Ekiriami ngolo Apolon ngolo Ejitoi.
<< prev
next >>
Ka emaikina tosenitetei akibois.
William Branham.Tosiomete alo akirot...
Ekiriami ngolo Apolon ngolo Ejitoi.Tokona, eringa nyiterakina a nguna ke ediojie, akibois mono ngina ke ejie inges mono apotu ikes toseut ekingaren, kori eseunio akibois ngina emaikina tojiere alokiriam. Alotooma ejie ngolo ka akwap ngolo ke ekingaren, ewuaakinitai, ka arai nalup nguna paarai nguna aidiotunganan inges ajioto ikes. Ka emaikina tosenitetei akibois.
Ikwa ngina alosioto ngidwe ngulu Angisirael lojie kaapei ka Ngipilistian, ayiai ekaamukut lowaitin ngiarei aneni acunakina ikes. Ka arai nen inges alomunia Golias kinga ka anyara ngajorei nguna a ngisirael. Arai nen inges abu Daudi kisiriamia inges, alotooma ayonai, ngina etorio inges kiding a ngolol ngina ayiai kiding ngimoru, abu inges tolem ngatabab.
Emaikina toyiai akibois (akeero ngina ke Jie) ngina eseunitai. Ka alotooma nu, eyiai akibois ngina iyanunere, analup a nguna nyerai nguna aidiotunganan, ka ejiete ikes ane anakibois ana. Emam nyejiete ikes, ipei lowae lo ne, ka ipei kwap ama, ido tokeri ipei ane. Eyiai ngaren neni iriamunosi ikes akipimia ngapedorosiokec, neni ipimia adiojore dadang agogongukec aneni eyiai ajore nginace, ka akibois ngina iyanunere. Tokona, nyikibuca nu. Ngina ageunor ekiriami lo anakwap, amaikina toyiai akibois ngina iriamunoi. Amaikina toyiai akibois ngina eseunitai kotere egeun ekiriami, ka kotere ejie epuruuni. Ka ngalapatui nguna ke ekie ngun eyiakasi tooma natameta a itunganan. Nen inges egeunor ekiriami. Aponi toseunai ngatameta a itunganan a nguna ka akibois a nguna ke ekiriami, nen ageunor, naarai ngaseneta erai natameta inges etukunere, tooma nakou. Tokona, emam pa ageunio ngun anarionget ka ace. Emam pa ageunio ngun alotooma agogongu ngina kitoloset. Emam pa ageun ngalapatui kaama. A ngun, emam nyepedori arionget, nyepedori akitiya etic ka Akuj, naarai erai ngalapatui nguna kitijiet ekonimoit, erai tooma natameta. Emaikina iyong toyeu akoniseunet. Iriamunosi ka iyong.
Eyeunio ngaseunete alotooma ngatameta, nakou. Erai nen inges iriamunosi iyong kaapei ka Satan, ka erai ngaseuneta, naarai abu Akuj kitiyau etunganan alorot a ngol. Tokona, ikiyiakar ayong (ani kitee iyong nguna egirit ayong ane) amap adiocici ngina aramunit ayong. Ayiakatar ayong inges nyelwana nooi, ngina aponi kisitiyiai alobod. Itiyatai itunganan ikwa ecokit ngolo ka aganot. Erai ekinyomit. Ka erai itunganan ekinyomit. Alotooma akuwan, irai iyong ekinyomit a papa kon, abuni edos aneni a toto. A ngun, apotu ngulu yarei potu, iwapei, abeeye ka ngaakot. Ka erai ekiner ngolo angaakot akiyiar. Ka erai tooma nen egeunor, apol, akitiyaun ikoku.
Tokona, idio kinyomit dadang eyiakatar akuulu alokinga; erai tooma edos; ka tooma edos eyiai ikurut ngini ka akiyiar. Ajokis, erot ngol inges ikitiyaunitere iwon. Eraakai iwon akuwan, etau, ka ekuwam. Ngina alokinga, akuwan, akuulu; tooma a ngun, erai ngatameta ka ngace, etau; ka tooma etau, erai ekuwam. Ka ekuwam inges ipukat ngunace dadang.
Tokona, ani kiboikinosi iyes kwap ngina idolioto iyes lore, ka akiriun ngikaboboboi ngulu cicik lu. Iriamunete iyes atemar eyiakar akuwan ngapupeta ngakan nguna isirworere, nguna erai, akitere, akiir, akipup, akinguere, akiirar. Erai ngapupeta ngakan nguna ipukato akuwan a itunganan. Eyiakasi tooma akuwan erai etau, ka ipukato etau erai ngatamanakinet, ngatameta, akiitunun, ngipegeta, ka amina. Ngul ikes ngiboro ngulu ipukato etau.
Nai, ekuwam, erai akipup apei bon eyiakatar. Ekuwuam... Okoi, oriamutu inges. Eyiakatar ekuwuam akipup apei bon, ka akipup ngin inges ipukat inges, erai akiyiun kori angayangayat. Erai nguna akire. Ka akibois apei bon eyiai a nguna a ngun, erai aseunet ngina ka akonilacakina. Ipedori iyong acamun angayangayat kori akiyiun, adio ngina icamit iyong akitiyaa. A ngun, abu Satan togeu alotooma ewae ngolo apolon, ainakin ekuwuam ngolo a itunganan angayanikin Akirot ka Akuj. Ka abu Akuj dang togeu alowae a ngolo apolon, akioperikin Akekirot tooma lokuwuam a itunganan. Iyong ngol nen. Erai nguna itiyiai inges ngun.
Erai ekanisa lo, kiwuaakinai tokona iwapei, ka kimorikinos cip toyiakas kaapei nacamunet apei, tomam ediotorube a iwadio ngolo ka angayangayat, kemamukaun idiotunganan alokiding yok ngini engwalit, alotooma ngace dakikai ngakan. Kemam idiotunganan ane ngini iitanit Ekuwuam ngolo Akuangan nai kijau inges, erai kesubakin iwon ibore ngin bon. Tokona, erai nen egeunor ekiriam, tooma natameta kon, kicamit iyong.
Tokona kiitunito, emam nyerai Sayans ngina a Ngikristo, tokona, tomitakinite nguna iitana. Emam ngun... Akiyiar ecamunete ngatameta, ngina erai Akirot ka Akuj, ka nen inges eyauni Akiyiar. Meere ngakonitameta itiyaete ngun. Nai, erai Akirot ka Akuj, eyaunitai alotooma ecilet ngolo a ngatameta kon. Ianyut-a? Meere atamerait, ikwa itolomunitor Sayans ngina a Ngikristo, emitakinito nguna iitana. Mam. Meere ikes ngun.
Nai, ngakonitamet ecamunete ngun. Ekopuni ngun. Nyo ipukat ngakonitameta? Ekonikuwuam. Ka ekonikuwuam inges ikamuni Akirot ka Akuj, ka ngiboro ngulu eyiai Akiyiar tooma kec. Eyauni Akiyiar tooma kon. Okoi, lokaato! Ngina itiyakinotor ngun, ngina etiyaunor Akiyiar locilet ngol, tooma kon, ileereuni Akirot ka Akuj alotooma kon. “Arai kirubakis iyes alotooma Kang, ka Akakirot dang alotoomakus, ingisete nai iyes nguna icamito iyes ido ikiinakinio iyes.”
Anu nai itiyaunete ngun? Alokiding ngina ke etau, ngolo erai akiyiar, anen inges elosio ngaren, akitan a ngolocilet. Ationis ngina eyiai inges na, ewuai iwon ane kaapei ka angayangayat ngina alalan alotainiyok, ikatakinitai acamunit nguna eyiakasi tooma ama. Emaikina iyong tojongo ngun; ido totiyaun kwap locilet ngol kaapei ka Akirot ngina ka Akuj ngina akire, ido elomari nait kinga, alope, inges bon. Erai nguna eyiakasi tooma. Erai inges ibore ngini imari, erai nguna alotooma. Erai adolun a Satan ngina alotooma.
Tokona, ibala yong, “Nyakokoi ayong. Nyamasenene ayong. Emam nyetiyiai ayong ngiboro lu.” Emam nguna esubakinete ngun aneni a ngun. Kingolik, erai nguna alotooma. Nyemisitai tar kijok iyong ikwuaani, kejuwak ngikonipitesio ikwuaani, kikinyoma iyong ikwuaani, ekeritai ngiboro ngul. Nai ebala Yesu, “Anipa kidoun itunganan nabo.” Ianyut-a? Emaikina toyiai ibore ngini itiyakin alotooma. Era imam, erai ngun akimukoret ngina itiyaunitai, naarai alotooma ekonitau ikimuit iyong akitiyia ngun keyia nguna dang. Nyeruwor ibore nginikitiyauna. Emaikina torai ngini akire.
Ka eyiai apei kibois bon ngina epedori abunore kwap, ka erai ngol erot ngolo ka akoniseunet a ngina ka alacakina, ngina ebunio tooma naiyiar, kan ngakonitameta. “Ikwanginapei etamia itunganan alotooma etau keng, a ngun ikoni inges dang nenipei nen.” “Ani kilimok iyong emoru lo, 'torotok,' ido nyingayangayat alotau kon, nai kiyiunite atemar itiyakinosi nguna ilimu iyong, iriamuni iyong nguna ilimu.” Ikamut iyes ngun-a? Iyong ngolo nen. Ianyut-a? Nen eyiakasi ngalapatui nguna ke ekiriami. Erai kigeuni iyong ekingaren.
Ikimuit isua aanyun ngiboro lu nooi. Ikimuit isua akitiyakin Akuj idiobore. Emam nyimuit aberu na, emam angayangayat, imuit akiyiar. Ecamit inges angaleun. Eyiakasi ngice ne, ngulu ecamito angaleun. Ka ngina iirarere isua nguna ikamunito ekes lo, ikwa edokito, ayiarun ngina a ngikatwak, ngiboro ngulu apolok ngulu itiyat Akuj yok, a ngun eraunio nait iwon ngulu ikimuitt. Ka ibore ngini erai, emaikina iwon ekatakisi adolokin ngapupeta nu, akopum icebore ane, ikwa ngatameta.
Ngitunga ngulu, ngapakio nguna alalak, anupa Akirot pa iyookinito. Ka epiyo ngikalalak amisiun ayong kan nu, kan aramunun nganyaraet nguna ka alitaare. Nai abu icetunganan toting icetunganan akan, ka atemar, “Okoi, Lokaato Yokana, iyeni iyong nyo? Irai iyong ka ayong ngikidunyet apaki na dadang. Bua lalo nalitaare, todoku kwap.” Erai nyo itiyiai inges? Arai oyiakatar ayong abao ngina igirio ane, eketoodik ayong iyong nguna eyiai inges akitiya. Ikatakinit inges akitiya alotau keng, amina. Nyitiyaete ngun. Meere nen akibois. Kire, emam nyerai.
Acepaki itiyiai inges alotooma (nyo?) akiitunun, alotooma akipup ngina ka akekiyiar. “Akiitunun! Ianyut-a? Nyipedori iyong akitiya ngun. Emaikina totiyiun kwap itorunit lolain ngolo ka aseunet a ngina ka alacakina. Iyong, ilope, kimiekisi Akirot ka Akuj... Nyibuni iyong naarai ajok atokon. Nyibuni iyong naarai irai iyong ejiran ngolo ajokan. Ibuni iyong naarai Akuj Inges ikinyarauni iyong abunore, ka icamuni iyong Inges isipokina Nakirot Keng. Akirot ngin inges erai akepolou ngiboro dadang. Akirot ngin! Erai kisiyoto iyong ngiboro dadang alorot, natameta dadang, akipup dadang, ido tocamak iyong Akirot tolomu tooma, euruuni Akirot ngin ejok jik.
Anege, Ingolik iyong ibore ngini erapitere-a? Ibala iyong, “Ejok, tokona,” ibala yong, “Ajokis, emam ngatameta nu ka ngapupeta nu, ka ngace, ibore ngini itiyaa iyong ngun, Lokaato Buranam-a?” Kire, itiyiai. Nai ani kicamak iyong Akirot tolomu tooma, ido kimuko iyong inges kaapei ka ngatameta, emam nai nyepolouni; erauni Akirot ngina ipirit. Ianyunitor iyong icokit ngini edupakinitai tooma nalup, ido toesiki iyong akitoi todo kidiama keng-a? Epolouni tokudud. Adioteni, idiobore dadang ngini epoloi kidiama, ikokini nen, naarai esipiyo icebore inges.
Ejok, ngin inges ationis kaapei ka akiyiun a ngiyok Pentekootin ngulu a ngirua alu. Ainakin iwon ngiboro ngulu alalak isipiyorete inges, Akiyiun ngina ikitatamit iwon Ekuwuam ngolo eyiari alotoomayok. Acamakin iwon ngiboro ngulu alalak, akitere icetunganan.
Ka ikatakinit satan jui-jui akidodiar iyong nakisipiyoret aicetunganan, nai ikatakinit inges akipakar iyong nawae anayenaanut a ngina akire. Ikidodiari inges iyong neni a ekaesoswae ece, acepaki, ngolo alosit akituput icebore. Emam pa abu inges kitiyau ngun, naari itupusi inges. Nai ani kebunit analibunet a ngina akire a ngina ka Akirot ka Akuj, “Elunyarosi Nakuj ka akwap, nai Akakirot emam nyelunyar,” Emaikina kidong iboi anen.
Emaikina tocamunai alotooma ngatemata, kiyiunai alotooma etau. Torauni nai Akirot ka Akuj ngina akire, kirigakini nai Ekuwuam ngolo Akuangan a ngina kipup ka akiyiar ka akuwan. Toleleuni nai akonikipup ngina ka Aku, ngatameta kon a nguna ka Akuj, idiobore dadang ngini ekerit Akuj alotoomakon. Emam a ngayangayat aieadio. Emam ibore ngini enyouni kidiama. Emam ibore ngini ebuni tooma nakiitun, ka atemar, “Ajokis, eitunit ayong ekatakinit Yones akikinyomit Akuj, ka Aberu ka-atika-ati. Apei paki ekatakinit aberu a Doe akikinyomit Akuj a nguna ka angaleu, nai abu kipiyo inges.” Ianyut-a?
Nai ani kidimitai ecilet ngol ejok ka kilotaritetei, ka kilelebasi ka EKuwuam ngolo Akuangan, nyepote ngun tar nakiitunet, nyemitakinitai nguna abu aberu a Yones kitiyate. Erai iyong ka Akuj, iwapei, ka emam icetunganan mati iyes ngulu yarei. Iyong ngin nen. Ekonikiriami ngol. Toar inges anakisiakinet.
Tosiomete alo akirot...
Ekiriami ngolo Apolon ngolo Ejitoi.
