Aijililiet naka etunganan kalo eomoomoi.
<< abongor
ekaulo >>
Akipi nuka aitesegaario.
William Branham.Naka oitabo...
Aijililiet naka etunganan kalo eomoomoi.Aimario 19:9,
Etukonokini etunganan loelai ekuruon loka ataok, kosodi abukokin aibois naelai kokinga kiidukurun, idario nges kanuka atukot naka idwe luka Isirael arai akipi nuitesegaarete: erai ainakinet nakitalaunet adiakaret.Akou naka akirot naetwasamai eong kanuka akuare kana erai: Aijililiet Naka Etunganan Kalo Eomoomoi. Erai ngin naepupo bala ailamara noi kanuka akou naka akirot, kanu ekejaanakinan loegirit noi nuka aimat esigala, alemun akou naka akirot kwa kangin, Aijililiet Naka Etunganan Kalo Eomoomoi. Abu kojaun, ebe, atupuruc ya naabu eong kalositor ameja ikunyukoi.
Eebo, apotu ngun kere kotakanut kalaije kane atakanikinotor Imalaikan luka Ejakait eong katupuruc adiopet, kosodete ikunyukoi ngul kolimunere ajaun. Yesi kere iitunito neapotu ngun kotakanuniata. Ido, boboda, cut kokuju naka eukot kane abwoia eong, nen nges... cut nape eringa kelimonokina Aturio Akanyikaarei nuka Ekanisa, abu kalot amej atupuruc adiopet eringa akwap kecauna. Kanen kobwo... aomit eong ebe auta akolong alomun, bala isawan itomon lukatupuruc. Itegelikina; kaany eong Aica ngin eong, ido abu eong kebelokin angoliar kau, ido kanen abwoete Ataalai Akanyikaarei nuka Esabu abwoete kokuju kanen kokuju naka erongat, nepepe ka loaputosi bala etaluka elomunit kuju aitorun opiin ngul ka aitan da kokinga.
Atipet ngipengin akaulo kangun, abu Ejakait Yesu kotakanikin isio. Ido cut kapak kangin abu eong keira Eporoto loabala ebe, “Yawe je loka Aitutuket Namojong nges Yesu loka Nakitetet.” Ido kerai Ngesi ngol kanen, akaulo kapak naedit, kopukorete akaulo naka Ataalai Akanyikaarei nuka Esabu. Konyet do koanyutu ngun. imwasi ai iitunito akou ngin naka akirot? Abu eong kewadikaik ngin opur loka a-loka a box naka arasasin najai oiriago kang. “Yawe je loka Aitutuket Namojong nges Yesu loka Nakitetet.” Edeke kotoma Akuj ejeni ebe arai ngin nakabeit.
----
Abu eong kasiomite kalaije kotoma Oitabo loka Daniel, neabunio Ngesi mama ejai Emojong Ngol Longorot, Loakwangak iKetim kwape ajul nuka Amerekek.“ Kasodi konyet eong asesen Emojong Ngol Longorot. Kerai Ngesi nges Emojong Ngol Longorot, ngopengol bian, ka lolo, ido kiton ikar kere. Koanyutu kerai ejenunet, kapak kangin.
Kanukinyo ajul nukakwangak nuka amerekek? Kasodi konyet eong... Abu Emoyo Lokalaunan kosubite bala inera mamakang nuka aput ace naabu eong kaanyunite kapa adiopet, naka ekatubon lokolosek. Kasodi konyet eong alomar toma akiro nukiswamas kolosek; abu eong kabongo kau toma akiro nukiswamas kolosek kObaibuli ka kere da, kanu adumun ngin. Ido ikatubok lukolosek, bala esasedoti lopeti ko Isirael, kiburai ngol ajaut itima ngul lukakwangak, itima lukakwangak lueputos bala-ajul nuka amerekek ka ajul nukopenek da, naarai akwangis ngin kokujukeng etejenunit ebe kerai ngesi apedor nakapolon kakere naka ikatubok kotoma Isirael.Karaida ber lolo, ido kwap abongor ikar akwat adis nuatuboros, arai acepak mam erai kwangin, kau acepak adepar nen. Ikatubok kere luka Imusugun, komam apod arai kedisiak kesi biai arai kemojongitos kesi ne biai, kapak nakelomariata kesi aitolomun etube, anapakinete kesi itim lukakwangak; ido kanu aitodiar ebe emamei bobo acepedor, kotoma ajakanut kangin, kuju naka akirotokec. Akirotokec nges kerai nakapolon kakere kotoma ajakanut kangin. Nuelimunete kesi, kes ngun bon cut. Kosodi kwana, konyet, abu eong kaanyu ngun. kerai Ngesi ngol kebwoi kanen, kwabo korai Etunganan lokatumunan, konye konapite itim lukakwangak. Kerai Ngesi nges Apedor nakapolon kakere, kaileleba. Kerai Ngesi Akirot. Ido ejaatar Ngesi, enapit Ngesi itim lukakwangak.
Konyet, ekaulo do nakidaunia oni, ido a-a alimonokinet ngin, kasodi alosit to, ido kapak natakanuniata Imalaikan luka Ejakait kokinga kangina kanuka Aipuceta Akanykaarei ngun, ido abu ngin kolot kuju toma okwam (na da kijaar oni kede aput naka ngin ne, ido airimor kere akwap), kanen ajai Ngesi ebwoi kangina, eringa isibwalitai kakouKe apedor ngin nakapolon kakere. Erai Ngesi Akou naka Ekanisa. Erai Ngesi akou naka Akuan. Emamei ibore eputos kaNges, kanenidio kere. “Abu Ngesi kosub iboro kere Ngesi elopet bon. Abu Ngesi kosub iboro kere kanuKeng Kelopet, ido kemamei Ngesi ti emamei ibore yenesubunitai.” “Ejaatar Ngesi kapedor kere kotoma Akuj ka akwap da,” ido nginibore kere erai yeniKeng. “Ido kotomaKeng iboie aileleba naka Eidekeone kakuan.” “Ido korai Akirot Edeke, ido koraun akuan kamawok.” Ido kerai Ngesi ngol loabu kopuko aiyeiyea kere naka aitemonokinet kere naka aitajario, ngin naeneritos inabin kere ka itunga lukacoa da nukeng. Kerai Ngesi bon Ngol loanapit itim lukakwangak ido korai Apedor nakapolon kakere.
Kwana, abu eong kabwou, kokuju orongat katupuruc kaya, asubit bala kejaasi ikunyukoi lukeboliatos kanen. Kageuni do eong aiboikin kwap. Ido abu eong kajaun nen apak naedit, ne, abu ekutui kobala werewer kodiekang, kosodi etunganan ece lopeti kede emudu e musket loka ikumes iarei atikun kinga kokutui kangol kanen, ido abu kisirieng eong noi. Abu eong keyatak alosit, kedaikin do eong kwap; kakuriana aiwotokin, abu eong kakuriana ebe emina ngesi aduikin eong. Ido abala ekutui elosi werewer, kwangin abu do eong kapala ne teni.Aso abu eong kebeloor kasodi aijesar kwap ketorite ariri naka ecor. Ido abu eong kaomoom, “Alosi kwana eong kwap ne kasodi aingop kiton kes alosit, tetere eong apedori alomar kinga.” Doodo korot aijesar alosit kwap, abu eong kagipa... abu eong kangolia osiepikang lokoteten. Ido, naeswamaunia eong kwangin, ajai eperi kanen apaket naka esigala na amame ibore kotoma ne kebu ediopet kangul kocakakinia ngin kwap, kotoma akerit ngin kere naka... nakekeriata ikunyukoi itoritos okutuo.
Abu eong kangolek ngin kokwap. Mam eong abu kedepu ngin, naarai mam eong alelakinit aures naka iboro kangul, ageun sek ber da. Kasodi eong asesen kwap nen, ido erai ekampuni ece loka esigala loda aomit eong mam ibusakinit eong alimor ekekiror, konye ipote yesi ajenun. Abala ngin kanen, “Aijililiet naka etunganan lo eomoomoi ido aipup naka etunganan loemasi esigala.”
Abu eong kasesen abore ngin, kasodi eong aomoom, “Aijililiet naka etunganan lo eomoomoi?” Abu eong kaomoom, “Arai kopedorite etunganan aomoom nepetai da, mam cut tikemat esigala nepecep da. Epedori biai ngin araut 'aijililiet naka etunganan lo eomoomoi'? Etunganan lo eomoomoi mam tikemat esigala nepecep da.”----
Abu eong kasesen ngin, kasodi eong aomoom, “Erai ibore ice yeneputos cut bala-idiinin luka lolo, ikanisan lukijaar oni.” Ngolidiopet kakesi ejaatar kaijililiet kec kikulepek; ejaatar kesi kede eponekec kikulepek loka aijililiet. Ecamakinete kesi alomun toma ngun nuekotosi kesi, ido ngun numam elomunete toma; nuijililiunete toma ido nuijililiarete kesi kinga, kede aijililiet naka eponekec. Ecamakinete kesi netia nen neka akwapin alomun toma tetere aisimonikin lumam iyuunitos ngul luejaas toma nen. Eyangarete kesi ngul toma komam apod ibore yen eraas ngul, arai ejaatar ngul kede ikapun. Eyangarete kesi ngul toma komam apod ibore yen eraas ngul, arai eraas ngul luejenaara. Konye ejai ibore idiopet yenikamunit ngun, mam jo ipedori alomar Okanisa loka Edeke kopone kangol; mere kereka ediini kwana, apeleikinit eong loteni, Ekanisa lokabeit loka Edeke.----
Itunga, ejenete ibore yenekotosi kesi. Aso arai ibusakinit kes adumun nuekotosi kesi, ibusakinit bodo kes ajaut kede epone mutan loka aijililiet, ka neilesikino neka akwapin inera kotoma, kanu aisimonikin aipup kec naka akwapin. “Aijililiet naka etunganan kalo eomoomoi, aipup naka etunganan lo emasi esigala.”Ekotosi kesi araut lukediini. Eomitos kesi ebe ibusakinit kes araut lukediini, naarai ejaatar kesi kede etau. Nakiponia oni akwap na irwan nasodit, ipotu yesi kodumutu Ilugai emaete akolonga ka ice da kwangin, naarai (kanukinyo?) erai ngesi etunganan. Kilot oni abongor kotoma amagoron nuelwaka nuka Afirika, kidumuni oni lukangina emaete icebore. Kanukinyo? Eraasi kesi itunga, ido ekotosi kesi, ibusakinit aima. Aso do etunganan, mam akiro arai ibiroro ngesi biai, eringa ngesi ejeni ebe ejai ibore mutan nenice. Konye ejaatar ngesi kaipup naikoni nen kanuka akwapin, ebe mam do ngesi epedori alemun aijililiet nakabeit. Ibusakinit ngesi ajaut kaijililiet naiswamaunit ngesi elopet. Nginidiopet iswamauni epone loka aijililietekec kikulepek.
----
Koanyutu kotoma Aimario 19, akoto eong yes aisiom ngun kidoloto yesi ore, naijaunotor yesi kapak naiyatakina. Koanyutu, nakediakaria Isirael, nasodit ber apotu kesi kolemutu ataok nakarengan namam idokokinitere ajokot omurusingike. Erai ngin apolouke ebe mam ewenikinitere nges ajokot nepepe kidiobore. Ido kibusakinit ngin araut nakarengan. Eriagi ngol lokarengan erai e-e eriagi loka alucet. Ijenete kereka yesi, ejeni sayanis ebe arai kilemu jo yenikarengan kosodi angolekin kotoma nekarengan, mama ejai yenikarengan, ekwang. Kingolek kotoma nekarengan, aite nekarengan, ekwang. Eseseni Ngesi kotoma Aokot nukarengak nuka Ejakait Yesu, ido adiakanaretawok nuerengak eraunos kwape nuekwangak kwape kakako; nekarengan kotoma nekarengan. Aponi koarai ataok ngin kotoma apak nakatiibong, ido korai atukot kere naka Isirael. Ido aponi kibwaikinai acerieik akanyikaarei nuka aokot okek nekebeit atukot kere aitor elomarete; aitupuset naka Aturio Akanyikaarei nuka Ekanisa, kanuka Aokot.Kosodete konyet akekuan ayangaar kosodete aicwe. Aponi kicweikinai ngin kede imageger, nepepe ka emukule, nepepe kamoeteka, nepepe kaoret da. Nginibore kere aponi kicweikinai, nepepe. Ido kerai etunganan loelai nges kelosi amudun, ido kibusakinit aibwaikin toma aibois naelai kokinga naka atukot. Kanukangun, arai bon abu Isirael koany aitupuset! Akirot na naka Edeke mam ibusakinit kotingitete kede akanin numodok nuka amamus aiyuun. Ibusakinit korai etunganan lo elai. Ido arai elai ngol, kibusakinit bodo nges aitorun toma Aijililiet naka Edeke.
Etunganan lo elai, akanin nuelaete, ido kibusakinit aidario kotoma aibois naelai; mere aibois na emorere ka nua Yesebel, ka lua Ricky, ka nginibore kere; aimor ka iboro, kwabo kojaas ngul irimokinitosi kangor, ka ikiliok, ka iponesio kere luka asiilianut; alosit odaasin ka ipucito, ka anapit itim luetubitai, ka igoen lueuriaaka, ka nginibore ice kere, kwabo konyaraikina ikulepek bonik ebe eraas Ikristayon. Erai ngin naibusakinit kidaritete kotoma aibois na elai, ido kotingitete kede akanin nu elaete. Kosodi konyet nakediakaria Isirael, kosodete ajenun ebe iswamatos kesi akiro nueroko, kanen do abwatakinio kes ekuruon loka ataok kana, mamakec. Ido akipi nuka aitesegaario kes ngun, aitesegario kanuka adiakar.
Koanyutu. Enata kane! Ido kapak naabu Isirael, eringa kes kelomuna toma oidicane kotoma aima, kerai ber kesi aitorun toma akipi nuka aitesegaario. “Aitojokio kanuka aiyuun; ebuni kanuka aiirar, aiirar Akirot.”
Konyet do alomarete kesi toma atukot kokwap naka acerieik ngun akanyaarei, aokot, kanu aitoduun ebe abu icebore kotwana ido kebu kelingar iingarenikec, kanuka adiakarikec. Aponi kesi kotiakai kanuka aiirar Akirot, akipi nuka aitesegaario, konyet do kolomarete toma oidicane.Aibosit bon naabu Edeke kiriamunotor ketunganan kerai kau naka ainapetait kangin. Mam Ngesi tikiriamunos kangol nenice bobo. Kerai ngol abunore kau naka ainapetait kangin. Edeke eriamununos k'Isirael aiboisit adiopet bon. Ido Edeke iriamunos kajo lolo kotoma aiboisit adiopet, ido ngin nges Yesu Kristo; ido erai Ngol nges Akirot, akipi nuka aitesegaario. Ido aponi AokotoKe kobukoroi kanuka Aturio Akanyikaarei kere nuka Ekanisa. Kosodido, kanuka Emoyo Lokalaunan, kilomari oni toma oidicane ngol, loda bon einakinitai mama ejai Ekanisa. Oo, epone loeraar Ngesi loepol!
Boboda, kwana, kikoto oni angolekin Ipeson 5:26, abala, “Erai ngin ailotario kakip kanuka Akirot,” akipi nuka aitesegaario. Anyoika kereka iswamai Ngin? Apolouke bodo Aijililiet naka Edeke nges Akirot. “Akipi nuka aitesegaario, kanuka Akirot.” Aijililiet naka Edeke.
Kanukangun do, mam jo ipedori abunore toma Kristo kotoma aijililiet naka ekanisa. Mam jo ipedori abunore kanuka aijililiet naka ediini araiboot aijililiet naka aiyuunet ace mutan. Ejai Aijililiet adiopet bon, tetere jo ipedori alomar toma aibois ngin nakalaunan, erai ngin aitor toma “ailotario kakip kanuka Akirot.” Akirot naka Edeke nges Aijililiet naka etunganan lo eomoomoi.
Ekanisa etubokini jo kane arai irai jo emeeba lokajokan, araibo mam. Ijaikinete kesi jo aidaio naejokuna, ido aikiar emendera kopir-kidingikiding naitwania jo, aijukakin atukono nuepolok noi nuka atur ka-ka aswam da nginibore kere kanukon. Konye naedolunio mama ejai ekonitau atereikin ka Edeke, ibusakinit ngol kojaatar kAijar naka Ikar kere. Ido arai erai Aijar naka Ikar kere, erai ewai loka Akirot. Ido kwape AkirotoKa obe mam epedori aigir... Akakan obe mam epedori aigir akakan. Akonye obe mam epedorete aigir akakan, arai akakeju, arai ekabokorit, arai akatutubet adio kere. Mam kes epedorete aigir ngin.
Ido mam da etunganan loerai atutubet naka Akirot naka Edeke, araiboot aberu, epedori aigir atutubet adiopet naka Akirot naka Edeke. Doodo, angor, naiwomitotor yesi ebe ipedori jo ajaut ka itim luetubitai ido abunore Akonyen nuka Edeke, ibiroro jo. Ianyutu yesi ngun? Ibiroro jo; mam jo ipedori aitorun toma Aijililiet naka Edeke ne ilotarere jo kede kakipi nuka Akirot. Kosodi konyet jo alomar toma oidicane. Iwomit jo ebe irai jo, konye mam jo ipedori araut aitodol naitorunio jo toma Akirot, ido nginikemer kere naedit, Nginikirot kere naedit naka Edeke.“ ibusakinit aitorun toma aijililio ngin, abunore alomun kanen. Ido einakini ngin aipup naka etunganan lokadoliton, naarai erai ngun emoot ngesi, emoot ibore yenitalauni nges.
Akirot, Akirot naka Edeke nges Aijililiet naka etunganan lo eomoomoi, ido iswamauni Ngin aipup naka etunganan lokadoliton. Kijeni oni erai ngin nakabeit; ijililiari adiakar kere naka amamus aiyuun kinga. Emamei bobo aigir aiyuun arai kibu jo aitorun toma Aijililiet ngin, naarai erai ngin aipup naka ikeyuunan yenikabeit.
Koanyutu, mam Akirot Ngin epedori angerokin Alopet bon. Apolouke bodo isimonikinitai ngin, arai erai eipud ngol. Erai bo eipud lokinyo? Inyobo abu kijaik jo aipudakin Ngin, kanasodit ber? Naarai kwap toma otaukon kejai icokat yenikinerunitai sek yen da kerai Aijar Namam Edaun, keperi duc kotoma kanen, kejai duc toma nen. “Kere lukainaki Papa Eong epote mama aji Eong. Emamei idiopet da kangul yen eoliori.”
Aipup naka etunganan lo eomoomoi, na iiraria etunganan lo eomoomoi Akirot naka Edeke, “Iirarete aKamerekekin EporotoKa, mam etuparete elongwau,” naarai kokwap kotoma kanen ejai Aijar, ido Aijar erucokinosi kede Aijar. Adiakar erucokinosi kede adiakar, ido erai adiakar na isoswana noi kiton na eomitor ngin ebe itajarauna kwabo komam nges itajarauna. Ejai cut ngin toma aidules naka aisoswanut.
Naka oitabo...
Aijililiet naka etunganan kalo eomoomoi.
Edukone ka Elakit.
