Nzambi mmukunange.

Yone 3:16 Bualu bua Nzambi wakatamba kusua ba ha buloba, yeye wakabaha Muan'andi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Bantu bonso mbena mibi.

Lomo 3:10 ...Kakuena muntu udi muakane, nasha umue.
Lomo 3:23 Bualu bua bonso bakenza malu mabi, ne badi bahanga kuheta butumbi kudi Nzambi.

Yezu uvua muana wa mukoko mupuangane wa Nzambi.

Yone 1:29 Hakatshiabu, yeye wakamona Yesu ulua kudiye, wakamba ne, Tangilai, Muan’a mukoko wa Nzambi, udi umusha bubi bua ba ha buloba!
Yone 1:36 Wakatangila Yesu talala, hakadiye wenda, wakamba ne, Tangilai, Muan’a mukoko wa Nzambi:

Wakafua bua mpekatu ya ba pa buloba.

1 Yone 2:2 ne yeye udi bu mulambu wa kubuikila n’au mibi yetu; kengua mibi yetu nkayai, kadi wa mibi, ya bonso ba ha buloba kabidi.
Galatia 1:4 wakadifila bua malu mabi etu bua yeye atusungile munkatshi mua tshikondo etshi tshibi bu mudi disua dia Nzambi Tatu wetu;

Wakajula ufumina ku lukita bua kuleja ne: uvua mua kubuikidila bantu mibi.

Lomo 10:9 Biwajukula ne mukana muebe ne, Yesu udi Mukelenge, ne biwitabusha mu mutshima webe ne, Nzambi wakamubisha ku bafue, neusungidibue.
Lomo 6:9 Tudi bamanye ne, Kilisto wakabishibua ku lufu kena ufua kabidi; lufu kaluena mua kumukokesha kabidi.
Bienzedi 4:10 buonso buenu ne Bena Isalele bonso numanye ne, Mu dina dia Yesu Kilisto wa ku Nazaleta, unuakashiha ku mutshi mutshiamakane, wakabisha Nzambi ku lufu, mu dina edi mene mudi muntu eu, udi muimane ku mpala kuenu, mukoleshibue.

Tudi ne bua kuitabuja ne kuitaba mulambu wende.

Bienzedi 16:31 Bakamba ne, Itabusha Mukelenge Yesu, neusungidibue ne ba mu nsubu muebe.
Bienzedi 15:11 Kadi tuetu tudi tuitabusha ne, Tudi tusungidibua ku ngasa wa Mukelenge Yesu muomumue n’abo.

Dibuikidila dia mibi didi mu dina diandi.
(Dibatiza dia Mayi)

Bienzedi 2:38 Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Mulombe bua alue ne kuikala ne muoyo wende munda muebe.

Lomo 8:11 Bikala Nyuma wa yeye wakabisha Yesu ku bafue muikale munda muenu, yeye wakabisha Kilisto Yesu ku bafue neahe kabidi mibidi yenu ifuafua muoyo, bualu bua Nyuma wandi udi usomba munda muenu.

Mêyi...

Mpindieu, Paulo wakamba ne, padi mutendeledi ulua ne udi ulua ne mukese... Bikalaye muenze bibi, udi ulua ne muana wa mukoko eu mukese. Mpindieu, muakuidi munene wakatshitangila, nsaserdose wakenza, wakamona ne: kakuvua bualu bubi nansha bumue ne muana wa mukoko, wakamukonkonona, kumona ni bivua bimpe; ne bikalabi nanku, dîba adi uvua uteka muana wa mukoko panshi pa tshioshelu. Ne monayi muntu uvua muenze bibi; wakamba ne: “Mpindieu, mvua muibe. Mpindieu ndi mumanye ne: ndi ne bua kufua, bualu ndi muenze bualu bubi. Nzambi kavua musue bua meme kuiba to; Dîyi diende didi diamba ne: kanuenze nanku to.

Mpindieu, ndi nteka bianza bianyi pa muana wa mukoko eu mukese. Ne mikenji ya Nzambi apa ivua yamba ne: ‘Kuena ne bua kuiba to,’ meme meme kuiba. Nanku ndi... ndi mumanye ne ndi mua kufua. Tshintu tshidi ne tshia kuandamuna bua mpekatu wanyi, bualu mvua muibe. Nzambi wakamba ne: dituku dindi ndia, ndi mfua dituku adi. Ke meme kuiba. Ne Nzambi wakamba ne: ‘Wewe wiba, udi ne bua kufua bua bualu abu.’

Nunku Yeye wakalomba ne: meme tshiyi musue kufua, mvua ne bua kulua ne muana wa mukoko. Nunku ndi nteka muana wa mukoko panshi apa; Ndi nteka bianza bianyi pa mutu wa muana wa mukoko mukese eu; ne yeye udi anu udila ne utungunuka. Ne ngamba ne: ‘Mukalenge Nzambi, mfuile luse bua mumvua muibe. Ndi nkutondela ne nkulaya tshiakuiba kabidi to shi udi anu untabe mpindieu. Ne bua mulambu wanyi, ne bua lufu luanyi; muana wa mukoko eu udi uya kufua pa muaba wanyi.

Dikudimuna dia kudi...
Law or Grace (1954) - William Branham.