Ipeson itupusit cut Yosua.
<< abongor
ekaulo >>
Aitaraunio Odwe #1.
William Branham.Naka oitabo...
Aitaraunio Odwe #1.Kwana, Eitabo loka Ipeson, kwape kopekwana abu eong kalimunitor, eong kotoma aomisioit ka, erai ngon ediopet kOitabon luepolok kAitutuket kaNaitetet. Ejalakin oni, Calvinism alosit kotoma atenut adiopet, kosodi Arminianism da elosi kotoma atenut nakowai kaloce kaje, konye Eitabo loka Ipeson eyangauni kesi kere nepepe kosodi aisiboikin ekanisa toma aiboisit. Kwana, etupusit eong nges kede Yosua. Karai kimisik ijo, Isirael aponi kitolomunai kinga nako miMsiri, konye ajaas adoketa auni nuka alositekec. Adoketait nasodit, kerai ajalakin Misiri. Adoketait natupakini, kerai amoding. Adoketait natupakin, kerai Kanan.
Kwana, Kanan mam ebwoikinit atur naka Apugan naka Ikaru Elukumit. Ebwoikinit bon atur naka ikepikoron, aijokokinio naka aipikor, naarai kotoma Kanan apotu koarata kede aicwe kede aikamar ireria. Kwabo emameun atwanare kApugan naka Ikaru Elukumit. Konye icebore yen iswamai, eyangauni aitojokio kanuka aiyuun, akaulo na kesi aiyuun Musa kosodete ajalakinMisiri. Aitalaunio, kotoma atupit Epir loka Akim kede aitulucio naka imerekek yenika asubanit kotoma amoding. Kosodete alomar akwap naesumunitai.
Kwana, anibo akwap naisumunitai ikeyuunak luka Aitutuket kaNaitetet? Aisumunete ngesi Emoyo lokalaunan. “Naarai ebuni ajaun kotoma apaarasia nukawasia,” Yoel 2:28, “ebe abukokini Eong Ekamoyo mama ejaas awate kere. Idwe kus lusapa ka lupesur epote aidwar. Ido mama ejaas akabulesin kede ikabulesin abukokini Ekamoyo, ido epote aidwar. Abuni aitoduun nukaumokin nuepolok kotoma akuj. Ido kotoma akwap, ipirin luka akim, kede apuru, kede elisina.’’ Abala Petero ebe, kotoma apak naka Pentekot, akaulo nasiomun ekokoro kede alimonokin, “aitoronokin, kangin diopet kayes, kosode aibatisaun Kokiror loka Ejakait Yesu Kristo kanuka aisionio,” aisionio, aitim, alemar awai adiakanareta.
Imisikit ijo, Yosua, eroko kesi etubo Yorodan, abu Yosua kolim, “Koloto kiding naka idukurun kosodete ailot ikus napen kosodete aitalaun kangin diopet kayes, kinye idio keyes aikunyakin akeberu, naarai kotoma apaarasia auni ipote yes aanyun aibuses naka Edeke,’’ Iany? Kerai ainapeta nuka akapakin airum aisumunet. Kwana, aisumunete mama ejai Isirael, kerai, Edeke ainakinit Aburaam aisumunet naka akwap, nako Palestine, ido abeit araun akeceirumet ikaru kere. Ido arai kesi asalanakin akwap ngin. Kwana, apotu kesi opotu kotoma adoketa auni, erai cut naitupusitai kotoma Aitutuket kaNaitetet. Kwana nuu, kwape alimunitor eong, aticepak mam ejokak mama ejaasi ice kayes. Itunga luketiai luko Nazarene, ekanisa loka Edeke, kaceda, mam icamakin imusung ijo, konye bon osalak iteunit ejok kosodi aanyun aitupuseta. Kowanyu araimam nginibore iriamara kede aiboisitike kotenan.
Ajaas adoketa auni nuka alosit, ido ejaas adoketa auni nuka alosit kana da. Naarai itojokitai oni kanuka aiyuun, aiyuun Ejakait Yesu Kristo, aigir akwap nako Misiri, alomun kinga. Kosodete aitalaun kanuka ainakinio naka AokotoKe, ailotario naka adiakanareta, kede araun ipejok ka ibiororok, eburatos ebe kimoot akwap, ere loebunit, arai aisumunet. Kwangin ajari Isirael amoding, ikalotok, luemamei aiboisit naiyengunet, alosit akuare akaulo na akuare, atupit Epir loka Akim, konye angeseteke adolore akwap nakaisumunet neda apotu kiyengunatar.
Nen ngesi edolokin ekeyuunan da. Edolun ber toma amisikin ebe erai ekadikanaran; kotiakunete kede akipi, ailotario naka akipi, kede Aokot, karai ailotar kede akipi kotoma Akirot, aiyuunit Ejakait Yesu Kristo. Kosodi aitojokio kanuka aiyuun, koraun do ekeruman, kede ainapakin kede Edeke, kotoma Kristo, kibatisaitete Kokiror loka Ejakait Yesu Kristo, aupakin kede nges kotoma alosit. Kidum ijo ngin? Kotoma alosit! Koraun ngesi da ekaloton kede eboiororon. Ejai ngesi osapali alosit ai? Mama ejai aisumunet nainakinit Edeke.
Mam bere Isirael adumunit aisumunet, konye ajaas oroto kec. Ido komam aikeun... Okwe komisiikisi. Nen ngesi ijai ijo, luko Nazarene kede Pilgrim Holiness, kede iceda aibiror. Naarai, Isiraell, edolokis toma aiboisit, naka Kadesh-Barnea, neapotu ikarotak kolosiotor kosodete atemar, “Erai akwap nakaumokin,’’ konye ice kakesi kobongutu ebalas ebe, “Mam oni ipedori airum, naarai ebwaitai ireria, kede aceda.’’ Konye Yosua kede Kaleb apotu kobwaata, kosodete atemar, “Kirai oni ludeparit apedor airum!’’ naarai kanuka alimunetakec nuadaunitos kesi aidokokin akan, eyuunitos aswamisio aarei nuka asianut, aitojokio ka aitalaunio, ido mam apedorete aikunyakin bobo ngaren. Ido kopupok, abu atur ngin kere kotwanik amoding. Konye iarei luapotu kolomas toma akwap naka aisumunet kosodete ayangaun ajenanut ebe arai akwap najokuna, ‘ido ebe irai oni ludeparit apedor airum akwap, naarai erai aisumunet naka Edeke.’’ Ido aibois na itunga alosit ngaren, adumun Emoyo Lokalaunan, einer kede angajepa, aijaun apedor naka Edeke, aibatisao naka Emoyo Lokalaunan, aanyuneta, nukaumokin nukapedor, apotu koomitos ebe apote ngun aibil inonosio kec luka aisisinakin. Ido inyo abu iswamaun? Atwakikin akwap! Erai ngin abeit.
Konye ikeyuunak, epone kaluka Kaleb kede Yosua, ajaas alosit ngaren mama ejai aisumunet, apotu koloto ngaren mama ejai akwap, kosodete aikamar akwap, kosodete aiboikin akwap, kwape airumet. Ido mam cut oni isalakini toma aitojokio, aitalauno. Kalototo ngaren toma aibatisao naka Emoyo Lokalaunan. Mam ipaikin toma aiyuunit Ejakait Yesu bon, toma aibatisao. Mam isalakini naarai adau ngesi aitalaun oni kotoma aijar naka aronis. Konye alototo kiton aiboisit, mama ejai aisumunet naka aibatisao naka Emoyo Lokalaunan. Naarai abala Petero, kotoma apaaran naka Pentekot, “Naarai aisumunet erai kanukus, kede ikusidwe kede kere lulwaka lunyarauni Ejakait ewok Edeke.”
Aso, Ipeson kane esipokinitos oni kwape Yosua, toma aboisit. Komisiik, Yosua, akaulo, atubor alomar toma akwap, ka airum da akwap, kosodi do atiakatiak akwap. “Epuraim nee, Manase nee, loda nee, Gad nee, Benjamin nee”, abu kotiakatiak akwap. Ido komisiik! Oo, inokokin do iwok tauon! Kanginidiopet kotoma luka toto ngun nuka Iburanian, nuauriete idwe ngul, abu ngin kolim aiboisit obe, kotoma arieboke naka aidoun, neapote ngul ajaun kotoma akwap naka aisumunet. Oo, erai aisisia naepol! Karai ti iloma oni kede aidules, nada eyangar isawan akaulo na isawan. Acepaaran neidaunia oni airikakin ekanisa wok, epuda eong abunore adaun elapa kere karai iarei, asalakinit ber toma kangin. Koany ijo na kesi, kanginidiopet kotoma kanuka toto ngun, naewororia ngesi, “Epuraim,” neajaar ngesi toma ariebo naka aidoun, abu kosipok ngol akejeneke aibwo kotoma akinyet. Cut becebec nginidiopet kakesi nepe kere kejaasi kesi. Ido Yosua, komam ejeni nu, konye kotoma aiyengakinio, kingarenikinite Emoyo Lokalaunan, akaulo najaun akwap naka aisumunet, abu koinak ngolitunganan ekeisumunet, cut nupe adaunit Emoyo Lokalaunan aisumun kotoma aurio kokau kangina.
Eipone lo ebwaikinia Edeke ice okanisa, kotoma ariebo naka aidoun! Oo, apotu kodumutu ibore yenitegelikina. Nejaar ekenisa idinya kotoma areo naka akwapin, kiyuunitos Ejakait Yesu Kristo, kojai da aisumunete naka Emoyo lokalaunan cut kwape ajaar kotoma apaaran nako Pentekot, epone lopotu kokudianatar kede aimony kotoma ariebo naka aidoun! Konye nakeurunere, kosodete aurunio kosipokina toma Ajakanut naka Edeke, kibwaikini do Emoyo Lokalaunan okanisa, ice ikiyakia, ice inabin, ice ikesisianakinak, ice ikecokok, ice ikalimonokinak. Kosodi ainakin kanen, ainer kede angajepa, aijul angajepa, acoa, aijen, ainakineta nuka aitangale, ediopone kere loka nuka apedor.
Neejai ekanisa... Kwana na ngesi apeleikinete naeswama eong nuu. Etamit duc ekanisa ayangar agor naka icetunganan. Konye sir kiswama ngun. Mam ijo itopoloun emudunga kotoma agor naka Epuraim, karai irai ijo loka Manase. Eyangaikin ijo ayangar aiboisitikon kotoma Kristo, koyanga kotupite aibois naisiboikinitai jo. Oo, eraun naidul ido kobarara naidolokinio oni nen, eipone loebwaikina Edeke ice toma okanisa ainer kotoma angajepa, ice... kwana, isisianakinitai oni irwan apu, “Karai inere oni kere kotoma angajepa.” Erai ngin namam ejok. “Oni kere aswam ngun.” Mam, mam ebeit. Mam kesi kere iswamaete idiope ibore. Kangindiopet aponi...
Kanginidiopet, aponi konakinai akwap ido atiakatiakatai kanuka aiyengakinio. Ido, kanginidiopet, ti eong apedo alemun kotoma Nuiwadikatai Obaibuli kasodi aitodikin ijo cut, ebe abu ngesi ibwaik kesi aboisit nakebeit kesi ajaut, kotupitete aisiboikinio, eipone lokebeitor atekerin aarei nuaraasi atutubeta aiboi kajuwai naka ecor, eipone loapotu lukatotokec komonyatar ngun kotoma ariebo kec naka aidoun, ido eipone lokebeitor nginiiboisit ajaut. Kosodi kwana akaulo na ijo alomun toma, mam erai akepolou ebe adaun do ejie. Eringa esalit jo ejie kanuka kanuka ngin inch yenika alupok nuibwoia ijo. Kwana koany, mam Kanaan abwoikinit Akuj ngin nakapolon, naarai ajaas ijisio kede atiokusio kede atwakisia kede ijisio, kede aceda. Konye keraka abwoikinit nu, ebe ibusakinit korai alosit naitekoro.
Nen ngesi ejaar ekanisa aibiror lolo, kotoma alosit kangin. Konye ijeni ijo ebe karaida ekonipone obe da epedori aisimik icetunganan adumun angaleu? Ekonipone loaronon, loka akonirokusio numam ijo ilimorit nukus kayesi ikeyuunak, epedori aidupor ekanisa lo ibiror erono noi. Ido kotoma apaaran naka atubokinio ikamunitos ijo nuka ngun kere. “Oo,” ipedori ijo atiar, “kwana, idareu adakika, Onac Branham.” Ejok, erai nakabeit. Koomoom nuka kangin! Yosua, akaulo natuboror ngesi toma akwap, abu Edeke kijaik ngesi aisumunete ebe... Koumok ber ijo, alosit ejie kere toni adaun komam atwaniar etunganan, karaida adumun akwacaret, komamei karai da anasit, arai bonat first aid arai abandej. Amen. Abala Edeke, erai akwap nakus, koloto ojioto.” Inoma ber ijo, aitolot ejie, ido komamei karaida, Red cross kanen, naarai amamei idio yen alosio aimusung!
Ido apotu kesi koarata Imorain ka Ikitin, konye amamei yenemusungitai kamakec aitodol aronis alomun toma oidukurun. Ido neabu Akan koyaunia elou loka Babulon ka esabu, kosodi aingada kodukuru ke, apaaran natupakini apotu kesi kotwakias ikiliok itomonakanyikape. Abu Yosua kotema, “Kogwoutu! Kogwoutu! Kidarakis adakika, ejai ibore yen erono! Ejai ibore erono kane. Kilosi anyaraun apaarasia akanyikaarei nuka ailip kede ailung. Abu Edeke kijaik oni aisumunet, ebe ‘Emameun ibore etirori oni.’ Lukasurup wok epote aibirokin akejen wok. Konye ajai ibore yen erono kane. Ekoto kojai ibore yen ibucara kanenice,’ Naarai atwaka oni itunga itomonakany kape eperete kane. Eraas iinacan Isiraelin, ido atwakata.”
Kanukinyo atwakatar kesi, itunga lumamei adiakar? Naarai abu ediopetunganan icak kinga naka ekokoro. Iany ijo apeleikinet naebeitor aisianakin nu? Ejai ekanisa aitetenaar, aitetenaar kede Akirot naka Edeke, aitetenaar kede Edeke ido aitetenaar kedenginidiopet ka nginice, alosit kotoma aitetenaara nacut, kocaete, kakonyen nuka itunga kere, koyongite Edeke. Naarai abu ediope tunganan kokokou elou, kosodi aswam ibore yenimam ngesi abeit aswam, abu koyanga aijar naka ikiliok itomonakany kape! Aomit eong ebe araasi itomon akanyikape, karaibo adepar da. Konye eyuunit eong arasi ikiliok itomon akanyikape luapotu kotwaka. Abu Yosua kiworo, kosbala, “Ejai ibore yenerono! Abu Edeke koinakinite aisumunete, konye ejai ibore yenerono.” Naiyangaunia oni lukadekak akonyewok, ido komam engaleunete, eyangaikin oni anyaraun ailung nakalaunan, konyarautu atukot. Ejai ibore erono kanenice. Abu Edeke ijaik aisumunet, eyangakini Edeke asalakinit toma aisumuneteKe, ido ebuni aswam ngun.
-----
Paul, ekiayakia loka Kristo Yesu kanuka akote naka Edeke, mama ejaas lukalaunak... (Luitalaunitai)... luejaas Epeso, kalu iyuunitos lukotoma Kristo Yesu: (Ipeson 1:1)Koany eipone lotejenaritor nges nu. Mam arai nejaas lumam iyuunito. Konye arai mama ejai ekanisa. Enyarakinitai mama ejaasi luenyaraunitai kinga, luitalaunitai ido luenyaritai ngul luejaas toma Kristo Yesu.
Kwana, arai ikoto ijo ajenun eipone lolomaret toma Kristo Yesu, arai kipuko ijo Ikorinton Lusodit 12, ebala ebe, “Aponi kibatisai oni kere kanuka Emoyo ediopet toma Akuan adiopet.” Kopone kali? Ibatisatai kede inyo? Emoyo lokalaunan. Mere kotoma aibatisao naka akipi, yes itunga luka Church of Christ, konye kanuka ediopet E-m-o-y-o, kanuka Emoyo ediopet. lokapolon, kotoma Emoyo ediopet. Mere kanuka aijangakin akan irwan atipet, kede ebalua ediopet, mam erai kede aicokakinet adiopet. Konye, “Kanuka Emoyo ediopet ibatisaikitai oni kere toma Akuan adiopet,” airumet wok, Akwap ngin naabu Edeke ijaik oni ajarenen kotoma, Emoyo lokalaunan. Kwape abu Ngesi koinakinia Isiraelin Kanaan, ainaki Ngesi oni Emoyo Lokalaunan. “Kanuka Emoyo ediopet kibatisaikitai oni toma Akuan adiopet.” Idum ijo ngin?
Kwana, inera ngesi mama ejaas Ikanaanin lukomoyo, Isirael, Isirael nakomoyo luda erumata akwap. Oo, mam kere ijo iyalama ebe ilom ijo ko Misiri? Mam kereka ijo iyalama ebe ilom ijo kamoding? Ido, kiitu, kerai kesi ainyam emanu, inyamat luka Imalaikan luapote kotoma Akuj, kiton napotu kotuboror toma akwap. Ido napotu kotuborotor akwap, abu emanu konang acakunun. Kanen apotu do kesi kodaut atiokere, arai do kesi ainyam emudunga loka akwap. Kwana, kwana mam bobo yes iraas imukerun bobo cut, kwana mam bobo ipudas akile nuka akiro nukajokak, tetere mam bobo kiyamiyamio, kede aikanikan, aitingaikinit abunore okanisa, kwana ebe iraas yesi Ikristayon luadautu atiokere kwana ikapakina ainyam akiring naegogog, “Ikapakina adolokin mama ejai icebore,” abala ngesi. Ikapakina kwana eyes amisiikin ice bore yeni idulo ido kobarara. Oo, kilosi oni arasakin alomakin ngin. Ido, oo, engaditai ngin ageun eroko epesikina apetetait naka akwap. Abala ebe, “Kwana ebe idolu ijo toma anu, ajai eong alimokin nu mamakus.” Mere ngun lueroko enyouno ko Misiri, karaida ngun lueroko ejaas orot, konye mama kangun luejaas akwap naka aisumunet, luda adaut aijaun aisumunet.
Naka oitabo... Aitaraunio Odwe #1.
Edukone ka Elakit.
