Pagbag-o sa inyong salabutan.

William Branham.

Basaha ang tibuok nga asoy sa...
Gahum sa Dios nga makapausab.

Karon, diha sa Libro sa mga taga Roma sa capitulo 12 sa nahauna ug sa ikaduhang bersiculo, atong ti-tinguhaon ang pagbasa ning Kasulatan.

Busa hangyoon ko kamo, mga igsoon, tungod sa mga kaluoy sa Dios, sa pagtugyan sa inyong mga lawas ingon nga halad nga buhi, balaan ug hinangpunon sa Dios, ang halad nga mao ang inyong espirituhanong pagsimba.
Ayaw kamo pagpahiuyon niining panahona sa kalibutan, kondili usba hinuon ninyo ang inyong kaugalingon pinaagi sa pagbag-o sa inyong salabutan, aron inyong masuta kung unsa ang maayo ug hinangpunon ug hingpit nga kabubot-on sa Dios.

Karon, kong itugot sa Ginoo, akong kuhaon ang akong itudlo alang niining buntaga diha sa: “Gahum Sa Dios Nga Makapausab.” Aron dili na kamo magpahiuyon niining kalibutana: kondili... magbag-o pinaagi sa pag-usab sa inyong salabutan... (karon) ug sutaon kung unsay maayo, ug hingpit, ug hinangpunon, nga pagbuot sa Dios.

Usa kini ka karaang nasinati nga teksto nga ang kadaghanan sa inyong mga pastor nagagamit sa dugay na ninyong mga panahon. Gigamit na Kini sukad pa sa pagsulat Niini. Apan bisan pa niana, usa ka butang bahin sa Pulong sa Dios, wala gayud Kini madaan, tungod ka Kini mao man ang Dios. Wala gayud Kini madaan. Bisan pa sa matag kaliwatan karon ug sa umalabot, hapit na magkawaloag-walo ka gatus ka mga katuigan o sa labaw pa, kining Pulong sa Dios ginabasa na sa mga tawo, mga kaparian, ug sa uban pa, ug wala gayud Kini madaan. Ako mismo nagbasa Niini sulod na sa katloag-lima ka mga katuigan. Ug sa matag higayon nga akong basahon Kini, makakaplag akog usa ka butang bag-o kay sa akong nakita sa unang higayon. Sanglit kay dinihogan man Kini. Kini mao ang Dios sa dagway nga mga letra. Tan-awa, Kini mao ang mga kinaiya sa Dios nga nagasulti alang-ug gipahimutang sa papel.

Sa makadaghan ang mga tawo moingon, “Ah karon, ang tawo maoy nagsulat niining Biblia.” Dili. Ang Biblia maoy nag-ingon sa Iyang kaugalingon nga ang Dios maoy nagsulat sa Biblia. Kini mao ang Pulong sa Dios. Ug Kini mao... Kini dili gayud mahimong mapakyas. Si Jesus miingon, “Ang mga langit ug ang yuta mapakyas, mangahanaw, apan ang Akong mga Pulong dili gayud mapakyas.” Ug Kini dili mahimong mapakyas ingon nga Dios, tungod kay Kini kabahin man Niya. Ug maingon nga Iya kang anak nga lalaki ug anak nga babaye, kabahin ka Niini: mao kanay nakapahimo kanimo nga kabahin Niya. Mao kana ang hinungdan nga manuol kita aron maghiusa sa pagpakig-ambitay libot sa Pulong sa Dios.

Karon, kining pulong nga “nausab,” akong gitan-aw sa diksyonaryo kahapon samtang hapit na mahurot ang akong oras sa pag-anhi dinhi, samtang nangita akog usa ka teksto. Ug akong nakita kining pulonga, o kining maong teksto, diay, sa Kasulatan. Ug diha sa diksiyonaryo nag-ingon kini nga “usa ka butang nga nabag-o.” Kinahanglan nga “mabag-o, mausab, nausab sa kanhing kahimtang niini.” Kini kanhi, “Ang kinaiya niini ug ang tanan may kausaban na niini”: aron mausab.

Ug akong gipamalandong niining buntaga, diha sa Genesis 1. Kining kalibutana walay sulod, ug awaaw; ang kangitngit diha sa ibabaw sa nawong sa yuta, walay sulod gawas sa kaguliyang. Ug samtang kining kalibutan diha sa maong kahimtang, ang Espiritu sa Dios milihok sa ibabaw sa nawong sa katubigan, ug ang tibuok panagway nausab gikan sa dakung kagubot ngadto sa pagkatanaman sa Eden. Kadtong makapausab nga gahum sa Dios, nga makahimo pagkuhag usa ka butang nga walay pulos ug mohimog usa ka butang kahibulongan gikan niini, ang makapausab nga gahum sa Dios...

Ug akong gipamalandong niining buntaga, diha sa Genesis 1. Kining kalibutana walay sulod, ug awaaw; ang kangitngit diha sa ibabaw sa nawong sa yuta, walay sulod gawas sa kaguliyang. Ug samtang kining kalibutan diha sa maong kahimtang, ang Espiritu sa Dios milihok sa ibabaw sa nawong sa katubigan, ug ang tibuok panagway nausab gikan sa dakung kagubot ngadto sa pagkatanaman sa Eden. Kadtong makapausab nga gahum sa Dios, nga makahimo pagkuhag usa ka butang nga walay pulos ug mohimog usa ka butang kahibulongan gikan niini, ang makapausab nga gahum sa Dios... Ug nakasabot ta niana, ako-pinaagi sa pagbasa sa mga Kasulatan, nga ang Dios unom-unom ka libo ka mga katuigan ang paghimo sa pag-andam ning maong Eden. Karon, tingalig wala Siya nianang kadugayona; apan atong ibutang, ug itakdo kini gikan sa Kasulatan diin Kini ginaingon nga ang usa ka adlaw sa Dios usa ka libo ka mga katuigan dinhi sa kalibutan, nga mao, kong ihapon sa Dios ang takna. Ug ingnon nga unom ka libo ka mga katuigan kadto sa Iyang pagbuhat sa kalibutan, ug Iyang gitanum sa ibabaw sa yuta ang tanang maayong binhi. Diha niana ang tanang mga butang lunsayng hingpit. Akong gipamalandong, sa makadaghang higayon, samtang bisan ang mga mananaway mosugod sa pagbasa sa Libro sa Genesis, sila mosugod sa pagpanaway Niini, tungod kay Kini morag sa Kini sa nagbalikbalik ra sa Iyang kaugalingon, o nagapahilayo kaninyo dinhi ug didto. Apan kong atong himatikdan sa makadiyot, sa dili pa kita moadto sa atong teksto, nga nakita ni Moises ang panan-awon. Ug ang Dios misulti kaniya. Ang Dios nakigsulti kang Moises sa nawong ug nawong, sa ngabil ngadto sa dalunggan. Karon, wala gayud Siya makigsulti kang bisan kinsang tawhana nga sama niana, sama sa Iyang gibuhat kang Moises. Karon, si Moises usa ka bantugan, usa sa mga bantugan sa tanang mga profeta. Siya nagtipo kang Cristo.

Ug karon, ang Dios makahimo sa pagpakigsulti, kay Siya may tingog. Kini hingdunggan na. Ang Dios makahimo sa pagsulti. Ug ang Dios makasulat. Ang Dios maoy nagsulat sa napulo ka sugo pinaagi sa Iyang Kaugalingong mga kamot. Siya misulat didto sa bongbong sa-sa Babelonia kausa pinaagi sa Iyang kamot. Siya miduko ug misulat sa buhangin usa ka higayon pinaagi sa Iyang kamot. Ang Dios makasulti. Ang Dios makabasa. Ang Dios makasulat. Ang Dios maoy Tuboran sa tanang grasya ug gahum, ug sa tanang Langitnong kaalam anaa sa Dios. Busa sanglit, sa hingsayran nga Siya mao ray bugtong Magbubuhat diha... Wala nay laing magbubuhat gawas sa Dios. Si Satanas dili makabuhat, bisag unsaon; igo ra siyang motuis sa unsa nay nabuhat. Apan ang Dios mao ray bugtong Magbubuhat. Busa, Iyang gibuhat pinaagi sa Iyang Pulong. Iyang gipadala ang Iyang Pulong. Busa ang tanan mga binhi nga Iyang gibutang sa ibabaw sa yuta, Iyang gibuhat kadtong maong mga binhi pinaagi sa Iyang Kaugalingong Pulong, tungod kay walay bisan unsang makabuhat sa binhi gikan niini. Iyang gipahimutang sila, ug diha sa ilalum sa katubigan. Siya miingon, “Maanaa kini, ug maanaa kana.”

Karon, atong makita sa makadaghang higayon ingon sa daw gibalikbalik sa Biblia o nagsultig mga butang sa wala isulti Niini... Sama pananglit, diha sa Genesis 1 atong makita kana, “Gibuhat sa Dios ang tawo sumala sa Iyang Kaugalingong dagway, sa dagway sa Dios gibuhat Niya siya; lalake ug babaye gibuhat Niya sila.” Ug unya mipadayon Siya, ug daghang mga butang ang nanghitabo sa ibabaw sa yuta. Ug unya atong nasuta, nga walay tawo nga makaugmad sa yuta. Ug unya gibuhat sa Dios ang tawo gikan sa abog sa yuta. Lahi kadto nga tawo. Ug Iyang gihuyop ang espiritu sa kinabuhi sa sulod niya, ug siya nahimong kalag nga buhi.

Ang nahaunang tawo sama sa dagway sa Dios, nga mao ang Espiritu, ang Juan 4, nagaingon, “Ang Dios Espiritu, ug ang magasimba Kaniya magasimba Kaniya diha sa Espiritu ug sa Kamatuoran.” Apan ang Dios Espiritu. Ug ang unang tawo nga Iyang gibuhat, usa ka espiritu nga tawo, ug siya sama sa dagway sa Dios. Ug unya Iyang gibutang kining maong tawo diha sa unod, ug ang tawo nahulog. Tungod niini ang Dios nanaug ug nahimong sama sa dagway sa tawo, aron Iyang pagtubson kadtong masad-anong tawo. Mao kana ang matuod nga sugilanon sa Maayong Balita, alang-alang kanako.

Karon, ang Dios, sulod sa unom ka libo ka mga katuigan mitanum niining tanang kahibulongang mga binhi, o Iya rang gisulti ang Iyang Pulong. “Kini maingon niining kahimtanga. Kining kahoya maingon niini. Kini maingon niini.” Ang tanang mga butang hingpit. Maayo kaayo kadto. Ug Iyang gisugo ang matag usa ka mga binhi nga mangahimo sila, nga ang ilang kaugalingon mangausab ngadto sa pagkatanom kinsang matang sa kinabuhi nga gilitok sa Pulong sa Dios mangahimo sila. Kong kini usa man ka kahoyng tugas, kinahang mamunga kinig tugas. Kong kini usa man ka palmera, kinahanglan mamunga kinig palmera. Tungod kay ang gamhanang Magbubuhat mipadala sa Iyang Pulong, ug ang Pulong nga binhi didto na sa wala pa ang matuod nga binhi maporma. Ug ang Pulong nagporma sa binhi. Tan-awa, Iyang gibuhat ang kalibutan gikan sa mga butang nga dili makita. Tan-awa, nagbuhat Si-Siya sa kalibutan pinaagi sa Iyang Pulong. Gipamulong sa Dios ang matagbutang diha sa katumanan.

Ug ingon nga Dios, ang Magbubuhat, gisulti ang tanang mga butang ug nangakita, usa kadto ka hingpit nga kalibutan. Usa kadto ka-ka matahum nga dapit. Usa kadto ka-ka matuod nga paraiso dinhi sa kalibutan. Karon, maingon nga ang matag dapit adunay mga hedkwarter bisag asa... Kining maong conbensiyon may mga hedkwater, ug kining sangang buhatan may mga hedkwarter, ug ang simbahan may mga hedkwarter. Ug ang Dios may hedkwarter. Ug busa kining dakung dapit, nasud diin kita magpuyo, anaa kini mga hedkwarter. Ug busa kining bantugang Eden anaay usa ka hedkwarter, ug kining maong mga hedkwarter nagpadulong sa tanaman sa Eden, o sa Eden, sa silangan sa Eden. Ug gibutang kini sa Dios, aron maoy magmadu sa Iyang mga kabuhatan dinhi sa ibabaw sa yuta, ang Iyang anak nga lalake ug ang asawa sa Iyang anak, si Adan ug si Eva.

Ang Dios mao ang Amahan ni Adan. Si Adan mao ang-ang anak sa Dios, sumala sa mga Kasulatan. Siya mao ang anak sa Dios. Ug gibuhatan siya sa Dios ug usa ka katabang gikan sa kaugalingon niyang lawas, tingalig usa ka gusok gikan sa ibabaw sa iyang kasingkasing, aron maduol siya kaniya; ug gibuhatan siyag usa ka katabang. Kini wala pa mahimo niyang asawa, ni kadto siya usa pa ka tawo; Iya lang kining gipamulong. Ug didto nahitabo ang kagubot, hingkaplagan na siya ni Satanas una pa si Adan. Busa kini mao pa lamang ang Iyang Pulong nga Iyang gilitok.

-----
Ug kitang tanan dagway sa Dios sa gihapon. Apan ang uban hilabihan ang pagkadaot ingon nga mga anak sa Dios, nga nagalakaw supak sa Iyang Pulong ug sa dalan nga-nga gihatag Niya kanato ug gitagana kanato nga pagalaktan. Gipahimutang ang usa ka butang, ang kalibutan maoy mipatipas kanato pahilayo sa dalan, miguyod kanato nga mahiduol niini, ug gipahilayo gikan nianang matul-id, hiktin nga tudling nga Iyang gitamnan kanato, aron mahimong mga anak nga lalake ug mga anak nga babaye sa Dios... Ang sala maoy naghimo niining daotang butang ngadto sa mga anak nga lalake ug mga anak nga babaye sa Dios.

-----
Karon, alang kaninyo nga anaa sa gawas ning maong sibya, bisan kung asa kamo, gusto ko nga inyong dawaton diha si Cristo, ingon nga inyong kaugalingong Manluluwas ug magpapuno sa Iyang Espiritu. Ang mga pulong nga gikasulti niining buntaga, hinaut unta nga motidlum sa inyong kasingkasig. Ug hinaut unta nga inyong dawaton si Jesus. Ug inyong bantayan ang inyong kinabuhi, ug inyong makita kung unsay inyong kinabuhi tapos niini. Ug modawat sa Salaan sa tawong mangihunahunaon dinhi. Kung makita ninyo ang inyong kaugalingon nga nagbuhat ug mga butang nga supak ning maong Pulong, pahawa gikan niini, sa labing madali. Nakita mo? Tungod kay anaay Salaan nga nagbantay sa kamatayon gikan kaninyo; nga mao kanang Pulong sa Dios. Ang Iyang mga Pulong Kinabuhi, ug sila maoy magbantay kaninyo gikan sa kamatayon.

Basaha ang tibuok nga asoy sa...
Gahum sa Dios nga makapausab.

Ug ang yuta awa-aw ug walay sulod; ug ang kangitngit diha sa ibabaw sa nawong sa kahiladman; ug ang Espiritu sa Dios naglihok sa ibabaw sa nawong sa mga tubig.

Genesis 1:2