Mpanga ya bulayo - Millenium.

William Branham.

Belengeni mu ili buku...
Ukufuma kwa Citatu.

Nomba, bena balikwete ukufuma ukwingi, mucine, lelo Ine Ndelanda pa nshita ilyo Lesa aitile ukufuma, ukupatulwa ukufuma uko bena bali, pali ino nshita. Kuno, Lesa ali uwaiteyanya ukufikilisha Icebo Cakwe ica Bulesa icalailwe ico Ena apele kuli Abraham, na kuli Isaki, kabili kuli Yakobo. Imyaka iingi, imyaka imyanda yalipitile, lelo, nomba, Lesa tatalile ukulabako ubulayo Bwakwe. Mu nshita, inshita iyayana, Lesa lyonse alalenga ubulayo Bwakwe mu kulungama.
E ico kanshi, imwe kuti mwaba abashininkisha ifyo Lesa alaile muli iyi Baibele, Ena ali no kucicita cena. Takuli fye umulandu uwa ukwesha ukutontonkanya icintu cimbi, no kusosa, “Cisuma, kasesema ali, nalimo, ali mucilubo,” atemwa, “cilya tekuti cicitike muli buno bushiku.” Camoneke icishingacitwa lilya, icishingacitwa ukucila ifyo cicita nomba. Lelo Lesa alicicitile cena, nangu cibe fyo, pantu Ena alaile Ena kuti acicita.
Kabili lolekesheni fye ifyo Ena acita cena. “Ninjika. Naumfwa ukulila. Ninjibukisha ubulayo Bwandi. Kabili ninjisa ukucicita cena, kabili Ndekutuma. Iwe ukucita cena. Ndi no kuba na imwe. Mucine, Ndi no kuba na iwe. Uwandi uushatala, Umulola ushatala kufilwa uuli no kuba na iwe konse uko ukaya. Witina.” Mwamona? “Ine ndeika mu kupokolola.” Ndi uwashininkisha amano ya bumupashi yalemona cilya. Mwamona? Mwamona? “Ine-Ine-ndi no kukutuma, ku kuleta abantu Bandi mukufuma. Ukubeta ukubafumya, kabili ndi no kuba na iwe.”

Nomba, ifyo-ifyo ifwe twingaba abakutusha, ifyo icitetekelo cingekatilila kulya. Mwamona? Lesa ali no kucicita cena. Ena ali laya cena. Te mulandu ifyo cili, ifyo amafya yali, atemwa ifyo muntu onse alesosa, Lesa ali no kucicita, ifyo fine, pantu Ena alilaile ukucita. Kabili Ena alacita cena mu musango uwaanguka nganshi, icakutila, cena-cena cilaya ku-ku kwiluka kwa mano ayasambilila ayo ayengesha ukwelenganya palwa cena, “Musango nshi cena cingaba?”
Nshilepilibula ukusosa ukutila umuntu nomba, na yasuma, amano ayakosa, amasambililo ayasuma, ukutila ulya muntu tekuti eluke Cena. Cilya cili fye bwino, kabili icawama, ilyo lyonse ilyo ena alebomfya cilya te kwelenganya, lelo, shilye ntambi isho wene akwata, ukucetekela Lesa. Lekeni kupilibwilwe ku kuicefya kwa kukutika ku fyo Lesa asosa, no kucetekela Cena. Intambi shakwe shili no kumwafwilisha lyena.
Moneni. Lelo ilyo umuntu aesha ukwelenganya, “Cena tekuti cicitwe,” lyena cilya cilatalusha wene ukufuma kuli Lesa, lyonse, inshita fye yonse, ilyo ena aleesha uku-uku kutika kuli cinshi, ukwiluka kwakwe umwine. Mwamona? Nga iwe tauleiluka, kabili Baibele nga yasosa icintu cimo, sumininsheni fye Cena, “Ameni.” Lekeni fye cileya nga filya.

Ilyo ifwe tatulasanga ifyo uku kufuma kupilibula, kabili nalapashanya ukufuma nomba... ukufuma lilya, no kufuma nomba, kabili moneni nga kwena takuli ukwalingana filya fine. Kumo ukwakwena kwa cifyalilwa. Kabili ifintu fimo fine ifyo Ena acitile mu cifyalilwa, Wene alepashanya cena nakabili, ukupashanya cena muli bu mupashi, ukufuma kwa bumupashi.

Icawama, ukumona Icebo cakwa Lesa! Musangonshi umuntu uuli onse engasosa Cena taca putwamo? Ici cali nalimo imyaka amakana yabili ne myanda cine konse konse iyapitapo, namwishiba. Kabili ifyo kutila Ena alaile, kabili ifyo Ena atucitila kabili no kubika cena kulya lubali nge cilangililo, ifyo Ena-Ena-Ena alenga icinshingwa ica cintu cimo ukupela ubunte ubwa-bwa cituntulu.
Lelo, intanshi, ifwe tulingile ukulangisha Ukutendeka ukumona cinshi ico bena bali mu Egypti. Cinshi ico abantu bakwa Lesa bengaba kunse ka ilye mpanga? Nangu cibe fyo, Lesa alilaile cilya, palya pene uko ukutendeka kwali, na Abraham, Isaki na Yakobo, mu Palestine, Lesa apele ilye mpanga, kabili atile, “Ici e co.” Owe, lyena, cinshi ico abantu te kuti babe mu ncende iyo Lesa abapele?
Lilya e lipusho lye lelo, nakabili. Lesa atupele Pentecost. Ena alitupela Ibuku lya Milimo ya Batumwa. Ena alitupela Mupashi wa Mushilo, ukututungulula no kututangilila. Ena alitupela ifwe Impanga. Kabili cinshi ico ifwe tuli kunse ya Yena? Cinshi ico lukuta lubelele kunse ka Yena? Cinshi ico ulukuta lwa Bwinakristu ulukalamba ilelo taluleikala nakabili nga filya Ibuku lya Milimo ya Batumwa, ukuleta icintu cimo cine? Pali umulandu umo uwa cena.

Ifwe bonse twalishiba ukutila ifwe tuli ababulisha, kabili tuli mu mibele iya bipisha. Kabili imibele iya bipisha nganshi iyo-iyo Bwinakristu bwatalile ukwikalamo, ni lelo. Kabili ifwe tuli pa... palya pene fye pa kupwa atemwa impela ya-ya bukalamba, ubupingushi ubwa kutinya ukulolela ulukuta. Kabili ilyo ubu bupingushi tabulacitika, Lesa aleita ukufuma, nga filya Ena acitile lilya. Imembu sha bena Amore shafikile ku mulu, e ico Ena-Ena aleita u-ukufuma kwa bumupashi. Nomba lekeni tubwekele kunuma pakashita fye, mu cipasho, no kusanga.
Bena baile kulya mu Egypt, pa mulandu fye wa kalumwa ka kwa munyina. Ulya e mulandu wine uo Israele abelele mu Egypt pali ilya nshita, ukufuma mu mpanga. Ibukisheni, ama bulayo yakwa Lesa yali fye ilyo lyonse ilyo bena baikele muli ilye mpanga.

Nomba bushe kuti mwamona ifyo tulelandapo mu mapepo, inshita inono iyapitapo? Cinshi ico Lesa akoseshe umutima wakwa Farao? Ku kubika abantu ukubwelela mu mpanga ya bulayo, ilyo Ena talabapala bena, ukuleta Mesaya kuli bena.
Musangonshi Ena akoseshe umutima wakwa Hitler, ukuba uwakususha umuYuda, ilyo ena ali citika umuYuda, umwine? Musangonshi Ena engacita cilya muli Stalin, Mussolini? Mwamona? Abantu abashaputwamo, nge nko, bena-bena... Lesa alingile ukusenda i-ifintu ifyo bena bekalilako, amafunde ya calo, inshita ishingi, ukulenga ama bulayo Yakwe ukuti yabe aya cine. E ico, Ena alikoseshe imitima ya balya bakateka wa buluku, ku kutamfya umuYuda ukubwekela ku mpanga ya bulayo. Cena calingile ukuba muli ulya musango.

Moneni nomba. Belengeni ilyashi ilyo mwinga cita, pali Yosefe, ukufyalwa uwakulekelesha pali ba munyina, uwakonkele pali kasuli. Amano ya bumupashi yali no kumona cilya ino ine nshita. Ena tali umwana wakulekelesha; Benyamini ali. Lelo, mu kutamfiwa, moneni. Yosefe na Benyamini bali ba munyina ba mulopa umo wine, kabili babili fye abali ba munyina. Tatalile Benyamini ukwishibikwa mpaka ena akumenye Yosefe. Kabili uwacila abashala muli bena, Benyamini apelwe icakaniko imiku ibili ica fintu fyonse ifyo Yosefe apela. Cisuma. Moneni nomba, tulesanga cilya kulya lubali, bena bali...

Ena afumishiwe kuli ba munyina pa mulandu wakutila ena ali uwa bumupashi. Ena ali umuntu umukalamba, nangula uwapetama nganshi pe bumba, uwa cepesha pe bumba. “Kabili bena bali mupatile wene ukwabula umulandu.” Bena nga taba mupatile wene. Bena nga bali mupele umucinshi wene. Pa mulandu, cinshi ico bena bapatile wene, pa mulandu ena ali ni munyina? Tacili nga filya fine. Bena bali mupatile wene pa mulandu Lesa abombele na wene ukucila ifyo Ena acitile ku bashala muli bena. Mwamona? Ena apele wene ukwiluka kwa bumupashi. Ena kuti ailula ifiloto, umupwilapo. Kabili ena kuti alandila kabela ifintu ifyo ifinga fikilishiwa, umupwilapo, filya fine fye umusango babelelemo. Kabili ena- kabili ena tashinshikile.

Ena alimwene iciloto ica ilye myanshi ukukontama ku mwanshi wakwe, kabili ba munyina lyena bali mufulilwe wene. Batile, “Ndemona, lyena, iwe kakunkula mushilo umunono,” mu mashiwi yambi, “ifwe tukafukama kuli iwe ubushiku bumo?” Lelo ulya e musango cena cacitike. Mwamona? Musangonshi balya abakalamba abakulu amapaka bengatala ukufukamina ulyo munono, umuntu ushili nangu cimo ukwiminina palya? Lelo bena bali cicitile, bena mucine balicitile, kabili bapaptile uluse. Lelo ena taishile mu maka, nomba, mulemona. Ena ali fye lilya line fye mu musango wa mwana.

Kabili lyena tulesanga ukutila, pa kucita ici, ukutila Yosefe asendelwe ukufuma pakati ka ba munyina, ifilonganino, no kwikala palwakwe. Mwamona? Ba munyina, bonse mu calo. Kabili lyena kwaishile icintu icikalamba nganshi. Ifwe natwishiba ukutila Israele... ilyo lyonse baikele mu ncende shabo, no kuisunga. Nomba, cilya e cintu cimo icisuma, ukwikala mu ncende. Mucifulo, cilya cishinka. Lelo, bena balitamfishe Umupashi.
Aba mafunde, ilelo, mu cifulo baliishiba ifyo baba, ku mano ya masambililo aya Baibele, lelo takuli Umupashi. Bena naba kana Yosefe, balitamfishe Wene. Bena tabalefwaya nangu cimo icakucita na Cena.
“Lyena libumba lya bakankuluka ba mushilo. Lyena lili... Ifwe tatulefwaya ica kucita na Cena.” Bena bali mutamfishe Wene, bashitishe Wene, kwi sonde. Bena bali kunse ye senge lyabo.

Nomba, pa kucita cilya, bena baleifumya mu ncende, basendelwe mu Egupti, panuma. Nomba, ilyashi lya aba ba munyina lili mucine ilyakupashanya ukukalamba no lubali lwa bumupashi ulwa cena ilelo. Ifwe-ifwe bonse twalishiba pali cilya, ukutila cena caba akalumwa akasanguluka, tacili akasanguluka. Kena kakale, aka fiko, akalumwa aka kowela. Mwamona? Ta mwaba ukasungula mu kalumwa. Mwamona? Tacaba nangu cimo kano akalumwa akakowela. Ilyo, bena bamwene Baibele imo ine, kabili ne cifyalilwa cakwa Lesa umo wine uyo uwalembele Baibele, ukuishininkisha Umwine, kabili lyena ukukana Cilya ukwabula umulandu. Ukusanguluka... Cisuma, tacili ukusanguluka. Ngefyo nacisosa, cena kalumwa kafiko. Ukumona Lesa ukundapa abalwele, ukwimya abafwa, Lesa umo wine uyo waikele mu nshiku sha batumwa! Imbila nsuma imo ine iyo bena balembele, pali ubu bulendo bwa bumupashi, ni Lesa umo wine uyo ucita icintu cimo cine. E ico bena tababa nangu cimo kano akalumwa, balitamfiwa, “Kabili tatwakakwate Cena pakati ka bantu besu.” Mwamona? Ukubatamfya!

Bena batontonkenye, ba munyina, ukutila bena tabakatale ukukwata umwaume nga ulya, e ico, “Cinshi ico teti ba mutamfye wene?”
Cilya ni cinshi, icintu cimo cine nacicitika ilelo. Bena batontonkanya, ukuti, “Pantu ukutila ama chalichi yesu yaisaba aya masambililo, ukutila ifwe natukwata ama bumba ayafwala bwino, akabungwe akakalamba nganshi, ba kapyunga abacenjelesha nganshi, ukutila tatulefwaikwa Mupashi wa Mushilo mu musango Wene wali kunuma kulya.” Ukutila, bena na bekuta. Mu mashiwi yambi, imicitile ilalandikisha ukucila amashiwi: Ukutila ama seminary yabo, kabili ayabo... ubongo bongo ubwa- ubwa buntu bwabo, kabili ukwisa kwabo capamo kabili-kabili ukulanshanya ici cintu, cili icalinga nganshi, na mano yabo abene aya masambililo, ukubika Ulukuta mu butantiko, ukucila ifyo Mupashi wa Mushilo engacita. E ico, bena tabafwaikwa Cena nakabili. “Cena cintu cimo ico ifwe tatulefwaikwa ilelo. Cena cili, inshiku sha filya shalipita.” Nomba, bushe cilya te cishinka? [Ulukuta lwatila, “Ameni.” - Ka.] “Ifwe tatufwaya Mupashi wa Mushilo ukundapa abalwele. Ifwe natukwata ama doctors. Ifwe tatufwaya Mupashi wa Mushilo ukulandila mu ndimi. Ifwe bonse tuli abantu aba mano.” Kabili ilyo mulecita, imwe mulafumya, ukufuma fye ku mibombele yenu, umushilwa wa Mweo.
Yesu atile kuli balya abaYuda, mu nshiku Shakwe, “Bushe tamwabelenga cilya, 'Ilibwe ilya kwisalilako ilyakenwe e libwe lya Pacifutu apo umufula onse waikalapo'?”

Nomba, mulemona ifyo ndepilibula? Ndi uwashininkisha imwe-imwe kuti mwamona cilya. Ukutila, umulandu uwa cena nomba, ni pa mulandu bena batontonkenye ukutila tabakatale ukukwata ukukabila kwa Cena. “Ifwe tatulefwaikwa abakulandila ba ndimi. Ifwe tatufwaikwa bakelula ba ndimi. Ifwe tatufwaikwa nakabili bakasesema aba mu Cipingo ca Kale ukutubika ifwe mu butantiko, ku Mupashi wa Mushilo. Ifwe tuleiluka Cena.” Mwamona? Bena bali pyanisha imibombele yapangwa no muntu ukusenda icifulo ca Mupashi wa Mushilo.

E ico, kuliko abantu abo abasalwa, balikwata amashina yabo mwi Buku lya Mwana wa mpaanga ilya Mweo, bena tekuti bakonke cilya. Bena bakwata amano ya bumupashi, kabili e ico bena tekuti bakonke cilya. Bena tekuti beminine cena, te mulandu nga ba shibo na ba nyinabo baliikele mu luli lonso lukuta lwa kabungwe.

Ilyo ulukuta lwapanga, ukucita, nalimo lwena tekuti lulande cilya bwino. Owe, iyo. Bena tekuti balande cena, lelo imicitile yabo ilashininkisha cena. Ici apa Icebo. Kabili Umupashi wa Mushilo uleshininkisha cena pakati ka bena, ilyo Ena enga basenda ukubalonganya capamo, ukutila Ena acili alondapa abalwele, no kubusha abafwa, no kulandilaa mu ndimi, kabili no kutamfya ifiwa. E ico, cena cashintilila fye pali... ico icili mukati ka muntu.

----
Ulukuta lumfwa ukutila lwena talufwaya Mupashi wa Mushilo. Inkuta shika mweba cilya. Kabili abantu kuti baiminina no kupela imwe ilye milandile yama masambililo, kuti balenga imwe mupepi ukucetekela cena. Nomba lekeni twiminine palya, pali miniti. Bushe Yesu tasosele ukutila babili kuti baba mupepi nganshi capamo, “Cena kuti cabepa Abasalwa bene nga cingacitwa”? Ukulanda kwa masambililo kuti kwaba ukusuma nganshi, ukutila kwena kuti-kwena kuti kwabepa abantu. Yena ni mbila nsuma, caba baume abo abengakata cilye cebo muli ulya musango, uwa kutila ena kuti alenga umuntu onse uwasambilila, nga imwe mulesubila fye mu masambililo yabo, bena-bena kuti baebula Mupashi wa Mushilo, no-no kusenda inshila ya muntu. Ifwe tulemona cilya.

Nomba, cilya e cintu cimo cine ico batontonkenye pali Yosefe, kabili bena bali mutamfishe wene. Kabili, owe, kulya mu Egypt, owe, ifyo twinga tontonkanya, ifyo senda ama ora. Imwe kuti mwaikala apa pa myaka itatu no kukana fuma pali lilye sambililo, akasuba no bushiku, kabili nalyo line ukusanga ifyabunonshi fya Mupashi wa Mushilo.

Amano ya bumupashi kuti yalolekesha kulya mu Egypt no kumona kulya kucushiwa ukwima; kuti mwamona Yosefe akusendwa, pakutila kulyo kupakaswa kwingesa. Kabili elyo ukumona Lesa, no mupeto Wakwe mu mipeto, ifintu fyonse ukwenda ukushinguluka ukupwililika fye. Ukumona Potifer ukukana Yosefe; ukumona bulyo bufi bwapelwe. Kabili ukumona Yosefe mu cifungo, kabili imyefu yakwe yalikulile, uwatamfiwa ukufuma kuli ba munyina. Lelo lilya, mukupumikisha fye, Lesa alishilemo. Mwamona?

Ifyo twinga mona ulyo mupeto mu mipeto, ukwenda! Ipange lya kwa Lesa ilikalamba ukusesha fyonse pali uku kufuma, kuli iyi nshita ilyo Ena engata abantu Bakwe ukubwekela mu mpanga nakabili, ukubwekela mu ncende, mu cifulo uko Ena engapala bena no kubika pakati kabo ulya Umo uo Ena alaile ukubika pakati kabo. Bena balingile ukuba mu mpanga yabo. Ibukisheni, bena bali no kufuma mu mpanga iyo bena balimo, no kwingila mu mpanga ya bulayo, lintu Mesaya wabo uwalailwe talati ese.

Kabili Ulukuta lulingile ukucita icintu cimo cine; ukufuma muli lilye bumba ilya balya abakana, ukuya mu bulayo, lintu Mesaya talati ukumonekela ku ntanshi yabo. Mulemona cena? Ubumi bwa kwa Mesiya, ukumonekela, ukupanga Ulukuta ulwaiteyanya, Nabwinga.
Umwanakashi aupwa ku mwaume, kabili ukukana suminishanya na wene, cena kuti caba umusango umo uwa-ukukansana, lyonse. Lelo ilyo mwaume no mukashi wakwe, cibusa wakwe umukashana, uo akobekela, ilyo bena bali mu cumfwano icapwililika, nga umweo umo no mutima umo, pa mulandu bali no kuba umubili umo.
Lyena, ilyo Lukuta lwingaba muli cilye cumfwano na Lesa, mpaka ukumonekela kwa kwa Shibwinga kulemonekela muli Nabwinga, pantu bali no kuba umo! Owe, ifyo lili sambililo ilikalamba. Cisuma.
Nomba, ibukisheni, amano ya bumupashi ukusenda ici, kuti yamona icipasho kabili no kupashanya, no kusenda cena. Pali umo, ukuba fye, ifwe kuti twaya ama ora pali cena.

Belengeni mu ili buku... Ukufuma kwa Citatu.

“Eico nomba isa nkutume kuli Farao kukufumya abantu bandi abena Israeli mu calo ca Egupto.”

Elyo Mose ayaswike Lesa ati, “Nga ine nine ani, uwakuti nje kuli Farao kukufumya abena Israeli mu Egupto?”

Lesa amwasuka ati, “Nkalaba na iwe. Kabili ici cikaba e cishibilo kuli iwe icakuti nine nkutumine. Ilyo ukafumya abantu mu Egupto mukapepela Lesa pali luno lupili.”

Ukufuma 3:10-12