Kimsïri Mistjjawi.
William Branham.Uka taqpach cuenta uñxatt'añatakix...
Kimsïri Mistjjawi.Akawjjana Dios Awkijj wakt'ayasiskänwa phokhañataki Arsutapa kunatï Abraham chachar churkäna, Isaac ukjjamaraki Jacob. Walt'at maranakaw, patak patak maranakaw saraqawayjjatayna, ukampis Dios Awkijj janipuniw armaskänti arsutapjja. Uka pachanakana, phoqhañ pachanjja, Dios Awkijj arsutap sum phoqapuni. Ukampis, jumanakajj yatipjjañamaw kuntï Dios Awkijj aka Biblian arsuwayki ukjja, Jupajj lurapuniniwa ukanakjja. Janiw yaqhanak amuytʼañatak chʼamachasiñajj wakiskiti, ukat sañataki, walikiw, uka profetajj inas pantatachïna o inas ukanakajj janiw luraskanti uka urunakanjja. Uka pachanakanjja niyas jan lurañjjamäkaspas ukjjamänwa, ukampis Dios Awkijj luranwa taqe ukanakjja, kunalaykutejj Jupajj arsuwayänwa ukanak phokhañatakijj. Ukat kunjjamsa Jupajj jan ch'amäki uk lurijj. Nayajj saraqaniwaytwa, ist'araktwa arnaqawinakapa, amtasiraktwa nayan arsutajja, Nayaw saraqanta lurañataki. Ukat nayarakiw jumar khitäma sasïna, jumajj luraskakim. Nayajj jumamp chikt'ataw sarä, cheqpachansa jumampiskäwa. Nayajj janipiniw, janipuniw antukkamäti, Nayajj jumamp chikt'ayäwa kawkharutï jumajj sarkäta. Jan ajjsaramti. ¿amuyapjtati? Nayaw saraqanta jumanakar khespiyañatäki. Nayajj amuytwa ajay toqin amuyunakajj katjjiwa ukanakjja, ¿amuyapjtati? ¿amuyapjtati? Nayaw-nayaw -nayaw khitäma jumaru markajjar mä mistuñar irpañataki, jupanakar anqajjar jawsañataki, ukat Nayaw jumampiskä.
Jichhajj, kunjjamsa-kunjjamsa jiwasanakajj samarsnajj, kunjjams iyawsäwijj ukan katjjaspa ukat katjjaruspa, Dios Tatäjj lurapuniniwa ukjja, kunalaykutejj ukjjam Jupajj arsuwayijj. Kunjjamachinï ukajj, kuna jan walt'awinakas utjchispa, o inas kunjjams maynijj saspajj, Dios Awkijj kunjjamatsa uk lurapuniniw, kunalaykutejj ukjjam Jupajj arsuwayijj. Ukat Jupajj wali jasak lurawayijj ukanakjja, ukat-ukat ukajj yatjjatat amuyun amuyt'awipat wali jayaruw jayarst'awayi, ¿Khitis uka toqit amuyt'asiñ yant'aspa? ¿kunjjamaspasa ukanakajja? Janiw nayajj ukjjam sañ munkti jichhajj mä chachajj, suma ch'aman amuyumpi, ukat mä suma yatichäwimpi, ukjjamatap uka chachajj janipuniw amuykanïti. Taqe ukanakajj ukjjamapuniwa muspharkaña, ukanak uka chachajj apnaqäspa jan amuyt'añataki, ukampis uka cultura jupanjj utjki, ukat iyawsaraki Dios toqiru. Arsutapar phokharakispa llamp'u chuymampi ukat ist'añatakis kuntï Dios Awkijj sawayki, ukat iyawsarakispa. Ukapachajj culturapajj yanapt'äniwa juparujj. Amuyapjjam jichhajj, Kunapachatï mä jaqijj amuyt'añ yant'ki ukhajja, ukajj janiw ukjjam luraskaspati, taqe ukanakajj Dios Awkit jayarst'ayiwa sapa kuti. Kunapachatijj jupajj ch'amanchasiski ist'añataki uka- uka jupan pachpa amuyuparujj kuntijj saspa. ¿amuyapjtati? Sitejj jumanakajj jan amuyapkäta ukhajja, ukat Bibliajj saraki yakha kasta, ukjjam uñakipt'añamawa, “Amen” Ukjjamak jaytawayjjam.
Janïr uk amuykasajj kuns sañs muni uka mistuwijj, nayajj jichhür éxodo uñacht'ayañ munta, ukjjarusti uka qallta éxodo, nayraqatajj jichhür éxodo, ukat uñjañani kunjjamas chiqakipun uka paninijj sarasipki. Mayni jupanakatjj janchinjjamaw, uka pachpakiw janchinjj lurasiwayijj, Jupajj wasitat uñacht'ayaskijj, kunatï luraskäna ajay toqina, “Ajay toqin Mistuña”.
Kunjja sumas Dios Awkir uñjañajj Arup toqe- ¿Kunjjamarak khitis saspasti ukajj janiw ukjjamakïti? Ukajj niya pä waranqa llätunk patak maranakaw ukjjamäna, jumanakajj yatipjjtaw ukanakjja. Kunjjams Jupajj ukjjam arsuwayi, ukat kunjjams Jupajj lurawayijj, ukat jaytawayijj mä uñanchawi. Kunjjams Jupajj- jupajj-jupajj kunjjams mä ch'iwjjama luraraki askinak uñacht'ayañataki. Ukjjatwa nayajj parlawayä jichha jayp'u arumajj, phajjsimpi ukat intimpi, sitejj ukjjam munani Cristojj.
Ukampis nayraqatajj, uñjañasaw Genesis kunats jupanakajj Egipto markankapjjäna. ¿kunatarakï Dios Awkin markapasti wali jayankpachäna oraqipata? Taqe ukanakatsti, Dios Awkijj arsuwayänwa ukanakjja, khaya qalltatpacha, uksa Palestina markana, Abraham, Isaac, ukjjamarak Jacob. Dios Awkijj jupanakaruw churana uka oraqi ukat säna, “Akawa” Ukhamajj, ¿Kunatarakï markapasti kuntï Dios Awkijj churkäna uka cheqan jan jikjjatasipkansti? Ukajj mä jiskt'awiw jichhurujj, Dios Awkijj churawayistuw mä Pentecostes. Jupajj churawayistuw mä Libro Hechos toqita, Jupajj churawayistuw uka Qollan Ajayu, jiwasanakar irpañataki ukatjj jiwasampiñapataki. Jupajj churistuw uka oraqi, Ukat ¿kunatsa anqanktanjja? ¿kunatsa iglesiajj anqajjankijja? ¿Kunatsa jichhürunakan jach'a cristian iglesiajj Hechos libror uñtasit wasitat jan jakapki, lurasïn kunjjamtï jupanakajj lurapkäna? Ukajj kunatsa ukjjam luraspacha.
Taqiniw yatiraktanjja jiwasanakajj t'aqanukutatänwa, ukat jan waliw uñjasiraktanwa, ukat juk'amp ajjsarkañ ukanakasti, kawkhantï uka-uka cristianismojj nayrajj jakkäna ukajj jichhürunakaw. Ukat ukawjjansti uka... Mä ajjsarkañ jach'a taripäwiw jaqʼachasisinki, ukajj wakt'ayatawa iglesiataki. Ukat janïra jutkipan uka taripaw urujj, Dios Awkijj jawsaskiw mä mistuwiru mä éxodo, kunjjamatï Jupajj lurkäna khaya urunakanjja. Amorreo jaqinakan juchanakapajj walpun tantachasjjäna, ukhamajj Jupajj Ajay toqit mistuñatakiw jawsaski. Jichhajj wastat mä juk'a pach kutt'añani, mä uñacht'awi ukat jikjjatañäni. Jupanakajj Egipto markaruw sarapjjäna, taqe ukanakajj mä jilatan celosiñapatwa ukjjam utjana. Ukatapï Israel markajj Egipto ukawjjankapjjäna uka urunakajj, wali jayäna oraqipata. Jichhajj amtapjjam, Dios Awkin Arsutanakapajj uka oraqin qhiparapkäna ukjjakiw lurasïna.
Jichhajj, ¿Amuyapjasmati kuntï ninkharjjajj oracionan sapkayätan ukjja? ¿Kunatsa Dios Awkijj Faraonan chuymap qalaraypacha? Ukajj wastat markapar kutt'ayañatakinwa oraqiparu, janira Dios Awkijj jupanakar bendiciñapataki, Mesias jupanakar apaniñataki.
¿Kunjjamarak Hitler chachan chuymap qalaraypachasti, Judios jaqinakar arqnaqañataki, kunapachatï jupajj chikat judío jaqirakïnwa? ¿Kunjjamarak Jupast lurpachasti Stalin ukjjamaraki Mussoline chachanakampisti? ¿amuyajtati? Jan amuyt'anin jaqinaka mä markhajja, jupanakajj-jupanakajj... Dios Awkijj aptañapaw uka-uka kunanaktijj jupanakajj jakapki, aka oraqin kamachinakapa walja pachanaka, lurañataki arsutanakap phoqasiñapataki. Ukatwa uka dictador jaqinakan chuymanakap qalarayañapäna ukjjamat Judionakajj arsut oraqir kutt'añapataki. Ukajj ukjjamañapanwa.
Jichhajj jiwasajj amuytanwa kunjjamas Josè saräna ukawjjarujj... uka sarnaqäw yattanwan, kunjjamatï kutt'awaysna Genesis ukawjjaru, jumanakajj uñjatapjjasmaw. Kunalaykutejj nayajj-nayajj qalltawaytwa sinti jayp'uki aka jaya mensaje mä Escuela Dominical, ukat nayajj jank'akiw sartawaya. Jichhajj amuyapjjam, kunapachatï pachanipkäta uñjatapjjam Jose waynan sarnaqawipa, jupajj jilanakapan taypin qhip qhipa yuriwayi, qhip qhipiri. Ajay toqittijj amuyapjjäta ukhajja jank'akiw arktapjjäta, Jupajj janiw qhip qhipa yoqall wawakïkänti, jan ukastï Benjamin. Ukampis uñjapjjam excomunión ukawjjäna. Jose ukat Benjamin Jupanakajj wila masinakäpjjänwa, ukat uka paninikiw jila puranjja. Benjamin janipuniw uñt'atakänti kunapachkamatï Jose jilapampi uñkatasipjjäna. Mayninakat sipansa juk'ampi, Benjamín taqe kunatï Jose waynan utjkäna ukanakat pä kutiw churatajjäna.
Jichhajj walikiw, jichhajj amuyapjjam, ukan jikjjatapjjtan, jupanakajj- Jose waynajj ajay toqit yatjjatatätap laykojj jilanakapat jithiqtayatanwa, Jupajj wali aski jaqinwa, ukampis uka tamat sipansa jupajj jukʼamp altʼat chuymanïnwa, wali alt'ata. Jan kunatwa jupar uñisipjjäna, jupanakajj jan uñisipkaspänti juparujj, Jupanakajj respetapjjañapänwa Jose waynarujj, ukampis... ¿kunatsa uñisipjjäna juparujja? Kunalaykutejj mä jilanwa jupanakatjja. Janiw ukatakikänti, uñisipjjänwa kunalaykutejj Dios Awkijj jupampiw irnaqäna, janiw jilanakapampi, ¿amuyapjtati? Dios Awkiw jupar churana Ajay toqin amuyt'añataki. Jupajj samkanakat qhanañchäna cheqaki, ukat kunanakatï lurasiñapakäna ukanaksa profetizanwa ukat cheqt'arakinwa, kunjjamañapakänti ukjjamarjjama. Ukat jupajj-ukat jupajj janiw ukjjaruk jaytkänti sañataki cheqaki. Uka trigo samkatap uñjäna kujjamas jilanakapajj nayraqatapan killt'asipjjäna, ukatwa jilanakapajj jupatak toqe toqisipjjäna. Ukat maynijj säna, ukhamajj nayajj amuytwa... Jumajj mä jan wali Aleluya ukjjamatawa, yakha arunakansti, ¿mä urujj juman nayraqatamamti alt'asipjjajja? Ukampis taqe ukanakajj ukjjamaw phokhasïna. ¿Kunjjamarak uka jach'a ch'aman jaqinakasti mä urujj uka jan yaqat waynan nayraqatapan killt'asipjjaspansti? Ukampis taqe ukanakajj ukjjamwa lurasïna, ukajj ukjjamanwa, jupanakasti khuyapt'ayasiñatakiw achikt'asipjjäna.
Ukampis jupajj janïraw mä ch'aman jaqjjam purkänti, ¿amuyapjasmati jumanakajja? Ukapachajj jupajj mä wawar uñtataw jikjjatasïna. Ukhamajj uk lurasajj amuyastanwa, Jose waynajj jilanakap taypitwa apsutäna, denominación ukanakajj juparujj jaytanukupjjänwa. ¿Amuyapjasmati? Jilanakapa taqpach oraqpachäna. Ukjjarujj jutanwa mä ukjjam jach'a yänaka, Jiwasajj amuyapjjtanwa Israel markajj... uka cheqan jakasipkäna jupanakajj ukjjakama. Jichhajj uka cheqan qhiparañajj wali askinwa, ukawjjan qamasjjañajj cheqapawa, ukampis jupanakasti Ajayutwa jithiqtapjjäna. Fundamentalistanakajj jichhürunakanjja, cheqpachansa jupanakajj yatipjjiw kunapjjis jupanakajj, Bibliat amuyt'asir mä amuyt'äwi toqe, ukampis Ajayujj janiw utjkiti. Jupanakajj jithiqtapjjänwa Jose waynatjja, jupanakajj jaqonukupjjanwa, jupanakajj janiw kuns uñjañ munapkänti Jose waynampijj. Sapjjanwa, jupanakajj walja aleluyanakäpjjiwa, jupanakajj mä... Janiw nanakanjj kuna uñjañas utjkiti jupanakampijj sasïna. Jupanakajj Jose waynarujj jaqsunipjjänwa, Jupanakasti akapacharuw aljapjji, Jupanakajj mayacht'asiñatakijj wali jayanqapjjänwa.
Jichhajj ukanak lurasinjja, Jupanakasti uka cheqat apsunitapjjänwa, ukjjarujj Egipto markar apata. Jichhajj, uka celosos jilatanakan sarnaqäwipajj, cheqpachansa jichhürunakan ajay toqit parlki ukajj wali uñtasitawa. Jiwasanakajj-jiwasanakajj taqiniw yantanjja ukanakjja, celos ukawa jan walt'aykänti, janiw q'oma, ukajj mä q'añu, q'añu celociña. ¿Amuyapjasmati? Janiw q'omachasiñajj utjkiti celo ukanjja, ¿amuyapjtati? Janiw q'añu celociñat sipansa juk'ampïkiti. Kunapachatï pachpa Biblia uñjasa ukat Biblia qillqir Dios Awkir uñjapjji, Jupa pachpa cheqapar uñjasa ukatjj janirakiw qatokañ munapkïti ukanakjja. Suma q'oma... walikiw, janiw q'oma kunjjamtï nayajj siskta ukjjama, Ukajj q'añu celociñawa. Uñjapjjam Dios Awkijj usutanakar qolliri, jiwatanakar sartayiri... Apostolonakan urunakapan jakkäna uka pachpa Dios, uka pacha evangelio kuntï jupanakajj qillqapjjäna, aka Ajay toqin sarnaqañataki, uka pachpa Dios uka pachpa lurawinaka. Ukhamajj janiw yakha kunakïsa jan ukajj uka celociñampiw jaqsunitäna, ukhamajj jiwas taypinjja janiw ukanakajj ukjjamakaniti. ¿amuyapjasmati? Jupanakajj jaqonukupjjanwa.
Jupanakajj amuyapjjanwa, uka jilanakapajj, ukjjam mä wayna janipuniw jupanakajj munapkaniti, ukhamajj sapjjänwa, ¿Kunatsa José jilatat jan jithiqtksna? Ukajj ukjjamarakiw jichhurunakanjj lurasiskijj, jupanakajj amuyapjjiwa sasina, iglesianakasajja yatiñan jaqinakaruw tukuwayjjapjji, jiwasan jaqinakasajj wali sumwa isthapisipjji, iglesiasajj wali jach'arakiwa, ministros ukanakas wali yatjjatatapjjiwa, janirakiw Qollan Ajays munktanti kunjjamakantï khaya qalltanjja. Ukajj jupanakajj phoqt'atäpjjiwa... yakha arunakanjja, luräwinakajj arunakat sipan juk'amp jach'at arsu. Uka seminarios ukat p'iqinakapans kunatï jupanakan utjki, ukat tantachäwinakapan kawkhantijj aka toqit aruskipapjji, Jupanakajj juk'amp ch'amanïpjjiwa jupanakan p'iqin amuyt'ataparjjamajj, mä iglesia sum utt'ayañataki, juk'amp sum Qollan Ajayut sipansa. Ukhamajj jupanakajj janiw ukanak munjjapjjiti, jichhurunakanjj janiw ukanakajj munasjjiti, taqe ukanakjj apanukjjañawa. Jichhajj, ¿Janit ukajj cheqpach cheqäki? Jiwasanakajj janiw munktanti Qollan Ajayu usutanakar qollañataki. Utjistuwa qollirinakajj, janiw munktanti Qollan Ajayu yakha lajjranakat parlaña. Nanakajj taqiniw ch'ikhi jaqinakapjjta sasïna. Ukat kunapachatï jumanakajj ukjjam lurapjjtajja, k'ichikapjjtawa ukawjjata, uka lurawita, uka Jakañ cheqata.
Jesucristojj sänwa uka Judios urunakapanjja, ¿Janitï uk uñjatapta, uka Qalajj janiw yaqatakänti ukampis uka cheqpach Esquina Qalapunïnwa ukjjaruw taqpach utajj utt'ayata?----
Ajay toqin amuyunakajj uñch'ukispaw uksa Egipto markaru ukat uñjañataki uka arknaqañajj sartaskatapa, uñjaraksnawa Jose waynarujj apaqata ukjjamat arknaqañajj juk'amp sartaspa, ukjjamat uñjañataki Dios Awkiru ruedanakapan ruedanakapampi, taqe kunas wali sum sartañapataki, uñjañataki kunjjamas Potifar chachajj Jose waynarujj apanukujj. Uñjañataki kunjjamas uka q'arinakajj lurasiwayi, ukat uñjañataki Jose waynarujj uksa cárcel mankhana sunkhanakapas jilarata, jilanakapats jaqonukuta, ukampis uka qhepatjj akatjjamat, Dios Awkijj onjtasïna uksa toqina, ¿amuyapjtati?Kunjjamas uka ruedanakapan ruedanakapampi onjtasiri, Dios Awkin jach'a amtapajj taqe kuns aka exodo toqir irpjjaruwayi, kunapachatï markapar jawsañapäna wastat kutt'añapataki oraqiparu, uka cheqaru kutt'aña, kawkhantï Jupajj jupanakar bendicispa uka cheqana, Jupanak taypinsti khititijj arsuwaykatayna ukar ust'añataki jupanak taypïna. Ukhamajj jupanakajj markapankañapänwa, wal amtapjjam, jupanakajj mistunipjjañapanwa Egipto markata kawkhankapkantï ukawjjata, ukat mantañataki uksa arsut oraqiru, janïr arsut Mesias jutkasajj.
Jichhajj iglesias uka pachpa lurañapajj, uka jan iyawsirinakan tamapat mistuniñataki, ukat mantañataki kunatï arsutakäna, janïr Mesias jupanak taypin uñstkipäna, ¿jichhaj amuyapjtati ukanakjja? Uka Mesias jakawipajj uñacht'ayata, wakt'ayañataki mä iglesia, mä Novia...mä warmi khititi mä chachamp jaqichaski, ukat uka warmijj janiw walt'ayaskiti uka chachampijj, inas ukajj-ukajj mä chhajjwañakispaw sapa kutijj. Ukampis kunapachatï mä chachajj warmipampijj uka Noviapampijj uka munatapampijj, Kunapachatï jupanakajj sum mayachtʼatäpki ukhajja, mä almampi mä amuyumpi, kunatï jupanakajj mä sap jañchikïpjjiwa. Ukhamajj, kunapachatï iglesiajj Dios Awkimp ukjjam sum apasipjjaspa ukhajja, kunapachatï Noviojj uñachtʼayaski Noviaparu ukjjakama, kunalaykutejj Jupanakajj mayarukiw tukt'awayjjapjji, Oh, kunjja suma yatichawis akanakajj, jichhajj walikiw.
Uka taqpach cuenta uñxatt'añatakix...
Kimsïri Mistjjawi.
