Apedor ka Akuj akilocokin.
<< prev
next >>
William Branham.Tosiomete alo akirot...
Apedor ka Akuj akilocokin.Tokona alotoma Ekitaabo ngolo a Ngiromayon ekek 12, ka engaet 1 ka 2, ikicamit iwon akisiom Akigiret na.
1 Asosi ekemaimai ayong iyes, ngikaitotoi, anguna a ngakitimet ka Akuj, tolemutu ngakuswat araun amuronot ngina ayiaran, ngina akuangan, ngina ecamunit Akuj, inges akusiinanakin ngina ejoikinit.
2 Nyikuaanikinos ka akwap na: nai kilocokinos anguna ka akiteteun akusiosou, tosodete toyenut kire acamit ka Akuj, nguna ajokak, ka nguna camam, ka nguna edolito.Tokona, ani erai kerai acamit a Ekapolon, acamit ayong akiya akirot kang kotere ataparacu na, kingaren: Apedor ka Akuj akilocokin.
Nyikuaanikinos ka akwap na, nai kilocokinos anguna ka akiteteun akusiosou, tosodete, toyenut kire acamit ka Akuj, nguna ajokak, ka nguna camam, ka nguna edolito.Erai akirot ngina ngorot ngina eyenuna ebe ngikeyokok kus ngulu alalak adaunito akisitia alotoma apaki kus. Edaunitai akisitia ngun napei jik egirere ngun. Nai torai bo, ipei bore ngini ikamunit Akirot ngina ka Akuj, emam nyepoloe Inges tomojongok, naarai erai Inges Akuj. Emam nyemojongi Inges. alotoma ngina nyamet dadang tokona, kotere etakani ejok eyapi, alotoma ngikaru ngamiae ngatomoniarei ka ngikanikauni, kori ejok, Akirot ngina ka Akuj na, edaunito akisiom ngikilok, ngipadera, ka ngace dang ka emam Inges nyepoloe tomojong. Ayiakauna Ayong asiomi inges, ayong elope, ngikaru ngulu edolito ngatomoniuni ka ngikan. Ka ngina paki dadang ngina asiomia ayong Inges, ariamuni ayong ibore ngini kitete ngini engolikinit ayong kolong sek ekingren. Naarai, erai ngina iyangakinitai, erai Akuj alotoma apotu ngina ka abaruwa. Ingolik, erai ngipitesio ngulu ka Akuj irworosi kingaren, ka iwuakinitai toma nabaruwa.
Ngapakio nguna alalak, ebala itunganan ebe, “Ejok, tokona abu itunganan kigir Ebaibul logo.” Mam. Ebala Ebaibul elope ebe, erai Akuj egiri Ebaibul. Erai Akirot ngina ka Akuj. Ka emam nyepedori Inges alunyar. Ebala Yesu ebe, “Elunyar Adis ka akwap, elunyarosi, nai Ngakakiro emam nyelunyarosi.” Ka emam Ngun nyelunyarosi, ka arakau Akuj, naarai erai atiaket ngina ka Akuj. Ka nait iyong arakau lokoku Keng ka nakoku Keng, irai iyong itiaket anguna ngun, ka ngun ikitaraunete iyong itiaket Keng. Angun erai co ngol erot ngolo ikiponia iwon akimor kaapei ka Akirot ngina ka Akuj.
Tokona akirot ngina ka akilocokin na, abu ayong atosakite toma nadikiconari, bien. Ngina, jik abunio Ayong atocakaria emacar ngina ka apaki a ngin a beit ayong ayiakau kidiama nege, ngina asakia ayong akirot, ka abu ayong atoriamu akirot na, kori akigiret na, akilo Ngakigiret. Ka alotoma nadikiconari ebala ebe erai “idiobore ngini elocokin.” Erai ngini emaikina “kilocokinoi.” Erai ngini ebeit “Kilocokinoi.” Akilocokin, “esubunit atiakatait akilo ibore ngini ekoni, eyiakauna... ngipitesio keng ka ngini bore dadang adaun akilocokin alotoma keng,” akilocokin.
Ka atami ayong ataparacu naga, alotoma Akisyakinet 1. Arai akwap na ngina amam iborekitamet, ka arapuwarit, ka akiryonut arapwuarit akwap; amam idiobore nai arai ngina erikakina cut. Ka ngina ayiakaunor na tom lopite ngol, aryakiryaki a Ekuwuam ka Akuj alokidiama ngakipi, ka etorube dadang aponi kilocokinoi; alotoma nakiryonut, paka lomanikor ngolo ke a Eden. Erai nen apedor ka Akuj ngina ka akilocokin, ngina epedori akiya idiobore ngini erai ikongin ka kitarau idiobore ngini eumokina alotoma keng. Apedor ka Akuj ngina ka akilocokin!
Ka ikiyenu iwon ebe, kan akisiom Ngakigiret, ayiai Akuj alotoma ngikaru ngalipio ngakanikapei itemonokini kotere Eden lo. Tokona, emam nyepedori Inges ayiakaunor apaki ngina awoyan ngin; nai erai ca akitia, ka akiya ngun alotoma Ngakigiret neni ebalor inges ebe “apei kolongit aneni ka Akuj, erai ngikaru aliput anakwap,” erai ikes ngun, ani erai kimari Akuj ngisaa. Ka tema ebe arai ngikaru ngalipio ngakanikapei arai Inges asubia Inges akwap, ka asir Inges epitak kidiama nakwap ngikinyimo ngulu ajokak dadang. Ayiai nginibore dadang nadolit.
Atami ayong, ngapakio nguna alalak, ngina tar dang ageikiniata ngulu etubonokinete akisom Ekitaabo ngolo ka Akisyakinet, apotu ikes togeikis atubonokin Ngun, naarai etakani esibit ikwaan ka ngun jik ebongokinit ngunapei ngun, kori ikimasari iyong kinga ka ama.
Nai ani erai ikipedo iwon anyun ka awuryanut, eroko iwon nyeloto toma nakirot yok, abu Musa kingolek akitapoet. Ka abu Akuj kirworo neni keng. Abu Akuj kirworo neni a Musa ereet ka ereet, eponoi akiirar. Tokona emam nyebuno Inges kirworo neni aice tunganan ikongina, ikwapei etia Inges neni Musa. Tokona, arai Musa ngolo apolot, epei ngolo apolot alotoma ngikaduarak dadang. Arai Inges ekabila ngolo a Kristo. ka tokona epedori Akuj akirworo, eyiakar Inges etoil. Adaun akiira. Epedori Akuj akirworo.Ka epedori Akuj tar akigir. Abu Akuj kigir ngakiciketa nguna tomon kaapei ka ekimoin Keng Aelope. Abu Inges kigir kidiama narwatat ngina Ababulon apei bon, kaapei ka ekimoin Keng. Abu Inges tokunokin kwap ka kigir toma nasinyon apei paki, kaapei ka ekimoin Keng. Epedorit Akuj erwor. Epedori Akuj akisom. Epedor Akuj akigir. Erai Akuj Eitanit ngolo ka akibuses ka Apedor dadang, ka aosou ngina ka akujuanut dadang, eyiai toma Akuj. Angun anguna a ngun, oyenete ebe, erai Inges bon Ekasubun kama. Emam ece kasubun nai Akuj. Emam nyepedori Satan asubun, cut, bon erai inges ngolo iloci ibore ngini adaun asubakin. Nai Akuj Inges bon erai Ekasuban.
Anguna ngun, abu Inges tosub kan Akirot Keng. Abu Inges kiyakiu Akirot Keng. Angun ngikinyom dadang ngulu abu Inges kiwuak toma nakwap, asubuni Inges ngikinyom ngul kan Akirotkeng, kotere amam idiobore ice ngini apedori asubun ngikinyom alotoma ngun. asir Inges ewuaki ikes, ka ayiakasi ikes kwap ngina ngakipi. abu Inges tema ebe, “toyiakaun nu, ka toyiakaun ngun.”
Tokona ikiriamuni iwon ebe, ngapakio nguna alalak, etakani esibit ebongonokini Ebaibul kori ebala idiobore ngini pa alimunitoi. Akitaanyunet, alotoma Akisyakinet 1 ikiriamuni iwon ebe, “Abu Akuj tosub itunganan alotoma nasimai keng, alotoma nasimai nguna ka Akuj abu Inges tosub inges; ikile ka nginiberu abu Inges tosub ikes.” Ka nait abu Inges tolot kingaren, ka ngiboro ngulu alalak apotu totakanut toma nakwap.
Nait ikiponi iwon ariamun ebe, amam itunganan ngini apedori akitare ngalup kori akwap. “Nait abu Akuj tosub itnganan alotoma nalup nguna ka akwap.” Erai ngol ekile ngolo agelaana. “Ka abu Inges kiyangak ekuwuam ngolo ka akiyiar toma keng, ka abu inges torau etau ngolo eyiari.”Itunganan ngini esiaunan arai alotoma nasimai nguna ka Akuj, ngolo erai Ekuwuam. Yokona 4, ebala ebe, “Erai Akuj Ekuwuam, ka ikes ngulu ilipete Inges emaikina kilipa Inges alotoma Lokuwuam ka Nakiyookino.” Nai erai Akuj Ekuwuam. Ka itunganan ngolo ke ekingaren, ngolo abu Inges tosub, arai itunganan ngini ke ekuwuam, ka ayiai inges toma nasimai ka naputo ngina ka Akuj. Ka nait abu Inges kiwuak etunganan lo toma nakuwan, ka abu itunganan kimasar. Angun nait abu Akuj bu ka bu alotoma aputo ngina itunganan, ikotere epedori alakun itunganan ngini abu kimasar ngin. Erai ngol Eemut ngolo akire, neni ka ayenut kang.
Tokona, Akuj, alotoma ngikaru ngalipio ngakanikapei, asir epitak ngikinyom ngulu eumokina ngul dadang, kori asir adau erworo Akirot Keng. “Erauni alorot alo. Ekitoi Lo erauni. Erauni lo.” Nginibore dadang arai ngini adolit. Arai ngini ajok. Ka abu Inges kicikak ngolo kinyomit ngol dadang kotere ikes eyiakaunosi, epedorete akilocokin ngakecwat toma lokitoi ngolo kabila ka akiyiar ngina adau Akirot ka Akuj akirworo alotoma kec ayiakaun. Ani erai kerai ekitoi ngolo arengan, arai inges aruun ekitoi ngolo arengan. Ani erai kerai ngolo aliban, arai inges aruuni ekitoi ngolo aliban.
Naarai, Ekasuban ngolo apolon adau akiyakiun kingaren Akirot Keng, ka Akirot ngina ekinyomit ayiai ina eroko tar ekinomit ngolo akire nyayiakauna. Ka abu Akirot tosub ekinyomit. Ingolik, “Abu Inges tosub akwap alotoma ngiboro ngulu nyatakanete.” Ingolikia, Inges -abu Inges tosub akwap kan Akirot Keng. Abu Akuj kirworo nginibore dadang toma nayiakau.
Ka anarakau Akuj, Ekasuban, abu kirworo ngiboro dadang potu toma nayiakau, ebeit torai akwap ngina edolit. Arai akibois ngina abusian. Arai paradise kire ngolo iyookino alokwap anege. Tokona, ikwapei ebeitor ngina kibois dadang ayiakaun neni epolokinit. Atukonokin na eyiakar ariogeit ngina ingangit, ka ekek lo eyiakar arioget. Ka ekanisa eyiakar akibois. Ka Akuj eyiakar akibois. Ka angun akibois ngina eumokina na, ebuku ngolo ikiboio iwon, eyiakar inges dang akibois ngina ingagit. Ka angun Eden ngolo eumokina lo eyiakar akibois, ka akibois keng arai ngolo arikitoi alotoma lomanikor ngolo ke Eden, kori alotoma Eden, kide emanikor. Ka abu Akuj kiwuak neni anu, akipukak ngisubuna lugu dadang anakwap anege, nateran ke alokokukeng, Adam ka Epa.
Arai Akuj Papa keng ka Adam. “arai Adam... lokoku ngolo ka Akuj,” ikwapei eyiakar alotoma Ngakigiret. Arai inges lokoku ngolo ka Akuj. Ka abu Akuj tosubak inges akengarakinan, alotoma akuwan keng pei aelope; tokona amaran ngina alotoma etau keng, angun arai inges ngina ayapikina neni keng, ka abu inges tosubak inges akengarakinan. Aroko jik nyerauna aberu keng, mam pa arai aroko nyerauna ekile; abu Inges tolimu ngun. ka neni co aponiata ngatiokiso nen, abu nai Satan toriamu inges eroko Adam. Angun, arai ca Akirot keng ngina asir Inges erworo.
-----
Ka iwon dadang ikiririkorio ikia toma napotu ngina ka Akuj. Nai ngice adau alemar, ikwapei ngidwe ka Akuj, ngulu elosete pa iriamara kaapei ka Akirot Keng ka erot ngolo eyiakar Inges ikotere iwon ka acamaki ikotere iwon alosio. Akiwuakin ice bore, adau akwap areyar iwon alotoma lorot, ikiriu iwon idiyete neni keng, ka ikilwaku alotoma nakiyookino, lorot ngolo diding ngolo ikipitakinit Inges iwon, araun atalokoku ka atanakoku ka Akuj. Adau asecit akitia ibore ngini aronon en neni atalokoku ka atanakoku ka Akuj.-----
Tokona nenikus a ngulu iyiakasi kinga ama, neni dadang iyiai iyong, acamit ayong iyes kijasi Kristo alokinga kama ikwapei ekus Kalakunan, ka ikilelebi kaapei ka a Ekuwuam Keng. Ngakiro nguna adaun alimun alotoma ataparacu na, kimiekis ikes todoto toma lotai kus. Ka kimiek iyes aina kidiaut Yesu. Ka tocoik iyong akonikiyiar, ka kingolek ibore ngini iyiaria iyong ekaku angun. Ka iya atamaetait ngin itunganan ngina Egelaana anege. Kingolek iyong akonikuwan itiai ibore ngini nyiriamara ka Akirot na, kiyoto alotoma keng, kire jik atipei. Ingolik? Naarai eyiai a egelaanut ngin elemarit atwanare anenikon, erai ngin Akirot ka Akuj. Akirot Keng erai Akiyiar, ka epote ikes akidar iyong alotoma atwanare.Tosiomete alo akirot...
Apedor ka Akuj akilocokin.
