Bualu busokoka bua Nzambi.
Kristo munda muenu.
Bu tuetu bamanye tshidi Mvese eu umvuija: “...Yeye udi munda muenu udi uhita yeye udi wa mu buloba bunene.” Tudi bamanye ne: mbulelela, kadi katuena tubumvua to. Tshidi munda muebe ntshinyi nnganyi udi mutambe ba pa buloba? I Kilisto, muela manyi! Nzambi wakadi mu Kilisto udi munda muenu. Nunku, yeye muikale munda muebe, dîba adi ki wewe udi ne muoyo to, yeye ke udi ne muoyo munda muebe.
Melekisedeke.
Genese 14 udi uleja muvua mukalenge wa Elama (Pelasa) mubuele mu tshimenga tshia Sodoma. Bakakuata Lota ne mukajende ne bana bende, kuyabu nabu ku nord. Abalahama wakasangisha tshiluilu tshia mvita tshia bantu 318, kulondabu mukalenge wa Elama ne kumutshimunabu mu mvita. Nunku Abalahama wakasungila muana wa muanabu Lota mu bupika. Panyima pa mvita, muakuidi mukuabu diende Melekisedeke wakalua kudi Abalahama, kumubenesha, pashishe kudia nende diampa ne kunua mvinyo. Bua kupingajilaye, Abalahama wakafuta Melekisedeke tshia dikumi, umupesha tshia dikumi tshia bionso bivuaye nabi.
Muyuki eu udi ne malu adi kaayi umvuika mu muyuki wa Genese, kadi mu Ebelu 7 Paulo udi ufunda ne: Melekisedeke udi mukalenge wa ditalala ne buakane, ne kavua ne tatu anyi mamu, nansha ntuadijilu anyi ndekelu wa matuku. Muntu udi kayi umvuika eu nnganyi? Muanetu Branham wakumvuija ne: Melekisedeke uvua ne bua kuikala Nzambi nkayende, bualu anu Nzambi ke uvua kayi ne ntuadijilu. Melekisedeke uvua 'teofani' wa Nzambi wakamueneka kudi Abalahama bua kudianjila kuleja Yezu Kristo. Kavua Yezu bu mutudi tumumona mu Dipungila Dipiadipia to, bualu bua Yezu uvua ne tatuende ne mamuende, ne muntu eu kavua ne umue wa kudibu to. Yezu uvua ne mbangilu; muntu ewu kavua muenze to. Yezu wakafila muoyo wende; muntu eu kavua mua kuenza to, bualu uvua Nsombelu.
Kuangata (Anglais)...
Christ is the Mystery of God Revealed Who is this Melchisedec Christ is Revealed in His own Word
Mulela Mupikudi.
Bakudimunyi pavuabu basangisha mikanda mimanyike bu Bible wetu, bavua pabuipi ne kulekela mukanda wa Luta. I muyuki wa dinanga, ne mmuimpe be, kadi Nzambi kena utamba kutela to. Bualu ebu ke buvua bubafikishe ku dibenga mukanda eu bu mufundisha ku nyuma muimpe. Nansha nanku, udi ne muyuki wa mulela wa mupikudi, Yezu Kristo muikale ‘mulela wetu wa pabuipi’ uvua mua kufuta mushinga wa kupikula Naomi (udi uleja mpala wa ekeleziya wa bena Yuda) ne pa kuenza nunku udi usela Luta (mukaji wa bisamba bia bende) udi uleja mpala wa ekeleziya wa bena kilisto. Tuasakidila Nzambi bua mutudi ne mupikudi bu eu. Kuvua mulela wa pa muoyo (tshikadilu tshietu tshia kale) uvua musungule bua kubenga kupikula bua kubenga kuikala ne bundu bua kusela Luta. Bualu ebu buakashiya Boaza (Kristo) wetu budikadidi bua kupikula mukajende. Ke bualu kayi Kristo uvua ne bua ‘kuledibua kudi mukaji’ bua ikale mulela wetu.
Kuangata (Anglais) "Kinsman Redeemer"
Mpangiko ya Nzambi.
Pavua Nzambi mufuke diulu ne buloba, uvua ne malu asatu mu lungenyi luende. Tshia kumpala, uvua musue kudimanyisha kudi bantu pa kuleja ngikadilu yende. Kavua mua kuenza bualu ebu to bu Yehowa Nzambi bu mudiye ubuikila tshibuashibuashi tshionso, tshikondo ne tshiendelele. Udi ne malu adi kaayi umvuika bimpe menemene, muntu nansha umue kena mua kumumvua to. Mmunyi muvuabu mua kumvua muntu uvuaku misangu yonso? Nunku, wakaleja bu tatu buende pa kulua muana wa muntu. Ke bualu kayi Yezu wakadibikila ne: “Muana wa muntu.” Nzambi uvua musue kudimanyisha kudi bantu pa kudisokolola mu Kilisto.
Nzambi uvua musue kusomba mu bantu, ne nunku kuikala ne bumfumu mu tshisumbu tshia bena kuitabusha tshidiye ubikila ne: mukajende. Ku ntuadijilu uvua mua kuenza nunku mu Adama ne Eva; kadi pashishe mpekatu wakabatapulula ne kumpala kuende. Bua tshinyi Nzambi kavua anu mulame Adama ne Eva bakezuke? Bu yeye muenze nanku, kavua mua kuikala muleje ngikadilu yende yonso to. Uvua muana, musungidi, ne munganga, udiye mua kuleja anu ku butuangaji bua Kilisto. Udi mumone? Bintu bionso mbibuikila mu muntu umue au, Yezu Kristo. Tshipatshila tshinene tshia Nzambi tshidi anu tshia kudisokolola - tshia kumpala mu Kilisto bu buwule bua Bunzambi ku mubidi; ne pashishe mu bantu badi mua kuitaba Nyuma Muimpe wa Kilisto. Bantu ba pa buabu aba nebavuije Yezu Kristo muntu wa kumpala mu nsombelu wabu. Katshia ku tshibangidilu Nzambi wakenza mudimu kayi utshioka bua kukumbaja tshipatshila etshi, nunku udi mua kutumbishibua mmbuena kuamba ne: muaba udi ku mutu anyi kumpala kua bakuabu bonso.u bantu badi ne bua kuteka Yezu Kristo pa muaba wa kumpala;
Tshisatu, tshipatshila tshia Nzambi ntshia kupingaja bukalenge buende mu budimi bua Edene, bua bantu bende baye kabidi nende mu mashika a dilolo, anu muvua Adama ne Eva benze kumpala kua dikuluka. Bua bualu ebu, Nzambi mmudileje mu bikondo bionso bu tatu, muana, ne Nyuma Muimpe. Tatu ne Nyuma Muimpe badi nyuma umue. Udi mujingulule anyi? Ki nzambi isatu to; udi Nzambi umue udi udileja mu mishindu isatu. Nzambi wakadileja mu Yesu Kilisto, wakadi tatu, muana, ne Nyuma Muimpe - tshiuwidi tshijima tshia Bunzambi mu tshikadilu tshia mubidi. Mpindieu buwule bua bu-Nzambi budi busombela mu mubidi wende mu ekeleziya wende (mukaji wende), ne mukaji udibu basela udi umupesha muaba wa kumpala. Bionso bivua Nzambi, wakabipongolola mu Kilisto; ne bionso bidi Kilisto, udi upongolola mu ekeleziya wende (bena kuitabusha pa nkayabu.)
Muledibue ku dîyi diamba.
Yezu uvua muledibue ku dîyi divuabu bambe. Kavua muledibue ku dimanyangana dia mulume ne mukaji to, kadi ku diambuluisha dia dîyi dia Nzambi. (Munda mua difu dia Mariya Nzambi wakafuka diyi ne mabele adi alela dii, nunku mu tshifukilu uvua muntu mujima, kadi baledi bende bavua anu ba Nzambi.) Bu muvuaye kayi mulue ku diambuluisha dia disangila, Yezu kavua ne bua kufua to; kadi wakafua bua kufuta dibanza dia mpekatu wa Adama. Ke mushindu umuapele uvuabu mua kuikala bafuta dibanza. Kakuena muntu mukuabu uvua mua kuenza nanku to, bualu muntu yonso uvua muledibue mu malu a masandi. Anu bu Mariya, bantu badibu basungule bua kuikalabu mu tshisumbu tshia mukaji wa Yezu Kristo nebapete diambedi dî mu difu dia lungenyi luabu.
Kuangata (Anglais) Mary's Belief
Nzambi udi ne dîna diende nkayende.
Dîna dia Nzambi nnganyi?Bidi bimueneka patoke ne: Nzambi udi ne dîna dilelela. Musambu 9:10,
Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.
Musambu 83:18,
Mbua bamanye biabo ne wewe nkayebe, ngudi muidike dina dia Yehowa, udi Mutambe Bunene wa ha mutu ha buloba bujima.
[Tangila kabidi Yeshaya 42:8, Yeshaya 54:5]Diumvuija dia dina diende didi ne: “Udi wenza bua malu alue.”
Bamanyi ba malu a tshiena-Ebelu bavua ne kanemu kakole bua dîna dia Nzambi, bavua bumbusha ‘maleta’ onso bua kadikadi mua kuakula to. Nunku muntu nansha umue kavua mua kuikala ne mushindu wa “kuangata dîna diende tshianana”.
Tetragrame.Bualu ebu buakashiya anu maleta 4 “YHWH”, adi anu ‘aleja’ dîna dia Nzambi. (Bamue bantu batu benza mudimu ne “JHVH” bua maleta aa, nansha mudibi kabiyi biakane.) Tshisumbu tshia maleta etshi tshidi tshibikila ne: “Tetragrame”, tshidi, mu tshiena-Gelika tshiumvuija “maleta 4”.
Maleta a mu tshiena Ebelu a muaku “Adonay” udi umvuija “Mukalenge wanyi”, avua masangisha ne maleta aa bua kuenza muaku “Yehowa”. Katuena bamanye maleta kayi avuabu benza nawu mudimu to. Vuluka kabidi ne: mu tshiena Ebelu, kakuena dileta dia ‘J’ to.
Mu Bible wa mu Anglais King James Version badi benza mudimu ne muaku “Yehowa” anyi “MUKALENGE” [bionso binene] muaba udi ‘Tetragrame’ umueneka. Bualu ebu budi buenzeka misangu mitue ku binunu muanda mutekete mu Bible mujima. [Muaku “Mukalenge”, ne maleta makese, ki mmuaku umue to.] Nunku muaku Yehowa, udi anu ‘dileja’ dia dîna diende mu Anglais.
Nkiyukile mukanda nansha umua [mivungu, anyi mifundu ya pa mabeji, bintu bia mabue ne bikuabu] bia tshikondo tshia dipungila dikulukulu, bidi bileja dina dijima dia Nzambi. Badi baleja anu ‘tetragrame’.
Bu mudi diandamuna dia lukonku luetu nunku, didi ne bua kufumina ku DÎYI; Tudi tuya ku Dipungila Dipiadipia.
Muanjelu uvua wakula ne Mariya wakamba mu Luka 1:31 ne:
Mona, wewe newimite difu, neulele muana mulume, neumuidike ne, Yesu;Mu Matayo nshapita wa 1 mvese 21-23, tudi tumona ne: Yezu udi ubikidibua ne: “Emanuel” udi umvuija ne: “Nzambi udi netu”.
21 Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo.
22 Malu â onso akalua bua kushikisha dî dia Mukelenge diakambabo kudi muprofete ne,
23 Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi n’etu.“Jesus” [Yezu] i dina dia mu Anglais dia Mukelenge wetu. Mu tshiena Greke i “Iesous”. Mu tshiena Ebelu, bavua babikila dîna diende ne: “Yehohshua”.
Mu Buakabuluibua nshapita wa 1, Yone udi umona tshikena kumona tshia Yezu mubishibue ku lufu. Etshi ntshia “Muana wa muntu” (nv. 13) ne Yezu uvua wambila Yone ne: “Ndi Alfa ne Omega” (nv. 8) [ne kabidi mu Anglais KJV, mvese 11], “wa kumpala ne wa ndekelu”, “Wa Bukole Buonso” ne bidi bileja patoke ne udi Nzambi. Yeye “wakadi mufue, kadi udi ne muoyo tshiendelele”. Nsuki yende mmitoke, ki mbualu udi mukulakaje to, kadi mbualu udi mulumbuluishi.
Evanjeliyo wa Yone udi utuadija ne meyi aa, Yone 1:1-3,
1 Ku tshibangidilu Dî diakadiku, Dî diakadi ne Nzambi, Dî diakadi Nzambi.
2 Diodi diakadi ne Nzambi ku tshibangidilu.
3 Bintu bionso biakafukibua kudiye; kakuena tshintu tshiakafukibua kudi mukuabo, anu kudiye.Mvese 14 utungunuka...
Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.Muaba eu tudi tumona mianzu mikuabu ya Yezu, “mufuki” ne “dîyi” ne “muana umuepele mulela wa Tatu.”
Mulayi wa Masiya.
Yeshaya wakakula bua Masiya uvua ulua mu Yeshaya 9:6. Mu mulayi eu Yeshaya udi upesha Masiya mianzu ya “Tatu wa tshiendelele” ne “Nzambi wa bukole”.
Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.
Kuangata (Anglais)
The Spoken Word is the Original Seed - Part 1 The Spoken Word is the Original Seed - Part 2
