Iseleereunio Akuj ŋidwe keŋ.
<< prev
next >>
Akitaraunio #2.
William Branham.Tosiomete alo akirot...
Akitaraunio #2.Enupita iwon-a? Emam nyayeni ayong ibore ngini apedori Ayong akitiya kerai nyarai ayong Ekristoit. Emam nyacamit Ayong akiboi adio awoyiau. Emam idiobore ngini iyare, erai bon ariamun nguluce toyiun, erai nguna ajokak ngun ayeni Ayong ikes ngun. Nai tokona, nakuwarina ikicamit iwon ageikin iwadio cici akibosi ngina ka akimor yok ngina alunyar. Ka abuni ayong akikatakin akisom, naarai, ekek dadang, erai kapedori Ayong nakuwarina. Aso Losabit nataparacu abuni ayong ayiakaunor angayeni kerai akijukar toma Losabit taparacu ka nakuwarie dadang. Ani erai akiyookino a ngun dadang, akikatakin ariamun alotoma akitemokino na ngina ibore ngini acamit Ayong ekanisa kingolik. Okoe, erai ibore ngini ajokan ariamun iyong akiwuaetait kon! Ka emam itunganan epedori akitiya idiobore mati bon iyeni iyong ejok ibore ngini itiyiai iyong.
Ani bo kerai tolosi iyong acilio ka eyiai ne edokito ngolo sorokit ngolo aroko ebuni alosukul ebe emam inges ...emam nyeyengitere inges nginapei jik. Nai arai inges ngolo asorokana ka ebus, ka ngitiim keng ekeraritai ejok, ka anapit inges ejok noi, itemokino ka nginibore dadang. Ka tema inges ebe, “Adau ayong akipianar ngilegenga, ka elota ayong ngiboro luyeget dadang ka ngiboro.” Nai iyiakar iyong akipup ngina edit ngina ikamunit ngun. emaikina ayong aatoyiakaunor edokito ngolo polok ngolo sek itorit toma nakiyeng ngapakio nguna alalak eroko, eroko ayong nyetube. Ayong -acamit ayong atoyenu idiotungnan meere ca ngini aroko lomuni alosukul, acamit ayong idiotunganan ngini eyiakar kaapei ka ayenut kori aosou. Ka Ngolo ka ayenut ngina ajokan ngolo ayeni Ayong, ka ngolo anyarare nakuwarina, erai Ekuwuam Ngoloakuangan. Erai Inges Edokito ka Akuj ngolo Apolon ka Eketatamaan ngolo apolon.
-----
Nai tokona, nakuwarina, erai Akigiret yok ngin etiakak ...Ekitaabo ngolo Ngiepesoi, erai Ekitaabo ngolo Yosua ngina ka Akitutuket ngina Kitete. Erai ngina etiakak ka tosipokinite toma nakinapeta “ngulu ngikelounak.” Nai tokona, erai ca abokun alotoma ngadakikae ngakudo, alosit nakibois eroko iwon nyegeikina akisom, ageikin kaapei lucicik 3. Nai tokona, ikiriamu iwon Esabit nolo bien nakuware ebe.... Akuj alotoma Akitutuket ngina Mojong abu kiikinite Isirael akwap ngina ka akiikinet akiyengunia, naarai apotu ikes toraut ngikalotok ka ngikawutok. Ka ayiakasi ikes nakwap ngina pa arai nginakec, ka asir Akuj ekiik alotoma Aburaam ebe ebuni inges alosit ...ngiletok keng epote alosit adiokiding ngikaru ngamiae ngomwon toma lotunga ngulu egelaaka, ka eponio akirum ikes erono, nai kan akan ngina etiron epedori Inges ayaun ikes alotoma toma nakwap ngina ajokan ngina elelete ngakile kaapei ka ao.Ka, nai tokona, ngina adolunio apaki ka ayapunia apaki ngina ka akiikinet, abu Akuj kitonyu idiotunganan ayaun ikes neni ka akwap a ngin. Ngiaai alotom nakilas nakuwarina arai ngae ngol ...ngae eyeni arai ngol ngae? Moses. Tocoik,ekabila kire jik Epei yok ngolo ikinakina iwon akiya iwon neni ka Akwap ngina ka akiikinet, Kristo. nai tokona ikiyiakar iwon akiikinet,' naarai akiikinet yok erai Akiyegun alokuwuam, ai, nakec arai akiyegun alotoma akuwan. Ka aso aponito ikes nakwap ngina epedorito ikes atemar ebe, “Erai na akosi kwap, ka nege ikiyakaunor iwon akiyegun. Ejok ikitae isua ngikinyom kosi, ngikitoi kosi, ka ikiponi isua akinyam alotoma lopiini kosi. Ka nait ngina ikitwakia isua, ikiponi aesikin ngun aneni ngikosidwe.”
-----
Nai tokona, anacamunet. Nait iyenu iyong Moses, eketiyan ngakujuanisa nguna eumokina ngolo abu yau Isirael toma nakwap, ka abu yau ikes neni ka akwap ngina ka akiikinet, nai emam nyebuno kiwuak akirum kec nenikec? Emam nyebuno inges inak ikes akirum kec; abu inges toriko ikes neni ka akwap, nai Yosua abu tokorak akwap neni ngitunga. Erai ngun nguna Iyookino? Ka Kristo abu yau Ekanisa paka neni ka akibois neni eyia akirum kec ngina aponi inakinai nenikec, aponi inakinai ikes, erai ca akitub Yordan, nai Ekuwuam Ngoloakuangan erai Inges Ngolo esipokini Ekanis tomaa nakitapeta. Yosua ngolo akuwarina iwuakini Ekanisa toma nakitapeta keng, ainakin neni nginitunganan, ngainnakineta, akiwuakinm nakibois. Ka erai Inges Etoil ngolo ka Akuj irworo alotoma etunganan ngolo alotoma ngin adau Kristo alakun, Ekuwuam Ngoloakuangan. Nai tokona iriamut iyes nguna alalak keng? Nai tokona ikilosi iwon neni ka Ekitaabo ngolo Ngiepesoi. Tokona, erot ngolopei ngol, eyiai Inges kire jik asipokin Ekanisa nakibois neni emaikina ikes toyiakas. Nai tokona, Yosua abu kiwuak ikes toma nakwap ngina ka akwap. Nai tokona Ekuwuam Ngoloakuangan ewuakinit Ekanisa, nakibois, toma nakwap, ngina ainkin ikes ngina emaikina ikes kiboioto, akirum kec.Nai tokona, ibore ngini esiaunan ngini abu inges togeikinia anege, abu inges iya baruwa keng, “Paulo,...” ngina, ikilosi iwon ariamun alotoma kedaun apaki ngina esileereunere akimunono na dadang nenikeng, meere alotoma nasomit ngina ka akwap, meere kan edio siologi, nai arai apukokinio ngin ka Akujuanut ngina Ekuwuam Ngoloakuangan ngolo abu Akuj inak Paulo.akiyen ebe akimunono ngina ka Akuj, abu inges tema ebe, ngina ewuitai ameun apetetait ngina ka akwap, adaun akisleereun nenikeng kan Ekuwuam Ngoloakuangan. Ka Ekuwuam aneningituna ayiai esipokinit nginitunganan dadang toma nakinapet, asipokin Ekanisa toma nakibois.
-----
Nai itunganan ngini eyiai kinga Kanaan emam nyeyeni idiobore ngini ikamunit ngun, eroko inges elosi. Emam nyabala ebe emam nyerai inges itunganan ngini ajokan, emam nyabala ayong nen. Emam nyebala Ayong ebe itunganan ngini eyiai toma Ijipit ebe meere itunganan ngini ajokan, nai inges ...erai pakamati kebu inges toma nakikamar na. Ka akikamar, ngun, akiikinet ngina aponi inakinai neni ke Ekanisa emam nyerai nguu ka akwap, nai akwap ngina ke ekuwuam, naarai ikirai iwon ekal ngolo ka apaderaunit, ebuku ngolo akuangan. Nait alotoma ekal ngolo ka apaderanut lo, ebuku ngolo akuangan, ngitunga ngulu egelaaka, ngulu enyaraunitai kinga, ngulu eseunitai,eseuna, ikwakinitai nawae, nait akwap dadang erai ngin etwanit alokinga. Ka ikirikit iwon Ekuwuam. Atalokoku ka atanakoku ka Akuj erai ngulu erikit Ekuwuam ka Akuj; meere kan itunganan, nai kan Ekuwuam.-----
Ngisubuna dadang idarito noi kaapei ka apukokinio. Ianyua, akitoodiunio! Nyo bo erai akitoodiunio? Akiteyenun!
Akwap dadang. Ngulu Amammed dang alotoma kama, eyiakasi idarito ngun. alotoma dadang, adiokiding dadang, esakete ikes ngun. “ai eyiakasi ngitunga lugu?” ikiyiakar iwon ....ikiyiakar iwon ekuwuam ngolo etiron ngolo ekusi, ikiyiakar iwon ngakirokineta ka akimilia, ikiyiakar iwon akimet ka ngaokot, ikiyiakar iwon ekabila ngolo ngiboro dadang, nai emam nyepona iwon eirari Etoil ngolo doci ngol ngolo abu kikamu ekaduaran ngolo abu toruak eloui toma keng ka atolot, temasi ebe, “Ayiai Ayong nege, Ekapolon.” Ianyua?-----
Ngina ikiyiakar iwon toma Kristo, ikiyiakar iwon ngaarerengiso nguna ke etau. Kinga ngina Kristo, ikiyiakar iwon akipup. Alotoma Kristo ikiyiakar iwon arerengu ngina ajokan. Meere asoswanut, meere amodiyo, meere akinap. Nai bon bon ca ngina ikatakinia iyong alimun ebe iyiai iyong toma Nakwap ngina ka akiikinet, ka ido tomama nyiyiai, ngasecisa kon epote alemar iyong kinga. Ka, ibore ngini esiaunana ngini iyeni iyong, iriamuni iyong akiyiar kon eyiakar arikitono ngina ka awoliyor ka -ka dadang, ikwapei ikinyaritor iwon ngun alotoma nakwap, gaumed kidiama. Ibuni iyong ariamun ebe ibore ngini irworo iyong. Nai ngina iyiakar iyong toma Kristo Yesu, abu Inges ikiik iyong akibois ngina Anakuj, ngererengiso nguna Anakuj, Ekuwuan ngolo Anakuj, nginibore dadang erai ngini kon. Iyiai iyong toma Nakwap ngina ka akiikinet ka toma nakirum ngina ileleb ngina nginibore dadang. Amen. Epite ngolo ebusia! Okoe, atosom iwon ngun: Ikwanginpei ikiseunia inges iwon...
Nai tokona, nege erai inges neni ebusokinor ekanisa nooi.
Ikwanginapei ikiseunia inges iwon ...alotoma Ngae? Kristo.-----
Nai tokona, akuwar ya, kori ataparacu ya, alotoma epei saa, ngina ebunio Ekuwuam Ngolokuangan, kan ajokis Keng ka Ajokis keng, ebuni akiya ayong alotoma akuwan na, anupit Ayong, anupit Ayong. Ee kori mam, emam nyabala ayong ebe, ka atoloma toma Nakwap ka engolik ngitunga ngul, ka arai ikes dadang ngulu asorokaka. Ka abu ayong engolik ngitunga ngulu abusika ngulu nyengolikinitor Ayong alotoma akakiyiar. Ka abu Inges tem nenikng ebe, “Ngice kec arai ngikaru ngatomonikomwon. Erai ikes ngilakuna kon. Mam aumokin apotu ikes tocalakis, 'Lokaato kang! Lokaato kang!'”-----
Lopite aliikiriamunia iwon nu? Lopite ali iyenunia iwon ngun? Akuj eroko tar nyitiyauna akwap, abu itoseu iwon! Ngae? Ikes ngulu eyiakasi toma Nakwap ngina ka akiikinet. ...abu itoseu iwon kolong sek araun ngidwe nguna Yesu Kristo ...ikwanginapei kitojokia akecamit, Tosodi kituroi asir ngina ka akejokis... Ikotere iwon ikipedori akiturut Inges ikwapei alimunio Inges. erai ibore ngini ikoni Inges ngin, Akuj. Ikicamit iwon akitourit Inges. Tosodi kituoi asir ngina ka akejokis, ngina ikiinakini inges iwon ikongin alotoma ngolominat. (Alotoma Kristo ikicamun iwon.) Alotomakeng eyiai iwon alakunioyok anguna a ngaokot ka akisionio ngina n -g -a -s -e -c -i -s -i -a...Emaikina ayong atolot neni ka akitaraunio, nai acamit Ayong apalikin “ngasecisia” anege adakika. “Ngasecisa,” iyenuntor iyong ngun? iyeni iyong ebe emam nyetubokini Akuj ekasecan nguna ka asecit? Etubokini Inges ingeds nguna ka arakau ekasecan. Ani erai kemasi ekasecan ecigiara, emam nyetubokini Inges inges nguna a ngun; erai inges ekasecan, ediopite dadang. Ianyua? Ianyua? Emamukar inges ngadio secisia, emam nyecamit ekacesan. Erai ca inges ekasecan. Nai iyiakar iyong asecit, iyong ngolo irai Ekristoit. Ianyuni iyong anege irworo inges neni ke Ekanisa. Akidar inges ejok. Ingolikia? Ianyua? “akisionio ngina ngasecisia,” n -g -a -s -e -c -i -s -i -a. ikisese iwon asecit. Nai ekasecan erai ca inges ekasecan, emam nyisioni Akuj inges.
-----
Aso, “ngasecisa,” n -g -a -s -e -c -i -s -i -a, esionikin ngayokosecisia alotoma Keng (inyona) Ngaokot, Ngaokot nguna ajokak. ...ikwapei iyiakar abaru ngina ka akejokis ... Lopite ali ikiriamunia iwon ngun? naarai ikitemokino iwon, ipotu iwon etiyata idiobore ikotere ayiakaunor ngasecisa yok isionio? Erai Inges nyo? ....ajokis; Okoe, ekang! Emam idiobore ayiai nakanikan ngini ayauni Ayong, Ekapolon. Emam idiobore apedori Ayong akitiya, emame idiobore ngini apedori ayong akitiya. Kingolik! Abu Inges atoseu ayong, abu Inges atoseu ayong. Emam pa aseuni ayong Inges. abu Inges atoseu ayong, abu Inges itoseu iyong, abu Inges itoseu iwon dadang. Emam pa ikiseuni iwon Inges. ebala Yesu ebe, “Emam pa ikiseunete iyes Ayong, akaseuni Ayong iyes.” Tema Inges ebe, “Emam itunganan epedori abunore neni Kang mati kiriu Papakang Inges mono, ka dadang ngulu akainak Ayong epote neni Kang. Ka emam ikes ipei dang ngini awolio, mait bon lokoku ngolo aronis, akitodolikin Akigiret.” Ingolikis iyes? Tema ebe, “Nai dadang ngulu akainaki Papa Ayong epote neni Kang.”-----
Nyo bo itiyiai akirot “kolongsek” apolou keng ka akirot ebe “kolongsek”? erai atemar ebe idiobore ngini ikiponia iwon, kolongsek. “Alosi ayong toma eitanit. Alosi ayong toma lokicolong.” Umes, iirar iyong ngun? “Alosi ayong neni ka epamu.” Nai tokona, abu Inges itoseu iwon kolongsek araun ngidwe anenikeng nguna a Yesu Kristo, ikwanginapei ikitojokia akecamit, Etia ai alakara? Alakara ngae inges, ajokis ngae? Nginakeng aelop. Akiecamit Aelope nguna ka akiecamit Aelope.Nai tokona, erai nyo bo “akitaraunio ngidwe”? nai tokona kimiek ayong ayau nu tokona, emam nyayeni ayong keraidang ....amamukar ayong apaki akitorio toma nugu, nai adoet ayong neni ngun. nait ani erai keyiai akingiset, ikingisete iyes ayong ekau aneni ka acepaki alotoma eemut, idiobore. Kiirasi. Akitarunio kus ngidwe emam nyerai akidounio kus. Akitaraunio kus ngidwe erai kiwuakinio nakibois kus. Ngina ikidounere iyong ngina a ngarei, Yokona 1:17, anupit Ayong, ngina ikidounere iwon ka Ekuwuam ka Akuj, ikirai iwon ngidwe ka Akuj. Nai ikiseunitai iwon. Nai tokona anege eyiai ibore ngini ekatakinit ayong ariamun angunakus, naarai ngidwe ngulu ka apaki ngina ka awasia, ingolikis iyees dang ...ianyua? Ikiseunitai iwon (kolongsek) tooma nakitaraunio ngidwe.
Nai tokona, tokona ikiya iwon nege. Nai tokona, erai na ibore akou Pentekoste. Ebasi ikes ebe, “Ekedoun Ayong ngina ngarei! Kipuroi Ekapolon, ariamu Ekuwuam Ngoloakuangan!” ejok. Irai iyong ikoku ka Akuj. Iyookino ngun. nai eroko ngun ibore ngini erworo ayong. Ianyu, ikiseunitai iyong kolongsek araun. Akitarauni, erai lokoku ngolo iwuakinitai.
Ianyua, ikoku. Ngiaai eyenete ngikisla ngulu ka akitarauni alotoma Akitutuket ngina Mojong? Naarai ingolikinitor iyes. Aponi kidounoi ikoku. Anupit Ayong ariamun ayong ngun alotoma adio limonokin. Nyo bon gin, Ngaokot ekile, itamunito iyes? Eyiakasi ngun nakompakit. Okoe, arai nyo bon gin? Ayong -Ayong -Ayong -adau Ayong akikamun ngun. okoe, ee, ariamu ayong ngun, Kiirasi Iyes Inges. Kiirasi Iyes Inges; akitarunio ngidwe.
Nai tokona, alotoma Akitutuket ngina Mojong, ngina -ngina idounere ikoku toma lokal, arai inges ikoku ngina edounere inges, naarai edounete inges ngikaurunak keng, erai inges lokoku ngolo ke ekal ka ekruman ngolo ngiboro dadang. Nai tokona, nai lokoku lo aponi kitopolounoi alotoma ngiketatamak. Ngigalatina, ekek 5, 17 paka 25 lucicik. Iyookino dadang. Ipolounio inges aneni ngiketatamak, ngiketopolouno, ngiketatamak.
-----
Neni iyiai iyong nen, Alomar toma Nakwap ngina ka akikonget. Lopite ikimaria iwon toma keng? Ikiseunitai iwon tomakeng. Ekanisa, alotoma ayenut ngina ka Akuj, adaun aseun (neni a nyo?) neni akerara Keng, kan Akejokis, neni ka apolou, ka akijanakin ka asir ngina ka Akuj. Papa, iboi alotoma anakisyakinet, ngolo eyiai, emam idiobore eyiai idyete Keng, acamit idioboore akijanakin, aso abu Inges toberakina aseunit ka akinyonoyot Ekanisa, ka eroko nyitiyaun akwap, ka abu kiwuak ngirorua kec toma Lokitaabo Imesek ngolo ka Akiyiar, ngina aponiata .. akiaar eroko apetatait ngina ka akwap, ido ikotere ikes epedorete atakanun neni Keng anasir ka anayiakau Keng alotoma apaki ngina ka awasia, ngina ecunakinere ngiboro dadang toma Lotunganan ngolo erai epei ngol, Kristo Yesu.wui! asir! Erai ikes ngun, erai ca ...ka erai ngun nguna akire jik anen, lokaato kang, nakaato. Nyiyoto iyong jik alotoma ngun.Akuj, kan aseunio ngina ka Akejokis, abu itonyarau iyong. Akuj, kaa aseunio ngina ka Akejokis, abu ikitokuanguk iyong. Akuj, kan aseunio ngina ka Akejokis ka APeodirkeng, abu ikibatisa iyong ka ikiwuaik iyong toma nakwap na ngina ka Akiyegun. Ikes ngulu alomasi toma Nakiyegun na adaun akiyagun alotoma akec wolior. Eyegut alotoma loticisio kec ikwapei etiyia Akuj alotoma ngulu Keng. Eyiakatatar ikes alelina ngina emam nyiepedorio alimun, ka ileleba ka asir! Ekitoi ngolo ka Akiyiar eleleunit toma kec. Edaut ikes atitinyikin, akiyapara, arimarit, ajokis, atitinyiu ayau anupit, anupit, akiyapara, atitinyikin ka ngace dang. Ekitoi ngolo ka Akiyiar eleleunit toma kec naarai atametait kec erai ngina eyiai toma Kristo, esuuda ngolo a Ekuwuam Ngoloakuangan itlomunit esuuda kaapei ka ngakitaanyunet ka ngaumokineta etupakinito ngikanupak. “Ngakitaanyuneta nugu etuakinete ngikanup.” Ikwapei ilosito ikes, etangalete ikes ngikadiakak, iritarete ikes ngikerep, epote ikes akirworo kaapei ka ngangajepa, epote ikes akingolianakin ngakitapoeta. Ikes... ka elosete ikes kaapei ka Akuj, iroworosi ikes kaapei ka Akuj. Mam satan epedorete akiloto ikes, erai ikes ngulu ewuasi, itete ngun.... Emuriakasi ngiboro ngul alunyarosi, elosete ikes kingaren nariamun ngina ka anyaritoi alotoma Kristo Yesu. Neni eyiakasi ikes nen. Eyiakasi ikes nen. Erai ngol Ekanisa.
Tosiomete alo akirot...
Akitaraunio #2.
