Awosit ngina ke ekuwuam.

William Branham.

Tosiomete alo akirot...
Awosit ngina a ngauni.

Tokona, ayiakare iwon ngawotonokinet nguna alalak, ee robo, nai erworo ayong neni ka apaki ngina anyaraa Akuj Awosit, atiakaun aneni ayiakasi ikes, alotooma apaki ngina eyiai. Anege, eyiai Akuj akitemokin akitodolikin Akiikinet Keng ngina Akujuana ngina ka Akirot ngina abu Inges inak neni ka Aburaam, ka neni Isaka, ka neni a Yakobo. Ngikaru, apotu ngamia a ngikaru tolunyarosi, nai, eringa, emam nyimuriakina Akuj Akiikinetkeng. Alotooma apaki, apaki keng, itiyaunene Akuj jwijwi akiikinet Keng kire.

A nguna a ngun, ipedori iyong akiyengun kire jik anibore a ngini adau Akuj akiikin alotooma Ebaibul lo, elosi Inges akitiya ngun. Emam jik nyiitanit akikatakin akitam icebore, ka atemar ebe, “Ejok, acepaki kediakarit ekaduaran, nyayeni,” kori, “emam nyipedorete ngun akitiyakin alotooma akolongit na.” Etakanete jik pa epedorosi nait, nguna nyipedorosi akilo akitiya ngun tokona. Nai bu Akuj kitiya ngun, ediopite dadang, naarai abu Inges kiik ebe ebuni Inges akitiya ngun.

Ka kingolik epite ngolo epatania epite ngolo itiya Inges. “Adau ayong abunore kwap. Eira ayong akingworo. Atamu Ayong akiikinet Kang. Ka adau ayong abunore kwap akitiya ngun, ka ekeyakiyiari Ayong iyong. kitiyia iyong ngun. Alosi ayong akiyiakaun kaapei ka iyong. kire jik, abuni Ayong aiyiakaun ka iyong. Ayiakau kang ngina emam nyipiyor ebuni ayiakaun kaapei ka iyong neni dadang ilosi iyong. Nyikurianiar.” Ingolikia? Adau ayong abunore kwap alakun. Anupit ayong kire ngatameta nguna ke ekuwuam ikamunete ngun. Ingolikia? Ianyua? “ayong -arai ayong -alosi Ayong akiyiakiyar iyong, ayaun Ngitungakang neni ka awosit. Tonyarau ikes kinga, ka abuni ayong ayiakaun kaapei iyong.”

Nai tokona, epite -epite ngolo ikipedorio iwon akiyegun, epite ngolo epedorio anupit akikamun nguna toting anen. Ingolikia? Elosi Akuj akitiya ngun. Iikikinit Inges ngun. Emam nyekacitiai lopite ali. Nyo erai ngatiokisio, kori ibore ngini irworo idiotunganan, elosi Akuj akitiya ngun, ediopite dadang,' naarai adau Inges akiikin ngun. Ka etiyia Inges ngun ka apatanu, ebe, ngun -elosete ngun kikalama amisiikin ngina a ngatameta a ngitalio ngulu ikatakinete akitepek nguna ikamunit ngun, “lopite ali epedorotor ngun ayiakaun?”

Emam nyekatakinit ayong akirworo ngun nitunganan tokona, kaapei ka ajokis, atametait ngina agogongon, asiomit ngina ajokan, ngun ekile ngol emam nyipedori misiun Ngun. iyookino ngun daadang, ka eumokina, bon bon ca kisitiyae inges ngun meere atatam ngina ka aosou, nai, etal ngolo ariamunit inges, akinup Akuj. Kimieks elocokinosi neni ka apatanu nguna ka akiirar ibore ngini adau Akuj akirworo, ka atonupa ngun. Eyiakae keng ebuni akingarakin inges nait.

Tocokis. Nai abu etunganan kikatak atatam, “emam nyipedor akitiyakin,” nait emiarete ngun inges neni alwana aneni ka Akuj, kire jik,apaki daadang, ngina ikatakinia inges akiirar aneni ibore, ka aisiunit keng. Ingolikia? Ani erai pa kimisiunit iyong, ka kirworo Ebaibul ice bore, erai abongokin Ngun ebe, “Amen.” Kimiek ngun tolot ikwapei kwangin.

Eringa iwon nyiriamuna ibore ngini erai awosit na, ka alosi ayong akisikwaan ka awosit tokona... awosit nait, kaapei ka awosit tokona, ka tocoik ani erai pa kelosete ngun kire jik iriamara. Apei ikes erai ngina alokwap. Ka ngiboro ngulupei ngul ngun abu Inges kirita alotoma nakwap, isikwaanit Inges ngun nabo, akiskwaan ngun alotoma lokuwuam, awosit ngina ke ekuwuam.

Eumokina, akingolikin Akirot ka Akuj! Epite ngolo epedorio idiotunganan atemar emam Ngun nyiengakinitai? Arai nu alotoma ngikaru ngulu aapikinito ngamia ngatomoniarei ka ngikanikauni ngulu alunyarosi, iyenete iyes. Ka epite ngolo abunio Inges kiikinia ngun, ka ibore ngini abu Inges kitiya ka kiwuakin ngun kinga anen ikwa akitaanyunet, epite ngolo etiyiaunia Inges -Inges -inges tororube ngolo idiobore akiteyeniara nguna ka ajokis.

Nai, ekingaren, emaikia iwon engolikis Akisyakinet engolikiniata kaanukiro ayiakatar ikes toma Ijiit. Kaanukiro apedorioto ngitunga ka Akuj ayiakaun tooma nakwap ngin? Nai ekau a daadang, abu Akuj kiik ngun, kire jik anen aneni ka akisiakinet, kaapei ka Aburaam, Isaka ka Yakobo alotooma Palestine, abu Akuj inak ikes akwap ngin, ka tema ebe“erai inges na.” Okoe, nait, kaanukiro emamukatar ngitunga alotoma akibois ngina abu Akuj inak ikes?

Erai ngin dang akingiset nakwaarina. Abu Akuj Ikiinak iwon Pentekoste. Ikiinak Inges iwon Ekitaabo ngolo a Ngibiticisio. Abu Inges Ikiinak iwon Ekuwuam Ngoloakuangan, akirik iwon ka akiteten iwon. Abu Inges ikinak iwon Akwap. Ka kaanukiro emam nyikiyiakar iwon tooma Keng? Kaanukiro eyiakar ekanisa kinga Ngun? kaanukiro nyeyiakar ekanisa a Ngikristo nakwaarina ngolo eumokina toyiari nabo ikwapei Ekitaabo ngolo a Ngiticisio, ayaun ibore nginipei ngin? Emaikina eyiai adio losikinet nguna a ngun.

Ikiyeni iwon daadang ebe ikimunauna iwon, ka ikiyia iwon toma loyiakae ngolo arono. Ka ayiakae ngolo arono nooi ngolo - ngolo eyiakatar Ngikristo tokona, erai nakwaarina. Ka ikiyia iwon neni... kire neni ka anam kori nasalunet ngina eumokin lotube ngolo aronon ngolo eyiai nguna ekanisa. Ka eringa nu nyitiyakina, ryiai Akuj enyarit awosit, jik ikwapei etiyia Inges kolong. Neni ngasecisa ka Amorite nguna atukosi, aso enyarit Inges awosit ngina a ekuwuam. Nai tokona kimiekis atolot kau kauriyanut, alotooma ekabila, ka atoriamutu ngun.

Apotu ikes tolot kwap toma Ijipit, dadang naarai nguna ka arakao nguna lokaato. Erai inges alosikinet ngina ayiakatar Ngisirael toma Ijipit alotooma apaki ngin, alootma nakwap. Totamunito, akiikinet ka Akuj arai bon erai kiboete ikes alotoma nakwap ngin.

Tokona ipedosi iyes akingolikin ibore ngini ikirworo iwon alotooma akilip, apaki ngina alunyar-a? Kaanukiro etininikia Akuj etau ngolo Parao? Akiwuakin ngitunga tooma nakwap ngina ka akiikinet, eringa Inges nyepedoro akiterereng ikes, ayaun Masia nenikec.

Lopite ali etiyia Inges akitininik etau ngolo a Hitler, akitiding Ngiyudayan, ngina araakor inges elope anus ngina a Ngiyudayan? Epite ngolo apedorio Inges akitiya ngun alotooma Stalin, Mussolini? Ingolikia? Ngitunga nguliu emam nyiengakinitai, ikwa ebuku, ikes -ikes... erai mono Akuj alemar ngiboro ngulu ayiariata ikes, ngikisila ngulu ka akwap, ngapakio nguna alalak, ayaunia ngakiikineta Keng apote akiyookin. Angun arai Inges akitogogong ngitai a ngikepukak a ngul, akiritaria Ngiyudayan nakwap ngina ka akiikinet. Amaikina torai alorot a ngol.

Tokona, ikiriamuni iwon, ebe, alosit kwap ama, Yosepu... ikiyeni iwon eemut, ikwapei ikilosio iwon kau tooma Akisyakinet, ka ipedorete iyes akisiom ngun. naarai, arai eyakarit ayong esaa ageikin aneni anu nakitatam ngina ke Esabit, ka abuni ayong akitakin abunikin.

Tocoikis tokona. Tosioma eemut ngolo a Yosepu ngina ipedorio iyong, ikwapei edounere ekau nguna lokaatokeng, ngolo etupit ngolo esidion. Atametait ngina ke ekuwuam ebuni akikamun ngun kire jik tokona. Emam pa ara inges ikoku ngina alokau; arai Bejamin. Nai, alotoma nangolorio, tocoik. Yosepu ka Bejamin arai ngulu ngikaaitoi ngulu ngapei okot, ka arai ngulu arai ngul arai ngikaitotoi. Emam nyibuno Bejamina toyenu paka akitodol ngina eriamakinitor inges ka Yosepu. Ka akilo nguuce dadang, aponi inakinai Bejamina atiaket ngina ngarei ngina nginibore dadang abu Yosepu inak. Iyookino dadang. Tocokis tokona, ikiriamuni iwon ngun anen, arai ikes...

Aponi inges yarae aneni ngikaitotoi keng naarai arai inges eka ekuwuam. Arai inges etunganan ngolo apolon, tari dang kitiditeuna alokiding atukot, kedit anatukot. “Ka apotu ikes kitidinga inges tomam adio ronis.” Pa amaikina ikes aremokin inges. kemaikina ikes tokerasi inges. Naarai, kaanukiro bo aremokinitor ikes inges? Naarai arai inges lokaato? Meere kire jik ngun. Apotu ikes toremokinos inges naarai abu Akuj toyiakaun kaapei ka inges akilo Inges akitiya ka nguluce. Ingolikia.

Abu Inges inak inges amisiikin ngina ke ekuwuam. Apedorit inges akijul ngakirujasi, iyookino. Ka apedorit inges akirworo ngiboro ngulu eyiakasi kingaren ngulu epedorete aponere akitodolikin, iyookino, kire jik erot ngolo ayiakatar ikes. Ka inges - ka emam inges nyebuno kiriu ngapacplei.

Abu inges kingolik akirujasit ngina a ngikes a ngaja angun ekukonokin lokesit keng, ka apotu nai ngikaitototi keng tongoa kaapei ka inges. temasi ebe, “atami ayong, nait, iyong ekomon ngolo doci,” alotoma ngace kiro, “ikiponi isua akukonokin iyong alokingaren kon adio kolongit?” nai erai erot ngolo aponiata kitiyakinotor ngol. Ingolikia? Lopite ali epedorio ngulu apolok ngul akukonokin alokingaren ngolo doci, erukis ngolo emam nyejok ewuai anen? Nai apotu ikes kitiyata ngun, apotu kire jik ikes kitiyata, ka kilipasi akisionio. Nai aring inges nyebuno toma napedor, aring, ingolikis iyes. Ayiai inges bon tooma loyiakae ngolo a ikoku.

Ka nait ikiriamunia iwon, kan akitiya nu, ebe aponi Yosepu yarae alokiding ngikaitotoi keng, ngidinio, ka toyiakaun kinga elope. Ingolikia? Ngikaitotoikeng, daadang alotoma nakwap. Ka nait abu bu anen ibore ngini aumokina. Ikiyenuni iwon ebe Ngisirael ..bon bon kiboete ikes alotoma akibois kec ngina kiboiet, ka kitoyakasi. Nai tokona, erai ngin ipei bore ngini ajokan, akiboi alotoma akibois. Iyiai nakibois, iyookino ngun. nai, apotu ikes toyakasi Alokuwuam.

Alokisila, nakwaarina, atoyenete ikes ejok ibore, kan aosou akuwana ngina ke Ebaibul, nai tomam Ekuwuam. Apotu ikes togero Yosepu, kiritasi inges kinga. Emam pa acamito ikes idiobore ngini kitiya kaapei ka inges. “Erai atukot ngina ngikacala. Erai ngun... emam idiobore ikicamit isua akitiya kaapei ka Ngun.” Apotu ikes togolosi Inges, togyelasi Inges kinga, neni ka akwap. Amamu ikes alotoma akimor kec. Nai tokona, kan akitiya ngun, aponi ikes tolemar alotoma akibois. Yarai kwap toma Ijipi, ekaku.

Nai tokona, eemut a ngikaitotoi a ngulu adingak alu erai kire jik ngina aumokin ikwaan kaapei ka ewae ngolo ke ekuwuam a ngolo ka akuwari ana. Iwon -ikiyeni iwon daadang ngun, erai ngun arakao ngina ileere meere ngina asegan. Erai ngina mojong, kori ngina engoriana, arakao ngina asiilinan. Ingolikia? Emam asegas alotoma arakao. Ingolikia? Emam idiobore nai arakao ngina ka asiilianut. Ngina engolikiniata ikes Ebaibul ngolopei ngol, ka eyiakae ngolo ka Akuj ngolopei ngol igiritae Lobaibul, isileereunit akuwnakeng Elope, ka nait kibelek ngun kwap emam adio losikinet. Esegak... ejok, mam nyesegak. Ikwapei alimunitor ayong, erai arakao ngina angorianan. Acoikin Akuj itangale ngikadiakak, kitoyarau ngikatwak, Akuj nginapei ngin ngina ayiari alotoma lorua ngulu ngikiyakia! Eemut ngolo pei ngol ngolo egirete ikes, nguna ka alosit a ekuwuam, erai Akuj nginapei ngin ngun itiyaete ibore nginipei ngin. Aso erai ikes ikongin nai arakao, adaut akingolor, “ka emam nyikiyiakaunor iwon ngun alokiding ngitunga yok.” Ingolikia? Kiritas ikes jik!

Etamete ikes, ngikaitotoi, ebe amam pa apedorete ikes akisitiya nguna itunganan ikwapei ngun, aso, “Kaanukiro pa elacakinere inges?”
Erai nyo bon gin, ibore nginipei ngin etiyakin nakwaarina. Etamete ikes, ebe, “Naarai ngikanisae yok araun ngulu ngatameta, ebe ikiriamu iwon atukot ngina inyalakina, ene emam nyikiyiakaer iwon etic ngolo a Ekuwuam Ngoloakuangan alotoma alorot ngolo amaikina Ngun toyakatar anen.” Ebe, erai ikes ngulu eleleba. Alotoma ngace kiro, etic irworo akilo ngakiro: ngisiukulo kec, ka ngadam nguna ke eyiakae kec, ka acunakin ikes iwapei ka akimor ibore en, erai ngulu epedorito, kaapei ka ngatameta kec make, asipokin Ekanisa toma nakinapeta, ejok akilo ibore ngini epedori Ekuwuam Ngoloakuangan akitiya. Aso, emam nyiitanito ikes Ngun nabo jik. “Erai idiobore ngini emam nyiitanit iwon emam nyiyookino ngun?” “Emam nyikiitanit iwon Ekuwuam Ngoloakuangan kitongale ngikadiakak.” Kiriamu iwon ngikidotoi. Emam nyikiitanit iwon Ekuwuam Ngoloakuangan kirworo kaapei ka ngangajepa. Ikirai iwon dadang ngitunga ngulu aosok. Ka ngina itiyia iyong, ilema iyong, kire jk alotoma lotiskon, Akiyiar ke elain. Abu Yesu tema nenikec Ngiyudayan. Alotoma lorua Keng, “emam nyiesioma iyes ngun, 'Amoru ngina aponi togeroi erai Amoru ngina ke ekoona ngina iwuaikinito ngikatudak ddang kidiama'?”

Nai tokona, ingolikis iyes ibore ngini abala ayong? Anupit ayong ipedorete iyes akikamuni ngun. ebe alsikinet ngun tokona, erai naarai etamete ikes emam nyiyakatar ikes akiitanit a Ngun. “Emam nyikiitanit iwon ngikirworo kaapei ka ngangajepa. Emam nyikiitanit iwon ngikjulak ngulu ngangajepa. Emam nabo nyikiitanit iwon ngikadwarak ngulu ka Akitutuket ngina Mojng asipokin iwon toma nakinapeta, kan Ekuwuam Ngoloakuangan. Ikimisiunit iwon Ngun.” ingolikia? Arokut ikes atukot ngina eyenunit itunganan akikamar akibois ngina Ekuwuam Ngoloakuangan.

A nguna a ngun, eyiakasi ngitunga ngulu eseunitai, ngulu eyiakatar ngirorwa kec toma Lokitaabo Imesek ngolo ka Akiyiar, emam nyipedorete ikes alosit nguna a ngun. erai ikes ngulu etamete alokuwuam, ka a nguna a ngun, emam nyipedorete ikes alosit neni a ngun. emam nyipedorete akiwua ka ngun, mam nyikacitiai kiboiete atapapakec ka atatotokec alotoma adio rioget ngina ke ekanisa....

Ngina itiyiaunia ekanisa... ngayeni emaikina pa epdori akirworo ngun iyookino. Okoe, mam. Emam nyipedorete ikes akirworo ngun kire ejok, nai ngiticisio kec isuudate ngun. eyiai Akirot nege. Ka esuudae Ekuwuam Ngoloakuangan ngun alokiding kex, ngolopite epedorio Inges acunakin ikes iwapei, ebe erring Inges pei itangale ngikadiakak, ka kitonyarunene ngikatwak, ka kirworo kaapei ka ngangajepa, ka kiritanari ngikerep. Aso, erai ca ngun neni... ibore ngini toma nitungann.

----
Epupunit ekanisa ebe emam nyitanit inges Ekuwuam Ngoloakuangan. Ikilimokinete iyong ngikanisae ngun. Ka epedorete ngitunga akiwou ka itolimokis iyong erwori ngolo ka ngawatekec, ipedore kire jik akitonup iyong ngun. nai tokona esalakis nen, adakika. Emam nyiebala Yesu ebe ngulu aarei ngul eraunete ngulu eyapikina kaapei, “Epedorete amodikina tari ngulu Eseuna erai kepedor”? Erworo ngolo ka akuwan eraun ngolo ejoka ka erurut, ka epedori amodikin ngitunga. Eemut keng, erai ngitunga ngulu epedorete akirum akirot ngin alotoma lorot ngol, ngina epedorio inges ariamun idiotunganan ngini ka akuwan, ani erai kikinyomit iyong aosou kec, ikes -epedorete ikes atubokin Ekuwuam Ngoloakuanga, ka akiya erot ngolo itunganan. Ikingolik iwon ngun.

Nai tokona, erai ibore nginipei ngin atamete ikes nguna ikamunito Yosepu, ka apotu ikes kiritasi inges. ka, okoe, alotoma Ijipit, okoe, epite nolo ikipedorio iwon akitam, epite ngolo apedorio ayong akisitiya ngisaae. Ipedorete iyes akiboi anege ngikaru ngiuni ka tomama aseikin akirot ngin, aparaan ka akwaar, ka eringa iriamunit locokit ngolo eumokin ngolo a Ekuwuam Ngoloakuangan.

Ngatameta nguna ekuwuam epedorete akingoliya kwap toma Ijipit ka kingolikis akisicanio inges enyouni; epedori akingolikin Yosepu ayario, kotere akisicanio ngin enyouni. Ka nait kingolikis Akuj, kaapei ka alosit keng alotoma nalosito, nginibore dadang elosi alotoma edolit jik. Kingolik Potipar egeri Yosepu; kingolik alioko ngin elimorio. Ka kingolik Yosepu alotoma naenis, ka epenek keng epolouni, engolorio alotoma ngikaitotoi keng. Nai, alotoma adio paki atipei, abu Akuj bu toma. Ingolikia?

Lopite ali ikipedorio iwon akingolikin akeju ngina alotoma ngakejen ngagaari, elosi!alosikinet ka Akuj ngina eumokina elosi nginibore dadang elosi neni ka awosit na, aneni ka apaki n angina epedorio inges anyarare ngitunga Keng abongun toma nakwap nabo, abongun toma nakibois kiding kes epei ngolo abu Inges kiik epedori Inges akiwuakin kiding kec. Emaikina ikes toyiakasi toma nakwap kec. Totamunito, arai ikes aponere alotoma nakwap ngina ayiakasi ikes ka alosit toma nakwap ngina eikiinitai, eringa Messia kec ngolo ikiikinitai nyebuno.

Ka Ekanisa emaikina kitiyia ibore nginipei ngin; tolomu alotoma egurup ngolo ngikagero, toma nakiikinet, eringa Messia nyitoodiuna anenikec. Ingolikis iyes ngun? [tema atukot ebe, “Amen.” -Ed.] Akiyiar ngina Messia, itoodiun, itemokini Ekanisa, a Ateran.
Aberu akiitakin ka ekile, ka togerokinosi kaapei ka inges, erauni edio kabila ngolo ka akurianu, erucorit. Nai ngina ebunio ekile ka aberukeng, apesekeng ngina mina, aberu keng, ngina eyiakatar ikes nadolit ngina ka akinapakina, ikwapei epei tau ka apei tametait, naarai elosete ikes araun apei kuwan. Nait, ngina epedorio Ekanisa ayiakaun toma nakinapakina kaapei ka Akuj, paka akitodol nakitoodiun ngina ke Eteran erai akitoodiiun alotoma Nateran, naarai elosete ikes araun ngipei! Okoe, nyo akirot ngina eumokina ngin. Iyookino dadang.
Nai tokona, totamunit, atametait ngina ekuwuam ekamunit nu,epedori akingolikin ekabila ka eketidingan ekabila, ka tolemu ngun. naarai ipei, jik, ikipedori iwon alosit ngisaa kingare anen a nun. Tocoik ibore ngini itiyakin.

Tosiomete alo akirot...
Awosit ngina a ngauni.

Ekeyakiyari ayoŋ iyoŋ tokona neni a Parao iyau ŋituŋa kaŋ, Ŋisirael anakwap a Ijipit.”

Nai, abu Moses tolimok Akuj tema, “Ŋae mono ayoŋ ŋolo emaikina olot neni a Parao, oyau Ŋisirael anakwap a Ijipit?”

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awosit 3:10-12