'N Godsdienstige wêreld se filtreerder.

William Branham.

Lees die volledige rekening in...
'N denkende man se filter.

Númeri 19:9
En 'n rein man moet die as van die koei bymekaarmaak en buitekant die laer op 'n rein plek neersit, en dit moet vir die vergadering van die kinders van Israel bewaar word vir die reinigingswater: dit is 'n sondoffer.

Die onderwerp wat ek vir vanaand gebruik is: 'n Denkende Man se filtreerder. Dit klink baie radikaal as 'n onderwerp, vir 'n prediker wat so gekant is teen rook, wat 'n teks sou neem soos dit, 'n Denkende Man se filtreerder. Dit het gebeur, dat, nou die oggend toe ek uitgegaan het om eekhorinkies te jag.

As julle mense buite op die radio, die lug, of op die telefone, kon sien die uitdrukking op hierdie gemeente se gesigte toe ek my teks aangekondig het, sou julle daaroor gelag het. 'n Denkende Man Se Filtreerder.

Wel, dit het alles gebeur bo waar die Engele van die Here aan my verskyn het een oggend, en daardie eekhorinkies in ontstaan gespreek is. Almal van julle onthou toe dit plaasgevind het. En, ook, net op die top van die heuwel waar ek gestaan het, was waar... net voor die preek van die Sewe Kerkeeue, waar ek gaan jag het een môre voor daglig. Daar het gestaan... Ek het gedink die son kom op, omtrent vieruur in die oggend. Ongewoon; ek het daardie Lig gesien, en ek het omgedraai, en daar het die Sewe Goue Kandelare gestaan bo-op die heuwel, met soos 'n reënboog wat opgekom het tussen die pype en het deurgeskyn.

Onmiddellik daarna, het die Here Jesus aan ons verskyn. En net toe het ek 'n Stem gehoor wat gesê het: “Die Jehova van die Ou Testament is Jesus van die Nuwe.” En daar was Hy, na n rukkie, geopenbaar na daardie Sewe Goue Kandelare. Let op daarna. Hoeveel onthou daardie teks? Ek het dit op die agterkant van 'n geweer patrone boks geskryf wat ek in my sak gehad het. “Jehova van die Ou Testament is Jesus van die Nuwe.” God in die Hemel weet dat dit waar is.

----
Ek het gelees in die Boek van die... van Daniël, waar hy gekom het by “die Oue van Dae, Wie se hare so wit soos wol was.” Toe het ek daardie Oues van Dae gesien. Hy was daardie Oue van Dae, dieselfde gister, vandag, en vir altyd. Sien, dit was 'n simbool, toe. Hoekom die wit wol? En toe ek... Die Heilige Gees het met my gepraat oor 'n skildery wat ek eenkeer gesien het, van 'n antieke regter. Toe het ek na die geskiedenis gegaan; ek het teruggegaan in die Bybel geskiedenis en alles, om uit te vind. En die ou regters, soos die hoëpriester in Israel, hy moes daardie wit, grys wolagtige hare en baard gehad het, omdat die wit oor hom die hoogste gesag gewys het oor al die regters in Israel.

En selfs in vandag, en tot en met 'n paar honderd jaar gelede, miskien 'n paar honderd jaar gelede, of miskien nie so nie, later as dit. Al die Engelse regters, maak nie saak hoe jonk hulle was of hoe oud hulle was nie, as hulle ingegaan het vir die vonnis, het hulle 'n wit pruik gedra; en om te wys dat daar's geen ander gesag, in die koninkryk, bokant hulle woord nie. Hulle woord is die opperste van die koninkryk. Wat hulle sê, dis al wat daaraan is. En nou, toe, het ek dit gesien. Daar het Hy daar gestaan, nog 'n jong Man, maar die wit pruik op. Hy was die volle, hoogste Gesag. Hy was die Woord. En Hy het, dra die wit pruik.

Toe, later aan toe ons klaar was, en die preek, en weswaarts gegaan het, en toe die Engele van die Here daarbuite verskyn het vir die Sewe Seëls, en dit opgegaan het in die lug (wat ons die foto daarvan het hier, en oral oor die land), daar het Hy daar gestaan, steeds met die wit pruik met daardie hoogste gesag. Hy is die Hoof van die Kerk. Hy's die Hoof van die Liggaam. Daar is niks soos Hy, nêrens nie. “Hy het alle dinge Self gemaak. Hy het alle dinge vir Homself gemaak, en sonder Hom is daar niks gemaak nie.” “Hy het alle gesag in die Hemele en aarde,” en alles behoort aan Hom. “En in Hom woon die volheid van die Godheid liggaamlik.” “En die Woord was God, en het vlees geword tussen ons.” En Hy was die Een Wat die hele geheim geopenbaar het van die hele plan van verlossing, wat al die profete en wyse manne van gepraat het. Hy alleen was die Een met die pruik en hoogste gesag.

Nou, ek het gestop, bo-op die heuwel nou die oggend, het gelyk of daar 'n paar eekhorinkies was wat daarbo rondgehardloop het. En ek het gaan sit. En ek was net 'n oomblik daar, toe, die bosse by my geroer het, en 'n yslike groot kêrel met 'n dubbelloop geweer van 'n ding het uitgeloop tussen die bosse daar, ek het my amper morsdood geskrik. Ek het oorgegaan, afgesak; ek was te bang om te beweeg, bang dat hy my sou skiet. En die bosse wat beweeg, so ek het net baie stil gesit.

'n Eekhorinkie het teen die heuwel opgehardloop, en hy het met altwee lope geskiet op hom. En so het hy hom gemis, so die eekhorinkie het agter die heuwel afgegaan. Ek het gedink: “Nou sal ek wegkom, al daardie geraas weergalm. Hy het sy geweer ontlaai.” En ek het begin afgaan teen die heuwel, en die kêrel het reg voor my geskiet. Dit het my teruggedraai die kant toe. En ek het begin hier, om af te gaan op 'n ander manier, en 'n .22 geweer het afgegaan, en die koeëls het bokant my gezoem. Ek het gesê: “Ek's in 'n verskriklike plek.”

So ek het omgedraai en onder na die rivier gegaan. En ek het gedink: “Ek sal hiernatoe gaan en wegkruip totdat hulle klaar is, sodat ek kan uitkom.” En op die pad af, het ek toevallig gekyk.... My aandag was getrek om oor na my regterkant te kyk. En, soos ek het, het daar 'n leë sigaretpakkie gelê waar een van hulle dit neergegooi het, in al die hardlopery van die ... toe die eekhorinkies deur die bosse gehardloop het.

En ek het hierdie sekere sigaretpakkie opgetel, en het gekyk... Ek het dit nooit opgetel nie; verskoon my. Ek het afgekyk daarna. Ek het dit nie opgetel nie, want ek hou nie van die reuk van die goed nie, in elk geval. En ek het afgekyk daar, en dis 'n sekere tabakmaatskappy wat ek reken ek behoort nie hulle naam te noem nie, maar julle sal weet. Dit het daarop gesê: “'n Denkende man se filtreerder en 'n rokende man se smaak.”

Ek het gekyk na daardie ding, en ek het gedink: “'n Denkende man se filtreerder?” Ek het gedink: “As 'n man hoegenaamd kon dink, sou hy glad nie gerook het nie. Hoe kan dit ''n denkende man se filtreerder wees '? 'n Denkende man sou glad nie rook nie.” Reg.

----
Ek het daarna gekyk, en ek het gedink: “Dis iets soos die denominasies van vandag, die kerke wat ons het.” Elkeen van hulle het hulle eie filtreerder; hulle het hul eie tipe filtreerder. Hulle laat net inkom wat hulle wil, en nie; wat hulle in-en uitfiltreer, met hulle eie soort filtreerder. Hulle laat net soveel van die wêreld inkom om die ongelowiges te bevredig wat daar is. Hulle sal hul inneem ongeag van wat hulle is, as hulle geld het. Hulle sal hul inneem ongeag van wat hulle is, as hulle gewild is. Maar daar is een ding daaromtrent, jy kan nie so in die Kerk van God inkom nie; nie die denominasies nie, ek bedoel die ware, egte Kerk van God.

----
Die mense, hulle weet wat hulle wil hê. So as hulle moet kry wat hulle wil hê, dan moet hulle 'n sekere soort filtreerder hê, en genoeg van die wêreld daardeur laat praat, om hulle wêreldse smaak te bevredig. “'n Denkende man se filtreerder, 'n rokende man se smaak.” 'n Godsdienstige wêreld se filtreerder, en 'n wêreldse man se smaak.

Hulle wil godsdienstig wees. Hulle dink hulle moet godsdienstig wees, want hulle het 'n siel. Toe ons die eerste keer na hierdie land gekom het, het jy die Indiaan gevind wat sonne ensovoorts aanbid het, want (hoekom?) hy is 'n menslike wese. Ons gaan terug in die afgeleë oerwoude van Afrika, dan vind ons die inboorlinge aanbid iets. Waarom? Hulle is menslike wesens, en hulle wil, moet aanbid. So die mens, maak nie saak hoe ver hy geval het nie, hy weet steeds daar is iets êrens. Maar hy het so 'n smaak vir die wêreld, dat hy nie die regte filtreerder kan vat nie. Hy moet sy eie gemaakte filtreerder hê. Elkeen maak hulle eie soort filtreerder.

----
Let op in Númeri 19, ek wil hê julle moet dit lees wanneer julle huis toe gaan, wanneer julle meer tyd het. Let op, toe Israel sonde gedoen het, het hulle eers 'n rooi vers geneem wat nog nooit 'n juk op haar nek gehad het nie. Dit beteken sy was nooit die juk opgelê met iets nie.

En sy moes rooi wees. Die kleur rooi is 'n versoeningskleur. Julle weet, wetenskap weet dat as jy rooi neem en kyk deur rooi, na rooi, dan is dit wit. Kyk deur rooi, na rooi, dis wit. Hy kyk deur die rooi Bloed van die Here Jesus, en ons rooi sondes word so wit soos sneeu; rooi deur rooi. En die vers is doodgemaak in die aandtyd, by die hele vergadering van Israel. En daar is sewe strepe van haar bloed aan die deur gesmeer waar die hele vergadering moes vergader; 'n tipe van die Sewe Kerkeeue, deur die Bloed.

En dan is haar liggaam geneem en verbrand. Dit is verbrand met die hoef, met die vel, met die binnegoed, met die mis. Alles is verbrand, tesame. En dit moes deur 'n rein man opgetel word, en moes in 'n rein plek buitekant die vergadering geplaas word. Daarom, as Israel net die tipe kon sien! Hierdie Woord van God moet nie gehanteer word deur vuil hande van ongeloof nie. Dit moet 'n rein man wees. En as hy skoon is, moet hy deur God se Filtreerder kom.

'n Rein man, rein hande, en moes in 'n rein plek bewaar word; nie 'n plek waar Jesébels, en Rickies, en almal wat deelneem; neem die nagmaal en dinge, terwyl hulle rondloop met vroue, en mans, en alle soorte vieslikhede; gaan na partytjies en danse, en dra kort geknipte hare, en kortbroeke, en alles anders, en noem hulleself Christene. Dit moet in 'n rein plek bewaar word, en met rein hande hanteer word. En toe Israel gesondig het, en herken het dat hulle verkeerd gedoen het, is hulle besprinkel met as van hierdie verskalf, op hulle. En dit was die waters van skeiding, 'n reininging vir sonde.

Let op. Hier is dit! En toe Israel, voordat hulle in die broederskap kon inkom in die aanbidding, moes hulle eers deur die waters van skeiding gaan. “Regverdigmaking deur geloof; kom deur die aanhoor, aanhoor van die Woord.” Toe het hulle in die vergadering ingegaan onder daardie sewe strepe, die bloed, om te wys dat iets gesterf het en voor hulle gegaan het, vir hulle sonde. Hulle is geskei deur die aanhoor van die Woord, die waters van skeiding, toe het hulle in broederskap gegaan.

Die enigste plek waar God 'n man ontmoet het was in daardie orde. Hy sou hom nêrens anders ontmoet nie. Hy moes in daardie orde kom. God het Israel net op een plek ontmoet. En God ontmoet jou vandag op een plek, en dis in Jesus Christus; en Hy is die Woord, die waters van skeiding. En Sy Bloed is gestort vir al Sewe Kerkeeue. En dan, deur die Heilige Gees, gaan ons in daardie verhouding, wat net aan die Kerk gegee word. O, hoe groot is Hy!

Ook, nou, wil ons kyk na Éfesiërs 5:26, gesê: “Dit is die waterbad deur die Woord,” 'n waters van skeiding. Wat doen Dit? Dan, die Filtreerder van God is die Woord. Waters van skeiding: “waterbad, van skeiding, deur die Woord,” God se Filtreerder.

Dan, jy kan nie in Christus inkom deur 'n kerkfiltreerder nie. Jy kan nie deur 'n denominasionele filtreerder of 'n leerstelling filtreerder gaan nie. Daar is net een Filtreerder, dat jy in daardie heilige plek kan ingaan, dis deur “die waterbad deur die Woord.” Die Woord van God is 'n denkende man se Filtreerder.

Die kerk sal jou oordeel of jy 'n goeie lidmaat is, of nie. Hulle sal jou 'n goeie begrafnis gee, en die vlag halfmas hang by jou begrafnis, jou groot blommekranse stuur en alles vir jou doen. Maar wanneer dit kom by jou siel wat God moet trotseer, dit moet die Ewige Lewe he. En as dit 'n Ewige Lewe is, dan is dit deel van die Woord. En soos my eie woord nie kan ontken.... My eie hand kan nie my hand weier nie. My eie oë kan nie my hand weier nie, of my voet, of my toon, of enige deel van my. Hulle kan dit nie weier nie.

En nog minder kan 'n man wat deel is van die Woord van God, of 'n vrou, een deel van die Woord van God weier of ontken. Dan, vroue, as julle dink julle kan kort hare hê en in die Teenwoordigheid van God kom, jy's verkeerd. Sien julle dit? Julle is verkeerd; jy kan nie deur God se Filtreerder kom waar jy gewas word deur die water van die Woord nie. Dan gaan jy in n verhouding. Jy dink jy is, maar jy kan nie voordat jy kom deur die Woord nie, en elke klein deeltjie, elke klein Woordjie van God. “Die mens sal nie van brood alleen lewe nie, maar van elke Woord.” Dit moet deur daardie filtrasie kom, deurkom. En dit gee 'n regverdige man se smaak, want dis waarna hy soek, soek na iets om hom te reinig.

Die Woord, die Woord van God is 'n denkende man se Filtreerder, en dit maak 'n regverdige man se smaak. Ons weet dis waar; filtreer al die sonde van ongeloof uit. Daar's geen ongeloof meer as jy deur die Filtreerder kom nie, want dit is 'n ware gelowige se smaak. Die ware gelowige wil reg wees, ongeag. Hy wil nie net sê: “Wel, ek behoort in die sosiale kringe nie. Ek behoort aan die kerk, die grootste kerk in die dorp.” Ek gee nie om of dit 'n sendingstasie op die hoek is, as dit 'n bosskuiling is, iewers, 'n denkende man weet dat hy God moet ontmoet. En ongeag van wat die kerk sê, of enigiemand anders sê, hy moet op God se voorwaardes kom. En God se voorwaardes is God se Woord. “Wel,” hulle sê: “'God se Woord.'” Sekerlik, almal van hulle glo Dit is God se Woord, maar kan jy Daardeur filtreer? Hoe gaan jy 'n vrou met kort hare Daardeur laat kom? Hoe gaan jy dit doen? Hoe gaan jy 'n man daardeur laat kom wat nie opstaan vir hierdie Doktriene nie? Sien? Dit is nie 'n denkende man se smaak nie. Nee. 'n Denkende man sal dink, 'n denkende man sal twee keer dink voordat hy in so iets sal inspring.

Let op, daardie Woord kan nie Homself ontken nie. Dan is dit bevredig, of dis die begeerte. Dis 'n begeerte van wat? Wat het jou Dit laat begeer, in die eerste plek? Want onder in jou siel was daar 'n voorbestemde saad wat die Ewige Lewe was, wat altyd daarbinne gelê het, was altyd daarbinne. “Almal wat die Vader My gegee het, sal na My toe kom. Daar is nie enige van hulle wat verlore gaan nie.”

'n Denkende man se smaak, wanneer 'n denkende man die Woord van God hoor: “My skape hoor My Stem, 'n vreemdeling sal hulle nie volg nie,” want daar in is Lewe, en Lewe verbind met Lewe. Sonde verbind met sonde, en sonde is so skynheilig tot dit dink dit is gered wanneer dit nie gered is nie. Dis in die diepste van skynheiligheid.

Lees die volledige rekening in...
'N denkende man se filter.

Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het

om dit te heilig, nadat Hy dit gereinig het met die waterbad deur die woord,

sodat Hy die gemeente voor Hom kon stel, verheerlik, sonder vlek of rimpel of iets dergeliks; maar dat dit heilig en sonder gebrek sou wees.

Effesiërs 5:25-27