Akure.
<< prev
next >>
Enyamit ekatau akure...
William Branham.Tosiomete alo akirot...
Akure.Tokona akirot ngina acamit ayong erwor nakuwarina, apei kirot alotooma Ebaibul, ka eriamunio ngun alotooma engaet ngolo a 2, “akure,” akirot Akure. Ayai ayong akiwarit akirot na tooma lokitaabo ngolo igiritai apolou a ngakiro.
Atami ayong nguna etapito amoretait apei paki, ka abu ayong alimonok nguna etapito Ikinyamite Akure Anguna Ka Akiyiar. Ka abu ayong ewar Lokirik, dang, ngina atemaria Daudi, “Ngikonikisila ,” anupit ayong, “epolok anenikang akilo tar akiyiar.”
Ka ewarit nai ayong ka atami nguna ka akirot a ngin “akure,” aso abu abu ayong ewar lokitaabo ngolo eyakasi apolou ngolo angakiro, aanyun akepolou. Ka anege alotooma nguna irworo Webster ebala, “Erai akitiinait ngina ikiriebi,” ariebo, ngina iitanitor iyong iyong icebore erono noi akitodol ngina eraunia apipilu anenikon. Tokona, emam nyerai ibore ngini emam aloyiakae akure akinyam. Erai akure ibore ngina ke eyiakae. Erai ibore ngini ikiinak iwon Akuj, ngini dang, ebeitor iwon akiitanit icebore. Ngacepakio eyiakar Akuj, dang, ikiinak iyong epem ngolo kipukaet, ibore ngini eyiai nawai anenikon ngini ipukat ngakonikiitaneta nguna egelegelia. Ka akure na, epem ngolo kipukaet lo iboi alotau aitunganan, ngacepakio einanakini Akuj inges akiretanakinia iyong nguna a ngakiitaneta a nguna iitanit inges.Tokona eyiakasi ngikabilai ngiarei ngulu ka akure. Eyiai akure ngina a ngawat. Ka eyiai akure, dang, ngina ke Ekuwuam. Acamit ayong asiomun nu, nguna abu Daudi tolim, nabo. ‘Enyamit ekatau akure, anguna ka Akuj a ngolo ayiaran...’
Meere ece ngice-emuto ngulu ngorok, kori icebore ngini atakanunit ngice karu ngulu kolong, kori ngatamakinet nguna erworo ice tunganan; “Kan Akuj ngolo eyiari,” Akuj ngolo eyiai jui-jui. Ka anyamit eketau akure a nguna ka Akuj, meere a nguna angice-eemuto.Tokona ikiriamuni iwon, ikiinakini iyong Akuj epem ngolo kipukaet, ainakin iyong ngiboro ngulu iitanit iyong. Tokona, epem ngolo kipukaet anenikon inges ikitenit iyong. Ka emotun akure na alopem ikipukat, ka alimokin iyong nguna iitanit iyong, erwor alotooma ekuwuam. Epem ngolo kipukaet anakuwan, ka alotooma etau, dang. Eyiai epem ngolo kipukaet tooma nakuwan, ngolo ikilimokini akiitanit ngina iitana alotooma akuwan, ka erai akure inges eyauni nenikon. Ka dang, eyiai epem tooma lotau kon, ngolo ikilimonokini iyong ngiboro ngulu iitanit iyong, icebore ngini eyiai tooma lokuwuam kon, ka, ka iyong a nguna anu ikilimokini iyong ekabila ka akiyiar a ngina ikipukat iyong.
Ngina ianyunia iyong neni ikote ngakonikiitaneta, anen ipedori iyong alimor, kan ngun, ekabila aibore a ngini eyiai tooma kon, ngini subunit akiitanit n angina iyiakar iyong. Kingolik, eyiai icebore ngini ikinyamitor iyong akure, ka epedori alimokin iyong alotooma ekonitau atemar nyo akiitanit na, kan eyiakae ka akure a ngina iitanit iyong. Atami imisiut iyes ngun.Eyiai epem ngolo kipukaet ngolo ke etau, ka epei ngolo ka akuwan, ka angolo pem erai ngolo enyara akiteyenikin ngoloce akiitanit angoloce. Anginidonupei enyar kan akiitanit a ngina enyarar nginice, iyiakiari ekaguragurat nguna ka akiteyenikin. Aanyunet, enyamit airing akitodolikin ngakiitaneta nguna eyiakasi tooma nakuwan, ka ekuwuam dang ngakiitaneta nguna eyiakasi tooma lotau, erai akiitanit, ka ngapakio nguna alalak iliekasi lu nginice ka nginice. Ikiriamuni iwon aina, ationis nakuwarina, ikatakinito ngituna akiyiar alokiding ngakiitaneta nguna yarei nu. Naarai, iburito epei ngiboro ka akwap, iburito ngoloce ngiboro ngulu Anakuj.
Ikwa ebookor Paulo, itacaunitor alotooma Ngiromayion 7:21, “Ngolopite acamitor akitia nguna ajokak, akaapikinit aronis.” Ngina ikatakinia iyong, ibu iyong toyiakaunotor ngun alotooma anaikinit, Ngikristo-a? Ebe ngina ikatakinia iyong akitia icebore adio urine, alosit akiwaakin agogong akitia icebore ngini ajokan, toriamuni nabo eyiai satan, nakan dadang, akicongakin iyong, idiobore dadang ngini icamit iyong...ka erai ngin ipei bore ngini ajokan, ngin. Acamit ayong alimun nu, nguna ebeit Ngikristo toyenete. Ebe ngina ikatakinia iyong akitia idiobore, ka toyiai ibore ngini ikitolitoli iyong alotooma akitia ngun, kitiyia ngun keyia ngun dang. Erai satan eyiai nen, ikatakinit akisipiyor iyong etic nguna iyookino.
Tokona, ngapakio nguna alalak ariamunun ayong ngitunga ngulu epatanikinit apalagiar. Ngina eriamuniata ikes atemar ikatakinito ikes akitia icebore, ka agolokin ngiboro alowaitin adaadang, ebasi ikes, “Acapaki emam nyerai acamit ngina a Ekapolon.” Ingolik-a? tokona nyicamak satan ikimodikini iyong ikongina. Ibore ngini esiaunan, toripu mono kerai acamit ka Akuj, kori mam. Ka nait ani kicamit iyong ayenun atemar erai acamit ka Akuj, kingolia tooma Lobaibul. Eyiai ibore ngini ikisidiirikini iyong, erai Akirot ka Akuj; ka ani nait kianyu iyong atemar eyia tooma Nakirot ka Akuj, a ngunakon akitia ngun.
Ikwa, aanyunet, akiwarit ebatisimu ngolo ke ekuwua a ngolo Akuangan. Ngapakio nguna alalak, aem ayong lotunga, ngulu ebasi, “Emam ngace, ewar ayong Ekuwuam ngolo Akuangan, ka emam nyepedora ayong akijaun inges. Emam nyanupit ayong atemar erai a nguna kang. Anginapaki ayiakaunor ayong kwap, adiekakin ayong. Ka alosi ayong akilip, kori kalung ayong, adiekakin ayong. Ka ani kekatak ayong akikoler akuwar dadang, iboikin ayong, akatingete ayong ngajo nooi. Emam epite kisiotokinet tar ngakejen kang.” Totamunite, erai ngol satan. Naarai, ikiitanit iyong Akuj toriam Ekuwuam ngolo Akuangan. Erai a nguna adadang a ngini ecamit.
Ngapakio nguna alalak iriamuni iyong, ekau ikilipakin iyong, alotooma akiriamun, a nguna ka angaleu a ngina ekujuwana, ani akolongit ngina etupakini iriamuni iyong ateamar, emam angayangayat, ebe ikitarauni iyong satan ngolo imunaara akilo lopite ngolo sek iyakar iyong ekingaren. Ingolik-a? Totamunito, erai ca ngol satan ikatakinit alemar iyong anarerengisio a nguna eyiakatar Akuj angunakon. Ingolik-a? Kiimarite kingaren jui-jui.
-----
Tokona elemunio iwon ngace nguna sek eyiakasi. Ngina ingareni. Ayaasi ikwa aanyunet, akure a nguna a ngakipi. Ikwanginapei alimunitor Daudi anege, akure a nguna a “ngakipi.” Akure a nguna a ngakipi, iitanit akuwan ngakipi. Ka arai pa kilema iyong akure ngin itwani yong. Ka ikwangiari iyong, ka emam nyibuni yong akiyiar. Erai pa kirukauni iyong ngakipi a nguna ka akure angin, akitududeo akure ngina ka akuwan eapi iyong atwanare. Emam nyiyiari iyong ekaoyan. Ipedori iyong akiyiar ekaoyan emam pa imuji akilo pa imasi ngakipi. Naarai ipedori iyong akilung adaun ngirua ngatomoniomwon (ikwa etiyaa Yesu), atami ayong, amam akimuj, nai emam nyipedori iyong akitiyia ngun ekaoyan emam ngakipi. Ka akure ngina ebuni nenikon, kan nyo, erai akidodiun atemar iitanit akuwan icebore, torubakinia inges eyiari. Irai iyong ngatomonikan-kauni alotooma amiat ngakipi ka akimiet, keyia nguna dang, ka iitana iyong kimuji ngamuja kotere irubakini iyiari. Ikwapei alimunitor sek ayong, kemam itwani iyong erai kijamak iyong.Erai akure nabo dang eli. Erai esaa ngolo ekengere ngolo ke esaa, akure ngin. Ituruuni etau ekengere ngolo ke esaa, ngolo eruo iwadio alotooma kon ngolo ikilimokini iyong atemar aapuu atwanare adolu diye. Ebe, arai pa kiriam iyong ngakipi atipei, ebeit iyong atwanare. Ka iyiatakini akikeun ka akikeu kidiama, akitodol ngina itudugeonoro iyong ka totwani nai iyong, naarai erai ekengere ngolo ke esaa.
-----
Tokona eyiai akitatamet ngina apolon nen, kingolik, ka ebala Daudi anege, “Ikwanginapei iburitotor atili ngakipi ka ayonai, ekatau dang ikiburit Iyong, Okoi Akuj.” Eyeni atili ngin, mati keriamun inges ngakipi kemam adaun inges. Emam nyepedori inges akiyiar. Esurum ayong ikes ngapakio nguna alalak akau kewani ikes. Ngina eturiaikinor inges elelia a ngakipi, etubokin inges ka akimat, toemi kidiama moru; todokuni kwap, totubor, toriamuni ngakipi nguna matan ka adokarit kidiama. Emam nyipedori iyong akikamun inges, bon ca totupite inges ayonai ngin. Nai ngina eesikinia inges ayonai ngin, erai pa keriamu inges ace yonai ngina a ngakipi nabo aiwace, ikamuni iyong inges atipei. tokona eyeni atili atemar, ejokuni inges kan ngakipi, aneni eriamunia inges ikes atipei. tokona ipedori iyong atamakin atili ikiarit ekekume kidiama, ngina ikamunere inges aneni emam ngakipi-a?Ka ebala inges ebe, “Ikwanginapei enyamitor kori iburitotor atili (erai akure) ngakipi nguna ka ayonai, ekatau dang ikiburit Iyong, Okoi, Akuj. Mati kakariam ayong Iyong, Ekapolon, kemam atwani ayong. Emam neni adoli ayong mati akariam ayong Iyong!” Ka ngina eriamunia ekile kori aberu, edya kori apese ekabila ka akure angin a nguna ka Akuj, ebuni inges ariamun idiobore. Ingolik-a? Nai ngina eriamunere iwon inges, ikwa ca anus, “Emam ngace, ariediki ayong alokwap ka aanyun nguna itiyiakini Ekapolon.” Kingolik, eringa iyong akure nyenyama. Ebeit torai akure ngina alokiding atwanare ka Akiyiar, ka anen itiyiakin idiobore.
Atili, anege dang... eriamuni iwon ebe inges dang eyiakar akipup ngina ka akinguere ngina iwaakini ekengere tooma keng ngina eapuunia ekemoit diye. Eyiakar inges, isubat ngini cici, ikiner ngini eyiuwarit akekiyiar. Ka eyiakar inges ekengere tooma keng, idiobore ngini cici, ngini euruni alokume keng ngina eapuunia ekemoit, ka eyeni inges atemar ebe iyiai iyong nen, ka eekari inges. Acepaki anus ka amaire nawai, epedori inges akinguun iyong ka aekar nawai, kori epeot kori adio ketu. Epedori inges aripun naarai itiyaunitai inges alopite a ngol. Erai inges atili, kan eyiakae. Ka akipup ngin erai Akuj ainakini inges, apupio aneni keng kan ayiaria.
Ka atami ayong, akisikwaan atili ka itunganan ngini enyamit akure a nguna ka Akuj, ering emoit ngedoluno nen. Eyiai ibore ngini etapit ikoku ka Akuj, ebe ngina ikidounere iyong tooma Lokuwuam ka Akuj, akijaun ebatisimu ngolo a Ekuwuam a ngolo Akuangan, eyiai ibore ngini etapit itunganan ngini inguuni emoit. Ipedori iyong ayaar ekile ngina eyaaria inges akigiret, ka akisiom akigiret ka akikatakin apedokin icebore nakigiret ngin, ngina egelaana aneni ka akigiret angin,ekile ngolo ilelebasi ka Ekuwuam ngolo Akuangan epedori Kinguori Lokaato Buranam ekekimoin) akinguun ngun, atipei. Eyiai ibore ngini ikoyakinit alorot. Ngina edolio inges tooma nakibois, ka toyiai akipup ngin nen, itiyai a nguna ka akisiyookin akonikiyiar. Iyong, nyebeit iyong, nyebeit iyong alosit nibore ice mati erai kire Akirot ka Akuj. Ebeit iyong kiboi kire kaapei ka Akirot ngin. Ka, tokona, ikiyiuwarit iwon akipup ngin arai bon ca keyiakai iwon tooma Lokuwuam ngolo Akuangan.
-----
Eyiai eceyiakae, ngolo eyiai sek, akure ngina eyiai sek, tooma nakure ngina alotooma etau. Imina yong atemar, “Lokaato Buranam, erai akure ke etau ngina, erai ngina sek eyiai-a?” Ee, erai ibore ngini sek eyiai a nguna ke etau akure akinyam. Ka erai, naarai Akuj ikitiyauni iyong alopite alo, kotere ikinyami iyong akure a nguna Keng. Ecamit Inges itonyamite iyong akure a nguna Keng. tokona, abu Akuj ikitiyau iyong ikongina. Emam pa abeit Inges ikitiyau iyong alopite a ngol, nai abu Inges kitiya ngun. Ka erai nyikitiyaunit Inges iyong ikongina, kotere ikinyami iyong akure, keyiakaun akingarakinet anasuwa ka atubokinio, atemar, “Emam pa akanyamit ayong akure a nguna ka Akuj.” Nai, emam akingarakinet, itiyat iyong. Ibuni iyong akitaraun nyo; acepaki ibuni iyong akitaraun akonibreu, acepaki ibuni akitaraun inges akonimotoka, acepaki ibuni iyong akitaraun inges icebore, acepaki ipedori iyong alosit lokanisa ka akikatakin akisimwonikin inges. Ka emam nguna etoronit ayong anguna ka alosenen lokanisa, nai meere ngin akisimwonikinet. Erai ariamun Akuj, Akuj ngolo ayiaran, Akuj ngolo Anakuj, tooma lotau kon, ngolo isimwonokini akimuit ngin ka akure ngina ikimuitor iyong ngin.Tokona, naarai abu Inges ikitiyau iyong kotere ikinyamit iyong akure a nguna Keng, a nguna ka Akekimor. tokona, eyiai akure ngina akire a nguna ka akimor. tokona eminai iwon akiriamunun kaapei. Itiyao iwon ngun nakuwarina. Iriamunoi iwon nege nakuwarina naarai eminai iwon akiriamunun, make. Kaanukiro itiyaera iwon ngun? Naarai eyiai icebore tooma yok ngini iitanit akiriamun nginice ka nginice. Ka erai ngun nguna eyiakasi sek. Ka tokona iriamununoi iwon kan alosikinet ngina adaadang anege, erai ngin, naarai ikinyamit iwon dadang akure a nguna ka Akuj. Ingolik-a? Ka nait iramunoi iwon nege jui-jui, kan alosikinet ngina adaadang a nguna ka akimor. Alokanisa nakuwarina, anege, acepaki ayiakasi ngatameta nguna egelegelia nguna a ngidinio, ka ngunace dang; nai ngini ebunio nakure ngin, iriamunoi iwon a nguna aipei bore, apei losikinet: Ikinyamit iwon dadang akure. Ngice acepaki enupito akiwat, ngoloce ebatisimu, ka ngoloce abukokin, kori ngunace dang; nai ngina edolunio nakurea nguna ka Akuj, eponio iwon ka alosikinet apei. Ka abu Akuj ikitiyau iwon kotere itiyao iwon ngun, ikinyamite akure a nguna Keng ka a nguna ka Akekimor.
Tosiomete alo akirot...
Akure.
