Eyiakatar Akuj ngikisila ngiarei.

William Branham.

Tosiomete alo akirot...
Akibois bon ngina ekorakinit Akuj akukonokinor.

Ngikisila 16:2-4,
2 Emaikina iyes inakis neni a Ekapolon Akuj kus amuronot ngina a Paska, anameesekin ka anaatuk kus, kitiyata ngun anakibois a ngina eseuni Ekapolon Akuj kus enyaritai ekiro Keng.
3 Ani inyamete iyes amuronot ngin nyinyama inges ka idiobore ngini eyiakar ngakinyalet. Emaikina iyes tonyama ngamugati nguna emam ngakinyalet ka akiring a amuronot a ngin angirua ngikanikaarei, naarai ipotu iyes tolomut anakwap a Ijipit ikirikirasi nooi, a ngun emaikina iyes ngirwa akiyar akus dadang totamunito akolongit ngina irotokinioto iyes anakwap a Ijipit. tonyama ngamugati nguna emam ngakinyalet.
4 Nyemaikina kingolikinai ngakinyalet ngadi anakwap kus dadang alotooma ngirwa ngul ngikanikaarei, nyemaikina airing a ngibaren a ngulu iarete iyes atabong ngina ka akolongit a ngina esiaunan kiboi kiwalak.

Tokona, akirot Ngikisila, apolou ka akirot a ngin erai “ngikisila ngiarei,” akirot Ngikisila. Ka eyiakatar Akuj ngikisila ngiarei: Epeikes erai amaange neni ka Akirot, ka atwanare; ngoloce erai arimao neni ka Akirot, ka toyiar. Engul ngikisila ngulu yare, apolou a Ngikisila erai ngikisila ngiarei ngul. Ikes ngulu yarei adaun akitacaikin iwon alotooma ngakigiret ejok. Epei alotooma kes erai atwanare, ka ngoloce erai Akiyiar; Akiyiar ka atwanare. Itiyiai Akuj bon Anakiyiar, Satan erai alotooma atwanare. Ka aponi kitoodikinai ngakwapin nu ka akilerer, alokinga alokingaren adiokongu dadang, ka emam nabo akigare aneniyok. Apei alotooma ngun aponi kitoodiunai alomoru Sinai ngina epotorere ngikisila, ngulu apotu totubokis ngitunga tar natwanare; ngoloce aponi kipotoroi alomoru Kalbario, ngolo abu yau Akiyiar lotunga, ngina atacere etacit alotooma Yesu Kristo. Aponi kitodolikinoi ngikisila ngulu yarei lu ngulu Alokisila alotooma ngiboro ngulu yarei ngulu apolok lu.

Akacamit ayong iyes toanyut nabo, ayiakasi ngakitutuketa ngaarei nguna aponi inakinai. Apei kitutuket aponi inakinai Adam, ngina ayiakasi ngadoketa, ikwa ekisil: “Erai pa kitap iyong nu, iyiari; nai arai kitap nu, itwani yong.” Arai ngol ekisil. Ayiai ecekisil ngolo ainakinitai Aburam, ngolo arai kan ajokis, ngolo amam ngadoketa: “Adau Ayong akiteyiar iyong ka akoni uri ngina ikitupakini iyong.” Amen! Erai ngin ekabila ngina alo Kalbario, meere ekabila a ngina ka akitutuket ka Adam, erai akitutuket ngina erai Abrahamik.
Nai tokona eirar iwon Inges ebala eyiai akibois bon ngina iriamunotor Inges ka itunganan akukonokin. Asiomun iwon anege anakou a ngakiro. Ebongorio iwon nenikec, kau, alotooma ngadakikai ngadikidio.

Arai nai kerai apei kibois bon iriamunotor Akuj ka itunganan, emaikina iwon acoikina nooi. Ewaakisi tokona ataparacu na ngiyokotalio nawai, alotooma akitatam ngina a esukul ngolo ke esabit alo, ka arauto ngulu ikiyeni kire atemar ariamun iwon apei kibois ngin. Naarai, elimunit Akuj anege, atemar emam nyikijauni Inges iyong anakibois ka ace. Alokanisa ke ece, emam nyikijauni Inges iyong tooma. Erai Alokanisa Keng bon, inges akibois bon ngina ikijaunia Inges iyong.
Tokona, “Anu ilimuni iyong, Lokaato Buranam? Erai karai ayong ngolo ekinyoma?” Mam.
Totamunite, abu Yesu kirwor neni a ngicetunga a ngulu ekinyomasi, ngikakukonokinak ngulu ka Akekolongit ka abu Inges atema, “Akakukonokinosi ikes Ayong ikongin.” Iyookino, akukonokin ngina akire alokwap a ngikecetain. “Akakukonokinosi ikes Ayong ikongin, itatamete ikes akitatam ngina a ngakiciket a ngitunga,” kori akitatam kec ngina a ngitunga. Kikinyomas, ka kitasionos, ikwanginapei ejoikinitor ikes ayiakau. Ka emam pa akitetiaka ngun aneni a ngiparisayon. Kaino ka Abel, ngikakukonokinak ngiarei ngulu aponi tourunai ekingaren, auriyo alotooma akuwan anakwap anege, apotu kire potu alotooma ngipetesio ngulu ikote nen.

Arai Kaino ngolo ke ekelipan ikwapei Abel dang. Apotu ngulu yarei toduko ngamuroet. Ikes ngulu yarei aminasi Akuj. Apotu ikes ngulu yarei inakis ngamuronisia. Apotu ngulu yarei tokukonokinos. Apotu ikes ngulu yare totaca ipei a ngitomon. Apotu ikes ngulu yarei kitayata ngiboro ngulu ekwaan. Nai Abel, anguna ka akiyiun ngina erai “apukokinio,” abu Akirot ka Akuj topuk, ka kitacau, kitoodiu, ka kitogogong. Akibuses! Abu Kaino inak amuronot, nai emam pa abu Akuj kitogogong ngun. Eitanit Akuj akukonokin, ka abu Kaino kitemok amuronot, nai emam pa abu Akuj kitogogong ngun. Nai kan erot ngolo eyookino...

Ibala yong, “Ajokis, ekakanisa inges jik erai. Ayong...”
Kidareu adakikat ca bon. Akuj Elope iloci Akekirot kan nguna abu Inges kirwor alotooma. Kingolik, abu Kaino tema, “Arai ayong ngolo a edin. Arai ayong ngolo amina Ekasuban kang. Akainakinit ayong Yong amuroet ngina ajokan na. Akainakinit ayong Yong amuronot na. Abu ayong oduk ngiboro lu dadang, Ekapolon, naarai akamina ayong Iyong.” Abu Abel dang tolimu ngunapei. Tokona, erai inges ngolopei aponi kitogongoi, inges nginapei aponi tocetarai. Ka abu Aku todoku kwap ka akijaar amuronot ka Abel, naarai nguna ka apukokinio inges abu inges kiyookionor losokot ngolo akire ngolo acamunit Akuj.

Kingolik nait iyong tokona ekuwuam a Kaino epite ngolo etiyaunor anakigiret, ameun akitodol tar nakuwar napeina. Ngolo angakinapeta-a? Arai ca ngolo a ngakinapeta ikwapei ayiakar ngoloce dang. Kingolik iyong ekaduaran Balaam ka ekaduaran Musa. Ikes ngulu yarei kaapei ka ngamuroet ngakankaarei, ngamuroet a Yawe, ayiakasi ngaakot neni a nginidonupei; ka meere ngun bon, nai ngimeesekin neni a ngini donupei. Akimario, ekimar ngolo akire jik, ngikankaarei, “adolit,” ngimeesekin ngikankaarei. Ikwaan kire jik, ngamuroet nguna aarei. Arai nguna a ngakinapeta ikwa ngoloce, ka ngoloce dang. Nai ngai abu Akuj kitogogong? Ingolik-a? Ingolik-a? Arai ngoloce ngolo ayiai tooma Nakirot Keng. Emam apolou ngina alalan ngina eyiai nakinapeta; erai apukokinio ka Akuj.

Tokona totami! Ngikiliok lu, kaanukiro anyaraunia ikes Yesu ka akiwaakin ikes nadoketait na (ngiparisayon lu), abu tema, “Ikikukonokinosi iyes Ayong ikongin-a?” Tokukonokinos Inges: Akukonokin ngina akire, akukonokin ngina iyookino alotainikec. “Iyes... ikikukonokinosi iyes Ayong ikongin.” Kan nyo? kitatamete akitatam ngina a ngitalio a ngitunga. “Angun itaraut iyes ngakiciket ka Akuj nguna aikongin alotunga.”
Kan akalimonok ayong iyes Eemut ngolo a Mesodist, emam nguna ikitiyakinete iyes ngun, erai naga apaki ngina ka Ateran. Kan tolimonok Musa Eemut ngolo a Noa, kemam ajokis alotooma. Kan tolimonok Yesu akisiraret ngina a Noa, kemam epaida eriamuna. Kan tolimonok Yesu akisiraret ngina a Musa, kemam epaida eriamuna. Naarai eperi ekinyomit ngolo eseunitai aina ngolo bon epedorio akicocua ke ekabila a ngakipi a nguna einakinitai ekinyomit ngol. Ingolik-a? Emam nyepolouni anadoketa a ngace. Mati erai ngadoketa nguna itopolounete inges.

----
Nguna itiyai edin ikes ngun. Ingolik-a? Emam nyerai Akuj elope a edin, naarai erai edin Babilon, ka meere Inges elope angodia. Aanyun iwon inges dadang... emam tar nyiitanit iyong nen atemar ebe mati irai iyong ngini ipiiriana kotere toanyu ngun. Erai Babilon! Ingolik-a? Etal (totamak anguna a ngun), ngitunga ngulu ikinyoma. tokona, eringa, naarai enupito ikes ngun, eringa iitana akibois apei ngina ikinyoma neni iriamunor Akuj.

Tokona toanyu engaet ngolo 2. “Tokukonokinos anakibois a ngina adau Ayong aseun.” Amuronot, eerobo, neni elipakinere amayiata ikes amuronot. “Akibois ngina aseu Ayong; meere ngina iseut iyes, ngina aseu itunganan. Nai ngina aseu Ayong, tokukonokinos anakibois ana.” Idodiunit nen atemar eyiai apei kibois bon, ngunace dadang erai ikongin. Emam nyemaikina torai akoniseunet, nai iitana torai aseunet Keng.

“Ajokis, emam nyebeit ayong alosit lokanisa.” Kori, “Erookino iyong ngatameta! Kan nyo, ibuni iyong ebura ka ngaberu kan alimonokin, ka... kori anguna a ngaberu akiir ngikecetim, ka ngikiliok dang kan ngiceboro. Kan nyo, erookino iyong ngatameta noi!”
Iyookino, emam nyemaikina iyong ayaar erot ngolo ka Akuj kan nguna etapito ngun, tolot iyong neni itiyaere ngun. Ingolik-a? Ka iripuni iyong atemar eyia tooma nakigiret, aso, “Akakukonokinosi ikes Ayong ikongin.” Abu Yesu kirwor ibore nginipei ngin. Ingolik-a?

----
Kimiekisi engolikisi anege dang akibois ngina abu Inges toseu akiperikin amuronot, akibois ngina abu Inges toseu akiwaakin amuronot. Emam nyipedori iyong akiwaakin lodorin ngidi aneni alu; nai akibois ngina abu Inges toseu akiwaakin, abu Inges kiwaak Ekekiro dang tooma nakibois ngin. Ngun ikes elimunit Inges anege. Abu Inges toseu akiwaakin Ekekiro tooma nen. tokona ewarutu iwon akibois na anakigiret, naarai akibois ngin abu Inges toseu akiwaakin Ekekiro.

Ngikisila 16:2,
2 Iinakinete iyes amuronot ngina a Pasika neni a Ekapolon Akuj kus, alo sipanin kus ka analomar kus, anakibois a ngina eseuni Akuj akiwaakin Ekekiro nen.

Tokona, emam nyipedori iyong ayaar akoni kikinyoma ka nguna icamit iyong alimor dadang, emam ca nyipedori iyong ayaar ngun namuroet a Mesodist, namuroet a Baptist, namuroet a Pentekost, nai eyiai amuroet ace iwace ngina abu Inges toseu akiwaakin Ekekiro tooma, ka iriamunosi Inges ka yong nakibois ngin. tokona, erai kiriamu iyong ngiboro dadang elosete iyookino, epote alosit ejok; ngiboro dadang eyiakasi nakinapeta. Erai keyiai neni engeded anawaya angin, emam nyebuni akica; naarai emam nyerucokinitai. Ka erai kiyia iyong apei Anakiro ka Akuj kori apei anakiboisio Keng, ka toyiakatar alotau kon ngalosikineta nguna ke emuane, eenikini apedor ka Akuj nen. Erai kitiya iyong ngun naarai icamit iyong araun ngolo ibus, icamit iyong araun ngolo igelaana, kori icebore, eenikin nenipei, ebwangari ibore ngini ipukat alel ka akica. Idyakarit iyong. Iitana iyong abu kaapei ka akikinyoma, kaapei ka ekonitau dadang, ngakonilosikineta ka ngakonipeleikineta kiwaakinitetei neni ka Akuj. Ido kiwar nai Akekibois, toriam neni alimunit Inges, ido yau inges nen. Ingolik-a?

Emam nyemaikina iyes tojama ngamukati nguna itubuunitai alotooma anen;...

Anu ewuoikinito ngun alotooma amuronot? Nyinyalak ka adio kitatam a ngitunga, iitana torai Akirot. “Tomam ngakinyalet ngadikidio.” Ngakinyalet ngadikidio itubuunete alunguret dadang,“ erai alunguret dadang akuwan. Ka emam nyipedori yong akiwaakin ikabeleek idio ngini ka akitatam a ngitunga tooma neni a Kristo. Emam, malim, emam nyebuni etic.
Itamunito iyes eemut ngolo ka akuwar a ngina abien-a? Ebeit totwanite lokilekon ngolo ngorot. Iyookino. Erai Akirot lokilekon ngolo kitete.

...emaikina iyes kimuja amukati ngina itubuunitai adaun ngiruatin ngikankaarei...

“Ngirua ngikankaarei,” anu isikwaanitere ngun? Erai akirikakina ngina a Nganyameta a Ngakankaarei nguna a Ngikanisai, ngirua ngikankaarei. Kan nyo ebeitor ikes kimuja adaun ngirua ngikankaarei? Eringa nyo? Eringa nyelomara kinga. Ka anyamet dadang ngina a ekanisa, ameun anakisiakinet paka nasalunet, ebeit toyiari kan Akirot ka Akuj bon ngina ka anyamet a ngin. Anguna a ngun ngakusikitatameta nguna a Ngiromayon, Mesodist, Baptist, ka ngakitatameta Pentekost dadang etwakito.

----
Tokona tokienyete.
...alotooma, tar amukati ngina ka akisicanio,...

Aponi kimanai anguna a ngun; Lusa, Wesley, ngulu a Pentekost; dadang aponi kimanai, ka aso ikimanio iyong dang.
...naarai ipotu iyes potu anakwap amisiri alotooma amaran:.. ejoikinit iyes kidongito nakolongit... totamunito akolongit ngina ilomuniata iyes anakwap a Ijipit ngirua dadang ngulu ka akusikiyiar.
Ka emam nyemaikina toanyunai amukati ngina itubuunitai alotooma... kaapei ka iyes alokuorinkus dadang ngirua ngikankaarei;...

Alotooma Ateran ngina ebusan ngina a Kristo, akau ka aketwanare alotooma nganyameta nguna kirionok kan apukan a Roma, ebe amaikina inges totwan, “Mati kedo ekinyomit ngolo ka aganot tooma nalup.” Amaikina Eteran bu, etic ka Akuj ngolo ajokan. Ipotu iyes dadang kiirasi eemut kang kan nguna ikamunito ngun.

Toanyu, alotooma anege abu Inges tema:
...emaikina iyes tonyama amukati ngina emam nyitubuunitai adaun ngirua ngikankaarei...

Tokona, isikwaanitai amukati. Ebala Yesu, “Emam nyeyiari itunganan kana tap bon, mati kan ngina Kirot.” Emam nyerai ca Akirot anege ka ama ikwa enupitotor ngidinio. Nai erai Akirot ka Akuj ngina edolit! Erai Akuj Elope alotooma anyukuta, enyaritai “Ekinyomit.” Ka ekabila ka anupit alotooma Akirot ngina ngina emam nyelomitai inges eyauni Ekinyomit ngol tooma Nakiyiar.
Nguna kire ingolianakiete iyes ngun nakware alotooma akigic, ka ngiboro nguluce lu dadang, naarai erai akiikinet ka Akuj. Ka abu Inges towuo alodiye kang ka okolimok ayong ngun, okolimok ayong “enyounete ngiketuputok lu, nai torubak icasit.” Anupit ayong ngun. Ka emam alosikinet ngina ke emwane, akiwan idiotunganan, nai erai akiyapara aneni ka Akuj ka akitiya etic ngolo akanyarakinit Inges ayong akitiya, ka inges apolou erworor ayong ngiboro lu. Ka itogogongit Akuj nu, ka ijaunit amuronot, kan akitogogong nu erai nguna Akiyookino. Emam akingiset aneni angun! Tokona kitee Akirot ngin!

Tokona, ikianyuni iwon anege, “Ngirua ngikankaarei,” erai ngun a nguna ka adio nyamet dadang. Tokona, ikwanginapei abeitor Etic ngolo ajokan ngol totwan, a nguna ka ayiarun a nguna ka alakun iwon dadang. Abu nai tosipok ekanisa alo Pentekost, nai ayiai ekanisa ngol akitor namuronot; ka apotu ngulu a Roma toara inges, tonukakis inges nalup.

----
“Ngirua ngikankaarei, tonyama ngamukati nguna emam ngakinyalet.”

Emam ngakinyalet nguna ebeit toriamunai alokiding ngina ka Ateran, tomam Akirot ngina iyiatakinitai, tomam ibore. Totamunito, abu apei Kirot yau a ngina twanare a ngina eyiai tooma nakwap; aponi kidounoi a nginikoku dadang ngini ka akero naarai Kawa, ekanisa ngolo esiaunan, ateran ngina ka Adam a ngolo esiaunan, abu tongayangayak Akirot ngina ka Akuj ka abu tocam edin, kori aosou, kori esukul ngolo a ngun; naarai ayiai epeget tooma, ebe, “kire, ejok Akuj.” Erai Akuj-Akuj ngolo ajokan, nai erai nabo dang Akuj ngolo iyookino. Emaikina iwon akiricit Akekirot! Abu inges tocam esukul, ngolo a ngun.

Eyiai iwace iyes ngidyain ngulu a seminari, nyangayanit anyarao ngina anakiyiarkus, nai ikerete iyes losukul ece ngolo ke Ebaibul a nguna ka apedokin akitatam na toomakus, ka erai nen itwakiata iyes... kiboyoto kaapei ka Akuj ka Akekirot. Emam nyikimiekinio iyes; kori, emam tar nyikimarakinio iyes natukotokec, emam tar nyikicamunio analitaare. Anguna angun kimiekisi ikes toyiakaunotor ngun, kimiekisi ngikatwak tonuka ngikatwak, ewuapa Kristo ngolo erai Akirot.

Tokona, ngirua ngikankaarei emam nyemaikina Ateran toyiakatar ngakinyalet, Ekanisa, ngirua ngikankaarei. Tokona toripu. Tokona ikwapei emamukar...
Nyemaikina kingolikinai ngakinyalet ngadi anakwap kus a daadang alotooma ngirua ngul ngikankaarei; ...(Erai amuronot anege akisikwaanet: Ateran ngina abuni aneni ka Amuronot inges Kristo.)... nyemaikina airing a ngibaren a ngulu iarete iyes atabon,...

...akiring,... amuronot ngina ka akolongit a ngina esiaunan... tar, nyiwalak ameun nakware paka nataparacu.

Tokona, tar Lusa, ngolo ayiakatar Akiyookino ka abu kitatam ekanisa ebe “eyiari ngini iyookino a nguna ka akiyiun.” Nyemaikina iyong kidong ineno anen kitarau ngun akitatam ngina ileleba, alotooma anyamet ngina a Mesodist. Anu emaikina iyong kitiya? Kicunya ngun ka akim. Arai nyo akecekisikwaanet? Edin ngolo alomuni kinga aneni ka Akirot a ngin erai ngapoco, ngakasirim, ngakaabuk nguna emaikina kicunyarai ka akim. Atyaket ngina ke edin ngina alomuni ngin nyemaikina kidong, iitana totwana. Nyiesik akitodol ngina ipiripiriunia anyamet nginace, kicunya! Irworo Inges tokona neni ka Ateran, a ngina elomunit aneni eyiai adio nyamet.

Toanyu iyong epite ngolo ibusiata, “Ngaakot nguna aimesek.” Erai lu akuwan ngina a Kristo, Amuronot: ngaakot nguna aimesek alopuke. Tokona, totamunito, aponi toarai imesek ngini arai akisikwaanet ngina a Kristo.

Tosiomete alo akirot...
Akibois bon ngina ekorakinit Akuj akukonokinor.

Emaikina iyes inakis neni a Ekapolon Akuj kus amuronot ngina a Paska, anameesekin ka anaatuk kus, kitiyata ngun anakibois a ngina eseuni Ekapolon Akuj kus enyaritai ekiro Keng.

Ngikisila 16:2