Lesa akwata amafunde yabili.

William Branham.

Belengeni ili buku...
Incende fye yeka ya kwa Lesa iya kupepelamo.

Deuteronomy 16:2-4,
2 Thou shall therefore sacrifice the passover unto the LORD thy God, of thy flocks and thy herd, in the place which the LORD shall choose to put his name there.
3 Thou shalt eat no leavened bread with it; seven days shalt thou eat unleavened bread therewith, even the bread of affliction; for thou camest forth out of the land of Egypt in haste: that thou mayest remember the day when thou camest forth out of the land of Egypt all the days of thy life.
4 And there shall be no leavened bread seen with thee in all thy coast seven days; neither shall there any thing of the flesh, which thou sacrificedst the first day at even, remain all night until the morning.

Nomba, ishiwi 'Amalango', ishiwi iline lipilibula “amafunde yabili,” ishiwi Amalango. Kabili Lesa akwata amafunde yabili. Amafunde yabili: limo ilya yena ku kananakila ku Cebo, no kufwa; kabili limbi kunakila ku Cebo, no kuba no mweo. Yalya e mafunde yabili, na Malango cipilibula yalya amafunde yabili. Yena yonse yabili mucine yalilangishiwa kuli ifwe mu Malembo. Limo pali yena ni mfwa, lcibiye lyaba Mweo; Umweo ne mfwa. Lesa abomba fye mu Mweo, Satana caba fye mu mfwa. Kabili ifi fyalangishiwe ku calo pa cintu bwingi, palwalala ku linso lyonse, kabili tapaba apakulesesha kuli ifwe. Limo muli yena yalangishiwe pa Lupili lwa Sinai ilyo amalango yapelwe, ico casekele umutundu onse uwa bantu mumfwa; ilibiye lyapelwe pa Lupili lwa Kalbale, ico icaletele umutundu onse uwa bantu ku Mweo, ilyo ukukandwa kwalipilwe muli Yesu Kristu. Amafunde yabili aya Malango yafikilishiwe muli ifi fibili, ifintu ifikalamba.

Ndefwaya imwe ukumona nakabili, kwaliko nakabili ifipangano fibili ifyapelwe. Icipangano cimo calipelwe kuli Adam, ico icali ne fyakucita, nga amalango: “Nga imwe tamuli nokukumya ici, lyena muli no kuba no mweo; lelo nga mwakumya ici, muli no kufwa.” Lilya lyali lifunde. Elyo kwaliko ifunde na limbi ilyapelwe kuli Abrahamu, ico cali ku kusenamina, ukwabule cakucitapo: “Ni nkupususha kabili no bufyashi bobe ubukakonkapo.” Ameni! Cilya cipasho ca Kalbale, te cipasho ca-ca- ca cipangano cakwa Adamu, cena cipangano ca kwa Abrahamu.
Lelo nomba tuleumfwa Wene ukusosa kwaliba fye incende imo uko Ena akakumanya umuntu ukupepa. Ifwe twacibelenga cena muno mwine fye mu fyalembwa. Ifwe tulesontelela kuli cena, kunuma, mu maminiti ayanono.

Lyena nga kuliko fye incende imo iyo Lesa akumanya umuntu, ifwe tulingile ukuba abacenjela nganshi. Nomba lekeni tubike kumbali intambi shesu muno lucelo, kabili... muli ili sambililo lya Sundayschool, kabili lekeni tube abashininkisha nganshi ukutila twasanga ilye ncende imo. Pa mulandu, Lesa ali sosele pano, Ena takapokelele imwe mu ncende imbi ili yonse. Ulukuta ululi lonse, Ena taka mupokelele imwe. Kano fye mu Lukuta Lwakwe, e ncende fye yeka Ena aka pokelela imwe.
Nomba, “Ni cinshi ico mwingasosa, Munyina Branham? Nga ndi uwa bufumacumi?” Iyo.
Ibukisheni, Yesu alandile ku bantu bamo ababufumacumi, bakapepa aba bushiku Bwakwe, kabili Atile, “Apafye mula Nshinshimuna.” Mucine, ukushinshimuna ukwa cine ukufuma pesamba lya mitima yabo. “Apafye mula Nshinshimuna, ukusambilisha isambilisho amafunde ya muntu,” atemwa icisumino cabo ica cilonganino. Ubufuma cumi, no mucinshi, aba bukapepa fye nge fyo bengaba. Kabili cilya tacali icipya cali fye na ba Fariseo. Kaini na Abele, ba kapepa babili abo abafyelwe, ukufyalwa kwa cifyalilwa pano pe sonde, mucine cine kwaishile mu mibele imo ine.

Kaini ali fye kapepa nge fyo Abele ali. Bonse babili bakulile ifipailo. Bonse babili balitemenwe Lesa. Bonse babili bapele amalambo. Bonse babili balipepele. Bonse babili balilipile icekumi. Bonse babili balicitile ifintu fyonse ukupalana fye. Lelo Abele, ku citetekelo ico caba “ubusokololo,” Icebo cakwa Lesa ukusokololwa, ukuletwa palwalala, ukulangisha, no kushininkishiwa. Ubukata! Kaini apele icakuninika, lelo Lesa tashininkishe cena. Lesa alefwaya ukupepwa, kabili Kaini apele umusangulo, lelo Lesa tashininkishe cena. Lelo mu nshila ya cine...

Mwatila, “Cisuma, ulukuta lwandi lwaba Elo. Mwe ... ”
Loleleni fye pali miniti. Lesa alelula Icebo Cakwe Umwine ku mitantikile ya Cena iyo Ena alandilemo. Mwamona, Kaini atile, “Ndi kapepa. Nalitemwisha Kalenga wandi. Ndepela kuli Imwe ici cipailo icawama. Ndepela kuli Imwe ili lambo. Nalipangile fyonse ifi fintu, Shikulu, pantu nali mutemwa Imwe.” Abele asosele icintu cimo cine. Nomba, cena ni ulya uwalangishiwa, uyo uwa shininkishiwa. Kabili Lesa aishileika no kupokelela ilambo lyakwa Abele, pantu ku busokololo ena aikeshe inshila iya cine iyakwa Lesa iyo yapokelelwe.

Nomba moneni ulya umupashi wakwa Kaini waishile fye mulya ukupita mu Malembo, mpaka fye kuli buno bwine ubushiku bwa kulekelesha. Uwa mafunde? Nga filya fine uwa mafunde fye nge fyo umbi ali.
Lolekesheni kuli kasesema Balaamu kabili na kasesema Mose. Bonse babili ne fipailo cinelubali, ifipailo fyakwa Yehoba, umulopa pali cila cimo; kabili te cilya fye ceka, lelo naba sukusuku pali cila cimo. Mu kupende mpendwa, filya fine impendwa ya lungama, cinelubali, “ukupwililika,” basukusuku cinelubali. Filya fine fye ukupalana, fyonse fibili ifipailo. Uwa mafunde fye nge fyo umo ali, na umbi nao ali. Lelo ni nani uo Lesa ashininkishe? Mwamona? Mwamona? Ulya umo uwali mu Cebo Cakwe. Bumafunde tabupilibula ifingi nganshi; caba busokololo ubwa kwa Lesa.

Nomba tontonkanyeni! Aba baume, cinshi ico baitilwe kabili balibikilwe muli iyi mibele (aba ba Fariseo) kuli Yesu, atile, “Apa fye mula Nshishimuna”? Ukupepa Wene: ukupepa ukwa cine, ukupepa ukwa cine ukufuma mu mitima yabo. “Iwe ... Apa fye mula Nshinshimuna.” Cinshi? Ukusambilisha kwe sambilisho intambi shabo isha muntu. “E ico kanshi mulenga amafunde yakwa Lesa uku kanakwata amaka ku bantu.”
Nga nali musambilishe imbila ya ba Methodist, yena te kuti ikwate amaka kuli imwe, iyi ni nshita yakwa Nabwinga. Nga Mose asambilishe imbila yakwa Noah, yena teti ikwate amaka. Nga Yesu asambilishe imbila yakwa Mose, yena tekuti ikwate amaka. Pa mulandu imbuto yalingilwa kabela ili palya iyo ili no kutapilishiwa fye na menshi ya musango filya ayo ayapelwa kuli ilye mbuto. Mwamona? Tekuti imene mu mibele imbi. Cena cilingile ukuba imibele iyo imesha yena.

----
Filya efyo ifilonganino ficita. Mwamona? Lesa te watendeke icilonganino, pantu icilonganino ni Babylon, kabili Ena te ntulo ya cimfulunganya. Ifwe tulemona wene bonse... Iwe taulingile ukuba uwa mano ku kumona cilya. Cena ni Babylon! Mwamona? Intambi (tontonkanyeni pali cena), abantu ababufumacumi. Nomba, nalyo line, pa mulandu balicetekele ukutila, kulingile nalyo line ukubako incende imo iya bufumacumi apo Lesa akumanya.
Nomba moneni vesi 2. “Ukupepa mu ncende iyo nasalile.” Ilambo, mucine, uko bapepele pe lambo. “Icifulo ico nsalile; te filya ifyo mwasalile, ifyo muntu asalile. Lelo iyo nsalile, mukapepe muli iyi ncende.”
Kulya kulelangisha kwaliba lyena incende fye imo, shimbi shili apa fye. Yena tailingile ukusala kwenu, lelo ilingile ukuba ukusala Kwakwe.

“Cisuma, nshilingile ukuya ku lukuta.” Atemwa, “Iwe walikwata amano ayanono nganshi! Cinshi, iwe ulatalikisha pa banakashi palwa kushimikila, kabili... atemwa abanakashi palwa kubeya umushishi wabo, na pa baume palwa ifi fintu fimbi. Cinshi, iwe walikwata amano ayanono nganshi!”
Cisuma, imwe tamulingile ukusenda inshila yakwa Lesa palwa cena, imwe twalilileni kulya uko bena bacita cilya. Mwamona? Kabili muli no kucisanga ukutila cili mu Malembo, e ico, “Apa fye bala Nshinshimuna.” Yesu asosele pa cintu cimo cine. Mwamona?

----
Lekeni tumone pano na cimbi incende iyo Ena asalile kwi lambo ukubikwa, incende iyo Ena asalile ukubika ilambo. Imwe teti mubike lyena pali imo ya ishi mpongolo; lelo incende iyo Ena asalile ukubika cena, Ena nacimbi abikile Ishina Lyakwe muli ilye ncende. Filya efyo Ena asosele pano. Asalile ukubika Ishina Lyakwe muli yena. Nomba lekeni tufwaye Amalembo pali ino ncende, pantu ilya e ncende uko Ena abikile Ishina Lyakwe.

Amafunde 16:2,
2 Kabili mukaleipaila YEHOBA Lesa wenu icakucilila, iya mu mukuni napamo iya mu maombe, kulya kuntu uko YEHOBA asala ku kubikako ishina lyakwe.

Nomba, imwe tekuti musende ici... ubufumacumi bwenu na fyonse ifyo mulefwaya ukulumbula, imwe teti musende fye cena ku cipailo ca Methodist, ku cipailo ca Baptist, ku cipailo ca Pentecostal, lelo kuliko icipailo pa cifulo cimo ico Ena asalile ukutila Ena... ukubika Ishina Lyakwe muli cena, kabili Ena ali no ku kumanya imwe pali cilye cifulo. Nomba, nga imwe mwasenda ifintu fyonse ukulaenda fye bwino, cena cili no kwenda; ifintu fyonse fili mubutantiko. Nga kuliko uku kumyana muli ilya wire, lulyo lubuuto tayake; pa mulandu yena naishikwa. Kabili ilyo mwasenda cimo ica Fyebo fyakwa Lesa atemwa imo pa ncende Shakwe, kabili mu mutima wenu mwebene ukukwata amapange yakuitemwa, cili no kuposela panshi amaka yakwa Lesa palya pene. Nga mwacicita pantu mulefwaya ukuba uwacenjela, mulefwaya ukuba uwapusana ukufuma ku muntu umbi, atemwa icintu cimo, palya pene yalaposelwa panshi, yali no kupolesha ka fuse. Uli mucilubo. Mulingile ukwisa no bufuma cumi, no mutima wenu onse, imicitile yenu na mapange yenu ukubikwa pali Lesa. Lyena fwaeni incende Yakwe, sangeni uko Ena asosele, kabili leteni yena kulya. Mwamona?

Mwikalila pamo naco umukate uwatutumuka;...

Ni cinshi cilya cimpashanya mwi lambo? Mwilasankanya cena ne cisumino icili conse, cilingile ukuba Icebo. “Takuli umukate uwatutumuka..” Intutumushi caba ni ... Mwalishiba ifyo intutumushi yaba mu cintu icili conse. “Intutumushi inono ilatutumusha umufuba onse,” umufuba onse e Mubili. Imwe teti mubike akantu kamo aka cilonganino atemwa icisumino muli Kristu. Iyo, mukwai, teti cibombe.
Muleibukisha pali Cine uwafumako imbila ya bushiku? Umulume wenu uwa kale alingile ukufwa. Cilya cishinka. Umulume wenu umupya aba Cebo.

...inshiku cinelubali mukalile pamo naco umukate uushatutumuka,...

“Inshiku cinelubali,” ni cinshi cilya cimpashanya? Inshita Sha Nkuta Cinelubali shonse, inshiku cinelubali. Cinshi bena balingile ukulya cena inshiku cinelubali? Ilyo takulaba cinshi? Ilyo tamulaya kunse. Kabili inshita yonse iya lukuta, ukufuma ku ntendekelo ukuya ku mpela, ilingile ukwikalila fye pa Cebo cakwa Lesa ica ilya nshita. E ico icishilano cenu ica Roma, Methodist, Baptist, kabili ne cisumino ca Pentecostal conse cintu cafwa.

----
Nomba moneni.
...umukate wa bucushi;...

(Ukupakaswa pali Cena; Luther, Wesley, Pentecostal; bonse ukupakaswa, kabili e ico na imwe bena...., mulya,)... ...pantu mukufulumbana mwafumine mu calo ca Egupti: ku kuleka ubushiku bwa mwibukishe ubushiku bwa kufuma kwenu calo ca Egupti inshiku shonse isha myeo yenu... ...mwikale... Kabili wikamoneka kuli imwe umukate uushatutumuka mipaka yenu yonse inshiku cinelubali; mu...

Muli Nabwinga uwaemba uwakwa Kristu, panuma yamfwa Yakwe ukupitila mu Nshita sha Mfifi ku bufumu bwa ci Roma, ukutila Ena ali nokufwa, “Kano fye uluseke lwa ngano lwaponena mu mushili.”
Shibwinga alishile, Iciputulwa Cawamisha icapwililika icakwa Lesa. Imwe bonse mwalyumfwa imbila yandi pali cilya.

Moneni, muno Ena asosele:
...inshiku cinelubali mukalye uyu mukate ushatutumuka...

Nomba, umukate wapashaniwa. Yesu atile, “Umuntu te kucilyo ceka akabela no mweo, lelo ku Cebo conse.” Te pa Cebo fye apa kabili palya ngefyo ifilonganino fingalenga imwe ukucetela Cena. Lelo Icebo cakwa Lesa calipwililika! Ni Lesa Umwine mu musango wa nkalata, ukwitwa “Imbuto.” Kabili ne citetekelo ica lungama icapwililika muli cilye Cebo cili no kuleta ilye Mbuto ku Mweo.
Cilya ni filya fine fye ifyo mumona mu bushiku mu fya kulingulula, kabili na fyonse ifi fintu fimbi, pantu cena bulayo ubo Lesa apele. Kabili Ena aiminine kulubali lwandi no kunjeba ukutila, no kunjeba aba “bakapashanya bakema, lelo ukekatilile bwino.” Ndecetekela Cena. Kabili te ma pange aya kuitemwa, uku umfwisho bubi umuntu uuli onse, lelo ukuba uwa mucinshi kuli Lesa kabili no kubomba umulimo uo Ena anjitile ukucita, ulya e mulandu wine nsosela ifi fintu. Kabili Lesa alasumininsha cena mu mbwekesha, no kupokelela icabupe kabili ne lambo, pa kushininkisha cena ukuba Icine. Takwaba ilipusho pali Cena! Nomba lolekesheni cilya Cebo!

Nomba, tulemona pano, “Inshiku cinelubali,” cilya caba kuli cila nshita ya lukuta. Nomba, ngefyo cilye ciputulwa Icawamisha cali no kufwa, pakutila cingabuka no kulubula ifwe bonse. Lyena Ena alikwete ulukuta ulwabikwa mu butantiko pa Pentecosti, lelo lulyo Lukuta lwali no kupita mukuitula; kabili isonde lya ci Roma lyaipeye lwena, lyabikile lwena mu mushili.

----
“Inshiku cinelubali, ukulya umukate ushatutumuka.”

Takuli ntutumushi ikasangwa pakati ka kwa Nabwinga, takuli icebo ukulundwako, nangu cimo. Ibukisheni, icebo cimo calengele imfwa ili yonse iyo yaba mwi sonde; umwana onse uwa mucani alifyelwe pantu Efa, ulukuta lwakubalilapo, nabwinga wakwa Adam wa ntanshi, alitwishike Icebo cakwa Lesa no kusumina icilonganino, atemwa amano ya buntunse, atemwa amasambililo yaku sukulu ya Cena, pa mulandu calielenganishiwe, ukutila, “Mucine, Lesa ni Lesa umusuma.” Lesa ni Lesa umusuma, lelo Ena na cimbi ni Lesa umulungami. Tulingile ukusunga Icebo Cakwe! Isukulu, wene asumine cena.

Kulya eko imwe bamo mwe balumendo baku seminary, ukwabula ukutwishika ubwite mu bumi bwenu, lelo imwe mulabutukila ku sukulu lya Baibele imo ukukwata ili sambilisho ukubikwa muli imwe, kabili kulya eko mufwa ... Ikaleni na Lesa ne Cebo Cakwe. Tekuti bamusuminishe; atemwa, te kuti mube na ku lukuta lwabo, te kuti ba misumine ku ntanshi. E ico lekeni bena bakwate cena, lekeni abafwa bashike abafwa, lekeni tukonke Kristu Icebo.

Nomba, inshiku cinelubali takwakabe intutumushi ukusankanishiwa muli Nabwinga, Ulukuta, inshiku cinelubali. Nomba moneni. Nomba ilyo takuli...
Kabili cikamoneka kuli imwe icatutumuka mu mipaka yenu yonse inshiku cinelubali;...
(Ilambo pano caba cipasho: Nabwinga aleisa ukufuma kwi Lambo uyo uuli ni Kristu.) ...kabili umunofu wa iyo, mwaipaye lambo icungulo ubushi bwantanshi,...

----
...umunofu,... ilambo ubushiku bwa ntanshi... icungulo, mwikashako ukufika ku lucelo.

Nomba, nangula Luther, uyo wakwete Icine no kusambilisha ulukuta “abalungami bakekalila ku citetekelo.” Imwe tamulefwaya ukwikatilila pali cilya ukuba isambilisho lyonse, mu nshita ya Methodist. Ni cinshi ico mwalacita? Mukoce lyena no mulilo. Cali ni cinshi icipasho ca cena? Icilonganino ico cafumine muli cilye Cebo caba cikapa, umupeti, amapapa, filingile ukocewa no mulilo. Cilye ciputulwa ca cilonganino ico caishile ukupita tacilingile ukubapo, cilingile ukufwa. Mwisha cena mpaka ukwisa kwa imbi -inshita imbi, mukoce cena! Ena alelanda nomba kuli Nabwinga pano, Nabwinga fye, ukwisa ukupita muli cila nshita.

Moneni ifyo cawama, “Umulopa wa mwana wa mpaanga.” Aba Mubili wakwa Kristu, Ilambo: umulopa wa mwana wa mpaanga pa mwinshi. Nomba, ibukisheni, umwana wa mpaanga alipaiwe uyo wali icipasho cakwa Kristu.

Belengeni ili buku...
Incende fye yeka ya kwa Lesa iya kupepelamo.

Kabili mukaleipaila YEHOBA Lesa wenu icakucilila, iya mu mukuni napamo iya mu maombe, kulya kuntu uko YEHOBA asala ku kubikako ishina lyakwe.

Amafunde 16:2