Ebiziba Ebifumukire.
<< prev
next >>
Nyowe Enshuro y'Amaizi g'amagara.
William Branham.Read the full account in...
Ebiziba Ebifumukire.Niinyenda kugamba omwebazyo ogu aha ishomo, kumara o-obwire bukye ahari: Ebiziba Ebifumukire. Israeli ekaba ekozire ebibi biri by'amaani. Ruhanga akagira ngu bakaba Bamwimwire, Enshuro y'Amagara, kandi beetimbiire ebiziba by'okutahamu amaizi g'okunywa. Hati, ekyo n'ekintu. Enshonga etumire naateekateeka aha ishomo eri n'ahabw'okuba rikaagira akakwate hamwe n'eki naaba ningambaho akasheeshe aka, eky'obwire obu tutwiremu, hamwe n'Ekigyendererwa eki turikurwanira.
Kandi nitureeba Israeli nk'eky'okureeberaho, ngu, eki Ruhanga yaabaire ari, Naateekwa kuguma arikwo ari buriijo. Kandi hariho ekintu kimwe kyonka eki Ruhanga arahaire ekitiinisa, ekyo kikaba kiri, omuhanda Gwe ogu Yaateereireho abantu. Kandi ku baabaire baruga omu muhanda ogwo, obwo Ruhanga akaba ataheebwa kitiinisa, reero Ruhanga areetera abantu kureeba enaku ahabw'okureka eki Yaabagambiire kukora, eki kyabaire kiri kyona. Nangwa Akabaha n'ebiragiro, “Otakwataho, otakoraho, otarozaho.” Atari ahabw'ekibi ky'okukikora, kureka ekibi ky'okugomera eki Yaagambire kukora. Kandi buriijo tihabaasa kubaho ekiragiro hatariho ekifubiro ky'ekiragiro ekyo. Ahabw'okuba, haaba hatariho ekifubiro, obwo, ekiragiro nikiba kitaine maani kureka kyagira ekiheneso. Ekiragiro!
Hati, nitureeba, ebi baakozire omu bunaku obwo nibireebeka nk'ebirikushushana n'ebi turikukora ebiro ebi, ebi abantu b'ekanisa barikukora. Hati nitureeba ekintu ekirikutangaaza hanu. Nikibaasa kuba nikitangaaza aha bantu bamwe, obu Yaagira ati, “Mukozire, bakozire, beetimbiire ebiziba, ebiziba ebifumukire.” Hati, obundi bamwe omuriimwe timurikumanya eki ekiziba kiri. Nibangahi abarikumanya eki ekiziba kiri? Mpaho, haihi mwena. Ku oraabe waakuriire omu iriisizo, noomanya eki ekiziba kiri. Niinyijuka nkanywa obukooko oburikugasha omuri kimwe, ku-kumanya eki e-ekiziba kyabaire kiri. Mbuuriire aheeru omu ihanga ahu, ahansi y'ekicuucu ky'emiti, ahu waabaire ogira ekiziba kiijwire amaizi maingi aho, g'e-enjura, nimumanya, kwonka kikaba nk'ekyamara obwire kakye. Reero-reero obukooko, obwire bw'ekiro, bukaba bukizamu. N'ahabw'ekyo nimmanya amaizi g'ekiziba.
E-ekiziba n'o-omwanya, ekintu ekitimbirwe omu itaka, omu mwanya gw'eiziba. Ahu abantu bataine eiziba, obwo nibakora e-ekiziba. Omu bindi bigambo, ekiziba ni tanka ekozirwe abantu nari eiziba erikozirwe abantu omu itaka, eri abantu barima, kutegyeramu amaizi, g'o-okukozesa. Abamwe bagakoresa omu kwozya, kandi abandi nibagakozesa nk'amaizi g'okunywa, hamwe n'emiringo etari emwe, obundi. Obumwe n'obumwe amaizi goona, agu twabaire tutunga, gakaba gari ag'ekiziba. Tukaba tugira ekintu ekikuzire eki twabaire tuzinga, tukyetoorooza, tukyetoorooza, tukyetoorooza, tukyetoorooza, kwihayo amaizi; kikomirweho obubaketi bukye, kwihisayo amaizi omu kiziba.
Mpaho, nitureeba entaaniso emwe aha kiziba hamwe n'eiziba. Hati, ekiziba nikihwamu amaizi. E-e-ekiziba tikirikubaasa kweijuza. Ni-ni... Tikirikwesigwa. Torikubaasa kwesiga ekiziba. Nikiteekwa kurinda n'okutegyereza enjura erikugwa omu kyanda nimmanyisa omu bwire bw'eitumba, eki kiri kyona ku... Emirundi mingi, omu bwire bw'eitumba obu orubaare n'enjura bigwa, obwire obwo amaizi geeshuka omu kiziba. Kandi amaizi ago ku gaba gatagiiremu, obwo to-torikutunga amaizi goona. Goona ni-goona ni... gooma. Kandi tikirikubaasa kweijuzamu amaizi. Ekiziba ekimazire obwire tikirikubaasa kweijuzamu amaizi. Nikiijuzibwa e-enjura erikugwa.
-----
Omu biro bikye, orekye amaizi ago gagume aho, kandi nigahinduka ebyagaana. Orekye amaizi gagume omu kiziba, nigahinduka ebyagaana. Kandi nikiijuramu e-ebikyere, n'ebihangare, hamwe n'enjoka. Kandi tukaba tubweta “emishundwe,” obukooko bukye munonga... Tindikumanya yaaba... Tiburi oburiirizi, n'e... Tindikubaasa, tindikumanyaekiwaakubaasakubweta. Kwonkaobuntubukyenibuzaomumaizi, obu- obuturikweta emishundwe. Nimumanya eki eri. Nibangahi abarikumanya eki ndikugambaho? Oo, ahabw'enki, buzima, imwe mwena abantu b'ekyaro nimukimanya. Nikiijuramu ebyagaana bingi, reero nkunzi z'ebyagaana ezi ziija nabyo. Buzima nibiija, ahabw'okuba n'ebyagaana ebiterami. Kandi ahabw'okuba biterami, bituma obukooko bwaija oburikukunda ebintu ebiterami.Kandi ekyo nikishushanira kimwe nk'amakanisa gaitu ebiro ebi. Ninteekateeka ngu tutsigireho... Kimwe aha bibi by'amaani ebi ekanisa ekozire ebiro ebi, nka Israeli ebiro ebyo, Ekamutsigaho, Enshuro y'Amaizi g'amagara, kandi baayetimbira ebiziba ebikozirwe abantu. Reero byahinduka obutaaho bw'ebintu byona ebirikukunda amaizi g'omuringo ogwo. Ebihangare, ebikyere, hamwe n'obukooko bw'emiringo yoona obutashemeire oburikureeta endwara, nibukituuramu, ahabw'okuba ni tanka ekozirwe abantu. Kandi ebintu ebi nibiguma omu tanka egi, eky'okureeberaho ekihikiire kimwe ebiro ebi ky'abantu b'ebigombe byaitu by'amadiini. “Hati,” noogira oti, “Ow'eishe-emwe Branham, ahabw'enki nooteera abantu abo munonga?” Bishemereire kuteerwa. Nibiteekwa kuteerwa. Mubirugyemu, ahabw'okuba aha muheru biryakora akamanyiso k'enyamaishwa. Mwijukye, ago n'Amazima! Biryaba akamanyiso k'enyamaishwa. Ekigombe ky'ediini kiryataahamu. Kiri omu muhanda nikizayo aho hati hati, okugyema, ahabw'obushoborozi. Reeba omu bugabe bwa Rooma obwa ira. Ekyo buzima nikyo kyabahikize aha kutunga ako kamanyiso ak'okurugira kimwe aha kwikiriza. Mukareeba ngu tihariho omuntu awaabaire naabaasa kugura nari kuguza ataine akamanyiso k'enyamaishwa. Akaba naateekwa kukagira.
-----
Kutsigaho eiziba ry'enshuro, okaza omu nkora egunzirwe abantu nari ekiziba, teekateeka omuntu arikukora ekyo? Teekateeka aha mbeera z'obwonko by'omuntu orikubaasa kunywa aha iziba ry'enshuro rirungi, kwonka akaritsigaho akaza aha biziba ebitimbirwe abantu ebirimu ebikyere, n'ebihangare, n'emishundwe, hamwe n'ebindi byona omurikyo? Tikirikureebeka nangwa nk'eky'oburyo kuba ekihikire, kwonka buzima ekyo nikyo abantu bakozire. Batsigireho Ekigambo, obukomooko bw'Enshuro y'amazima ya Ruhanga n'Amaani, kunywa aha biziba, kandi baayekorera ebiziba. Nk'oku baakozire buri, nikwo bakikozire na hati. Nibagira... Akagira ati, “Bakaanyimura.” Hanu Akagamba, hanu omuri Yeremia 2:14, nari 13, nimmanyisa. Akagira ati, “Baanyimwire, Nyowe Enshuro y'Amaizi g'amagara.”Hati, nitureeba eki ekiziba kiri. Nitureeba ebirikuzamu. Nitureeba oku kikozirwe. N'ekintu ekikozirwe abantu ekirikuruga aha mutwe gw'enju ahu oburofa buri. Amaizi agarikugwa, gahikira aha mutwe gw'enju ahu oburofa buri, kandi goozya omutwe gw'enju kwonka, gashuuma ahansi garaba omu mureeko ogukozirwe abantu, garaba omu paipu erikushohoza ekozirwe abantu, gaza omu tanka ekozirwe abantu. Reero oburofa bwona bwerundaanira omwo, hamwe n'o-obukooko oburikureeta endwara, n'ebihangare, n'ebikyere, hamwe n'ebintu eby'aha itaka, nka batyo. Kandi, yetegyereze, n'obukooko obutashemeire; emishundwe, ebyagaana. Omushundwe tigurikubaasa kutuura omu maizi marungi. Ku gwakuzamu, gakaagwita. Niguteekwa kuba omu byagaana.
Kandi okwo nikwo kiri n'ebi biriiririzi bingi ebiro ebi. Timurikubaasa kutuura omu maizi marungi g'Omwoyo Orikwera. Egyo niyo nshonga erikutuma baahakanisiza kimwe Ekigambo, kandi nibagira bati, “Nikyehakanisa. Tikiine mugasho.” N'ahabw'okuba nibateekwa kugira ekintu ekiri nk'ekidiba ky'ebyagaana ky'okwenyogooreramu. Kihikire. Okwo nikwo ebikyere, n'ebihangare, n'obwana bw'ebikyere, hamwe n'ebindi nk'ebyo bitwaza. Nibiteekwa kuza haihi n'ekisharara nari ekidiba ky'ebyagaana, kubaho, ahakuba n'obuhangwa bwabyo kutuuramu. Kandi torikubaasa kuhindura enyamaishwa otakahindwire obuhangwa bwayo. Kandi torikubaasa kutuma omuntu yaayetegyereza Ekigambo kya Ruhanga okuhitsya obu obuhangwa bwe buraahindurwe; kandi obuhangwa bwe bwahindurwa kuruga omu ki ari, akaba omwana wa Ruhanga, reero n'Omwoyo Orikwera amutaahamu. Omwoyo Orikwera akahandiika Ekigambo kya Ruhanga!
-----
Okwetombaita Kwe kukaba kuri ngu, “Baanyimwire, nyowe Ekigambo; kandi baayakiira ekiziba ekifumukire, omu mwanya Gwangye. Okwakiira... Baanyimwire, Enshuro y'Amagara, Enshuro y'Amaizi g'Amagara; kandi nibetenga ngu haakiri banywe aha kiziba ky'ebyagaana.” Ekyo noobaasa kukiteekateeka? Noobaasa kuteekateeka omuntu hati, ngu, hanu hariho eiziba ery'enshuro eririkureeta ago maizi marungi, g'omu ibaare rya laimu, nigaruga hare omu nkiri, ahansi okwo mu myariro y'omusheenyi, n'ebindi nk'ebyo, nigafuka kandi marungi nk'oku kirikubaasika; haza ngu haakiri banywe agarikuruga omu kiziba kuri, agarugire eruguru y'enju y'amatungo, n'ebihongore, hamwe n'ebyombeko by'aheeru ebyetooroire omwanya ogwo? Kandi gaze omuri ekyo kiziba okwo, ahu amaizi agarikutoonyooka nigaruga aha nju y'amatungo, ebiju by'embaraasi n'eby'ente, gagaruka gakakizamu, kandi na buri kintu nikigaruka kiza omu kiziba, reero nitwenda ku-... banywe agarikuruga omuri ekyo batakagiire aha iziba eryo eritarikwoma? Nihaba hariho ekintu ekishobire omu bwonko by'ogwo muntu. Ekyo kihikire.Kandi omushaija nari omukazi yaihamu ekigombe ky'ediini nk'omusingye gwabo, ekirikwikiriza eishokye erishazire, kujwara ebijwaro bigufu munonga, kwesiiga erangi, ebintu ebi byona eby'endiijo miringo, hamwe n'ebintu bikye ebiri nka-nka puroguraamu, n'ebi byona eby'okutwaza kubi, kandi bakabaasa kuza omu bwekuubo omu bazaanira emizaano y'obupiira, kandi-kandi n'obushema obwo bwona ebiso okwo, haza ebyo bakabaasa kubigumisiriza; haza ebyo bakabikunda okukira oku barikukunda Ekigambo kya Ruhanga eky'omutindo ogwa ira ekirikutemagura kandi kikahigura, kandi kikahindura abakazi bakaba abakyara, kandi kikakwata kandi kikatuma bajwara kurungi kandi baatwaza kurungi, kikakwata sigara n'etaabe, n'okurahira n'okukyeena, kandi n'okubeiha n'okwiba, kikabikwihamu, kandi kikakwihamu n'esi yoona, kandi kikakuha Ekintu ekirikuhaazya buzima. Ahabw'enki omushaija nari omukazi arikuza aha kintu nk'ekyo kugira ngu kimuhuumurize? Noobaasa ota kutunga okuhuumurizibwa kuruga omuri ekyo?
-----
Abantu b'ebiro ebi by'aha muheru Bamwimwire, Ekigambo ky'amazima, Amaizi g'Amagara; reero baayetimbira ebiziba by'ebigombe by'amadiini; kandi, baagaruka, baatimba, baarima! Kandi hati nitumanya ngu, batwire baine ebiziba ebifumukire. Reero ekiziba eki kiijwire obukooko oburikureeta endwara bw'obutaikiriza, n'okwehimbisa kw'obutaikiriza, zaapuroguraamu z'obwegyese, n'ebindi nk'ebyo, ebihindukire aha kuraganisa kwa Ruhanga. N'abarikubanganisa Ekigambo.Hati, ebiziba ebi ebi baine, Baiburi neegira ngu, bikaba “bifumukire.” Ekiziba ekifumukire n'ekiziba “ekirikutoonya,” kandi nikitoonyooka. Nikikora ki? Nigatoonyookyera omu kidiba ky'eiteeraniro rya kazambi ky'ediini ekirikwetwa Orukiiko rw'Amakanisa g'Ensi. Kandi omwo nimwo ekiziba ekifumukire kirikubeebembera nikibatwara, ebyo byona ahabw'okuba Bamwimwire, kandi ba... Enshuro y'Amaizi g'amagara; kandi baakora ebiziba ebi.
Nibatimba enkora z'okwega zaaseminariyo z'amaani, obwegyese, n'ebindi nk'ebyo. Ebyo nibyo biziba ebi barikutimba ebiro ebi, ngu omuntu naateekwa kugira diguri ya Ph.D., nari LL.D., nari diguri ya Bachelor of Art, nari ekindi kintu, atakagiire nangwa n'okubuurira. Ebiziba ebiijwiremu enyegyesa z'eby'ediini ezigunzirwe abantu. Nibabatwara omuri aga mashomero g'obwegyese mahango g'amaani, reero omwo babataasyamu enyegyesa zaabo z'eby'ediini ezigunzirwe abantu, reero babatuma baine ebyo. Ka n'obwire obu tutwiremu, ebiziba ebikozirwe abantu! Tihariho kabi e... Tiky'okutangaaza ekintu ekyo kihindukire e-ekinuuko, oo, mugyenzi, n'ahabw'okuba ngu abantu nibyo barikunywaho.
Kandi abantu baaba nibenda okushemererwa ebiro ebi, nibakora ki? Abantu, omu mwanya gw'okwakiira okushemererwa kwa Mukama, nibahindukira ekibi, omu kusherura amashemererwa. Abantu abaza aha kanisa kandi bakeeyeta abaheereza ba Kristo, ku batiina munonga bacumika sigara. Kandi ku bari-ku barikwenda kukugira eby'okweshemeza, bajwara ebijwaro by'obwamaraaya ebibakwatsire aha mubiri reero baza aheeru reero bashuusha obunyaantsi obwo abashaija nibarabaho, kugira ngu babateerere akacurizo. Nibakora byona kugira ngu bakundwe abantu baingi. Nibenda ngu bashushane nk'abazaani ba sineema. Okwo nikwo kushemererwa kwabo. Obwo, Yesu yaagizire ati, “Niinye kumarwa kwabo.” Enshonga erikutuma baaza omuri ebyo, n'ahabw'okuba tibarikwenda kunywa ahari egyo Nshuro. Bagyangire. Tibarikwenda Kuginywaho. Nibeegaita aha nkora z'abantu, ekiziba nanka ekiijwiremu ebintu byona ebishangwa omu byagaana, kugira ngu baabaase kugyenda batyo.
-----
Hati omu kuhendera, nimbaasa kugamba eki. Ekintu kyona ekitanuukaine n'Eki n'ekiziba ekifumukire, kandi aha muheru nikiija kujwa eki waakitairemu kihwemu; ku oraabe noota amatsiko gaawe goona, obwire bwawe bwona, na buri kintu, omuri kimwe omuri ebyo biziba by'ebyagaana. Yesu akagira ngu bikaba biri ebiziba ebifumukire. Ruhanga akagira ati, “Bifumukire, kandi biryajwa kyona eki oribitamu kihwemu.” Torikubaasa kweyongyerayo nabyo, 'habw'okuba nibiija kujwa. Ahakuba Niwe muhanda gwonka ogurikuza aha Mazima, aha Magara, kandi n'aha mashemererwa Agatahwaho, hamwe n'obusingye Obutahwaho. Niwe Ogwo omwe wenka kandi omuhanda gwonka ogurikuza ahari Ebyo. Oo, mugyenzi!Enshuro y'Amagara etahwaho ni Yesu Kristo. Ahabw'enki? Kwonka n'Oha? Ekigambo, nikyo kimwe; Ekigambo, Amagara, Enshuro, “otahinduka, oku abaire ari nyomwabazyo n'eriizooba nikwo ari, kandi nikwo ariguma ebiro byona.” Aha mwikiriza w'amazima, Niwe kushemererwa kwe okurikukira byona, Amagara ge agarikukirayo obukuru. Kandi okumarwa kwe okurikukira byona kuri omuri Kristo. Tihariho kupika, tihariho kukurura, tihariho kwegaitaho, tihariho kwemerererwa; kureka okwikiriza kwonka hamwe n'okuhuumura. Ekyo nikyo Ari aha mwikiriza.
Read the full account in... Ebiziba Ebifumukire.
Obushwere n’Okushenda.
