Akitaraunio #1.

William Branham.

Tosiomete alo akirot...
Akitaraunio #1.

Nai tokona, Ekitaabo ngolo Ngiepesoi, ikwapei abalor ayong, Ayong... aneni ka akitam kang, erai apei alotoma Ngikitaaboi ngulu eumokina ngulu ka Akitutuket ngina Kitete. Ikinakinit iwon ngun, neni elosi Kalpinism alotoma apei kilamasit, ka Arminianism elosi alotoma nginace toketait, nai Ekitaabo ngolo Ngiepesoi eyaunit ngun iwapei ka iwuakinit nakiboisio a Lokanisa.
Nai tokona, esikuwanit ayong ngun kaapei ka Yosua. Ani erai kingolik iyong, Isirael aponi iyaunai alotoma Ijipit, ka eyiakasi ngadoketa ngauni nguna ka alosit kec. Apei doketait, arai aesikin Ijipit. Adoketait ngina etupakini, arai nalongisat. Ka adoketait ngina ece, erai Kanaan.

Nai tokona, Kanaan emam nywuakinit adoketait ngina ke Ekimomuro. Ewuakinit bon adoketait ngina ngikelounak, atic ngolo ngikelounak, naarai alotoma Kanaan apotu ikes toaar ka kicunyasi ka kikamasi ngitaunio. Ka emamukaun atwanare alotoma Lokimumor.
Nai ice bore ngini itiyai inges, eyaunete ngun akitojokio kan anupit, ekau kedaut ikes akinupi toma Moses ka aesikin Ijipit. Akitokuangunio, akiwuapit toma Lopir ngol ka Akim ka namuronot ngina ngainankineta imsesk alotoma nariet. Ka nait Alomar toma nakwap asir eiikin.

Nai tokona, nyo bo erai akwap ngina ka akiikinet neni angikanupak angulu ka Akitutuket angina Kitete? Akiikinet erai Ekuwuam Ngoloakuangan. “Naarai epote ngun akitodolikin alotoma ngirua ngulu ka awasia,” Yoel 2:28, “Ekau eyakikini ayong Etau kang lotunga daadang. Edwarete ngikusidwe ngulusapa ka ngulupesur. Irujaete ngiksikou kus, ka eanyunete ngikusisorok ngatakanikineta. Kire tari ngiketiyak kang, ngikilyok ka ngaberu, eyakikini etau kang ka eduarete ikes. Abuni ayong akitoodiun ngaumokineta alotoma kidiama nadis. Ka alotoma nakwap, ngipirin ngulu ka akima, ka apuru, ka ekuwuam.” Ka abu Petero tema ebe, Anakolongit angina Pentekoste, ekau kedau alimonokin akirot keng ka akitatam, “Kibelekisi ngitaii, ido ikibatisai iyes dadang Alokiro Yesu Kristo a nguna ka alemar ngakussiecisia,” alema, akision, alemar ngasesiicisia dadang.

Ingolikis iyes, Yosua, eroko ikes nyetubo Yordan, abu Yosua tema ebe, “Tolot toma kiding ngibooto ka kilotasi nganapito kus ka kitokuanguk nginitunganan kus dadang, ka kimiek idio itunganan akiriamakin kaapei ka aberukeng, naarai ikotere ngapaarasi nguni ipote iyes akingolikin asir ngina ka Akuj.” Ianyu? Erai ngun -erai ngadoketa nguna ka akitemokin akikamar akiikinet. Nai tokona, akiikinet neni Isirael, arai, abu Akuj inak Aburaam akiikinet ngina ka akwap, ngina Palestan, ka arai nguna ka akikamar kec ngikaru ngikaru. Ka arai ikes jwijwi asalkin toma nakwap na. Nai tokona, apotu ikes potu alotoma ngadoketa anguni, abunore neni ka akwap ngina ka akiikinet ana. Nai tokona tocoik, erai kire jik ngina isikwanitai alotoma Akitutuket ngina Kitete. Nai tokona nu, ikwapei alimunitor ayong ebe, emam nyicamanar kaapei ka ngae tameta kec. Ngice ngitunga kus ngulu ajokak ngulu Nasarene, Ekanisa ka Akuj, ka ngace dang, nyicamakis ngun ikiwanete, nai erai acoikint iwadio, ka tocoik ekabila. Tocoik ka kingolik ani erai ngina kibois dadang nyidolol ebe ejok.

Eyiakasi ngadoketa nguni nguna ka alosit, ka eyiakasi ngadoketa nguni nguna ka alosit ana. Naarai, ikitojok iwon kan anupit, akiyiun neni Ekapolon Yesu Kristo, ajalakin akwap ngina Ijipit, alomun king. Ka ido nait akitokuangunio alotoma ainakinet ngina Ngaokot Keng, akilotario nguna ngasesicisiya yok, ka atorautu ngikalotok ka ngikawotok, atolimoroto ebe ikisaki iwon akwap, etaun ngolo ebunit, kori akiikinet. Aso apotu Ngisirael dang kitiyiat alotoma nalongisat, apotu towoto, emam akibois ngina kiyeguniata, tolosete akuwar ka akuwar, kiwuapito Epir ngolo ka Akim, nai akau keng apotu potu nakwap ngina ka akiikinet neni aponiata ikes kiboikinotor.

Erai neni aponiata ngikanupak nen. Ebuni inges mono ekingaren neni ka ayenun ebe erai inges ekasecan; ido nait etiakario inges kan ngakipi, akilotario ngina ngakipi, kan Ngaokot, ka... kori akilotario ngina ngakipi kan Akirot, aseun, akinup mono neni a Ekapolon a Yesu Kristo. ido nait, kitojokai kan anupit, torauni nai inges ekamoran, k aiyorit kaapei ka Akuj, alotoma Kristo, kibatisae alotoma Ekiro ngolo a Yesu Kristo, nguna ka akiwuakin inges toma nalosit. Iriamut iyes ngun -a? toma nalosit! Nia t ebuni inges araun ekawoton ka ekaloton. Eyiai inges nalosit keng neni a inyo? Nakiikinet ngina alimu Akuj.

Aroko Isirael nyeriamuna akiikinet, nai ayiakasi ikes nalosit kec. Ka emam anyoun... ekilipi tomisiutu. Erai neni iyiai iyong nen, Naseren ka ngikawatok ngulu Asegak, ka ngace dang, kibusokinosi. Naarai, Isirael, ngina adolunioto ikes diyete, ngina Kades -Barnea, ngina alosito ngirototin ina ka apotu temabsi ebe, “erai akwap ngina ajokan,” nai ngice kec apotu tobongut ka temasi ebe, “emam nyikipedori iwon akikamar inges, naarai etaun erai ngolo edukutoi ka arwatata, ka ngace dang.” Nai Yosua ka Kaleb apotu towua, ka temasi ebe, “Ikirai iwon ngulu ikipedori akiloun ka akikamar inges!” naarai asir ikes adaut atapakin ngakaritatisa ngakan, apotu ikes tonup toma loticisio ngiarei ngulu ka ajokis, akitojokio ka akitokuangunio, ka emam pa apedorete ikes alosit neni elwana. Ka, kiirasi, ebe abu anyamet dadang totwania alotoma nalongisat. Nai ngulu aarei ngulu apotu toloto toma nakwap ngina eikinitae ka yaut esuuda ebe erai akwap ngina ajokan, “ka ikirai iwon ngulu ikipedori akikamar inges, naarai arai akiikinet ngina ka Akuj.” Nait akilo ngitunga alosit kingaren, nariamun Ekuwuam Ngoloakuangan, nakirworo kaapei ka ngangajepa, akidiaun apedori ngina ka Akuj, ebatisimu ngolo a Ekuwuam Ngoloakuangan, ngakitaanyunet ka ngaumokineta, ngakujuanisa, apotu ikes topuput ebe epote ngun akibil ngitalio ngulu ka akitatam kec. Ka nyo bo abu kitiyakin neni ngun? apotu ttotwanakisa alotoma nakwap! Iyookino ngun.

Nai ngikinupak, ajore ngina Kaleb ka Yosua erai ngulu etemokino, ngulu apotu tolot nakiikinet, apotu ikes toloto kingaren paka toma nakwap, ka apotu kikamasi akwap ngin ka todukok toma nakwap, ikwapei akikamaret. Ka emam nyikisalakin iwon toma nakitojokio, nakitokuangunio. Atoloto kingaren neni ke ebatisimu ngolo a Ekuwuam Ngoloakuangan. Kinyikisalak naarai adau Inges akilotar iwon alotoma nakiyiar ngina ka asecit. Nai tokona ikimarit iwon kingaren toma nakitetemunio neni ka akiikinet nngina ke ebatismu ngolo a Ekuwuam Ngoloakuangan. Naarai ebala Petero ebe, aneni ka Akolongti ngina Pentekote ebe, “Erai akiikinet nginakus ka ngikisdwe, ka nenikce ngulu elwaka, tari ngulu alalak ngulu enyarauni Ekapolon Akujuyok.”

Aso, ikisiboikis iwo Epeso anege ikwapei Yosua, lowaetin. Ingolikini iyong ebe, Yosua ekau kedau akitub Alomar nakwap, ka kikama akwap, nait abu inges totiakatiak akwap. “Epraim nege, Manasses nege, ka logo nege, Gad nege, Benjamin nege.” Abu inges totiakatiak akwap.
Ka tocoik! Okoa, enomete nu ngitai yok! Alotoma tattoo nguna Ngiburanian ngun, idounete ngidwe nul, apotu kirworo akibois nginapei ngin, alotoma nariebo ngin ka akidoun, neni eponio akiwuakin ikes alotoma nakwap ngina ka akiikinet. Okoe, erai asometait ngina apolon! Ani kerai topedoretei iown alosit toma ngun ka acukulun, ngina ebuni akiya ngisaa ka ngisaa. Acekolongit ngina ikiriamunia isua ekanisa yok pa epedorit akilocokin, acamit ayong abunore ka aya elap kori ngarei, eboik kire jik alotoma ngun. tocoik ikes ngina, toto dadang ngina anyarare inges, “Epraim,” ngina ayiakar inges toma nakidoun, abu inges kitemokin neni ayiakasi ngakejenkeng iboi alotoma nakimet. Kire jik nginitunganan kec dadang aneni dadang ayiakasi ikes!
Ka Yosua, mam pa eyeni nu, nai kan akiyangakinet, ngina ka arikio Ekuwuam Ngoloakuangan, ekau kedau ayiakaun toma nakwap ngina ka akiikinet, abu inak nginitunganan akiikinet keng, kire jik ibore ngini ekiikinit Ekuwuam Ngoloakuangan alotoma nakidounio kolong alakau kama.

Epite ngolo adaunia Akuj asipokin ngice toma lokanisa, alotoma ariebo ngina ka akidoun! Oko, eriamunete ikes acepaki apedor. Ngina iylolongio ekanisa alotoma akicanio nguna ka akwap ngina alokinga, akiyiunit neni Ekapolon Yesu, ebe akiikinet ngina a Ekuwuam Ngoloakuangan erai kire jik ngina akire neniyok ikwapei ayiakar aneni Pentekote, epite ngolo eyalolongito ka kingoworosi alotoma ariebo ngina ka akidoun! Nai ngolopite edounere ikes, ka kiwuakini itemokino toma Napukan ngina ka Akuj, ido nait adau Ekuwuam Ngoloakuangan asipokin toma lokanisa, ngice ngikiyakia, ngice ngikaduarak, ngice ngiketatamak, ngice ngikeyokok, ngice ngikalimonokinak. Ido nait einakini Inges toma nen, akirworo kaapei ka ngangajepa, akijul ngina ngangajepa, ayenut, aosou, ngainakineta nguna ka akitangel, ekabila ngolo ngakujuanisa dadang.

Ngina erakar ekanisa... Nai tokona erai na alosikinet kang ngina kitiyaet nu. Eyiai keanisa jwijwi ikatakinit akiya ekoona ngolo acetunganan. Nai nyitiyata ngun. emam nyipedori iyong akitopoloun emua alotoma ewae ngolo ke Epraim, ani kerai iyong Manasses. Emaikina iyong iya akibois kon alotoma Kristo, ewae ngol eya inges. Okoe, ebuni acukul ka ebarit no ngina ikidolio iwoj toma nege, epite ngolo ewuakinia Akuj ipei toma lokanisa akirworo kaapei ka ngangajepa, nginice... Nai tokona, ikitatamitai iwon ngapakio nguna alalak, “ebeit iwon dadang erworosi kaapei ka ngangajepa.” Erai nen adikaret. “ebeit iwon dadang akitiya ngun.” Mam, emam nyamaikina iwon akitiya ngun. emam nyepona ikes dadang kitiyata ipei bore. Nginitunganan dadang arai....

Ngingitunganan, aponi totiakae ngalup alorot ngolo ayawunere kan akiyangakinet. Ka, nginitunganan, apedori ayong alemun Ngakigiret ka etoodiun ngun nenikus kire jik, ebe abu inges kiwuak ikes toma nakibois neni amaikina ikes toyiakun, lowaetin, lopite ali amaikinakor anus ngatekerin nguna aarei kiboito alowae ka agolol, lopite ali ngigworotor atatotokec ebe alotom nakidounio kec, ka epite ngolo abeitor ngina kibois dadang ayiakaunor.
Ka tokona ekau kidau iyong ayiakaun toma, emam nyerai nen ebe ilacakin iyong alotoma lojie. Eroko iyong iyiakar ejie naarai ngolo itiyae dadang anakwap ebeit iyong akiwau. Aso, kingolik, emam nyewuaikinit Kanaan Nakuj ngina apolon, naarai erai ejie ka ngatiokisio ka akiaar ka ngijisio, ka ngace dang. Nai ewuaikinit nu, ebe emaikin torai ngini idolit analosit.

Eyiai neni ebusokinor ekanisa nakuwar na, neni ka alosit a ngin. Iyenete mono iyes ebe tari ngipitecisio kus epedorete akitilar idiotunganan kinga anariamuni ngaleu -a? Ngipitecisio kus ngulu aronok, ngulu emam nyekiiyare ngasecisya nguna ngikanupak kus, epedori ainakin ekanisa ibusokin aneni ka aduarist. Ka alotoma Akolongit ngina ke Etube ibuni iyong abongonokin ikotere nginibore ngin dadang. “Okoe,” ibasi iyes, “tokona, kidarak adakika, Lokaato Buranam.” Ejok, erai ngun Akiyookino. Totamakis nguna a ngun!

Kedau Yosu akitub akilamar toma nakwap, abu Akuj inak inges akiikinet ebe... Totamak, akitijere ngina cala dadang tomam acakar idiotunganan, tomama ariamun ngangwaran, tomama ayiakaunor amuken ngina ka awanat, kori adio kimadar kori akien. Amen. Ebala Akuj ebe, “Erai akwap ngina kus, tolot kitijioto.” Totamak, nguna ka akijiere ngasigiria, ka amam apukan ngina ke Ebusalaba ngolo Arengan anen jik, amame idiotunganan anen ngini aponi towanae!

Ka apotu ikes toaara morites ka Ngitaiti, nai amamu ipei dang alotoma kec ngini aponi towanae paka mati akitdol ngina abunio secit toma lobooto. Ka ngina abunio Achan iyaunia elou ngolo Ngibabilonia ka egolid ngol, ka kiwua alotoma loboot keng, ido nait akolongti ngina atupakini apotu ikes tockasi ngitunga ngitomon ka ngikanikapei. Abu Yosu tema ebe, “Towua! Towua! Kidarakis alotoma adakika, eyiai idiobore ngini erono! Eyiai idiobore ngini erono anege. Elosio iwon anyarare akilip ngina ka akiron ngaruatin ngakanikaarei. Adau Akuj ainakin iwon akiikinet, 'emam idiobore ebuni akiwan iwon.' Ngiyok moe epote akibusokin nakejen yok. Ka emaikina eyiai idiobore ngini erono anege. Eyiai idiobore ngini ediakara adiokiding,' naarai ikiriamu iwon ngitunga ngitomon ka ngikanikapei ngulu atwaka aperete anege. Erai ikes ngikaitototi Ngisirael, ka etwakito ikes.”

Kaanukiro atwakete ikes, ngitunga ngulu emam asecit! Naarai bu epei itunganan kilamar king angina ke elain. Kingolikis iyes alosikinet ngina iitanitor nu akitatam? Eyiai ekanisa ewuai alolain, eyiai lolain kaapei ka Akirot ka Akuj, ewuai alolain kaapei ka Akuj ka ewuais kapei ka nginice tunganan, elosete iyookini jik, ecaitere ngatameta, alokingaren ngitunga dadang, tokerito Akuj. Naarai abu epei tunganan tokokouekaso, ka abu inges kitiya ibore ngini pa abeit inges kitiya, abu nen ya akiyiar ngitunga ngitomon ka ngikanikapei! Atami ayong arai ngitomon ka ngikanikapei, ngayeni ke alalak. Anupit ayong arai ngitunga ngitomon ka ngikanikapei apotu totwaka.

Abu Yosua tonyarai, ka tema ebe, “Eyiai idiobore ngini erono! Abu Akuj yau akiikinet, ka eyiai idiobore ngini erono.”
Ngina ikiyaunia iwon ngikadiaka kingaren yok, ka towoyut ikes angeleun, emaikina iwon atonyarata akiron, tonyarai atukot. Eyiai idiobore erono ka adiokiding. Abu Akuj yau akiikinet, erai Akuj ngolo erubakinit aneni ka akiikinet a ngin, ka ebuni Inges akitiya ngun.

-----
Paulo, ekiyakia ngolo a Yesu Kristo anguna ka acamit ka Akuj, neni ngikakuangak... (ngolo itokuangunitai)... a ngulu eyia Epeso, ka ngikeyiunak alotoma Yesu Kristo:
(Ngiepesoi 1:1)

Tocoik epite ngolo abunio inges kisirworia nugu. Meere nugu neni ngulu emam nyiunito. Erai nu neni ke ekanisa. Enyariatai ngun neni ngulu enyaraunitai alotoma, ngulu etokuangunitai ngulu eyia toma Kristo Yesu.

Nai tokona ani erai kicamito iyes ayenuni epite ngolo ikilomaria iwon toma Kristo Yesu, ani erai kingasi iyes neni Ngikorintian ngolo ke Epei 12, ebala ebe, “Naarai alotoma Ekuwuam epei aponi iwon dadang ikibatisai toma apei kuwan.” Ikwaani? Ikibatisao kan nyo? Kan Ekuwuam Ngoloakuangan. Meere kan alotoma ebatismu ngolo ngakipi, iyes ekanisa ngitunga a Kristo, nai alotoma epei E -k -u -w -u -a -m, “toma epei Ekuwuam”. Meere kan apei kimala ngina ngakan, toma apei kirot meere kan apei ngatakin ngakipi. nai, “alotoma epei Ekuwuam aponi iwon dadang ikibatisai toma apei kuwan,” ayok inakin, akwap ngina abu Akuj ikinak iwon akiboio alotoma, erai Ekuwuam Ngoloakuangan. Ikwan ca ikwapei abunio Inges inakinia Kanaan neni Ngiyudayon, ikinakini Inges iwon Ekuwuam Ngoloakuangan. “Alotoma epei Ekuwuam aponi iwon dadang ikibatisai toma apei kuwan.” Ikiirasi yes ngun?

Nai tokona, erworo inges neni Ngikanaanin ngulu ke ekuwuam, Isirael, Isirael ngulu ke ekuwuam ngulu adaut akikamar akwap. Okoe, emam nyilakara iyes naarai ilomut alotoma ngitungurui ngulu a Ijipit -a? emam nyilakara iyes naarai ilomut alotoma nariet? Ka, totamunito, emujete ikes manu, akimuj ngina Malaikan ngina alotoma Nakuj, paka akitodol ngina atubioto ikes elamarotor toma nakwap. Ka ngina atuborotor ikes iyaye tooma nakwap, abu mau topalik adounun. Arai ikes ngulu apotu ikilelebun napolore nait, ka apotu ikes tonyama ngikinyom ngulu ka akwap. Nai tokona, tokona ebe emam nyeroko iyes irai ngidwe nabo, tokona emam nyiitanito iyes ngakile nguna akire nguna ke Eemut, emam nyebeit iyes torai ngidwe, ka ikiyaii, ka ikisupun abunore neni ke ekanisa, nai tokona erai iyes kire Ngikristo ngulu ipoloto kire jik ka akileleba, itemokino akimuj airing ngina ngogongok tokona. “Itemokino iyes aponere toma idiobore,” tema inges ebe. Itemokino iyes amisiun idiobore ngin erai nicukul ka ngini alalan. Okoe, ikiponi iwon toma nguna idiiri. Ka, okoe, erai ngun nguna iwuaite ameun apetatait ngina ka akwap. Tema inges ebe, “Nai tokona idaut iyes aponere toma nu, erworo ayong nu nenikus.” Meere nenikec ngulu aroko esikiete Ijipit, meere nenikec ngulu eroko eyiakasi toma lorot, nai nenikec ngulu eyia toma nakwap ngina ka akiikinet, ngulu adaun ariamun akiikinet.

Tosiomete alo akirot... Akitaraunio #1.

Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

Yosua 1:6-7