Tuboran sa Tubig nga buhi.

William Branham.

Basaha ang tibuok nga asoy sa...
Mga Tangki Nga Likian.

Buot kong makigsulti ning gabhiona diha sa pagtulon-an, alang sa-sa hamubong panahon sa: Mga Tangki Nga Likian. Ang Israel nakabuhat ug duha ka dagkung kadautan. Ang Dios nag- ingon nga mingbiya sila Kaniya, ang Tuboran sa Kinabuhi, ug nanagkutkot alang kanila ug mga atabay aron moinum gikan niini. Karon may ipasabot niana. Ang hinungdan nganong naghunahuna ako ning maong teksto tungod kay katumbas kini sa unsay akong giingon kaganihang buntag, sa takna nga niini ania na kita, ug ang kalihokan nga niini naghago kita.

Ug atong gitan-aw ang Israel ingon nga panag-ingnan, nga, kung unsa ang Dios kaniadto, sa kanunayng magpabilin Siyang mao sa gihapon. Ug adunay usa ra ka butang nga kanunayng tahuron sa Dios, mao kadtong, Iyang pamaagi nga Iyang gitagana alang sa Iyang katawhan. Ug sa mipahilayo sila niadtong paagiha, nan ang Dios wala mapasidunggi, ug gipaantos sa Dios ang katawhan tungod sa pagbiya gikan sa unsay Iyang gisulti kanila nga pagabuhaton, bisan kung unsa man kadto. Bisan pa niana Iya silang gihatagan ug balaod, “Ayawg hikapa, ayawg kupti, ayawg tilawi.” Dili lamang ang kadautan sa pagbuhat niini, kondili ang kadautan sa pagsupak kung unsay Iyang giingon nga pagabuhaton. Ug diha niana dili mahimo ang balaod kung walay silot alang sa balaod. Tungod kay, kong walay silot, nan, ang balaod dili ra kaayo magpulos gawas kun anaay silot niini. Ang balaod!

Dinhi, atong makita, nga kung unsay ilang gibuhat niadtong mga adlawa ingon sa katumbas sa unsay atong ginabuhat karon, kung unsay ginabuhat sa katawhan sa simbahan. Karon atong nakita ang talagsaong butang dinhi. Mahimo nga lahi kini sa ubang katawhan, sa Iyang pag-ingon, “Kamo, sila, nagkutkot alang sa ilang kaugalingon ug mga atabay, mga tangki nga likian.” Karon, tingali ang uban kaninyo wala masayud kung unsay atabay. Pila man ang nasayud kung unsay atabay? Tan-awa, hapit kamong tanan. Kong didto ka magtubo sa umahan, nan masayud kag unsay atabay. Akong mahinumduman nga nakainum akog daghang mga dugho gikan niini, a-aron masayud kung un-unsay atabay. Nga nagwali didto sa ubang nasud diin, diha sa kasagbotan, diin anaay inyong dakung pitsel sa tubig sa atabay nga gibutang didto, gikan sa-sa ulan, nahibalo kamo, ug ingon sa karaan nag diyutay. U-ug unya ang mga mananap, sa panahon sa kagabhion, mosulod ngadto niini. Ug busa nasayud ako kung unsay tubig sa atabay.

A-ang tangki maoy u-usa ka dapit, usa ka butang nga gikutkot diha sa yuta, nga ilis sa atabay. Diin ang katawhan walay atabay, ug busa mokuha silag u-usa ka tangki. Sa laing pagkasulti ang atabay maoy usa ka binuhat nga tangki o kaha binuhat nga atabay diha sa yuta, nga gikutkot sa tawo, aron pagsalud ug tubig, a-aron gamiton kini. Ang uban kanila mogamit niini sa pagpanglaba, ug ang uban gamiton kini nga ilimnon, ug kaha, sa laing paagi. Usahay ang tanang tubig, nga kasagaran along gikuha, gikan sa atabay. Kasagaran anaay karaang butang nga imong tuyokon, tuyokon, tuyokon, tuyokon, tuyokon, aron pasakahon ang tubig; nga may gamayng timba niini, aron pagkalos ug tubig gikan sa atabay.

Tan-awa, usa ka butang ang atong nakita bahin sa tangki nga lahi ra kay sa atabay. Dinhi, ang tangki mahubsan. A-a-ang tangki dili makapatubig sa iyang kaugalingon. Kini ma-maoy... Dili kini kasaligan. Dili ka makasalig sa tangki. Kay kini nagsalig ra sa mga ulan nga mobundak sa panahon sa ting-init o sa ting-ulan, bisan kung un sa man kini... Ang kasagaran, sa panahon sa ting-ulan kung moabot na ang yelo ug ang ulan, ug dayon mopabuhagay kinig tubig paingon sa tangki. Ug kon dili kini makatigum ug tubig, nan walay i-imong tubig. Mauga ki-kining tanan. Ug dili kini makapatubig sa iyang kaugalingon. Ang karaang tangki dili makapatubig sa iyang kaugalingon. Kini makatubig lamang gikan sa-sa mga ulan.

-----
Sulod sa pipila ka adlaw, inyong pasagdan ang tubig diha, ug malan-og kini. Inyong pasagdan ang tubig diha sa tangki, kini mahimong malan-og Ug mapuno sa-sa mga baki, ug mga tabeli, ug mga halas. Ug kasagaran atong nganlan kinig “pito-pito,” mga magagmayng... Wala ako masayud kung unsa... Dili sila mga parasito, mga... Wala ako, wala ako masayud kung unsay itawag kanila. Apan ang daghang magagmayng mga butang mosulod kini sa tubig, nga-nga gitawag ta kinig pitopito. Nasayud ba kamog unsa kini. Pila man ang nasayud unsay akong gihisgotan? Oh, naku, siguro kaayo, nga kamong tanang mga lumad dinhi nasayud. Molan-og kinig maayo, ug unya kining mga mahigugmaon sa malan-og moanha niini. Mangabot ra gayud kini, tungod kay malan-og man kini. Ug tungod kay malan-og man kini, modani kinig mga mananap nga mahigugmaon sa mga butang malan-og.

Ug mao kanay kadaghanan sa atong mga kasimbahanan karon. Sa akong pagtoo mao kana ang atong gibiyaan ...Ang usa sa labing pinakadakung kasal-anan nga gibuhat sa simbahan karon, sama kanhi sa gibuhat sa Israel, namiya kini Kaniya, ang Tuboran sa Tubig nga buhi, ug nanagkalot alang sa ilang kaugalingon nga tangki. Ug nahimo kini nga puloy-anan sa bisan unsang butang nga nahigugma nianang matanga sa tubig. Mga tabeli, mga baki, ug ang tanang matang sa mahugaw nga mga kagaw, mopuyo niini, tungod kay tangki kini nga binuhat sa tawo. Ug dinhi ning maong tangki kining mga mananapa magpuyo, mao kini ang hingpit nga panag-ingnan sa atong mga denominasyon karon.

“Karon,” moingon kamo, “Igsoong Branham, nganong imo mang giigo kanang mga katawhan sa labihang kagahi?” Kinahanglan nga maingon kini niana. Kinahanglan nga maigo sa ingon niana. Pahilayo niini, tungod kay sa katapusan mahimo kining marka sa mapintas nga mananap. Hinumdumi, nga kini mao ang Kamotuoran! Mopaingon kini sa marka sa mapintas nga mananap. Ang denominasyon mopaingon dinhi niini. Kini anaa na sa iyang dalan karon, aron pagpatuman, pinaagi sa gahum. Tan-awa diha sa karaang Romanhong emperyo. Mao kana gayud ang modala kanila ngadto sa marka sa pagdaos-os. Makita mo nga walay makapamalit o makapamaligya kong walay marka sa mapintas nga mananap. Kinahanglan nga mabatonan niya kiini.

-----
Mibiya sa artesyan, tungod sa usa ka sistemang tawhonon o tangki, mapamalandong mo ba ang usa ka tawo nga nagbuhat niana? Mapamalandong mo ba ang kahimtang sa kaisipan sa tawo nga makainum sa lab-as nga tubig diha sa artesyan, ug dayon mobiya niana tungod lang sa binuhat sa tawo nga tangki nga may mga baki, ug mga tabeli, ug mga pitopito, ug daghan pang uban nga ania niini? Wala ako maghunahuna nga daw husto, apan mao kanay tukma sa unsay ginabuhat sa katawhan. Ilang gitalikdan ang Pulong, ang matuod nga Tuboran sa Dios ug Gahum, aron lang makainum sa gikan sa mga atabay, ug nanagkalot alang sa ilang kaugalingon ug mga atabay. Sama ra sa ilang ginabuhat kanhi, gibuhat usab kini nila karon. Sila moingon... Siya miingon, “Sila mibiya Kanako.” Ania karon Siya miingon, dinhi sa Jeremias 2:14, o sa 13, diay. Siya miingon, “Sila mibiya Kanako, ang Tuboran sa Tubig nga buhi.”

Karon, ato nang nakita kung unsay tangki. Ato nang nakita kung unsa masalud niini. Ato nang nakita giunsa kini pagbuhat. Usa kini ka buhat sa tawo nga nagagikan sa mahugaw nga atop. Ang tubig nga mangatagak, moagi diha sa mahugaw nga atop, ug maoy mohugas niini sa atop, ug ipaagi kini diha sa binuhat nga sandayong, paingon sa binuhat nga tangki. Ug ang tanang mga hugaw matingub niana, ug a-ang mga kagaw, ug ang mga tabeli, ug mga baki, ug ang mga butang diha sa yuta, sama niana. Ug, himatikdi, sila mao ang mahugaw nga mananap; pitopito, ug malan-ag. Ang mga pitopito dili mabuhi sa maayong tubig. Kon mopuyo man kini, nan kini maoy mopatay kaniya. Kinahanglan nga anha ra siya sa malan-og.

Ug mao kanay kahimtang niining kadaghanang mga dangan karon. Dili ka mabuhi sa tubig nga matin-aw sa Espiritu Santo. Mao kanay hinungdan nga hingpit gayud silang mosupak sa Pulong, ug moingon, “Kini supak sa . Iyang kaugalingon. Walay mahimo Niini.” Tungod kay aduna silay daghang malan-og nga linaw aron mokiaykiay niini. Husto. Sama ra kini sa mga baki, ug sa mga tabeli, ug sa mga pitopito, ug ang ingon niana. Kinahanglang moanha sila sa kalapokan o sa malan-og nga tubig, aron mopuyo, tungod kay mao kanay ilang kinaiya nga mopuyo diha. Ug dili mo mabag-o ang mananap hangtud nga mabag-o mo ang kinaiya niini. Ug dili mahimong makakita ang tawo sa Pulong sa Dios hangtud nga ang iyang kinaiya mabag-o; ug kung mausab na ang iyang kinaiya gikan sa kung unsa siya, ngadto sa pagka anak sa Dios, ang Espiritu Santo mosulod kaniya. Ang Espiritu Santo maoy nagsulat sa Pulong sa Dios!

-----
Ang Iyang sumbong mao, “Mibiya sila Kanako, ang Pulong; ug ilis niini, midawat sila ug likian nga tangki. Midawat... Mibiya sila Kanako, ang Tuboran sa Kinabuhi, ang Tuboran sa Tubig sa Kinabuhi; ug maoy ilang gitinguha ang pag-inum gikan sa malan-og nga tangki.” Mapamalandong mo ba kana? Karon mapamalandong mo ba ang tawo, nga dinhi ania ang usa ka artesyan nga gipahimutang nianang maayo, tubig nga gikan sa bato, nga nagagula gikan sa kasingkasing sa mga bato, diha sa ilalum sa nahimutangan sa mga balas, ug sa uban pa, mabugnaw ug maayo gayud kaayo; ug unya palabihon ang pag-inum sa tangki diha niana, nga hinugas gikan sa ibabaw sa bodiga, ug ang mga inagas, ug sa tanang mga balay sa palibot sa maong dapit? Ug unya ibutang nianang maong tangki diha, diin ang mga hinunob sa tubig mobalik ngadto, gikan sa bodiga, ang mga kamalig ug ang mga pasungan ug ang tanang mga butang nanagpaagay paingon ngadto sa tangki, ug unya buot tang mo... inum gikan niana sa dili pa moadto nianang artesyan? Kanang tawhana nadaot ang kaisipan. Husto kana.

Ug kun ang usa ka lalaki o babaye modawat sa usa ka denominasyon nga ilang baruganan, nga motugot sa pagpaputol sa buhok, nga masuot ug mga purol, mek-ap, ug tanan pang matang sa mga butang, ug sa--sa ginagmayng, ug uban niining mga butanga, ug moadto sa bolingan, ug--ug sa tanan diha niana nga walay kapuslanan, ug makabutang niana; ug ingon nga daw maayo pa kay sa ilang ginabuhat nga kinaraang urog sa Pulong sa Dios nga pinutol ug mga sinapsap, ug makapahimong mga ginang gikan sa mga babaye, ug moagak kanila... mohimo kanilang magpabistig husto ug magalihok nga husto, mokuha sa mga sigarelyo ug mga tabako, ug sa pagpanumpa ug sa pagpamalikas, ug sa pagpamakak, ug sa pagpapangawat, pahilayo gikan kaninyo, ug ang tanang kalibutan pahilayo gikan kaninyo, ug magahatag kaninyog usa ka Butang nga mao kanang hingpit nga katagbawan. Nganong moadto pa man ang lalake ug ang babaye sa maong butang ingon nga kalingawan? Unsaon mo man sa pagkalingaw diha niana?

-----
Ang katawhan ning katapusang mga adlaw mingbiya Kaniya, ang matuod nga Pulong, ang Tubig sa Kinabuhi, ug nanagkalot alang sa ilang kaugalingon mga atabay nga denominasyon; ug, usab, nanagkalot, nagkubkob! Ug karon atong hingsayran, nga nangliki sila, anaay mga atabay nga likian. Ug unya kining atabaya nangapuno sa mga kagawng dili matinoohon, dili matinoohong andakan, mga tulomanong makaedukar, ug uban pa, kinsa supak sa mga saad sa Dios. Sila mga maduhaduhaon sa Pulong.

Karon, kining mga atabay nga ilang naangkon, ang Biblia nag-ingon, sila mga “likian.” Ang likian nga atabay, maoy “buslot” nga atabay, ug mohunob ra kini. Unsay mahimo niini? Naghunob kini ngadto sa usa ka relihiyosong basurahan nga ginganlag Concilla sa mga Kasimbahanan sa Kalibutan. Ug diha niana sila ginadala sa likian nga tangki, tungod kay ilang gibiyaan Siya, ug nagbaton... ang Tuboran 'sa Tubig nga buhi; ug nanagbuhat niining mga tangki. Nanagkalot ug dagkung mga sistema sa kaalam sa seminaryo, edukasyon, ug uban pa. Mao kana ang matang sa mga atabay nga ilang gipanagkalot ning panahona, nga ang tawo kinahanglan makabaton sa Ph.D., o sa LL.D., o Bachelor of Arts, o ingon niana, sa dili pa siya makawali. Mga tangki nga napuno sa tinawhonong tiyolohiya. Ilang gipanagdala sila ngadto niining inila ug dagkung mga tulonghaan sa kaalam, ug didto ilang gipayuhot ngadto kanila ang ilang tinawhonong tiyolohiya, ug ilang gipadala sila uban niana. Unsa nang adlawa nga niini ania kita! Mga tangking tinawhonon! Walay kasamok sa... Mao diay nga ang butang nangabaho, oh, naku, kana tungod kay ang mga katawhan nanginum gikan niana.

Ug kun ang katawhan mangandoy sa kalipay karon, unsa may ilang buhaton? Ang katawhan, inay nga modawat sa kalipay sa Ginoo, miadto sila sa sala, alang sa kalipay. Mga katawhan nga moadtog simbahan ug mangangkon nga mga ulipon ni Cristo, nga kung malisang sila pag-ayo modagkot ug sigarilyo. Ug kung sila-kung buot sila makabaton sa--sa kalingawan, mogamit sila sa ilang mahilas nga mga sinina ug mogawas ug mangguna kun molabay ang lalaki, aron sila motaghoy kanila. Buhaton nila ang bisan unsang butang aron mahimong sikat. Buot silang mahisamang tan-awon sa mga artista. Mao kanay ilang kalipay. Samtang, si Jesus miingon, “Ako mao ang ilang katagbawan.” Ang hinungdan nga moadto sila niana, tungod kay dili sila gustong moinum gikan sa Tuboran. Gisalikway Kini nila. Dili sila gustong moinum gikan Niini. Nagpasakop sila ngadto sa tinawhonung sistema, mga nagkalainlaing atabay nga napuno sa tanang matang sa mabahu nga mga butang, nga makalakaw sila sama niana.

-----
Karon alang sa pagtapus, tingalig isulti ko kini. Ang bisan unsang butang nga sukwahi Niini sila mga tangki nga likian, ug sa kaulahiay mabuak kung unsay imong isulod niini; kon ibutang mo ang tanang mong paglaum, tanan mong takna, ug tanang mga butang, sa usa niadtong malan-og nga mga tangki. Si Jesus nag-ingon nga silang tanan mga tangki nga likian. Ang Dios nag-ingon, “Silang tanan mga likian, ug mangliki sila bisag unsay imong ibutang kanila.” Dili ka makalakaw halayo uban kanila, tungod kay mga liki man sila. Tungod kay Siya lamang ang bugtong dalan paingon sa Kamatuoran, sa Kinabuhi, ug sa kalipay nga Dayon, ug Dayong kalinaw. Siya maoy Bugtong ug ang bugtong dalan alang Niana. Oh, naku! Ang walay pagkaluya nga Tuboran sa Kinabuhi mao si Jesu-Cristo. Ngano? Ug Kinsa man Siya? Ang Pulong, mao ra; ang Pulong, ang Kinabuhi, ang Tuboran, “mao sa gihapon kagahapon, karon, ug sa palaabuton.” Ang matuod nga magtutoo, Kini mao ang iyang kinalabwang kalipay, ang iyang kinalabwang Kinabuhi. Ug ang kinalabwan niyang katagbawan anaa kang Cristo. Dili na bombahon, dili na birahon, dili sa pag-ipon, dili kab-on; igo ra motoo ug mopahulay. Mao kana Siya alang sa nagatoo.

Basaha ang tibuok nga asoy sa...
Mga Tangki Nga Likian.

Kahibulong kamo niini, Oh kalangitan, ug kalisang gayud, mag-inusara kamo pag-ayo, nagaingon si Jehova.

Kay ang akong katawhan nakahimo ug duroha ka Kadautan: sila mingbiya kanako, ang tuboran sa mga tubig nga buhi, ug sila nanagkutkot ug mga atabay, mga atabay nga likian, nga dili kasudlan ug tubig.

Jeremias 2:12-13