Emoru ngolo ka Adoyoret.

William Branham.

Tosiomete alo akirot...
Nyo ebuse alokidiama emoru?

Meere ngirua ngulu elwaka, awuai ayong analitare ne, abu Ekuwuam Ngoloakauangn tolimu ebe, “Ebunit akolongit ngina eyaunita ikes ngases kori ngapirin kingaren ngina ka akai kon; erotokinete ikes aalokek kon. So ngun emam nyedeparete ngun, emam nyenyami akoro.” Engolik Ayong ekek kang egogongo k eperi aalodiyaete emukura. engolik ayong emukura aalokingaren kang, dadang ebokok, erot ka ngiboro eperete ainaa neni asir sek kemunae ingescut. Tema inges...
Abu ayong engolik, ka inaa ayiai Ricky ngolo aasir keriamu kama ka kikongikingi ekek ngol, kirika nu. Atema ayong, “Kotere nyo pa ikilimokinio iyong ayong?” Abu inges toriamu angoit kaapei ka ayong, ka abu ayong ataram inges. ka ngina etiyia inges, abu inges tema, “emam nyitiyia ayong nu napei jik ayiai ayong neni ka engum, nai acamt ayong iyong toyenu,” ka abu ayong etorotok inges apei.Ka ngin anageya ayong inges, abu ayong odaku inges kidiama anabo ka ataramak inges kwap nabo.abu aayong atadaku inges kidiama, ngarua ngauni kori ngomwon,nait opeto inges kidiama emukura. So abu ayong olot inaa, ka atema ayong, “emam nyiyookion ngun.” Ka abu ayong atadaku inges kidiama ka emala ngakan keng, atema ayong ebe, “emam nyikingoit ayong kaapei ka iyong, nai acamit ayong iyong toyenu ebe nyemaikina iyong ikisirwori ayong ikongina.”
Ka nait ngina abobongio ayong ka aatobong kau, ayiai Ekuwuam Ngolokauangan ewuai kama alokek, tema ebe, “Tokona todepa nugu. Ngina aacakakinor ngases ngin kwap, kingoliya lowae ngolo a lotoo.”
Ekitaabo lo, nginibore dadang ngini eitanit ayong,
Eriai ekitaabo lo atametait ngina ajokan,
Erot ngolo itoodiariya alosit diyaete ngatiokisio kang. Amen!
Ka ekitaabo ngol erai Akirot, ka Akirot ngin erai Akuj. Todepa iyong ngakonitiokisio, ebuni inges aalimokin iyong nyibore ngini kityia.

Ngikaru ngiuni ngulu alunyr, abu aayong eiira lokonekang ngolo itiyiai lotaun atiaktia ngirotin eboi alokwap neni diding aneni kang, tomia inges ngases kwap. abu ayong atolot inaa ka atema ebe, “Nyo bo erono, Abango?” Lokonekang lokoku ngolo ka Ekabaka.
Tema inges, “Billy, elosete ikes anyaara erot lo.”
Itabunito iyes dadang. Abala ayong, “Emaikina erai edaraca.”abu ayong atolimok Lokato Wood, atema ayong, “Kiruma ngikoniboro. Ngaiyeni edaraca ngolo ke losi abunore aalotoma nege, idiobore.” Abu erot tobunga; kimasanar ngabulok, ngamoru ka nginibore dadang. So tema inges... abala Ayong, “Kirum ngiboro kon.” Nait Ayong ngina...
Abu Ekabaka atolimok ayong nguna alosete akitiyiakin.
Abu ayong aatolot toma, aatema neni ka aberu kang a nginaiboi kama, “Naminat, eyiai nyibore ngini kigireta a nguna ngun. Erai ERAI NGUN NGUNA EBALA EKAPOLON, ka adio kiding.”

Abu ayong atoloma toma aatolemiu abuku kang, atoripik toma keng, ka tema inges, “epote aakitodolikin...” Ngikaaru ngikanikauni kau!
Nait nginaa engolikinia ayong ngun, atema ayong ebe, “Erai apaki na tokona, naminat, emaikina iwon atobobong too.”
Ngirua ngarei kelunyar ngun, awauai alotoma naangule aalosai a ngulu angomwon apei taparacu, Abu ayong atolomaa toma Lokuwuam ngolo ka Akuj. Abu ayong engolik atukot ngina angaakurio a nguna cici eporete, aabu ayong etek ngiwnyi ngulu cici ngul. Itamunito iyes ngun. Abu ayong engoliki Ngimalaikan ngikanikaarei alotoma eyakae a ngikonae a ngiomwon eponito emotuno neni kang.Yemasi, “Kingoliya lowae ngolo alotoo,tolot neni a Tucson, erai ngamirei ngatomoniwon alo kuju kide. Ka ibuni iyong aalemuni elou ngolo ka aamesek,” kori ekabilaa, enyarito ikes inges ainaa ikongina, “ngolo angikus loui.”

Lokato Fred Sothmann, iboi kama ekete ayong tokona, eyiai ataparacu ngin. Ekemuriakis ayong ngun. Atema yong ebe, “Abu ekuwuam torotok ikwa emaranikin ngina ka akwap, ngina abu kisiriyangariak kayapiu nginibore dadang ngini ayai toma lobuku. Emam nyete epite ngolo kebucaro itunganan aneni keng.” Akuriyanit ayong. Abu ayong atowua alo Phoenix, iyes dadang iyakasi ikupete alotoma akuwar ngin kitoodikinae ayong esuuda. Abu ayong atolimonoki analimonokin, ‘Ngikapolok, Arai ani Apaki Ngin?’ “Ai bo ikiya iwon?” Abu ayong atolot too. Ngikaalalak kus anege apotu toriaamut akopakit ngin, ngikalalak kus ane iirarito ngun ebala ebe, ekaru kori ngulu alalak eroko ngun nyityiakuna.

Abua Ayong atolot too atoumonokinite ebe nyo elosi atakanun. Apei kolongit abu ayong atoriamun anyarao aneni ke Ekapolon. Abu ayong atolimok aberu kang, atema ayong, “Naminat, Ayong... tokona erikakin etic kang.” Amam pa ayeni ayong.atemar ebe ayong, “Ayong.. Akuj, adau Akuj tokona akirikakin akisitia ayong tokona ka eyiai ayong alosit Lore. Tolot kiriamun kaapei ka Billy, Kiricak ngidwe. Ebuni Akuj akitemokin erot anguna kus, ka ediopite dadang. Tolot kingaren ka toyiar iyokino aneni ka Akuj. toanyu ebe tosioma ngidwe, kitopolo ikes alotoma akiuyiar ngina ka akerit Akuj.”
Tema inges ebe, “Billy, emam nyiyeni iyong ebe iyokino nguna.”
Atema Ayong ebe, “Emam. Nai itunganan nyepedori aiun alotoma ngun.” Apei taparacu abu Ekapolon eketanyu ayong, tema ebe, ‘Toanyu tolot ama toma Sabino Kanyon.” Abu ayong aya ngakaratasia ka Ebaibul kang.
Atema aberu ebe, “Ai bo ilosi iyong?”
Atema ayong ebe, “emam nyayeni ayong. Abuni ayong alimokin iyong apaki ngina abongunio ayong.”

Abu ayong atolot toma Kanyon, adokar kingaren kidiama neni eporioto ngigolei. Ayiai ayong ete etyang ewuai aina. Abu ayong atoriedik ka elipi, ka ekea ngakan kang kidiama, ka abu Atum kikamu akan kang. Abu ayong atongongolengolek diyete. atotam ayong, “Nyo bo gin? Emam nyayiai ayong nakuwan kang a elope. Anege tokona ayiai atum ngin nakan kang; eleere, ecai ka inwokunit alotoma akolong.” Atema ayong, “tokona, emamete ngitunga aneni kang, erot alotoma Kanyon ane. Ai bo eponiata ngun?” Abu nai ayong eira Etoil ebe, “Erai ngin Atum ngina ke Ekabaka.”
Atema ayong, “Esigirit ngolo ka ekabaka kapei ka atum.”
Abu nabo Etoil tobongok tema ebe, “Meere atum a ngikabakae, nai ‘Atum ngina a Ekabaka,’ Akirot ngina ke Ekapolon.” Tema ebe, “NYikuriyaner. Erai bon Alimonokin ngina Angauni. Inges elosi akitoodiar limonokin kon.”

Ayiai Ayong ikilosi akilok kaapei ka lokonekang, tomam nyayeni ibore ngini elosi akitiyiakin. Ka abu icetunganan atonyar ayong, ngolo abu eketoroniyarite ayong nguna ka epica ngolo ke Emalaikia ngolo ke Ekapolon, ngolo abu yaa ngolo abu toramu inges. Arai ayong alosit toma Houston angun a lokoku keng, a ngun ayakar elosi atwanare ka arai ngolo abokoi alotoma ngirua ngikudo. Ka abu inges eriamun ka ayong inaa ka abu inges toruaa ngakan keng neni kang, tema, “Totam, lopei kile ayai ayong etoroniyarit abu ayiun ikakoku ngini dounipei!” Aringet ngina ka angaleu abu akainak ayong nyibore ngini enyarito ikes ebe Oscar, kori ediopite daadang ngolo inyaraata iyes inges, anguna ka aiunia akiyiar.

Nait ikipotu isua obongisi, Abu ayong atolot kidiama emoru akilok. inaa arai Lokato Fred ka Ayong, apei taparacu ngina anyounio ayong oloma kinga, ka asir Ayong etemok araimu etiyang kang ka abu Ayong engoliya ka engolik akibois ngina alosete ikes. Atema Ayong, “Lokato Fred, tolot kidiama emoru nataparcu nooi tokona, alosaa ngolo etiakar apaaran, ka araiamun ayong ngoloce iya. Acamit ayong akigum etiang, emam nyaari inges. Nai ni kegeikis ikes alorot angol, ngina iiraria, abuni ayong akigum kingaren kec nait ido toema ikes akau.”

Abu Lokato Fred tolot kinga inaa ka amam ngityiang anen. Abu inges atoketu ayong ka abu Ayong engolik. Abu Ayong nai atolot toma Kanyon, arai alongisat ngina apolon, ayiai akolong elomunit kidiama. Abu Ayong abu diyete ewae ngolo ke emoru, tomam cut nyatamunit nguna ka aduarasit. Eboikin kwap, edarit, eengunit; atotami ayong ebe, “Nyo kare etiyakin lotiang ngul?”
Abu ayong atolemu... Ebokin kwap ikwa etiyata ngitunga a India, iyeni iyong alogerikin ngakejen. Abu ayong etek etorosi ngolo a ngakejen kang, ka ayiai nen arait. Abu ayong atolemu inges. Ka atema Ayong, “Erai agelaanut! Ayong lo ayiai nege ngmairei nguna edolito ngatomoniomwon kujukide ngina Tucson. Ka eyiai lokoku kang Yosepu iboi ekedarit ayong ainaa.” Ka abu ayong atogeik akitere, abu Ayong engolik esipan ngolo angitiyang ebunit kinga edolito ngalipio eyapiyete aneni kang, alokidiama emoru kama, Acakak ayong bullheader kwap. Atema Ayong ebe. “Abuni ayong ariamun ikes. Alosi ayong ariamun Lokaato Fred, ka abuni ayong akikeyar abaruwa kotere akiteyenikin erot ngolo kitoro, neni a Okotillo anege, ka abuni ayong ariamun Lokato Fred.”
Ka abu ayong atogeik akerit alokidiama emoru, lopite ca ngolo apedoritor ayong akidol lowae ngoloce. Kaptipei atema ayong kori akangum ayong itunganan.emam nyiirai ayong acala ngina ikoni ngin napei jik; abu inges kitamaranik ebuku dadang. Ka ngina etiyiakinotor ngun, abu ayong engolik atukot a Ngimalaikan a ngikanikaarei ewuasi alokingaren kang.

Abu Ayong eriamun ka Lokato Fred ka ikes, apaki ngina cici kelunyar. Tema, “Arai nyo bon ngin?”
Atema Ayong, “Arai inges.”
“Nyo bo ilosi iyong akityia?”
“Tongongo lore. Ngun, ERAAI NGUN NGUNA EBALA EKAPOLON, Akimunono nguna kanikaarei nguna euyaitae alotoma Lobaibul ngikaaru ngul dadang, ngidinio lu ka ngini bore dadang, Elosi Akuj apukokin iwon akimunono nguna kaanikaarei ngun neni yok alotoma Ngakipuceta nguna kanikaarei.”
Ayiai ekicolong ngolo abunit akidiama alokwap ikwa epite ngolo ecunakinor ngakipi. Ngina etiyiakinotor ngun, Abu inges tolot todoka kidiama moru, togeik acunakin lowae ngolo alotoo,aalopite ngolo abunio inges. Abu aoson ngina ka asiomit toriamu inges kelunyar aapaki adoci, aoyau arai ngamairei ngatomoniuni ka ngamairei ngaotmoniarei ka ngan lowae loce, erai kire jik alotoma ecunakinet ngolo eyakar erupei ka ekitoi a ngolo enyaritai pyramid.

Ka akolongit ngince ya, awuaei anen, kisingoliun epikica lowae ngolo aloteten, ka ayiai nen Yesu ikwpei eyiakar Inges alotoma abuku ngina angaturo a ngakanikaarei, apalor ngina aakwangan ngin, itoodiunit Eyakae ngolo ka aapedor. Erai Inges Alupa ka Omega; Erai Inges Akisyakinet ka Asalunet; Erai Inges ektubon ngolo Apolon noi angun ka Akiyiar Ngianyedaun dadang, ewuai ane akisuuda Eemut ngolo ka apkai na. Ka eyakaun Akica anapaki angina kaa atabong! Nyo von gun dadang? Arai nyo ngin?

Abu ayong atolot lowae ngolo a lotoo. Kidiama moru ngoloopei ngol, kitoroi kaapei ka Banks Wood inaa, tema, “Kimasa amoru. Tema neni ka Wood, ‘ERAI NGUN NGUNA EBALA EKAPOLON, ibuni iyong akingolikin Asir ngina ka Akuj.’”
Akolongit ngina atupakini, awaui anen, abu ekuwuam bu kwap ka kitocalak emoru. Totubutubuoto ngataaba ngikito ngamerei nguna edolete ngauni kori ngomwon aalokidiama akou kang. Tosubuto ngacaleta ngauni nguna apolok, ka apotu ngikatotoi potu ekerete . eyakasi ngikiliok ngulu edolito ngitomon ka ngikan ewuasi kama, ngikalimonokinak ka nginibore daadang. “Arai nyo ngin?” Tema inges, “Arai nyo ngin?”
Atema Ayong ebe, “Eyiai etube alodolokin ewae ngolo a lotoo.”

Kelunyr ngarua ngarei, abu amaran ngina ka akwap todikino etiyiaari akwap ngina ka Alaska ngin daadang kwap. Nyo bo Akica na ngina alokidiama Emoru ngolo ka adoyoret ka akolong alotoma Koronado amoni ngina ka Arizona? Nyo bo ibore ngini agelaan ngini abu kitiyiakin ka ama, ebe eya ngitung aponito kide alowae ngolo alotoo, idepete ngataab ngunaa aperete lodiyete neni etiyiakinotor ngun? Ka ngini tunganan kec dadang, angina moru dadang ayakar ngikoonae ngiuni kidiamaa keng, ibore ngini abwangun a nen. (Ngiuni lu erai ngipei.) eyakasi ikes kidimam ekicolong ka kidiama ngakaratasia, etubit akwap. Nyo bo ibore ngini egelaana en alokidiama Emoru ngolo ka Adoyoret alotoma amoni ngina a Koronado?

Ayiai Junior Jackson ekupokinit, itamunito iyes akirujasit ngina ayakar inges ngina abu ayong ejulunite, “alosit kingaren nadoyoret ngina ka akolong”? Ka apotu nu kityiakinos alokidiama “Adoyorete ngina ka akolong” Alomru. Erai apaki ngina ka atabong, apaki ngina ka adoyoret ka akolong. Eemut ngolo ka adoyoret alotoma akitemokin ngina ka eemut, eyakae ngolo ka akiduar, akilo akidolikin. Ka eyakaun Akica anapaki a ngina ka atabong kidiama Moru ngolo ka adoyoret alotoma Amoni nginaa Koronado, ngamairei ngatomoniomwon alokuju ngina Tucson. Toriamu iyong alotoma namap ka kingolik ani keyiai kidiama naauci ngina ka Adoyoret. Erai kire jik neni ityiakinor nen. Emam payeni ayong paka ngina adolio akolongit ngin.

Nginibore dadang ngin... Ngini nyetwai. Erai jwijwi ngini isidiiri akuwankeng aelope. Alotoma nyibore ngini abu kityiakin, alopikica erai Yesu ewoi ikitee iwon; ka tokona kire jik alokidiama Moru ngolo ka Adoyoret, ka Nakica ngina ka adoyoret. Adau Akica ngina ka atabong abunore, Akuj itoodiunit Akuwan keng. Nyo bon gin? Erai nguna iyookino ebe Akuj ka Kristo erai Ngipei. “Akwangis,” ngai ngitunga apotu kingolikisi inges apalor ngina akwangan alokidiama Keng, ikwapei ikirworitor iwon alotoma Apukokino 1? Ingolikia, Eyakae ngolo ka Apedor ngina Apolon, Apolou ngina ka Apedor; emam nabo ecetoil, emam ace akuj, emam nabo ice bore! “Toma Keng iboiyo akileleba ngina ka akuwan ka Akuj dadang.” Erai Ngimalaikan Ngilopeiyik arai apalori Keng kori ngitim Keng. Amen.

Nyo bo etiyakin alokidiama Emoru ngolo ka Adoyoret? Arai Akuj esudae Akirot Keng. Arai co inges acala ngin daadang. Toanyu, erai Akuj itodolikini Akikonget Keng Akirot nabo, ngina alotoma Apukokino 10:1 paka 7, “Nai alotoma ngapaarasia nguna a etoil a ngolo a Emalaika ngolo ngikanikaarei ngolopite itemokinor akutakin akerupepe, itodolikinio akimunono ka Akuj, ikwapei eyiakar eemut ngolo ajokan ngolo abu inges tolimok ngiketiyiak keng ngikaduarak.” Akimunono ngina iwaitae akimunono ngina ka Apukokino 10:1 paka 7, Eemut ngolo ka awasia neni ka ekanisa a ngolo ka awasia. Etodolikin kire jik, alotoma anyemet na, Ekakuang Luka 17:30, “Ikokini nenipei nen alotoma akuwar nguina itatakanununere Lokoku a itunganan.”
“Naarai enyounete atakristo ngulu aliokok ka ngikaduarak ngulu aliokok, itoodiuniete ikes ngakitaanyuneta nguna apolok ka ngaumokineta kotere akitowolior, tar ngulu seuna erai kepedor.” Eroko tar ngitunga eyia toma nangayangai. Ka ikwapei sek, ekanisa eroko erai ngolo ibilerit.

Ka atukot ngina ka aosou, alotoma Tucson dadang, eroko, ikes igirete nganyile ka kiwuakis toma nakaratat. Erot akaau inaa kidiamaa Emoru Lemmon, ikes ka ngaakamerai nguna apolok emam nyepona kingolikis Inges enyouni kidiama neni ikiwar iwon; alosit kingaren lowae ngolo alotoo, itoodiunit ebe adaun apaki. Emam nyepedori inges alosit adio ngini neni cici kama; erai a lowae ngolo Alotoo Akwap. Alosit kire jik kidiama Phoenix ka kingaren kidiama akitub, paka Prescott ka akitub emoru paka lowae ngolo Alotoo Akwap, kingaren kidiama... Ai bo alosete ikes? Kingren toma Alaska, ka ebilia inges tolosi kingaren lorot ngol.

Ka ngikaripiripak ka ikes dadang alotoma Tucson eroko ingitasi, ikatakinito ngulu ka asiom akisak ariamun ebe nyo ibore ngin. So eoya noi nyepedorete ikes araun edou, ekuno, kori idobore alokidiama kama. “Nyo etiyiai inges? Ai eyai inges?” Erai ikes ngulu ipilerit ikwapei Akica nguna ka akujuanut ngina ineno itoodiuna alotoma adis ikwapei Ngikaosok ngulu aponito etupito Etop, ebasi “Ai eyai Inges ngolo edounio Ekabaka ngolo a Ngiyudayon?” Arai nyo ngin? Akuj itodolikini Akirot Keng, “Ka enyuni etop alotoma Yakobo.”

Ka Akuj ngina Anakuj adau akiikin apaki ngina ka atabong ebe eyakaun Akica ngina ka atabongo. Ngikaru ngiuni ngulu alunyar akimunono na arai ngina aduaritae. “ani apaki ngin, Ekapolon?” Nai tokona erai eemut. Ebe adau inges alunyar adaun akitodolikin akiikinet. Ani apaki bo ngin?. Ekapolon, ka nyo bo akibuses na? Arai Akuj itodolikini Akirot Keng! Erai Inges ngolopei ngol bien, nakuwarina, ka ngikaru kaa ngikaru.

Tosiomete alo akirot...
Nyo ebuse alokidiama emoru?

Emamukaun akica akoloŋit ŋin, emamukaun alilimu, kori ekuno.

Eruwor akoloŋit ŋin ŋina nyikwaan ka ŋunace, emamukaun apaaran, kori akuwar. Ekapolon bon eyeni akoloŋit ŋin.Ani iwalari eyakaun akica.

Sakariya 14:6-7