Ekalakunan Ngolo Eyenet.

William Branham.

Tosiomete alo akirot...
Ekalakunan Ngolo Eyenet.

Acamit ayong anyarare akou ngina ka akimor anacici ana ataparacu na , ikwapei etatamia ayong ngun, ekatakinit ayong anupit nenikus, ngina ka alakunio, ka ibore ngini erai inges, ka epite ngolo riamunet ngun. acamit ayong amaikin ngun: Ekalakunan Ngolo Eyenet.
Nai tokona, alakun idiobore, erai ya “akinyakun inges.” ibore ngini asir acakar, ikwapei akiwuakin tooma ikwa edukan ngolo ijiaunia iyong ibore. Ka ilosi iyong kwap ka tolaku ngun, erai ngini elakunio ka ebei (egelit). Nait torauni ibore ngin nginikon jik, kidau iyong alakun inges. nai ekisil ngolo ka alakunio, alotoma Isirale, arai torai eyenete, alakun ngiboro kori idiobore ngini asir acakar.

Egeikini eemut yok alotoma ngapakio nguna epukatotor ngikepukak Isirael, ngulu arai ngikatubok, ekau ka atwanare Yosua. Ka ariamun erot ngolo akire nguna anu, isimo iyong nguna ikamunit ngun ngikekek ngulu esiaunak ngikan kori ngikanikapei ngulu a Samuel ngolo ke Epei, ka ibuni iyong ariamun eemut ngolo akire ngolo ikamunit ngun.

-----
Nai tokona, ngitunga ngulu alalak alotoma Ekitaabo ngolo a Rus lo, ikwapei ebakotor ikes ebe, “Erai eemut ngolo ka amina ngolo ke Ebaibul.” Erai Ebaibul amina ke eemut. Ebaibul dadang erai eemut ngolo ka amina.
Emam nyerai inges eemut ngolo ka amina bon, nai erai ekaduaran. Meere Inges ekaduaran bon, nai erai dang eemut. Emam nyerai inges ngun bon - erai eemut ngolo ka amina, ekaduaran, erai Akuj Alope. Anerai, “Anakisyakinet ayiai Akirot, Akirot ayiai kaapei ka Akuj, ka Akirot arai Akuj.” Aso, erai Akirot Akuj anakigiret. Erai ngun iriakinete ngun, lokaato; Akuj alotoma nakigiret. Yeova, iriunitai Alokitaabo. Ka emam ice nguna a ngun ngolo erai ekabila ngolo akimar ngolo akire, na erai ngun dadang Akiyookino. atakan ngina akire a ngun, ineno alotai kosi. Eyia ngun nen. Erai ngun Akiyookino, ka Akuj ebuni nabo Nakirot Keng.

Ka eemut lo egiritae ka ngakigiret nguna ngorok dadang. Ngina ayiakatar ikes etiakatiaete Ebaibul, ngikiliok ngulu akuangak, ngina ekatakiniata ikes akiwuakin ngin iwapei alotoma Akitutuket ngina ngorot, Ekitaabo ngolo Rus lo arai apei alotoma Ngikitaaboi ayenuna Alokitaaboi ebe erai ikes nguna ecamunitai. Kaanukiro? Ani kerai ngun eemut ngolo ka amina, kaanukiro apedorito ikes akigirak ka ngulu akolong atocamut Ekitaabo lo ikwapei ngolo iyangakinitai? Naarai, eyiaka apukokinio ngina iwuaitai alotoma ngun. Ka alotoma apukokinio ngina iwuaitai na, ikamuni iyong apolou ngina akire. Ikinakini iyong iyapuni kire jik neni ka Akuj.

Ka elipi Ayong, etau kang dadang, ataparacu na, ebe Akuj ibuni akikamar ngolo tau dadang, aso ngolo kamunit, paka akitodol ngin ebunio Inges akisileereun Akuwanakeng Alope, jik ibore ngini erai Inges, alotoka eemut lo; ibore ngini erai Inges neni kon; epite ngolo camunet Inges. ka ngina ingolikinia iyong ngun, erai nguna epatak, iumokini iyong epite ngolo ilosio iyong neni alokidiama ngun. nai epedori ngun akisleereun bon kan Ekuwuam Ngoloakuangan.

-----
Nai tokona, eemut lo ageikini alotoma idiobore aneni ka epite, ikwapei amina, aberu ngina abobon. Arai ekiro keng Naomi. Erai apolou Naomi “ajokis.” Arai Elimelek lokilekeng, apolou keng erai “akijanakin.”
“Akijanakin ngina ajokan” arai ekal keng. Ayiakatar ikes lokoku, Malon, epei inges apolou “adiaka.” Ka kilion, ngoloce ye erai apolou “akiyalolong, angoit, akitam erono.” Ayiai ekal nen.

Ka abu eron tolomu nakwap ngina Isirael. Ka adiakaret ngina esiaunan apotu Ngiyudayon kitiyaut, erai, aesikin akwap ngin. Abu Akuj inak ikes akwap. Ngina ainakinere Aburaam akwap ngin. Abu Akuj tolimok inges ebe emam aesikin akwap ngin. Ka abu inges kitiyau adiakaret ngina abunio inges tolosio toma nakwap ngina Gerar, toloma toma ngatiokisio. Emam pa abeit Eyudayot aesikin Palestine. Arai ngin akibois ngina inakinitai inges. Ka adaun ikes akiritar kinga, alotoma akwap dadang. Ka nai tokona elosete ikes abongoun nabo.

-----
Nai tokona, acamit ayong akisikwan, ataparacu na, Naomi, aberu ngina kimat, ka neni kekanisa a ngolo Orthodox, ekanisa Orthodox ngolo a Ngiyudayon. Rus a Moabite, a Bukuit, erai Ekanisa ngolo Ekristiane, Ekanisa ngolo Kitete.
Ka acamit Ayong adolokin ngun, alotoma ngakiro ngomwon nguna egelegelia, Rus. Egirakinit Ayong ngun nege. Rus, aseun, alemunia akeseunet; Rus, eyeyi rus ijanakini; Rus, iyenguni; Rus erwopio. Ikwapei ikiponia iwon: Rus, elemuni aseunet; Rus, kedau inges alemun aseunet keng, ido nait arai Rus ngina ejanakini; nait erai Rus ngina abu kiengu nait Rus arai ngina aponi totacae.

-----
Rus, elamuni aseunet. Nai tokona Rus, ijanakinia alokwap aseunet keng. Nai tokona tocoik a dakika. Nai tokona alosi inges toma lomanikor, akiwuar kori akisokat. Nai tokona, abu toto keng tolimok inges; ngina, Elimonokinit Akitutuket ngina Mojng ngin Kitete, iyenete iyes. Abu toto keng tolimok inges ebe, “Ikiyakar iwon eyenet, ka ekekiro erai Boas. Erai inges ekile ngolo ebarit. Ka erai inges eyenet ngolo iyapi. Tolot iyong lomanikor keng. Ka tokona... nyilot iyong neni ka ece manikor; tolot lomanikor keng.”

Epite ngolo ikilimokinitor iwon Ekuwuam Ngoloakuangan mam alomat toma lokabilae ngolo ekitaabo ekanisa, edio kabila ngolo ekitaabo ngolo ngikisila ngikristo, nai tolot Lomanikor ngolo ka Akuj, Akitutuket ngina Mojong. Ebaibul. Nyitema ebe, “Ejok, ikiponi isua akirworo nu. Ka ikiponi isua akirworo nu nguna ka akilip. Ikiponi isua ayiakaunor nugu.” Kiboi kire jik kaapei ka Emanikor. Tolot kire jik toma Keng,' anerai erai Inges Eyenet ngolo iyapi.

Akirot ka Akuj, Akitutuket ngina ngorot, erai Eyenet ngolo eyapi neni ngina Kitete. Ekanisa ngolo Mojong erai toto neni Ekanisa ngolo ka Kitete, ingolikia, Ekristoit, ekanupa. “nyilot neni emanikor ace. Kiboi kire jik alotoma lomanikor keng. Ka ngayeni, adies kolongit, ipedori iyong ariamun ajokis kaapei ka inges.”

Ka apei kolongit, ngina ayiakar inges kinga lomanikor, ekilo ngolo abaran lo, ngolo enyaritai Boas, ekepukan , ekile ngolo abaran, abu bu, ka abu inges kingolik inges. okoe, ngina engolikinia inges Rus, abu inges topupu aminakin inges. atami inges erai inges aberu ngina eumokina. Abu inges tomina ngipitecisio keng. Itamunito iyes, abu inges tema ebe, “Ayeni ayong, nait eyenete ngitung, ebe irai iyong aberu ngina ajokan.” Abu inges tolemu aseunet, asegak ka elere. Abu bu kire jik akau nege, abu toyiakar kire jik ibore ngini alimunit inga ebe kitiya inges.

Acepaki, nakuwarina, temasi ikes ebe, “Ikiyeni isua ebe irai iyong Ekristoit. Ikiyeni isua ebe irai iyong etunganan ngolo ka Akuj,' anerai mam itunganan epedori akitiya ngakujuanisa nugu mati bon eyiai inges kaapei ka Akuj.” Erai ibore ngini abu Nikodemo tolimu neni Yesu ebe, “Rabbi, ikiyeni isua ebe irai Iyong eketataman ngolo ibunit aneni ka Akuj. Emam itunganan epedori akitiyia ngiboro ngulu itiyiai Iyong mati bon iyiakasi inges kaapei ka Akuj.” Ngina, apedorio inges akingolikin Inges akiboikin nen ka toyenu ngina tametait dadang alotai kec.
Abu aberu totap elou Keng. Abu togolegolek, tema ebe, “Ngae akatap ayong?” apotu ikes dadang topegasi ngun. kingoliya kau toma naspic ka tema ebe, “Iyong ngina iyaka kaapei ka ationis ngina ngaokot anen, akonupit adau akitangaleun iyong.”
Tema ebe, “Emam itunganan epedori akitiya ngun mati bon eyiakasi inges kaapei ka Akuj. Ikiyeni isua ibunit Iyong aneni ka Akuj. Emam nyikipedori isua acamun Iyong, naarai eponio isua akiritar alotoma lokanisa.” ingolikia?
Emusabibu ngolo ironyakinitai, Lokaato Loto, ikwapei ikirworo isua akuwar ngina bien, epote ikes apetor iyong kinga. “Nai, alokwap alotoma lotai yok, ikiyeni isua ibunit iyong alotoma Emusabibu ngolo akire.” Erai Kristo Emusabibu; ikirai iwon ngaten. “Ikiyeni isua, naarai ikingolik isua Akiyiar nginapei ngin ngina eiyiai toma Akuj, eyiai tomakus.”

Arai ibore ngini abu Boas kingolik alotoma Rus ngin, aseunet ngina asegan ngin, ajokis ka aberu ngina ewuai anen. Ka abu inges tomnakinos kaapei ka inges. Nai tokona, acamit Ayong iyes tocoikis. Naomi, ekanisa ngolo mojong, abu togeik akisleerekin neni Rus ngikisila dadang ngulu ikamunit edin keng, ikwapei erakar Akitutuket ngina Mojong etorube ngolo ngina Kitete. Nai tokona, acamit Ayong iyes toriamut eemut lo kire jik anege.

Nai tokona, acamit akitoodiun ngitorubei. Isileereunit Akitutuket ngina Mojong ngina Kitete, ani erai kisma iyong Inges, naarai erai inges etorube ngina Kitete. Nai tokona, ani erai kalosi Ayong kingaren neni ka arwatata, ka amam nyengolikinitor ayong akuwanakang, ka aanyunit ayong etorube kang, apedori Ayong ayenun, iyiakar ngidies nguna ageikinia ibore ngini etakani ikwan. Ka ani erai pa kitiyiai iyong (iyong) toyeni ibore ngini erai Akitutuket ngina Kitete, tosoma ngina Mojong ka ibuni iyong akingolikin etorube ngolo a ngun. ingolikia? Ka nait ngina abunio Akitutuket ngina Kitete toma, itemari iyong ebe, “Kaanukiro, kire jik, erai ikes Ngun.” Ekitaabo ngolo Ngiburanian, alosit kau, abu Paulo kisileereu ngun.

Nai tokona, tocoik kayapikinit tokona. Ngina atemari Rus ebe, kori... ngina atemaria Naomi neni Rus ebe, “Nai tokona, erai inges eyenet yok. Ka ani erai kipedori iyong ariamun ajokis kaapei ka inges, ibuni iyong ariamun akiegun.” Okoe, ekang! 'Ani erai kipedori iyong ariamun ajokis, ibuni iyong ariamun akiengun.“ Ewuaikinit Boas Kristo, Etunganan ngolo abaran, ekeruman ngolo ngiboro dadang, Ekapolon ngolo ka akilem. Okoe, ekang!, lopite, ngina abunio Boas ekeri alokinga kama, alotoma amotoka ngina erai agiaari, togolegole toma lomanikor, ka apotu ngakonyen kegn todoto neni Rus! Arai inges ekapolon. Arai inges ekapolon ngolo ka akilem. Ka abu inges toriamu ajokis alokingaren keng.

Erai ibore ngini itiyiai Ekanisa ngin, nakuwarina. Ngina elosio Ekapolon ngolo ka akilem, emam nyite Inges aduketait ngina apolon, ngikanisa ngulu apolon nooi, ngikwayae ngulu itatamitae ejok. Esaki Inges ngipei ipei, ngikiliok ka ngaberu nguna einakina ka alemun asegis nguna Kristo, atesegtut ngakewant nguna ka akijanakin Inges. “Akuj, anupit Aong Ngun, ngina Kirot dadang nguna Ngun. ngina elimunio Akirot Kon idiobore, abuni Ayong akiboi eyookno kaapei ka Ngun. erai ngin Akirot Kon. Anupit ayong ngun, ngina Akirot dadang.”

Erai ibore ngini esaki Inges ngin; Ekapolon ngolo ka akilem. Erai ibore ngini ecamit Inges ainakin ngin Ekuwuam Ngoloakuangan, nenikec ngulu enyamit akoro ka akure. “Itererengitoi ngulu enyamit akoro ka akure anguna ka akiyookino naarai ilelebio.” Ikatakinit Inges ariamun Ekanisa ngol, nakuwarina.

Nai tokona, nait, Rus ngina engitakinere inges akitiya ibore ngini angileec, nai arai inges ngina akapakina naarai asir inges aseu aseunet keng. Nyo bo ekabila ngolo ke ekanupan! Nyo bo ekabila ngolo edolit! Naomi, ekanisa ngolo mojong, tema ebe, “Tolot kwap nakuwarina. Erai apaki ngina ajokan.” Okoe, nyo bo atametait ngina abusian ngina ebeit iwon toenikinosi kire jik anen!

Naomi ka Rus apotu potu toma alotoma apaki ngina ajokan. Apaki ngina ajok naarai apaki ngina akimuj, apaki ngina akorere akimuj ngin kitete. Ka Ekanisa, alotoma ngirua ngulu ka awasia, alotoma ngikaru ngalipio ngarei ngulu ngakitatamisa ngikapegak ka ibore, adau abunore toma napaki ngina ajokan, ka ngina ka Akiyiar ngina kitete, Amukati ngina kitete, ao alotoma Anakuj. (Russell, kirworo nguna ikamunit ao -Amukati ngina alokwap!) erai ikes Ngun, Amukati ngina Anakuj. “arai Ayong Amukati ngina ka Akiyiar. Apotu atapaakus tonyam manu, ka apotu totwaka. Nai Arai Ayong Amukati ngina ka Akiyiar ngina ebunit alotoma Anakuj, alotoma Nakuj. Ani erai kenyam itunganan Amukati na emam nyetwania inges.” ka Ekanisa alotoma ngirua ngulu ka awaisa anege, ayaun toma, kire jik tokona, alotoma apakio ngina ajokan.

Rus, Abukuit, agololiritoi, abu toema jik, adaun ayaun toma, ikwapei ebeito acamun ikwapei Ateran. Abu Kristo toma, a jik alotoma apaki ngina ajokan. Tema Inges ebe, “Nai tokona kiwuak elou kan kidiama kon.” (Meere, “Tolema elou kon jik anenikon.”) epite ngolo nyiriamarakor jik nakuwarina! “Tobilak elou kon kidiama kon, ngina ilosio iyong akksiriam inges. Elosi Inges ainakin ejok, nakuwarina. Tolot kwap ka kiwuak elou kon nenikon. Torap akuwanakon, akiriamakin ka inges.”

Nakuwarina, ecamito ikes alemar arapet anakwatekec. Torap akuwanakon. “Tolo kwap, naarai ebuni inges ayenun ejok. Ka nait toripik akibois ngina eperi inges.” ibu iyong kitiya ngun? aneni Gologosa. Ngikaru ngulu alalak ngulu alunyar, abu ayong atoripu alotoma lotaukang neni eperi Inges alokwap akiyiar Keng, ebe ikotere inges epedori akiya ayong. Toripu akibosi ngina iperi inges. kingolik neni eperi Inges. Erai ibore ngini emaikina ngolo kanupan dadang kitiya inges ngin. Kingolik ibore ngini itiyiai Inges nguna kon. Eemut ngolo Esabit ngolo bien, aneni ka Akipeyokin Kalibario, kingolik ibore ngini abu Inges kitiya ngunakon.

Tema inges ebe, “toripu neni eperi inges. ido nait ngina eperio inges ajotor, akiengun, tolot iyong toperi alokau ngakejen keng.” Meere nakou keng; nakejenkeng, ngolo emam nyitemokino. 'Ka tolemu elou “ebe arai ngolo imukor inges, ka kiriu inges kimukoror iyong.” Okoe! Ingolikis iyes ngun? okoe, ekang! Ayeni ayong ipedorete iyes akitam ebe arai ayong ngolo ngikerep. Nai nguna eketanap ayong kire jik,ebe Ekuwuam ka Akuj ngol. Toripu neni eperi Inges, Kalibario; neni eperio Inges nen kwap toma naturukan; alotoma Gesamane.
Toripu, ka toliya neni ngakejenkeng. Toper alokwap anen ka totwanite, akuwanakon, neni akon ..nei iyiai iyong nen. Kimuko akuwanakon, kimukor,, kaapei ka emarida Keng, tema inges ebe, “Emarida,” abu inges tonyari inges.

Ka tema Rus ebe, “Ibore ngini irwori iyong, ngun abuni ayong akitiya.” Okoe, nyo bo aseunet ngina etubunitoi nguna ke ekanupan! “Ibore ngini irwori Ebaibul, ngun abuni ayong akitiya. Ketam ebe, “kibleki ka ikibatisai Alokiro a Yesu Kristo,” abuni Ayong akitiya ngun. Ani erai ketam inges ebe, Toloto iyes toma lobukui dadang ka tolimonokis Eemut ngolo ajokan,' abuni ayong akitiya ngun. ani erai ketam inges ebe, idiobore dadang ngini ebuni Inges alimun, ‘Yesu Krsito ngolopei ngol bien, nakuwarina, ka ngikaru ngikaru.’ Ibore ngini irwori inges nguna kang etiyiai ayong, abuni ayong akitiya ngun.” ingolikia, Ekanisa eyait ngakinapeta keng alotoma Akirot. Abu inges toper alokwa anen.

Nai tokona, totamunito, ebe arai ngileec nguna ka apuesurit ngina sorokit ngina akiperi alodiyete etunganan ngol, anakejen keng. Ngileec, aneni ka ngitunga ngulu ka akwap. Okoe, ipedori iyong akiwua ngun? Anege erai ngun. Kingolik. Kingolik. Erai ikes nugu. Ekanisa, aberu ngina sorokit, ekile ngolo sorokit, ngolo epolon kori ngolo sorokit, ingitakinitai atiakar ngawatekec alotoma nakwap, ka potu toma nakibois, Napukan ngina a Ekuwuam Ngoloakuangan, erai nen ngileec neni ka akwap. Alotoma lotaikec ngilopeyek eyenete ikes ibore ngini ikamunit ngun. nai, neni ka akwap, eraunete ikes ngulu ngikerep. Eraunete ngikec ngikacalak kori idiobore aneni ka atametait ngina, ngice ekiro ngolo ngileec. Nai ingitakinitai Ekanisa akitiya ngun. ilacakina iyes aanyun akibois, ka toperu kwap? kimiekis akwap itonyara iyes idiobore dadang ngini ecamito ikes.

-----
Toyenu akibois neni eperenene inges, ka toper kwap nen kaapei ka inges. itemokino iyong alosit Kalibario, ataparacu na, ikwapei alimuno ayong Esabit ngolo bien? Iyenu iyong akibois alotoma nakiyiar kon? Idau iyong ayaun akuwanakin neni akibois ngin ebubukunere Yesu?

Tosiomete alo akirot...
Ekalakunan Ngolo Eyenet.

Toper tokona nakwaare ne, ido ani moi taparacu oanyutu erae kikiuryaari iŋes iyoŋ, ejok! Itemokino iŋes tocamu ŋun. Nai ani pa kecamit iŋes akiuryar iyoŋ, ŋun nai ekoŋio ayoŋ alokiro ka Akuj a ŋina eyari atemar ekeuryari ayoŋ iyoŋ. Toper akitodol taparacu.

Rus 3:13