Ekinyomit ngolo ka aoliyor.
<< prev
next >>
Etepi akiru neni angulu iyokino ka ngulu ngiyokino.
William Branham.Tosiomete alo akirot...
Ekinyomit ngolo ka aoliyor.Kelunyar ngikaru ngiare ayakaunun ayong elipi anaturukan. Ka ongoryaner anaturukan, apei songakinet akolong abu ayong oloma kinga, atingit ekabaibul tokut ekuwam topuko ebaibul ngiburaniae 6: ebala ebe alorwa angulu esidiok, ikokini iwon ai erae kikiyesik akiyokino ido obongosi nabo nakiro nguna ka akiki, emam nabo amuronot ace anguna ka aceit, nai keruput ngikukwa ka edoon anen eruworosi ngimanikorin ngul ngicario ngulu eapi akuj akicen ka icunyario ka akim; akwap ngina atep akiru kiturup ngidyas, anikeruput ngikwa ka ngisugur ilamio ka tongero nait ecunakinio ngimomwa. Abu otamu, ejok, erae ekuwam akutuni tonga. “Ee abu ewak ebaibul kwap nabo.” Ka otamak, nait buniekuwam topukori. Kitiyakin ngakiro ngun ngarwa ngauni. Otamuni otema egelana iboreen.
Ani anyouni ayong, otamak, “Ekapolon, kanukiro ingarya iyong ebaibul ngol angunukang akisiom, ani alosi ayong, neni irworo ngikukwa ka ngisugur, ngulu engeryo ngulu erae esal kec akicunya”? “otema, kanukiro, ingarya iyong ekitabo angunukang kama?” etekinga ngiwaitin daadang.
Nai ngaanyuneta nguna akire epote emam tari adio dokyatait. Erai Akuj. Taanyu? abu oaany akwap elunyar alongaren kang, ka abu engolek elulung. Ayei nen etungan ngolo anapit nganapito nguna akwangak kia, alosi toyee ngikinyom. Abu tolot kirimo akwap daadang; bu etunganan, ngolo arono, tonapite nganapito nguna kirionok, toyek etirwae lokinyom daadang. Tolomut daadang kaapei. Ani epolounete tonyam akure, anerae eitanito akiru. Abi elipi nginice ka akekou nginaci eriit, Ekapolon kiyaku akiru, kiyaku akiru. “Buni edou ngolo apolon kidiama, kilim akiru neni kec daadang. Toporunete ngikinyom kidiama ebasi “Epuro Ekapolon! Epuro Ekapolon.!”
Aponi kijulunae anyunet. Etepi akiru neni angulu iyokino ka ngulu ngiyokino. Ekuwam lopei ngol edoikini nakiryamun, elakarosi ngitunga daadang kan inges: ngulu ke esoswae, ngikiristo, ka daadang. Iyokino. Nait nyo ibore ngin? Anguna angaraito kec eyenunio ikes. taany epite ngol bon eyenunere. Taany tokona, epite ngolo isicanyata nginya ngulu ka ariyet ngimomwa ikwanikin tomodikis tar nguluseuna. Atami ikiyari iwon ananyamet angina kaapak angina itana tolimonokinaeka kitatamae ngakiro nu.
Kingolik altoma ekek 41 ikwanikin lu ngulu yarei,ikwanikin alorwa angulu esidiok tarngina nyitiyakinya idio, nyepedori agwangakin lokanisa edio ikotere etyakari ikes, ebala, ngulu methodist, kori, baptis kori ngulu a PAG, etyakari ikess. Ebala ebe iyakiyari inges ekemalaika atyakar ikes. “Ebunit emalika ayaun atyeka”, akityak nguna ajokak ka nguna aronok. Emam itunganan ngini epedori akitiya ngun, atyakun nguna ajokak aneni anguna aronok. Mam itunganan epedori akitiya ngun nait mati emalaika ke kapolon. Inges elimori nguna iyokino ka nguna nyiyokina. Mam itunganan ngini epedori akitiya ngakiro ngun mati emalaika Ekapolon. Inges elosi alimor nguna ajuak ka nguna aronok. Ebala AKUJ ebe iyakuni inges ngimalaikan keng ngapakio nguna esidiok. Taany ngimalaikan ane, nait apaki ngina kaaosia, ecunakinete kaapei. Ikiyeni ebe erai na apaki ngina eponere akilem. Nai emalaika ilocunitoi inges erae “ekiakitono.” ka ikiyeni ebe eya ngimalaikan ngikanikarei ngulu angikanisae angikanikarei, nai ikiyeni ananyameta angikanisae.
Taany atangae bo abala inges erae ngikayak ka nyobo erae ekinyomit. Epei, Inges arae ekayan, lokoku ka AKUJ, ngolo abu tolot ayere ngikinyom. Buni emoit alokaku keng, ngolo arae ekaronon, toyek ekinyomit ngolo egelana, ekaku kedaun aekin ekinyomit ngolo iyokino. Nai, ngikonei, itiyasi ngun angina nyamet ameun akisiakinet akwap. Kire. Ageun anakisiakinet, ageunete ngakiro ngun ikwangina.
----
Aponi isua tanyunae ebe ekayan ngolo ekingaren ngolo ke ekinyomit angolo ka aoliyor amacaritae “ekaronon”, ka ikiyeni lotoma Ageun 1. Ka ikiyanyu iwon atemar ane alokitabo a Matayo, 13, Yesu daang elope emacarit adio oliyor anakirot keng “erae ekaronon.” Alokaru 1956,idiobore ngini aye aoliyor, ngini itepegit akirot ka Akuj ngina igiritae kori kiwak akilocet ace ngina egelana toma. Erae ekinyomit ngolo ka aoliyor. Mam ngekeri Akuj inges ngepedori. Akinyalakin. ka ngepedori. Ikwan ka ecokit ngolo ke ebobore. 'nginyalakin ka idiobore ngini egelana, ngipedori iyong akisiyon inges, ebeit torae ibore ngini akire. Ekinyomit ngolo ka aoliyor!Ikingolik iwon .ngina ayekinia Akuj ekekinyomit lomanikor ke eden, ikipotu oanyutu ebe abu kitolom Abel. Nai ngina ayekinia satan ekekinyomit ngolo ka ayoliyor, abu kitolom Kain. Abu epei kitolom ekinyomit ngolo iyokino; kitolom ngoloce ekinyomit ngolo nyiyokino. Anerae abu kawa kiira akirot ngina ka ayoliyor., itepegit akirot ka Akuj, ka togeuni epira ngolo ka akisec anen, ka erim ageun nginapei. ka emae idiotunganan ngini elomuni kinga mati kepotu ngimalaikan akitiak ngakiro. Ka eyai Akuj ngikedwe napukan keng, ka icunyario etirwai. Kipim ngaten ngunayarei ngun.
Kingolik, apotu ngikinyom lu topolout daadang ka apei ikwangina alimunitor Akuj alootoma Matayo ekek ngitomonangiuni, neni erae akou ka akirot yok akolongit na, “Kimyekisi ikes topolout daadang ka apei.” Tokona, abu kain tolot nakwap ngina a Nod, toriam akeberu, ka kiit inges; ka aponi taarae Abel, ka abu Akuj kitopolou Set kilunyok nakibois keng. Apotu nganyameta kisiakis alosit ngaren, kiding ajokis ka aronis. Nait, aponi iwon kingolikinae ebe apotu ngitunga togeut acunanakin, angipeipei anapaki paka napaki, ka abu Akuj taany aronis kec paka ngina amunyaria.
Nait ngina esidion apotu daadang ngikinyom ngul topolout, ekinyomit ngolo ka ayoliyor ka ekinyomit ngolo ka Akuj, kitolomut daadang ngakes angolo kabila, ikiyanyuni iwon nu aneni a Yuda iskariot ka aneni a Yesu Kristo. Anerai arae inges ekinyomit ngolo ka Akuj, arae inges akisiakinet ngolo ka asubio ka Akuj, pa arae inges idiobore adepar Akuj. Ka arae Yuda iskariot ekinyomit ngolo ka ayoliyor, abuni anakibois angikatwak, abu tobongo nakibois angikatwak. Arae Yesu Kristo lokoku ka Akuj, akirot ka Akuj isilereunio. Yuda Iskariot, anaoliyor keng, arae ekinyomit ngolo ke ekaronon, abu bu nakwap anguna ka amodiyo; lopite ngolo ayakar anakisiakinet, Kain, ngolo paaran arae papa keng.
Abolyar Yuda ekanisa mam pa ekinyoma inges. Amamukatar anupit; pakelukinit Yusu, nait, kingolik, abu toyek ekinyomit ngolo ka aoliyor. Abala kori ikikoneun kaakwap, ngulu ngenupito, ka akikoneun ka yesu, nait aris apaki adaun inges akitiyakin idiobore. Nginaabunio esa ngolo ka atwanare, ngina etiyainges ibore nginiaronon, abu tolunyar aloderes angolo etyakatyakaere kiding alosit ngaren ka abongor kau. Abu tolot alotooma erot ngolo abu inges tomek, ikwa ekalyokon. Abu toyek ekinyomit ngolo ka ayoliyor, abu kikatak ariamun akijiokio anariongeta anguna apolok alorwa angul, alo Parisayon ka ngisadukayon. Tobala kori ariamuni ngidisilinga, ka araun ngolo yenen alotunga. Erae pakepedorete ngun ainakin ngitunga ngulu alalak Alomar nayoliyor ngin, ikatakinit ariamun akitojiokio aneni aitunganan! Oriamutu akitojiokio ka Akuj, mere aneni itunganan. Nait arae ngun nguna abu Yuda kitiya apaki ngina arikoria ayoliyor inges.
Ka ikiyeni iwon atemar erae Yesu akirot, ekakwang Yoana ekek epei, ebala, “Anageunet ayai Akirot, ka Akirot arukito ka Akuj, arae Akirot akuj. Abu Akirot tonap akuwan kiboikin kiding yok.” Angun, erae Akirot ekinyomit, angun abu ekinyomit tonap akuwan ka kiboikin kiding yok.
Kerae Yuda ekinyomit ngolo ke emoit ka ayoliyor, erauni akuwan ka kibikin kiding yok alotooma etunganene ngolo a Yuda. Amamukatar inges kire, kire anupit. Ayakatar inges ibore ngini atami inges atemar erae anupit. Eyai ayakau ka anupit; ka akitusubuna ekanupan.
Anupit ngina akire ngina ka Akuj enupi Akuj, ka erae akuj akirot, ngiyatakini idiobore neni keng. Ikilimokinit iwon Ebaibul erae kikiyatak apeikirot kori alemar apeikirot, atiaket yok elemario alokitaabo ka Akiyar, Akisilerekinet 22:18, ekek ngolo esidyon.Anageunet ekingaren, ekitabo ngolo ageunan, abu Akuj tolimok ikes ngebila tar apei kirot ngina, angina kirotmati idaritae. 'itana ikes toyara kan akirotngin. Yesu,alokiding ekitabo, abu bu tema ebe ananyamet ana, tema ebe “ngeyari itunganan anguna kaakimuj bon, nait kan nginakirot ngina elomuni anakituk ka Akuj.” ka anagolokinet kaanyamet akisilerekinet, ikilimokinit iwon, ebe, ngini elemari apeikirot alokitabo alo, kori kiyatak apei kirot tomakeng, elemaro inges daang alokitabo angolo ka akiyar.”
Anguna angun emam nabo icebore ngini erauni etorube, nait etakanuni, Akirot kaAkuj ngina nyecaritae! ikes ngisapa ka Akuj ka ngpesur ka Akuj, ngulu nyeuritae ka acamit aitunganan, kor akimalakin ka akan, kori edio kabila ebatisimu; nait ngulu eurunitae alokuwam ka, Akuj kaEkuwam ngolo Akuangan, ka atakanu akirot alope alotoma kec inges ekinyomit ka Akuj ngolo akire!
Elomuni emoit lokanisa ka tarau ngolo ka orthodox alotalio kori anakibois ka ace nait ngikote nen, erae aoliyor,idio bore ngini isiapiyori Akirot ka Akuj ngina akire ka ngina eyenen. Ka alipite eanyunere? ikibala, ejok, eyakatar ikes apedor akilocun inges? mam, eketataman! Emam itunganan eyakatar apedor akilocun akirot ka Akuj. erae elope ekelocunon ngolo ka akekirot, ngina ikinit inges. Itiyakini, inges erae akilocunet. Ngina ikinia inges, itodolikini, inges erae akilocunet keng. Idiobore ngini itepegit akirot kaAkuj erae aoliyor!
Kona. Ikwapei alimunio ayong ebe. Amamukatar Yuda anupit ngina akire. Etusubuna ekanupan ananupit keng. Abala inges kori erae lokoku kaAkuj. Nait paayeni inges ebe erae inges lokoku ka akuj. Pa kitiyat ngun. idio tunganan ngini imaimai Akirot ka Akuj na ngina akire, itusubuna ekanupan ananupit keng. Eketiyan kaAKuj ngolo akire enikin nakirot ka Akuj.
Tosiomete alo akirot...
Ekinyomit ngolo ka aoliyor.
