Efeso hingpit nga managsama sa Josue.
<< kaniadto
sunod >>
Pagkasinagup #1.
William Branham.Basaha ang tibuok nga asoy sa...
Pagkasinagup #1.Karon, ang Basahon sa mga taga Efeso, maingon sa ako nang giingon, Ako-alang kanako, maoy usa sa labing inilang Basahon sa Bag-ong Tugon. Kini maoy nagbilin kanato sa pag-uswag diin ang Calvinismo naglakat diha sa laing sanga, ug ang Arminianismo misubay sa laing sanga, apan ang Basahon sa mga taga Efeso mikuha niining tanan ug gipahimutang sa hustong dapit sa Iglesia. Karon, akong gipanag-ingon kini sa Josue. Kung inyong namatikdan, ang Israel gikuha gikan sa Egipto, ug dihay tulo ka mga hugna sa ilang panaw. Ang nahaunang hugna, mao ang pagbiya sa Egipto. Ang ikaduhang hugna, mao ang sa kamingawan. Ug ang sunod nga hugna mao ang Canaan.
Karon, ang Canaan wala maglarawan sa panahon sa Milenyum. Kini igo lamang maglarawan sa mga mananaug, ang hugna sa pagdaug, tungod kay didto sa Canaan sila nagapamatay ug nagapanunog ug nanguha ug mga ciudad. Ug wala nay kamatayon sa Milenyum. Apan ang laing butang nga nahimo niini, kini nagdala ug Pagkamatarung pinaagi sa pagtoo, human sila mitoo kang Moises ug mibiya sa Egipto; pagkabalan sa pagsunod sa ilalum sa Haligi nga Kalayo ug ang pagtabon sa halad nga nating carnero didto sa kamingawan; ug unya ang pagsulod sa yuta nga gisaad.
Karon, unsa man ang gisaad nga yuta alang sa magtotoo sa Bag-ong Tugon? Ang gisaad mao ang Espiritu Santo. “Mahitabo sa ulahing mga adlaw,” Joel 2:28, “nga Akong igabubo ang Akong Espiritu sa ibabaw sa tanang unod. Ang inyong mga anak nga lalaki ug mga anak nga babaye magapanagna. Diha sa Akong mga sulogoon nga babaye ug sa Akong mga ulipon nga babaye Akong igabubo ang Akong Espiritu, ug sila managpanagna. Ug Ako magapakita ug mga katingalahan diha sa kalangitan. Ug dinhi sa yuta, mga haligi nga kalayo, ug aso, ug inalisngaw.” Ug si pedro miingon, sa adlaw sa Pentecostes, human makakuha sa iyang teksto ug nagwali, “Maghinulsol, ang matag usa kaninyo, ug magpabautismo sa Ngalan ni Jesus-Cristo alang sa kapasayloan,” sa pagpasaylo, sa kapasayloan, aron pagpapas sa tanang kalapasan kaniadto.
Hingmatikdan ba ninyo, si Josue? Sa wala pa sila motabok sa Jordan, si Josue miingon, “Pangadto kamo sa taliwala sa kampo ug hinlo-i ang inyong mga bisti ug magbalaan ang matag usa kaninyo, ug kinahanglan walay tawo nga magduol sa iyang asawa, tungod kay sulod sa tulo ka adlaw inyong makita ang Himaya sa Dios.” Nakita ninyo? Kini mao ang -- kini mao ang paagi sa pagpangandam sa pagpanunod sa saad. Karon, ang saad alang sa Israel mao... ang Dios naghatag kang Abraham ug saad yuta sa palestina, ug kadto maoy ilang katigayonan nga dayon. Ug kanunay silang magpabilin niining yutaa. Karon, miagi sila ug tutulo ka mga hugna, sa pag-adto niining yuta sa saad. Karon, bantayi; kay gilarawan kini pag ayo diha sa Bag-ong Tugon. Karon, kini, sumala sa akong giingon, mosukwahi sa pipila sa inyong panghunahuna. Kaninyong mga bililhong katawhan sa Nazaren, Iglesia sa Dios, ug uban pa, ayaw kinig ikasakit, kondili bantayi lang kini pag-ayo ug bantayi ang mga katipohan. Bantayi ug tan-awa kon ang matag dapit dili ba motakdo sa hingpit.
May tulo ka mga hugna sa pagpanaw, ug aniay tutulo ka mga hugna niining pagpanaw. Tungod kay gimatarong kita pinaagi sa pagtoo, nga nagtoo kang Ginoong Jesus Cristo, nga nagbiya sa yuta sa Egipto, migula, ug unya gibalaan pinaagi sa paghalad sa Iyang Dugo, gihugasan gikan sa atong mga kasal-anan, ug nangahimong mga dumolung ug mga lumalangyaw, nga nagaangkon nga kita nagapangita sa usa ka yuta, ang usa ka ciudad nga umaabot, o ang usa ka saad. Mao man usab ang Israel didto sa kamingawan, mga lumalangyaw, walay dapit nga kapahulayan, nagalakaw matag gabii, nga nanagsunod sa Haligi nga kalayo, apan sa katapusan nahiabot ngadto sa yuta sa saad diin didto sila gipahimutang.
Mao kana ang sangpotanan sa magtotoo. Siya mosangko una sa pag-ila nga siya usa ka makasasala; ug unya siya pagaulangon pinaagig mga tubig, ang paghugas pinaagi sa tubig, pinaagi sa Dugo, ug-kon ang paghugas sa tubig pinaagi sa Pulong, diay, nga magatoo kang Ginoong Jesu-Cristo. Ug unya, maingon nga gimatarong pinaagi sa pagtoo, siya nahimong usa ka umalambit, ug may pakigdinaitay sa Dios, pinaagi kang Cristo, gibautismohan sa Ngalan ni Jesu Cristo, aron pagbutang kaniya sa pagpanaw. Nakuha ba ninyo kini? Diha sa pagpanaw. Ug unya siya mahimong usa ka lumalangyaw ug usa ka domuluong. Anaa na siya sa iyang panaw alang sa unsa? Sa usa ka saad nga gihimo sa Dios.
Wala pa madawat sa Israel ang saad, apan diha na sila sa ilang panaw. Ug wala, magbayaw... Palihug sabta. Diha kamo niana, ang Nazaren ug ang Pilgrim Holiness, ug ang uban pa, nangapakyas. Tungod kay ang Israel, sa ilang paghiabot sa Kades Barnea, sa pag-hiabot na sa mga maniniid ug miingon, “Ang yuta daku.” Apan ang uban kanila mibalik ug miingon, “Dili nato kini makuha, tungod kay ang mga ciudad kinotaan, ug uban pa.” Apan nanindog si Josue ug si Caleb, ug miingon, “Labaw pa kitang takus sa pagkuha niini.” Tungod sa natiman-an na nilang pamahayag nga kalig-onan, sila nagtoo sa duha ka mga buhat sa gracia, ang pagkamatarung ug pagkabalaan, ug dili na mahimong moadto pa sa unahan. Ug paminaw, kadtong kinatibuk-ang kaliwatan nangalalag didto sa kamingawan ug kadtong duha nga nakaadto sa yuta sa saad ug nakadala sa kalig-onan nga kadto usa ka maayong yuta, “ug labaw pa kitang takus sa pagkuha niini, tungod kay kadto maoy saad sa Dios,” Ug unya inay nga ang katawahan mopadayon, nga magadawat sa Espiritu Santo, magsultig laing pinulongan, nga magadawat sa gahum sa Dios, ang bautismo sa Espiritu Santo, mga ilhanan, mga katingalahan, mga milagro, ilang gibati nga kini maka-pabungkag sa ilang kalagdaan sa doctrina. Ug unsa may nahitabo niini? Nangalaglag didto sa yuta! Husto kana.
Apan ang mga magtotoo, ang kang Caleb ug kang Josue nga pundok, nga mipadayon ngadto sa saad, sila mipadayon ngadto sa yuta, ug gikuha ang yuta, ug mipahiluna didto sa yuta, ingon nga usa ka katigayonan. Ug dili ta gayud mohunong diha sa pagkamatarung, ug pagkabalaan. Mopadayon ta ngadto sa bautismo sa Espiritu Santo. Dili ta mohunong diha sa pagtoo sa Ginoong Jesus, ingon nga gibautismohan. Dili ta mohunong tungod kay Iya tang gihinloan gikan sa kinabuhing makasasala. Apan karon mipadayon ta diha sa baruganan, ngadto sa usa ka saad sa bautismo sa Espiritu Santo. Tungod kay miingon si Pedro, sa adlaw sa Pentecontes, “Tungod kay ang saad alang kaninyo, ug sa inyong mga anak, ug kanila nga atua sa halayo, bisan sa tanan nga pagatawgon sa Ginoong Dios.”
Busa, dinhi niini ang Efeso nagpahimutang kanato sama kang Josue, sa kahimtang. Himatikdi ninyo si Josue, human makalabang sa yuta ug gikuha ang yuta, ug unya iyang gibahin ang yuta. “Si Epraim dinhi, si Manases dinhi, ug kining usa dinhi, si Gad dinhi, si Benjamin dinhi.” Iyang gibahin ang yuta. Ug matikdi, Oh nakapadilaab kini sa atong mga kasingkasing. Ang matag usa niadtong mga inahang Hebreohanon, nga nanganak niadtong mga kabataan, siya nagsulti sa maong dapit, diha sa iyang pagbati sa pagpanganak, diin sila ikapahimutang didto sa yuta sa saad. Oh, usa kini ka dakung pagtoon. Kon lamang mahisgotan nato kining tanan sa tinagsa gayud, nga mahuman ug takna sa mga takna. . . Sa kaulahiay kung maayo na ang atong simbahan, moanhi ra ako ug kuhaon ang usa ka bulan o duha, nga magpabilin lang gayud diha niini. Bantayi sa ila nang, ang matag usa niadtong mga inahan, sa gingalan niya, nga “Epraim,” sa nagbati pa siya, sa kahimtang mipahimutang kaniya diin ang iyang tiil didto mahimutang sa lana. Sa tukma diin ang matag usa kanila kung hain sila mahimutang... Ug si Josue, nga wala masayud niini, apan pinaagi sa lamdag, minanduan sa Espiritu Santo, sa didto na yuta sa saad, gihatag sa matag tawo ang gisaad kaniya, nga tukma gayud kung unsay gisaad sa Espiritu Santo subay sa pagkahimukso kaniadto.
Giunsa nianang Dios ang pagpahimutang sa pipila diha sa iglesia, pinaagi sa pagbati sa pagpanganak... Oh, usahay ilang maangkon ang pagkamakalilisang. Kung ang usa ka iglesia mag-agulo ilalum sa paglutos sa gawasnong kalibutan, nagtoo sa Ginoong Jesus, nga ang saad sa Espiritu Santo matuod kaayo alang kanato maingon kini sa Pentecostes, giunsa nila ang pag-agulo ug sa kahimtang nahimugso diha sa Gingharian sa Dios, sa ingon ang Espiritu Santo mipahiluna kanila diha sa iglesia, ang uban mga apostoles, ang uban mga profeta, ang uban mga magtutodlo, ang uban mga pastor, ang uban mga ebanghilista. Ug dayon Iyang gihatag didto, ang pagsultig mga dila, pahubad sa mga dila, kaalam, kahibalo, hiyas sa papangayo, tanang matang sa mga milagro.
Diin gani ang iglesia... Karon, mao kini ang akong katuyoan sa pagbuhat niini. Ang iglesia kanunayng maninguha pagkuha sa dapit sa uban. Apan ayawg buhata kana. Dili ka gayud makahimo sa pagtanum ug mga mais sa dapit ni Epraim, kon kang Manases ka. Kinahanglan kuhaon mo ang imong dapit diha kang Cristo, sa kahimtang kuhaa kini. Oh, nagkaanam kalalum ug kaanindot kung mahidangat na kita dinhi niini, giunsa sa Dios ang pagpahimutang sa usa diha sa iglesia aron pagsultig mga dila, ang lain... Karon, sa daghang higayon gikatudloan kita, “kinahanglan gayud nga mag sulti ta ug mga dila.” Sayop kana. “Kinahanglan nga buhaton ta kini.” Dili, dili ta. Silang tanan wala magbuhat ug usa ka butang, ang matag usa...
Ang matag usa... ang yuta gikatagana ug gibahinbahin pinaagig lamdag. Ug ang matag usa... mahimong kuhaon ko ang mga Kasulatan ug ipakita kini kaninyo sa husto, nga iyang gipahimutang sila sa dapit diin angay sila mahibutang, sa kahimtang, kung giunsa nga ang duha ka tunga sa mga banay kinahanglan magpabilin sa tabok sa suba, guinsa sa ilang mga inahan ang paghilak niana sa ilang pagkahimugso, ug giunsa sa matag dapit nga maingon niana. Ug karon tapus sa inyong paghisulod, wala kana magpasabot nga gawasnon na kamo sa gubat. Sa gihapon magapakig-away ka pa sa matag pulgada sa yuta nga imong nahimutangan. Busa, tan-awa, ang Canaan wala maglarawan sa dakung langit, tungod kay kini may gubat ug mga kagubot ug mga patay ug mga away, ug uban pa. Hinonoa naghulagway kini niini: nga gikinahanglan niini ang usa ka hingpit nga paglakaw.
Ug mao kanay gikapakyasan sa iglesia karon: nianang maong kahimtang. Nasayud ba kamo nga bisan ang inyong kaugalingon kinaiya makapapukan ni bisan kinsa gikan sa pagkaayo? Ang inyong dautang lihok, sa wala mahisugid nga mga kasal-anan kaninyo nga mga magtotoo, magdulot niining maong iglesia sa hilabihang kapakyasan. Ug sa adlaw sa paghukom inyong tubagon ang matag usa niini. Oh, moingon kamo, “Karon, kadali lang, Igsoong Branham.” Buyno, mao kana ang kamatuoran. Hunahunaa kini. Si Josue, sa nakalabang na siya ngadto sa yuta, gihatag sa Dios kaniya ang saad nga... Hunahunaa lamang... nga makig-away sa kinatibuk-ang kampanya nga dili mapildihan ug usa ka tawo, nga wala gani'y usa ka garas, nga dili na gani magkinahanglan ug usa ka nars, ni usa ka unang tabang ni usa ka bindahi. Ang Dios nag-ingon, “Ang yuta inyo man, padayon pakig-away.” Hunahunaa ang pakig-away sa kampanya, ug walay Red Cross nga atua didto, walay si bisan kinsa nga nangasamdan!
Ug ilang gipamatay ang mga Amorihanon ug mga Hitihanon, apan walay bisan usa kanila nga nasamdan hangtud nga ang sala miabot sa sulod sa kampo. Ug sa gikuha ni Acan ang bisti sa mga taga Babilonia ug kadtong bulawan nga kunya, ug gitagoan kini sa sulod sa iyang kampo, unya sa pagkasunod adlaw napildihan sila ug napulog unom ka mga lalaki. Si Josue miingon, “Hunong. Hunong. Ayaw una; kay anaay butang nga dili maayo. Anaay butang nga dili maayo dinhi. Magtawag ta ug pito ka adlaw nga pagpuasa. Gihatag na kanato sa Dios ang saad. Walay bisan unsang makadaot kanato. Ang atong mga kaaway mangapukan sa atong tiilan. Ug aniay butang nga dili maayo dinhi sa palibot, 'tungod kay anaay atong napulog unom ka mga lalaki ang naghay-ad dinhi. Sila Israelinhong mga igsoon, ug nangamatay sila.”
Nganong nangamatay man sila, mga tawong inocente? Tungod kay may usa ka tawong mikawas sa linya. Nakita ba ninyo ang hinungdan nga kinahanglan ikatudlo gayud kini? Ang iglesia nahitalay diha kon nahilinya, nahitalay sa diha Pulong sa Dios, nahitalay uban sa Dios, nahitalay diha sa matag usa, nga nagalakaw sa tuman nga kaligdong, malomo, atubangan sa tanang tawo, nga mahadlokon sa Dios. Tungod kay ang usa ka tawo nangawat ug usa ka bisti, ug mibuhat ug usa ka butang nga dili angay niyang pagabuhaton, nakapildi sa kinabuhi sa napulog unom ka mga lalaki. Sa akong pagtoo napulog unom kadto, tingalig kapin pa. Sa akong pagtoo napulog unom kadto ka mga lalaki ang nangamatay. Gipanagtawag ni Josue, ug miingon, “Adunay butang nga sayop. Ang Dios naghimo sa maong saad, ug anaay usa ka butang nga sayop.” Kung atong dalhon ang masakiton sa atong atubangan ug mapakyas sila sa pagkaayo, nagkinahanglan ta ug usa ka maligdong nga pagpuasa, magtawag ug panagkatigum. May usa ka butang nga sayop sa palibot. Ang Dios naghimo sa saad. Kinahanglan mopabilin ang Dios nianang maong saad, ug Iyang buhaton kini.
-----
Si Pablo, apostol ni Jesu Cristo pinaagi sa kabubot-on sa Dios, nganha sa mga balaan... [ang gibalaan]... nga anaa sa Efeso, ug kasaligan usab diha kang Cristo Jesus: (Efeso 1:1)Bantayi kung giunsa niya kini pagpamulong. Kini dili alang sa mga dili magpatotoo. Kini alang lamang sa iglesia. Kini gihinganlan nga sa mga gipanagtawag, ang gibalaan ug ang mga tinawag nga anaa kang Cristo Jesus.
Karon kong buot kamo mahibalo kung unsaon ta sa pagpakaduol kang Cristo Jesus, kong inyong ablihan Diha sa mga taga I Corinto 12, nag-ingon kini, “Kay pinaagi sa usa ka Espiritu kitng tanan gikabautismohan diha sa usa ka Lawas.”Giunsa? Gibautismohan pinaagi sa unsa? Sa Espiritu Santo. Dili pinaagi sa bautismo sa tubig, kamong mga katawhan nga Iglesia ni Cristo, kondili pinaagi sa usa ka dakung E-s-p-i-r-i-t-u, pinaagi sa usa ka Espiritu, Dili pinaagi sa usa ka paglamano, ni pinaagi sa usa ka sulat, dili pinaagi ka sa usa ka pagwisikwik, kondili pinaagi sa usa ka Espiritu kitang tanan gikabautismohan diha sa usa ka Lawas, ang atong katigayonan, ang yuta nga sa Dios gihatag kanato aron puy-an, ang Espiritu Santo. Maingon nga Iyang gihatag ang Canaan sa mga Judio, Siya naghatag kanato sa Espiritu Santo. Pinaagi sa usa ka Espiritu kitang tanan gikabautismohan diha sa usa ka Lawas. Nakuha ba ninyo kini?
Karon, nahisgot siya sa espirituhanong mga Canaanhon, ang Israel, ang Espirituhanong Israel kinsa nakaangkon sa yuta. Oh, wala ba kamo mangalipay nga nakagula sa kamo gikan sa mga ahos sa Egipto? Wala ba kamo mangalipay nga nakagawas na kamo sa kamingawan? Ug sa nakatabok na sila ngadto sa yuta, ang mana mihunong na sa pagpangahulog. Sila tanan mga hamtong na kaayo, ug nanagpangaon na sila sa magahing mais sa yuta. Karon, kamo dili na mga bata pa, karon wala na kamo magtinguha sa lunsay nga gatas sa Maayong Balita, nga dili na kinahanglang nga kamo batabataon pa, ug pagapikpikon, ug danihon pa sa pag-adto sa simbahan, karon kamo matuod nang hamtong nga mga Cristohanong, amdam na kamo pagkaon sa magahing pagkaon karon. Amdam na kamo sa pagduol diha sa usa ka butang:, miingon siya. Amdam na kamo pagsabot nianang butang nga halaglum ug bahandianon. Oh, moadto ta niini karon dayon. Ug, oh, kini gitipigan sukad pa sa pagkatukod sa kalibutan. Siya miingon, “Karon nga misangko na kamo dinhi niini. gipahinungod ko kini alang kaninyo,” dili kanila nga mao pay pagbiya sa Egipto, dili kanila nga naana pa sa gihapon sa panaw, kondili alang nianang anaa na sa yuta sa saad, kanang nakadawat na sa gisaad.
Basaha ang tibuok nga asoy sa... Pagkasinagup #1.
Kaminyoon ug
