ya bantu, ne bakukuila diabolo. Nuamonyi? Bu nunku kanuena nansha... Tshimua tshia ku biobi, masansakana ne bintu bu nanku, puayi moyo tshintu atshi.
Tshindi n'moyo weba mu Diyi adi, ne atshi ki Kilisto. Kutshiangata munda amu, ne kutshitangila ne kuenza bua se tshimanyikibua, anu bu mu mushindu uditshi tshidibulula bu luteta lonso, ne tshidiambila nkayatshi mu tshikondu muditshi ne moyo.Luther kavua mua kupatula tshintu tshikuabu to kadi katamba katungunuka. Bikuabu ebi bidimuakupatula bintu bikuabu ebi. Tudi mu tshikondu tshia Nganu mpindiehu.
Bena Luther babushuwa bena Luther badi ne tshia bua kupatula Luther wa bushuwa. Bena pentacosta babushuwa badi ne tshia bua kupatula tshi pentacosta tshia bushuwa. Ki bionsu mbiobi abi. Kadi tukadi bapita tshikondu atshi, ne tuya tutungunuka.Nudi bamanya, ekelezia wa catolic, ki muvua mupatuka bena mpetacosta? Bu bena ekelezia wa mpentacosta ne tshia kuimana binunu bibidi bia bidimu, nahikala mu m'muenekelu mubi mutamba kupita mushindu udi bena katolica mpindiehu. Ki mudibi menemene. Ndi ngambila tshotshatshi kudi bana betu ba baluma, ba bakaji, bandi munanga. Ne Nzambi m'mumanya tshotshatshi. Kadi vulukayi, balunda, ne n'sambakena nenu diamuamua ku tshilumbuluidi. Ne atshi katshiakuikala kula to. Ndi ne tshia kuambula tshivulukilu tshia tshidi bushuwa.
Panvua muya nenu mu bisangilu, ndombela babedi, tshivua tshimpa. Kadi, pandindua ne mukenji! Pikala mukenji onsu uhishibua, udi m'mukenji wa bushuwa... Bu tshotshi tshikala tshia bushuwa, bishima bia bulelela bia kudi Nzambi, ne utshidi anu mu tshipungidi atshi, umanya bua se ki Nzmbi to, bualu tshintuatshi ntshimana kuamba.
Yesu wakatungunuka ne kondopa mubedi, bua kukoka mesu abu, bantu, ne Mukenji ulonda. Atshi ntshia bushuwa. Tshivua tshileja bua se Nzambi udi ukeba kuleja bualu kampanda. Uvua musua k... Diondoshibua dia Nzambi,ni bishima bienda bu abi, bidi anu bikoka mesu a bantu. Tshidi tshia nsongu muaba ahu m'mukenji. Ki tshidibi, tshidi tshipatuka muabehu. Udi uteta bua kupeta ntema ya bantu, bua se bapeta bua kumunvua, nuamonyi, bualu kudi bakuabu mu nkatshi amu balongolola bua kuikala ne moyo.
Nteta mikuabu, nganu, mikuluka mu bulaba, nyunyi iyangula. Ne mikuabu ikuluka mu meba. Ne mikuabu ivua, miya kukuluka mu bulaba bulongolola, bulaba bulongolola, ne buakaja.Mpindiehu, n'tshintu tshia kumpala, tshidi n'lubila. Tshintu tshia kumpala m'pungi ne d... diyi... Lubila, ne pashisha diyi, ne kabidi mpungi. Lubila: n'mukenji ulongolola bantu.
Tshibidi n'diyi dia dibishibua:diyi dimua dimua, divua, diyi dikola mu Yona 11:38-44, divua dibikila Lazaro kupatuka mu lukita.
Kukongakaja Mukaji musela pamua; pashisha dibika dia ku bafua, nuamonyi, bua bobu kuangatshibua nadi. Mpindiehu tangilayi bintu bisatu bidi bienzeka. Tshidi tshilonda ntshinyi? Tshivua mpungi. Diyi... Lubila; Diyi; mpungi.Mpindiehu, tshintu tshisatu, tshidi mpungi. Udi misangu ne misangu, pa difesto dia mpungi, udi ubikila bantu ku difesto. Ne atshi ne tshikala messa wa Mukaji musela, messa wa Muana wa Mukoko ne Mukaji musela, Mulu muamua. Nuamonyi? Tshintu tshia kumpala tshidi tshipatuka m'Mukenji, ubikila Mukaji musela pamue. Tshintu tshibidi n'dibika dia kubafua dia Mukaji musela udi mulala; bad-badi bafua, kunyima kuaka mu bikondu, badi bangatshibua pamua. Nenku mpungi, difesto mu mahulu, mulu muamua. Bua tshinyi, ki tshintu tshidi tshienzeka, balunda. Tukadi pa muaba ahu, balongodibua mpindiehu. Tshintu tshimua, Ekelezia udi upatuka, udi ne tshia bua kulejibua kumpala kua Muana, bua ku podibua. Dikongojibua dinena ne dilua, kunyima kua matuku. Nganu nayoshibua, bizubu, kadi nteta nayedibua pamua mu tshilamilu tshia nteta.
Bala muyuki mujima mu... Diambuibwa.
