Akiwuakin Ekanisa Keng.
<< prev
next >>
Akitaraunio #3.
William Branham.Tosiomete alo akirot...
Akitaraunio #3.Ka nai tokona alosikinet ngina ka akisom erai akisitiya ngul ngulu adaut abunore atubun Nakwap. Alosikinet nguna anu, akisom Ekitaabo lo ngolo Ngiepesoi, erai asipokin kire jik ekanisa toma nakibosi ngina emaikina inges towuar alotoma Kristo. erai ekabila ngolo ka Akitutuket ngina Mojong ka Ekitaabo ngolo Yosua, neni abu Yosua kitemok. Esabit ngolo bien ikiyiakar iwon ngun alotoma akiyangakinet.
-----
Nai tokona,ipedori iyyong akitiya ngiboro ngulu aronok, ka ngina paki dadang itiyia iyong idiobore ngini erono ilosi iyong ariamun etacit nguna a ngun. Ee, kire jik, ibuni iyong akile ibore ngini ibu iyong toek! Nai emam ibore ipei dang ngini itiyaete ngun kaapei ka akiteyiario kon. Ngina ikidounere iyong kaapei ka Ekuwuam ka Akuj, iyikaunor iyong Akiyiar ngina emam Nyedaun ka emam nabo atwanare akilo nyepedori Akuj atwanare. Irai iyong ngipei ka Akuj, irai iyong lokoku ka Akuj.Ekedounitoi Ayong arai Buranam. Ipedori iyong ainakin ayong ecekiro. Ecekiro emam nyeketarauni ayong ngol idiobore, eroko pei Ayong arai Buranam. Ekedounitoi Ayong Buranam, jwijwi arai Buranam. Abuni ayong... apedori ayong akilocokin adis kolongit alotoma etakane, kan ariebo ngina egelaana, ayiakaunor amunaara ka amunaar ngin dadang paka akitodol abu ayong engolik etiang, nai eroko ayong pei arai Buranam! Kaanukiro erai eyiakasi ngaokot Buranam toma.
Erai ibore ngini irai iyong ngin. Ka bon bon ca tosir Akuj adau asubun iyong... Nai tokona totamunito emam nyayait ayong ngul king angina Kristo. ayiait ayong ngul ngulu eyoakasi toma Kristo. lopite ali ilosio iyong toma Kristo? “Kan epei Ekuwuam!” E -k -u -w -u -a -m ....inges atemar ebe, “Naarai alotoma Ekuwuam Ngoloakuangan epei aponi iwon dadang ikibatisai toma apei Kuwan.” Lopite ali ikipedorio iwon... lopite ali kilomaria iwon toma? Kan ebatismu ngolo ngakipi? meere alotoma amamut acamanara ikiya Ayong kaapei ka iyes ngulu Baptist ka iyes ngulu ke Ekanisa a Kristo. meere kan ebatisimu ngolo ngakipi, meere kan idiobore! Ngikorintian ngolo kepei 12, ebala ebe, “Naarai alotoma Ekuwuam Ngoloakuangan epei aponi iwon dadang ikiyaun toma apei kuwan.' Ka erai ngulu eiwuar ikwapei eiwuarakar Akuwan. Erai Akuj abu kiiki ngun.
Lopite ali nabo epedorio Akuj atubokin Inges nabo, ngina alosio Inges Kalibario? Alosit kidiama Golgosa, aponi Inges todaae, towanae, emam pa apedori Inges angaleun, emam pa apedorit Inges tari alimun akirot, ka agogonguk. Naarai kaanukiro? Ayiakar Inges ngasecisya nguna ka akwap neni Keng. Meere naarai ebe erai Inges ekasecian, nai “Aponi Inges kitaraunai ekasecian” ikotere ayong ka iyong. Ngasesicisya dadang nguna ka akwap ameun aneni ka Adam paka akitodol Abunore Keng, apotu dadang toyiakaun lokeper Keng. Ka emam pa esicanit Akuj Lokokukeng. Aesicani Inges asecit. Ingolik ipite ngolo eroketa ngun? ayiai Inges alemun amuronot. Ayiai Inges itemokini erot ngolo ka abucaror ikotere ngul dadang ngul ka Akuj, alotoma ayenut Keng, ayenun ngulu epedorete aponere.
Nai tokona, ido nait ngina irakar iyong “naarai alotoma Ekuwuam epei aponi ikibatisai iwon dadang toma Nakuwana ngin, apei Kuwan, ngina erai Kristo,” ka ikiwuar iwon ngikaru ngikaru. Nai tokona, eyiai neni etakani erai ngini egelaana, noi noi ngikanupak ngulu Arminian, ebe era ikes... erai akitiyia idiobore ngini itoriamuni ngawatekec, kori ajokis ngina idiobore. Lopite ali epedorotor ngun alotoma ngiboro ngiarei alotoma apei paki? Erai kan ajokis kori kan ngiticisio, ipei. emam nyepedor ngun kan ibore nginipei ngin, erai kan ngiboro ngiarei ngulu gelegelia; ebeit torai kan ipei ibore. Erai ngun...
Ayong kang, emam nyapedorit ayong akingolikin idiobore ice nai ajokis ngina ka Akuj. Erai ngin atakan kang. Jwijwi anupit Ayong toma ajokis. Arai ayong dadang ajokis, erai dadang ikes ngun. emam nyerai ngun Ayong -Ayong... tari dang alotoma akiyiar kang, ngina arakar Ayong edya, emam idiobore apedorit Ayong akingolikin, bon arai ajokis, ajokis. Ebasi ikes ebe, “Ayong -abuni ayong... tokoik iyong akau kang ka abuni ayong akoikin ngina kon.' ”Ejok, erai akitoodiuno ngina esiliana. Nai emam nyakacit ayong keraidang ikikoi iyong ayong kori mam, ani kerai akonikiitanit inges akiko, abuni ayong akoikin iyong adiopite dadang. Ingolikia, ajokis. Ee, kire jik. Ingolikia, ajokis itiyiai kan amina. Ani erai kiikitanit iyong ngun! tomam nyekacitai erai kitiyat iyong idiobore ngun kang, Ayong -amamukar ayong ediobore ngini kitiya kaapei ka iyong, erai kiitanit iyong ngun abuni ayong akitiya ediopite dadang. Ajokis! Naarai ngun ikes iitanit iyong!
Abu Ayong eitan aiunio. Amamu idiobore ngini apedori aiun ayong. Amamu idiobore ngin apedori ayong akitiya nguna ikamunit akiyiarkang, emam pa apedorit ayong aiun akiyiakar kang akilo idiobore dadang. Na abu ayong eitan aiuno naarai anupit Ayong toma Akuj. Ka abu Akuj kiyakiu Lokoku keng, tosubun alotoma ngasimae keng ngina ka akuwan ngina asecian, ariamun ngican alotoma akibois kang, ka aponi atolakun ayong, kan ajokis bon inges alakunor Ayong. Meere idiobore abu ayong etiya, kori ibu iyong kitiya, aiun akiyiakar kon. Ka ikes ngulu ayenunit Inges eroko apetatait ngina ngakwapi...
-----
Ido nait toma Keng ayiai etic ngolo ke Ekalakuna. Lopite ali epedorito ngisubuna ngul, ngina emamukar asecit kori emam ngatameta nguna ka asecit, lopite ali epedorio ipei kec asakar? Emam nyepedori ngun. aso arai toyiakaun ediobore ngini esubunio ngini epedori asakar. Ido ikotere Inges epedori araun Ekalakunan. Toma Keng arai Eketangalen. Inupito iyes ebe erai Inges Ekalakunan? Inupito iyes ebe erai Inges eketangalen? Nai ani bo co kerai tomam ediobore ngini eiunio kori itangaleunio? Ianyua, emaikina toyiai idiobore ngini esubuni erot. Aso nai tokona, emam nyebuno Inges tosubun ngun alorot a ngol, nai abu Inges kiwuak itunganan nen nalacakina akitiya nguna akire kori nguna aronok, “Ani erai kiseu iyong nugu iyiari, ani kiseu iyong ngun itwani iyong.” Ka nginitunganan dadang ebuni toma nakwap eroko pei eyiak kaapei ka ibore nginipei ngin. Akuj, kan ayenut Keng, abu toyeni ngae epedori ka ngae nyebuni.-----
Angun a ngun tokona, abu Akuj kitemok. Adau Inges akitoodiun Elope, erai Inges Akuj. Adau Inges Elope akitoodiun ikwapei Ekalakunan, abu itunganan tocakar ka abu Inges tolaku ikes. Adau Inges akitoodiun Akuwanakeng Aelope ikwapei Eketangalen. Nyitiyau adio tiakatait ngina egelaana adiobore ngini irworosi ngitunga ebe erai Inges; ka erai Inges, edio pite dadang, erai jik ngolopei ngol. Erai Inges Eketangalen, erai Inges Ekalakunan, erai Inges Akuj, erai Inges ngolo Ruba. Ka adau Inges alosit. Ka alosikinet Keng inges dang, alotoma Akisyakinet, asubun ngisubuna ngulu epote aminakin Inges ka tokukonokinosi Inges.Ka abu Inges tosub ngisubuna, ka apotu ngisubuna kibusokinos. Ka ido nait Akuj, alotoma ayiakau Keng, abu kingoliu kwap alotoma alosit ngna ka apaki ka abu kingolik ngitunganan dadang ngini epedorio alakun. Nginitunganan dadang abu Inges toyenunite ngun alotoma kolong sek. Anguna a ngun ani erai Inges, kan ayenut sek, ayeni ngae epedorio alakun ka ngae emam nyelakunio, apedorit Inges aseun. Aso, akirot emam nyerai akirot ngina aronon ekau a ngun dadang, erai ikes ngun? apedorit Inges aseun, naarai ayeni Inges ngae epedorio ka ngae emam nyiteyiario. Anguna a ngun, ikotere epedorio ariamun ngulu epedorio, arai Inges alemun amuronot ikotere ngasecisya kec. Okoe, ani erai ikipedori iwon, ikicamit ariamun ngun, erai ca ngingaata ngikudo alokwap. Abu Inges itoseu iwon neni ka Akiyiar ngina emam Nyedaun, toyeni ebe ngul ngulu epedorete akiwuakin nginibore dadang nawae, ka emam ationis a ediopite alotoma atiakatiak apedori akingoliya kingaren lodwe ngulu ka akwap, emam pa apedori araun idiobore anenikec, naarai erai ikes ngidwe ngulu ka Akuj.
Ka abu Inges tonyarau ikes. Ka abu Inges kiyakiu Yesu, ido ikotere Ngaokot Keng epedorete araun amuronot, Ngaokot nguna ka amuronot, alemun amuronot, kori acamunio kori akilotario. Erot ngolo ka akilotario alotoma akiyapara ...Meere ca apei paki alotoma apei kisikuruno, nai, “akiyiar ngina ngikaru ngikaru, alemun akisiriorunet,” ebe Ngikristo erai ngulu idaritai esegak apaaran ka akuwar. Eyiakasi Ngokot nguna Yesu Kristo nguna adaut ayaun acamunet alomusalaba kama, alotoma... alotoma Kingaren ngina ka Akuj, nguna apotu ikilotasi iwon alotoma akiyapara, apaaran ka akuwar, alotoma asecit dadang. Ka ikidupakina iwon toma naiwuar. Ikidupakina iwon toma alopite ka ali? Kan Ekuwuam Ngoloakuangan, toma Nakuwan ngina ke Ekapolon a Yesu, ka ikiuna. “Inges ngini iirani Ngakiro Kang ka tonup neni Keng ngolo ekeyakiuni Ayong, eyiakar Akiyiar ngina emam nyedaun ka emam nyebuni toma lotube, nai adau alunyar alotoma natwanare toma Nakiyiar.” Emam nabo etube! Emam nyelosete Ngikristo neni ke etube. Abu Kristo tolot nguna keng. Abu Ekatubon kang towua alotoma nakibois kang. Abu Inges kilip nguna ka ationis kang, ebe arai Ayong ngolo abangaana. Abu Inges tolimok Papa ebe amam pa etemokino Ayong, ebe abangaana Ayong. Nai abu Inges atominak Ayong ka abu Inges towuaik akibois kang, ka kimaima nguna ka ationis kang, ka ameun nakuwarina arai ayong ngolo alacakina! Ee, kire jik. Ka abu Inges tobuko Ngaokot Keng, ayaun erai ainakinet kama nguna ngasecisya yok.
-----
Ido nait akitaraunio, akiwuakin. Nai tokona, erai Akuj ngolo itiyai nu aneni ke etic. Ka tokona ani erai kapedori ayong ayau nu nenikus, ido nait ikiponi iwon ageikin tokona lucici 5, acamit ayong asomakin ngun.
Abu itoseu iwon kolongo sek akitaraun ngidwe anenikeng anguna a Yesu Kristo, ikwanginapei kitojokia akecamit,
Erai alakara ka Akuj akitiya acamit Keng, akitaraun, akiwuakin. Nai tokona nyo bo itiyiai Inges? akiwuakin Ekanisa Keng. Ngina esiaunan, enyarit Inges ekanisa Keng, Methodist, Presbyterian, Lutheran, Baptist, enyarit ikes. Ido nait ibore ngini itiyiai Inges? akiyiakiun Ekuwuam Ngoloakuangan ka inak ikes ebatisimu ngolo Ekuwuam Ngoloakuangan.Akacamit Ayong iyes ngitunga ngulu Pentekoste tolemasi nugu alotoma lotai kus. Pentekoste emam nyerai edin; erai Pentekoste aosou. Erai Ekuwuam Ngoloakuangan. Emam nyerai arioget. Emam nyipedorete iyes akiwuakin Ekuwuam Ngoloakuangan toma narioget. Emam nyebuni Inges akiwua ikotere ngun. nai tokona iyiakaunotor iyes arioget ngina inyarito iyes ngun, nai elosi Ekuwuam Ngoloakuangan kire jik kinga ka ikiesikini iyes iboiete kire jik aneni iyiakasi iyes, ka torumak elosi kingaren. Ianyua? Emam nyerai Pentekoste arioget; erai Pentekoste ayenut.
-----
Nai tokona akiwuakin lokoku. Ibore ngini esiaunan ekau kiwuakin lokoku toma abu inges torau lokoku, ido nait ikiriamuni iwon ebe ngipitecsio ken erai ibore ngini abu kiwuaki inges araun, keraidang kitiyiai inges ejok kori mam.
Ka erai pentekoste... Nai tokona kimiek ayong eketoodik iyes ene emam nyerai Pentekosete edin. Ngiae ngitunga Baptist ngulu eyiakasi nege, ngulu ariamut Ekuwuam Ngoloakuangan, kimiekis ngingolikiniai ngakan kus. Ianyua? Ngiae ngitunga a Methodist ngulu eyiakasi toma nege ngulu ariamut Ekuwuam Ngoloakuangan, kikiyaasi ngkanaikus kidiama. Ngiai ngulu a Nasarenes toma nege ngulu ariamut Ekuwuam Ngoloakuangan? Kikiyaasi ngakan kus kidiama. Ngulu Presbyteriana, ngulu ariamut Ekuwuam Ngoloakunagna. Ianyua? Ngulu a Lutheran. Ka ngidinio nguluce, ngulu emam nyyiakasi toma Pentekoste jik, ngulu eyiakasi ngice dinio, ngulu ariamut Ekuwuam Ngoloakuangan, kimiekis kingolikinai ngkanikus. Ianyua? Aso nait Pentekoste meere edin, erai ayenut kori aosou.Nai tokona, abu Akuj kiyia iyong toma Nakuwan ngina Kristo (Nai tokona nyo bo itiyiai Inges?) ekau kidau iyong akisuuda akuwanakon kitokuangu akuwanakon kaapei ka ngipitesicio kon ngulu ajokak, akiyapara neni ke Ekuwuam Ngoloakuangan, emam nyekacitai ibore ngini irworo akwap.
-----
Irubakinito iyes isitiyaete ekiro ngol “Papa, Lokoku ka Ekuwuam Ngoloakuangan” akibatisa ido bo tomame idiotunganan ipei ngini irworit Akigiriet nguna a ngun alotoma Ebaibul. Acamit ayong ebishok kori idiotunganan eketoodik ayong neni eyiai alotoma Ebaibul idiotunganan ngini aponi kibatisae alotoma ekiro ngolo “Papa, Lokoku, Ekuwuam Ngoloakuangan.” Acamit ayong idiotunganan eketoodik ayong ngini ibatisatai edio rot pa erai Alokiro ngolo a Yesu. Nai emam pa ebatisae Yokona, ebatisaete ikes tonupito ebe ebunit Inges, nai emam pa ayenete ikes ngae Inges. nai atipei iikwapei amisiunita ikes ngun, arai ikes abongun kibatisae nabo alotoma Ekiro ngolo Yesu Kristo. acamit ayong idiotungana ...engitak Ayong Atukot ngina ka Akuj, ngikalimonkinak nguluce, Baptist, Presbyterian, ka nginibore dadang, emam nyepona topedosi akirworo nguna ikamunit ngun. acamit ayong akingolikin Akigiret.Ka ido nait arai Ayong “ngolo arakana,” utukuti, nait arai ayong “ngolo ekekamunito ngikerep,” ngolo amamu alotoma natameta kang, arai ayong “itunganan ngini ekebangibangit,” erai ca naarai ekatakinit ayong alimokin iyes Akiyookino? Nai tokona, erai nguna nguna ka akiyapara, ngikaitotoi. Ani erai kegelar itunganan nguna ka Akuj, ingela iyong arucokina, akorakinet, ka iborosit. Eponio akiwuakin iyong nawae,irai iyong -irai iyong isubuna ngini igelaana.
Elalak ngulu enyaraunitai, ekudo ngulu eseunitai. Ee, ngitunga ngulu alalak enyaraunitai, iriamunit iyong anyaritono alotoma lotau kon, “Ee, anupit ayong akamina Akuj ayong. Anupit ayong itiyiai Inges ngun.”
Nai, lokaato ngun ibuni iyong alosit acakar nooi ikwapei nguluce kec, naarai epote ikes akolongit ngin, etemarete tari dang “Ekapolon, ikiritarit ngikerpe Alokirot kon. Etiyat ayong idiobore dadang alotoma Ekiro Kon. Ayiakatar ayong akijanakin ngina ka akitangale. Alimonikintor Ayong Eemut ngolo ajokan. Eritaritor ayong ngikerep.”
Ka tema Yesu ebe, “Tonyutu anege, emam nyakayeni ayong iyes, ngikangisoswsae. Erai bon inges ngini itiyiai acamit ngina Papa Kang!” kaanukiro pa epedorito ngitunga akingolikin ngun? nai tokona ayeni Ayong ngun nguna elemari. Ka emam nyalosikinit ayong ngun awania, emam nyalosikinit ayong ngun arot a ngol.Etakani anenikang ikwan ebe ikiyia iwon toma napaki ngina ka awasia, ka Akuj itarauni, esipokinit toma lokanisa itemokino, toma Nakuwan ngina Kristo, Inges. nai tokona, emam nyelosi ayiakaun ngulu alalak iwuakinit Inges toma nen, alosi ayong alimokin iyes ngun ka ageikinia. Ibasi iyes ebe, “Okoe, ejok, elosi ayiakaun ekimar ngolo apolon!” nai ayiakar Inges ngikaru ngabuge ngakanikapei akiriun ikes kinga, dang. Totamunito, abu ayiarun ka ikikoporio iwon kidiama kaapei ka ikes. Jik ngikudon kec, ianyua... tosak akiteyiario kon, atipei. Toripikin iyong elope bon ka kingolik ibore ngini erono. Ianyua? Iayua jik -nyo jik erai ationis. Ayeni ayong erai ngun -nguna etioko, nai, lokaato, erai Akiyookino. Erai Akiyookino ngin ka Akuj. Akitaraunio!
-----
Akitaraunio, akiwuakinio nakibois! Neni eyiakasi ikes? Kitoodikinai ayong neni eyiakasi ikes. Enyarit Akuj ngidwe Keng nawae kan akitoodiunia. Emam nyebeit ikes akirworo adio kirot ngina ikamunit ngun, ingolikini iyong idiobore itiyakin. Iwuakinit jik Inges lokoku Keng, eyauni inges toma nakinapet kire jik kaapei ka ngiboro ngulupei ngul. Inges -eyiai inges toma napedor ngina alalan, erai ngakiro keng nguna ejokak ikwapei nguna ke Emalaikan ngolo Apolon, ejokak, aponi lokoku kitaraunai, kiwuakinai nakibois ngina apolon, kisiboikinos toma ama, kilocokinoi nganapito keng, ngilocokinoi eyiakae keng. Ayiakar papa ngasubuna, tema ebe, “erai lo lokoku kang, ameun tokona erai inges ekapolon. Erai inges ekepukan. Erai inges ngolo ipukat ngiboro kang dadang. Dadang ngulu ayiakar ayong erai ngulu keng.” Iyookino ngun. nait ikiponi iwon alosit neni lopite ngolopei ngol, Elai, Elai, Eloim, Eloim, ianyua, neni erakar Inges ngolo eyiai. Ka ido nait tobonguk nabo alotoma Yeoba Ngolo asubunit nginibore dadang, abu Inges inak itunganan apolou akipuka akwap.Tosiomete alo akirot...
Akitaraunio #3.
