Ang pagbukas sa tabil sa Dios.
<< kaniadto
sunod >>
Ang Dios nagtabil diha kang Moises.
William Branham.Basaha ang tibuok nga asoy sa...
Ang pagbukas sa tabil sa Dios.2 Corinto 3:13-16,
13 Dili ingon kang Moises nga nagtaptap sa iyang nawong aron ang mga Israelinhon dili makakita sa pagkatapus sa nagkahanap nga kasanag niini.
14 Apan ang ilang mga salabutan nangagahi; kay bisan pa hangtud niining mga adlawa karon, sa magabasa sila sa daan nga pakigsaad, ang maong taptap nagapabilin gihapon, sanglit kini makuha man lamang pinaagi kang Cristo.
15 Oo, hangtud niining mga adlawa karon, sa magabasa sila kang Moises, anaay taptap nga magalimis sa ilang mga hunahuna;
16 Apan sa diha nga ang tawo makadangop sa Ginoo, ang maong taptap pagakuhaon.----
Anaa kang Moises ang Pulong. Karon hinumdomi, human ang Pulong napadayag, si Moises mao si Moises pag-usab. Nakita ninyo? Apan samtang ang Pulong anaa pa diha kaniya aron ihatag, siya mao ang Dios. Tungod kay dili na siya si Moises; anaa kaniya ang Pulong alang nianang kapanahonan. Walay makatandog kaniya hangtud kana matapos, anaa uban kaniya kanang Pulong. Busa tungod niana, sa dihang siya mitungha, ang katawhan milingi sa ilang mga ulo; dili sila makasabut. Siya nausab; siya usa ka lahi na nga tawo. Siya mitungha kauban nianang Pulong. Ug siya nagbutang ug tabil, ang Biblia nag-ingon, sa iyang nawong, kay anaa kaniya ang Pulong. Ug siya mao ang Pulong ngadto kanila.Karon, tan-awa, kung si Moises... Oh, igsoong lalake, kini mahimong usa ka insulto. Apan kung si Moises... Sumala sa gisulti ni Pablo dinhi sa 2 Mga Taga-Corinto sa ikatulo nga capitulo, kung si Moises nagatabil sa iyang nawong nianang matang sa himaya nga anaa kaniya... Nakita ninyo, tungod kay kana usa ka kasagarang himaya; kana usa ka natural nga kasugoan. Ug kung si Moises... Sa nahibaloan nga kanang kasugoan nagakahanaw... Apan ang himaya hilabihan ra ka kasanag nga kini nakapabuta sa katawhan, busa sila kinahanglan nga magabutang ug tabil sa iyang nawong, unsa pa ka hilabihan kung Kini mahitabo? (Espirituhanong buta nga katawhan... Uh-huh.) Kanang maong himaya mag-anam ug kahanaw, apan kining himaya dili mahanaw. Nakita ninyo? Si Moises adunay lawasnong kasugoan, ang pagkahinukman, walay grasya, walay usa ka butang; kini maghukom lamang kaninyo. Apan kini nga atong ginahisgutan... Kana walay pagpasaylo; kana nagtug-an lamang kung unsa ikaw. Kini magahatag kanimo ug paagi nga makagawas. Ug kung kanang Pulong tinabilan, oh, tan-awa, unsang matang Kini unya nga dagway? Kini kinahanglan nga tinabilan. Kinahanglan nga kini matabilan. Karon, matikdi, busa ang Espiritu natabilan diha sa tawhonon nga templo (Nakita ninyo?); aron siya makasulti sa natural nga mga pulong uban sa natural nga tabil...
Karon, si Pablo nagsulti dinhi karon, ug dinhi niining- niining pagbati, ang Espiritu nga Pulong, “Kita mga ministro, dili sa letra, ang kasugoan, kondili may kaarangan nga mga ministro sa Espiritu,” nga ang Espiritu magkuha sa letra ug magapadayag Niini. Kana usa lamang ka kasugoan; kinahanglan moadto ka ug motan-aw niini, nagaingon, “Dili ka manapaw. Dili ka mangawat. Dili ka magbakak. Dili ka magbuhat niini, niana, ug sa uban pa.” Nakita ninyo? Kinahanglan imong tan-awon kana. Apan kini mao ang Espiritu nga mitungha diha sa gisaad nga Pulong alang niining kapanahonan, ug magapamunga, ug magapadayag, dili duha ka papan nga bato, apan ang Presensya sa buhi nga Dios: dili usa ka tinumotomo nga panghunahuna nga hinimo sa ubang tawo kon ubang Hudini nga lit-ag, kondili ang saad gayud sa Dios nga nabutyag ug napadayag sa atong atubangan. Unsang matang sa usa ka tabil ang anaa sa luyo? Ug sa- sa pagtangtang niana...
Nakita ninyo, kana gamhanan kaayo hangtud gani ang katawhan miingon; sila nagsulti nga sa dihang ilang nakita si Jehova nga mikanaug dinhi niining Haligi sa Kalayo ug nagsugod sa pag-uyog sa yuta, ug- ug ang mga butang nga Iyang nabuhat, ug ang bukid sa kalayo, ug bisan gani ang bisan kinsa nga mosulay sa pagdulol nianang bukid, mamatay... kini gamhanan kaayo hangtud gani nga si Moises nahadlok sa linog. Kung nianang panahona Iyang gitay-og lamang ang bukid, niining panahona Iyang pagatayogon ang mga langit ug yuta. Unsa man ang mahitungod niining himaya? Kung kana gitabilan pinaagi sa natural nga tabil, kini gitabilan pinaagi sa usa ka espirituhanon nga tabil. Busa- busa ayaw ug tinguhaa ang pagtan-aw sa natural; moanha ka diha sa Espiritu ug tan-awa kung asa ka nahimutang, tan-awa kung unsang taknaa na ang atong ginapuy-an.
Masabtan ba kini alang kaninyo? Nakita ninyo, kini usa ka espirituhanon nga tabil nga anaa diha sa katawhan, nga moingon, “Ako usa ka Methodista. Ako maayo kay sa uban. Ako usa ka Baptist. Ako usa ka Pentecostal.” Wala ba kamo makaamgo nga kanang butanga usa ka gikabilinbiling kalagdaan nga tabil? Kini nagtago sa Dios gikan kaninyo. Mao kanang mga butanga ang naghikaw kaninyo sa pagpahimulos sa tanan... Oh- oh, kamo moingon “Ako nagsinggit ug nagluksolukso.” Siya miingon, “Ang matag Pulong...” Si Eva mitoo sa matag Pulong gawas sa usa. Nakita ninyo? Kini mao ang kinatbok-an nga Pulong, ang gisaad alang niining taknaa nga gipadayag. Nakitya ninyo?
Siya gitabilan pinaagi sa natural nga tabil sa dili pa siya mosulti sa Pulong ngadto sa katawhan. Karon, ang Dios kinahanglan magtabil sa Iyang kaugalingon, sumala sa iyang gisaad, diha sa tawhonong unod... Ang Dios... Nakuha ba ninyo kini? Ang Dios kinahanglan magtabil sa Iyang kaugalingon diha sa tawhonong unod ug magbutang ug espirituhanong tabil diha kanila (ug moingon, “Buyno, ako mao kini ug ako mao kana.”), aron sa pagsulti ngadto sa katawhan. Sa dihang kanang tabil, nga mao ang gikabilinbiling kalagdaan, nagisi, unya ang- kanang... Unsay ilang gisulti, “Ngano, ang mga adlaw sa mga milagro milabay na.”
----
Karon, ang natural nga tabil: ang Dios nga mao ang Pulong nagtabil diha sa tawhonong unod, unsa man kini? Ang Dios nagtabil diha kang Moises. Ang Dios diha kang Moises, nagtabil, ug ang Presensya sa Dios anaa diha kaniya. Siya hingpit kaayo uban nianang Pulong diha kaniya sama niana, hangtud nga siya kinahanglan magtabil sa iyang nawong. Ug kini mao ang usa ka gipamatud-an nga profeta nga nagbukas sa Pulong ug nagsugilon kanila, “Dili ka. Ikaw. Dili ka.” Nakita ninyo?Aron sa paghatag sa Iyang Pulong ngadto nianang kaliwatan Siya nagtabil sa Iyang kaugalingon diha sa usa ka tawhonong nilalang, kondili ang Pulong mao ang mobuta bisan pa ngadto sa gipanagtawag. Nakita ninyo? Bisan gani ang mga katawhan nga atua didto, sila dili makahimo sa pagtutok niana. Diha- diha sa Exodus atong makaplagan nga; sila misulti, “Si Moises maoy pasultiha. Dili ang Dios,” nakita ninyo ngano ang Haligi sa Kalayo dili kaayo magpakita? Nakita ninyo?
Ang Dios miingon, “Ako ang mobuhat niana; Ako magapatindog kanila ug usa ka profeta. (Amen.) Ako magapatindog kanila ug usa.” Ug Siya miabut sa tukma gayud. “Ako magapatindog... Ug Siya adunay-mao ang Pulong.” Siya miingon. “Kung buot sila makakita kung unsa ang Pulong,” miingon, “karon, si Moises, Ako mipakita kanimo didto sa sapinit nga nagdilaab”, miingon, Ako mokanaug ug padilaabon ko kanang bukira sa kalayo.“ Miingon, ”Ilang makita nga ikaw nagsulti sa kamatuoran. Ako mopakita dinhi sa- dinhi sa- dinhi sa samang nagdilaab nga paagi. Ako mopakita dinhi ug ipamatuod ngadto sa katawhan; akong pamataud-an ang imong pagpamuhat.“ Mao kana ang Iyang gisulti ngadto kang Moises, sa daghan kaayong mga pulong.
Matikdi, Siya miingon, “Karon, akong- akong pagahimayaon ka atubangan sa katawhan.” Miingon, “ Karon, imo silang sultihan nga Ako nakigkita kanimo didto sa nagdilaab nga sapimit; karon ako mokanaug, sa samang Kalayo; ug Akong ipakita sa katawhan nga wala ka gayud nagbakak mahitungod Niini.” Mahimo gani ninyo Kini nga mapamatud-an pinaagi sa seyensya, kung gusto ninyo. Nakita ninyo? Mokanaug Ako dihadiha dayon ug aron mahibalo sila.“ Ug sa dihang misugod Siya sa pagdalogdog, sa dihang si Jehova nagsugod sa pagdalogdog, ang katawhan miingon, “Dili, dili. Dili. Ayaw pasultiha si Jehova, kami-kami mangamatay.”
Nakita ninyo, kinahanglan Siya magtabil. Busa ang Dios nagtabil sa Iyang kaugalingon diha kang Moises ug mihatag kang Moises sa Pulong. Ug si Moises mikanaug ug gisulti ang Pulong sa Ginoo nga may tabil diha sa iyang nawong. Tinuod kana? Si Jehova nagtabil diha sa dagway sa usa ka profeta, tungod kay sa hingpit... Ug ang Dios miingon nga Siya dili na makigsulti kanila sama niana. Siya mamulong lamang ngadto kanila pinaagi sa usa ka profeta. Mao lamang kana ang bugtong paagi nga Siya mamulong gikan niadto. Mao lamang kana ang bugtong paagi nga Siya sukad namulong. Mao kana ang tinuod. Dili gayud sa bisan laing paagi. Siya dili magbakak.
Matikdi, si Moises lamang ang adunay Pulong. Karon, walay usa- usa ka pundok nga mikanaug; wala gani bisan mga Faresio kon mga Saduceo, kon kini dili usa- usa ka sekta kon usa ka kabanayan. Kini mao si Moises. Siya nagkuha ug usa ka tawo. Dili Siya makahimo pagkuha ug duha kon tulo ka nagkalailain nga mga panghunahuna. Siya mikuha ug usa ka tawo. Si Moises adunay Pulong, ug si Moises lamang. Si Josue wala gani Niini. Walay usa ka tawo pa nga nagbaton Niini. Amen. Si Josue usa- usa ka heneral; si Josue usa ka komandante sa kasundalohan. Si Josue usa ka magtotoo, usa ka Cristohanon. Apan si Moises usa ka profeta. Ang Pulong dili mahimong moanha kang Josue; kinahanglan kini moadto kang Moises. Siya mao ang punoan nga profeta sa maong takna. Matikdi, ang Pulong wala gayud miabut kang Josue hangtud nga si Moises wala na. Dili, sir. Ang Dios nakigsabut sa usa sa usa ka higayon. Ang Dios usa ra. Nakita ninyo, nakita ninyo? Karon, si Moises lamang ang adunay Pulong, dili usa ka pundok.
Tan-awa, ang Dios nagpasidaan kang bisan kinsang tawo nga nagsulay sa pagsunod kang Moises ngadto nianang tabil: mga manunondog. Nakita ninyo? Babaye, lalake, pari, bisan kinsa man kini, unsa ka diosnon, unsa ka tinahud, unsa man sila, Siya nagpasidaan, “si Moises lang ang makaduol. Ug kung bisan kinsa nga tawo, bisan usa ka hayop, makahikap niini, pagapatyon gayud dihadiha.” Ayaw gayud pagsulod nianang tabil, kanang tabil iya lang sa usa tawo. Kanang mensahe usa ra. Nakita ninyo? Diha sa templo usa ka tawo ang mosulod kausa sa usa ka tuig, dinihogan ug piho aron nga mosulod, dili sa pagdala pagawas sa Pulong, kondili aron sa paghalad ug dugo. Bisan gani ang paglakaw pasulod didto sa atubangan Niini, usa lamang. Ang bisan laing tawo mamatay. Nakita ninyo?
Sila espirituhanon nga patay na karon. Mao kini ang espirituhanon nga tabil. Nakita ninyo? Kana mao ang natural nga tabil. Kini mao ang espirituhanon nga tabil. Nakita ninyo? Sila nagpadayon sa paglakaw sa luyo niana; mahimong sultihan ninyo sila. “Oh, ako nahibalo. Ako nahibalo niana, apan ako...” Padayon; kini maayo man, kini naghisgut lamang... Inyong nahinumdoman, ang katapusang hampak sa Egipto mao ang kamatayon, sa wala pa ang pagpanggula. Ang katapusang hampak sa kalibutan mao ang espirituhanon nga kamatayon sa dili pa ang pagpanggula. Unya sila pagasunogon ug mobalik sa abog, ug ang matarung magatunob sa ibabaw sa ilang mga abo. Apan ang katapusang butang mao ang espirituhanon nga kamatayon, ang pagslikway sa Pulong.
Karon, matikdi, ang Dios nagpasidaan sa bisan kinsang tawo nga dili magsulay sa pagsunod kang Moises sa pagsulod ngadto sa tabil nga Kalayo. Kinahanglan nga si Moises magtabil; kinahanglan nga siya mogula didto. Si Moises nagsulod ingon nga si Moises, nagsulod ngadto niining Haligi sa Kalayo, ug sa paghigula na niya, siya tinabilan na, kay siya misulod didto, gawas sa iyang gikabilinbiling kalagdaan, ang mga gikabilinbiling kalagdaan sa mga anciano. Siya nakakita sa Haligi sa Kalayo, apan karon siya misulod ngadto sa Haligi sa Kalayo. Nakita ninyo? Amen. Ug siya migula, tinabilan: ang Pulong sa Dios anaa diha sa usa ka tawo, tinabilan, ania karon siya migula. Oh, tanawa, ako mahimong makakita niini. Nagpasidaan nga walay bisan kinsa pa ang mosulay niini, walay bisan usa bisan sa pagsundog niana. Mas maayo nga dili kamo. Nakita ninyo? Bisan ang usa ka sacerdote kon usa ka balaan nga tawo, bisan kinsa kini, cardinal, obispo, bisan unsang butang pa, nga mosulay sa pagsulod nianang tabil, mamatay. Ang Dios nagpasidaan kanila. Wala kitay mga magsusundog.
Ang Iyang Pulong gipadayag ngadto sa usa. Kini mao sa kanunay. Ang profeta miabut uban sa Pulong sa Ginoo, matag kapanahonan, matag panahon, sa tanan nga Kasulatan. Ang Pulong moabut ngadto sa usa , sa matag kapanahonan mao ra, bisan sa mga kapanahonan sa iglesia gikan sa sinugdan ngadto sa katapusan. Ang uban adunay ilang mga dapit. Mao kana ang tinuod. Matikdi, apan magpahilayo gikan nianang Haligi sa Kalayo. Nakita ninyo? Unsa ang pagtulon-an ang atong hikat-onan dinhi. Nakita ninyo, ang tanan gusto nga mahisama kang Moises, ug ang tanan...
Inyong nahinumdoman unsa ang gisulti didto ni Dathan ug uban pa? Sila miingon, “Karon, Moises, ayaw una kadiyut lang; hilabihan ra ang anaa sa imong kaugalingon. (Nakita ninyo?) Karon, adunay laing mga tawo dinhi nga gitawag sa Dios.” Mao kana ang tinuod. Sila, ang matag-usa maayo samtang sila nagpadayon, apan sa dihang ang usa mosulay sa pagtikang pataas ug kuhaon dapit nga gitugyan Niya kang Moises, nga gipili nang daan ug gitudlo sa pagbuhat nianang bulohaton, nagsulay sa pagkuha niini, ang kalayo mikanaug ug mibuka ang yuta ug milamoy kanila dihadiha niini. Nakita ninyo, nakita ninyo? Pagmatngon. Nakita ninyo? Pagmaayo lamang, nga dios- diosnong Cristohanon, nga nagatoo sa Pulong. Nakita ninyo? Pagpahilayo gikan nianang Haligi. Unsa ka usa nga pagtolon-an.
Ang Dios sa nahauna nagpakita ngadto kang Moises diha sa usa ka nagdilaab nga sapinit; ang Dios nagtabil diha sa Haligi sa Kalayo. Karon, paminaw ug maayo karon sulod sa gamay nga panahon. Ang Dios sa nahauna mipakita ngadto kang Moises; Siya tinabilan. Ang Dios anaa diha sa usa ka Haligi sa Kalayo nagtago sa luyo diha sa usa ka sapinit (Nakita ninyo?), sama sa luyo sa mga panit (Nakita ninyo?), luyo sa lingkuranan sa kalooy diha sa halaran. Nakita ninyo? Siya tinabilan. Siya sa kanunay tinabilan. Ug sa dihang mipakita siya kang Moises, Siya anaa diha sa Haligi sa Kalayo, tinabilan diha sa Haligi sa Kalayo. Apan dinhi atubangan sa katawhan, ang Dios nagpamatuod kaniya pinaagi sa maong Haligi sa Kalayo. Nakita ninyo? Si Moises miingon...
Karon, bantayi. Nagabasa ba kamo... Gitugotan ba ninyo ang inyong mga hunahuna nga mapadpad pahilayo? Makahimo ba kamo, makahimo... “Siya nga adunay igdulongog papatalinghuga siya.” Nakita ninyo? Sa dihang ang Dios mipakita kang Moises, kini diha sa usa ka Haligi sa Kalayo, sa dihang Siya nagtawag kaniya ngadto sa iyang pagpang-alagad. Ug si Moises mitungha ug gisuginlan ang katawhan mahitungod niini. Dili sila makatoo niini. Bisan pa niana siya nakapamuhat ug mga milagro ug mga butang, apan niining higayon Siya sa dayag, sa seyentipikanhon mipakita ug nagpamatuod sa bulohaton ni Moises ingon nga mao ra nga ang Dios namulong ngadto kaniya, tungod kay Siya mipakita diha sa dagway sa Haligi sa Kalayo ug mipadilaab sa bukid sa kalayo. Ug Siya mitungha ngadto kang Moises diha sa usa ka sapinit, nagsulti ngadto kaniya. Buyno.
Sa unang pagpakita sa Dios ngadto kang Moises diha sa nagdilaab nga sapinit nga tabil. Atubangan sa katawhan, ang Dios nagtabil pag-usab ug gipamatud-an si Moises pinaagi sa tabil, pinaagi sa pagtabil sa Iyang kaugalingon uban sa maong Kalayo: samang Haligi sa Kalayo nga mikanaug. Gikan- gikan niadto- gikan niadto, sila makadungog lang sa Pulong sa Dios. Nakuha ninyo kini? Ang Pulong lamang, sila nakadungog sa Iyang tingog. Kay si Moises alang kanila mao ang buhing Pulong: si Moises. Nakita ninyo, ang Dios kinahanglan magpamatuod kaayo nianang Pulong pinaagi kang Moises... Nakita ninyo, si Moises miingon... Ang Dios miingon kang Moises, miingon, “Mokanaug ka didto; ako magauban kanimo; siya dili- walay bisan unsa nga makabarug sa atubangan nimo. AKO MAO MAN ANG MAO AKO.”
Si Moises mikanaug ug miingon, “Lagmit kamo dili motoo niini, tingali, apan ang Dios mipakita kanako diha sa Haligi sa Kalayo, ug Siya nagsugilon kanako niining mga butanga.” “Oh, kita nakabaton sa tanang matang sa mga butang nga sama nga nagapadayon,” si Faraon miingon. Ngano, si Pastor Faraon miingon, “Buyno, ikaw nakabaton ug yanong lipatlipat sa salamangkiro. Ngano, ako adunay mga salamangkiro dinhi nga makahimo sa bitin ngadto sa usa ka sungkod- usa ka sungkod ngadto sa usa ka bitin. Ngari kamo, mga salamangkiro.” Ug sila miduol ug nagbuhat sa samang butang.
Basaha ang tibuok nga asoy sa...
Ang pagbukas sa tabil sa Dios.
Kaminyoon ug
