Ang Pagsagkaw.

William Branham.

Basaha ang tibuok nga asoy sa...
Ang Pagsagkaw.

Mga Salmo 27:4-5,
4 Usa ka butang ang gipangayo ko kang JEHOVA, nga pagapangitaon ko: Nga magapuyo ako sa balay ni JEHOVA sa tanang mga adlaw sa akong kinabuhi, aron sa pagtan-aw sa katahum ni JEHOVA, ug sa pagpakisayud sa iyang templo.
5 Kay sa adlaw sa kasamok pagatagoan niya ako sa iyang puloy-anan; diha sa table sa iyang balongbalong pagatagoan niya ako; ituboy niya ako sa ibabaw sa usa ka bato.

Karon, ang Dios anaay paagi sa pabuhat ug mga butang, ug dili gayud Niya usbon ang Iyang pamaagi. Dili gayud Niya usbon ang Iyang... Siya ang Dios nga dili mabalhin. Diha sa Amos 3:7 Siya nag-ingon nga dili Siya mobuhat dinhi sa kalibutan gawas kung Iya unang ipadayag kini ngadto sa Iyang mga alagad nga mga profeta. Ug siguro gayud sumala sa Iyang pagsaad niini, Iyang kining pagabuhaton.

Karon, nakaabot kita pinaagi sa mga kapanahonan sa iglesia, apan gisaaran kita sa katapusang, mga adlaw sumala sa Malakias 4 nga mobalik kini pag-usab, ang usa ka fropeta dinhi sa yuta. Mao ka na. Himatikdi ang iyang kinaiya ug kung kang kinsa siya ipakisama. Siya... Oh, siya... ang Dios migamit nianang espirituha sulod sa lima ka higayon: ang nahauna diha kang Elias, diha kang Eliseo, ug kang Juan Bautista, ug ang pagtawag sa iglesia, ug ang salin sa mga Judio; lima ka mga higayon, ang grasya, J-e-s-u-s,p-a-g-t-o-o, ug mao kana ang numero sa grasya. Nakita mo? Padayonon ta.

Karon, hinumdumi, nga ang Pulong sa Ginoo modulo ngadto sa fropeta, dili sa magtutudlo sa tiyolohiya, kondili sa fropeta. Siya maoy sibawanan sa Polung sa Dios. Dili siya mosultig bisan unsa; dili siya mosulti sa kinaugalingan niyang mga panahumdahum; mosulti lamang siya kung unsay ipadayag sa Dios. Bisan ngadto kang profeta Balaam sa dihang gisulayan siya sa pagbaligya ─pagbaligya sa iyang katungod; siya miingon, “Unsaon man ni bisan kinsang fropeta ang pagsultig bisan unsa sa gawas nianang gibutang sa Dios sa iyang baba?” Buhat kini sa Dios aron dili ka makasultig bisanunsa. Ug gipanganak ka nianang kahimtanga. Dili labaw kay sa imong kahimoan... Kon miingon ka, nga “Dili ko─ko mabuka ang akong mga mata,” samtang nagtan-aw ka. Nakita mo? Mahimo mo. Dili matuyhad ang imong kamot samtang mahimo mo. Nakita mo? Gibuhat ka sa ingon, ug ang Dios kanunay gayud di─ diha sa mga kapanahonan pinaagi kang Isaias, Jeremias, u─ug ang tanang Elias, ug ang nanglabay ang mga kapanahonan, samtang gilahugay sa mga pundok sa kaiglesiahan ang tanan, mipadala Siya ug usa ka fropeta, nga mibansay kaniya sa usa ka dapit. Kinahanglan nga dili siya mahisakop sa ilang mga kahimtang, ug musolti sa iyang Pulong, ug kuhaon sa eksena ug mawala na, talagsaong mga tawo lamang sa Kamatuoran sa Dios.

Ug mao kini kanunay... Ang paagi nga makasulti ka kaniya, Siya miingon nga “Kon anaa man kaninyoy espirituhanon o usa ka profeta...” Karon ang profeta... Adunay sama nianang butanga ingon nga gasa sa pagpanagna diha sa iglesia, apan ang usa ka profeta maoy ginahin nang daan ug gikatagna nang daan alang sa maong takna. Nakita mo? Oo, sir. Karon, kong mapadayon man ang profesiya, duha o tulo kinahanglan molingkud ug hukman kung husto ba kadto o dili sa dili pa kinidawaton sa iglesia. Apan walay bisan kinsang makatubang sa profeta.tungod kay siyamao─siya maoy hingpit nga Pulong sa Dios. Siya mao ang Pulong sa iyang panahon. Iyang makita nga ang Dios mipasibaw...

Karon kong ang Dios nagsaad sa pagpadala kanato pag-usab niana sa katapusang mga adlaw aron pagdala nianang Pangasaw-onon gikan sa kaugaliyang sa mga kasimbahanan, ug kini...Mao ray bugtong pamaagi nga mahimo kini. Dili gayud kini mahitabo. Ang simbahan dili gayud makadawat kang Cristo . Atong... Ang mga Pentecostal, dili nato madala kining Mensahe diha sa kahimtang karon sa iglesia. Unsaon ta man sa pagdala sa katapusang panahon diha sa kahimtang nila karon, samtang ang matag usa batok sa usa, ug uban pa, ug makisimbahan? Oh, intawon. Usa kini ka kagubot. Nahulog kini sa mga denominasyon. Ug sa matag panahon, nangutana ako sa matag maghuhubit sa kasaysayan sa─sa─sa pagsultig linain. Sa matag panahon nga moabot ang mensahe dinhi sa kalibutan ug kung ilang himuon kini nga organisasyon, dihadiha mamatay kini. Ug ang Pentecostal nagabuhat sa samang bulatan sama sa ilang... Ang Pentecostal nga nakagula...

Kamong mga Assemblies of God, sa dihang ang inyong mga katigulangan ug mga inahan nanggula sa ilang mga kapunongan kaniadto didto sa karaang Kinatibuk-ang Concillo, maninggit ug nanagdayeg sa Dios ug misulti batok nianang mga butanga; ug kamo namalik sama sa iro ngadto sa suka niini ug sa baboy ngadto sa lunangan niini ug nabuhat sa samang butang nga ilang ginabuhat; ug karon hilabihan ang pagkamakisimbahon inyong gisirhan ang inyong pagkamaloloy-on, ug nakinahanglan pa kamog kard sa pagpakig-uban bisan gani sa dili pa kamo makakuyog. Ug kamong mga Oneness, gihatagan kamo sa Diyos ug usa ka mensahe nga sama niana nga mapadayon kamo ug magpaubsanon ug magpadayon, nangahuyang na hinuon kamo ug gihimong kapunongan ang inyong pundok. Ug hain naman kamong tanan karon? Mao ra nga kahimtang. Husto gayud kana. Ug ang Espiritu sa Dios mipadayon. “Ako ang Ginoo nga nagatanum; Akong bisibisan sa maadlaw ug sa magabii kay tingali unya ang uban ma...”

Iyang gitagana kining mga butang mahitabo, ug kinahanglan gayud nga iyang ipadala kini. Ang unang butang nga miabot sa dihang mikunsad Siya gikan sa langit, dihay usa ka singgit. Unsa man kini? Usa kini ka Mensahe aron kuhaon pagtingub ang mga katawhan. Una sa tanan miabot ang usa ka Mensahe. Karon, mao na ang “Panahon sa paghinlo sa lamparahan, Bangon ug hinloi ang inyong mga lamaparahan.” Unsa na mang pagkatuwa kana? Ang ikapito, dili ang ikaunom, kondili ang ikapito. “Tan-awa ang Pamanhonon nahiabot na. Pagmata ug hinloi ang inyong mga lamparahan.” Ug mituman sila. Apan ang uban kanila hingkaplagan nga wala man gani ing lana sa ilang lamparahan. Nakita mo? Apan panahon na sa pagpanghinlo sa lamparahan. Panahon na kini sa Malaquias 4 kung modulo kamo... Mao na kini ang Lucas 17. Mao ki—kini ang Isaias... Kadtong tanang mga profesiya nga makahan-ay pag-ayo sa mga Kasulatan alang niining adlawa, atong Makita kini nga buhi kini sa ingon. Wala nay...?...

Tan-awa kining mga butanga nga nagakahitabo, minahal kong igsoong lalake, ug babaye, samtang ang Dios sa langit nasayud nga mahimong mamatay ako dinhi niining tablado karon dayon, sa makadiyut igo lamang ka—kamo maglakaw. Akong... Usa lamang kini... Usa kini ka makalilisang. Kung makita ninyo nga ang Dios nanaug gikan sa langit, mitindog sa atubangan sa mga panon sa kalalaken-an, ug didto mibarug, nagpaila sa Iyang kaugalingon sama sa kanunay Niyang ginabuhat... Ug mao kana ang Kamatuoran, ug naabli ang Biblia. Nakita mo? Mao kana. Ania na kita dinhi. Ug ang sistemang iya sa denominasyon patay na. Wala na. Dili na gayud kini mobangon pag-usab. Pagasunogon kini. Mao kanay inyong ginabuhat sa mga dagami didto sa kaumahan. Kalagiw gikan niini. Duol kang Cristo. Ayaw pag-ingon, “Sakop man ako sa Methodist.”, “Sakop ako sa mga Baptist.”, “Sakop man ako sa Pentecostal.” Duol kamo kang Cristo. Ug kong anaa ka na kang Cristo, walay usa ka pulong nga nahisulat dinhi kondili ang unsay imong gitoohan niini. Walay sapayan kung unsay ikasulti ni bisan kinsa. Ug dihadiha ipadayag sa Dios kanang butanga, tungod kay ikaw... kung ibubo Niya ang Espiritu sa ibabaw sa Pulong, unsa may mahitabo? Sama ra sa nagbutang ug tubig diha sa ubang binhi. Mabuhi kini, ug mamunga kini sa iyang matang.

Kamo moingon, nga “Nakadawat ako sa bautismo sa Espiritu Santo.” Wala kana magkahulogan nga luwas ka na, dili pinaagi sa hatag-as nga pamaagi. Tan-aw ngari, tutulo ang inyong pagkalinalang. Kamo... sa sulod kining gamayng binuhat dinhi mao ang kalag; ang ikaduha mao ang espiritu; ug sunod mao ang lawas. Karon, aduna kay lima ka mga galamhan dinhi niining lawasa aron pagdangop sa imong yutan-ong puloy-anan. Dili sila modulo sa uban pa niini. Aduna kay lima ka mga galamhan dinhi sa espiritu: ang gugma ug salabotan ug uban pang sama niana. Apan dinhi niini diha ka magpuyo. Mao kana ikaw.

Wala ba si Jesus mag-ingon nga ang ulan mangatagak diha sa matarung ug sa daotan? Pagbutang dinhi ug usa ka amorsiko, ug usa ka trigo diha, ug buboi silag tubig, ug atimana sila sa abono ug uban pang butang sama niana, dili ba sila mangabuhi sa mao rang tubiga? Siguro gayud. Apan unsa man kini? Ang kanila mobungag amorsiko, tungod kay mao man kana siya. Ang amorsiko mopataas sa iyang mga kamot ug mosinggit sama sa trigo. Wala ba mag0ingon ang Biblia nga sa katapusang mga adlaw managpangabot ang mini nga mga Cristo, dili kay mini nga Jesus karon, mini nga mga Cristo, mga dinihogan, mini nga dinihogan sa Pulong. Dinihogan nga iya sa denominasyon apan dili sa Pulong, tungod kay ang Pulong magasaksi man sa Iyang kaugalingon. Wala Kini magkinahanglan ug bisan unsa man; magpamatuod Kini sa Iyang kaugalingon. Ug diha mangabot ang mini nga mga dinihogan. Nakakuha kamog akong teyp niana. Ug kanang dinihogan... Oh, kong tawgon ninyo ang usa nga, “Oh, i—ikaw ba ang Jesus?” “Oh, dili gayud.” Dili sila makapabilin niana. Apan kung bahin man sa usa ka, “Oh himaya, kay naangkon ko ang dihog...” Ug usa kini sa tinuod nga dihog.

Pamalandonga, nga si Caipas nakabaton usab niini, ug nanagna. Miingon man si Balaam nakabaton niini ug nanagna, apan wala kadtoy kahulogan sa sulod niini. Gawas lamang kung binhi kadto sa Dios, Iyang binhi sa sinugdanan, ginahin nang daan, nan tapus ka na. dili ko tagdon kung giunsa mo pagsinggit, ang pagsultig mga dila, ang padalagan, pagsinggit; wala kini ing kapuslanan niini. Apan usa ka amorsiko makahimo sa pag-ihap sa gidaghanon sama sa uban kanila. Nakakita akog mga pagano nanindog, ug naninggit, ug nagsultig mga dila, u—ug nanginum ug dugo diha sa kalabera sa tawo, ug nanagsangpit sa yawa. Nakita mo? Busa dili mo... Ang bisan unsa kanila nga mga pagbati ug mga butang, hikalimti kini. Sumala kana sa imong kasingkasing diha sa Pulong, ug mao kana si Cristo. Dad-a kana didto, ug bantayi Kini kay magpaila Kini sa kaugalingon ingon nga dayag Kini sama sa ubang binhi ug nagpahayag sa Iyang kaugalingon alang sa panahon diin anaa Kini.

Si Luther walay laing madala gawas sa mga udlot. Kining uban pa makahimo sa pagpagula ning ubang mga butang. Ania na kita karon ning panahon sa trigo. Ang mga Lutheran, ang matuod nga mga Lutheran mamungag matuod nga Luther. Ang matuod nga Pentecostes mamungag matuod nga Pentecostal. Kana lang. apan milabay na kita nianang panahona ug mipadayon. Nasayud ba kamo nga ang simbahang Katoliko nagsugod man sa Pentecostes? Ug kon ang simbahang Pentecostal magpabilin man sulod sa duha ka libo ka tuig, nan labi pa kining mangil-ad nga dagway kay sa unsa ang Katoliko karon. Husto gayud kana. Karon, gipamulong ko kana ngadto sa mga kaigsoonan ug sa mga igsoon kong babaye nga akong gihigugma, ug nasayud ang Dios niana. Apan hinumdumi, mga higala, nga ikahibalag ko ra kamo didto sa unahan sa paghukom. Ug dili na kana madugay. Kinahanglan nga magasaksi ako kung unsay Kamatuoran.

Sa dihang miadto ako sa mga tigum uban kaninyo nga nangampo sa masakiton, mayo kadto, apan sa dihang mianhi ako uban sa usa ka Mensahe... Kong adunay bisag unsang mensahe nga moabot, kong kini usa ka tinuod nga mensahe, kong kini tinuod, matuod nga mga milagro sa Dios, ug mopabilin diha da kapunongan, nasayud kamo nga kini iya sa Dios; tungod kay kanang mga butanga gikapahayag na. Si Jesus miabot ug nangayo sa sakit aron kuhaon ang pagtagad sa mga katawhan, ug misunod ang Iyang Mensahe. Mao kana. Kinahanglan nga adunay mahitabo aron ikapaila ang Dios. Igo lamang Siya... Ang Langitnong Kaayohan maoy... Ang milagro nga sama niana igo rang magdakop sa panan-aw sa mga katawhan. Ang kinauyokang bahin niini mao ang Mensahe. Diha niana. Mao kini ang tinubdan niini. Iyang gitinguha ang pagtagad sa mga katawhan aron manglingkud sila ug mamati Kaniya. Nakita mo? Tungod kay adunay pipila diha niana nga gikatagana nang daan sa Kinabuhi. Ug ang pipila ka lugas-sa trigo mangahulog sa yuta, ug ang mga langgam managpanuktok niini. Ug ang uban mangahulog diha sa mga kasampinitan, ug ang pipila anha—diha sa naandam nga yuta, yutang inandam, ug mamunga.

Dili, mao kini ang... Ang nahauna mao ang paghuyop—o ang nahauna mao ang trumpeta ug ang—o ang tingog—usa kla singgit, ug unya ang usa ka tingog, ug dayon ang trumpeta. Ang singgit, gipapangandam sa mensahero ang mga katawhan... ang ikaduha mao ang tingog sa pagkabanhaw. Mao ra nga tingog kadtong, usa ka makusog nga tingog didto sa San Juan 11:38 ug sa 44 nga mitawag kang Lazaru gikan sa lubong. Ang pagtigum sa Pangasaw-onon, ug unya ang pagkabanhaw sa mga patay (Nakita mo?), aron sakgawon uban niini. Karon, bantayi ang tulo ka butang nga mahitabo.

Ang sunod unsa? Mao ang trumpeta. Usa ka tingog-usa ka singgit, usa ka tingog, usa ka trumpeta. Karon, ang ikatulong butang mao ang trumpeta, nga ang Fiesta sa mga Trumpeta mao ang kanunayng magatawag sa mga katawhan ngadto sa fiesta; ug mao kana ang panihapon sa Pangasaw-onon, ang panihapon sa Cordero kauban sa Pangasaw-onon didto sa kalangitan. Tan-awa, ang nahaunang butang nga moabot mao ang Iyang Mensahe ang nagtawag pagtingub sa Pangasaw-onon. Ang sunod mao ang pagkabanhaw sa mga nanghikatulog nga Pangasaw-onon, a—ang mga nangamatay kaniadto sa laing mga kapanahonan. Silang tanan pagalalinon pagtingub, ug ang trumpeta, ang fiesta didto sa kalangitan—didto sa kapanganoran. Tan-awa, mao kana-mao kana ang butang nga mahitabo, mga higala. Anaa na kita niana nga andam na karon. Ang bugtong butang, mao nga ang iglesia nga nakapanggulan kinahanglan nga magpabulad sa adlaw aron mahinog. Ang dakung kahiusahan moabot na sa dili madogay. Ang trigo pagasunogon, ang mga lindog, apan ang lugas pagahipuson ngadto sa dapa.

Basaha ang tibuok nga asoy sa...
Ang Pagsagkaw.

Kay ang Ginoo gayud mao ang manaug unya gikan sa langit inubanan ug singgit sa pagsugo, ug sa tawag sa punoan sa mga manolunda, ug sa tingog sa trumpeta sa Dios. Ug unya ang mga nangamatay diha kang Cristo mouna sa pagpamangon;

ug kita nga mga buhi pa nga mahabilin, pagasakgawon ngadto sa mga panganud uban kanila sa pagsugat sa Ginoo diha sa kahanginan; ug sa ingon niini kita magapakig-uban na sa Ginoo sa tanang panahon.

Busa, paglinipayay kamo ang usa sa usa pinaagi niining mga pulonga.

1 Tesalonica 4:16-18