Aanneming 1.

William Branham.

Lees die volledige rekening in...
Aanneming 1.

Nou, die Boek Efésiërs, soos ek pas gesê het, ek... na my mening, is een van die grootste Boeke van die Nuwe Testament. Dit laat ons, oor waar Calvinisme op een ledemaat uitloop, en Arminianisme uitloop op die ander ledemaat, maar die Boek Efésiërs trek dit saam en plaas die Kerk posisioneel. Nou, ek het dit getipeer met Josua. As julle opgelet het, is Israel uit Egipte gebring en daar's drie stadiums van hulle reis. Een stadium was om Egipte te verlaat. Die volgende stadium was die wildernis. En die volgende stadium was Kanaän.

Nou, Kanaän verteenwoordig nie die eeu van die Millennium nie. Dit verteenwoordig net die eeu van die oorwinnaar, die bedeling van oorwinning, want in Kanaän het hulle doodgemaak en verbrand en stede ingeneem. En daar sal geen dood in die Millennium wees nie. Maar nog 'n ding wat dit doen, dit bring regverdigmaking deur geloof na vore, nadat hulle in Moses geglo het en Egipte verlaat het. Heiligmaking, om te volg onder die Vuurkolom en die versoening van die offerlam in die wildernis. En dan ingaan in 'n land wat beloof is.

Nou, wat is die land belowe aan die Nuwe Testament gelowige? Die belofte is die Heilige Gees. “Want dit sal gebeur in die laaste dae,” Joël 2:28: “dat Ek My Gees sal uitstort op alle vlees. Julle seuns en julle dogters sal profeteer. En ook op die diensknegte en op die diensmaagde sal Ek in dié dae my Gees uitstort en hulle sal profeteer. Ek sal wonders wys in die hemele daarbo. En op die aarde, pilare van vuur, en rook, en damp.” En Petrus het gesê, op die Pinksterdag, nadat hy sy teks geneem en gepreek het: “Bekeer julle, elkeen van julle, en word gedoop in die Naam van Jesus Christus vir die vergifnis,” om te vergewe, vry te spreek, om alle oortredinge van die verlede weg te neem.

Het julle opgelet, Josua, voordat hulle die Jordaan oorgesteek het, het Josua gesê: “Gaan deur die middel van die laer en maak jou klere skoon en heilig elkeen van julle, en laat niemand na sy vrou toe kom nie, want binne drie dae sal julle die heerlikheid van God sien.” Sien? Dit is 'n-dit is 'n proses om gereed te maak om die belofte te beërwe. Nou, die belofte aan Israel was dat God aan Abraham die belofte gegee het van die land, van Palestina, en dit moes vir altyd hulle besitting wees. En hulle moes altyd in hierdie land bly. Nou, hulle het in drie stadiums gekom, na hierdie beloofde land gekom. Nou kyk, dis perfek getipeer in die Nuwe Testament. Nou dit, soos ek gesê het, verskil met sommige van julle denke. Party van julle kosbare Nasareense mense, Kerk van God, ensovoorts, laat dit nie seermaak nie, maar hou dit net dop en hou die tipes dop. Hou dop en kyk of elke plek nie net perfek tref nie.

Daar was drie stadiums van die reis, en daar's drie stadiums van hierdie reis. Want, ons is geregverdig deur geloof, glo in die Here Jesus Christus, verlaat die land van Egipte, kom uit. En word dan geheilig deur die offer van Sy Bloed, gewas van ons sondes, en word pelgrims en reisigers, wat aanspraak maak dat ons 'n land soek, 'n stad wat kom, of 'n belofte. So het Israel in die wildernis, reisigers, geen plek om te rus, wat aand na aand gereis het, die Vuurkolom gevolg, maar uiteindelik gekom by die beloofde land waar hulle gevestig het.

Dis waar die gelowige kom. Hy kom eerste tot 'n erkenning dat hy 'n sondaar is; dan word hy geskei deur die waters, die was van die water, deur die Bloed, en... of die was van die water deur die Woord, liewer, glo in die Here Jesus Christus. Dan, synde geregverdig deur geloof, word hy 'n deelgenoot, en 'n vrede met God, deur Christus, gedoop in die Naam van Jesus Christus, om hom in die reis in te laat. Begryp julle dit? In die reis in! Dan word hy 'n reisiger en 'n pelgrim. Hy is op sy reis na wat? 'n Belofte wat God gemaak het.

Israel het nog nie die belofte ontvang nie, maar hulle was op hulle reis. En sonder om op te staan ... Verstaan asseblief. Dis waar julle, die Nasaréner en Pelgrim Heiligheid, ensovoorts, geval het. Want, Israel, toe hulle by die plek gekom het van Kades-Barnéa, toe die spioene oorgegaan en gesê het: “Die land is groot,” maar party van hulle het teruggekom en gesê: “Ons kan dit nie inneem nie, want die stede is ommuur, ensovoorts.” Maar Josua en Kaleb het uitgestaan en gesê: “Ons is meer as in staat om dit te neem!” As gevolg van hulle alreeds aangemelde gedokumenteerde stellings, het hulle geglo in twee werke van genade, regverdigmaking en heiligmaking, en kon nie verder beweeg nie. En, luister, daardie hele geslag het vergaan in die wildernis. Maar twee wat oorgegaan het na die beloofde land en die bewys teruggebring het dat dit 'n goeie land was: “en ons was meer as in staat om dit te neem, want dit was God se belofte.” Dan in plaas daarvan dat die mense aangaan, die Heilige Gees ontvang, in tale praat, die krag van God ontvang, die doop van die Heilige Gees, tekens, wonders, wonderwerke, het hulle gevoel dat dit hulle tradisie van doktrine sou afbreek. En wat het daarmee gebeur? Het omgekom in die land! Dis reg.

Maar die gelowiges, die Kaleb en Josua uitset, wat aangegaan het na die belofte, hulle het oorgegaan in die land in, en die land geneem, en gaan vestig in die land, as 'n besitting. En ons stop nooit by regverdigmaking, heiligmaking nie. Laat ons voortgaan na die doop van die Heilige Gees. Laat ons nie ophou om aan die Here Jesus te glo, om gedoop te word nie. Laat ons nie stop omdat Hy ons gereinig het van 'n lewe van sonde nie. Maar nou het ons voortgebeur in 'n posisie in, na 'n belofte van die doop van die Heilige Gees. Want Petrus het gesê, op die Pinksterdag: “Want die belofte is aan julle, en aan julle kinders, en aan hulle wat daar ver is, selfs soveel as wat die Here ons God sal roep.”

So, Efese stel ons hier soos Josua, posisioneel. Julle let op, Josua, nadat hy oor die land gegaan het, en die land ingeneem het, toe het hy die land verdeel. “Efraim hier, Manasse hier, en hierdie een hier, Gad hier, Benjamin hier.” Hy het die land verdeel. En let op! O, dit brand net ons harte! Elkeen van daardie Hebreeuse moeders wat geboorte gegee het aan daardie kinders, sy het die einste plek gespreek, in haar kraampyne, waar hulle geposisioneer sou wees in die beloofde land. O, dis 'n groot studie! As ons net daarin kon gaan in besonderhede, wat ure na ure sou neem. Eendag wanneer ons ons kerk regmaak, wil ek net graag kom en 'n soliede maand of twee neem, net reg daarin bly. Kyk wanneer hulle, elkeen van daardie moeders, toe sy uitgeroep het: “Efraim,” toe sy in kraam was, hom posisioneel geplaas het waar sy voete in olie gesit het. Net presies elkeen van hulle waar hulle ook al was! En Josua, wat dit nie geweet het nie, maar deur inspirasie, gelei deur die Heilige Gees nadat hy in die beloofde land was, het elke man sy belofte gegee, presies wat die Heilige Gees belowe het deur die geboorte destyds.

Hoedat God sommige in die kerk gesit het, deur die kraampyne! O, hulle raak geweldig een of ander tyd. Wanneer 'n kerk sug onder die vervolging van die buitewêreld, glo in die Here Jesus, dat die belofte van die Heilige Gees net so werklik vir ons is as vir Pinkster, hoe hulle sug en huil onder kraampyne! Maar wanneer hulle gebore word, en posisioneel gebore word in die Koninkryk van God, dan het die Heilige Gees in die kerk gesit, sommige apostels, sommige profete, sommige leraars, sommige pastore, sommige evangeliste. Dan gee Hy daarin, praat in tale, interpretasie van tale, kennis, wysheid, gawes van genesing, allerhande soorte wonderwerke.

Waar die kerk is... Nou dit is my doel om dit te doen. Die kerk probeer altyd om iemand anders se hoek te neem. Maar moenie dit doen nie. Jy kan nooit mielies in Efraim se hoek kweek, as jy Manasse is nie. Jy moet jou plek in Christus inneem, dit posisioneel inneem. O, dit word diep en ryk wanneer ons hier inkom, hoedat God een in die kerk sit om in tale te praat, 'n ander... Nou, ons is baiekeer geleer: “ons moet almal in tale praat.” Dis verkeerd. “Ons moet dit almal doen.” Nee, ons doen dit nie. Hulle het almal nie een ding gedoen nie. Elkeen was...

Elkeen, die land was voorsien en verdeel deur inspirasie. En, elkeen, ek kon die Skrifte neem en dit vir julle presies wys, dat hy hulle geplaas het op die plek waar hulle veronderstel was om te wees, posisioneel, hoedat die twee halwe stamme oorkant die rivier moes bly, hoedat hulle moeders dit uitgeroep het by hulle geboorte, en hoedat elke plek veronderstel was om te wees. En nou nadat jy in is, beteken dit nie dat jy vry is van oorlog nie. Jy moet steeds veg vir elke duim grond waarop jy staan. So, sien, Kanaän het nie die groot Hemel verteenwoordig nie, want dis oorlog en probleme en moorde en gevegte, ensovoorts. Maar dit het dit voorgestel, dat dit 'n volmaakte wandel moes wees.

Daar is waar die kerk vandag faal, op daardie wandel. Weet julle dat selfs julle eie gedrag iemand anders kan uitstoot om genees te word? Julle wangedrag van onbelyde sondes van julle gelowiges, kan veroorsaak dat hierdie kerk bitterlik faal. En op die Oordeelsdag sal julle verantwoordelik wees vir elke deel daarvan. “O,” sê jy: “nou, wag 'n oomblik, Broer Branham.” Wel, dis die Waarheid. Dink daaraan! Josua, nadat hy in die land oorgegaan het, het God hom die belofte gegee dat... Dink net, om 'n hele veldtog te beveg sonder om 'n man te verloor, sonder om selfs 'n skrapie te kry, sonder om 'n verpleegster te hê, of 'n eerstehulp of 'n verband. Amen. God het gesê: “Die land is julle s'n, gaan veg.” Dink, om 'n veldtog te beveg en daar's glad geen Rooi Kruis in die rondte nie, daar gaan niemand seerkry nie!

En hulle het die Amoriete en Hetiete doodgemaak, maar daar het nie een seergekry onder enige van hulle totdat sonde in die laer gekom het nie. En toe Agan daardie Babiloniese kleed en daardie goue wig geneem en dit onder sy laer weggesteek het, toe het hulle die volgende dag sestien man verloor. Josua het gesê: “Stop! Stop! Wag 'n oomblik, daar's iets verkeerd! Iets is hier verkeerd. Ons gaan sewe dae van vas uitroep. God het ons 'n belofte gemaak: 'Daar sal niks wees wat ons seermaak nie.' Ons vyande sal aan ons voete val. En daar's iets verkeerd hier. Iets het iewers verkeerd gegaan, want ons het sestien dooie manne wat hier lê. Hulle is Israelitiese broers en hulle is dood.”

Waarom het hulle gesterf, onskuldige manne? Want een man het uit lyn gestap. Sien julle rede waarom dit geleer moet word? Die kerk wat in lyn staan, in lyn met die Woord van God, in lyn met God en in lyn met mekaar, wandel perfek regop, nugter, voor alle mense, vrees God. Omdat een man 'n kleed gesteel het, en iets gedoen het wat hy nie moes doen nie, het die lewe van sestien man geneem! Ek dink dit was sestien, miskien meer. Ek glo dit was sestien man wat dood was. Josua het uitgeroep, gesê: “Daar's iets verkeerd! God het die belofte gemaak, en iets is verkeerd.” Wanneer ons die siekes voor ons uitbring en hulle faal om genees te word, moet ons 'n plegtige vas roep, 'n gemeente roep. Iets is verkeerd iewers. God het die belofte gemaak, God moet by daardie belofte hou, en Hy sal dit doen.

-----
Paulus, 'n apostel van Jesus Christus deur die wil van God, aan die heiliges (geheiligdes) wat in Efése is, en aan die getroues in Jesus Christus: (Effesiërs 1:1)

Kyk hoe hy dit aanspreek. Hierdie is nie vir die ongelowiges nie. Dit is vir die kerk. Dit is geroep na die uitgeroepenes, die geheiligdes en geroepenes wat in Christus Jesus is.

Nou, as julle wil weet hoe ons in Christus Jesus kom, as julle sal blaai na Eerste Korinthiërs 12, het dit gesê: “Want deur een Gees is ons almal gedoop tot een Liggaam.” Hoe? Gedoop deur wat? Die Heilige Gees. Nie deur waterdoop nie, julle Kerk van Christus mense, maar deur een hoofletter G-e-e-s, deur een Gees. Nie deur een handdruk, deur een brief nie, nie deur een sprinkel nie. Maar: “Deur een Gees word ons almal gedoop in een Liggaam,” ons besitting, die Land waarin God ons gegee het om in te lewe, die Heilige Gees. Net soos Hy Kanaän aan die Jode gegee het, het Hy ons die Heilige Gees gegee. “Deur een Gees word ons almal gedoop tot een Liggaam.” Begryp julle dit?

Nou, hy praat met die geestelike Kanaäniete, Israel, die geestelike Israel wat die land in besit geneem het. O, is julle nie bly julle het uit Egipte se knoffel gekom nie? Is julle nie bly julle is uit die wildernis nie? En, onthou, hulle moes manna eet, Engelekos uit die Hemel, totdat hulle oorgegaan het in die land. En toe hulle oorgegaan het in die land, het die manna opgehou om te val. Hulle was toe ten volle volwasse, en hulle het die ou mielies van die land geëet. Nou, nou dat julle nie meer babas is nie, nou dat julle nie die opregte melk van die Evangelie begeer nie, dat julle nie baba hoef te wees, en gepamperlang, en oortuig moet word om kerk toe te kom nie, noudat julle ware, ten volle volwasse Christene is, is julle nou gereed om sterk vleis te eet. “Julle is gereed om in iets in te kom,” het hy gesê. Julle is gereed om iets te verstaan wat diep en ryk is. O, ons sal direk daarin kom. En, o, dis verborge sedert die grondlegging van die wêreld. Hy het gesê: “Noudat julle hierin gekom het, rig ek dit aan julle.” Nie aan diegene wat pas Egipte verlaat het nie, nie aan diegene wat nog op reis is nie, maar aan diegene wat in die beloofde land is, wat die belofte ontvang het.

Lees die volledige rekening in...
Aanneming 1.

Wees sterk en vol moed; want jy sal hierdie volk die land laat erwe wat Ek hulle vaders met ‘n eed beloof het om aan hulle te gee.

Wees net baie sterk en vol moed, om nougeset te handel volgens die hele wet wat Moses, my kneg, jou beveel het; wyk daarvan nie regs of links af nie, sodat jy met goeie gevolg kan handel, oral waar jy mag gaan.

Josua 1:6-7