Bikondo muanda mutekete bia ekeleziya.
Bukalenge bua bantu ba bisamba bia bende.
Mu Danyele 2, Nzambi wakalota Nebukadenesâ, mukalenge wa Babilona, tshilota tshia lupingu lua buôwa. Danyele wakumvuija tshilota etshi - Nebukadenesâ uvua mutu wa or, tshitupa tshia tshiadi tshivua tshia arjan, bukalenge bua bena Madai ne bena Pelasa, mikolo ya tshiamu tshia mitaku, bukalenge bua bena Gelika, ne muinayi, Maulu a tshiamu, uvua Bukalenge bua bena Lomo. Makasa avua masambakane ne tshiamu tshifike ne dima. Kakuvua makalenge makuabu to. (ki bena Grande-Bretagne, bena Russie, bena USA, bena Chine to). Muinayi wakaya too ne ku minu ya makasa. Etshi ntshisokomenu. Biamu bivuabu benza nabi mudimu bua kuleja makalenge bivua ne ngikadilu ya dipueka dia mushinga, ne kabidi divula dia bukole.
Mamfumu aa avua ne buenzeji pa ngelelu wa meji wa bantu. Bena Babulona, bena Pelasa, bena Greke ne bena Lomo mbatuenzeje lelu. Bukalenge buinayi buakaya too ne pakajadikabu Bukalenge bua Kilisto, (Dibue dikosa ku mukuna), Mmunyi muvua bualu ebu buenzeke? Bukalenge bua bampangano bua bena Lomo buakalua bukalenge bua bena Lomo bua pape. Bualu bua dikema, mu tshikondo tshia mvita mikole, bantu babidi kabavua mua kumvuangana mu ONU to. Umue uvua Khrushchev wa mu Russie udi umvuija dilongo, mukuabu Eisenhower wa mu Amerike, udi umvuija muena mudimu wa tshiamu. Tshiamu ne dima kabivua mua kusambakena to. Khrushchev uvua mene mumbushe nsapatu diende kukuma mesa padiye wakula. Tukadi ku makasa a lupingu, bukalenge bua Nzambi bukadi pa kutuadija.
Danyele 9 mukenji (PDF Anglais)...
Gabriels instructions to Daniel Sixfold purpose of Gabriels visit to Daniel Daniel Seventieth week
Dibuluibua dia Yezu Kristo.
Muanetu Branham wakalongesha ne Yezu Kristo uvua mufundi wa mukanda wa Buakabuluibua. Yone wakafunda anu malu avuaye mumone mu bikena kumona bivuaye mumone mu bidimu bia 95-96 A.D.. Mu tshikondo atshi, bavua bele Yone mu buloko mu Patemo, tshidiila tshikese tshia mu Mbuu wa Égée pabuipi ne mikalu idi pankatshi pa Grèce wa lelu ne ditunga dia Turquie. Yone wakamba ne, “Nakadi mu Nyuma mu dituku dia Mukelenge...” wakaleja ne, Dituku dia Mukelenge mu muanda eu kadiena diakula bua dituku dia muanda mutekete dia lumingu nansha. Pamutu pa nanku, Dituku dia Mukalenge ke tshikondo atshi mu miyuki ya bantu tshidi Yezu Kristo ulua ne wangata bukokeshi bua ku mubidi pa buloba ebu, ukumbaja Buakabuluibua 11:15, “...Bukelenge bua ha buloba buakulua bukelenge bua Mukelenge wetu, ne bua Kilisto wandi, ne yeye neakokeshe tô ne tshiendelele.”
Mu tshikena kumona tshiende tshia kumpala, Yone muyidi wa Yezu; wakamona Yezu Kristo bu muvuaye kayi muanji kumumona to. Yone wakamona Yezu wenda munkatshi mua miendu muanda mutekete, mukuate mitoto muanda mutekete ku tshianza tshiende tshia balume. Nsuki yende mitoke ne mpala wende bivua bikenka bua butoke bua bukezuke buende, kadi ludimi luende luvua lumueneka bu muele wa mvita ne mêsu ende avua atema kapia. Yone wakakuluka ne buôwa pavuaye mumumone. Muanetu Branham wakamba ne, Dibuluibua dia tshinyi? Yezu Kristo. Tshintu kayi tshia kumpala tshidiye usokolola pa bidi bitangila yeye nkayende ? Udi uleja ne udi Nzambi wa mu Diulu - ki nzambi wa busatu to, kadi Nzambi umue. Bualu bua kumpala buudi ne bua kumanya budi ne: Yezu ki mmuprofete patupu to; ki nzambi mukese to; ki nzambi muibidi to - udi Nzambi! Ikala mudimuke, Yone. Udi mubuela mu nyuma. Bualu kampanda budi ne bua kukusokolola. Tshidi tshinyi? Dibuluibua dia kumpala dia bionso didi ne, “Ndi Alpha ne Omega.” [Anglais KJV] (Oh muenji wa mpekatu, inama, unyingalala mpindieu kumpala kua dîba kupita.) Tshia kumpala wakaleja Yone muntu uvua ulua. Mukalenge eu Yezu anyi ? mukalenge Nzambi anyi ? mukalenge Nyuma Muimpe ? Wakamba ne: “Ndi bionso. Ndi kumbukila ku A too ne ku Z. Ndi mbangilu ne ndekelu. Meme ke udi kayi ufua, wa tshiendelele!”
Kumbukila ku... Supernatural Book 6. by Owen Jorgensen
Bikondo muanda mutekete bia ekeleziya.
Panyima pa Yezu mumane kuleja bunzambi buende butambe bunene, wakambila Yone ne: miendu muanda mutekete ivua ekeleziya muanda mutekete, ne mitoto muanda mutekete ivuaye mu tshianza tshiende ivua banjelu ba ekeleziya ayi. Pashishe ‘wakafundila’ ekeleziya ne ekeleziya mukanda. Eyi ivua ekeleziya ya bantu ba bisamba bia bende mu Asia Mukese. Nsombelu wa mu ekeleziya eyi uvua mua kuikala mufuanangane ne bikondo muanda mutekete bishilangane bivua Buena-Kristo mua kupitamu kumpala kua nshikidilu. Nunku, mikanda eyi ivua mimanyishe bikondo muanda mutekete bua ekeleziya wa bisamba bia bende. Yezu uvua wakula ne bayidi bende ba tshikondo tshionso, ubakankamija ne ubapisha muaba uvuabi bikengela. Wakakula kabidi ne bantu ba mu ekeleziya wa dishima mu bikondo bionso, aba bavua bamba mudibu bena Kristo kadi kabayi bena Kristo.
Yezu wakatuadija difunda diende dia mêyi ne: “Fundila muanjelo wa ekelesia wa ku Efeso ne,...” Bidi biumvuija ne tshikondo tshionso tshia ekeleziya tshivua ne muanjelu. Muaku muanjelu udi umvuija mutumibue. Aba kabavua batumibue ba mu diulu to. Yone muprofete kavua dijinga ne kufundila muanjelu wa mu diulu mukanda to. Tòo, banjelu aba bavua bantu balume, mutumibue umue bua tshikondo tshionso. Muanetu Branham wakateka bikondo bia ekeleziya ne batumibue ba mukenji mu bulongame buabu mu miyuki ya kale:
1. Buak. 2:1-7 Efeso A.D 53-170 Paulo 2. Buak. 2:8-11 Semuna A.D 170-312 Iraneus 3. Buak. 2:12-17 Pergamos A.D 312-606 Martin 4. Buak. 2:18-29 Tuatila A.D 606-1520 Columba 5. Buak. 3:1-6 Sâdi A.D 1520-1750 Luther 6. Buak. 3:7-13 Philadelphia A.D 1750-1906 Wesley 7. Buak. 3:14-22 Laodikiya A.D 1906-???? "Eliya" Mutumibue ku tshikondo tshia kumpala tshia ekeleziya uvua Paulo. Diakamue kunyima kua yeye mumane kukudimuna mutshima wende mu buena kilisto, Mukelenge wakamba bua Paulo ne, “Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende,...” Tshia kumpala Paulo wakayisha bena Yuda. Pakabengabu mukenji wende, wakamba ne: “Butuakadi n’abu mbua kunuambila nuenu dî dia Nzambi diambedi. Kadi bualu bua nuenu nudi nuhidia dî edi, ne nudi nudilumbuluila bualu buenu ne, Katuena bantu bakane ba kuangata muoyo wa tshiendelele, tuetu netuye kudi bantu ba bisamba bia bende. Nunku Mukelenge wakatulela mikenshi ne, Nakukuteka bu munya wa kutemena bantu ba bisamba bia bende, Bua wewe wikale bua luhandu lua bantu tô ne kunfudilu kua buloba.”
Paulo wakajadika ekeleziya ya bantu ba bisamba bia bende mu Asia Mukese mujima. Wakumvuija kabidi ditabuja dia bena Kristo ku diambuluisha dia mikanda yende. Mu mukanda uvuaye mufundile bena Lomo wakamba ne: “Ndi nuambila dî, nuenu ba bisamba bia bende. Bualu bua meme ndi mupostolo kudi bisamba bia bende, ndi ntumbisha mudimu wanyi;” Ne disambila, ne ku dilonga dia malu a kale, muanetu Branham wakajingulula Mutumibue ku bikondo bikuabu bisambombo bia ekeleziya.
Kumbukila ku... Supernatural Book 6. by Owen Jorgensen
Kuangata (PDF Anglais)
"An Exposition of the Seven Church Ages" (Rev 1-3)
Book: The 7 Church Ages
Bidimu bietu Laodikiya.
Yezu wakatandisha bena ekeleziya wa mu Laodikiya, wamba ne: Buakabuluibua 3:16-17, “Nunku, bualu bua udi tshiuyuya, kui nasha ku mashika nasha ku kahia, nenkutuile mukana muanyi. Bualu bua udi wamba ne, Ndi mubanshi; ne, Nakuheta biuma; ne, Tshiena nkengela tshintu; ne kuena mumanye ne udi muena dikenga ne mukengedi wa luse, ne muhele ne mufofo ne butaka.” Tshikondo tshia ekeleziya tshia muanda mutekete tshidi tshilongolola bimpe menemene, ke bualu kayi Yesu udi udileja pambelu, musue kubuela. Buakabuluibua 3:20, “Tangila, ndi mudimanyike ku tshibi, ndi nkokelaku. Biunvua muntu dî dianyi, ne udi ungunzuluila tshibi, nembuele kudiye, nendie n’andi bidia, ne yeye neadie n’anyi.”
Laodikiya i tshikondo tshia ndekelu tshia ekeleziya kumpala kua Yesu Kilisto kupinganaye pa buloba, musangu eu mu dilumbuluisha. Nzambi wakamba ku butuangaji bua Malaki ne: “Monai, nennutumine Eliya muprofete diambedi dituku dia Yehowa kadiyi dianji kulua, dituku adi dinene ne didi dikuatshisha bantu buowa. Yeye... neakudimune mitshima ya bana bua ihangane kudi batatu babo...” Nunku mutumibue wa tshikondo tshia ekeleziya wa muanda mutekete neikale ne nyuma wa Eliya, anu bu muvua Yone Mubatiji.
Muanetu Branham wakalongesha ne, “Padi Eliya munene eu ulua ku ndekelu kua tshikondo etshi, neangate mukenji wa Pentekoste bua kukudimuna bana ku ditabuja dia batatu. Yeye neikale utandisha bena Kristo ba mu Laodikiya bualu bua kabavua balame ditabuja dia muomumue dia ku tshibangidilu to.”
“Mvua ndiebeja misangu mivule ne, ‘Muntu eu udi mua kuikala anu muyishi, nunku anyi?’ Eliya wakenza bishima bionso ne kayi uyisha. Kadi pavua nyuma wende muikale pa mutu pa Yone, uvua wenza mudimu wonso wa diyisha ne kayi wenza bishima to. Bua tshinyi? Yezu uvua uya kumulonda ne yeye uvua ne bua kuenza bishima. Malaki wakamba ne, Malaki 4:2, ‘Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi.’ Yone kavua ne bua kuenza bishima to; uvua ne tshia kumanyisha dilua dia Kilisto.” Tshidibu bamba apa ntshia se: Eliya mu tshikondo tshia ku nshikidilu neayishe ne neenze bishima.
Muanetu Branham wakatungunuka ne kunvuija malu ende. “Bu Yone, bantu ba tshikondo etshi tshia ku nshikidilu kabena mua kumvua Eliya eu to. Nealue muntu munene, wa bukole kumpala kua Mukalenge ne: bamue bantu nebamumone bu Masiya. Eliya neikale ne bumuntu bua mushindu kayi? Tshia kumpala, neikale muprofete wa bukole udi mua kushala mulamate Dîyi dia Nzambi, bualu bua Eliya uvua mulelela ne Yone uvua mulelela. Padiye wenza bimanyinu ne malu a kukema, neapingaje mitshima ya bana ku ditabuja dia batatuabu ba bena Pentekoste. Neakine bakaji tshilenga. Eliya wakenza ne Izebele. Yone wakenza ne Helodia. Bantu bonso babidi, baprofete badi ne lungenyi lua muomumue, bakakina bitendelelu bilongolola, bu mudi bitendelelu bia bena kilisto ebi. Tshintu kampanda mu nyuma yabu tshiakela mbila kuluisha tshintu etshi.”
Kumbukila ku... Supernatural Book 6. by Owen Jorgensen
