Eky'ebiragiro - ebiragiro bibiri.

William Branham.

Read the full account in...
Omwanya gwonka ogu Ruhanga yaataireho kuramizamu.

Eky'ebiragiro 16:2-4,
2 Kandi oryatambira MUKAMA Ruhanga waawe ekitambo ky'Okuhingurwaho, nookiiha omu masyo g'entaama nari ag'ente, okitambire omu mwanya ogu MUKAMAaritoorana kugumyamu eiziina rye.
3 Oryakiriisa omugaati gutatumbisiibwe; oryamara ebiro mushanju nookiriisa omugaati gutatumbisiibwe, nigwo mugaati-mugaati, ahabw'okuba okaruga omu nsi ya Misri n'obwira, obone kwijuka ei-eizooba eri waarugiireho omu nsi ya Misri ebiro byawe byona.
4 Otarireebwa ekitumbisa kyona omu nsi yaawe yoona okumara ebiro mushanju; kandi hatarigira enyama yoona ey'ekitambo, eki oritamba aha izooba ry'okubanza omu mwabazyo, eyaaraaraho okuhitsya omu kasheeshe.

Hati, ekigambo Eky'ebiragiro, ekyo kigambo kyo kyonka nikimanyisa “ebiragiro bibiri,” ekigamboEky'ebiragiro. Kandi Ruhanga aine ebiragiro bibiri. Ebyo biragiro bibiri: kimwe n'okutoorobera Ekigambo, reero okafa; kandi ekindi n'okworobera Ekigambo, reero okabaho. Ebyonibyo biragiro bibiri, kandi Eky'ebiragiro nikimanyisa ebyo biragiro bibiri. Byombi bitworekirwe kyarimwe omu Byahandiikirwe. Kimwe n'okufa, ekindi n'Amagara; Amagara n'okufa. Ruhanga akorera omu Magara gonka, Sitaane akoreraomuri rufuyonka. Kandi ebi bikoorekwa abantu b'ensi bwerure,butunuomumaisho ga buri riisho, kandi tihariho ky'okwekwatsa ahari ekyo. Kimwe aharibyo, kikoorekwa aha Rushozi Sinai obu ebiragiro byaheebwa, ebyasingiise orubanja oruganda rw'abantu boona kufa; ekindi kyaheebwa aha Rushozi Gologosa, ekyahaireAmagara oruganda rw'abantu boona, obu ekifubiro kyashashurirwa omuri Yesu Kristo. Ebiragiro bibiri by'ekitabo ky'Ebiragiro bikahikiirizibwa omuri ebi bibiri, ebintu bikuru.

Niinyenda ngu mugarukye mwetegyereze, hakaba nabwo hariho endagaano ibiriezaahairwe. Endagaano emwe ekaheebwa Adamu, eyaabaire erimu ebi ashemereirekuhikiiriza, nk'ekiragiro: “Ku oraabe otakozire ahari eki, obwonooza kugumaho; kwonka ku oraakore ahari eki, noofa.” Ekyokikaba kiri ekiragiro. Bwanyima hariho ekindi kiragiro ekyahairwe Abrahamu,ekyabaire kiri ahabw'embabazi,kitateirweho ekindi kintu ekyabaire kiine kuhikiirizibwa kugira ngu hagire ekyakorwa: “Naakujuna iwe n'oruzaaro rwawe,” orwa bwanyima ye. Amiina! Ekyo nikishushanisaGologosa, atarink'endagaano ya- ya Adamu, n'eky'endagaano ya Abrahamu. Kwonka hati Nitumuhurira naagira ngu hariho omwanya gumwe gwonka oguArikubuganiramu omuntu yaaba naaramya. Mwakihurira hanu honyini omu ishomo ryangye. Nituza kugaruka, tuhajurize, omu dakiika nkye.

N'ahabw'ekyo ku haraabe hariho omwanya gumwe gwonka ogu Ruhanga abuganiramu omuntu, tushemereire kwerinda munonga. Hati ka tute aha rubaju emigyenzo yaitu akasheeshe aka, reero... omuri eri ishomo rya Sande sikuulu, reero tuhamize kimwekureeba ngutwazoora ogwo mwanya gumwe. Ahabw'okuba, Ruhanga hanu yaagambangu, Tarikwija kukwakiira omu gundi mwanya gwona. Endiijo kanisa yoona, Tarikwija kugikwakiiriramu. Kureka omu Kanisa Ye yonka, nigwo mwanya gwonka ogu Araakwakiiriremu. Hati, “Waagamba ki, Ow'eishe-emwe Branham? Ku ndaabe ndi omwesigwa?” Ngaaha.

Ijuka, Yesu akaba naagambira abantu abeesigwa, abarikuramya b'omu biro Bye, reero Yaagira ati, “Mundamiza busha.” Okuramya kw'amazima, okuhikire okurikuruga aha ntango y'emitima yaabo. “Mundamiza busha, ahakuba okwegyesa oku mwegyesa kuba okw'ebiragiro by'abantu,” nari enyikiriza y'ekigombe ky'ediiniyaabo. Abeesigwa, omu kutiina Ruhanga, abanyadiini munonga nk'oku barikubaasa. Kandi buzima ekyo kikaba kitari kisya aha Bafarisaayo bonka. Kaini na Abeeli, abarikuramya b'okubanza babiri abaazairwe omu buryo bw'obutoosha hanu, omu nsi, bakaija kyarimwe omu buryo nibwo bumwe.

Kaini akaba ari omunyadiini nk'oku Abeeli yaabaire ari. Bombi bakombeka amatambiro. Bombi bakaba nibakunda Ruhanga. Bombi bakahayo emitoijo. Bombi bakaramya. Bombi bakareeta ebicweka bya kimwe kya ikumi. Bombi bakakora buri kimwe omu buryo oburikushushana. Kwonka Abeeli, ahabw'okwikiriza nikwo “kushuuruurirwa,” Ekigambo kya Ruhanga ekishuurwirwe, kyorekirwe butunu, kyorekyeirwe kimwe, kandi kikahamibwa. Ekitiinisa! Kaini akareeta omutoijo, kwonka Ruhanga tiyaagusiima. Ruhanga akaba naayenda okuramibwa, na Kaini yaareeta omutoijo; kwonka Ruhanga tiyaagusiima. Kwonka okurabira omu muhanda oguhikire....

Noogira oti, “Mbwenu, ekanisa yangye Niyo. Eyangye...” B'orekireho kakye. Ruhanga ashoboorora Ekigambo Kye ayegamiire aha ngyenderwaho Zaakyo ezi Kigambiirwemu. Mwareeba, Kaini akagira ati, “Ndi omunyadiini. Ninkunda Omuhangi wangye. Naakutoijera eitambiro eri erirungi. Naakutoijera ekitambo eki. Nyombekire ebintu ebi byona, Mukama, ahabw'okuba Ninkukunda.” Abeeli akagamba ekintu nikyo kimwe. Hati n'ogwo owaasiimwa, ogwo owaahamibwa. Reero Ruhanga yaashuuma yaasiima ekitambo kya Abeeli, ahabw'okuba ahabw'okushuuruurirwa akaba ariomu kahanda k'amazima ka Ruhanga akaabaire nikasiimwa.

Hati reeba ogwo mwoyo gwa Kaini nigweyoreka omu Byahandiikirwe byona, okuhikira kimwe omu biro ebi eby'aha muheru. Guhamiize kimwe? Guhamiize kimwe nk'oku guri gwabaire guhamize. Reeba nabi Balamu hamwe na nabi Musa. Bombi baine amatambiro mushanju, amatambiro ga Yehova, buri itambiro ririho eshagama; kandi t'ekyo kyonka, kureka n'empaya z'entaama ahari buri itambiro. Omu kwega eby'enamba, enamba ehikiire kimwe buzima, mushanju, “okuhikiirira,” empaya z'entaama mushanju. Ebirikushushanira kimwe, amatambiro gombi. Nk'oku omwe yaabaire ahamize, nikwo n'ondiijo nawe yaabaire ari. Kwonka Ruhanga akasiima oha? Mwareeba? Mwareeba? Ogwo owaabaire ari omu Kigambo Kye. Okuhamiza kimwe tikirikugasha; n'okushuuruurirwa kwa Ruhanga.

Hati muteekateekye! Abashaija aba, ahabw'enki Yesu yaabeetsire kandi akabata omu mbeera egi (aba Bafarisaayo), akagira ati, “Mundamiza busha”? Nibamuramya: okuramya kw'amazima, okuramya okuhikire kuruga omu mitima yaabo. “Mu... Mundamiza busha.” Ahabw'enki? “Ahakuba okwegyesa oku mwegyesa kuba obuhamizo bw'ediini n'emigyenzoy'abantu, n'ahabw'ekyo ebiragiro bya Ruhangamubihindura busha aha bantu.”

Ku naakubareetera obutumwa bw'Abametsodisiti, tibukaagira eki bwabagasira, obu n'obwire bw'Omugore. Kuri Musa yaabuuriire obutumwa bwa Noa, tibukaakozire. Kuri Yesu yaabuuriire obutumwa bwa Musa, tibukaakozire. Ahabw'okuba embibo eyaamanyirwe iraeriaho eraije kwitirirwa amaizigonka g'omuringo ogwo gw'amaizi agahairwe ahabw'egyo mbibo. Mwareeba? Terikwija kukurira omu mbeeraendiijo yoona. Neeteekwa kuba embeera erikugikuza.

----
Ruhanga tiwebukomookobw'ebigombe by'amadiini, ahabw'okuba ebigombe ky'amadiini ni Babulooni, kandiTari bukomooko bw'akajagararo. Nitureeba ebyakyo byona... Tikirikukwetaagisa nangwa n'okuba omunyabwengye kureeba ekyo. Ni Babulooni! Mwareeba? Emigyenzo (kiteekateekyeho), abantu abeesigwa. Hati, nabwo, ahabw'okuba nibaikiriza ekyo, nabwo nihakyetengwa kubaho omwanya gumwe gwonka gw'amazimaogu Ruhanga arikubabuganiramu.

Hati yetegyereze omushororongo gwa 2. “Muramize omu mwanya ogu Naatooraine.” Ekitambo, hatariho kubanganisa, ahu baramiza,bakaza kutamba ekitambo. “Omwanya ogu Naatooraine; gutari ogu waatooraine, gutari ogu omuntu yaatooraine. Kureka ogu Naatooraine, muramize omuri ogwo mwanya.” N'ahabw'ekyo ekyo nikyoreka ngu hariho omwanya gumwe gwonka, endiijo n'okuramiza busha. Tiiwe oshemereire kutoorana, kureka Niweoshemereire kutoorana.

“Mpaho, tikirikunyetaagisa kuza aha kanisa.” Nari, “Oine obwengye bukye munonga! Ahabw'enki, nooteera empaka n'aha bakazi abarikubuurira, kandi... nari abakazi abarikusharaeishokye ryabo, kandi n'abashaija aha bintu ebi ebindi. Ahabw'enki, oine obwengye bukye munonga!” Kare, tikirikukwetaagisakukwata Ekigambo kya Ruhanga ahari ekyo, gumizamu oshohore ozeahu, barikukora ebyo. Mwareeba? Kandi noija kushanga ngu kiri omu Byahandiikirwe, n'ahabw'ekyo, “Bandamiza busha.” Mwareeba? Yesu akagamba aha kintu nikyo kimwe. Mwareeba?

----
Ka twetegyereze hanu naho omwanya ogu Yaatooraine kutamu ekitambo,omwanya ogu Yaatooraine kutamu ekitambo. Torikubaasa kukita omuri rimwe ahari aga marembo; kureka omwanya ogu Yaatooraine kukitamu, akatamun'Eiziina Rye omu mwanya ogwo. Mwareeba, ekyo nikyo Yaagambire hanu. Akatoorana kutamuEiziina Rye omuri ogwo mwanya. Hati ka tusherureomwanya ogu omuByahandiikirwe, ahakuba ogwo nigwo mwanya ogu Yaatairemu Iziina Rye.

Eky'ebiragiro 16:2,
Kandi oryatambira MUKAMA Ruhanga waawe ekitambo ky'Okuhingurwaho, nookiiha omu masyog'entaama nari ag'ente, okitambire omu mwanya ogu MUKAMA aritoorana kutamu eiziina rye.

Hati, torikubaasa kutwara eki... obwesigwa bwawe kandi na byona ebi orikwenda kwatuura, torikubaasa kufa kubitwara aha itambirory'Abametsodisiti, aha itambirory'Ababaputisiti, aha itambiro ry'Abapentekoote, kureka hariho itambiroahantu hamweahu Yaatooraine ngu We... kutamu Iziina Rye, kandi naakubugana omuri ogwo mwanya. Hati, ebintu byonaku oraabenoobikora gye, nikiza kukora; buri kintu kiri omu buteeka. Egyo waaya yaaba erimu ekishobire, ago mashanyarazi tigakaayaka; ahabw'okubaesiisikaire. Na mbwenuku oraakwate kimwe aha Bigambo bya Ruhanga nari gumwe aha myanya Ye, hazaomu mutima gwawe harimu ebigyendererwa by'okwekunda, nikizibira amaani ga Ruhanga aho honyini. Ku oraakikore ahabw'okuba nooyenda kuba omunyabwengye, nooyenda kuba ow'omutaano aha muntu ondiijo, nari ekindi kintu, ewaaya neesiisikariraahohonyini, nigootsya fwuzi. Oshobize. Nooteekwa kwija n'obwesigwa, n'omutima gwawe gwona. Enshonga zaawe n'ekigyendererwa kyawe, bigumye ahari Ruhanga. Bwanyimaosherure omwanya Gwe, ozoore ahu Yaagambire, reero obe niho waakita. Mwareeba?

Otarikiriisa omugaati,gutumbisiibwe;...
Ekyo nikishushanisa ki omu kitambo? Otakijwanzya n'enyikiriza y'ediini yoona, nikiteekwa kuba Ekigambo. “Omugaati ogutatumbisiibwe.” Ekitumbisa ni... Nimumanya eki ekitumbisa kiri omu kintu kyona. “Akatumbisa kakye katumbisa ekiihuro kyona,” ekiihuro kyona nigwo Mubiri. Torikubaasa kuta n'obu kaakuba akacweka kamwe k'ekigombe ky'ediini nari enyikiriza y'ediini omuri Kristo. Ngaaha, sebo, tikikaakora. Nimwijuka obutumwa bw'Orwakana oruhweire nyekiro? Baro waawe w'okubanza naateekwa kubanza yaafa. Kihikire. Baro waawe omusya n'Ekigambo.

...oryamara ebiro mushanju nookiriisa omugaati gutatumbisiibweomwo,...
“Ebiro mushanju,” ekyo nikishushanisa ki? Obusingye Mushanju bw'Ekanisa obwijwire, ebiro mushanju. Ahabw'enki kyabaire nikibeetaagisa kukirya omu biro mushanju? Hatakabaireho ki? Batakarugireyo. Kandi obusingye bw'ekanisa bwona, okuruga aha kutandika okuhika aha muheru, nibuteekwa kutungwan'Ekigambo kya Ruhanga kyonka ky'obusingye obwo. N'ahabw'ekyo enyikiriza y'ediini yaanyu y'Ekirooma, Metsodisiti, Baputisiti, kandi n'enyikiriza y'Abapentekootezoona zifiire.

----
Hati reeba.
...omwo, nigwo mugaati gw'okubonabona;...
(Bakahiigwa Ahabwakyo; Luteeri, Wesili, Abapentekoote; boona bakahiigwa, kandi naimwe muryahiigwa.)... ahabw'okuba okaruga omu nsi ya Misri n'obwira... obone kugumaeizooba eri... kwijuka eizooba eriwaarugiireho omu nsi ya Misri ebiro byawe byona. Otarireebwa oine ekitumbisa kyona omu... omu nsi yaawe yoona okumara ebiro mushanju;...

Omu Mugore murungi wa Kristo, bwanyima y'okufa Kwe naitwa obutegyeki bw'Abarooma omu Busingye bw'Omwirima, Akaba naateekwa kufa, “Akajuma k'engano ku kaba katagwire mu itaka.” Kishwera akaba naateekwa kwija, Orikukirayo oburungiwa Ruhanga ohikiriire. Mwena mukahurira obutumwa bwangye ahari ekyo.

Yetegyereze hanu. Akagira ati:
...ebiro mushanju nookiriisa omugaati gutatumbisiibwe...
Hati, omugaati nigushushanisa. Yesu akagira ati, “Omuntu tatungwa by'okurya byonka, kureka na buri Kigambo.” Ti- tiKigambo kwonka hanu na hari nk'oku ebigombe by'amadiini byakwenzire ngu Okiikirize. Kwonka Ekigambo kya Ruhanga kihikiriire! Ni Ruhanga We wenka omu muringogw'enyuguta, ekirikwetwa “Embibo.” Kandi okwikirizaokuhikire okutafungwireomuri ekyo Kigambo nikuhitsya egyo Mbibo aha Magara gaayo. Ekyo buzima nikyo mureeba nyekiro omu kumanyaebiri omu mitima y'abantu, hamwe n'ebintuebindi ebi byona, ahabw'okuba n'okuraganisibwa oku Ruhanga yaaraganiise. Kandi Akaanyemerera aha rubaju ekyo yaakingambira, kandi yangambira ku n'aba “babeihi baryaimuka, kwonka ngungume mpamire.” Ninkiikiriza. Kandi tinyine ekigyendererwa ky'okweyendeza, kushaasha omuntu weena, kureka kuha Ruhanga ekitiinisa kandi n'okukora omurimo ogu Yanyeteire kukora, egyo niyo nshonga erikutuma naagamba ebintu ebi. Kandi Ruhanga naagaruka abihamya, kandi ayaakiira emitoijo n'ebitambo, arikubihamya ku n'Amazima. Tikiriho kibuuzo kyona! Hati reeba ekyo Kigambo!

Hati, hanu nitureeba, “Ebiro mushanju,” ebyo n'ebya buri busingye bw'ekanisa. Hati, nk'oku Orikukirayo oburungi ogwoyaabaire naateekwa kufa, kugira nguazookye abone kutucungura twena. BwanyimaYaata ekanisa omu buteeka ahari Pentekoote, kwonka Ekanisa egyo ekaba neeteekwa kuheebwayo nk'ekitambo; reeroAbarooma baagiita, baabata omu itaka.

----
“Ebiro mushanju, orye omugaati gutatumbisiibwe.”
Tihariho kitumbisa ekirishangwa omu Mugore, titihariho kigambo na kimwe ekiryongyerwaho, nangwana busha. Ijuka, ekigambo kimwe kikareetahookufa kwona okuri omu nsi; buri mwana w'ekinyandaaro weena akazaarwa ahabw'okuba Haawa, ekanisa y'okubanza, omugore wa Adamu ow'okubanza, akabanganisa Ekigambo kya Ruhanga yaikiriza ekigombe ky'ediini, nari obwengye bw'obuntu, nari eby'eishomero ebirikutaanahoNakyo; ahabw'okubaEkakihaajaanaho, eti, “Buzima, Ruhanga ni Ruhanga murungi.” Ruhanga ni Ruhanga murungi, kwonka nabwo Ni Ruhanga ohikiriire. Nituteekwa kurinda Ekigambo Kye! Haawa, we, akakiikiriza.

Aho niho bamwe omuriimwe aboojo baaseminaariyo, tihariho kubangaanisa mwine okwetwaomu magara gaanyu, kwonka mwirukira omu ishomero rya Baiburirimwe kugira ngubabataasyemuegi nyegyesa, kandi aho niho mufeera... Mugume na Ruhanga hamwe n'Ekigambo Kye. Tibakaabaikiriza; nari, timukaabaasa nangwa n'okuba baamemba b'ekanisa yaabo, tibabaasa kubaakiira aha kituuti. N'ahabw'ekyo murekye bagume nayo, k'abafu baziikye abafu baabo, ka tukuratire Kristo Ekigambo.

Hati, ebiro mushanju hatarigira ekitumbisa ekyajwangwa omu Mugore, Ekanisa, ebiro mushanju. Hati mwetegyereze. Otarireebwa oine ekitumbisa kyona omu nsi yaawe yoona okumara ebiro mushanju;... (Ekitambo hanu n'ekirikushushanisa: Omugore naarugaomu Kitambo niwe Kristo.)... hatarigira enyama yoona ey'ekitambo, eki oritamba aha izooba ry'okubanza omu mwabazyo,...

----
...enyama,... ekitambo... aha izooba ry'okubanzaomu mwabazyo, eyaaraaraho okuhitsya omu kasheeshe.
Hati, nangwa na Luteeri, akaba aine Amazima kandi akeegyesa ekanisangu “ohikiriire aryaba ohuriire ahabw'okwikiriza.” Torikwetenga kuguma oramatiireahari egyo nk'enyegyesa eijwire, omu busingye bw'Abametsodisiti. Noogiraota? Gyotsye n'omuriro. Kikaba nikishushanisaki? Ekigombe ky'ediini ekirikuruga omuri ekyo Kigambo n'ekishushu, omushengye, ebishushu, nibiteekwa kwokibwan'omuriro. Ekyo kicweka ky'ekigombe ky'ediini eki kyarabiremu tikishemereire kugumaho, nikiteekwa kufa. Otakireka kikagumaho okuhika aha kutandika kw'o-kw'obundi busingye,kyotsye kihweho! Hati hanu naagambira Omugore, Omugore kusha, orikuruga omuri buri busingye.

Mwetegyereze oku kiboneire, “Eshagama y'omwana gw'entaama.” Aba n'Omubiri gwa Kristo, ekyo Kitambo: eshagama y'omwana gw'entaama aha muryango. Hati, mwijukye, omwana gw'entaama gukaitwa ogwabaire nigushushanisa Kristo.

Read the full account in...
Omwanya gwonka ogu Ruhanga yaataireho kuramizamu.

Kandi oryatambira MUKAMA Ruhanga waawe ekitambo ky'Okuhingurwaho, nookiiha omu masyog'entaama nari ag'ente, okitambire omu mwanya ogu MUKAMA aritoorana kutamu eiziina rye.

Eky'ebiragiro 16:2