Ti pito a selyo.
Naulimek idyay langit.
William Branham.Basaen ti account iti (PDF Ingles)...
Seventh Seal.Tatta, naammoantayo nga... owen gayam.... Ti Apo alaentayo ti Naisurat, ti Nasantoan a Surat, ti kuna ni Jesus a mapasamak. Ket kasano tayo nga masarakan dayta? Ket immay nga nangipaltiing, ket inyegna nga usto... Ti sermonna idiyay, sungbatanna dayta, imparuarna ti usto a puntosna, innem kadagit selyo; ngem Di na innayun ti maikapitpo. Ket intono dagiti selyo malukatanda, Ti Dios (kitaentayo ditoy), Haanna nga innayun uray la koma ti simbolo ti maipito. Daytoy ket sekreto launay iti Dios. Kitaenyo, tattaen basaentayo iti Biblia ti maikapito nga selyo. Masarakan idiyay Paltiing, iti capitolo otso.
Ket idi nilukatanna ti maikapito a selyo, adda ti ulimek idyay langit a maipagarup a kagedua ti maysa nga oras.
[Ket dayta laeng amin ti adda dita.]Tatta, awan kadatayo ti makaammo. Ngem ibagak kadakayo ti paltiingko iti daytoy. Ket tatta, haanak nga basta mamati lattan a kas panatiko. No kanyak, awan ti panakaammok, kitaem. Haanak a nalaka nga mapuligos ken agpanpanunot laeng. Mabalin nga nakasaoak ti banbanag a naisabali tl panakaawat dagiti dadduma. Ngem no ti Dios umay a paneknekanna ket kunana nga agpayso, dayta ngarud ti Sao ti Dios. Mabalin a naisabsabali, kitaenyo. Ket tatta, agpaypayso a nakatakderak ditoy plataporma tatta nga rabii, adda ti paltiingko iti daytoy... adda ti tallo nga wagas. Ket, kayatko nga saritaen kadakayo babaen ti tulong ti Apo, ti ikastana. Ti aramiden.. Mapantayo nga umuna. Daytoy ti pagrugian ti paltiing... Kayatko nga ibaga no anya. Ti napasamak ket dagidyay pito nga gurruod, isu a nanggegna a naggurruod ken naparitan a nangisurat... Isu dayta ti datdatlag a nakakabil ti likod dagidyay nagsasaruno a panaggugurruod.
Tatta, apay? Paneknekantayo. Apay? Isu ti secreto nga awan ti makaammo uray maysa. Ni Juan ket naparitan nga mangisurat-uray pay la koma ti panangisuratna ti simbolona. Apay? Daytoy ti gapuna. Awanti mapaspasamak idyay langit. Baka ketdi no maited ti sekreto. Makitatayo kadi tatta? No naindaklan ket kasapulan nga nainayon, gapu ta mapasamak nga talaga, ngem idi ti pito a gurruod... Tatta kitaenyo, idi immay dagiti pito nga anghel tapno agtrompetada, adda laeng ti maysa a gurruod. Idi naggu-ummong dagiti Israelita adda ti trompeta. No ti oras ket awanton, ti maudi a trompeta, maysa nga gurruod. Ngem ditoy ti pito a gurruod ket nagsasarunoda a napasamak: maysa, dua, tallo, uppat, lima, ennem, pito-ti perpecto a numero. Ti pito a gurruod nagsasarunuda a napasamak, haan laeng nga... basta maysa, dua, tallo, uppat, lima, ennem, pito, agsasaruno. Ket, ti langit dina maisurat dayta. Ti langit di na maammoan ti maipapan iti daytoy, awanen, gapu ta awan ti mapaspasamak. Isu ti ...?... oras. Naindaklan launay ta uray dagiti anghel sekreto kadakuada. Tatta, apay? No ni Satanas ket maigemanna daytoy, mabalin a dakkel ti panangdadaelna. Adda laeng ti maysa a di na ammo. Tatta mabaelanna nga ipatarus ti anyaman a kayatna, ken tuladenna ti anyaman a sagot (Sapay koma ta makaad-adal kayo). Ngem di na maammoan daytoy. Dinto pay naisuarat iti Sao! Nailemmeng nga talaga! Dagitii angheles, amin di da nagkuti! No agkutida laeng ket mabalin nga makaitedda ti maysa a banag, isunga nagtalnada-insardingda. Amin ket nagsardeng.
Pito-ti numero ti Dios a perpekto. Pito a nagsasaruno. Nagsasaruno dagitoy pito a gurruod a kasla adda ibagada. Pansinentayo, iti dayta nga oras, ni Juan nagrugi nga agsurat, ket kinuna ti anghel, “Di mo isurat.” Ni Jesus di na met pulos nga insarita. Ni Juan di na mabalin nga isurat. Dagiti anghel di da met ammo no anya daytoy, Kitaenyo. Uray pay Isuna a mismo ket di na ammo. Kunana ti laeng Dios ti makaammo. Ngem imbagana nga no makitayo dagiti umay a pagilasinan...(Tatta, maal-alayo kadi metlaeng? Sige.) Pansinentayo, makitayo dagiti pagilasinan a mapaspasamakdan, Kitaenyo. No ni Satanas ket maammoanna met....
No adda banag nga kayatmo a mapasamak... Tatta alaem ti kunaek kenka maipapan iti daytoy. No adda planok nga aramiden, mas mayat no haanko nga ibaga ti siasinoman. Haan a gapu ta baka ibagana ti sabali met, no di ket ni Satanas mangegna, kitaem? Haan na nga maammoan ditoy pusok, maigapu ta ti Dios ket inrekepna babaen ti Santo Spiritu. Ti Dios laeng ken siak ti makaammo, kitaenyo. Ni Satanas di na nga ammo aginggana nga isawangmo, ket tatta mangeganna. Ket napadas ko...naibagak ti sabali a tao ti inaramidko, Ngem adda no adda impaltiing kanyak ti Dios ket diak naibaga ti siasinoman, ket naiduma. Lagipentayo, ni Satanas padasenna nga tuladen! Padasenna nga tuladen amin nga ar-aramiden ti iglesia. Pinadasna na nga inaramid. Naammoantayo babaen ti anti-cristo. Ngem daytoy ti maysa a di na matulad. Awan ti makatulad iti daytoy, kitaenyo, gapu ta di na ammo! Awan ti dalan tapno maammoanna. Isu daytoy ti maikatlo nga panangguyod. Awan ti panakaammona iti daytoy. Kitaenyo, Di na mawaatan daytoy....
Ngem adda dita ti nakalimmeng a sekreto. Madaydayaw ti Apo a kangatoan! Idi nakitak haanen nga basta parehas ti pannakaammok iti unos ti panagbiagko... Tatta, diak ammo no anya... Ammok ti sumaruno nga addang idyay, ngem haanko nga ammo ti mangipatarus iti dayta. Haan unay nga mabayag. Insuratko ditoy idi napasamak, no makitayo ditoy, “Nagsardeng! Di ka nga umabante manipud ditoy.” Awan ti gagarak a kas panatiko. Ibagbagak laeng ti kinapudno. Malagipyo kadi, ti bassit a sapatos nga kanayonko nga ipatpatarus? No kasano nga ti kararua ket iti unegna ti konsenya, ken dagita daaduma pay? Immadu adu dagiti nangtulad kalpasan dayta. Kas iti panang iggem iti ima ti masakit no agtigerger – ket kasta ti panangtuladda iggemanda dagiti ima ket agtigergerda met. Ngem malapiyo kadi idi naipangatoak ket kinuna, “Daytoy ti maikatlo a panagguyod, ket awan ti siasinoman nga makaammo!” Malagipyo kadi daydi? Dagiti parparmata haan nga ag-ulbod! Agpayso nga pudno dagitoy.
Tatta ammoentayo, malagipyo ti parmata iti kostelasyon? (Charlie, adda isuna ditoy.) Adda ti mapaspasamak, Naibagak kenka, tatta nga domingo nga... adda iti naglikmotyo, ngem kayatko nga kitaenyo. Malagipyo ti konstelasyon iti parmata dagiti anghel idi nagrubuatak ditoy a mapan sadyay Arizona? Malagipyo kadi, “Anya kadi ti Orasen, Sirs?” Malagipyo kadi daydi? Kitaenyo, adda laeng ti maysa nga dakkel a panagbettak ti guruod, ket pito nga anghel nagparangda. Usto kadi met laeng? Maysa a dakkel a panagbettak ti guruod, ket pito nga anghel nagparangda. “Ket idi ti Kordero nilukatanna ti umuna a selyo, ket nanggegko ti kasla a timek ti gurruod, ket maysa kadagiti uppat nga animal kunana, ‘Umayka Kitaen.” Kitaenyo, maysa a gurruod – pitoda a mensahe nga naselyoan ket di malukatan ti paltiing inggana iti maudi nga aldaw, daytoy nga panawen. Maawatanyo kadi ti kayatko a saeon?
Tatta, nakitatayo kadi ti nakaskasdaaw a paset tatta nga domingo? Dayta ti isu. Dayta ti napasamak. Napasamak, haan nga aramid ti tao, haan a tao; no di ket dagiti anghel ti Apo. Pansinentayo, adda dagiti nakasaksi a nakatugaw ditoy talloda, nga iti napalabas a diminggo (subra bassit iti napalabas a dominggo) addaak idyay ngato ti banbantay, asideg iti Mexico, kadwak dagitoy dua a kakabsat a nakatugaw ditoy, ek-ekatek dagiti dimket ti pantalonko; ket bigla nga adda bimtak a nganngani, kasla a, pinagtigergerna a pinababana ti bantay. Agpayso dayta. Haanko nga imbaga kadagiti kakadwak, ngem adda napansinda a naisabsabali. Ket kinuna kanyak, “Agsagana ka tatta. Mapanka diyay daya.” Daytoy ti panakaipatarusna dayta a parmata. Kitaem? Tatta, maipakaammo kadakayo, ni kabsat nga Sothman ket haanna nga naala ti alingo a para kenkuana. Pinadasmi nga anupen para kenkuana. Ket Kinuna, “Tatta a rabii, daytoy ti pagilasinan para kenka, haanna nga aramiden. Masapul nga ikonsagrarmo ti bagim para kadagiti panagbisita dagiti anghel.” Ket adda nariknak iti abayko, malagipyo kadi. Ket addaak idyay laud; dagiti anghel magapu diyay daya. Ket idi um-umayda, naipangatoak kadakuada. Malagipyo kayo didiyay? -nagapu daya.
-----
Napansinyo kadi met tay maysa nga anghel, Kinunak idiyay, naisabsabali nga anghel? Adu ti naisabalianna launay kadagiti kakadwana. Malagipyo pay? Addada idi iti konstelasyon – tattlo iti maysa a banda ken maysa iti ngato. Ket ti maysa nga kaabayko ditoy, agbilang tayo magapu iti kanniged nga agpakannawan, ket isuna ti maikapito nga angel. Naranraniag isuna, mas importante isuna kanyak ngem kadagiti kakadwana. Malagipyo kadi, Nakarwar ti barukongna a kasdiyay, ket tumaytayab a nga agpadaya. Malagipyo kadi a kasdiyay? Kinunak, “pinidutna siyak, inpangatona siyak.” Malagipyo pay daydi?Daytoy ngarud! Adda kenkuana ti pito nga selyo-ti banag a nakaskasdaaw kaniyak iti amin nga biagko. Amen! Dagidiyay dadduma nga selyo ket importante kanyak, agpayso. Ngem, oh, diyo la ammo no kasano ti kaimportante! Maminsan lang ti biag... Nagkarkararagak, insangitko iti Dios. Kalpasn ti Phoenix a panag-uurnong, dagiti dadduma nga kakadwak ammoda, nakaiddaak idiyay bantay. Maysa nga agsapa bimmangonak ket immuliak idiyay Sabino Canyon -dakkel, nasamek, nangato nga banbantay. Ket immuliak idyay, adda ti bassit a dalan a kalapasan a maisina -mapan idiyay Lemmon Mountain ket 30 milya no pagnaen, ket adda maipagarup nga 30 kadapan ti niebe idyay.
Isunga, idiyay nga bantay iti nasapa launay sakbay ti aglawag, mapanak iti daytoy bassit nga dalan, adda dagiti bato a matultulid, nariknak ti panagidalan a mapan ditoy. Ket timmalyawak ket napanak iti ngato kadagit dadakkel a natirad a batbato -oh, my, sagsangagasut a kadapan ti kangatona. Ket nagparintumengak iti nagtengaan ti batbato. Indisok daytoy Biblia, daytoy libro -daytoy tableta. Kinunak. “Apo Dios, anya ti kayatna a saoen daytoy a parmata?” Kinunak, “Apo, kayatna kadi a saoen ti panakatayko?” (Malagipyo naibagak id inga baka ti kayatna a saoen ket ti panakatayko, gapu ta adda simmabog inggana kaslaak nga marumrumek. Malagipyo. Manu kadakayo ti makaammo... nanggeganyo? Sigurado, amin kayo.) Ket pinanpanunotko mabalin nga ti panakatayko. Ket idin idyay uneg ti kuarto, Kinunak, “Anya kadi, Apo? Anya ti kayatna a saoen? Kayatna kadi saoen ti ipapatayko? No isu, alla ngarud. Haanko nga ibaga iti pamilyak. Baybay-annak lattan a mapan, kitaenyo, no ti trabahok ket nalpas.” Ket kinunak... Tatta, anya kadi aya? Ngem nangibaon iti nangsaksi a nagsubli – malagipyo idi ibagbagak kadakayo -ngem haan nga dayta, isu ti panakailawlawa iti trabahok.
Oh! Maalayo met laeng kadi, kitaenyo? Agtugtugawak idyay Sabino Canyon -ti nailangitan nga Ama ammona daytoy -kas agpaypaso a kas nakitayo a napasamak, Dagidyay nga anghel bimmabada tapnu paneknekanda nga amin a mensahe ket parehas. Ket naammoanyo no dagiti mensahe ket nagapu ti Dios wenno haan. Naibaga nga immuna babaen ti parmata. Haanko nga maibaga agingga nga malpas ti serbisyo, gapu ta naparitanak. Idyay Sabino Canyon, nakatugawak iti dayta nga agsapa, nakangato dagiti imak, ket ti angin intinnagna ti nangisit a daan a kalogongko. Nakatakderak a nakangato ti imak nga agkarkararag. Kinunak, “Apo Dios, anya kadi ti kayatna a saoen daytoy? Diak maawatan met, Apo. Anya ngata ti aramidek? No ti tiempo a panagawidkon, mapanak ditoy tapno di dakto masarakan pulos. Haanko nga kayat nga adda dagiti agladladingit no apanakon. Kayatko laeng nga ti pamilyak ket panunutenda nga napanak nagna, ket di dakto masarakan. Ilemmengnak ti uray sadino! No ti ipapanawkon, apay, bay-anakon nga mapan. Mabalin nga ni Joseph ket mabirukannanto daytoy Bibliak nga nakadisso ditoy iti umay nga al-aldaw, ket usarenna. {Kitaenyo} No ipapanawko, palubusannak, Apo.”
Ket inrwarko dagiti imak, ket nangeddan nga adda nangtama ti imak. Diak ammo. Diak maibaga. Napanak ngata naturog? Diak ammo. Napanak ngata nagredep? Diak ammo. Parparmata ngata? Haanko nga maibaga. Daytoy laeng ti mabalin ko nga maibaga ket maigapu... Kapadpadana a kas kadagit anghel idi. Ket adda timmama iti imak, ket kinitak, ket maysa a kampilan. Ket ti pagegenanna ket perlas-talaga nga napintas. Ket ti nangtengaan ket balitok, ket ti tademna kasla, kasla a chrome, kasla pirak ngem sumilsilap. Ket permi nga natadem, oh, my! Ket napanunotko, “Haan aya nga dayta kapintasan a banag?” -igsakto launay ti imak. Ket pinanunotko, “Talaga nga napintas.” Ngem kinunak, “Hey, kabutbutengko dagita a banag,” ti kampilan. Ket pinanunotko, “anya ngay ti pangusarak iti dayta?” ket idin ti timek pinagtegergerna dagiti bato! kinunana, “ti kampilan ti Ari...” Ngem kinuna, “ti kampilan ti Ari,” ket adda laeng ti maysa “nga Ari,” ket dayta ti Dios! Ket adda maysa laeng nga kampilanna. Dayta ti Sao-nga isu ti pagbibiagak! Tulungannak, Apo... nakatakder ti nasantoan a lamisaanna ket ditoy adda daytoy nasantoan nga Sao a nakadisso ditoy. Isu ti Sao. Amen!
Oh, anya nga aldaw ti pagbibiyagan tayo! Anya a dakkel nga banag! Nakitayo ti palimed ken sekreto? Ti maikatlo... nakatakder idyay, idi pinanawanak daytoy, adda ti immay kanyak ket kinuna, “Dika agbuteng.” Tatta, haanak nakanggeg ti timek-a kas nagapu iti unegko a nagsao. Ibagbagak laeng ti pudno, no anya ti usto a napasamak. Adda banag a timmama, ket kinuna, “Dika agbuteng. Daytoy ti maikatlo a panangguyod.” Maikatlo a panangguyod. Malagipyo kadi pay? Kinuna, “Adu dagiti nangtulad iti daydiay, diyay impadpadasmo nga impatarus.” Kunana, “Dimo padasen nga ipatarus daytoy.” Malagipyo kadi? Manu kadakayo ti makalgip tay parmata? Apay, adu adu. Naka tape ken nagwarasen. Napalabasen ti innem nga tawen. Pito nga tawen ti napalabasen. Kunana, “Dimo padasen nga ipatarus dayta.” Kunana, “Daytoy ti maikatlo nga panangguyod, ngem diyay uneg agsabattanto.” Agpayso kadi? Kinuna, “Dimo padasen....”
Nakatakderak idi nga adda kanyak ti sapatos ti bassit nga ubing idi imbagana, kunana, “Tatta, aramidem ti umuna a panangguyod. Ket no aramidem, ti ikan kamatenna ti pangkawit.” Kunana, ket buyaem ti maikadua a panangguyodmo,” kunana, “gapu ta adda laeng ti bassit nga ikan.” Kinunana, “ket ti maikatlo nga panangguyod isu ti makaala.” Ket amin dagidiyay miministro immayda ket kinunada, “Kabsat nga Branham, ammomi nga mabalinam dayta. Hallelujah, Kabsat nga Branham.” (Dayta iti mangtitingel kanyak nga kanayon-kadagiti adu nga mangaskasaba. Ay-ayatek ti tattao, ket kayatda nga ipatarusmo amin-daytoy, dayta.)
Ket kinunak, “Well,” Kinunak, “Haanko nga ammo.” Kinunak, “Maawatak ti agkalap.” Tatta, ti umuna nga aramidem... Kastoy ti wagas nga aramiden. Makitam dagiti ikan ti aglawlaw. Biglaem nga guyuden ta banniitmo,” (Ngarud, dayta nga talaga ti taktika ti panagkalap.) Ket kinunak, “kaguyodka ti banniit.” Tatta, kitaem idi ginuyodmo ti banniit iti umuna, tatta ti ikan pimmanawda, ngem babassitda me laeng. A kaslada met nga agtiliw. Ket kinunak ngarud, “Ket nakasaganakan... ket ginuyodko ti banniit nga impaiged ket nakaala ti ikan. Ngem kasla adda ti lalat (kudil) iti banniit, daytoy laeng... nakabasbassit. Ket idi nakatakderak idyay ket adda nagkuna, “imbagak kenka nga dimo aramiden dayta!” ket nagrugiak nga nagsangit. Amin dagiti tali ti banniit ket nagsisinneglutda a kastoy, ket adda... nakatakderak nga agsangsangit a nakadumog ti ulok a kasta. Kinunak, “Apo, oh, pakawanennak. Maysaak a nasulpeng a tao, Apo. Pakawanennak.” Ket adda kanyak daytoy tali ket, adda iti imak, ti bassit a sapatos ti ubing, a kastoy ti kaatiddugna. Ket adda... ti galutna ket kasla nga kaatiddug ti ramayko- a kas kagedua ti pulgada, kasla. Ket ti pagkargaan ti galut iti sapatos ket... bassit launay ti abutna. Ket padpadasek nga galutan daytoy bassit nga sapatos iti dakkel nga pulgada ti tali. Ket ti timek immay ket kunana, “Dimo mabalin nga isuruan dagiti Pentecostal nga ubbing iti Supernatural a banbanag.” Kunana, “Tatta, baybay-am daida!”
Ket idin pinidutnak. Inpangatonak ket inpatugawnak iti nangato launay, iti lugar nga madama ti serbisyo-a kasla iti lugar nga natoldaan wenno kas ti katedral met. Ket idi kimmitaak adda ti kasla bassit a kahon, bassit a lugar iti suli. Ket nakitak diyay silaw nga agsasao iti ngato ti ayanko-dayta silaw nga nakitayo iti ladawan. Naglibotlibot nga immadayo iti ayanko, a kastoy, ket napan iti natoldaan, ket kinuna, “agkitata idiyay uneg.” Ket kinunana, “Daytoy iti maikatlo nga panangguyod, ket dimo ibaga ti uray siasinoman!” Ket idiyay Sabino Canyon, Kinunana, “Daytoy iti maikatlo nga panangguyod.” Ket adda ti tallo a naindaklan a banbanag a maitunos iti dayta, ket ti maysa nalukatan tatta... wenno idi Kalman, ti maysa ket nalukatan tatta, ket adda ti maysa nga diak maipatarus gapu ta agsasabali nga pagsasao. Ngem nakatakderak idiay ket nakitak a deritso met, ket daytoy iti maikatlo a panangguyod nga umay. Ket ti Spiritu Santo ti Dios... Oh, my! Dayta ti gapuna no apay nga ti langit ket naulimek!
Basaen ti account iti (PDF Ingles)...
Seventh Seal.
