Eliya muprofete.
Musulu wa Ohio, 1933.
Musulu wa Ohio, 1933.Mu dia matuku 11 ngondo wa 6 mu 1933, pavua muanetu Branham wenda ubatiza mu musulu wa Ohio kuinshi kua Spring Street mu Jeffersonville, Butoke bua pa buabu, bu mutoto, buakalua mu tshimpitshimpi buenda bupueka ne kusomba pa mutu pende. Kuvua bantu batue ku binunu binayi basombe ku muelelu kua musulu batangila, ba bungi ba kudibu bavua bantemu ba bualu ebu buvua kabuyi mua kumvuija. Bamue bakanyema ne buôwa; bakuabu bakakuluka mu ditendelela. Bantu ba bungi bavua belangana meji bua diumvuija dia bualu bua dikema ebu. Anu bu muvuabi bua Shaula, Dîyi diakula difumina ku Butoke. Aa ke mêyi aa, “Bu muvua Yone Mubatiji mutume bua kudianjila kumpala kua dilua dia kumpala dia Mukelenge, mukenji weba newikale kumpala kua dilua diende dibidi...”
Mukenji wa Muanjelu.
Dituku dikuabu mu 1946 muanjelu wa Mukalenge wakasambakena ne muanetu Branham mpala ne mpala ne kumuambila ne: uvua muteka bua kulua ne dipa dia diondapangana dia Nzambi pa buloba. Muanjelu wakamuambila ne: bavua ne bua kumupesha bimanyinu bibidi bua kuleja ne: uvua mutumibue kudi Nzambi. Wakajingulula mu katupa kîpi ne: tshimanyinu tshia kumpala bivua, ku tshifukilu tshiabi, bitshiokesha ku mubidi, mukuate bianza bia bantu badi basama, umvua dikankamika dia masama abu a lufu dienda dibanda ku diboko diende too ne ku mutshima wende. Mu matuku au a ntuadijilu a mudimu wende uvua usambila bua bantu nkama ne nkama butuku buonso too ne pavuaye umvua mutshioke ne uvua pabuipi ne kujimija lungenyi bua ditshioka.
Pashishe tshimanyinu tshibidi tshiakalua ne tshiakalua kutshioka bikole ku mubidi kupita tshimanyinu tshia kumpala. Hakatuadija diedibua manyi dia Nyuma Muimpe kujingulula ntatu ya bantu; Tshikena kumona tshionso tshivua tshimujimijila bukole bua bungi, ke bualu kayi uvua mua kusambila anu bua bantu batue ku 15 anyi 20 butuku bumue. Muanjelu wakamba ne: yeye mua kufikisha bantu ku ditaba malu avuaye wamba, kakuvua disama nansha dimue divua mua kukanda masambila ende to. Pavuaye mubenge bua se: bantu kabavua mua kumuitabuja bua muaba wende mupuekele, dîba adi Nzambi wakasakidila bimanyinu bibidi bua kujadika mudimu wende.
Kuangata (Anglais).
55-0117 How the Angel came to me. The acts of the Prophet - The Angel Appears.
Dikunji dia Kapia - Houston 1950.
William Branham.Mu Houston, mu Texas mu ngondo wa kumpala 1950, foto wa dikema uvua muangatshila kudi Douglas Studios. Mu tshimfuanyi muvua butoke bumueneka pa mutu pa mutu wa muanetu Branham mu tshimuenekelu tshia tshijengu. Filme uvua mukonkonona kudi George J. Lacy uvua mukonkononyi wa mikanda ya FBI, bua kumanya ni butoke buvua mua kuikala bufumina ku dienza dia filme mu mushindu mubi, dienza anyi dilengeja. Dikonkonona edi diakambuluisha bua kujadika bulelela bua se: dikala dimpe divua difumina ku butoke buvua bukuate filme. Tshimfuanyi etshi tshidi tshiteka mu nzubu wa tshitendelelu wa malu a ntendelelu mu Washington DC, bu tshifukibua tshimuepele tshia pa mutu tshia bantu tshidibu bangate foto.
Kuangata (Anglais)
53-0509 Pillar of Fire. - William Branham
Ditutu dia Diulu.
Matuku makese kumpala kua dîba kubuela mu dia matuku 28 ngondo muibidi 1963, ditutu dilenga dia dikema ne dia dikema diakaya ku nord mu Arizona wa mu États-Unis. Bibejibeji bibidi bivua ne tshimfuanyi ne luapolo lua bualu bua dikema ebu. (Tshibejibeji tshia malu a sianse 19/4/63 ne tshibejibeji tshia muoyo 17/5/63). Bualu buvua buenze bua se: ditutu dinene divua dilengeja mu diulu dia bule muulu (mu tshibuashibuashi) muvuaku kakuyi luya lua bungi bua kuenza ditutu. Mu ditutu mudi mpala wa Kilisto.
Kakuena diumvuija dikumbane didibu bafila kudi bena sianse badi bakonkonona bualu ebu to, kadi tshidi katshiyi tshimanyike kudi ba pa buloba ntshia se: mu dia matuku 22 ngondo wa dikumi ne muibidi 1962, ngondo ibidi kumpala kua ditutu kumueneka Muanetu Branham uvua mupete tshikena kumona tshivuaye mulondeshe tshisumbu tshiende tshia mu Jeffersonville. Etshi tshidi pa (kasete) mukenji wa ne: “Etshi ke tshimanyinu anyi wa tshikondo tshia ku nshikidilu, bamfumu”.
Muanetu Branham uvua uloba mu mikuna minyunguluke Tucson, mu Arizona, pavua malu avua mu tshikena kumona tshiende menzeke mu tshimpitshimpi. Tutotshi tukese muanda mutekete tuakamueneka mu diulu pa mutu pende; bu mudi tutotshi etu tuenda tumueneka, piramide wa banjelu muanda mutekete wakimana kumpala kuende. Bakamupesha mudimu wa kusokolola bitampi muanda mutekete bia mu mukanda wa Buakabuluibua.
Tangila kabidi: Ditutu dia Diulu.
Kuangata (Anglais): "Is this the sign of the end Sir"
Bala muyuki mu... "The Cloud" - Pearry Green.
Eliya muprofete.
Mpindiehu tudi bapita mu bikondu bia ekelezia. Kadi mbatulaya mu matuku a ndekelu, bilondeshila Malaki 4, se nakuikala dipingana kabidi, muprofeta pa bulaba. Mpindiehu, vulukayi, ‘Diyi dia Mukalenga ditu dilua kudi muprofeta,’ ki dimanya dia Nzambi bilondeshila dimanya dia mukalasa ka bantu to. Muprofeta, udi ntshifuanyi tshia diyi dia Nzambi. Kena mua kuamba tshintu; kena mua kuamba meji enda nkayenda. Udi anu mua kuamba tshidi Nzambi mubulula.
Mu Malaki 4:5-6 Nzambi wakamba ne: neatutumine muprofete Eliya “kumpala kua dituku dinene ne dia buôwa dia Mukalenge.” Pavuabu bebeje Yezu bua tshinyi balongeshi bavua bamba ne: Eliya uvua ne bua kuanji kulua, wakabambila ne: Eliya uvua ne bua kulua ‘kujadikulula’ bintu bionso. Pashishe wakabambila ne: Eliya ukavua mulue ne kuleja ne: Yone Mubatiji uvua yeye.
Pavuabu bebeje John ne: “udi nganyi?” wakamba ne: “Ndi dîyi dia muntu udi udila mu tshipela”. Etshi tshivua Yeshaya 40:3. Nunku muntu muela manyi a nyuma wa Eliya uvua ne bua kulua ne “kupingaja”. Ndi ngitabuja ne: William Branham uvua muprofete au bua kupingaja bintu bivua bimane mu tshilema. Udi mua kuela meji ne: bidi biumvuika bia dikema, kadi Nzambi wakajadika misangu ne misangu ne: eu kavua mudimu wa patupu to, ne bikena kumona, bienzedi bia pa mutu, nansha dibika dia bafue (kunyima kua yeye mumane kujadika ‘mufue’ kudi ba munganga). Tudi mu tshikondo tshia dipingana dia Yezu - dituku dia buôwa dia Mukelenge.
Monai, nennutumine Eliya muprofete diambedi dituku dia Yehowa kadiyi dianji kulua, dituku adi dinene ne didi dikuatshisha bantu buowa.
Yeye neakudimune mitshima ya batatu bua ihingane kudi bana babo, neakudimune mitshima ya bana bua ihangane kudi batatu babo; bua meme tshilu kubutula buloba ku mulau.
Malaki 4:5-6
Kuenzela Nzambi mudimu.
Bantu ba bungi batu bajinga kuenzela Nzambi mudimu, kadi ki mbamanye mua kuenza to. Badi benza tshilema padibu batshienza mu mushindu mubi.
Mu 1 Kulondolola 13, Davidi uvua musue kuenzela Nzambi mudimu, pa kupingana ne Mushete wa Tshipungidi kumbukila ku Kîyata-yalima. Balombodi bonso, ne bantu bakitaba. Bavua bambula Mushete pa ditempu dikoka kudi ngombe. Mu njila, Ngombe yakateketa ne Mushete uvua pabuipi ne kukuluka mu ditempu. Uza waolola tshianza tshienda bua kuimanyika dikuluka ne Yehowa wakamushipa. Biakenzeka nunku, bualu Mushete uvua ne bua kuambudibua pa makaya a bakuidi, ki mpa ditempu to. Eu uvua Davidi, uvua ukeba kuenzela Nzambi mudimu kayi disua dia Nzambi to. Uvua musue kuenzela Nzambi mudimu, kadi uvua wenza mudimu eu mu mushindu mubi.
Kuangata (Anglais) Trying to do God a Service.
7 tshisangisha Mêna a dipikula a Yehowa.
Nzambi udi ne mianzu ya bungi. (Mu Bible mudi mipite pa 700.) Kudi kasumbu ka mianzu eyi, idibu babikila ne: “Mêna muanda mutekete a Yehowa a dipikula”.
Kumpala kua kukuatabu tshimfuanyi tshia Dikunji dia kapia, mu Houston Texas, muanetu F. F. Bosworth uvua ufuma ku diela lukonko elu ne: “Mêna 7 masangisha a Yehowa, adi atangila Yezu Kristo anyi?.”
“Eyowa” ke diandamuna.
Ku ntuadijilu, Nzambi uvua mupeshe Adama mudimu wa kuinyika bintu mêna. [Bualu ebu budi anu butungunuka too ne lelu].
Mu bikondo bishilangane mu Bible, bena kuitabusha bavua bapeshe Nzambi mêna, baleja ngikadilu yende, nangananga pavuaye mubakumbajile majinga abu.Muanetu Branham wakayisha miyuki eyi mu ngondo wa 7 mu 1962.
Kuangata (Anglais).
We would see Jesus. Jehovah Jireh 1. Jehovah Jireh 2. Jehovah Jireh 3. A super Sign.
 Dikunji dia Kapia. |
 Ditutu dia Diulu. |
