Haba Gét.
Allah geugaséh gata.
Yahya 3:16 Sabab Po teu Allah lumpah that geugaséh keu manusia lam donya nyoe, nyang kheueh Gobnyan geubri Aneuëk Gobnyan nyang tunggai, mangat tieb-tieb ureuëng nyang meuiman ubak Gobnyan hana binasa, teuma meuteumé udeb seujati dan keukai.
Banmandum manusia meudesya.
Roma 3:10 Hana meusidroe ureuëng pi nyang beutôi.
Roma 3:23 Mandum ureuëng ka meudesya dan jiôh nibak Po teu Allah nyang keuneuk peuseulamat awaknyan.
Isa na kheueh bubiri Allah nyang samporeuna.
Yahya 1:29 Óh singoh beungoh nyan, Yahya geukalon Isa geujak bak gobnyan. Laju geupeugah lé Nabi Yahya, "Ngieng, nyan kheueh Aneuëk Bubiri Allah nyang sampôh desya donya.
Yahya 1:36 Watée jikalon Isa lewat disinan, laju jipeugah, “Ngieng! Nyan kheueh Aneuëk Bubiri Allah.”
Almaseh maté keu desya donya.
1 Yahya 2:2 Meulalu Isa Almaseh nyan kheueh desya-desya tanyoe teupeuamphon. Dan kon desya-desya tanyoe mantong, meunan cit desya banmandum umat manusia.
Galatia 1:4 Taát ubak keuheundak Allah Bapak geutanyoe, Almaseh geupeujok droe Gobnyan jeuet keu keureubeuen keubanmandum desya-desya tanyoe, mangat tanyoe geupeu seulamat nibak jamén nyang jeuhet nyoe.
Gobnyan geupeubeudôh nibak maté sibagoe bukeuti bahwa Gobnyan hase geupeu amphon desya-desya.
Roma 10:9 Sabab meunyoe Gata tapeubeuna ngon babah gata bahwa "Isa nyan Tuhan", dan Gata peucaya lam até teuh bahwa Allah ka geupeu udeb Isa nibak maté, ngon lagée nyan Gata teuma seulamat.
Roma 6:9 Sabab tanyoe tateupeue bahwa Almaseh ka geupeu udeb nibak maté dan Gobnyan hana teuma maté le; maté hana meukuasa le ateueh droe Gobnyan.
Kisah Rasui-Rasui 4:10 Biet that, teungku-teungku banmandum harôh tateupeue dan banmandum bansa Israel pih harôh jiteupeue bahwa ureuëng nyoe jidong bak saát nyoe ngon badan nyang seuhat dikeue teungku-teungku, sabab teunaga dan keukuasaan nibak Isa ureuëng Nazaret nyan. Teungku-teungku ka neusaleb Isa nyan, teuma Po teu Allah ka geupeu udeb lom Gobnyan.
Tanyoe haroih tapeucaya dan ta teurimong kurban Gobnyan.
Kisah Rasui-Rasui 16:31 Paulus dan Silas geujaweueb, “Peucaya kheueh ubak Tuhan Isa! Gata teuma seulamat -- gata dan mandum ureuëng nyang na lam rumoh gata!”
Kisah Rasui-Rasui 15:11 Dilikot nibak nyan, geutanyoe ta meuiman dan tanyoe geupeu seulamat sabab geunaséh Tuhan Isa; meunan cit ngon awaknyan.
Peuamphon desya na ateueh Nan Gobnyan (Baptisan Ie.)
Kisah Rasui-Rasui 2:38 Geujaweueb lé Petrus, "Meutobat kheueh nibak desya-desya gata. Dan bah kheueh gata maséng-maséng teupumanö ateueh nan Isa, mangat mandum desya-desya gata teupeue amphon. Teuma gata mandum tateurimong Roh Allah nibak Po teu Allah.
Lakée kheueh ubak Gobnyan mangat Gobnyan teuka dan geujalani udeb Gobnyan lam gata.
Roma 8:11 Meunyoe Roh Allah, nyang peu-udeb Almaseh nibak maté, udeb lam tuboh gata, teuma Gobnyan nyang peu-udeb Almaseh nibak maté nyan, teuma geupeu udeb teuma tuboh gata nyang hase maté nyan. Gobnyan geupeubuet nyan ngon Roh Gobnyan nyang udeb lam tuboh gata.
“Nyang kheueh sabab jih mandum ureuëng Israel harôh jiteupeue that bahwa Isa nyang gata saleb nyan, Isa nyan cit teuma nyang ka geupeujeuet lé Po teu Allah jeuet keu Tuhan dan Raja Peuseulamat!”
Watée awaknyan mandum jideungoe hai nyan, até awaknyan gundah lumpah na. Laju awaknyan jitanyong bak Petrus dan rasui-rasui nyang laén, “Syedara-syedara mandum, peue nyang harôh kamoe peubuet?”
Geujaweueb lé Petrus, “Meutobat kheueh nibak desya-desya gata. Dan bah kheueh gata maséng-maséng teupumanö ateueh nan Isa, mangat mandum desya-desya gata teupeue amphon. Teuma gata mandum tateurimong Roh Allah nibak Po teu Allah.
Sabab nyang geupeu janji lé Allah nyan na kheueh keu gata dan keuturonan gata meunan cit keu ureuëng-ureuëng nyang na bak teumpat-teumpat nyang jiôh -- na kheueh mandum ureuëng nyang geutawök lé Allah.”
Kisah Rasui-Rasui 2:36-39
Kuot...
Jinoenyoe, Paulus geupeugah, watee ureueng seumah nyan teuka dan jiba nyang ubit-ubit... Meunyo jihnyan jipeubuet salah, jihnyan teuka ngon aneuëk bubiri ubit nyoe. Jinoenyoe, imeum agong geukaloen, imeum geupeubuet, geukalon hana sapeue nyang salah bak aneuek bubiri nyan, geupareksa, geukaloen peu kheueh ka jroh; dan meunyo ok, óh lheueh nyan aneuëk bubiri nyang ubit nyan laju geukeubah ateueh miseubah. Dan disinoë teuka ureuëng nyang ka jipeubuet jeuhet; kheun gobnyan, “Jinoe, ulôn ka lôn ceumeucue.” Dan jinoenyoe ulôn teupeue bahwa ulôn harôh teuhuköm maté, sabab ulôn ka lôn peubuet nyang salah. Allah hana geutem ulôn ceumeucue; Peurintah Gobnyan geupeugah bek.
Jinoenyoe, ulôn keuneuk peuduek jaroe ulôn ateueh aneuk bubiri ubit nyoe. Dan peurintah Po teu Allah disinoe geupeugah, ‘Bék gata ceumeucue,’ dan ulôn ceumeucue. Jadi lon... lon teupeu lon tundok keu mate. Na nyang harôh geujaweuëb desya ulôn, sabab ulôn cu. Dan Po teu Allah geupeugah bak uroe ulôn pajoh boh kayée nyan, bak uroe nyan kheueh ulôn maté. Jadi lon cu. Dan Allah geupeugah, ‘Gata tacok, gata harôh maté sabab nyan.’
Jadi Gobnyan geulakée meunyoe ulôn hana lôntem maté, ulôn harôh lôn ba aneuek bubiri nyan. Jadi ulôn peuduek aneuëk bubiri nyan disinoe; Lon boh jaroe lon ateueh ulee aneuk bubiri ubit nyoe, dan jihnyan mantong jimeu-ulang-ulang dan jimoe-moe. Dan ulôn peugah, ‘Tuhan Po teu Allah, ulôn meu’ah sabab ulôn cu. Lon meungaku dan meujanji keu Droeneueh hana lon cu le meunyo Droeneueh neuteurimong mantong lon jinoe. Dan keu kurban ulôn, dan keu maté ulôn, aneuëk bubiri ubit nyoe teuma maté keu gantoe ulôn.
Diterjemahkan dari...
Law or Grace (1954) - William Branham.
Meunyo droeneuh kon ureung Kristen, halaman nyoe iy geupeugah Injil keu gata deungon sederhana.
Meunyoe droeneuh ureueng Kristen tapi gohlom neubaptis lam nan Tuhan Isa Almaseh, halaman nyoe keu droeneuh.
Meunyoe droeneuh ureueng Kristen dan ka neubaptis lam baptisan kristen, droeneuh jeuet neutunyok ureueng-ureueng ubak laman nyoe nyang droeneuh teungoh neusaksi.
Kamoe ka kamoe cuba peugot pesan nyoe sederhana mungken.
Berkat Kristen,
Charles Wilson - Peudong.
dan panitia, kementerian BNL.
Klik bak saboh gamba untuk neu download gamba ukuran lengkap atawa PDF.
William Branham Life Story. (PDF Inggreh) |
How the Angel came to me. (PDF Inggreh) |
Chapter 13 - God is Light. (PDF Inggreh) |
Chapter 9 - The Third Pull (PDF Inggreh) |
As the Eagle Stireth her nest. (PDF Inggreh) |
Chapter 14 - Sabino Canyon (PDF Inggreh) |
Sirs, is this the time? (PDF Inggreh) Gunong Matahari Terbenam. Dipat leumah Awan nyan. |
Chapter 11 The Cloud (PDF Inggreh) |
