Aseunet erai ibore ngini apolon.

William Branham.

Tosiomete alo akirot...
Aseunio ngina ka Ateran.

Tokona alotoma engaet 9 torai ekek ngolo 21st ka Apukokino.
Tosodi bu epei alopian angulu kanikaarei angulu ayakasi ngabakuli nguna eleleba ngakisicanet nguna kanikaarei nguna ka awasia, kirwor ka ayong, tema ebe, bua lalo, ka eketoodikini ayong iyong ateran, aberu a Imesek.

Alotooma ngiboro ngulu alalak anakiyar ikiinakinitai iwon aseun. Erot ngolo ka akiyar, dang, erai aseunet. Eyakare iwon ka apedor akiryenyun ngiyoko rotin, aseun eyoko rot ngolo ikicamitor iwon ngikulepek ayaria. Akisiom dang erai aseunet. Ikipedori iwon aseun kikilosi akisiom, kori nyikilosi akisiom. Ngin inges aseunet ngina ikiyakar iwon. Nguna ajokak ka nguna aronok dang erai aseunet. Angolo kile, angina beru, edya kori apese, iitana aseun arai kelosete ikec akiyar akiyar ngina iyookino kori mam akiyar akiyar ngina iyookino. Erai aseunet. Aseunet erai ibore ngini apolon.

Neni moi ilosi iyong arubakin erai aseunt. Ka acepaki, nakuwarina, epote ngice alokiding kus akitiyaun ngun- aseunet, neni rwanu iboyo iyong ngikaru kangikaru, eringa akimor naga nyedauna nakuwarina. Eyakaun apei paki, ebe, arai kimulenit iyong Akuj ngarwa nguna alalak, eyakaun apei paki ngina imulenio iyong Inges ngina esidion. Eyiai eger kiding akision ka etube. Ka erai ibore ngini aronon anguna a ekile kori aberu, edya kori apese, akikalam eger ngol narai emam nabo akibong kaku kidau iyong akilamar lowaiye ke eger ka atwanare. Angun, nakuwarina, erauni apaki ngina elemuniata ngulu alalak akec seunet, neni iboyoto ikec aneni emam asalunet.

Eyiai ace seunet ngina ikiyakar iwon anakiyar, inges, irukitos ngini kiboyet anakiyar. Ekile ngolo cici kori abru ngina cici, ngina eyiai akikalamiyar kinga anakiyar, einakinitai apedor aseun. Eseuni ekile ngolo cici. Eyakar aberu ngina cici apedoor acamun kori akinger. Nai eringa erai aseunet, alowaitin angiarei. Ngulu yarei apese ka edya, eyakatar ka apedor aseun.
Iyong dang, iyakatar ka aseunet ikwa ekristoit.
Iyakar iyong aseunet ngina iseunia ekanisa, anege alotooma Amerika, acepaki, ngolo ipedori iyong alosenen. Erai ngin akon lacakina ikwa ngulu ka Amerika, aseun edio kanisa ngolo icamit iyong akimarar. Erai ngin aseunet. Nyebeit iyong alosit neni a edio alotoma kec, angolo ngicamit iyong. Nai arai kicamit iyong akilocokin aneni Amethodist alosit Baptist, kori alo Katolik alosit Protestant, kori iwace, emam itunganan ngini ikilimokini iyong kori ainakin alosit lokanisa ece. Erai ngin ayoko camit. Inges ebasi ngiyok kisila. Ngini tunganan eseuni nguna keng. Aseunet ngina ka edin, ka erai ibore ngini apolon. Ekapolon kigarakinai isuwa akiric ngun alopite angolo ikipedoria.

Iyakatar iyong dang aseunet. Ngina iseunia iyong ekanisa lo, ipedori iyong aseun kerai iyong alokanisa alo, kiseuni bo ekanisa ngolo epedori akitenar iyong nasalunet ngina ruba. Ipedori iyong aseun ekanisa ngolo eyakar ngikisila ngulu ka akitatam (creed), atemar imina iyong atamakin ebe ngikisila ngulu ka akitatam [creed] inges icamit iyong. Kori eyakatar ekanisa yege ngike kisila ngulu ka akitatam [creed]. Kanabo anen toyai akirot ka Akuj, ngina abeit iyong toseu. Iitana iyong aseun.
Eyia ngikisila ngulu ngigiritai alokidingiyok, angulu ka aseun.
Eyia ngikisila ngulu emam ngiriritai alokiding yok, ngulu ka aseun.

Anupit ayong arai Eliya, apei paki, alomoru Kamel, kedaun ejiye ngolo eanyunere ekelounan, alotoma apapki ngina apolon ngina alalaunia acanao ngina eyapi iwon alomar tooma tokona. Ka acepaki epedori torai iyong kori ayong, nakuwarina, iwakinitere isuwa aseunet naga, ikwa alomoru Kamel. Kaa alacakina, otemasi itiyasi tokona, ana akwap daadang, tokona. Nai eyakaun apaki ngina ebeitor iyong atiakun aseunet.

Ka iyes ngikiliok ngulu iyakasi nege, angulu angikanisai angidinio, tonup iyong nu, ebe ikidoloki ayong apaki, ngina ilosio iyong akiwakin aseunet. Ibuni iyong alosit lokansol ngolo ka akwap, kori emam ngilosi iyong aruwor edio din nabo jik. Ebeit iyong etic ngun, ka eyapi aseunet ngin tokona.

Ka erai ibore ngini aronon arai kidar iyong akitodol esaa ngolo esidion, dang, narai ipedori iyong akimatang ibore ngini nyipedori iyong ikiwatiwatar nabo jik. Iyeni yong, eyiai apaki ngina epedorere ikicik iyong, anen, arai kikalam iyong eger ngolo ka akicikio, ikimacari nai iyong lowai yege, alamu.

Totamunite, ngina abunio esaa ngolo ajubili, tomete esacardoti ka tokusi arupepe, kotere elacakinio ngolo pito daadang. Nai arai kengero ikec acamun akece lacakinio, ayayio loyekalu, lopir, toruboi ake kit, erai nai inges akijaanakin eke kapolon jwijwi. Ewakinio nakit keng erai akisikwanet, ngina ka akiirar. “Ebuni anupit anguna ka akiirar.” Abu inges kiira arupepe ngin, nai pa abu inges tocam apupokin.
Ka ngapakio nguna alalak, iirarete ngaberu ka ngikiliok akiyookino ka Akuj, ka toanyut inges itojokitai ka ipimitai, iyookino, nai toringa emam peecamito akiirar. Eya ngace peleikineta. Eyia kwana ngaseununuyet ngace nguna eyakatar ikec, akilo bo akitereikin ka akiyookino ka nguna akire, angun egolokinio ngaki kec alo emut. Emam nyiirarete ikes nabo. Aka kitatamet neni kus, ngina irworia Akuj lotau kon, tosubakin atipei.
Abu Eliya iinaki ikec aseun, ngina abeitor: “Toseutu iyes nakolongit na ngolo ijaanakinete iyes. Arai kerai Akuj Akuj, kijaanakisi inges. Nai ani kerai Baal Akuj, kijaanakisi inges.”

Tokona, ikwangina ikiteo iwon atemar ngiboro ngulu ka akuwan erai akisikwanet angiboro angulu a Ekuwuam, ikwangina etoritere iwon nguna amoritai ataparac naga, ikwa akolong ka ekeyakae. Arai ngin eka Baibul ngolo a ekingaren. Eroko ayong ngesiomuna adio karitas alotooma Ebaibul, ayeni ayong Akuj. Narai, igiritae Ebaibul nakiboisio daadang nguna aloyakae, ka iriamara ka Akirot ka Akuj: ikwa atwanare, ka anukio, ka ayarun ngina ka eyakae; ka epite ngolo elomunia akolong, elosio, edoyori, etwani, toyaru nabo. Elalak ngiboro ngulu epedorere iwon akisikwania, Akuj alotooma eyakae, nguna mono eisikinio iwon, anguna ka akimor ana.

Tokona, arai kerai ngulu a ekuwuam, kori, ngulu ka akuwan akisikwanet ngina angulu ke ekuwuam, angun, aseunio ngina ka ateran, anakuwan, erai akisikwanet ke aseunio ka ateran, ka ateran, alotom ekuwuam. Tokona, erai ibore ngini ka acoit ngina ikilosio iwon aseun aberu, ekile, narai ikoni akikonget ne “mati ikityak iwon atwanare.” Epite ngolo ebeitor iwon akiricitor ngol. Ka iyiai iyong akikonget ngin ngaren Akuj, ebe atwanare bon inges ikityaki iyes. Ka atami ayong atemar... Ekile alotooma ngatameta nguna ecayete, ngolo esubanakini nguna alogaren, ebe ebeit inges tocoikina kojokan eseuni aberu. Tocoite nguna itiyiai iyong. Ka aberu dang ngina eyiai aseun ekile, kori acamun aseunet ka ekile, ebit tocoite nguna itiyiai inges, ka nooi alorwa alu. Iitana ekile totami ka kilip eroko inges ngeseuna aberu.

Atami ayong, nakuwarina, nguna ayaut ngikesio ngulu a elakit tokona, erai ngunu eraakar iwon ngulu ka Amerika ingarenit anakwap, alokesio angulu ka akilak. Erikitoi iwon akwap neni etya. Elalak ngikesio anege adepar adio kibois anakwap. Elal alakanot anege akilo adio kibois aiwadio adaadang, ebuku lo, ngolo ebeit araut, ka ngolo etamio nooi, ikwa ebuku ngolo a ekristayone. Utukui ngiyenyi, ngiyokokotyo ngulu ka alakanot! atami ayong, nguna eyaunit ngun, erai narai anyout ngitunga aneni ka Akuj ka ngaberu dang eidyasi aneni ka Akuj.

Ka ikiriamuni iwon, atemar, arai kilip ekile ka kilip aberu dang anguna angakiro anu; meere akitere ngakojen nguna akwangak, kori ngiseketa ngulu etiroko, kori nguna ikiote nen, kori amina ace ngina ka akwap; nai kingolia mono neni ka Akuj, ka tolim, “Akuj, erai naga akon camit aa?”

-----
Ka arai kisisiau iyong nguna itiyao iwon eyakai alosit lokiitanu, ngina ikiseunia iwon ayok beru, kori ekile, arai kisisai iwon ngun! Iitana ekile kilip kojokan, arai mam inyasuni inges akekiyar ngikaru daadang. Totamunite, erai akikonget “akitodol ngina ikityakia iwon atwanare”, ka inyasuni inges akiyar keng arai keyakaunotor inges aseunet ngina aronon. Nai arai keyeni inges, atemar erono akeseunet ido kiita inges aberu ngina ngitemokino aruwor akeberu, toreikin ca inges ikongina pei, erai nai ngin akedyakaret. Keyaa aberu ekile ngolo ngerai ngolo keng toyeni dang atemar emam ngol nyiriamara ka araut lokile kon, erai nai ngin akoni dyakaret, kidaiunit iyong ayenun nguna eroko kanguna iyookino. Asio, ngebiet nai iyong etic ngun akitodol ngina ilipia iyong ejok.

Ikote nenipei anaseun ekanisa dang. Tokona, iitana iyong akilip nguna a ekanisa angolo ilosenene iyong akilip. Totamunite atemar, iwokito ngikanisai ngikuwuamin. Tokona, emam ngacamit ayong akimima. Nai aripu ayong atemar arau ayong ekasikout, ka iitana ayong anyoun ane, apei alorwa alu. Ka ebeit ayong abongonokin nakolongit angina ka atubokinio anguna erworo ayong nakuwarina kori anapak adio dadang. Ka ayong, angun, iitana ayong araut aanyunet ka ngolo emam nguna akatubokinito.

Nai, kiloma iyong lokanisa, ka kitek iyong ngipitesio ngulu a ekanisa angol, ka kitek nai iyong ekec keyokon apaki adio cici, iriamuni iyong ekanisa iriamara nguna itiyae ka ekecekeyokon. Ngacerwa, aumokinit ayong arai keriamunio iwon ekuwuam anginice akilo bo ariamun ekuwuam Ngolo Akwangan. Idoli iyong nakibois ngina emaditanar ekeyokon ka tolosi ca elope kingaren, iramuni iyong aketukot dang ikoni nenipei. Akayauni ayong iyong lokanisa ngolo engolikinia ayong ekeyokon ewoyi, kiloilook akou ngaren ka kau. Kitek iyong atukot, itiyaete ngunapei ngun. Ya iyong ekeyokon, kiluthi idio bore, ebuni ekanisa dang etic ngunapei. Angun, arai ka yiai ayong aseun ekanisa, kaseu ayong ngolo ikinyoma, ngolo angakinapeta, ngolo ilelebasi ka eemut, ekanisa ngolo ke Ebaibul, arai kayiai ayong aseun edio ngolo ayiai ayong ngikadwe. Toseu.

-----
Nabo, ekabila ka aberu angina eseuni ekile, idodiuni nguna elosikinit ekile kaapei ka ngikepitesio. Arai keseu ekile aberu ngina aronon, idodiuni ngike pitesio. Ka ibore ngini eyai inges aenikin, idodiuni nguna eyakasi tooma keng. Idodiunit aberu dang nguna eyakasi tooma lokile angolo eseuni inges akiitakinor. Itodiunit nguna eyakasi tooma keng. Tomam amitakinit nguna iserai inges alokinga, kitee iyong ngini abu inges kiita.

Kalot ayong napith a itunganan, ido tema inges arai ekristoit; kimidianakinite ngipikicai angaberu naratat dadang, toruwo emiusic ngolo kolong edongaere ka ngaboliasio nguna ka akitalakarit. Nyamitakini ayong nguna irworo inges. Nyanupi ayong akeyenaanut, narai imuji ekuwuam keng ngiboro ngulu angakwapin. Nyo, tolim, arai kiita inges akayeon, kori anibo kiita inges amalaat, kori adio ca ngina ebusan, ataropon nguna angarwa anu aa? idodiun. Itodiuni nguna eyakasi natameta keng, ka epite ngolo eyakaunor ekal keng rwanu, narai alemu inges ngina ikoni nen akitopoloun ngidwe keng. Ka epite ngolo eyakar inges, inges itopolounio inges ngidwe ngul. Angun, itodiunito ngun nguna eyakasi lokile. Ekile ngolo eyai aberu ngina ikoni nen, itodiunito nguna etami inges anguna angarwa eponito.

Ipedori iyong atamakin atemar epedori ekristoit akitiya ibore ngini ikoni nen aa? Emam, malim. Ngapedori ayong dang. Ekristoit ngolo akire emam ngiwaruni ngamalaai, ngakayeok, ataropon. Iwaruni inges ngipitesio angikristo.

Tokona, anen, arai kilocokinoi iwon anapaki adio cici, lowai ngolo ke ekuwuam. Ka arai kianyu iyong ekanisa ngolo eyiai nakwap, ngolo itiyai ikwa akwap, ka akiitanit ngina ka akwap, akimor ka ngakwapin, akimar ngakiciket ka Akuj ebi emam pa egirit Inges, toyeni iyong atemar emam ngiitary Kristo Ateran ngina ikoni nen. Ipedori kire iyong akiitar ekanisa ngolo angarwa anu anguna ka Ateran aa? Mere eka Ekakapolon. Emam ayong... ekepiyo ayong aanyun. Mam. Totamunite, tokona, ekile ka aberu keng erai apei kuwan. Ipedori iyong ikimorikin kaapei ka itunganan ngini ikoninen aa? Arai kitiyau iyong ngun, ekethigukinete ngun ananupit kang alotooma kus.

Ka, anen, anibo nai Akuj akimorikin ka ibore ngini ikoni nen, edin ngolo erai akerimon aa? Itami iyong epedori etic ngun, “Ngulu ebi ekerito Akuj, nai tongerito apedorikeng”? Emam ngepedori inges akitiyaun ngun. Iitana inges toyakatar Ngike ngipitesio toma keng dang. Ekanisa ngolo akire, ngolo iyookino, ngolo euritai nabo emaikina toyakatar ngipitesio ngulu ayakasi tooma Kristo, narai erai ekile ka aberu apei kuwan. Arai nai kitiyat Yesu nguna bon etalakarito Akuj, kiricite ake Kirot ka kidodiu ake Kirot, emaikina nai Aketeran kikote ngike pitesio dang nenipeinen. Emam ngepedori inges ka edio pite daadang araun edin. Narai, anen, nyemisitai atemar nguna etya ai icamit iyong erwor, “mam,” ipukat inges arionget ace aiwace, ngina elimonokini inges nguna ebeit etic ka nguna emam ngebeit etic, ka, ngapakio nguna alalak, eekarit ngamairei ngabungei amilion anakirot ka Akuj angina akire.

Erai ibore ngini aronon nooi iwon aekar aneni eyiai ekarikon ngolo abu Akuj kisidong anguna ka akirik eke kanisa. Emam Inges pa abu kiyakiu ngikasikou ngulu erai ngarwanta. Emam pa abu kiyakiu ngipiskoopi, ngikadinolia, ngicasaradooti, ata-paapa ngulu aroma. Nai abu inges kiyakiu Ekuwuam ngolo Akwangan anguna ka ekanisa, akirik ekanisa. “Ngina ebunio Ekuwuam ngolo Akwangan, ikiriki Inges iyes nakiyookino daadang, ikipukokini inges iyes ngiboro lu, ngulu adau Ayong alimokin iyes, akitatamun iyes, ka akitoodikin iyes nguna eponito.” Abeit Ekuwuam ngolo Akwangan etic ngun. Tokona, eremokino ekanisa ngolo angarwa anu ngun. Emam ngeminasi ngun, ikokini nai inges erauni ateran Akristo ai? Aseut ngitunga ngarwa nu edin ngolo alolo. Nguna itiyiai, idodiunit nen akuliako ngina ka ayenut Akirot ka Akuj.
Emam ngapeleikinit ayong akiwan iyes, nai apeleikinit ayong atemar tocukulul ejok kotere iyes ingolikinete ibore.

Tosiomete alo akirot...
Aseunio ngina ka Ateran.

Anyarae ayoŋ nakuj ka nakwap kisuudata ŋuna iseunete iyes nakoloŋit na, ewuak ayoŋ kiŋaren kus akiyar ka atwanare, arereŋu ka ŋilam. Toseutu tokona akiyar, ikotere iyes iyarete ka ŋiletok kus,

Ngikisila 30:19