Nakuj ngina Kitete ka Anakwap ngina Kitete.

William Branham.

Tosiomete alo akirot...
Eree ngolo amoi ngolo ke Eteran a ngolo Anakuj ka Ateran ngina Anakwap.

2 Petero 3:5-7,
5 Naarai epeleikinito akisimuriakin na ebe anguna ka akirot ka Akuj ayiai adis nginapei kolong, ka akwap ngina etiyaunio anakipi, ido alokiding ngakipi,
6 Inges arapuarere akwap ngina kolongosek a ngakipi ido tomunyarai.
7 Nai anguna ka akirot a nginapei a ngin ingadakinitai ngadision ka akwap ngina a tokona anguna ka akim, idaritere akitodol apaaran ngina ka atubokinio ka amunyario ngina a ngitunga a ngulu nyekerito Akuj.

Nyo akiikinet, ngina ngikaduarak alugu ka ngikaosou ngulu eumokina, ngiketatama ngulu ke Ebaibul, erot kau alotoma ngirua ngulu akolong, kiteetei asir ngina ka Akolongit ana ebunit! Kan ngieemuto lugu, epedoori ice atamakin ebe, kori arikorio, akilo, akinu nguna dadang, nguna ka akwap na, eponi amunara, “Asubuni Ayong Nakuj ngina Kitete ka Anakwap ngina Kitete,” ianyua, ebe elanyua r nadika ka nakwap, emunaario jik. Nai akisom ngina eapi, ka kaapei ka akingarakinet ngina Ekuwuam Ngolokaungan, ikipedori iwon akingolikin Akiyookino nguna anu; ka erai ibore ngini ikilos iwon ngin.

Erai ngun bon ekuwuam alodyete ngun, ka asecit ngina eyiai toma nakwap, ngina eponio amunaara. Ingolikia? Nai tokona, ikiyenuni iwon ebe nakuj ngin apolou na ebe “ekuwuam ngolo alokidiama.”

Nyo bo itiyai inges? Nait ngun, ngiboro ngulu arono, ka ngidekesio, ka atwanare, ka asere, ka ngitunga ngulu asecak, ka aberu ngina asecan, ka ngikuwuam a satan, epote dadang daun ka amunaario. Ingolikia? Emaikina ngun todaun, naarai ikilosi iwon akiyiar kire jik anege. Ikisuuda iwoon ngun kan Ebaibul. Kire jik anege erai neni ikiboio iwon. Nai tokona tocoik, nyedoon, ngikur, adikak dadang ka ngiboro, eponio alemar kire jik. Nu dadang, ayiakau keng ngina alotoma nakwap tokona, atukot ngina itiyaunit itunganan, asere, asecit, ekabila ngolo ngikuwuam satan dadang ngini emunaunakori akwap kaapei, ka nakuj dadang ngina eyiai kidiama yok tom nege, erai ngina emunaunitai kaapei ka ekuwuam satan. Nai tokona ikilosi iwon toma nacukulul ka nawoyau, alotoma nu, ianyua.

Anu dadang nguna eyiakasi toma nadis, kori lokuwuam, ka nakwap ngina erai tokona. Akwap na irumit ngiboro ngul, nai emam pa asubunitai ikotere alosikinet ngin. Arai asecit ainakin ngun eyiakaun kongin. Ingolikia? Araun nguna asubuni Akuj, Ekasbun. Nai dadang... Ka ngayokowat dadang, nguna ikiyiaria iwon tokona, aponi kiwuakinai nakwap ngina asubia Akuj inges, naarai erai toma napuwa ngina ka akwap ikisubunere iyong. Eperikinio dadang toma nege. Ngina asubinia Akuj Aelop inges, iyiai iyong toma natametiat Keng. Ka alotoma Keng, Epol akiyiar ngina emam Nyedaun, arai atametait, ngina erai arait Keng. Ka ni tokona asecit inges abu iyau nu dadang itiyakin. Ka Akuj, alotoma atur na, eyiai ecuni ngiboro Keng.

Erai Satan ngolo eroko eyiai nege. Erai co inges alosikinet ngina itiyatr ngiboro lugu dadang. Eroko inges eyiai nege, ka aronis keng dadang eroko eyiakasi nege. Tocoik erai co inges tokona esiliania akwap. Erai co inges ngakiro nguna elosito ngiboro ka itiyiasii; abukonor ngokot, ngijiesio, asere, asecit elomi, ekabila ngolo asilianan ngul dadang, erai naarai erai Satan ekepukan ngolooo ka akwap ana ka akuwuak lo.
Ibasi iyes ebe, “ekuwuam?” Ee, kire jik!

Adis ka akwap dadang erai nguna emunaraa kaapei ka aronis ngina apedo amunaun iwon alokinga Akuj. Erai Yesu ngolo ayiai ilipi ikotere iwon. Ingolikia? Ani erko ngikesicana erubakini edodunito ekimoin, “itiyaete nu, itiyaete n, itiyaete nu,” nai eroko Ngaokot ikirapito. Aabu Inges bu alakaun ebe Ngiseuna aberakin Inges aanyun. Erai co inges tokona esiliania.

Anege, ekiyakia, alotoma Petero ngolo Ngiarei anege, ekek 2 ka engaet 5 ka engae 5 ka 6. Ee ariamu ayong ngun. Engaarit Inges ngakibosi ngauni nguna anakwap. Ianyua, inges -eria,unit ngakibosio ngauni ngun. Tocoik epite ngolo ayauni inges ikes.
“Abu akwap ngina ngorot towua alotoma nakipi,” nai tokona, arai ngina akwap ngina apotu ngakipi toomunasi.
Nai tokona, ngina eyiai tokona ngina ikiyiaria iwon alotoma keng tokona, enyaritai inges, “akwap.” “Akwap ngina ngorot ngina abu towua alotoma nakipi,” Akisyakinet 1:1. Nai tokona ka, “akwap” ngina eyiai tokona. Ka nait, nabo, eyait inges neni nginace, “akwap ngina ebunit,” Akwap ngina Kitete. Ngakwapin nguni; ngidoketa ngiuni ngulu ka akwap.

Ka tocoik epite ngolo esileereunio Akuj neniyok atametait Keng ngina ka alakunio. Okoe, apotu nu tonomosi etau kang ngina engolikinia ayong ngun, epite ngolo esileereunio Inges neniyok anege tokona atametait Keng ngina ka alakunio. Nai tokona kisuaan ibore ngini kite iwon kaapei ka ngayokokonyen ngilopeyek. Ibore ngini adau Akuj akitiya alakunia akwap Keng, etiyia Inges atametait nginapei ngin alakunia Ngitungakeng, naarai Akuj ngina nyiloconokin emam nyiloconokin alotoma edio pulan Keng kori idiobore dadang. Ibore ngini ka asir ngin!

Epite ngolo ikirikitor Inges iwon arai IngesElop, akiboi alotoma yok, kan ngadoketa nguni nguna ka ajokis; ikwan jik ikwa ngina arikitor Inges akwap alotoma ngadoketa nguni, abunore neni ka akwap. Ikwapei ebunio Akuj nakwap kedun akirikain alotoma ngadoketa anguni nguna gelegelia nguna ka aleamario, erai kire jik epite ngolo abunio Inges neniyok ngol alotoma ngadoketa nguni nguna ka ajokis. Abu Ayong etatamite ngun alotoma nakisiaunet; emam nyilocokino ayong, ameun. Erai Akirot ka Akuj.

-----
Tocoik, “akwap ngina ngorot,” ngina amunyario angakipi; “akwap” ngina eyiai tokona; ka Ngina Ebunit. Nai tokona, adoketait ngina esiaunan ngina ikiyaunia Inges iwon... Kingolik, atameatait Keng ngina ka alakunio erai kire jik nginapei ngin kan nginibore dadang. Isitiyiai Inges erot ngolopei ngol. Emam nyiloconokin Inges. ebala Inges ebe, alotoma Malaki 3, “Arai Ayong Akuj, ka emam nyeloconokin.” Erot ngolo itiya Inges ngun, anguna a ngun, erai kealakunit Inges etunganan ngolo esiaunan emam nyebuno toiu kan abukorio ngina ka Ngaokot nguna Ngolo amam asecit, emaikina toiu ngolo etupakini dng; ka nginitunganan dadang eiuni Inges ebeit torai erot ngolopei ngol.

Erai kitangle Inges itunganan alotoma adio paki alotoma alosit ngina ka akiyiar; kimiek ngun toyiakaun alorua a Yesu, angikiyakia, alorua ngikaduarak, nenidadang ikote ngun; ngina iriamakinotor ka epite nngolopei ngol, erai Inges akitiya ngun nabo. Erai ngun nguna iyookino. Ema nyiloconokin inges, iloconokin ngapakio, iloconokin ngaturio, iloconokin ngikisila, nai Akuj erubakini ikoni nenipei nen. Erai Inges ngolo edolit. Nyo atametait ngina einakinio ngitunga ngulu edikakasi!

Erai kitangleuni Inges itunganan, emaikina Inges kitiya ngun nabo ngolopite etakaunia eyiakae ngolopei ngol. Jwijwi eiunene Inges itunganan, emaikina Inges kitiya ngun alotoma nakibosi nginapei etiyia Inges alotoma aapaki ngina esiaunan. Erai kilelebi Inges itunganan kaapei ka Ekuwuam Ngoloakuangan, emaikina Inges kitiya nguna alotoma nakibosi nginapei etiyia Inges anapaki ngina esiaunan. Erai kiteyiarunit Inges itunganan alotoma nalial, ebeit Inges kitiyia ngun apaki ngina ngarei, ka nginapaki dadang, alotoma lokisil ngolopei ngol.

Emam nyiloconokin Inges. okoe, nyo atametait ngina kainakinio ayong! Nyo ngin? Meere alotoma ngakiro nguna itiyaunito ngitunga, idiobore ngini adau egurup ngolo ngitunga ayiakaunor kaapei; nai Akirot Keng ngina emam nyiloconokin.
Ibasi iyes ebe, “erai nguna Akiyookino -a?”
Tema inges ebe, “Toraut ngakiro a itunganan alioko, ka kiyookinosi nguna Kang.” “Naarai elunyar nakuj ka nakwap, nai Ngakakiro emam nyelunyar.” “Akigiret dadang erai ngina ikinakinetai kan akiyangakinet, anguna angun erai nguna ejokak ka ikingarakinete ikotere akitatamia.” Ka totamunitoo, ngun ebe, “Akigiret dadang eponio akitodolikin,” ngini iyakae keng dadang.

-----
Alotoma Akwap ngina Kitete ka Anakuj ngina Kitete, emam nyeponio akisiryon nabo, ngina ebunio Akwap ngina Kitete na. Eponio akien satan... Satan, eroko inges elacakinitai tokona; erai inges ekecanan. Nai alotoma Nakwap ngina Kitete, eponio akien inges ka acakakin toma Nanam ngina ka Akim, toma Akin ngina akuangan na.

Ido nait, alotoma Nakwap ngina Kitete na, kimiekis engolikis inges alotoma ngadakikae ngkudo tokona. Alotoma Akwap ngina Kitete, emam nyeponio akirap nadis nabo; mam, erai nen alotoma lolam, ingolikia. Emam nyisiriyonio nabo kaapei k ngidouno ngulu eronok. Emam nyebuni ekuwuam akutun akitub inges nabo ikwapei kwangina. Mam. Emam nyecili nabo ngikito jik, ka nyecili ngakais, ka kibelek nbo ngiboro. Akimilia ka anyunyura emam nabo nyegirokini anen a satan atubor ama ka akiaar itunganan ngini elosi alorot, kori akicunyar aduketait. Ingolikia? Mam, mam nabo. Emamukakun nabo amwanisa kori alilimu etubor alokwap, kori ngikuwuamin ngulu ekusete ka akikut, ka ngina ecilicili ngakais, ka toaari ngidwe ngulu cici, ka ngiboro. Utukuti -wui, emam naabo nyeyiakaun jik. Nyikatakini nabo aamunar, emam nyeyiakaun. Edaun satan akiritar kinga.

-----
Tari ngiboro lugu, Satan, ngikasecak, adaun, narai akiyiat ngina emam Nyedun; emam nabo nyeyiakaun. Daadang... Ingolik, emam nyepedori Satan asubun. Erai torai inges kerai inges kuj. Ingolikia? Erai inges ngolo epedorit akilocor bon ibore ngini adaun asubun. Ingolikia? K epote ngulu ilocoritoi daadang, akilocor, epote akirikakin kaapei. Ka atwanare erai akilocoret ngina ka akiyar; ka ngolopite irikakinor akilocor, emam nabo nyiyakaun atwanare. Atur ngina ngorot erai akitanyunet ngina ka atwanare; ka ngina elunyaror atur ngina ngorot, buni akiyiar toma ngakitaanyuneta dadang nguna nginibore daadng edaun akirikakin. Ngikwa ka ngisugur erai akitaanyunet ngina ka asecit, “eponio akican akwap kapei ka ikes,” ka erikakin ikes alorot ngol kaapei. Ebuni adiaka, kan ngun; epote ngun ayakar kaapei. Atwanare ebuni alunyar kaapei. Abukonor ngaokot ebuni alunyar kaapei.

Emam idiobore ebuni akitap ngun nai akuangis bon, alakun. Okoe, ekang! Ee. Okoe, apupu ayong ejok nooi. Akuj, ka asubio Keng; ka ngisubuna Keng ngulu ka asibio na erai ngilakuna kan Ngaokot Keng Aelope. Kiotasi kan akilotario Keng Aelope, akiyiar Keng -akiaar, akiaar alosikinet ka secit! Ikwan kaa erai kicunyakin idiobore, akicunyo ngina ajokan noi ngina ikiyiakar iwon erai akim. Ipedori iyong akiya idiobore ka kilota inges kaapei ka esabuni ka ngikemikolia lugu ngulu irworosi ikes, eroko pei emam nyelacakin. Nai icunyakini iyong inges apei bon!

Ka ngolopite ecunyakinia Akim ngina akuanga ngina ka kuj akwap kaapei ka Ngikemikolia; adauni Inges mono adakar Ateran Keng, ngina epedori abunore toma Nakuj kaapei ka Inges, ido toyiakasi nu elosete kingaren. Ka ido tobongut nabo nakwap, Nakuj ngina Kitete ka Akwap ngina Kitete. Alilimu ngina ka aakimoro emam nyepedori akiwuan inges. amwanisa ngina ka akamu nyepedori akiwuan inges. ebuni alongisat akitolomun ngaturi. Asecit ka ngikasecak adaun.
Akuj, ka ngisubuna Keng ka asubio, epote akiboikin kaapei alotoma nadolit ngina akiyapara. Ikwapei erakar nakuj k nakwap ekile ka aberu, aso erai Kristo ka Ekanisa, ka ikes daadang iriamakin toma apei tametait ngina ka asir ngina apolo nguna ka alakuni ka ayaun kire jik toma natorobu ngina ka Akuj nabo. Ingolikis iyes ngun?

Ka, alotoma Nakwap ngina Kitete, eyiakaun Etaun ngolo Kitete. Okoe, ekang! Nai tokona kiiras ka acoikinit. Nyikimuriakis nu. Ebe, ebala Yesu ebe, lotoma Yokona 14, elosi Inges akitemonokin. Kimiekis ngitaikus nyebul. “Ngina elosi Inges,” Ayiakar Ayong aosikinet ngina loset. Emaikina iyes tonup Akuj, “tema Inges ebe, Tonupai Ayong dang.” Emam pa apedorito ikes akingolikin ebe arai Inges Akuj. Tobongok ebe, “Kiyiutu Akuj, nai tokona kiyiunai Ayong. Ka alosi Ayong akitemonokin Akibos ngunakus. Alotoma Kai Papakang eyia ngakibosio nguna alalak alotoma Napukan Papakang eyia ngakibosio nguna alalak.” Eyiai Kristo nen, toma kwa aduketait ngina Yerusalem ngolo Kitete tokona. Nai tokona kiirasi. Nyirotokis. Nyirotokis, nyikubuca nu. Eyiai Kristo toma Nakuj, nakuwarina, itemonokini Yerusalem ngolo Kitete.

Ikwan ca ikwapei asubunia Akuj akwap alotoma ngapaarisa ngikanikapei, tosub akwap alotoma ngapaarisa ngakanikapei, kori ngikaru ngabunge ngakanikapei. Ikwapei ebalor inges ebe, “nyibangakita,” ikisomit iwon alotoma Akigiret, “ngikaru apei bunget erai apei paarn.” Ka Kristo ayakar adau alosit ka itemonokini Akibos, nginia eyiai nadukio ikotere ngikalalak, ngikaru ngabungei nguna alalak, itemonokini Akibos. “K erai kalot Ayong ka etemonoki Akibosi abuni Ayong nabo, ka akiaya iyes; ebe neni daadang ayiai Ayong, iyiakaunsi iyes dang.” Tocoik Ekalakunan ka Ngilakuna!

Tosiomete alo akirot...
Eree ngolo amoi ngolo ke Eteran a ngolo Anakuj ka Ateran ngina Anakwap.

Tosodi abu oanyua adis ngina kitete ka akwap ngina kitete; naarai alunyarosi adis ngina kisiaunet ka akwap ngina kisiaunet, nyeringa nabo eyiai anam.

Ka ayong Yokona oanyua ere ngolo akuangan, Yerusalem ngolo kitete, edokuni anadis aneni ka Akuj, itemokino ikwa Ateran ngina isiritoi anguna alokilekeng.

Apukokinio 21:1-2