Modimo wa go rata.

Johane 3:16-17, 16 Gonne Modimo o ratile lefatshe mo go kalokalo, wa ntsha Morwa one yo o tsetsweng a le esi, gore le fa e le mang yo o dumelang mo go ene a se ka a nyelela, mme a bone botshelo jo bo sa khutleng.
17 Gonne Modimo ga o a ka wa roma Morwa one mo lefatsheng go sekisa lefatshe, mme e le gore lefatshe le bolokwe ka ene.

Batho botlhe ke baleofi.

Baroma 3:10 ...Ga go ope yo o siameng, le fa e le yo mongwe fela;
Baroma 3:23 Gonne botlhe ba leofile, ba tlhaetse kgalaletso ya Modimo;

Jesu e ne e le kwana ya Modimo e e itekanetseng.

Johane 1:29 Ya re ka moso a bona Jesu a tla kwa go ene, mme a re: “Bonang, Kwana wa Modimo, yo o tlosang boleo jwa lefatshe!
Johane 1:36 mme a leba Jesu jaaka a tsamaya, mme a re: “Bonang, Kwana wa Modimo!”

O swetse dibe tsa lefatshe.

1 Johane 2:2 Ke ene seletlanyo se se ntsheditsweng dibe tsa rona; e be e se sa tsona rona tsosi fela, mme le gone e le sa tsa lefatshe lotlhe.
Bagalatia 1:4 yo o intsheditseng dibe tsa rona, gore a re golole mo metlheng eno e e bosula, ka fa go rateng ga Modimo le Rara wa rona.

O tsositse mo baswing go supa gore o ne a ka itshwarela maleo.

Baroma 10:9 la go re: Fa o tlaa ipolela ka molomo fa Jesu e le Morena, o ba o dumela mo pelong ya gago fa Modimo o mo tsositse mo losong, o tlaa bolokwa.
Baroma 6:9 ka re itse gore, ka Keresete a tsositswe mo losong, ga a tlhole a swa gope; loso ga lo tlhole lo na le taolo mo go ene.
Ditiro 4:10 a go itsiwe ke lona lotlhe le batho botlhe ba Iseraele, fa e le ka leina la ga Jesu Keresete wa Nasaretha, yo lo mmapotseng, yo Modimo o mo tsositseng mo losong; ka re, monna yo, o eme fa, fa pele ga lona a fodile, e le ka ene.

Re tshwanetse go dumela le go amogela setlhabelo sa Gagwe.

Ditiro 16:31 Ba re: “Dumela mo go Morena Jesu, mme o tlaa bolokwa, wena le ba ntlo ya gago.”
Ditiro 15:11 Re a dumela fa re tlaa bolokwa ka tshegofatso ya Morena Jesu, fela jaaka bone.”

Tshwarelo ya dibe e ka Leina la Gagwe.
(Kolobetso Metsi.)

Ditiro 2:38 Petere a ba raya a re: “Ikwatlhaeng, mongwe le mongwe wa lona a kolobelediwe boitshwarelo jwa dibe tsa lona, mo ineng la ga Jesu Keresete; mme lo tlaa amogela neo ya Mowa o o Boitshepo.

Mo kope gore a tle go tshela botshelo jwa gagwe mo go wena.

Baroma 8:11 Fa Mowa wa one o o tsositseng Jesu mo baswing, o agile mo go lona, one o o tsositseng Keresete Jesu mo baswing, o tlaa rudisa le yone mebele ya lona e e nang le go swa, ka Mowa wa one o o agileng mo go lona.

Nopolo...

Tlhagiso ya Modimo.

Tshenolo 2:5,
“Ke gone, a ko o gakologelwe kwa e rileng o wa wa bo o tswa teng, mme o ikwatlhaye, o dire ditiro tsa ntlha; fa go sa nna jalo, ke tlaa ya koo go wena, ke tlosa setlhomo sa gago sa lobone mo bonnong jwa sone, fa o sa ikwatlhaye.”

Modimo o ba bolelela gore ba GAKOLOGELWE. Go supagala gore gona le sengwe se se duleng mo ditlhaloganyong tsa bone. Ba setse ba lebetse sengwe. O ne a ba laela gore ba dire gore megopolo ya bone e retologele ko morago kwa tshimologong. Tshimologo ya paka ya ntlha e ne e le Pentekosete. Ba ne ba setse ba ole gotswa mo go yone. Bane ba setse ba lebetse kgalalelo le boitumelo ja yone. Ene e le nako ya go boela morago mo mogopolong le mo boammaruring. Ko morago fa ba neng ba kgona gore, “Mo go nna go tshela ke Keresete.” Ko morago kwa bophepeng fa Ananias le Sapphira ba neng ga fetswa ka bone. Kwa morago kwa Kgorong e e neng e bidiwa Gate Beautiful. Oo, go lekgobo jang go fapoga go tswa mo Modimong le a lekgobo, le tebego ya tseo ditiro tseo tse di leswafatsang Leina la Gagwe. A botlhe ba ba bolelalang Leina la Gagwe ba tswe mo sebeng mme ba ipabalele ka gonna phepa jaaka didirisiwa tsa Modimo. Itebelele gore o ne ole mo pelong ya gagwo, le mogopolo, le le mo botshelong ja gago. Mme o boele morago ko go seo.

Mme tsela ya poelo morago ke eng? Tsela ke tsela ya boikwatlhao. Ga moleufi a tshwanelwa ke go tla ko Modimong ka tsela ya boikotlhao jalo mokgelogi o tla tshwanelwa ke go ikotlhaya fela thata. Ikwatlhaeng! Tsisang maungo aa supang boikotlhao. Go supeng ka botshelo ja lona. “Ga o sa ikotlhae,” Modimo a re, “Ke tla tosa tlhomo ya lebone ya lona.” Ka nnete. Kereke e e mo seemong se sentseng jalo ga e kake ya sedifatsa lefatshelo. Lesedi la yone le fetogile go nna lefifi. Modimo o tla tsaya morongwa le badisa ba ba boikanyego ba Gagwe, mme a ba tlogele ba le nosi, mme ba tla tswelela ba bua ka Bokeresete mme ba nne khutso mo go bone.

Buisa molaetsa...
Kereke ya Paka ya Baefeso. - William Branham.