Ang salaan sa tawong naghunahuna.
<< kaniadto
sunod >>
Ang relihiyosong kalibutanong salaan.
William Branham.Basaha ang tibuok nga asoy sa...
Ang salaan sa tawong naghunahuna.Numeros 19:9,
Ang tawo nga mahinlo magatigum sa mga abo sa dumalaga nga vaca ug igabutang niya sa gawas sa campo sa dapit nga mahinlo, ug kana pagatipigan alang sa katilingban sa mga anak sa Israel alang sa tubig sa pagkabinulag: kini mao ang usa ka halad-tungod-sa-sala.Ang butang hilisgutan nga akong gamiton karong gabii mao “Ang Salaan sa Tawong Naghunahuna.” Kana pamation nga hilabihan alang sa usa ka butang hilisgutan alang sa usa ka ministro nga supak kaayo sa pagsigarilyo, nga mokuha ug teksto sama niana, “Ang Salaan sa Tawong Naghunahuna.”
Kini nahitabo nga sa miaging buntag sa dihang miadto ako sa pagpangayam ug eskwirel, nga... Kamong katawhan sa gawas sa- oh, sa gawas diha sa radyo- sa kahanginan- kon sa telepono kung makakita lamang sa panagway niining kongregasyon sa dihang ako nagpahibalo sa akong teksto, kamo makatawa niini: “Ang Salaan sa Tawong Naghunahuna.”
Buyno, kining tanan nahitabo diin ang mga Manulonda sa Ginoo nagpakita kanako usa ka buntag, ug ang mga eskweril nga gipamulong sa pagpatungha. Tanan kaninyo nahinumdum sa dihang nahitabo kini. Ug usab sa ibabaw sa bukid diin ako nagatindog sa wala- sa wala pa giwali ang Pito ka mga Kapanahonan sa Iglesia, miadto sa pagpangayam usa ka buntag sa wala pa ang kahayag sa adlaw, didto mibarug... Ako naghunahuna nga ang adlaw misidlak, mga ikaupat ang takna sa kabuntagon. Talagsaon, akong nakita kanang Kahayag, ug ako miliso, ug didto mibarug ang Pito ka mga Bulawan nga Kandiliro, nagatindog didto ibabaw sa tumoy sa bukid, uban sa sama usa ka balangaw nga miabut pinaagi sa mga tubo ug migula.
Diha dayon human niana, ang Ginoong Jesus mipakita kanamo, ug dayon akong nadungog ang usa ka Tingog nga nag-ingon, “Ang Jehova sa Daang Tugon mao si Jesus sa Bag-ong Tugon.” Ug didto Siya pagkataudtaud nagpadayag human niadtong Pito ka mga Bulawan nga Kandiliro. Unya matikdi kana. Pila ang nahinumdom niana nga teksto? Akong gisulat kini sa likod sa usa- sa usa ka kahon sa- sa kapsula sa bala nga anaa sa akong bulsa, “Jehova sa Daang Tugon mao si Jesus sa Bag-ong Tugon.” Ang Dios sa Langit nasayud niana nga mao ang matuod.
----
Akong nabasa diha sa Libro sa- sa Daniel, diin Siya miadto ngadto sa Tigulang sa mga Adlaw, Kinsang buhok maputi sama sa balhibo sa karnero. Unya akong nakita kanang Tigulang sa mga Adlaw; Siya mao kanang Tigulang sa mga Adlaw, ang mao sa gihapon kagahapon, karon, ug hangtud sa kahangturan. Akong nakita kini nga usa ka simbolo. Nan ngano nga puti sama sa balhibo sa karnero? Ug unya ako- ang Espiritu Santo ingon ug nakigsulti kanako mahitungod sa hulagway nga akong nakita usa ka panahon sa usa ka tigulang nga maghuhukom. Unya ako miadto sa kasaysayan; ako mibalik didto sa kasaysayan sa Biblia ug tanan sa pagsusi. Ug ang mga karaan nga maghuhukom sama sa labawng sacerdote sa Israel, siya kinahanglan magasuot nianang puti, balhibo sa karnero-sama sa buhok ug bungot, tungod kay ang puti nga iyang gisuot nagtimaan nga siya mao ang labawng awtoridad sa mga maghuhukom sa Israel. Ug bisan karon ug paubos ngadto sa mga gatusan ka mga katuigan nga milabay, tingali pipila ka mga gatusan ka mga katuigan ang milabay kon tingali dili sama niana, sa ulahi niana, tanan nga taga Inglaterra nga mga maghuhukom, bisan unsa ka batan-on sila kon unsa ka tigulang sila, sa dihang anaa sila alang sa paghukom, sila magsuot sa usa ka puti nga peluka ug- sa pagpakita nga walay laing awtoridad niana nga gingharian ibabaw sa ilang pulong. Ang ilang pulong mao kinatapusan nga hukom sa gingharian. Unsa ang ilang isulti, mao na kana ang matuman.Ug karon, unya akong nakita kana didto Siya mibarug didto, bisan niana usa ka batan-ong Tawo, apan nakasuot sa puti nga peluka. Siya ang mao ang kinatibok-an, labawng Awtoridad; Siya mao ang Pulong. Ug Siya adunay-nakasuot sa puting peluka.
Ug sa kadugayan sa dihang kita mahuman ug ang- ang wali ug miadto sa kasadpan, ug sa dihang ang mga Manolunda sa Ginoo mipakita didto alang sa Pito ka mga Timri, ug kini miadto pataas sa kahanginan (diin kita adunay hulagway niini dinhi ug palibut sa nasud), didto Siya nagatindog didto nakapeluka gihapon uban nianang labawng awtoridad. Siya mao ang Ulo sa iglesia. Siya mao ang Ulo sa Lawas. Walay sama kaniya bisan asa. Siya ang nagbuhat sa tanang butang alang sa Iyang Kaugalingon, ug kung wala siya walay butang mabuhat. Anaa Kaniya ang tanang awtoridad sa mga langit ug yuta, ug tanang butang nahisakop ngadto Kaniya. Ug diha Kaniya nagpuyo sa pagkalawas ang bug-os kinatibok-an sa pagka Dios. Ug ang Pulong mao ang Dios ug nahimong unod taliwala kanato, ug Siya ang Usa Kinsa mao ang nagpadayag sa tanang tinago sa bug-os nga plano sa kaluwasan nga ang tanang profeta ug maalamong mga tawo nagpamulong. Siya mao lamang kanang Usa nga nakapeluka ug labawng awtoridad.
Karon, ako mihunong sa ibabaw sa bukid sa miaging buntag, murag dunay sama sa mga eskweril nga nag-agian didto. Ug nagsugod ako sa paglingkod didto. Ug didto ako sa makidiyut lamang sa dihang sa mga kalibunan nakapakurat kanako ug usa ka dakung tawo nga dunay duha ka tubo nga pusil miabut nga nagalakaw gikan sa mga kalibunan didto, ug sama nga nagpakalagiw sa kahayag sa adlaw gikan kanako. Ako mibiya, nagdali ug lingkod. Nahadlok ako sa paglihok, nahadlok nga pusilon ako niya. Ug ang mga kalibunan nagalihok, busa ako nagpabilin nga naglinkod nga wala molihok.
Usa ka eskweril misugod sa pagtungas ibabaw sa bukid, ug iyang gipabuto ang duha ka tubo nga anaa kaniya ug busa... Siya wala makaigo kaniya. Ug busa ang eskweril mipaingon paubos sa bukid, ug ako naghunahuna, “Karon, ako mopahawa, tanan nianang kagahub milanog. Iyang gikuhaan ug basiyo ang iyang pusil.” Ug misugod ako sa pagkanaug sa bukid, ug ang tawo mipabuto dayon sa atubangan nako. Kini nakapaliso kanako pagbalik niining dalan, ug ako nagsugod dinhi pagpaingon sa ubos sa laing dalan, ug ang .22 nga riple nagsugod pagbuto. Ug ang mga bala naghaguros ibabaw kanako, ako miingon, “Misulti, ako ania sa makalilisang nga dapit.”
Busa ako miliso ug mipaingon paubos pinaagi sa sapa, ug ako naghunahuna, “Ako mokanaug dinhi ug motago hangtud sila mahuman aron ako makagawas.” Ug sa dalan sa ubos, nahitabo nga ako nadani... Akong pagtagad nadani sa pagtan-aw ngadto sa akong too nga kilid, ug sa nahimo nako kini, didto nahimutang ang walay sulod nga pakete sa sigarilyo, nga diin usa kanila naglabay niini sa pagdalagan sa- sa dihang ang mga eskweril nagpaingon lusot sa mga kalibunan.
Akong gitan-aw kini. Ako wala nagpunit niini, tungod kay ako dili makaangay sa baho sa butang sa sinugdanan. Ug ako mitan-aw didto, ug kini usa- usa ka kompanya sa tabako nga sa akong paghunahuna dili nako panganlan ang ilang ngalan, apan kamo nahibalo. Kini miingon didto, “Ang salaan sa tawong naghunahuna ug igtitilaw sa tawong tig sigarilyo.” Akong gitan-aw kanang butang, ug ako naghunahuna, “Ang salaan sa tawong naghunahuna? Ako naghunahuna, “Kung ang tawo makapanghunahuna ug maayo, dili gayud siya magsigarilyo. Unsaon nga kini usa ka 'salaan sa tawong naghunahuna'? Ang nagahunahuna nga tawo dili gayud magsigarilyo.” Buyno.
----
Ako mitan-aw niini, ug ako naghunahuna, “Kini usa ka butang sama sa- sa mga denominasyon karon, ang mga kasimbahanan nato.” Ang matag-usa kanila dunay ilang kaugalingong salaan; sila adunay kaugalingong matang sa salaan. Ilang tugotan kung unsa ang mosulod sa ilang gusto ug kung unsa ang dili pasudlon, unsa ang ilang salaan pasulod ug salaan pagawas sumala sa ilang kaugalingon matang nga salaan. Ilang gitugotan ang kalibutan nga mosulod aron sa pagtagbaw sa mga dili mga magtotoo nga mosulod didto. Sila ilang pasudlon bisan kung unsa man sila kung sila kwartahan. Sila ilang pasudlon bisan kung unsa man sila kung sila ilado. Apan dunay usa ka butang mahitungod niini; dili ka makasulod sa Iglesia sa Dios nga sama niana, dili ang denominasyon karon, ang akong ipasabut ang tinuod nga Iglesia sa Dios.----
Ang katawhan, sila nahibalo unsa ang ilang gusto. Busa kung ilang makuha ang ilang gusto, unya sila adunay matang sa salaan ug igo na nga ang kalibutan makasulti pinaagi sa pagpatagbaw sa ilang kalibutananon nga kahinam. “Ang salaan sa tawong naghunahuna, ang igtitilaw sa tawong nagsigarilyo- usa ka relihiyosong kalibutanong salaan, ug kahinam sa usa ka tawong kalibutanon.”Gusto sila nga mahimong relihiyoso. Sila naghunahuna nga sila kinahanglan mahimong relihiyoso, tungod kay sila dunay kalag. Sa dihang nahauna kaming miabut niining nasud, kami nakakaplag sa mga Indian nga nagasimba sa adlaw ug uban pa. Tungod kay ngano? Siya usa ka tawo. Kita moadto pagbalik sa layo nga kalasangan sa Africa; kita makakaplag sa mga lumad nga nagsimba sa usa ka butang. Ngano? Sila mga tawo, ug sila kinahanglan magasimba. Busa ang tawo, bisan unsa ka hulog siya, siya sa gihapon nahibalo nga dunay usa ka butang sa usa ka dapit, apan siya adunay kahinam alang sa kalibutan nga siya makabaton sa hustong salaan. Siya nagkinahanglan nga magbaton sa iyang kaugalingon hinimo nga salaan. Ang matag-usa nagahimo sa ilang kaugalingon nga matang sa salaan.
----
Matikdi, sa Numeros 19... (Akong gusto nga inyong basahon kini sa dihang makauli na kamo sa panimalay sa dihang duna kamoy dugang panahon.) Matikdi, sa dihang ang Israel nakasala, nahauna sila magkuha ug dumalaga nga baka nga pula, nga wala mabutangi ug yugo sa iyang liog. Kana nagkahulogan nga siya wala mayugohi ug bisan unsang butang. Ug siya kinahanglan pula. Ang bulok pula mao ang- ang halad-sapagtabon sa sala nga bulok. Nahibalo ba kamo ang syensya nahibalo nga kung magkuha ka ug pula ug moan-aw pinaagi sa pula ngadto sa pula, kini puti?Tan-aw pinaagi sa pula sa pula; kini puti. Siya nagtan-aw pinaagi sa pula nga dugo sa Ginoong Jesus ug ang atong pula nga mga sala nahimong maputi sama sa neive: pula lahos sa pula. Ug ang dumalaga nga baka pagapatyon sa panahon sa kagabhion sa tibook katilingban sa Israel, ug didto sa pultahan ibutang ang pito ka mga budlis sa iyang dugo diin ang tibook katilingban magasulod: usa ka tipo sa Pito ka mga Kapanahonan sa Iglesia pinaagi sa Dugo.
Ug unya ang iyang lawas pagakuhaon ug pagasunogon. Kini pagasunogon uban sa koko, uban sa panit, uban sa mga tinae, uban sa tae. Tanang butang pagasunogon pagdungan, ug kini pagakuhaon pinaagi sa usa ka mahinlo nga tawo ug kinahanglan ibutang sa usa ka mahinlo nga dapit gawas sa katilingban. Tungod niana, kung ang Israel makakita lamang sa tipo, kining Pulong sa Dios kinahanglan dili pagagunitan sa mahugawng mga kamot sa pagkadili matinoohon. Kinahanglan usa ka tawo nga mahinlo, ug kung siya mahinlo, siya kinahanglan moagi sa Salaan sa Dios. Usa ka mahinlo nga tawo, mahinlo nga mga kamot, ug kini kinahanglan ibutang sa mahinlo nga dapit, dili usa ka dapit diin ang mga Jezabel, ug mga Ricky, ug tanang butang magambit, mag-ambit sa Panihapon sa Ginoo ug mga butang, nga sila nakig-ipon sa mga asawa, ug mga bana, ug tanang matang sa kahugaw, moadto sa mga sayawan ug mga salo-salo, ug magpaputol ug buhok ug magsuot ug mga short, ug tanang butang pa, ug magtawag sa ilang kaugalingon nga mga Cristohanon. Kini ibutang sa usa ka mahinlo nga dapit ug pagagunitan sa mahinlo nga mga kamot.
Ug unya sa diha ang Israel nakasala ug nakaamgo nga sila nakabuhat ug sayup, sila pagawisikan ug abo niining dumalaga nga baka sa ibabaw kanila, ug mao kana ang tubig sa pagkabinulag, ang paghinlo alang sa sala.
Matikdi, dinhi mao kini. Ug sa diha ang Israel, sa dili pa sila moadto sa paginambitay diha sa pagsimba, kinahanglan moagi una sila sa tubig sa pagkabinulag- pagkamatarong pinaagi... Ang pagtoo moabut pinaagi sa pagpatalinghug, pagpatalinghug sa Pulong. Unya sila makasulod ngadto sa katilingban ilalum niadtong pito ka mga budlis, ang dugo, sa pagpakita nga dunay namatay ug miuna kanila alang sa ilang sala. Sila gibulag pinaagi sa pagpatalinghug sa Pulong, ang mga Tubig sa pagkabinulag, ug unya makasulod ngadto sa pakig-inambitay.
Ang bugtong dapit nga ang Dios makigtagbo sa tawo mao sa luyo nianang paagi. Siya dili makigtagbo kaniya sa bisan asa pa. Kinahanglan siya moanha nianang paagi. Ang Dios makigtagbo lamang sa Israel sa usa ka dapit. Ug ang Dios makigtagbo lamang kanimo sa usa ka dapit, ug kana mao kang Jesu-Cristo. Ug Siya mao ang Pulong, ang mga Tubig sa pagkabinulag. Ug ang Iyang Dugo giula alang sa tanang Pito ka mga Kapanahonan sa Iglesia, ug unya pinaagi sa Espiritu Santo kita makasulod ngadto nianang pakig-ambitay, nga gihatag lamang ngadto sa iglesia. Oh, unsa ka daku Siya.
Usab karon, atong tan-awon ang Mga Taga-Efeso 5:26. Miingon kini mao ang paghugas sa tubig pinaagi sa Pulong, ang mga Tubig sa pagkabinulag. Unsay gibuhat niini? Nan ang Salaan sa Dios mao ang Pulong. Mga Tubig sa pagkabinulag- paghugas sa mga tubig sa pagkabinulag pinaagi sa Pulong, ang Salaan sa Dios.
Nan dili ka makaduol kang Cristo pinaagi sa usa ka salaan sa simbahan. Dili ka makaduol pinaagi sa usa ka denominasyonal nga salaan kon kredo nga salaan. Adunay usa lamang ka Salaan nga ikaw makasulod ngadto nianang balaan nga dapit; kana pinaagi sa paghugas sa tubig pinaagi sa Pulong. Ang Pulong sa Dios mao ang Salaan sa tawong naghunahuna.
Ang iglesia maghukom kaninyo dinhi kung ikaw maayong membro kon dili. Sila maghatag kaninyo ug maayong lubong ug ibutang ang bandila sa tunga sa palo sa imong kamatayon, magpadala ug mga girnalda sa mga bulak, ug- ug magbuhat sa tanang butang alang kanimo, apan sa dihang kini moadto sa imong kalag pag-atubang sa Dios, kini kinahanglan dunay Kinabuhing Dayon. Ug kung kini Kinabuhing Dayon, kini bahin sa Pulong. Ug ingon sa akong kaugalingong pulong dili makalimod- akong kaugalingong kamot dili makalimod sa akong kamot... Akong kaugalingong mata dili makalimod sa akong kamot, kon akong tiil, kon akong tudlo sa tiil, kon sa bisan unsang bahin kanako. Sila dili makalimod niini, ug walay usa nga lalake nga bahin sa Pulong sa Dios, kon usa ka babaye, makalimod sa usa ka bahin sa Pulong sa Dios.
Nan, babaye, sa dihang ikaw maghunahuna nga ikaw makahimo sa pagputol sa imong buhok ug moduol sa Presensya sa Dios, ikaw nasayup. Nakita nimo kini? Ikaw nasayup. Dili ikaw makaduol pinaagi sa Salaan sa Dios diin ikaw mahugasan pinaagi sa tubig sa Pulong. Unya ikaw makasulod ngadto sa pakig-ambitay. Ikaw naghunahuna nga ikaw makahimo, apan dili ikaw makahimo hangtud makaduol pinaagi sa Pulong. Ug matag gagmayng marka, matag gagmayng Pulong sa Dios... “Ang tawo dili mabuhi sa tinapay lamang kondili pinaagi sa matag Pulong.” Kini kinahanglan moagi nianang salaan, makalusot. Ug kana makahatag sa kahinam sa tawong matarung, tungod kay mao kana ang iyang gipangita, nagapangita sa usa ka butang aron maghinlo kaniya.
Ang Pulong, ang Pulong sa Dios mao ang Salaan sa tawong naghunahuna, ug Kini makahimo sa kahinam sa tawong matarung. Kita nasayud nga kana tinuod. Magsala sa tanang sala sa pagkadili matinoohon pagawas, wala nay pagkadili matinoohon sa dihang ikaw moagi sa Salaan, tungod kay mao kini ang kahinam sa tinuod nga magtotoo.
Ang tinuod nga magtotoo gusto nga mahimong husto sa walay sapayan unsay mosangpot. Dili lamang siya gusto nga mosulti, “Buyno, ako sakop sa kapunongan nga hamili. Ako sakop sa simbahan, ang pinakadaku nga simbahan sa lungsod.” Dili ako manumbaling kung kini usa ka misyon sa daplin, usa ka daklit nga dapit tagoanan sa usa ka dapit, ang tawong naghunahuna nahibalo nga kinahanglan makigtagbo siya sa Dios. Ug bisan kung unsay ikasulti sa simbahan kon bisan kinsay mosulti, kinahanglan mosunod siya sa paagi sa Dios. Ug ang paagi sa Dios mao ang Pulong sa Dios.
“Buyno,” sila moingon, “Pulong sa Dios...” Segurado, tanan kanila motoo nga Kini Pulong sa Dios, apan makaagi ka ba sa salaan Niini? Unsaon nimo sa patugot sa babayeng putol ug buhok sa pagsulod pinaagi didto? Unsaon nimo sa pagbuhat niana? Unsaon nimo sa pagtugot sa usa ka lalake moagi didto nga gusto magpabilin alang niining doktrina? Nakita ninyo? Kini dili kahinam sa naghunahuna nga tawo. Dili. Ang tawong naghunahuna maghunahuna- ang tawong naghunahuna maghunahuna makaduha ka beses sa dili pa siya moambak ngadto sa usa ka butang nga sama niana.
Matikdi kanang Pulong dili magapanghimakak sa Iyang kaugalingon. Nan kini natagbaw- kon mao kini ang pangandoy. Kini pangandoy sa unsa? Unsay nakapahimo kanimo nga mangandoy Niini sa nahaunang dapit? Tungod kay sa sulod sa imong kasingkasing adunay gipili nang daan nga binhi nga mao ang kinabuhing dayon sa kanunay napahiluna sa sulod didto- sa kanunay anaa sa sulod didto. “Ang tanan nga gitugyan sa Amahan nganhi Kanako moanhi Kanako. Walay bisan usa kanila nga mawala.”
“Ang kahinam sa tawong naghunahuna...” Sa dihang ang tawong naghunahuna makapatalinghug sa Pulong sa Dios, “Ang Akong karnero magpatalinghug sa Akong Tingog, sa dumoloong dili sila magasunod,” kay sa sulod didto adunay Kinabuhi, ug ang kinabuhi magadugtong sa Kinabuhi. Ang sala magadugtong sa sala, ug ang sala magpakaaron-ingnon kaayo hangtud kini maghunahuna nga kini naluwas sa dihang kini wala naluwas. Kini anaa sa pinakalawom nga pagpakaaron-ingnon.
Basaha ang tibuok nga asoy sa...
Ang salaan sa tawong naghunahuna.
Kaminyoon ug
